མདུན་ངོས།
About Us
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
No Result
ཆ་ཚང་གཟིགས།

དམར་ཤོག་གི་ཚོགས་འདུ།

བོད་ཀྱི་དུས་བབ།
༢༠༡༠/༡༠/༡༦
Share on FacebookShare on TwitterShare on EmailShare on Whatsapp

ཁ་སང་ཕྱི་ཚེས་ ༡༥ ཉིན་ནས་ ༡༨ བར་གྱི་རྒྱ་ནག་དམར་ཤོག་ཚོགས་པའི་སྐབས་བཅུ་བདུན་པའི་རྒྱུན་ལས་ཚོགས་འདུ་ཐེངས་ལྔ་བ་དེ་པེ་ཅིན་དུ་འཚོགས་བཞིན་ཡོད་ལ། ཚོགས་ཆེན་འདིའི་སྟེང་རྒྱ་ནག་གི་འབྱུང་འགྱུར་ལོ་ལྔ་ཚན་བཅུ་གཉིས་པའི་ལས་འཆར་གཏན་འབེབ་བྱེད་ཀྱིན་ཡོད།

སྤྱིར་ཐེངས་འདིའི་ཚོགས་ཐོག་གི་གྲོས་གཞི་ཁག་གསང་བ་ཡིན་རུང་། རྒྱ་ནག་དང་རྒྱལ་སྤྱིའི་ཆབ་སྲིད་དཔྱད་བརྗོད་པ་དག་གིས་སྔོན་དཔག་བྱས་པ་ལྟར་ན། ད་ལོའི་ཚོགས་ཆེན་འདིའི་སྟེང་དུ་རྒྱ་ནག་གི་དཔལ་འབྱོར་འཕེལ་ཕྱོགས་ལ་དཔྱད་ཞིབ་ལས་གཞན། རྒྱ་ནག་ནང་ཁུལ་གྱི་དབུལ་ཕྱུག་ཆ་སྙོམས་དང་། མཚོ་ངོགས་གཉིས་ཀྱི་རྒྱ་རིགས་འཆམ་མཐུན་མཉམ་གནས་ཡོང་ཐབས་བཅས་ལ་སྲིད་བྱུས་གཏན་འབེབ་བྱ་འཆར་ཡོད་ལུགས་བརྗོད་འདུག

ཐེངས་འདིའི་ཚོགས་ཆེན་བརྒྱུད་རྒྱ་ནག་གི་མགོ་ཁྲིད་འཚོལ་བཞིན་ཡོད་པ་དང་། ད་ལྟའི་སྲིད་འཛིན་གཞོན་པ་ཞཱི་ཆེན་ཕིན་ནི་ ༢༠༡༢ ལོར་རྒྱ་ནག་དམར་ཤོག་ཚོགས་པའི་ཆེས་མཐོའི་དབུ་ཁྲིད་ཆགས་རྒྱུར་ཚོད་དཔག་བྱེད་ཀྱིན་ཡོད་འདུག དཔྱད་བརྗོད་པ་དག་གིས། ད་ལྟའི་རྒྱ་ནག་གི་དཔོན་རིགས་ཚོའི་ཁ་ཕྱོགས་ལ་བལྟས་ཏེ། འབྱུང་འགྱུར་ ༢༠༡༢ ལོར་མགོ་ཁྲིད་རིམ་པའི་སྲིད་སྟེགས་སྟེང་སུ་ཞིག་བསླེབ་མིན་སྐོར་ལ་དཔྱད་ཞིབ་བྱས་པ་ལྟར་ན། ད་ལྟའི་སྲིད་འཛིན་གཞོན་པ་ཞཱི་ཆེན་ཕིན་སྲིད་འཛིན་ཧུའུ་ཅིན་ཐའོ་ཡི་ཚབ་དང་། ད་ལྟའི་སྲིད་བློན་གཞོན་པ་ལི་ཁི་ཆཱང་སྲིད་བློན་ཝུན་ཅ་པོ་ཡི་ཚབ་བཅས་སུ་བསླེབ་རྒྱུར་ཚོད་དཔག་བྱེད་ཀྱིན་ཡོད་འདུག

དེར་མ་ཟད། ཐེངས་འདིར་ཞཱི་ཆེན་ཕིན་དབུས་དམག་དོན་སྤྱི་ཁྱབ་གཞོན་པར་བསྐོ་བཞག་བྱས་ཏེ། ཉིས་སྟོང་བཅུ་གཉིས་ལོའི་རྒྱ་ནག་གི་སྲིད་འཛིན་དུ་གནས་སྤོར་མ་བྱུང་ཚེ། ད་ལྟའི་རྒྱ་ནག་གི་མཐོ་རིམ་དཔོན་རིགས་ཚོའི་བར་ལ་འགལ་རྐྱེན་ཞིག་འཕྲད་ཉེན་ཡོད་ལུགས་ཀྱང་བརྗོད་འདུག

བནྡེ་སྐྱབས།

མཆན། 13

  1. རླུང་རྟ་རྒྱལ། says:
    ལོ་ 12 སྔོན།

    དམར་ཤོག་ཚོགས་པའི་རང་བཞིན་ནི་ཨ་ཕོ་སྤྱང་ཀི་ལྟ་བུ་ཞིག་རེད།ཁོ་ཚོས་ཆབ་སྲིད་བཅོས་སྒྱུར་བྱེད་རྟྩིས་ཡོད་ཅེས་ཐེངས་བརྒྱར་ལབ་ཀྱང་སྤྱང་ཀིས་ར་ཤ་མི་ཟ་བ་དང་ར་མས་རྟྩ་སྣྔོན་མི་ཟ་ཟེར་བའི་དཔེ་ལྟར་སུ་ཡི་རྣ་ལ་འགྲོ།

    Reply
  2. ནད་པ says:
    ལོ་ 12 སྔོན།

    ཟླ་འདིའི་ཚེས་ ༡༥ནས་༡༨ བར་འཚོགས་པའི་ཀྲུང་ཧུའུ་ཚང་འཛོམས་གྲོས་ཚོགས་ཐོག་བློ་མཐུན་ཞི་ཅིང་ཕིན་ཀྲུང་ཧྭ་མི་དམངས་སྤྱི་ཐུན་རྒྱལ་ཁབ་དམག་དབུས་ཀྱི་ཀྲུའུ་བཞི་བཞོན་པར་བསྐོ་བཞག་ཟིན་འདུག

    ཤེས་ཡོན་ལྡན་ལ་འཇོན་ཐང་ཆེ་ཞིང་ན་ཚོད་ཀྱི་བབ་དང་མཐུན་པའི་མི་ཞིག་ཡང་བསྐྱར་རྒྱ་ནག་གུང་ཁྲན་ཏང་། རྒྱལ་ཁབ། མི་དམངས་བཅས་ཁ་ལོ་བསྒྱུར་བའི་མི་རབས་ལྔ་པའི་ཐུན་མོང་གི་སྲོག་ཤིང་ལེ་ཙན་ཕྱི་ལོ་༢༠༡༢ ལོ་ནས་སླར་ཡང་ཕྱེ་རྒྱུའི་གྲ་སྒྲིག་ལེགས་གྲུབ་ཟིན་པ་སྨོས་ཅི་དགོས།

    གངས་ཀྱི་བུ་རབས་ཚ་བརྒྱུད་ཚོ་ལས་ལ་བརྩོན་ཞིང་དཀའ་ངར་ལྡན་པའི་སྙིང་སྟོབས་ཀྱི་ཕྲག་པར་རླབས་ཆེན་གྱི་བྱ་གཞག་རྩོམ་ཤོག

    Reply
  3. བནྟེ་སྐྱབས། says:
    ལོ་ 12 སྔོན།

    གོང་གི་གནས་ཚུལ་ལ་ཁ་སྣོན་གྱི་ཚུལ་དུ།
    ཉེ་ཆར་རྒྱ་ནག་དམར་ཕྱོགས་ཚོགས་པའི་རྒན་རབས་པ་གྲངས་ ༢༣ ལྷག་གིས་མཚན་རྟགས་བཀོད་པའི་སྙན་ཞུ་ཞིག་བཏོན་ཡོད་པ་དེས་གཙོ་བོ་རྒྱ་ནག་ནང་སྨྲ་བརྗོད་རང་དབང་ལ་དམ་དྲག་བྱེད་པའི་སྲིད་བྱུས་མཚམས་འཇོག་བྱ་དགོས་པའི་སྐོར་ཡིན་ཞིང་། སྙན་ཞུའི་ཡི་གེ་དེའི་ནང་། རྒྱ་ནག་གཞུང་གི་དབང་འཛིན་ལམ་ལུགས་ནི་ཆ་འཇོག་མེད་པ་དང་སླུ་བྲུད་རང་བཞིན་གྱི་ཁྲིམས་ལུགས་ཤིག་ཡིན་པར་འགྲེལ་བརྗོད་བྱས་ཡོད་འདུག དེ་བཞིན་ད་ལོའི་ནོ་སྦེལ་ཞི་བདེ་གཟེངས་རྟགས་ཐོབ་མཁན་རྒྱ་རིགས་དམངས་གཙོ་དོན་གཉེར་བ་ལིག་ཞོ་པོ་ཀློད་གྲོལ་ཡོང་ཆེད།རྒྱ་རིགས་ཤེས་ཡོན་ཅན་བརྒྱ་ལྷག་ཐུན་མོང་ནས་མཚན་རྟགས་བཀོད་པའི་སྙན་ཞུ་ཞིག་ཀྱང་རྒྱ་ནག་གཞུང་ལ་ཕུལ་ཡོད་པ་སོགས་ཀྱི་དབང་གིས།ཐེངས་འདིའི་ཚོགས་ཆེན་སྟེང་རྒྱ་ནག་ནང་གི་འགྲོ་བ་མིའི་ཐོབ་ཐང་སྐོར་ལ་བསྐྱར་ཞིབ་བྱ་རྒྱུའི་གྲོས་འཆར་ངེས་པར་དུ་བསླེབ་དགོས་ཡོད་ལུགས་དང་།ཉེ་བའི་ཆར་ཝན་ཇཱ་པོ་ཡི་གཏམ་བཤད་ཅིག་ཏུ་རྒྱ་གཞུང་དང་མང་ཚོགས་པར་འཕྲད་བཞིན་པའི་གནས་ཚུལ་རིགས་ཁ་གསལ་པོ་བྱ་དགོས་པར་སྐུལ་མ་བཏང་ཡོད་པ་མ་ཟད། ཟླ་འདིའི་ཟླ་སྟོད་དུ་ཨ་རིའི་ CNN བརྙན་འཕྲིན་དུ་རྒྱ་ནག་ནང་གི་དམངས་གཙོ་དང་རང་དབང་ནི་གཡོ་ཐབས་མེད་པ་ཞིག་ཡིན་པར་བརྗོད་ཡོད་པ་བཅས་ལ་བརྟེན།སྐབས་འདིའི་གྲོས་གཞིའི་ནང་ཆབ་སྲིད་ཀྱི་འགྱུར་བ་ཞིག་འགྲོ་རྒྱུ་ཡིན་པར་ཚོད་དཔག་བྱེད་ཀྱི་ཡོད་པ་རེད།

    Reply
  4. ནད་པ says:
    ལོ་ 12 སྔོན།

    རྒྱ་ནག་གུང་ཁྲན་ཏང་ཟེར་བ་འདི་རྒྱལ་ནང་ཁུལ་དུ་ཡུན་འཐབ་རྩོད་བྱས་མྱོང་མཁན་ཞིག་དང་། ཕྱི་རོལ་དགྲ་བོའི་བཙན་འཛུལ་ལའང་ཁ་གཏད་ཡུན་རིང་བཅག་མྱང་མཁན་ཞིག ཞི་དྲག་དང་འཇམ་རྩུབ་སྣ་ཚོགས་ཀྱིས་འཁྲོད་ལས་ཐབས་བརྒྱ་ཇུས་སྟོང་གི་མྱོང་བ་གཏིང་གཟབ་ཡོད་མཁན། དཀའ་ཐུབ་དང་སྐྱི་ཡར་བའི་འཁུར་ཆེན་ཕྲག་པར་བཏེགས་ནས་ཏང་དང་རྒྱལ་ཁབ་ཀྱི་ཆེད་དུ་ལུས་སྲོག་དམིགས་འབེམ་དུ་བཙུགས་མྱོང་མཁན། རང་རྒྱལ་གཞན་ཕམ་དང་དགྲ་འདུལ་གཉེན་སྐྱོང་གི་ཐབས་བྱུས་ལ་བྱང་ཆ་ལྡན་པ་ཞིག་རེད།

    མདོར་ན་ཁྱོད་ཤི་ང་གསོན་གྱི་རྒྱལ་ཁའི་འཐབ་རྩོད་འཁྲོད་དུ་ཡུན་རིང་དངོས་ཐོག་བདེན་འཚོལ་དང་སྤྱི་ཚོགས་རིང་ལུགས་ཀྱི་གསར་བརྗེའི་བྱ་བཞག་ཐད་སློབ་གསོ་དང་། སྦྱོང་བརྡར། ལག་ལེན། ཉམས་མྱོང་བཅས་ཀྱིས་འོག་ནས་འཚར་ལོངས་བྱུང་བའི་གུང་ཁྲན་རིང་ལུགས་གཅིག་ཡིན་སྟབས་འགག་རྩའི་འཕྲང་ལམ་གང་ཞིག་ལ་ཁོང་ཚོས་ཇི་ལྟར་གཡོལ་དགོས་མིན་དང་། གནད་དོན་གང་ཞིག་ཐད་ལ་ཁོང་ཚོར་འཇིག་ཉེན་གང་འདྲ་ཡོད་མེད། བྱ་དངོས་གང་འདྲ་ཞིག་ལ་འཐབ་ཇུས་ཇི་ལྟར་སྟོན་དགོས་མིན། གནད་དོན་གསར་པར་ཐག་གཅོད་ཇི་ལྟར་བྱེད་དགོས་མིན་སོགས་ལ་བྱང་ཆུབ་པའི་ཉམས་མྱོང་ཚད་ལྡན་བསགས་པའི་རྒྱ་དམར་གུང་ཁྲན་ཏང་ཞིག་ཡིན་སྟབས་ང་ཚོས་བཟང་ཕྱོགས་ཁོ་ནའི་ལམ་ནས་ཁོང་ཚོར་བཟང་པོ་བློས་འགེལ་གྱིས་རེ་བ་ཆེ་དྲགས་ན་མཐར་ང་ཚོ་ཕམ་ཉེས་འགྲོ་ངེས་ཡིན།

    ཁོང་ཚོར་ལོ་ངོ་སྟོང་ཕྲག་མང་པོའི་གོམས་འདྲིས་སྤྱི་དང་སྒོས་སུ་མི་ལོ་ ༢༥༠༠ གོང་གི་མེས་པོ་སུན་ཙེའི་དམག་དོན་བསྟན་བཅོས་ལས་བཤད་པ་ལྟར་གྱིས་མྱོང་བ་དང་གོམས་འདྲིས་བྱང་ཆ་ལྡན་པ་ཞིག་ཡོད།

    ང་ཚོར་ཡང་ལོ་ངོ་སྟོང་ཕྲག་མང་པོའི་གདོང་དམར་བོད་ཀྱི་མེས་པོ་སྤྱི་དང་ལྷག་ཏུ་དགོངས་པའི་གཏིང་དཔོག་པར་དཀའ་བའི་སྒམ་པོ་སྲོང་བཙན་གྱི་ཡུན་རིང་མྱོང་གོམས་གཅིག་ཡོད།

    ལོ་རྒྱུས་དང་། རླབས་ཆེན་མི་སྣ། མྱོང་བ། འཐབ་བྱུས། ཐག་གཅོད། དཔའ་མཛངས། རྟུལ་ཕོད། གནད་དོན། དབྱེ་ཞིབ། རྨང་གཞི། སྦྱོང་བརྡར་། ལག་བསྟར། དམིགས་ཚད། ཡུན་སྒུག ཚོད་བགམ། སྟོབས་ཤུགས། བློ་རིག་སོགས་ཕྱོགས་མང་པོར་རྒྱ་མཚོ་ལྟར་གཏིང་ཟབ་པའི་ཀླད་པའི་རྩ་ཕྲན་ཁྲི་སྟོང་མང་པོ་བཀོལ་སྤྱོད་བྱས་ཏེ་འོ་མའི་ཉིང་ཁུར་མར་འཕྱུངས་བ་ལྟར་བྱ་གཞག་ལའང་གྲུབ་འབྲས་སོན་རྒྱུར་དམིགས་འབེན་གྱིས་འཐབ་བྱུས་ཐད་ལ་རྩལ་དུ་བཏོན་དགོས།

    ལོ་ངོ་བརྒྱ་ཕྲག་བརྒལ་བའི་རིང་ནས་ད་བར་བོད་འདི་རེ་བས་ཕུང་ཡོད་ལ་རྒྱ་འདི་དོག་པས་རྒྱལ་ཡོད་སྟབས་སྤྱང་གྲང་དོད་པོ་དང་བློ་རིག་དངྭས་མོ་བྱོས།

    Reply
  5. Jampa says:
    ལོ་ 12 སྔོན།

    ངའི་རེ་བ་ལ་ཐེངས་འདིའི་དམར་ཤོག་ཚོང་འདུའི་སྐབས་སུ་ཝེན་ཅ་སྦའོའི་དམངས་གཙོའི་སྐོར་གྱི་གཏམ་བཤད་སྐོར་ལ་གྲོས་བསྡུར་བྱེད་པའི་རེ་བ་ཡོད།

    Reply
  6. བོན་རྒྱ་བསྟན་འཛིན་རབ་རྒྱས། says:
    ལོ་ 12 སྔོན།

    རྒྱ་རྒན་འདིའི་ངོ་དཀར་ནོ་མ་གཏོགས་ཁོག་ནག་ནི་རེད་ལ།

    Reply
  7. ནགས་མཚོ says:
    ལོ་ 12 སྔོན།

    ཉིན་མ་དེ་རིང་ནས་རྒྱ་ཡི་དཔོན་རིགས་རྣམས་ཀྱི་རྒྱུད་ལ་བྱམས་སྙིང་རྗེ་ཞིག་སྐྱེ་བར་ཤོག་

    Reply
  8. གནས་ཚང་། says:
    ལོ་ 12 སྔོན།

    སྐུ་ཞབས་ཞིས་ཅིན་ཕེན་གྱི་ཡབ་ཞིས་ཀྲུང་ཞུང་ནི་བོད་དང་ཤར་ཏིར་ཀི་སི་ཐན་ལ་རྒྱུས་ཡོད་མཁན་ཞིག་ཡིན་པར་མ་ཟད། སྣང་ར་དབང་ཆེན་མཆོག་གིས་སྣེ་ཁྲིད་པའི་མདོ་སྨད་གཅན་ཚའི་གྱེན་ལངས་ཞི་འགུགས་བདེ་འགོད་གནང་མཁན་ཡིན་པ་དང་། ཧུའུ་ཡའོ་པང་གི་བློས་ཐུབ་གྲོགས་པོ་ཉག་གཅིག་ཀྱང་ཡིན་པས། སྐུ་ཞབས་འདིར་རྒྱ་རིགས་དབུ་ཁྲིད་གཞན་ལས་གྲངས་ཉུང་མི་རིགས་ལ་མྱོང་གོམས་ཡོད་མཁན་ཞིག་ཡིན་སྟབས། ཚངམ་ལོས་ག་འདྲ་བྱས་ནས་མྱོང་གོམས་དེ་རིགས་ཡག་ཕྱོགས་སུ་བསྒྱུར་བ་དང་། དེ་ནས་ག་འདྲ་བྱས་ནས་ཕན་ཐབས་སུ་སྣེ་ཁྲིད་བྱེད་ཐུབ་ཀྱི་ཡོད་དམ། དྲ་མཁན་ལྷན་རྒྱས་ཀྱི་རྣམ་དཔྱོད་ལ་ཡིག་རྩལ་ཐེངས་ཤིག་ཅིས་མ་ཡིན། ད་ཕྲིས་ཡ། དྲ་མཁན་ཚོ། ད་ཤོད་ཡ། དྲ་མཁན་ཚོ།

    Reply
  9. མེ་སྟག says:
    ལོ་ 12 སྔོན།

    ཡང་རྒྱ་འདྲེ་དེ་ཚོས་ཇུས་ངན་གང་ཞིག་བཤམ་རྩེས་ཡོད་ན།

    Reply
  10. མེ་སྟག says:
    ལོ་ 12 སྔོན།

    ཡང་རྒྱ་འདྲེ་དེ་ཚོས་ཇུས་ངན་གང་ཞིག་བཤམ་རྩེས་ཡོད་ན།

    Reply
  11. རྒྱང་རིང་། says:
    ལོ་ 12 སྔོན།

    དྲ་གྲོགས་ཚོ་ད་ལོར་རྒྱ་ནག་ལ་ཡག་པོ་བྱས་ནས་ལྟོས་ཨ། ཁོང་ཚོས་སྐད་ཆ་གསར་པ་ཞིག་བཤད་ཚོད་འདུག་དཱ། ང་ཚོའི་གཞུང་ཕྱོགས་ནས་ཀྱང་གཟག་གཟག་བྱས་ནས་ཉན་རོགས་གནང་།དེ་ལུགས་ལྟར་ང་ཚོས་གྲ་སྒྲིག་བྱས་ཏེ་གོ་སྐབས་འཛིན་དགོས།

    Reply
  12. བཀྲ་ཤིས་འགྱུར་མེད། says:
    ལོ་ 12 སྔོན།

    རྒྱ་ནག་གིས་མི་རབས་གསར་པས་འགན་ཁུར་ནས་རྒྱ་ནག་གུང་ཁྲེང་གི་སྲིད་ཇུས་ལ་འགྱུར་ལ་ཞིག་གཏོང་རྒྱུའི་རེ་བ་བྱེད་མཁན་ཅི་འདྲའི་མང་པ་བཞིན་་་་་་་ང་ཚོའི་སྡ་སའི་སྐྱབས་བཅོལ་སྒྲིག་འཛུག་གི་སྲིད་ཇུས་ལ་ཡང་མི་རབས་གསར་པས་འགན་ཁུར་ནས་འཕོ་འགྱུར་གསར་པ་ཞིག་བྱེད་མ་ཐུབ་ན་་་་་་སྔོན་མ་བཞིན་ཀླད་རྙིང་མཁྲིག་འཛིན་བྱས་ནས་འདི་ལྟར་ལྷག་པ་ཡིན་ན་ད་དུང་ལོ་ལྔ་བརྒྱ་སོང་ཡང་ཡར་རྒྱས་གཏན་ནས་འགྲོ་མི་ཐུབ་་་་་་

    Reply
  13. ཚ་སྒམ་ཡེ་བསམ། says:
    ལོ་ 12 སྔོན།

    གནས་ཚུལ་འདིའི་ཐོག་ནས་ཁྱེད་ལ་ཚོར་སྣང་ཇི་ལྟར་ཞིག་སླེབས་སོང་ངམ། ཚོར་སྣང་འདིའི་བརྒྱུད་ནས་ཁྱེད་ཀྱིས་ཚོད་དཔག་ཅི་ཞིག་བླང་ཐུབ་བམ། དྲ་གྲོགས་ཚོ་ཁྱེད་ཀྱི་ཚོར་སྣང་དང་ཚོད་དཔག་གང་བྱུང་བ་ཡིག་ཐོག་ཏུ་དྲངས་ན་ག་འདྲ་འདུག

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist