མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

སྔོན་འགྲོའི་འོས་ཤོག་རྣམས་རྩིས་མེད་དུ་འགྲོ་གི་རེད་ཟེར།

བོད་ཀྱི་དུས་བབ།
༢༠༡༠/༡༠/༠༥
Share on FacebookShare on TwitterShare on EmailShare on Whatsapp

 

ད་ལྟ་ངྷ་ས་དབུས་འོས་བསྡུ་ལས་ཁུངས་ཀྱི་ངོས་ནས་བལ་ཡུལ་གཞུང་གིས་འོས་སྒམ་ཕྱིར་རྩིས་སྤྲོད་དང་། ཆོག་མཆན་གནང་སྟེ་བལ་ཡུལ་དུ་སྔོན་འགྲོའི་འོས་བསྡུ་བསྐྱར་དུ་བྱ་ཐུབ་ན་བསམ་བསྡད་ཡོད། གལ་སྲིད་དེ་ལྟར་མ་བྱུང་ན་དངོས་གཞིའི་སྐབས་མ་གཏོགས་སྔོན་འགྲོའི་སྐབས་ཀྱི་འོས་ཤོག་རྣམས་རྩིས་མེད་དུ་འགྲོ་གི་རེད་ཟེར།

ཟླ་འདིའི་ཕྱི་ཚེས་ ༣ ཉིན་གྱི་བཀའ་སྤྱིའི་སྔོན་འགྲོའི་འོས་བསྡུའི་སྐབས་བལ་ཡུལ་གྱི་འཕགས་པ་ཤིང་ཀུན་དང་མཆོད་རྟེན་བྱ་རུང་ཁ་ཤོར་གྱི་ས་གནས་གཉིས་སུ་བལ་ཡུལ་ཉེན་རྟོག་པས་འོས་སྒམ་བཙན་འཕྲོགས་ཀྱིས་ཁྱེར་ཏེ། ད་དུང་ཕྱིར་སྤྲད་མེད་ལ། དེ་རིང་འདི་གའི་གསར་འགོད་པས་དབུས་འོས་བསྡུའི་འགན་འཛིན་ལས་རོགས་རིན་འཛིན་ཆོས་གྲགས་ལགས་སུ་དེའི་སྐོར་བཀའ་འདྲི་ཞུས་པར་ཁོང་གིས། ང་ཚོས་ད་ལྟའི་ཆར་བལ་ཡུལ་ནས་འོས་སྒམ་འཕྲོགས་པའི་ཐད་ས་གནས་ཀྱི་འོས་བསྡུའི་འགན་འཛིན་ལ་ས་གནས་རང་དུ་གང་ཡོང་ཅི་ཡོང་བྱ་རྒྱུར་བསྐུལ་ཡོད་ལ། འདི་ནས་རྒྱབ་སྐྱོར་ག་རེ་བྱ་དགོས་ཀྱང་བྱ་རྒྱུ་ཡིན་ཞེས་ལབ་ཡོད། ལྷག་པར་དུ་བཀའ་ཤག་ལ་དེའི་སྐོར་སྙན་གསན་ཞུས་ཏེ་ཐབས་ཤེས་བྱེད་ཀྱིན་པ་ཡིན།

ཡིན་ནའང་། ད་ལྟའི་ཆར་དབུས་འོས་བསྡུ་ལས་ཁུངས་ཀྱིས་གནད་དོན་འདིའི་སྐོར་ལ་འདི་བྱེད་ཀྱི་ཡིན་དང་གན་བྱེད་ཀྱི་མིན་ཟེར་ཐུབ་ཀྱི་མི་འདུག་ཀྱང་། ང་ཚོའི་ངོས་ནས་གཙོ་ཆེ་ཤོས་བལ་ཡུལ་གཞུང་ལ་འབོད་སྐུལ་ཞུ་གིན་ཡོད་ལ། བོད་དོན་རྒྱབ་སྐྱོར་བ་དང་མཉམ་འབྲེལ་རྒྱལ་ཚོགས། ཨེ་ཤ་ཡའི་འོས་བསྡུའི་ལྟ་རྟོག་ཚོགས་པ་བཅས་ལ་འབོད་སྐུལ་ཞུ་བཞིན་པ་ཡིན། ཞེས་དང་།

