རྒྱ་ནག་གཞུང་གིས་གཞོན་སྐྱེས་གཞས་པ་སངས་ཚེ་རིང་ལགས་ཀྱིས་གསར་དུ་འགྲེམས་སྤེལ་བྱས་པའི་འོད་སྡེར་ ༼ཞི་བདེའི་ཕུག་རོན༽ ཞེས་པའི་ནང་ཆབ་སྲིད་དང་འབྲེལ་བའི་གནད་དོན་ཡོད་སྐོར་བརྗོད་དེ། ཁོང་འཛིན་བཟུང་བྱ་རྒྱུའི་བཀའ་རྒྱ་དང་འོད་སྡེར་ཕྱིར་བསྡུ་བྱས་འདུག
ལོ་འདི་འགར་རྒྱ་གཞུང་གིས་རྡུང་བརྡེག་ཚ་ནན་ཟེར་བའི་བྱ་འགུལ་དེའི་ཁ་ཕྱོགས་རྩོམ་པ་པོ་དང་གཞས་པ། སྒྱུ་རྩལ་པ། སློབ་ཕྲུག་དང་དགེ་རྒན་བཅས་ཀྱི་སྟེང་ལ་ཁ་བསྒྱུར་བྱས་ཡོད་པ་ལྟར། ཉེ་ཆར་རྒྱ་ནག་གཞུང་གིས་ལྷ་སའི་ཉེ་འགྲམ་གྱི་སྟོད་ལུང་བདེ་ཆེན་རྫོང་ནས་པའི་གཞོན་སྐྱེས་གཞས་པ་སངས་ལགས་ལ། རྒྱ་ནག་གཞུང་གིས་ཁོང་གི་གསར་དུ་འགྲེམས་སྤེལ་བྱས་པའི་འོད་སྡེར་ ༼ཞི་བདེའི་ཕུག་རོན༽ ཞེས་པའི་ནང་༸གོང་ས་མཆོག་ལ་བསྟོད་གླུ་དང་། བོད་མི་རིགས་ཀྱི་ལ་རྒྱ་དང་འབྲེལ་བའི་གླུ་གཞས་སོགས་ཆབ་སྲིད་ཀྱི་གནད་དོན་ཡོད་པའི་ཉེས་མིང་བཀལ་ཏེ། ཁོང་འཛིན་བཟུང་བཀའ་རྒྱ་བཏང་ཡོད་པ་མ་ཟད། ཁོང་གི་འོད་སྡེར་གསར་བ་དེ་ཡང་འགྲེམས་སྤེལ་བྱས་རྗེས་ཀྱི་ཉིན་གཉིས་པ་ནས་སླར་ཡང་བཀག་འགོག་བྱས་ཡོད་འདུག ད་སྔ་རྒྱ་ནག་གཞུང་གིས་ཁོང་འཛིན་བཟུང་བྱེད་ཐུབ་མེད་ན་ཡང་། ས་གནས་ཉེན་རྟོགས་པས་ཁོང་དང་འབྲེལ་བ་ཡོད་མཁན་དག་གི་སར་བརྩད་གཅོད་བྱེད་ཀྱིན་ཡོད་འདུག རྒྱ་གཞུང་གིས་ཁོང་འཛིན་བཟུང་བྱ་འཆར་ཡོད་པའི་གནས་ཚུལ་དེ་བྱུང་བའི་རྗེས་ལ། ཁོང་གི་ནང་མིས་ཁོང་གར་ཡོད་ཅི་བྱུང་གི་གནས་ཚུལ་གཅིག་ཀྱང་ཤེས་རྟོགས་ཐུབ་མེད་སྟབས། ཕ་མ་གཉེན་ཉེ་དག་གིས་སེམས་འཁུར་བྱེད་ཀྱིན་ཡོད་ཚུལ་ས་གནས་འབྲེལ་ཡོད་མི་སྣ་ཞིག་གིས་བརྗོད་ཡོད།
རང་ལོ་ ༢༡ ཡིན་པའི་གཞས་པ་སངས་ཚེ་རིང་ལགས་ནི། ལྷ་སའི་ཉེ་འགྲམ་གྱི་སྟོད་ལུང་བདེ་ཆེན་ཞང་གནས་ཆུང་གྲོང་ཚོའི་རུ་ཁག་གསུམ་པའི་ཕ་ཟླ་བ་ཚེ་རིང་དང་མ་སྒྲོལ་དཀར་གཉིས་ཀྱི་བུ་ཡིན་འདུག
གསར་འགོད་པ། དོན་གོ
ངོ་མ་བུ་རྒོད་པོ་ཁྱེད་འདྲ་བ་ངེད་ཚོའི་གླིང་འདིར་དཀོན་གི་ཡ། གང་ལྟར་ཁྱེད་ཀླ་ཀློའི་ལག་འོག་ཏུ་མི་ཚུད་རྒྱུར་བླ་མ་ཡི་དམ་དཀོན་མཆོག་གསུམ་ལ་སྨོན་ལམ་ཞུ། །
ལོ་ན་ཆུང་ཡང་སེམས་ཤུག་ཆེ་བའི་གངས་ལྗོངས་ཀྱི་དཔའ་རྒོད།
ཕ་རྒན་པོ་དག་གི་ཤན་མ་ཞུགས་པས་ཕོ་རྒོད་པོ་འདིའི་སྙིང་སྟོབས་དང་རྒྱལ་ཞེན་དེས།མགོ་བདེ་ལྕེ་བདེ་ཚོའི་གདོང་ལ་ཆུ་ཁོལ་ཞིག་བླུག་སོང་།
ཁོང་ལོ་ན་ཆུང་ཡང་སྙིང་སྟོབས་ཆེ་ལ་བོད་མི་རིགས་ལ་ལྷག་བསམ་དཀར་བ་སྤྱི་འཐུས་ལས་ཀྱང་བཟང་།
ལོ་ན་ཆུང་ཡང་ཆབ་སྲིད་ཀྱི་གོ་རྟོགས་བཙན་བྱོལ་ནང་གི་བཀའ་ཁྲི་ལས་ཀྱང་མཐོ་བ།
འདི་ནི་སྐུ་ཞབས་ཞོགས་དུང་ལགས་ཀྱིས་བཤད་པའི་མི་རིགས་ཀྱི་གཉའ་བ་གཅོག་ཅེས་པ་དེ་ཅིའི་མ་ཡིན།