བཙུན་མ་བསོད་ནམས་ཆོས་སྒྲོན་འབོད་པར་མེ་མདའི་རྒྱབ་ཤིང་གིས་གཞུས་ཏེ་རིགས་འཚོ་བརླག་འདུག་ཟེར།
ཁ་སང་ཕྱི་ཚེས་ ༡༢ ཉིན་འདི་གར་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་བཏང་གནས་ལྟར་ན། ༢༠༠༨ ལོའི་ཟླ་ ༥ ཚེས་ ༡༤ ཉིན་ཞི་རྒོལ་བྱེད་མཁན་གྱི་སྤུ་རུ་སྣ་བཙུན་དགོན་གྱི་བཙུན་མ་བསོད་ནམས་ཆོས་སྒྲོན་ལགས་སུ། རྒྱ་ནག་གི་ཉེན་རྟོག་པས་མནར་གཅོད་ཚད་མེད་བཏང་བར་མ་ཟད། མགོ་ལ་མེ་མདའི་རྒྱབ་ཤིང་གིས་གཞུས་ཏེ་མགོ་བོར་རྨས་སྐྱོན་ཚབས་ཆེན་ཕོག་ནས་རིགས་འཚོ་བརླག་རྗེས་བཙོན་ནས་གློད་བཀྲོལ་བཏང་སྟེ་ནང་མིར་རྩིས་སྤྲོད་བྱས་ཡོད་ཀྱང་རྟག་ཏུ་ངུ་འབོད་བྱེད་བཞིན་སྨྱོན་པ་ཆགས་འདུག་ཟེར། ༢༠༠༨ ལོའི་ཟླ་ ༥ ཚེས་ ༡༤ ཉིན་སྤུ་རུ་སྣ་བཙུན་དགོན་དང༌། ཡར་སྟེང་བཙུན་དགོན་གྱི་བཙུན་མ་ཉིས་བརྒྱ་ལྷག་གིས་ཞི་རྒོལ་བྱེད་སྐབས་རྒྱ་གཞུང་གི་ཉེན་རྟོག་པས་དྲག་གནོན་བྱས་ཏེ་བཙུན་མ་མང་པོ་འཇུ་བཟུང་བྱས་པ་དང༌། བཙུན་དགོན་དེ་གཉིས་ཀྱི་གཙོ་འགན་འཁུར་མཁན་གྱི་སྤྲུལ་སྐུ་ཕུར་བུ་ཚེ་རིང་རིན་པོ་ཆེ་ཡང་འཇུ་བཟུང་བྱས་ཏེ་ ༢༠༠༩ ལོའི་ཟླ་ ༩ ཚེས་ ༢༢ ཉིན་དཀར་མཛེས་ཁུལ་འབྲིང་རིམ་མི་དམངས་ཁྲིམས་ཁང་གིས་དུས་བཀག་བཙོན་འཇུག་ལོ་ ༨ དང་ཟླ་དྲུག་བྱེད་རྒྱུའི་ཁྲིམས་ཐག་བཅད་དེ་ད་ལྟ་མན་ཡང་བཙོན་ཁང་དུ་བཙོན་འཇུག་བྱེད་བཞིན་ཡོད་པ་དང༌། རིན་པོ་ཆེའི་སྐུ་གཟུགས་གནས་སྟངས་ཧ་ཅང་སྐྱོ་པོ་ཆགས་ཡོད།
དེ་བཞིན་འཇུ་བཟུང་བྱས་པའི་སྤུ་རུ་སྣ་བཙུན་དགོན་ཁོངས་ཀྱི་བཙུན་མ་བསོད་ནམས་ལྷ་འཚོར་ལོ་ ༡༠ དུས་བཀག་བཙོན་འཇུག་དང༌། བཙུན་མ་བུ་མོར་ལོ་ ༩ དེ་བཞིན་བཙུན་མ་སོ་དགའ་དང་དབྱངས་ཅན་མཁའ་འགྲོར་ཁག་སོ་སོར་ལོ་ ༣ བཀྲ་ཤིས་ལྷ་མོར་ལོ་ ༢ བཅས་ཀྱི་དུས་བཀག་འཇུག་གི་ཁྲིམས་ཆད་བཏང་ཡོད་ཅིང༌། བཙུན་མ་མང་ཆེ་བ་ཀློད་གྲོལ་བཏང་ཡོད་ཀྱང་དགོན་པར་མུ་མཐུད་གནས་སྡོད་མི་ཆོག་པར་དགོན་ནས་ཕྱིར་འབུད་བཏང་ཡོད།
བཙུན་མ་བསོད་ནམས་ཆོས་སྒྲོན་གྱི་མགོ་ལ་རྒྱ་གཞུང་གི་ཉེན་རྟོག་པས་མེ་མདའི་རྒྱབ་ཤིང་གིས་གཞུས་ཏེ་མགོ་ལ་རྨ་ཁ་ཆེན་པོ་བཟོས་ཏེ་རིགས་འཚོ་མ་ཟིན་པར་གྱུར་རྗེས་ ༢༠༠༨ ལོའི་ཟླ་ ༩ ཚེས་ ༡༥ ཉིན་ཁོང་གི་ནང་མིར་རྩིས་སྤྲོད་བྱས་ཡོད་ཀྱང༌། ཉིན་ལྟར་ངུ་འབོད་བྱེད་བཞིན། སྨྱོན་པ་ཆགས་ནས་རྟག་ཏུ་ནང་མིས་ལྟ་སྐྱོང་དང་སྲུང་བྱ་བྱེད་དགོས་པ་སོགས་ཀྱིས་མཐོང་བ་ཙམ་གྱི་ཡིད་སེམས་སྐྱོ་བའི་ཡ་ང་བའི་གནས་སྟངས་འོག་གནས་ཡོད་ཟེར།
བཙུན་མ་བསོད་ནམས་ཆོས་སྒྲོན་རང་ལོ་ ༣༦ ཡིན་པ་དང༌། སྐྱེས་ཡུལ་དཀར་མཛེས་རྫོང་ལྷོ་པ་ཤང་ནས་ཡིན་པ་དང༌། སྤུ་རུ་སྣ་བཙུན་དགོན་དུ་བཙུན་མ་གནང་སྟེ་ལོ་མང་འགྲོ་གི་ཡོད་འདུག
གསར་འགོད་པ། ཨ་རིག་འགྱུར་མེད།
ང་ཚོར་བོད་མི་རྣམས་ཁ་ཞེན་གཉིས་མེད་ཐོག་གཅིག་སྒྲིག་གི་ནུས་པ་ལ་ཤུགས་རྒྱག་དགོས་ཉེར་བ་བཀའ་ཁྲི་དང་སྤྱི་མཐུན་རྣམས་གདམ་ག་མ་ནོར་བར་གལ་ཆེན།
སྔོན་འགྲོའི་སྐབས་ཕྱོགས་ཞེན་ཅན་དང་འགྱོད་ཐང་མེད་པ་དེ་འདྲ་མང་པོ་ཞིག་
སླེབས་འདུག་ན་དངོས་གཞིའི་སྐབས་སྤྱི་དོན་ལ་བསམ་ནས་ཕྱོགས་ཞེན་མེད་པ་སྤྱི་སེམས་ཅན་ཞིག་གཞི་རྩ་བཞག་ནས་གདམ་རོགསལན་བརྒྱ་ཞུ།
རྒྱ་ནག་དམར་པོ་སྲི་གཞུང་གིས་ང་ཚོའི་སྤུན་ཟླ་རྣམས་ལ་མི་སྤྱོད་ལས་འདས་པའི་མནར་གཅོདབཏང་དང་གཏོང་བཞིན་པ་འདི་ལ་མཐའ་གཅིག་ཏུ་ངོ་བརྒོལ་བྱེད་དགོས་པ་མ་ཟད་ཆོལ་གསུམ་མི་མང་ཡོངས་ཀྱིས་དགྲ་གཉེན་དབྱེ་བ་མ་ནོར་བ་བྱེད་དགོས་གལ་ཆེ་བ་མཐོང་བཙུན་མ་བསོད་ནམ་ཆོས་སྒྲོན་ལ་སྡུགས་སེམས་མཉམ་སྐྱེས་ཡོད།
བཙུན་མ་བསོད་ནམ་ཆོས་སྒྲོན་གྱི་རིགས་འཚོ་བླག་འདུག་ཟེར། སྤྱི་འཐུས་ལ་རིགས་འཚོ་མ་མ་ཡིན་པ་ཞིག་དགོས་ཟེར་གཉིས་ལ་ཁྱད་པར་ག་རེ་ཡོད་དམ།
གྲྭ་གྲོགས་རྣམས་ཀྱི་རིགས་འཚོ་ཟེར་དེ་ག་འདྲ་ཞིག་ལ་ངོས་འཛིན་ཡོད།
མི་སྤྱོད་ལས་འདས་པའི་མནར་གཅོད་ལ་མཐའ་གཅིག་ཏུ་ངོ་བརྒོལ་ཡོད
ཨ་ཨ་ད་དངོས་ཇི་བྱེད། གཞིས་ལུས་སྤིན་ཟླ་ཚོའི་གནར་སྤྱོད་ཀྱི་འོག་ནས་སྡུག་པོ་འདི་འདྲ་མྱོང་གྱི་འདུག ང་ཚོའི་བཙན་བྱོལ་དུ་སྐྱིད་པོ་བྱས་ནས་བསྡད་ན་ག་ལ་འགྲིགས་སྤྱིན་ཟླ་ཚོ།
༢༠༠༨ ལོའི་ཟླ་ ༩ ཚེས་ ༡༥ ཉིན་ཁོང་གི་ནང་མིར་རྩིས་སྤྲོད་བྱས་ཡོད༽ཞེས་པ་ལྟར་ན་གནས་ཚུལ་འདི་བྱུང་ནས་ལོ་གཉིས་སོང་འདུག
འོན་ཀྱང་ང་ཚོ་ལ་གསར་འགྱུར་ཆག་པ་རེད།
གང་ལྟར་བཙུན་མ་དེ་བར་ཆད་ལས་ཐར་ཐུབ་པར་ཤོག་ཅིག
གནས་ཚུལ་འདིའི་རིགས་ལ་རྒྱུས་ཡོད་མཁན་ཚོས། དྲ་ལམ་ནས་
མུ་མཐུད་དེ་ཁ་ཇེ་གསལ་དང་ཁུངས་ཇེ་དག་ལ་གཏོང་རོགས།
གཞིས་ལུས་བོད་མིའི་ལས་དབང་འདི་དངོས་གནས་སྐྱོ་བ་ལ།
ད་ང་ཚོས་མི་མཐུད་དེ་འདི་ལྟར་འདས་དགོས་བྱུང་ན་གཞིས་ལུས་དཔའ་བོ་དཔའ་མོ་ཕལ་ཆེ་རིགས་འཚོ་མ་ཟིན་པར་ཆག་པར་ཐག་མི་ཉེ་བ་མ་རེད་དམ།