ཁོང་གིས་མུ་མཐུད་དུ་གསུངས་དོན། སྤྱིར་བལ་ཡུལ་གཞུང་གིས་འོས་སྒམ་ཕྱིར་སྟེར་གི་རེད་བསམ་གི་འདུག་ཀྱང་། བལ་ཡུལ་གཞུང་གིས་འོས་སྒམ་ཡར་འཕྲོགས་ཏེ་ཉིན་འགར་ཉར་སྟབས་འོས་སྒམ་ཕྱིར་རག་ནའང་འོས་ཤོག་རྣམས་རྩིས་མེད་འགྲོ་གི་རེད། ད་ལྟ་ངྷ་ས་དབུས་འོས་བསྡུ་ལས་ཁུངས་ཀྱི་ངོས་ནས་བལ་ཡུལ་གཞུང་གིས་འོས་སྒམ་ཕྱིར་རྩིས་སྤྲོད་དང་། ཆོག་མཆན་གནང་སྟེ་བལ་ཡུལ་དུ་སྔོན་འགྲོའི་འོས་བསྡུ་བསྐྱར་དུ་བྱ་ཐུབ་ན་བསམ་བསྡད་ཡོད། གལ་སྲིད་དེ་ལྟར་མ་བྱུང་ན་དངོས་གཞིའི་སྐབས་མ་གཏོགས་སྔོན་འགྲོའི་སྐབས་ཀྱི་འོས་ཤོག་རྣམས་རྩིས་མེད་དུ་འགྲོ་གི་རེད་ཅེས་གསུངས།

དེ་ལྟར་བལ་ཡུལ་གཞུང་གིས་ས་གནས་གཉིས་ཀྱི་འོས་སྒམ་འཕྲོགས་ནས་ཕྱིན་སྟབས་འོས་ཤོག་རྣམས་རྩིས་མེད་ཡིན་གསུངས་མོད། འཕྲོགས་མེད་པའི་འོས་ཤོག་རྣམས་རྩིས་མེད་དུ་ཕྱིན་མེད་ཟེར།
ཁོང་གིས་ད་དུང་ཐེངས་འདིར་བལ་ཡུལ་དུ་རང་ལོ་ ༡༨ ཡན་གྱི་འོས་འཕེན་བོད་མི་ཆིག་ཁྲི་ལྷག་ཡོད་པ་ལས། ཁ་སང་འོས་བསྡུའི་སྐབས་ས་གནས་ནས་གནས་ཚུལ་བརྗོད་པར་བལྟས་ན་མི་མང་ཆེ་བས་འོས་འཕེན་ཁྲོད་ཆ་ཤས་བླངས་ཡོད་ཟེར་གྱི་འདུག་ཅེས་གསུངས།
ཡང་ཁོང་གིས་ད་ལྟ་ས་གནས་མང་ཆེ་བར་འོས་ཤོག་གྲངས་བཤེར་བྱེད་ཀྱིན་ཡོད་སྟབས། ད་ལྟའི་ཆར་བཙན་བྱོལ་གྱི་བོད་མི་ཅི་ཙམ་གྱིས་བཀའ་སྤྱིའི་སྔོན་འགྲོའི་འོས་བསྡུའི་ཁྲོད་ཆ་ཤས་བླངས་མིན་བཤད་དཀའ་ཐོག སྤྱིར་འོས་བསྡུའི་སྔོན་འགྲོའི་ལས་རིམ་ནང་ངྷ་རམ་ས་ལ་གཙོས་ས་གནས་ཁག་གི་འོས་བསྡུའི་སྔོན་འགྲོའི་གྲུབ་འབྲས་དེ་ཕྱི་ཟླ་ ༡༡ ཚེས་ ༡༢ ཉིན་བསྒྲགས་གཏན་འཁེལ་ཡོད་ནའང་། བལ་ཡུལ་གྱི་གནད་དོན་རྐྱེན་གྱིས་དུས་ཚོད་འགོར་འགྱང་འགྲོ་སྲིད་ཅེས་གསུངས།
 
གསར་འགོད་པ། ཨ་རིག་འགྱུར་མེད།

འབྲེལ་ཡོད་གསར་འགྱུར།

༸གོང་ས་མཆོག གསར་འགྱུར།

བོད་ལྗོངས་མདོ་སྨད་ཆོལ་ཁས་༧གོང་ས་རྒྱལ་བ་རིན་པོ་ཆེ་མཆོག་ལ་བརྟན་བཞུགས་བསྟར་འབུལ་ཞུས།

ཆུ་ཚོད་ ༡༥ སྔོན་ལ།
 འབུམ་རམས་པ་ལྷ་མོ་འཚོའི་དཔེ་དེབ་དབུ་འབྱེད་གནང་། བོད་ཀྱི་དུས་བབ་གསར་ཁང་གི་པར། ༢༠༢༥།༦།༢༧
Mobile App

འབུམ་རམས་པ་ལྷ་མོ་འཚོའི་དཔེ་དེབ་དབུ་འབྱེད་གནང་། 

༢༠༢༥/༠༦/༢༧
Mobile App

དབུས་གཙང་གཞོན་སྐྱེས་ཚོགས་ཆེན་ཐེངས་དང་པོ་འཚོག་བཞིན་འདུག

༢༠༢༥/༠༦/༢༧
In this handout image released by the Chinese Embassy on June 26, 2025, the first batch of Indian pilgrims at the Manasarovar Lake, in Tibet.
Mobile App

རྒྱ་གར་གྱི་གནས་མཇལ་བ་ཚོ་དངོས་སུ་བོད་ནང་གནས་མཇལ་དུ་ཕྱིན།

༢༠༢༥/༠༦/༢༧
Close view of Chinese PLA combat helicopter in Tibet_January 05 2021
Mobile App

བོད་ནང་གི་ཛ་དྲག་གི་གནས་སྟངས་ལ་གཟིགས་ཞིབ་དགོས་པའི་རེ་སྐུལ་ཞུས། 

༢༠༢༥/༠༦/༢༦
Mobile App

མི་འགྱངས་བར་སྟོབས་ཆེན་རྒྱལ་ཁབ་ལྔ་ཡིས་ཚོགས་ཆེན་འཚོག་རྒྱུ་ཡིན་འདུག 

༢༠༢༥/༠༦/༢༦

མཆན། 16

  1. སྡེ་དགེ་ཚེ་དབང་མགོན་པོ། says:
    ལོ་ 15 སྔོན།

    བློ་ཕམ་དགོས་པ་ཞིག་ལ་འོས་བླུགས་རྒྱུ་མ་རག་པ་དང་ས་གནས་ཁ་ཤས་སུ་གོ་སྒྲིགས་མེད་པ་སོགས་ཏག་ཏག་གཅིག་བྱུང་མི་འདུག་པས་རྗེས་མ་ཚག་ཚུད་ཞིག་ཡོང་བར་བྱེད་རྒྱུར་རེ་བ་ཡིན་བྱེད་ཀྱིན་ཡོད།

    Reply
  2. སྤྲོ་ཚིགས་དགེ་འདུན says:
    ལོ་ 15 སྔོན།

    ངའི་འིས་བསྡུ་སྐབས་ཀྱིས་མཐོང་ཚུལ་ཞིག་དེའི་ཉིན་བཤད་ཡོད་།་སློབ་གྲྭ་དེའི་འོས་བླུག་མ་ཐུབ་པ་།་ཅིག་བྱས་ན་ཏག་ཏག་རེད་སེམ། རྒྱུ་མཚན་ནི་་་་་རང་ཉིད་ཀྱི་འདོད་
    མོས་ལྟར་བླུག་མ་ཐུན་ན་ཕན་པ་ལས་གནོད་ཆེ་ཡང་སྲིད། འདི་འདྲ་རེད།།།

    འོས་འཕེན་སྐབས་ཀྱི་མི་མང་གིས་འཚང་ཁ་དང་དོ་སྣང་སོགས་ཀྱི་རྣམ་པ་འདི་མཐོང་ན་དགའ་འོས་པ་ཤིག་རེད།
    འོན་ཀྱང་འདིའི་ནང་དུ་ད་དུང་མི་གཙང་བའི་དྲི་ངན་ཞིག་བྲོ་གིན་འདུག་
    ངའི་འདི་འདྲ་ཞིག་ཚོལ་སོང་། མི་ཆེན་དང་རྒྱུ་ཆེན་ད་དུང་བླ་མ་དང་དགེ་རྒན་སོགས་ཀྱི་བཀའ་འོག་ལས་རང་ཉིད་ཀྱི་དཔྱོད་ཤེས་བ་འམ་ཡང་ན་རང་ཉིད་ཀྱི་རང་དབང་ཐོག་འོས་ཏག་ཏག་ཞིག་བླུག་ཐུབ་མེད་པས་དྲི་ངན་ཞིག་ངའི་རྣ་ལམ་དུ་བྲོ་གིན་འདུག།
    འཇུག་བྲལ་ལགས་ཀྱིས་གསུངས་པ་རེ་ཟུང་རེད། དེ་ལས་དྲི་ངན་འདི་ཅུང་རྒྱ་ཆེ་ཚོད་འདུག་ཉམས

    Reply
  3. མངའ་རིས་བུ། says:
    ལོ་ 15 སྔོན།

    ད་ལམ་བལ་ཡུལ་གཞུང་གིས་བྱེད་བབས་དེར་དངོས་གནས་སེམས་སྐྱོ་དགོས་པ་ཞིག་རེད།
    འོན་ཀྱང་ང་ཚོས་བལ་ཡུལ་གཞུང་དང་ལྷན་གྲོས་མོལ་རིམ་པས་བརྒྱུད་དེ་དཀའ་རྙོག་དེ་རིགས་སེལ་དགོས་པ་རེད།
    དེ་མིན་འགའ་ཞིག་གིས་དོན་མེད་བལ་བོད་མི་རིགས་དབར་ལ་རྩོད་རྙོག་བཟོས་ན་ཡག་པོ་མ་རེད།
    གཅིག་ཏུ་གཞུང་སྲ་བརྟན་མེད་པ་དང་གཉིས་སུ་རྒྱལ་ཁབ་ཆུང་ཆུང་ཞིག་ཡིན་དུས་སྟོབས་ཆེན་རྒྱལ་ཁབ་ལ་མ་བསྟེན་རང་བསྟེན་སོགས་རྒྱུ་མཚན་སྣེ་མང་ལ་བརྟེན་ནས་གནས་ཚུལ་འདི་རིགས་བྱུང་བ་རེད།
    ང་ཚོས་ཐབས་མཁས་བསྟུན་མཁས་ཀྱིས་སྐད་ཆ་བཤད་དགོས།
    དཔེར་ན།་ཉེ་ཆར་རྒྱ་གར་གྱི་དྷི་ལིར་རྩེད་ཐང་གི་སྐོར་ལ་སྐད་ཆ་ཤོད་དུས་མཆན་ནམ་བསམ་ཚུལ་འབྲི་བ་པོ་རྣམས་ཀྱིས་ཧ་ཆང་གི་ཐལ་པའི་སྐད་ཆ་བཤད་ཡོང་གི་འདུག་པས་ཚང་མས་གཟབ་ནན་གནང་རོགས།
    བོད་ལ་བདེ་སྐྱིད་ཉི་མ་འཆར་བར་ཤོག

    Reply
  4. ཕ་མཐའ says:
    ལོ་ 15 སྔོན།

    དེང་སང་གི་མང་གཙོ་ཟེར་དེ་འགན་འཛིན་འགའ་ཞིག་རྡོག་རིལ་བཏང་བཞིན་ཡོད་པའི་གནས་ཚུལ་
    གསལ་པོ་ཞིག་གསར་འགོད་པའི་རྒྱུད་ནས་གོ་ཐོས་བྱུང་ ས་གནས་སྦེལ་ཀོབ་བོད་ཁྱིམ་སློབ་གྲའི
    སློབ་རྣམ་སྔོན་འགྲོའི་འོས་འཕངས་ས་རག་མི་འདུག་ གང་ཡིན་ཟེར་ན་ དེབ་སྐྱེལ་མ་བྱས་པ་དང་
    ཁྱབ་སྒྲགས་གསལ་པོ་མེད་པ་ཞིག་བྱུང་འདུག་ རྒྱུ་མཚན་གཙོ་བོ་ནི་ དེ་སྔོན་སློབ་གྲའི་ནང་ཚོད་
    ལྟའི་འོས་ཞིག་བླུགས་འདུག་ སློབ་ཕྲུག་ངོས་ནས་བརྒྱ་ཆ་བརྒྱད་ཅུ་ཐམ་པ་ཞིག་གིས་ མཁས་དབང་
    བློ་བཟང་སེང་གེ་མཆོག་ལ་ཕུལ་ཡོད་པ་དང་ ཉི་ཤུ་ཞིག་གི་བཀྲས་མཐོང་བསྟན་འཛིན་རྣམ་རྒྱལ་
    ལ་འཕངས་ཡོད་འདུག། དེ་དབང་གིས་ སློབ་གྲའི་འགན་འཛིན་ཚོས་སློབ་མའི་རང་དབང་ལག་དེབ་
    དེབ་སྐྱེལ་བྱེད་མ་སོང་ཟེར་ནས་སློབ་ཕྲུག་གིས་ངོས་བློ་ཕམ་གི་ལས་དཀའ་ཞིག་བྱུང་འདུག་། སློབ་
    གྲའི་འགན་འཛིན་ལ་སྐད་ཆ་འདྲི་སྐབས་འགན་གི་ངོས་ནས་འབྲེལ་བ་མེད་པ་དང་ སློབ་ཕྲུག་ཚང་མ་
    ལོ་ན་༡༨་ལ་སོན་པ་ཞིག་རེད་སོ་སོ་དོ་སྣང་བྱེད་དགོས་ཀྱི་རེད་ཟེར་ཀྱི་འདུག།སློབ་ཕྲུག་ལ་འདྲི་སྐབས་
    ནམ་རྒྱུན་ནས་རྩེད་མོ་རྩེ་རུ་མ་སོང་ན་མ་གཏོགས་སློབ་གྲའི་དགེ་རྒན་མཉམ་དུ་འགྲོ་དགོས་པ་དང་
    ལྟད་ཞིག་ལྟ་ན་མ་གཏོགས་སློབ་གྲའི་དགེ་རྒན་མཉམ་དུ་འགྲོ་དགོས་པ་དེ་ཆ་རྐྱེན་རེད་ཟེར་བརྗོད་སོང
    དེ་ནི་འགན་འཛིན་ཞིག་ལ་མཚོན་ན་ཞེན་ཁོག་དང་མང་གཙོ་རྡོག་རིལ་བཏང་མཁན་ཞིག་ཡིན་པ་དང
    བསྟན་དགྲ་རྒྱ་དམར་དང་ཁྱད་པར་ཅི་ཡོད་ དེ་འདྲའི་མི་བཙན་བྱོལ་སྤྱི་ཚོགས་ནས་རྒྱང་འབུད་གཏང་
    འོས་པ་ཞིག་ཆགས་ཡོད་ རྣམས་པ་ཚོ་ སློབ་མ་འདི་ཚོ་ལ་རྒྱབ་བསྐྱོར་ཞིག་གནང་ནས་མ་འོངས་པའི
    དངོས་གཞི་ལ་མང་གཙོ་གི་ཐོབ་ཐང་ཞིག་ཡོང་བའི་བོད་མི་དམངས་ལ་རེ་བསྐུལ་ཞུ་གི་ཡོད།
    ནད་པ་ལི་དང་ཆ་འདྲའ་བའི་འགན་འཛིན་རྣམས་ཕྱིར་འབུད་སྟངསརོགས།

    Reply
  5. གངས་རིའི་ཟེགས་མ says:
    ལོ་ 15 སྔོན།

    མགོ་གསེར་སྐུས་བཅག་ན་བྱིན་རླབ་མེད་ཟེར་བ་མ་ཡིན་ནམ་

    Reply
  6. མི་ཉག་བཙན་པོ says:
    ལོ་ 15 སྔོན།

    རང་གཞུང་གི་འོས་བསྡུ་འགན་འཛིན་མཆོག་ལ་བལ་ཡུལ་མི་མང་པོ་ཞིག་གི་མངོན་འདོད་ཇི་ཡིན་གཞིར་བཟུང་གིས་རེ་འདུན་ཞུ་ཡིག།
    བོད་མི་ཡོངས་ཀྱིས་ནུས་པ་དང་བསམ་བློ་ལྟ་བ་བཅས་སྐོང་པོ་གཅིག་གྱུར་ཐོག་དབུ་གཞུང་གིས་དུས་ཚོད་གཏན་འབེབས་གཞིར་བཟུང་གིས་བཀའ་སྤྱི་གདམས་ཐུབ་པ་བྱ་དགོས།
    རྒྱ་ནག་གིས་ནུས་ཤུགས་སྤྲད་པ་དང་འགྲོ་སོང་བཏང་པ་སྣམས་རང་བཞིན་གྱིས་ནུས་མེད་དུ་གཏོང་ཐུབ་ན་བཙན་བྱོལ་ལ་རྒྱ་ཁ་ཐོབ་པ་ཡིན། གལ་སྲིད་རྒྱ་ནག་གིས་དམིགས་ཡུལ་བཞིན་དུས་ཐོག་བཀའ་ཁྲི་གདམས་མི་ཐུབ་པ་དང་བོད་མིའི་ནང་ཁུལ་རྩོད་རྙོགས་རིགས་བྱུང་བ་ཡིན་ན་རྒྱ་
    ནག་གིས་འགྲོ་སོང་བཏང་བ་དེ་ལམ་དུ་ཕྱིན་པ་ལ་ངོས་འཛིན་བྱ་རྒྱུ་རེད། བལ་ཡུལ་ཉེས་རྟོག་པས་ཁྱེར་ཚར་བའི་འོས་ཤོག་རྣམས་དངུལ་སྤྲད་ནས་རེག་ཐབས་་བྱེད་དགོས་དོན་གང་ཡང་མེད། བལ་ཡུལ་གནས་སྡོད་མི་དམངས་ནས་ལྷག་བསམ་ཟོལ་མེད་ཐོག་འོས་འཕེན་གྱི་འགན་ཁུར་བླངས་ཡོད་པ་དང་སྔ་དྲོའི་ཅུ་ཚོད་8་30་ནས་4་30་བར་འཚང་ག་ཤིག་ཤིག་གིས་འོས་འཕེན་གྱི་ལམ་དུ་བསྐྱོད་པའི་ནུས་ཤུགས་ལ་བརྟེན་ནས་རྒྱ་ནག་གི་དངུལ་འབོར་ཆེན་པོ་ཞིག་བཏང་དགོས་བྱུང་བ་ཡང་ང་ཚོའི་རྒྱལ་ཁ་རེད༎བལ་ཡུལ་གནས་སྡོད་བྱེདབཞིན་པའི་བོད་པ་ཞིག་གི་མྱོང་ཚོར་ལ་གཞིག་ཏེ་བརྗོད་ན།ཆེས་འུ་ཐུག་གི་ཐག་གཅོད་ཞིག་ལ་བརྟེན་ནས་རྒྱ་ནག་གི་ངན་བྱུས་གཏོན་པ་དེ་ལས་རྒྱ་ཁ་ཐོབ་དགོས་ན་བལ་ཡུལ་གནས་སྡོདབོད་མི་དམངས་རྣམས་ཀྱིས་བསྐྱར་དུ་སྔོན་འགྲོའི་འོས་སླུགས་མི་དགོས་པ་བྱ་རྒྱུ་ལས་ལྷག་པའི་ཐག་གཅོད་ཞིག་མི་འདུག། བལ་ཡུལ་གནས་སྡོད་མི་མང་པོ་ཞིག་གི་རེ་འདུན་བལྟར་བྲིས་ཡོད་པས་དེ་ལུགས་དགོངས་ཡོད་པ་ཞུ།

    Reply
  7. ཚོ་སྒོ་བ། says:
    ལོ་ 15 སྔོན།

    ད་ཆ་འོས་བསྡུ་ལས་ཁུངས་ནས་ཐག་གཅོད་གཙང་མ་ཞིག་གནང་མེད་ནའང་། གསུངས་སྟངས་ལ་བལྟས་ན་བལ་གཞུང་གིས་བཙན་འཕྲོག་བྱས་པའི་འོས་ཤོག་རྣམས་ཕྱིར་སློག་མ་གནང་ཚེ་འོས་དེ་རྣམས་སྔོན་འགྲོའི་སྐབས་སུ་རྩིས་མེད་དུ་གཏོང་རྩིས་ཡོད་པ་འདྲ། གལ་ཏེ་དེ་ལྟར་ཡིན་ཚེ། ཐག་གཅོད་འདི་རྣམ་དཔྱོད་ལྡན་པའི་ཐག་གཅོད་ཅིག་ལ་མཐོང་གི་མེད། འོས་འཕེན་པའི་བརྒྱ་ཆ་སུམ་ཅུ་མ་ཟིན་ཙམ་གྱི་འོས་ཤོག་རྩིས་མེད་དུ་བཏང་ན་འོས་བསྡུ་དེ་གང་འདྲ་ཞིག་ཆགས་ཀྱི་ཡིན་ནམ། དངོས་གཞིའི་ཁོངས་སུ་བཏང་བའི་འོས་མི་རྣམས་ཁྲིམས་མཐུན་ཞིག་ཆགས་སྲིད་དམ་ཞེས་པའི་དྲི་བ་དེ་རེད།
    གུས་པས་བརྗོད་འདོད་པ་ནི་བལ་ཡུལ་ནང་ཡོད་པའི་བོད་མི་རྣམས་ལ་ཉིན་བརྒྱ་དུས་གཅིག་ལ་བསྐྱར་དུ་འོས་བསྡུ་ལས་རིམ་བཟོ་དགོས་པར་མཐོང་། དེ་ལྟར་མ་གནང་ཚེ་ད་ཐེངས་ཀྱི་འོས་བསྡུ་དེ་རྩིས་མེད་དུ་མི་འགྲོ་བའི་ངེས་བ་མེད་པར་འདོད་དོ།།

    Reply
  8. ཧེ་ར་བཀྲ་ཤིས། says:
    ལོ་ 15 སྔོན།

    འོས་བསྡུ་ལྷན་ཁང་གིས་ངེས་པར་རྒྱལ་སྤྱིའི་སྟེང་ལ་འབོད་བསྐུལ་སྔར་ལས་ལྷག་པ་ཞིག་གནང་རོགས་ཞུ།
    ད་རེ་འོས་སྒམ་འཕྲོག་བཅོམ་གྱི་གནས་ཚུལ་འདིས་འོས་བསྡུའི་གནས་ཚུལ་རྒྱལ་སྤྱིའི་སྟེང་ལ་སྒྲོག་པའི་གོ་སྐབས་ཡག་ཤོས་ཤིག་ཡིན་པས་བོད་གཞུང་དང་འོས་བསྡུ་ལྷན་ཁང་གཉིས་ཀས་འབད་འབུངས་མུ་མཐུད་དེ་གནང་རོགས།

    Reply
  9. དཔའ་རྩལ་སྟོང་འབར། says:
    ལོ་ 15 སྔོན།

    བལ་ཡུལ་གཞུང་གིས་འོས་སྒམ་འཕྲོག་པ་དེར་རང་གཞུང་འོས་བསྡུ་ལྷན་ཁང་དང་ཆེས་མཐོའི་ཁྲིམས་ཞིབ་ཁང་གིས་གནད་ལ་ཕོག་པའི་ལན་འདེབས་ཤིག་བྱེད་མི་ཐུབ་རུང་སྦེལ་གོལ་བོད་ཁྱིམ་གྱི་འབྲེལ་ཡོད་འགན་འཛིན་རྣམ་པས་སློབ་ཕྲུག་སུམ་བརྒྱ་ལྷག་ལ་འོས་འཕེན་གྱི་གོ་སྐབས་མ་སྤྲད་པ་དེར་ཐག་གཅོད་ནན་མོ་བྱེད་དགོས།

    Reply
  10. མངའ་རིས་ཕོ་ཉ། says:
    ལོ་ 15 སྔོན།

    ཡིད་སྐྱོ་བ་ཞིག་ལ་ད་ལན་བལ་ཡུལ་གཞུང་གིས་འོས་སྒམ་འཕྲོག་པ་དེ་རེད། རྒྱ་ནག་གཞུང་གིས་ལྐོག་ངན་གཡོ་སྒྱུའི་འོག་བལ་ཡུལ་ཉེས་རྟོགས་པས་འོས་སྒམ་འཕྲོག་པ་དེ་བཙན་བྱོལ་བོད་མི་རིགས་ཀྱི་དམངས་གཙོའི་འཕེལ་རིམ་ལ་གཏོར་བཤིགས་བཏང་སྟེ་བློ་ཕམ་དང་སེམས་འཚབ་སྐྱེས་པ་ཞིག་ཆགས་ཡོད རྒྱ་ནག་གཞུང་གིས་བོད་ནང་གཞིས་ལུས་མི་དམངས་ཚོར་ཡུལ་གྱར་བཙན་བྱོལ་གཞུང་དེ་༧གོང་ས་མཆོག་དང་སྤྱི་ཚོགས་རྙིང་པ་བཀས་བཀོད་བརྒྱུད་འཛིན་ཞིང་བྲན་ལམ་ལུགས་རོ་ལངས་རྒྱག་གིན་རེད་ཟེར་ནས་ཆབ་སྲིད་ཀྱི་འཁྱོག་བཤད་རབ་དང་རིམ་པར་སྤེལ་གྱི་ཡོད། ད་ལན་སྐབས་གསུམ་པའི་བཀའ་ཁྲི་མི་ཚང་དཀྱུས་མའི་ནས་ཚར་ལོངས་བྱུང་བ་ན་གཞོན་མཁས་དབང་བློ་བཟང་སེང་གེ་འདྲ་བ་གཞོན་སྐྱེས་ཞིག་སླེབས་ན་རྒྱ་ནག་གཞུང་ལ་བརྡ་ལན་ཤུགས་ཆེན་པོ་ཞིག་སྤྲོད་ཐུབ་ཀྱི་ཡོད། བཙན་བྱོལ་དུ་ཡོད་པའི་བོད་རིགས་སྤུན་ཟླ་ཚོས་རང་གི་ཕ་ས་དང་གཞིས་བཞུགས་སྤུན་ཟླ་ཚོར་ཆེད་དུ་སྐབས་གསུམ་པའི་བཀའ་ཁྲི་ན་གཞོན་ཞིག་སླེབས་དགོས་པ་གལ་ཆེན་མཐོང་ མི་རབས་གསར་པ་བཙན་བྱོལ་བོད་གཞུང་གི་དམངས་གཙོའི་འཕེལ་རིམ་ལ་ཡར་རྒྱས་ཀྱི་རྣམ་པ་གང་འདྲ་ཡིན་མིན་དང་སྤྱི་ཚོགས་རྙིང་པ་བཀས་བཀོད་བརྒྱུད་འཛིན་ཞིང་བྲན་ལམ་ལུགས་རོ་ལངས་རྒྱག་གིན་མེད་པ་ཤེས་ཐུབ།

    Reply
  11. མདུང་རྩེ། says:
    ལོ་ 15 སྔོན།

    བལ་གཞུང་གིས་འོས་སྒམ་འཕྲོགས་པ་དང་། སྦེལ་ཀོབ་བུ་ཁྱིམ་གྱིས་སློབ་མའི་བདམ་བྱ་འདེམས་བྱའི་ཐོབ་ཐང་འཕྲོགས་པ་གཉིས་ལྕི་ཡངས་གཞལ་ན་ཅི་འདྲ་འདུག བལ་ཡུལ་གཞུང་གིས་སྒོར་མོའི་ཆེད་དུ་རེད་ལ། ང་ཚོ་རིགས་མི་གཅིག་པའི་དམར་པོའི་རྒྱུགས་ཁྱི་ཞིག་རེད། དེའི་ཐད་ཡོངས་སྲིད་པ་ཞིག་རེད་སྙམ་གྱི་ཡོད། འོན་ཀྱང་སྦེལ་ཀོབ་བུ་ཁྱིམ་སློབ་གྲྭའི་བྱེད་སྟངས་དེ་སུ་ཞིག་གིས་ཤུགས་རྐྱེན་བཟོས་ཡིན་ནམ། ད་ཕལ་ཆེར་རྒྱ་སྒོར་གྱིས་གོམ་སྟབས་བཙན་བྱོལ་སྤྱི་ཚོགས་ནང་དུ་སྤོ་བཞིན་ཡོད་པ་འདྲ།

    Reply
  12. རྨེ་བ་འཇམ་དཔལ་ནོར་བུ། says:
    ལོ་ 15 སྔོན།

    བལ་ཡུལ་གྱི་བོད་པ་གནས་སྡོད་པ་ཚོ་ལ་ནམ་རྒྱུན་དཀ
    འལས་ཞོག་ལ་འཕྲད་ཡོད་པ་རེད།དངོས་གནས་བསམ་ན་ཡིད་སྐྱོ་བ་ཞིག་རེད།འོན་ཀྱང་དེ་ནི་རྒྱལ་སྤྱི་ཡོངས་ལ་འབོད་སྐུལ་ཞུ་དགོས་པ་ཞིག་རེད།དེ་མིན་སློབ་གྲྭ་ཁག་མང་པོ་ཞིག་ལ་དགེ་རྒན་རེ་འགས་དབང་ཤེད་བྱས་ཏེ་སློབ་ཕྲུག་ཚོར་འོས་བླུགས་པར་ཚོད་འཛིན་བྱས་ཡོད་རབ་གོ་རྒྱུ་འདུག དེ་ནི་དངོས་གནས་བློ་ཕམ་དགོས་པའི་གནས་སྟངས་ཞིག་དང་དམངས་གཙོའི་ལམ་ལུགས་དང་ཡང་མི་མཐུན་པའི་དགེར་གཅོད་ལྟ་བ་ཞིག་ཅི་ལ་མིན།འདི་ལ་འོས་བསྡུ་ལྷན་ཁང་གི་སྒྲིག་འཛུགས་ཀྱི་ངོས་ནས་ངེས་པར་དུ་བསམ་ཞིབ་བྱེད་དགོས་པཞིག་ཏུ་མཐོང་།

    Reply
  13. ཧོར་བུ་ཡེ་ཤེས says:
    ལོ་ 15 སྔོན།

    ད་རིང་འོས་སྒམ་ཙམ་མ་ཡིན་པར་བལ་ཡུལ་ཡོད་པའི་བོད་མི་རྣམས་ལ་དཀའ་ངལ་ཆེན་པོ་ཡོད་ཡོད་པ་རེད་བྱས་ཙང་བོད་གཞུང་གི་དེ་ཡི་ཐད་ཐུགས་བསམ་ཡག་པོ་ཞིག་བཞེང་དགོས་པ་ལས་སྣང་ཆུང་རྩ་ནས་གཏང་མི་ཉན།གལ་སྲིད་འོས་སྒམ་རག་ཀྱང་རྩིས་མེད་ཕྱིན་པ་ཡིན་ནའང་བལ་ཡུལ་བོད་མི་ཚོ་ལ་བསྐྱར་དུ་འོས་འཕེན་འཇུག་ན་འགྲིག་པ་རེད།
    གལ་སྲིད་ང་ཚོའི་ད་རེས་ཀྱི་བཀའ་ཁྲི་དེ་ན་གཞོན་ཞིག་ལ་ཐོབ་སོང་ན་རྒྱ་གཞུང་གི་དཔོན་ངན་ཚོའི་ཁ་ལ་སྐྱག་པ་བྱུགས་བ་དང་དེ་དུས་ནས་བཟུང་རྒྱལ་བ་རིན་པོ་ཆེ་ལ་ཁ་བཏང་རྒྱུ་དང་སྐུ་གྲགས་རྒྱུད་འཛིན་གྱི་གཞུང་ཞིག་རེད་ཟེར་རྒྱུ་མེད་པ་ཆགས་ཡོང་དྲན་ནས་བལ་པོའི་ཁྱི་རྒན་དེ་ཚོའི་རྐུབ་ལ་ད་རྒྱུགས་ཤིག་ཅེས་རྡོག་ཐོས་བྱུང་བ་རེད།

    Reply
  14. ཇོ་བོ་རྣམས་གཉིས། says:
    ལོ་ 15 སྔོན།

    དེ་རིང་གི་གནས་ཚུལ་དེའི་ཐད་ནས་བཙན་བྱོལ་སྤྱི་ཚོགས་ཀྱི་འཕུར་ཕྱོང་ལྟ་བུའི་དམངས་གཙོའི་ལམ་ལུགས་ཡར་རྒྱས་ཕྱིན་པའི་རྣམ་པར་བལ་ཡུལ་དང་རྒྱ་གཞུང་གཉིས་ལ་སེམས་ངལ་ཞིག་ཡོད་པ་མཚོན།

    Reply
  15. སྤྲོ་ཚིགས་དགེ་འདུན says:
    ལོ་ 15 སྔོན།

    ཡིད་སྐྱོ་བ་ཞིག་རེད་
    བལ་ཡུལ་གྱི་འོས་ཤོག་འཕྲོག་པ་གསལ་པོ་རེད་ འོན་ཀྱང་ལྷོ་ཕྱོགས་ཀྱི་རྙོག་གླེང་ཟེར་བ་ཞིག་གོ་མ་སོང་།

    དེ་ཅི་འདྲ་རེད་གསལ་བཤད་ཞིག་བྱས་ན་ཅི་འདྲ་འདུག གནམ་ལྕགས་ལགས

    Reply
  16. གནམ་ལྕགས། says:
    ལོ་ 15 སྔོན།

    གསར་འགོད་པས་དབུས་ལ་བཅར་འདྲི་བྱས་པ་ཁ་ཡོད་ལག་ཡོད་ཀྱི་དགོས་མཁོ་ཞིག་ཆགས་སོང་། ད་བྱས་ན་དབུས་ཀྱི་འོས་ཤོག་ཤུགས་རྐྱེན་གང་ཡང་མ་ཡོང་བ་རེད། མི་འགའ་རེས་བལ་ཡུལ་གྱི་འོས་ཤོག་འཕྲོག་པ་དང་ལྷོ་ཕྱོགས་ཀྱི་རྙོག་གླེང་གི་སྟབས་ཀྱིས་ད་རེའི་འོས་བསྡུ་འཕྲོ་ལྷག་ཏུ་འགྲོ་ངེས་པར་ཚོད་དཔག་བྱེད་ཀྱི་འདུག་ན། གོང་གི་གསར་འགྱུར་འདིས་བདག་གི་དོགས་པ་ཕྲན་ཙམ་སེལ་སོང་ཞུ།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese