སླར་ཡང་ ངས་ཁྱེད་རང་གླེང་ན་འདོད
ཟླ་འོད་ཀྱི་ཁྲོད་དུ ག་ལེར་གནམ་མཁའ་ལ་བལྟས་དུས
བསིལ་རླུང་སྔོན་ཆད་བཞིན་ལྡིང་
ཟླ་འོད་ཀྱི་འཛུམ་མདངས་དེ་ཡང་
ཏག་ཏག སྐབས་འདི་འདྲ་ཞིག་ལ
ངས་ཁྱེད་རང་ལ་འོ་ཞིག་བྱེད་ན་འདོད
སེམས་དེ་བརླན་ན་འདོད
སྙིང་གཏམ་ཞིག་བཤད་ན་འདོད
ཧམ་སེམས་དེ་ཡང་སྤྲིན་པ་བཞུར་བཞུར་རེད
མཛེས་སྡུག་ནི་ཡལ་མེད་ཅིག་ཡིན་ན
དུངས་པ་དེ་ཡང་དེ་འདྲའི་འགྱུར་མེད་ཅིག་ཡིན་ན
ལས་དབང་དེ་ཡང་དེ་འདྲའི་སྡུག་རྩུབ་ཅན་ཞིག་མིན་རྒྱུ་ན
རྨིས་བཞིན་པའི་འདང་ནུབ་ཀྱི་རྨི་ལམ་ཁྲོད་ཀྱི་མི་དེ་ཁྱེད་རང་ཡིན་ན
གང་ལྟར ད་ཉལ་རན་སོང་
ཕྱིར་དྲན་ཁྲོད་དུ
ཤི་ལ་རན་པའི་མི་དེ་ང་གྱུར་ནས
བདེ་སྡུག་གི་བསྔོ་བ་གསུང་མཁན་གྱི་མི་དེ་ནི་སུ་ཡིན་ནམ
དངོས་ནས་གྲངས་ཀ་མེད་པ་ཞིག་བྲིས་དེ་བཞག་ཡོད་པ་དེ་དག་གི་ནང་ནས་མིན། དེ་དག་ད་ནི་རྙིང་བ་ཆགས་པ་ལྟ་བུ་ཞིག་ཡིན་ཡང་། སྟོན་རན་མེད་པ་ལྟ་བུ་ཞིག་རེད་འདུག་དྲན་གི གང་ལྟར། ནམ་ཞིག་ངས་སྙན་ཚིག་རིང་མོ་ཞིག་ལོ་ངོ་ཁ་ཤས་རིང་དུ་བྲིས་པ་ཞིག་ཡོད། དེ་མུ་འགོད་བྱེད་ན་ཐང་།
ཉི་ཟླའི་མགྲོན་བདག་ལགས། ཉིད་རང་ཕེབས་ནས་ཀློག་རྗེས་སུ་བསྟོད་བསྔགས་ཤིག་གནང་བ་དེར་དགའ་ནས་ཁ་ཡང་བཙུམ་མ་ཐུབ་པར་བསྡད་ཡོད། རྗེས་སུ་ཡོང་གི་བསྡོད།
གནམ་ལྕགས་ལགས། ཉིད་ནས་བསྟོད་བསྔགས་བྱས་པ་དང་ལམ་སྟོན་གནང་བ་དེར་བཀའ་དྲིན་ཆེ། ཤུ་རེ་བྱེད་ཀྱི་ཡོད། ལས་གསེང་ནས་ཤུ་རེ་བྱེད་ཡ་་་
སྙན་ངག་གི་དབྱངས་འགྲོས་ཀྱི་ཐད་ནས་བཤད་པ་མི་འདུག ཐ་སྙད་བཀོལ་སྤྱོད་ཀྱི་རྣམ་པ་དེ་ཅུང་ཞན་པ་འདུག གང་ལྟར་ཡར་རྒྱས་ཀྱི་རྣམ་པ་ནི་ཤིན་ཏུ་མངོན་འདུག
དྲ་གྲོགས་ལགས་སྙན་ངག་ལམ་གྱེར་བཞིན་ག་རེ་བསམ་གྱིན་འདུག
ཡག་པོ་བྲིས་འདུག ཀློག་ཚར་ཡིན།ང་ཕྱིར་འཁོར་སོང་ང་།རྗེས་ནས་ཐུག་ཡོང་།
ཨ་རོ། ལྷུ་རྐང་འཕྲོད་མོ་ཞིག་བྲིས་འདུག་བསམ་སོང་། སླར་ཡང་གླེང་བ་དང་ཡང་བསྐྱར་དྲན་པ་སོགས་མི་ཤེས་མོད། སྙན་ངག་འདི་གྲངས་ཀ་མེད་ནོའི་ནང་གི་གཅིག་ཡིན་ནི་རེད་འདོད་སོང་། དེ་ཙམ་བྱ།