དེ་རིང་ཨེ་ཤ་ཡ་རང་དབང་རླུང་འཕྲིན་ཁང་གི་གནས་ཚུལ་སྤེལ་བ་ལྟར་ན། ཉེ་ཆར་བོད་ཀྱི་ཁམས་ཆབ་མདོ་ས་ཁུལ་ལ་གློ་བུར་དུ་རུས་པའི་ནད་ཡམས་ཞིག་བྱུང་སྟེ། ད་ཆར་ས་གནས་ཁག་ ༡༡ གི་མི་ཆིག་ཁྲི་དྲུག་སྟོང་ ༡༦༤༠༠ ལྷག་ལ་ནད་གཞི་དེ་འགོས་ཡོད་ཅིང༌། འདིའི་ཐད་ས་གནས་འཕྲོད་བསྟེན་ལས་ཁུངས་ཀྱི་ཞིབ་འཇུག་བྱས་པ་ལྟར་ན། ཆབ་མདོ་ས་ཁུལ་མང་པོ་ཞིག་ཏུ་ནད་ཡམས་དེ་ཁྱབ་བརྡལ་དུ་འགྲོ་རྒྱུའི་ཉེན་ཁ་ཆེ་པོ་ཆགས་ཡོད་སྟབས། རུས་པའི་ནད་ཡམས་དེ་ད་དུང་མི་ཁྲི་ ༡༧ ཙམ་ལ་འགོས་ཁྱབ་ཏུ་འགྲོ་སྲིད་པའི་ཉེན་ཁ་ཡོད་ཚུལ་བརྗོད་ཡོད།
ད་ཆར་ཞིབ་འཇུག་ཚོགས་པ་ཁག་གིས་ནད་ཚ་དེའི་བྱུང་རྐྱེན་དང་ངོ་བོ་བཅོས་ཐབས་སོགས་ཀྱི་ཐད། ཐག་ཆོད་རང་བཞིན་གྱི་སྡོམ་ཚིག་ཅིག་རྒྱག་ཐུབ་མེད་ཀྱང་། གྲོ་ནས་རྙིང་པ་སོགས་འབྲུ་རྙིང་ཤིག་ལས་བྱུང་བར་ཚོད་དཔག་བྱེད་ཀྱིན་ཡོད་འདུག ནད་ཡམས་དེ་བྱུང་རྗེས་ནད་པའི་རུས་པ་སྐྲངས་ཏེ་ཆེན་པོ་ཆགས་པ་དང༌། ལུས་ཟུངས་ཉམས་ཏེ་ལས་ཀ་སོགས་ཀྱི་ངལ་རྩོལ་བྱེད་མི་ཐུབ་པའི་གནས་སྟངས་ཆགས་ཡོད་འདུག ནད་ཡམས་དེའི་འཇིགས་པ་སྐྱོབ་ཆེད་ས་གནས་སྲིད་གཞུང་དང་། འབྲེལ་ཡོད་འཕྲོད་བསྟེན་ལས་ཁུངས་ཁག་གིས་ཡུལ་མི་ཚོ་ས་གནས་གཞན་དུ་གནས་སྤོ་དགོས་པའི་རེ་འདུན་ཡང་བཏོན་ཡོད་འདུག
གསར་འགོད་པ། དཔལ་ལྡན།
བོད་རིགས་ལ་དེ་འདྲའི་ནད་ཡམ་བྱུང་བ་ནི་འཛམ་བུ་གླིང་གི་གྱོང་རེད།་
༢༠༡༠༔༡༠༔༢༡ཨ་ཁ།་་་ཆབ་མདོ་ལ་རུས་པའི་ན་ཚ་ཁྱབ་བརྡལ་དུ་འགྲོ་བཞིན་པའི་སྐོར་དྲ་གནས་སུ་མང་པོ་ཐོན་འདུག
དངོས་གནས་ན་ཚ་དེ་ལྟར་བྱུང་ཡོད་ན་ལྷ་ཀླུ་སོགས་རྟོག་བཏགས་སྣ་ཚོགས་པའི་མུ་གབ་ཀྱིས་འོག་ཏུ་མི་འཛུལ་བར་སོ་སོའི་ངོས་ནས་སྨན་བཅོས་དང་འཕྲོད་བསྟེན་གཟབ་དགོས་པ་གལ་ཆེན་པོ་རེད།
རྒྱལ་ཁབ་གཞུང་གི་ངོས་ནས་གང་ཡོང་ཅི་ཡོང་གི་འབད་རྩོལ་བྱེད་བཞིན་ཡོད་པར་ཡིད་ཆེས་ཡོད་ཀྱང་འཁོར་ཡུག་གི་གནས་སྟངས་ལ་ཕུག་རྒྱང་རིང་བའི་འདུ་ཤེས་འཛིན་མ་ཐུབ་པའི་དབང་གིས་འབྱུང་བཞིའི་གོད་ཆག་ཡོང་གི་ཡོད་པ་གསལ་པོ་རེད།
མ་འོངས་པར་ནད་ཡམས་འདི་དག་དང་འབྲེལ་བ་ཟབ་པའི་འཁོར་ཡུག་ལ་དོ་ཕོག་མི་གཏོང་བར་སྲུང་སྐྱོབས་ཕུན་སུམ་ཚོགས་པ་ཞིག་ལ་འབད་རྩོལ་བྱེད་དགོས་པ་ནི་ཤིན་ཏུ་ནས་གལ་ཆེན་པོ་རེད།།
སྡེ་དགེ་ཚེ་དབང་མགོན་པོ་ལགས་ཁྱེད་ཀྱིས་བོད་ཀྱི་བླ་རྒན་ཞེས་བརྗོད་འདུག་པ་དེའི་ནང་༸གོང་ས་མཆོག་ཚུད་ཀྱི་ཡོད་དམ་ཞེས་དྲི་བ་ཞིག་ཡོད་པས་ངེས་པར་དུ་ལན་འདེབས་དགོས་སྟེ་ཀློག་པ་པོ་མང་དག་ཞིག་སོམ་ཉིའི་གནས་སུ་ལྷུང་འདུག
ཆབ་མདོ་བ་འདི་ཚོ་ཆུ་དང་ཐག་ཉེ་སར་འདུག་པ་མང་བས་དྲག་པས་གྲང་བའི་ནད་གཞི་ཞིག་ཕོག་པ་ཡིན་སྲིད། ཀུ་རེ་ཡིན། བེ་རི་དང་ལྷ་ཐོག་པ་འདི་ཚོ་རིའི་སྒང་དུ་བསྡད་ཡོད་སྟབས་ནད་དེ་ཕོག་སྲིད་ཀྱི་མ་རེད།
བོད་ཀྱི་བླ་རྒན་ཚོ་ལ་སྤྲུལ་པ་འདྲ་དང་ལྷ་འདྲ་ཕབ་རྒྱུ་ཡོད་ན་དུས་ལ་བབ་འདུག་སྙམ།
ངོ་མ་སྡེ་དགེ་ཚེ་དབང་མགོན་གྱིས་གསུང་བ་དེ་བདེན་པ་བདེན་རྐྱང་རང་རེད་འདུག རྒྱབ་སྐྱོར་གཙང་མ་གཙང་རྐྱང་ཡོད། སྐྱིད་པོ་གཉིས་བརྩེགས་མེད་པར་སྡུག་པོ་གསུམ་བརྩེགས་རེད་འདུག བསམ་བློ་རེ་བཏང་ན་སེམས་ཀྱི་གཏིང་ནས་སྐྱོ་དགོས་པ་ཞིག་རེད།
ཡིན་ཡང་བཟོད་སྒོམ་ནི་སྐྱེས་བུ་རབས་ཀྱི་ནུས་པ་དང་འཇོན་ཐང་དངོས་ཡིན།ཉམ་ཆུང་པའི་མི་རིགས་འདི་ལ་གོད་ཆག་ག་འདྲའི་མང་པོ་ཞིག་ཐེབས་སོང་།རང་བཙན་ཤོར་ནས་བོད་ཕྱི་ནང་གཉིས་ཀ་ན་བོད་ཕྲུག་ཚོས་སྡུག་བསྔལ་མྱངས་དང་མྱོང་བཞིན་པ་རེད།ད་དུང་དེའི་མི་ཚད་མི་སྐྲངས་ཁ་ལ་ཁུ་ཚུར་གྱི་དཔེ་བཞིན།
ཉིས་སྟོང་བརྒྱད་ནས་བཟུང་བོད་མི་ལ་དམིགས་བསལ་གོད་ཆག་ཚབ་ཆེན་མུ་མཐུད་ནས་བྱུང་པ་དེ་ནི་བཟོད་དཀའ་པའི་གནས་དང་འཇིགས་སྐྲག་ཅན་ཞིག་རེད་འདུག འཛམ་གླིང་འདིའི་སྒང་ལ་གོ་མྱོང་དང་ཐོས་མྱོང་མེད་པའི་ན་ཚ་ཞེད་སྣང་ཚ་བོ་དེ་བོད་མིའི་སྟེང་དུ་སླེབས་དགོས་དོན་གང་ཡིན་ནམ།
སྡེ་དགེ་ཚེ་དབང་མགོན་གྱིས་གསུང་བ་བཞིན་ད་ལྟའི་སྐབས་འདིར་ང་ཚོར་ནུས་ཤུགས་དང་ནུས་མཐུ་ཡོད་མཁན་གྱི་སྔགས་པ་དང་། ནུས་མཐུ་ཡོད་པའི་བླ་སྤྲུལ་གྲངས་མེད་ཅིག་ང་ཚོར་ཡོད་པ་རེད།
ད་དེ་ཚོ་སྔོན་དུ་འཐོན་དེ་ཞེད་སྣང་ཅན་གྱི་ན་ཚ་དེ་ཚོ་གཅོད་ཐབས་ལ་འབད་ན་ག་འདྲ་འདུག དེ་འདྲ་བྱས་པ་ཡིན་ན་དོན་ལ་གནས་པའི་བླ་སྤྲུལ་དང་། སྔགས་པས་སོ་སོའི་མི་རིགས་ལ་ཕན་ཐོགས་པ་རེད།
ཉེན་ཁ་ན་ཡོད་དུས་ཕན་མ་ཐོགས་ན། སྐྱིད་པོ་དང་བདེ་པོ་ཡིན་པའི་སྐབས་སུ་ཁོང་ཚོས་ཇི་ལྟར་བྱ།
ད་ནི་བླ་དང་། སྤྲུལ་སྐུའི་དུས་ལ་བབ་འདུག ཐུགས་རྗེ་སྤྱན་གྱིས་གཟིགས་རོགས་གནང་དང་།
ང་ཚོ་བོད་ལ་མི་བྱུང་དགུ་བྱུང་ཡུལ་ཤུལ་དུ་ས་འགུལ་གྱི་བོད་མི་ག་ཚོད་གཅིག་གྲོང་ཡོད་པ་དང་།་་་དེ་རྗེས་འབྲུག་ཆུ་ལ་ཆུ་ལོག་རྒྱུག་ནས་བོད་མི་ག་ཚོད་ཅིག་གྲོང་ཡོད་པ།་་ད་ལྟ་ཆབ་འདོ་དུ་ནད་ཡམ་བྱུང་བཞིན་པ་འདི་དག་ལ་བལྟས་ནས་ང་ཚོ་བོད་མི་རིགས་འདི་ཉིད་ལ་ཆག་སྒོ་འདི་འདྲ་ཡོང་དགོས་རྐྱེན་གང་ཞིག་ཡིན་ནམ།
བོད་ཀྱི་བླ་རྒན་ཚོ་ལ་སྤྲུལ་པ་འདྲ་དང་ལྷ་འདྲ་ཕབ་རྒྱུ་ཡོད་ན་དུས་ལ་བབ་འདུག་སྙམ།
དངོས་གནས་ཚྭ་སྒང་ཕོ་ཉས་བཤད་པ་བདེན་པ་རེད་ད་དུང་ངས་ཚིགས་རེ་གཉིས་བཤད་ན་འདོད་ལོ་ངོ་གསུམ་ཙམ་གྱི་སྔོན་ལ་ཚ་བ་སྒང་གི་འབྲོག་པ་ཁག་ཁ་ཤས་ཀྱི་ཕྱུག་ཟོག་ལ་ན་ཚ་ཡོད་ཚུལ་བཤད་ནི་ཕྱུག་ལུག་གསོན་པོ་ས་འོག་ཏུ་གནན་པ་དང་མེར་བསྐྲག་པ་སོགས་བྱུང་ཡོད་པ་དངོས་ཡོད་གནས་ཚུལ་རེད་འདུག་ག་སྲིད་དེའི་སྐོར་གསལ་པོ་ཤེས་འདོད་ན་ཤེས་རབ་དགའ་ཚལ་སློབ་གླིང་དུ་ཡོད་པའི་ཚ་བ་སྒང་གི་མི་ཁ་ཤས་ཡོད་པར་དྲིས་ན་གསལ་པོ་བཤད་ཡ་འདུག།
དེར་དངོས་གནས་ན་ཚ་དེ་འདྲ་བྱུང་ཡོད་པ་བོད་མི་རང་ངོས་ནས་བདེན་དཔང་འདྲ་བྱེད་ཀྱི་ཡོད་དམ། སྔོན་མ་ལོ་གཉིས་གསུམ་ཙམ་གྱི་ཡ་སྔོན་ལ་རྒྱ་རྒན་འདི་ཚོས་ཚ་བ་སྒང་གི་འབྲོག་པའི་ཕྱུག་རིགས་དག་ལ་ཡང་ན་ཚ་གསར་པ་ཞིག་བྱུང་ཡོད་ཞེས་མང་པོ་བཤད་ནས་ཕ་མའི་ནས་རྒྱུད་པའི་འབྲོག་པའི་ཚོར་བ་ལ་ཁ་ལོ་སྒྱུར་ཆེད་ནོར་ཕྱུག་མཐའ་དག་ལ་ཁབ་རྒྱབ་ནས་གསད་པ་རེད་ལ་འབྲོག་པའི་ནོར་ཕྱུག་དག་ལ་རིན་གོང་ཡང་ཡག་པོ་ཞིག་རིག་མེད་པར་རེད། དེ་བའི་སྐབས་འབྲོག་སྡེ་ཞིག་གི་ནང་ནས་ནོར་ཕྱུག་རྐང་གཅིག་ཀྱང་མེད་པར་བཟོས་ནས་ད་ཆ་འབྲོག་པ་ཚང་མ་ཁ་འཐོར་ཕྱིན་ཟིན། དེ་བའི་སྐབས་འབྲོག་པས་རྒྱ་མི་དག་གི་མི་འཐོང་སར་ཚེ་ཐར་གཏོང་ནས་ལུང་པ་གཞན་ལ་གཏོང་གནང་བའི་གཡག་འགའ་ཤས་ཡོད་འདུག་པས་ཕྱིས་སུ་ན་ཚ་གང་ཡང་མེད་པ་གནས་ཡོད་འདུག།
སྐབས་བབ་བཤད་འདོད་པ་ནི་འདི་ཡང་དེ་ལྟ་བུར་བོད་མི་རྣམས་གནས་གཞན་ཞིག་དུ་སྤོར་རུ་འཇུག་རྩིས་མིན་ནམ་སྙམ། རྒྱ་ནག་གིས་རྒྱུན་དུ་བོད་པའི་རྣམ་པ་མངོན་གསལ་ཡོད་པ་རྣམས་མེད་པ་བཟོ་རྒྱུ་ནི་རྒྱུན་དུ་ལག་ལྟར་བྱེད་བཞིན་པའི་བྱ་སྤྱོད་ཅིག་ཡིན།
ཨ་ཁ་ད་འདི་འདྲའི་དུས་ངན་ཤར་ཡོང་གི་འདུག
དུས་ངན་འདི་འདྲ་བར་གང་བྱེད་དགོས་མིན་བླ་སྤྲུལ་མཁྱེན་པའི་བདག་པོ་དེ་ཚོས་གཅིག་གཟིགས་ཀྱི་མེད་པ་འདྲ།
རྒྱ་ནག་དང་ཕྱི་རྒྱལ་དུ་འགྲོ་དོན་དུ་ཕེབས་པ་ལས་བོད་ནང་དུ་དངོས་སུ་དཀའ་སྡུག་མྱོངས་བཞིན་པར་འགྲོ་དོན་གནང་ན་ཤིན་ཏུ་ལེགས།
ནད་དེ་རིགས་ནི་ཡུལ་ལྷ་གཞི་བདག་ལྷ་ཀླུ་གཉན་རིགས་འཁྲུགས་པ་ལས་བྱུང་བ་ཞིག་ཡིན་པར་སྨོས་མེད་རེད།
དེས་ན་མོ་མ་དང་རྩིས་པ་མངོན་ཤེས་བདག་པོ་དེ་ཚོར་བཀའ་འདྲི་བརྟག་ཞུས་ཏེ་སྐུ་རིམ་སོགས་ཀྱིས་ཕན་ངེས་རེད།
ད་གཟབ་གཟབ་བྱེད་ན་མ་གཏོགས།
ནད་ཀྱིས་བརླག
མུག་གེས་བཅོམས།
མཚོན་གྱིས་བསད།
ས་ཡིས་གནན།
ཆུ་ཡིས་ཁྱེར།
མེ་ཡིས་གནོད་འཚེ་ཞིག་མ་གོ།
དེ་ནས་རླུང་གིས་གཏོར་བ་ཡང་དེ་ཙམ་མ་གོ།