མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

སྐོམ་པ་ཆུ་འདོད་བཞིན་སློབ་སྦྱོང་དུ་ཡོང་མཁན།

བོད་ཀྱི་དུས་བབ།
༢༠༡༠/༡༠/༢༢
Share on FacebookShare on TwitterShare on EmailShare on Whatsapp

ཕྱི་ཚེས་ ༡༥ ཉིན་གྱི་ངྷ་སའི་ཞོགས་པ་ནི་ཇི་འདྲའི་མཛེས་སྡུག་ལྡན་པ་ཞིག་རེད་ཨང་། ནམ་མཁའ་གཡའ་དག་ཅིང་ས་གཞི་རྡུལ་དག་པ། སྟོན་མཇུག་གི་བསིལ་རླུང་དང་བསྡོངས་ནས་ཁ་སང་གི་ངལ་དུབ་ཡོངས་སུ་སངས་ཏེ། དེ་རིང་གི་ལས་དོན་ལ་སྤྲོ་སྣང་གིས་ཀུན་ནས་བརྟས་བྱུང་། ཉིན་དེར་ལས་ཁུངས་ཀྱིས་བཀོལ་མངགས་བཞིན་ང་རང་དབུས་སྣེ་ལེན་ཁང་ལ་བོད་ནས་གསར་དུ་ཕེབས་པ་ཚོར་བཅར་འདྲིར་སྐྱོད་པ་ཡིན། ནམ་རྒྱུན་དབུས་སྣེ་ལེན་ཁང་དུ་བསྐྱོད་སྐབས་རླངས་འཁོར་དང་མི་ཚོགས་ཀྱི་འདུ་འཛི་ཆེ་བའི་མཱེག་ལོར་ཁྲོམ་ལ་འགྲོ་དགོས་ཀྱང་། དེ་རིང་ངྷ་ཤོད་བརྒྱུད་ཁ་ཁུ་སིམ་པོར་ཤེས་རབ་དགའ་ཚལ་སློབ་གླིང་གི་ཕྱོགས་སུ་བསྐྱོད་དགོས་པ་དེ་རེད། འདི་ནི་གསར་འགོད་པ་ཞིག་ལ་མཚོན་ན། གསར་འགྱུར་སྔོག་འདོན་བྱེད་སྟངས་ལ་བསམ་བློའི་སྟ་གོན་དང་། གསར་འགྱུར་གྱི་གོ་རིམ་སྒྲིག་ཕྱོགས་ལ་གྲ་སྒྲིག་གི་དུས་ཚོད་རྩ་ཆེན་ཞིག་ཆགས་ཡོད་པ་ལྟར། ངྷ་ཤོད་ནས་གླ་འཁོར་ཞིག་ལ་བསྡད་དེ་སྣེ་ལེན་ཁང་བར་བསྐྱོད་པའི་ལམ་བར་ནས་ངས་ཕལ་ཆེར་ཉིན་གཅིག་གི་ལས་ཀའི་སྒྲོམ་གཞི་བཟོས་ཟིན་བྱུང་།

 

སྣེ་ལེན་ཁང་གསར་པའི་སྒོ་ཆེན་ནང་འཛུལ་མ་ཐག གདོང་པ་དམར་ལ་ཤ་རྩ་དཀར་བ། མར་དྲི་དང་རྩམ་དྲི་མ་ཡལ་བའི་བུ་མོ་འགའ་མཐོང་བྱུང་། ང་ཁོང་ཅག་གི་སར་བཅར་ཏེ་སྐད་ཆ་འདྲི་རྩིས་བྱས་སྐབས། དེའི་ཁྲོད་ཀྱི་བུ་མོ་ཞིག་གིས། “ང་ཚོ་སློབ་གྲྭར་འགྲོ་མྱོང་མེད་པས་སྐད་ཆ་བཤད་ཤེས་ཀྱི་མེད” ཟེར། མོའི་སྐད་ཆ་དེ་ནི་ཏག་ཏག་ངས་ལམ་བར་ནས་གྲ་སྒྲིག་བྱས་པའི་དེ་རིང་གི་ཞིབ་འཇུག་བྱ་ཡུལ་གཅིག་རེད། སྐབས་དེར་ངས་ཡང་བསྐྱར་བུ་མོ་དེར་སློབ་གྲྭར་མ་སོང་བའི་རྒྱུ་མཚན་གང་ཡིན་དང་། མོ་རང་མ་གཏོགས་སློབ་གྲྭར་མ་ཕྱིན་པའི་བུ་མོ་གཞན་ཡོད་མེད་དྲིས་སྐབས། སློབ་གྲྭར་འགྲོ་མ་མྱོང་བའི་བུ་མོ་མང་པོ་འདུག ཅེས་ལན་བཏབ་བྱུང་། སྤྱིར་བུད་མེད་ཚོར་སློབ་སྦྱོང་གི་གོ་སྐབས་རག་གི་མེད་པ་འདི་ལ་སྲོལ་རྒྱུན་གྱི་གོམས་སྲོལ་ངན་པའི་ཤན་ཞུགས་ཡོད་ལ། ལྷག་པར་དུ་བོད་ནང་གི་གྲོང་གསེབ་ཁུལ་གྱི་གནད་དོན་ཆེ་ཤོས་ཤིག་ཀྱང་ཆགས་ཡོད།  

 

ཐོག་མར་ཕ་ཡུལ་ཁམས་ཆ་ཕྲེང་ནས་ཡིན་པའི་རང་ལོ་ ༡༦ ཅན་གྱི་བུ་མོ་བློ་བཟང་སྒྲོལ་མས་བརྗོད་དོན། ང་རང་སློབ་གྲྭར་འགྲོ་རྒྱུར་དགའ་བོ་ཡོད་ཀྱང་ཆུང་དུས་ནས་ཕ་ལགས་ནད་མནར་གྱིས་གྲོངས་སྟབས། ཁྱིམ་ཚང་གི་འཚོ་བ་སྐྱོ་བོ་ཆགས་ཏེ་སློབ་གྲྭ་འགྲོ་རྒྱུའི་གོ་སྐབས་མ་བྱུང་ལ། དཀའ་ངལ་དེའི་རྐྱེན་གྱིས་ངའི་གཅུང་མོ་ཡང་སློབ་གྲྭར་འགྲོ་མ་ཐུབ། གྲོང་གསེབ་ཏུ་སློབ་གྲྭ་མེད་པ་དང་རྫོང་ཐོག་གི་སློབ་གྲྭར་ཞུགས་ན། སློབ་ཡོན་ཆེན་པོ་སྤྲོད་དགོས་སྟབས་ངེད་གཅེན་གཅུང་གཉིས་ཁྱིམ་ནས་ལྷག་སོང་། གྲོང་གསེབ་ཀྱི་བྱིས་པ་ཚོ་སློབ་གྲྭར་འགྲོ་བ་མཐོང་སྐབས་ང་ཡང་སློབ་གྲྭར་འགྲོ་འདོད་ཆེན་པོ་སྐྱེས་བྱུང་། འོན་ཀྱང་། ཁྱིམ་དུ་ལས་ཀ་ཧ་ཅང་མང་བའི་རྐྱེན་གྱིས་སློབ་གྲྭར་འགྲོ་རྒྱུ་ཕར་ཟད། ཐ་ན་ད་བར་ས་གནས་གཞན་ལའང་འགྲོ་མྱོང་མེད།  ད་བར་ངེད་གཅེན་གཅུང་གཉིས་ཀྱིས་ཁྱིམ་དུ་ཨ་མར་རོགས་པ་བྱས་ནས་བསྡད་པ་ཡིན། ཞེས་དང་། རྒྱ་གར་ནང་སློབ་ཡོན་མི་དགོས་པ་གོ་སྟེ། ཨ་མ་དང་གྲོས་བསྡུར་བྱས་ཏེ་ངེད་གཅེན་གཅུང་གཉིས་རྒྱ་གར་ལ་ཡོང་བ་ཡིན། འགྲམ་ནས་བལ་ཡུལ་གྱི་ལམ་ཁྲིད་པ་ཞིག་ལ་རྒྱ་སྒོར་ཆིག་ཁྲི་བཞི་སྟོང་ ༡༤༠༠༠ ཙམ་སྤྲད་པ་ཡིན། ང་རང་རྒྱ་གར་དུ་ཡོང་བ་སློབ་སྦྱོང་གི་ཆེད་ཡིན་སྟབས། སློབ་གྲྭར་སོང་སྟེ་བོད་ཡིག་དང་དབྱིན་ཡིག་གཉིས་ཡག་པོ་ཞིག་སྦྱང་གི་ཡིན། ངའི་ཨ་མས་ཀྱང་རེ་ལྟོས་བྱས་ཡོད་པ་རེད། ཅེས་བརྗོད་བྱུང་།

 

རང་ལོ་ ༡༤ ཡིན་པའི་བུ་མོ་བློ་བཟང་སྒྲོལ་མའི་གཅུང་མོ་ཚེ་རིང་སྒྲོལ་དཀར་གྱིས་བརྗོད་དོན། ང་རང་ལོ་གཅིག་ཙམ་རིང་ས་གནས་སློབ་གྲྭར་ཕྱིན་པ་ཡིན། ཡིན་ནའང་། སློབ་གྲྭའི་ནང་རྒྱ་ཡིག་མ་གཏོགས་གང་ཡང་སློབ་ཀྱི་མེད། དགེ་རྒན་ཚང་མ་རྒྱ་མི་རེད། སློབ་ཁྲིད་ལའང་མཚམས་རེར་མ་གཏོགས་ཡོང་གི་མི་འདུག གནས་སྟངས་དེ་འདྲ་ཞིག་གི་འོག་ནས་དུས་ཚོད་འཕྲོ་བརླག་ཏུ་གཏོང་རྒྱུ་ལས་རྒྱ་གར་དུ་སོང་ན་བཟང་གི་རེད་ཟེར་ནས་ཨ་ཅག་དང་ངེད་གཉིས་ཡོང་བ་ཡིན། ཁྱིམ་ནས་ཁ་བྲལ་ཁར་ཨ་མས་རྒྱ་གར་ལ་སོང་ན། ༧གོང་ས་མཆོག་ལ་མཇལ་ཐུབ་པར་མ་ཟད། སློབ་སྦྱོང་གི་གོ་སྐབས་ཀྱང་ཡག་པོ་རག་གི་རེད་ཟེར། གཅེན་མོ་ངེད་གཉིས་དུས་གཅིག་ལ་ཁྱིམ་ནས་ཐོན་ཡོང་ན། ཨ་མར་དཀའ་ངལ་འཕྲད་ཀྱི་རེད་ཅེས་བཤད་ཀྱང་། ཨ་མས་ཁྱིམ་ཚང་ལ་སེམས་ཁྲལ་མི་དགོས། རྒྱ་གར་དུ་ཕྱིན་རྗེས་སློབ་སྦྱོང་ལ་འབད་བརྩོན་བྱ་དགོས་པ་རེད་ཟེར། ངེད་གཉིས་བལ་ཡུལ་དུ་སླེབས་སྐབས་ས་ཆ་གང་སར་༧གོང་ས་མཆོག་གི་སྐུ་པར་མཐོང་རྒྱུ་འདུག སེམས་ལ་བྲེལ་བ་ཆེན་པོ་ལང་གི་འདུག གང་མགྱོགས་༧གོང་ས་མཆོག་ལ་མཇལ་ཁ་རག་ན་བསམ་སོང་། ཞེས་བརྗོད་སོང་།

