ཉེ་ཆར་རྒྱ་ནག་འཆར་ལྡན་བུ་སྐྱེས་ལས་དོན་ཚན་པའི་འགན་འཁུར་བས་གསལ་བསྒྲགས་ཤིག་སྤེལ་བ་བྷི་བྷི་སི་གསར་ཁང་གིས་གནས་ཚུལ་སྤེལ་བ་ལྟར་ན། ཕྱི་ལོ་ ༢༠༣༣ མཚམས་སུ་རྒྱ་ནག་གི་མི་འབོར་དེ་དུང་ཕྱུར་ ༡༥ རུ་སླེབས་རྒྱུ་ཡིན་པ་དང་། མ་འོངས་པའི་རྒྱ་ནག་གི་མི་འབོར་འཕེལ་ཚད་ཆ་སྙོམས་བྱས་ན། ལོ་རེར་མི་ཁྲི་ ༧༠༠ འཕེལ་རྒྱུ་ཡིན་འདུག རྒྱ་ནག་གི་ངལ་རྩོལ་པའི་གྲངས་འབོར་དེ་ཕྱི་ལོ་ ༢༠༡༦ ལོར་མི་གྲངས་དུང་ཕྱུར་ ༡༠ རུ་འཕེལ་རྒྱུ་ཡིན་ཞིང་། ལོ་ན་ ༦༠ བརྒལ་བའི་བགྲེས་སོང་གི་མི་འབོར་དེ་ཕྱི་ལོ་ ༢༠༤༠ ལོའི་མཇུག་ཏུ་མི་གྲངས་དུང་ཕྱུར་ ༤ རུ་འཕེལ་རྒྱུ་ཡིན་འདུག དེའི་རྐྱེན་གྱིས་འབྱུང་འགྱུར་ལོ་ཤས་ནང་རྒྱ་ནག་ཏུ་ལས་ཀ་དང་རྒས་གསོའི་ཐད་དུ་རྙོག་འཛིང་མང་པོ་ཞིག་ཡོང་རྒྱུ་ཡིན་པའི་ཚོད་དཔག་བྱས་འདུག
གསར་འགོད་པ། དཔལ་ལྡན།
འཛམ་གླིང་ཡུལ་ལུང་ཀུན་ཏུ་འཚེ་མེད་ཞི་བའི་སྐྱེ་སྒོ་སྔོན་འགོག་དར་འགྱུར་ཅིག །