 

ཕ་ཡུལ་ཁམས་དཀར་མཛེས་ནས་ཡིན་པའི་རང་ལོ་ ༣༠ ཅན་གྱི་བུ་མོ་ཟླ་བཟང་གིས་བརྗོད་དོན། ངའི་ཕ་མ་གཉིས་ཀ་ཞིང་པ་ཡིན། ང་ཚོའི་རྫོང་ཐོག་ཏུ་སློབ་གྲྭ་ཡོད་ཀྱང་ང་སྡོད་སའི་གྲོང་གསེབ་ཏུ་སློབ་གྲྭ་ཡོད་པ་མ་རེད། རྫོང་གི་སློབ་གྲྭར་དངུལ་མེད་ན་ཚུད་ཐབས་མེད་སྟབས། ད་བར་ཞིང་ལས་བྱས་ཏེ་ཁྱིམ་ནས་བསྡད་པ་ཡིན་ལ། ངའི་གཅེན་མོ་དང་གཅུང་པོ་གཉིས་ལ་ཡང་སློབ་སྦྱོང་གི་གོ་སྐབས་རེག་མེད། ང་རང་རྒྱ་གར་དུ་ཡོང་དོན་ནི་༧གོང་ས་མཆོག་ལ་མཇལ་རྒྱུ་དང་སློབ་སྦྱོང་ཕྲན་བུ་ཞིག་བྱ་ཨེ་ཐུབ་བསམ་ནས་ཡོང་བ་ཡིན། ཞེས་བརྗོད་བྱུང་། བུ་མོ་ཟླ་བཟང་ལགས་ཀྱིས་ལྷ་ས་ནས་ལམ་འཁྲིད་པ་ཞིག་ལ་རྒྱ་སྒོར་ཆིག་ཁྲི་སུམ་སྟོང་༡༣༠༠༠ ཙམ་སྤྲད་དེ། བལ་བོད་ས་མཚམས་འགྲམ་བརྒྱུད་རྒྱ་གར་དུ་ཡོང་ཞིང་། སྔོན་ཆད་སློབ་གྲྭར་འགྲོ་མ་ཐུབ་པའི་བསླབ་བྱ་དེ་སེམས་ལ་ཉར་ཏེ་སློབ་སྦྱོང་ལ་ཧུར་བརྩོན་དང་། མ་མཐར་ཡང་བོད་ཡིག་འབྲི་ཀློག་ཡག་པོ་ཤེས་ཐུབ་བྱ་རྒྱུའི་དམ་བཅའ་ཡོད་སྐོར་བརྗོད་བྱུང་ལ། ཁོང་མོ་ཕ་ཡུལ་ནས་ཆང་ས་བརྒྱབ་ཟིན་པ་མ་ཟད། ད་ཆར་རང་ལོ་ ༡༡ ལ་སོན་པའི་བྱིས་པ་ཞིག་ཀྱང་ཡོད་པ་དང་། རྗེས་ཕྱོགས་བྱིས་པ་དེ་རྒྱ་གར་དུ་ལེན་འདོད་ཡོད་ཚུལ་ཡང་བརྗོད་བྱུང་།

 

ཕ་ཡུལ་ཁམས་ལི་ཐང་ནས་ཡིན་པའི་རང་ལོ་ ༢༥ ཅན་གྱི་བུ་མོ་སྒྲོལ་མ་ཚེ་རིང་གིས་བརྗོད་དོན། ང་རང་སློབ་གྲྭར་འགྲོ་མ་ཐུབ་པའི་རྒྱུ་མཚན་གཙོ་བོ་གཅིག་ནི། ངའི་པ་ལགས་ཀྱིས་གསུངས་ན། སྤྱི་ཚོགས་རྙིང་པའི་སྐབས་ངེད་ཚང་ས་བདག་གྲལ་རིམ་རེད་ཟེར། རིག་གནས་གསར་བརྗེ་ཆེན་མོའི་སྐབས་རྒྱ་གཞུང་གིས་ངའི་པ་ལགས་ཀྱི་ཨ་མར་མནར་གཅོད་ཚད་མེད་བཏང་ཡོད་ས་རེད། ས་བདག་གི་བུ་ཕྲུག་ཡིན་སྟབས་སློབ་གྲྭ་ནས་དཀའ་ངལ་འཕྲད་སྲིད་པའི་དོགས་གཞིའི་འོག ང་སློབ་གྲྭར་མ་བཏང་བ་རེད། ལོ་ན་ཆེན་པོ་ཆགས་ཡོང་དུས་སློབ་གྲྭར་འགྲོ་བསམ་ཡང་གོ་སྐབས་ཡོད་པ་མ་རེད། དེའི་སྟབས་ཀྱིས་ད་བར་ཞིང་ལས་དང་མཚམས་རེར་ཕྱུགས་རྫི་བྱས་ཏེ་བསྡད་པ་ཡིན། ངའི་ཕ་ཡུལ་ལ་མཚོན་ན། བྱིས་པ་ཚོ་རང་ལོ་༩ ལས་བརྒལ་ན་སློབ་གྲྭར་འགྲོ་རྒྱུའི་གོ་སྐབས་ཡོད་པ་མ་རེད། ཅེས་བརྗོད་བྱུང་། ལྷ་ས་ནས་ངའི་གཅེན་པོའི་ངོ་ཤེས་ཚོང་པ་ཞིག་གིས་ལམ་འཁྲིད་པ་བཙལ་ཏེ། རྒྱ་སྒོར་བརྒྱད་སྟོང་ལྔ་བརྒྱ་ ༨༥༠༠ ཙམ་སྤྲད་པ་ཡིན། ང་ཡང་ཁར་གཅེན་པོས་སློབ་སྦྱོང་ལ་ཤུགས་རྒྱོབས། དེང་སྐབས་སློབ་སྦྱོང་མེད་ན་མི་གྲལ་དུ་ཚུད་ཀྱི་མ་རེད་ཟེར། ཞེས་བརྗོད་བྱུང་། །

 

བུ་མོ་དེ་དག་གི་གླེང་མོལ་བརྒྱུད་དེ་ང་ལ་རེ་དོགས་དང་སེམས་ཁྲལ་མང་པོ་ཞིག་བསླངས་སོང་ལ། ཁོང་ཅག་གི་རེ་འདུན་ལྟར། རྒྱ་གར་ནས་སློབ་སྦྱོང་ལ་གྲུབ་འབྲས་དང་ཀུན་སྤྱོད་ལ་འཕོ་འགྱུར་གང་འདྲ་ཞིག་ཆགས་ཡོང་ངམ། འདས་ཟིན་པའི་ཐོབ་ཤོར་གྱི་ལོ་ཟླ་ལ་ཕངས་སེམས་དང་། མ་འོངས་པའི་ཀྱག་ཀྱོག་གི་མདུན་ལམ་ལ་ཚོད་དཔག་སྣ་ཚོགས་བྱེད་བཞིན་ཕྱིར་ལམ་ལ་ཆས་སྐབས། ངས་གོང་དུ་བཅར་འདྲི་ཞུ་ཡུལ་གྱི་བུ་མོ་ཟླ་བཟང་ལགས་སླར་ཡང་ངའི་གམ་དུ་ཡོང་སྟེ། ང་ལ་ཐུགས་རྗེ་ཆེ་ཟེར་བཞིན་ཤིང་ཏོག་ཅིག་སྤྲད་བྱུང་ལ། བོད་པའི་བུ་མོའི་ལྷད་མེད་དྭངས་གཙང་གི་གཤིས་རྒྱུད་དེས་ངའི་བསམ་གི་འཁྲུལ་སོ་རྨིང་ནས་སངས་སོང་།

གསར་འགོད་པ། དཔལ་ལྡན།

འབྲེལ་ཡོད་གསར་འགྱུར།

Advertisement for App

༸གོང་ས་རྒྱལ་བ་རིན་པོ་ཆེ་མཆོག་དགུང་གྲངས་ ༩༠ ལ་ཕེབས་པའི་སྐུའི་འཁྲུངས་སྐར་ལ་འཚམས་འདྲི་ཞུ།

༢༠༢༥/༠༧/༠༥
Photo Credit: The European Parliament
༸གོང་ས་མཆོག གསར་འགྱུར།

རྒྱ་ནག་གཞུང་གིས་སྐུའི་ཡང་སྲིད་ལ་ཐེ་ཇུས་བྱེད་མཚམས་འཇོག་དགོས་པའི་སྐུལ་མ་བྱས།  

༢༠༢༥/༠༧/༠༥
བོད་མིའི་སྒྲིག་འཛུགས་ཀྱིས་གཞིས་བྱེས་བོད་མི་ཡོངས་ཀྱི་ཚབ་ཞུས་ཏེ་༧གོང་ས་མཆོག་ལ་བརྟན་བཞུགས་བསྟར་འབུལ་ཞུས། དགའ་ལྡན་ཕོ་བྲང་གི་སྐུ་པར། ༢༠༢༥།༠༧།༠༥
༸གོང་ས་མཆོག གསར་འགྱུར།

བོད་མིའི་སྒྲིག་འཛུགས་ཀྱིས་གཞིས་བྱེས་བོད་མི་ཡོངས་ཀྱི་ཚབ་ཞུས་ཏེ་༧གོང་ས་མཆོག་ལ་བརྟན་བཞུགས་བསྟར་འབུལ་ཞུས།

༢༠༢༥/༠༧/༠༥
The BBC visited the Kirti monastery in Aba as the Dalai Lama turned 90
Mobile App

༧སྐུའི་གོ་སྟོན་དང་འབྲེལ་བོད་ནང་དུ་དམ་དྲག་ཤུགས་ཆེན་བྱེད་བཞིན་འདུག

༢༠༢༥/༠༧/༠༤
རྒྱ་གཞུང་གིས་རེབ་གོང་གི་དྲུག་པའི་ཀླུ་རོལ་གྱི་དུས་ཆེན་བཀག་འགོག་བྱས་འདུག ལྷ་སྲས་བསོད་ནམས་ཀྱི་པར། ༢༠༢༥།༧།༤
Mobile App

རྒྱ་གཞུང་གིས་རེབ་གོང་གི་དྲུག་པའི་ཀླུ་རོལ་གྱི་དུས་ཆེན་བཀག་འགོག་བྱས་འདུག

༢༠༢༥/༠༧/༠༤
༧གོང་ས་མཆོག་ལ་ཆོས་ཚོགས་ཐེངས་བཅོ་ལྔ་བའི་ཐོག་སྤྱི་མོས་གཏན་འབེབས་བྱུང་བའི་གྲོས་ཆོད་ཁག་སྙན་སེང་ཞུས། དགའ་ལྡན་ཕོ་བྲང་གི་སྐུ་པར། ༢༠༢༥།༧།༤
༸གོང་ས་མཆོག གསར་འགྱུར།

༧གོང་ས་མཆོག་ལ་ཆོས་ཚོགས་ཐེངས་བཅོ་ལྔ་བའི་ཐོག་སྤྱི་མོས་གཏན་འབེབས་བྱུང་བའི་གྲོས་ཆོད་ཁག་སྙན་སེང་ཞུས།

༢༠༢༥/༠༧/༠༤

མཆན། 5

  1. བཙན་བྱོལ་བ་ says:
    ལོ་ 15 སྔོན།

    གསར་འབྱོར་བ་འདི་ཚོ་བཙན་བྱོལ་བོད་གཞུང་སློབ་གྲྭ་ཁག་ནང་དུ་བསྐྱོད་ནས་སློབ་སྦྱོང་ལེགས་པོ་ཐོབ་མཚམས་རང་ཡུལ་དུ་ལོག་ནས་རང་མི་རིགས་ལ་ཕན་པའི་ཞབས་འདེགས་བསྒྲུབ་ཐུབ་པའི་ཡིད་ཆེས་ཡོད་ དྲ་གྲོགས་རྣམས་གོ་ནོར་ཐེབས་མི་ཉན་ ཆ་ཕྲེང་བ་ཚང་མ་གཅིག་མཚུངས་མིན་ རེད་ཡ་ དེ་དག་གི་ནང་དུ་དོལ་རྒྱལ་བསྟེན་མཁན་ཡོད་ཤས་ཆེ་ ཡིན་ན་ཡང་འགའ་ཤས་དེ་ལྟར་ཡིན་པའི་རྒྱུ་མཚན་གྱིས་ཚང་མ་དེ་ལྟར་ཡིན་པར་སྒྲུབ་ན་མི་འགྲིག་གི་

    Reply
  2. ཚང་མ། says:
    ལོ་ 15 སྔོན།

    བུ་མོ་མོ་རང་ཚོ་ང་ཚོ་དང་རིགས་རྒྱུད་གཅིག་ལས་ཆད་པ་ཡིན་པས་འདིར་སློབ་སྦྱོང་
    གྱི་ཆེད་དང་༸གོང་ས་མཆོག་ལ་འཇལ་དུ་ཡོང་བ་དགའ་བསུ་ཞུ་བ་དང་།
    རྗེས་མར་ལམ་ལོག་ཏུ་མི་འགྲོ་བར་རེབ་དང་ཡིད་ཆེས་ཡོད།
    ལེགས་གཉིས་རྣམ་པར་འབྱེད་པའི་རྣམ་དཔྱོད་བེད་སྤྱོད་གཏོང་དགོས།

    Reply
  3. ཉི་ཟླའི་མགྲོན་བདག says:
    ལོ་ 15 སྔོན།

    ཆ་ཕྲེང་གི་བུ་མོ་འདི་ཚོ་༸གོང་ས་མཆོག་ལ་དད་པ་བྱས་ནོ་བཟང་གི་འོན་ཀྱང་རྗེས་ན་འདྲེ་ངན་ཡོད་མེད་དོགས་པ་རེད།
    ཁོང་ཚོའི་འདོད་པ་ནང་བཞིན་སློབ་སྦྱོང་བྱེད་ཐུབ་པའི་རེ་བ་ཡོད།

    Reply
  4. རྟ་ནག་སྐལ་བཟང་ལུང་རིགས། says:
    ལོ་ 15 སྔོན།

    གསར་འགོད་པ་ལགས། “ངའི་བསམ་གི་འཁྲུལ་སོ་རྨིང་ནས་སངས་སོང”ཞེས་པ་ཡིག་ནོར་ཡིན་ས་རེད། ཡང་བསྐྱར་གཟིགས་རོགས་གནོང་།

    Reply
  5. རི་བོང། says:
    ལོ་ 15 སྔོན།

    (ཁྱིམ་ནས་ཁ་བྲལ་ཁར་ཨ་མས་རྒྱ་གར་ལ་སོང་ན། ༧གོང་ས་མཆོག་ལ་མཇལ་ཐུབ་པར་མ་ཟད། སློབ་སྦྱོང་གི་གོ་སྐབས་ཀྱང་ཡག་པོ་རག་གི་རེད་ཟེར།) ཆ་ཕྲེང་ནའང་༸གོང་ས་མཆོག་ལ་དེ་འདྲའི་དད་པ་བྱེད་མཁན་ཡོད་པ་ནི་དགའ་འོས་པ་ཞིག་རེད།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese