སྤྱི་འཐུས་ཚོགས་གཙོ་སྤེན་པ་ཚེ་རིང་སྒེར་གྱི་གསལ་བཤད།

གནས་ཚང་ལགས། ཁྱེད་ནི་ངའི་རྩོད་པའི་ཡུལ་དུ་གྱུར་མེད། ཡིན་ནའང་། ངའི་རིགས་པས་ཁྱེད་ཀྱི་ནང་མཚང་ཞིག་ངོམ་དུ་འཇུག་གི་ཡིན།

༡ བཙན་བྱོལ་བོད་མིའི་བཅའ་ཁྲིམས་ལ་ཁས་ལེན་མི་བྱེད་པར་ཁྱད་གསོད་བྱེད་དགོས་པའི་རྒྱུ་མཚན་ཅི་ཡིན།
ལན། དྲི་བ་འདི་སྤེན་པ་ཚེ་རིང་ལ་བབས་ཡོད་པས། ང་ཚོས་འདིའི་ཐད་བགྲོ་གླེང་རིམ་པས་བྱས་པར་མ་ཟད། ཁྱེད་ཀྱིས་དེ་ནི་ཚོགས་གཙོ་ལགས་ཀྱིས་རྒྱ་ནག་དམར་ཤོག་ལ་ངོ་རྒོལ་མཚོན་བྱེད་རེད་ཅེས་ལན་རྒྱབ་ཡོད་པ་མ་ཡིན་ནམ།

ལན་ལ་ལན་རྒྱག་པ། ཚོགས་གཙོ་སྤེན་པ་ཚེ་རིང་གིས་བཀའ་སྤྱི་གཉིས་ཀྱི་སྔོན་འགྲོའི་འོས་བསྡུ་ནང་དུ་ཞུགས་པ་ནི་བོད་མིའི་བཅའ་ཁྲིམས་དང་འོས་བསྡུའི་སྒྲིག་གཞི་ལ་བརྩི་བཀུར་ཞུས་ཏེ་དམངས་གཙོའི་ཁེ་དབང་ལོངས་སུ་སྤྱད་ནས་རྒྱ་ནག་དམར་ཕྱོགས་ཚོགས་པའི་བཙན་དབང་རིང་ལུགས་ཀྱི་མདུན་དུ་བཙན་བྱོལ་བོད་མིའི་དམངས་གཙོའི་གཟི་བརྗིད་ངོམས་ཡོད་པས་ཚང་མས་ཁོང་ལ་དགའ་བསུ་ཞུ་དགོས་པ་ཡིན་ཞེས་བྲིས་ཡོད་པའི་ནང་དོན་མ་གོ་བ་རེད་ཡང་ན་མིག་ལུང་བར་གྱུར་ཡོད་དམ།

༢ ཚོགས་གཙོ་སྤེན་པ་ཚེ་རིང་གིས་བཅའ་ཁྲིམས་ལྟར་བཀའ་སྤྱི་གཉིས་ཀྱི་སྔོན་འགྲོའི་འོས་བསྡུའི་ཐོབ་ཐང་ལ་མི་དགའ་བའི་རྒྱུ་མཚན་ཅི་ཡིན།
ལན། འདི་ན་དགའ་མི་དགའ་ཞིག་ལྷག་མེད་པར་མ་ཟད། སྤེན་པ་ཚེ་རིང་ལས་འོས་མི་གཞན་དག་གིས་བཀའ་སྤྱི་གཉིས་ཀྱི་ཆ་ཤས་མི་ལེན་དོན་ལ་ཐུག་ཡོད་ཅིང་། དེ་ནི་ཁོང་ཚོས་ཐོབ་ཐང་ལེན་མ་ཤེས་པ་རེད་དམ། ཡང་ན། སྤེན་པ་ཚེ་རིང་ལ་དམིགས་བསལ་དབང་ཆ་ཞིག་རེག་ཡོད་པ་རེད།

ལན་ལ་ལན་རྒྱག་པ། སྤེན་པ་ཚེ་རིང་གཙོ་བའི་འོས་མི་གཞན་དག་གིས་བཀའ་སྤྱི་གཉིས་ཀྱི་ཆ་ཤས་ལེན་མི་ལེན་སོ་སོའི་རང་དབང་རེད། རི་བོང་ཅལ་འདྲོགས་ཀྱི་རྗེས་སུ་བརྒྱུག་མི་དགོས། དམངས་གཙོའི་རང་དབང་ཡོད། རྒྱ་རི་སྒྲོལ་མས་རི་བོང་ཅལ་འདྲོགས་བྱས་ནས་ད་ལྟ་ཁོང་ལ་བཀའ་ཁྲིའི་ཐོབ་ཐང་མེད་ལ་སྤྱི་འཐུས་ཀྱི་ཐོབ་ཐང་ཡང་མེད་པ་གསལ་བོ་ཡིན། ང་ཚོ་ཚང་མ་སེམས་སྐྱོ་བ་ཞིག་རེད། ཁོང་ནི་མིག་དཔེ་ལྡན་པའི་བུད་མེད་ཅིག་ཡིན་པས་བོད་གཞུང་གི་ནང་དུ་ངེས་པར་དུ་ལས་ཀ་བྱེད་དགོས།

༣ རྒྱ་རི་སྒྲོལ་མ་བཀའ་སྤྱི་གཉིས་ཀྱི་སྔོན་འགྲོའི་འོས་བསྡུའི་ཐོབ་ཐང་ལེན་མི་ཆོག་པར་སུས་བཀག་འགོག་བྱས་སོང་།
ལན། སྐད་ཆ་འདི་ཁྱེད་རང་གིས་གསར་དུ་བཟོས་པ་ཞིག་ཡིན་པས། སོ་སོས་བཟོས་པའི་སྐད་ཆར་སོ་སོས་འགན་འཁུར་དགོས་ཀྱི་རེད་མ་གཏོགས་གཞན་གྱིས་ཚབ་བྱེད་ཐུབ་ཀྱི་མ་རེད།

ལན་ལ་ལན་རྒྱག་པ། ཁྱེད་ཀྱིས་དེ་ལ་ལན་བརྒྱག་མི་ཐུབ་ན། ངས་ཁྱོད་ལ་གསལ་བཤད་བྱེད་དགོས། དེ་ནི་རྒྱ་རི་སྒྲོལ་མའི་རང་དབང་གི་འདམ་ག་ཡིན་པ་བཞིན་དུ་སྤེན་པ་ཚེ་རིང་ལའང་རང་དབང་གི་འདམ་ག་ཡོད་པ་རེད། ཁོང་གཉིས་ལ་བཀག་འགོག་བྱེད་མཁན་མེད། དམངས་གཙོའི་རང་དབང་ནང་དུ་སོ་སོའི་རང་དབང་ལ་བཀག་འགོག་བྱེད་མཁན་ཡོད་ན་དེ་སུ་ཡིན་པ་བཤད་དགོེས་ངེས་རེད། དེ་མེད་ན། ང་ཚོས་ཁོང་ཚོའི་རང་དབང་གི་འདམ་ག་ལ་མི་དགའ་བ་བྱེད་དགོས་པའི་རྒྱུ་མཚན་མེད།

༤ གོང་ས་མཆོག་གིས་གསོལ་རས་གནང་བའི་དམངས་གཙོའི་རང་དབང་ལ་མཐོང་ཆུང་བྱེད་དགོས་པའི་རྒྱུ་མཚན་ཅི་ཡིན།
ལན། དེ་ག་རང་རེད། སྤྱི་འཐུས་ཚོགས་གཙོ་སྤེན་པ་ཚེ་རིང་གིས་ཁ་ནས་གོང་ས་མཆོག་གིས་མང་གཙོ་གསོལ་རས་གནང་བ་རེད་ཅེས་མ་ཎི་བགྲང་བགྲང་དང་ཕྱོགས་གཞན་ཞིག་ནས་མངོན་སུམ་འཛེམས་མེད་ཀྱིས་བཀའ་སྤྱི་གཉིས་ཀྱི་ཆ་ཤས་དུས་མཉམ་དུ་བླངས་ཡོད་པས། དེ་ནི་སྤེན་པ་ཚེ་རིང་དང་ཁོའི་འབ་ཕྲུག་ཚོས་མཐོང་ཆུང་བྱེད་ཀྱིན་པའི་རྟགས་གཙོ་བོ་ཞིག་ཏུ་གྱུར་ཡོད།

ལན་ལ་ལན་རྒྱག་པ། སྤེན་པ་ཚེ་རིང་གིས་བཀའ་སྤྱི་གཉིས་ཀྱི་སྔོན་འགྲོའི་ཆ་ཤས་དུས་མཉམ་དུ་བླངས་པ་ནི་གོང་ས་མཆོག་གིས་གསོལ་རས་གནང་བའི་དམངས་གཙོའི་ཐོབ་ཐང་དང་བཅའ་ཁྲིམས་ཀྱི་ཐོབ་ཐང་དང་མཐུན་པ་རེད། གོང་ས་མཆོག་གི་བཀའ་བརྩི་སྲུང་བྱེད་མཁན་ཞིག་ན་བཅའ་ཁྲིམས་དང་མཐུན་པར་བྱེད་དགོས། སྤེན་པ་ཚེ་རིང་གིས་དེ་དང་མི་མཐུན་པར་བྱས་ཡོད་ན་ཚིག་ལུང་འདྲེན་བྱས་ནས་ཁྲིམས་ཞིབ་ཁང་ལ་གཏུག་བཤེར་ཡོང་བར་ཞུ། དེ་མིན་ན། སྤེན་པ་ཚེ་རིང་ལ་མ་དགའ་བའི་རྒྱུ་མཚན་ཡིན་ན་གླེན་རྟགས་རེད།

༥ བཅའ་ཁྲིམས་རྟག་བརྟན་ཡིན་པར་སུས་ལབ་ཀྱི་འདུག
ལན། ༼རིགས་པ་སྨྲ་བ། ༢༠༡༠/༡༡/༡༤ ཉིན་འདོན་སྤེལ་བྱས། བོད་མི་དམངས་ཀྱི་སྐུ་ཚབ་སྤྱི་འཐུས་གྲོས་ཚོགས་ཀྱིས་དམངས་གཙོའི་ལམ་ནས་གཏན་ལ་ཕབ་ཅིང་༸གོང་ས་མཆོག་གིས་མཚན་རྟགས་བཀོད་ཟིན་པའི་བཅའ་ཁྲིམས་ལ་འཐུས་ཚང་མ་ཡིན་པར་བཤད་དེ་ཁྱད་གསོད་དང་དམའ་འབེབས། མཐོང་ཆུང་བྱས་པ་འདི་ནི་ཁྱོད་བླུན་རྨོངས་མཐར་ཐུག་པ་ཞིག་གི་སྐད་ཆ་ཡིན་པ་ལས་འཛམ་གླིང་འདིར་བླུན་རྟགས་དེ་འདྲ་སུས་སྟོན་ནུས་སམ། ༽ འདི་རྟག་བརྟན་རེད་ཅེས་བཤད་པ་མིན་ན་ཅི་ཞིག་ཡིན།

ལན་ལ་ལན་རྒྱག་པ། གོང་གི་ཚིག་གི་ནང་དོན་མི་གོ་ན་གཞན་ལ་སྐད་ཆ་དྲིས། འདིའི་ནང་དོན་ནི་ཁྱེད་རང་གིས་ ༸གོང་ས་མཆོག་གིས་མཚན་རྟགས་བཀོད་ཟིན་པའི་བཅའ་ཁྲིམས་ལ་འཐུས་ཚང་མ་ཡིན་པར་བཤད་དེ་ཁྱད་གསོད་བྱས་པ་འགྲིག་མ་སོང་ཞེས་པའི་དོན་རེད་མ་གཏོགས། ངས་དེ་རྟག་བརྟན་ཡིན་པར་བཤད་པའི་ཚིག་ཅིག་གང་དུ་འདུག ཁྱེད་ཀྱིས་ངའི་ཚིག་གི་དོན་དག་གོ་ཡི་མི་འདུག་ཅེས་ངས་ཁྱོད་ལ་སྔོན་མ་ནས་བཤད་ཡོད། དེར་བརྟེན། ཁྱེད་རང་ངའི་རྩོད་པའི་ཡུལ་མ་རེད་ཅེས་བཤད་དགོས་བྱུང་།

༦ རི་བོང་གི་རྭ་ཡོད་མེད་སུས་རྩོད་ཀྱི་འདུག
ལན། ༼རིགས་པ་སྨྲ་བ། ༢༠༡༠/༡༡/༡༤ ཉིན་འདོན་སྤེལ་བྱས། … … མི་ཤེས་ན་འཛིན་གྲྭ་དང་པོར་ཕྱིན་ནས་སློབ་སྦྱོང་བྱོས་དང་དེར་ཤེས་རྟོགས་བྱུང་གི་རེད། དེ་ནས་རིགས་པ་སྨྲ་བའི་རྩོད་པའི་ར་བར་ཕེབས་ཤོག །༽ འདི་རི་བོང་ལ་རྭ་ཡོད་མེད་རྩོད་འདུན་ཡོད་པ་མིན་ན་གང་ཡིན།

ལན་ལ་ལན་རྒྱག་པ། རིགས་པ་སྨྲ་བའི་རྩོད་པའི་ར་བ་ཞེས་པ་ནི་རི་བོང་གི་རྭ་ཞེས་པའི་དོན་དག་མ་རེད། རྒྱུ་མཚན་བཤད་ནས་རྩོད་པ་བྱེད་སའི་དུས་བབ་ཀྱི་ར་བ་ཞེས་པའི་དོན་དག་རེད།
ངས་ཁྱོད་ལ་ཚིག་གི་འགྲེལ་བཤད་བྱེད་དགོས་ན་ཤིན་ཏུ་ཉོབ་ཀྱི་འདུག

༧ ངས་བཤད་ཟིན་པ་ཁས་ལེན་མི་བྱེད་པའི་ཚིག་གང་རེད།
ལན། ཁྱེད་རང་ལ་གོང་གསལ་གཙོས་ལན་བཏབ་ཟིན་པ་ཆ་ཚང་ལ་ངོས་ལེན་བྱེད་འདུན་མེད་པ་འདི་ནི་ནང་ཁུལ་སྲིད་དོན་པའམ་ལུང་ཚན་རིང་ལུགས་པ་ཞིག་གི་རྟགས་མཚན་གཙོ་བོ་རེད་ལ། རིགས་ལམ་ཉི་ཚེ་བ་ཞིག་གི་སྐུད་སྣེར་འཇུས་ཡོད་པས་ཀྱང་རེད།

ལན་ལ་ལན་རྒྱག་པ། ཁྱེད་ཀྱིས་ངའི་མིང་ཚིག་གི་ནང་དོན་ཡང་གོ་ཡི་མེད་པའི་གོང་གི་སྐད་ཆ་རྣམས་ངས་ཁས་ལེན་བྱེད་དགོས་ན་ང་ཡང་ཁྱེད་རང་ནང་བཞིན་བླུན་རྨོངས་པ་ཞིག་ཆགས་ས་རེད།

༩ གོང་ས་མཆོག་གིས་རྒྱ་ནག་དམར་ཤོག་ཚོགས་པར་ངོ་རྒོལ་གནང་གི་མེད་ཅེས་པའི་ཚིག་ཐོལ་བ་དེ་གང་ནས་སྙེད་སོང་།
ལན། སྔར་ཐའེ་ཝན་ལ་ཕེབས་དུས་གསུངས་ཡོད་པ་རེད་ལ། རྒྱ་ནག་པ་ཚོར་མང་པོ་གསུངས་ཚར་བ་རེད། ཧ་གོ་མེད་ན་མི་ལ་སྐད་ཆ་ཕྲིས། དེབ་ཀློག

ལན་ལ་ལན་རྒྱག་པ། སྤྱིར་གོང་གི་ཚིག་དེ་ཁྱེད་ཀྱིས་བཤད་པ་རེད་མ་གཏོགས་ང་ལ་འབྲེལ་བ་མེད། ཡིན་ནའང་། ཁྱེད་རང་གིས་བཤད་པ་ནང་བཞིན་༸གོང་ས་མཆོག་གི་ཚིག་ཡོད་ན་ཕྲིས་ཤིག དེ་མིན་ན། མི་ལ་སྐད་ཆ་འདྲི་དགོས་ན། འཛམ་གླིང་དུ་ཁྱེད་རང་ནང་བཞིན་སྐྱག་རྫུན་བཤད་མཁན་མང་བོ་ཡོད་པ་རེད།

༡༠ རྒྱ་རི་སྒྲོལ་མས་བཀའ་ཁྲིའི་འོས་མིར་ལངས་པ་ནས་སྤྱི་འཐུས་འོས་གཞི་དོར་བ་ནི་བཟང་སྤྱོད་ཡིན་ན་སྤེན་པ་ཚེ་རིང་གིས་བཅའ་ཁྲིམས་ཀྱི་དགོངས་གཞི་ལྟར་སྤྱི་འཐུས་འོས་གཞིར་ལངས་ནས་བཀའ་ཁྲིའི་འོས་གཞི་དོར་བ་ནི་བཟང་སྤྱོད་མ་ཡིན་པའི་རྒྱུ་མཚན་ཅི་རེད།
ལན། གནད་འགག་གཙོ་བོ་བཀའ་ཁྲིའི་འོས་གཞིར་ལངས་ནས་སྤྱི་འཐུས་དོར་བ་ཡིན་ཞེས་བསྒྲགས་པ་དེ་བཞིན་ཁ་དན་ཚིག་ལ་མ་གནས་པར་སྔོན་འགྲོའི་འོས་འདེམས་ཁྲོད་བཀའ་སྤྱི་གཉིས་ཀའི་ཆ་ཤས་བླངས་པ་དང་། འོས་ཐོབ་ལ་རེ་འབྲས་མེད་པར་བརྟེན་ནས་སྤྱི་འཐུས་གདམ་པ་ཡིན་པས། འདིར་བོད་ཀྱི་གཏམ་དཔེར་བློ་སྔོན་ལ་དྲན་ན་མཁས་པ་དང་ཇུས་རྗེས་ནས་འཐེན་ན་བླུན་པོ་རེད་ཅེས་པ་ལས་མ་འདས།

ལན་ལ་ལན་རྒྱག་པ། ཁྱེད་ཀྱིས་ངའི་དྲི་བ་ལ་ལན་བརྒྱབ་མི་འདུག གཏོར་མ་ཤར་དང་གླུད་ནུབ་ཟེར་པའི་དཔེ་རེད། དེ་ནི་བཀའ་ཁྲིའི་འོས་གཞིར་ལངས་ནས་སྤྱི་འཐུས་དོར་བ་ཡིན་ཞེས་པའི་ཚིག་དེ་ཁྱེད་རང་སྤེན་པ་ཚེ་རིང་ལ་མ་དགའ་བའི་བཟོ་བཅོས་ཀྱི་ཚིག་རེད། སྤྱི་འཐུས་དོར་བ་ཡིན་ཞེས་པའི་ཚིག་དེ་གང་དུ་འདུག དེར་མ་དགའ་ན་བཟོ་བཅོས་བྱེད་དགོས་པའི་རྒྱུ་མཚན་ཅི་ཡོད།
བློ་སྔོན་ལ་དྲན་ན་མཁས་པ་དང་ཇུས་རྗེས་ནས་འཐེན་ན་བླུན་པོ་རེད་ཅེས་པའི་དཔེ་དེ་རྒྱ་རི་སྒྲོལ་མ་དང་ཁྱེད་རང་ལ་འོས་པ་རེད། རྒྱ་རི་སྒྲོལ་མས་བློ་སྔོན་ལ་བཏང་ནས་མཁས་པ་ཆགས་འདུག་གམ་བླུན་པོ་ཆགས་འདུག བཀའ་བློན་ཁྲི་བ་ཡང་མེད་པ་དང་སྤྱི་འཐུས་ཀྱང་མེད་པ་ལ་ལྟོས་དང་། དེ་ང་ལའང་བློ་ཕམ་བྱུང་གི་འདུག ང་རང་བོད་སྤྱི་བའི་ལས་དོན་སྒྲུབ་མཁན་ལ་ཧ་ཅང་དགའ་བོ་ཡོད།

གནས་ཚང་ལགས། གོ་བ་མེད་པའི་གླང་རྒན་ལྟར། དྲི་བ་རིང་དྲགས་པས་ནང་དོན་མི་གོ་ན། གཤམ་གྱི་ངའི་དྲི་བ་ཐུང་ཐུང་ལ་ལན་རྒྱོབས།
བཙན་བྱོལ་བོད་མིའི་བཅའ་ཁྲིམས་ལ་ཁས་ལེན་མི་བྱེད་པར་ཁྱད་གསོད་བྱེད་དགོས་པའི་རྒྱུ་མཚན་ཅི་ཡིན། ལན་རྒྱོབས།
ཚོགས་གཙོ་སྤེན་པ་ཚེ་རིང་གིས་བཅའ་ཁྲིམས་ལྟར་བཀའ་སྤྱི་གཉིས་ཀྱི་སྔོན་འགྲོའི་འོས་བསྡུའི་ཐོབ་ཐང་ལ་མི་དགའ་བའི་རྒྱུ་མཚན་ཅི་ཡིན། ལན་རྒྱོབས།
རྒྱ་རི་སྒྲོལ་མ་བཀའ་སྤྱི་གཉིས་ཀྱི་སྔོན་འགྲོའི་འོས་བསྡུའི་ཐོབ་ཐང་ལེན་མི་ཆོག་པར་སུས་བཀག་འགོག་བྱས་སོང་། ལན་རྒྱོབས།
གོང་ས་མཆོག་གིས་གསོལ་རས་གནང་བའི་དམངས་གཙོའི་རང་དབང་ལ་མཐོང་ཆུང་བྱེད་དགོས་པའི་རྒྱུ་མཚན་ཅི་ཡིན། ལན་རྒྱོབས།
བཅའ་ཁྲིམས་རྟག་བརྟན་ཡིན་པར་སུས་ལབ་ཀྱི་འདུག ལན་རྒྱོབས།
རི་བོང་གི་རྭ་ཡོད་མེད་སུས་རྩོད་ཀྱི་འདུག ལན་རྒྱོབས།
ངས་བཤད་ཟིན་པ་ཁས་ལེན་མི་བྱེད་པའི་ཚིག་གང་རེད། ལན་རྒྱོབས།
ངའི་དྲི་བ་ལ་ལན་བརྒྱག་པར་ལྐུགས་པར་སྡོད་དགོས་པའི་རྒྱ་མཚན་ཅི་རེད། ལན་རྒྱོབས།
གོང་ས་མཆོག་གིས་རྒྱ་ནག་དམར་ཤོག་ཚོགས་པར་ངོ་རྒོལ་གནང་གི་མེད་ཅེས་པའི་ཚིག་ཐོལ་བ་དེ་གང་ནས་སྙེད་སོང་། ལན་རྒྱོབས།
རྒྱ་རི་སྒྲོལ་མས་བཀའ་ཁྲིའི་འོས་མིར་ལངས་པ་ནས་སྤྱི་འཐུས་འོས་གཞི་དོར་བ་ནི་བཟང་སྤྱོད་ཡིན་ན་སྤེན་པ་ཚེ་རིང་གིས་བཅའ་ཁྲིམས་ཀྱི་དགོངས་གཞི་ལྟར་སྤྱི་འཐུས་འོས་གཞིར་ལངས་ནས་བཀའ་ཁྲིའི་འོས་གཞི་དོར་བ་ནི་བཟང་སྤྱོད་མ་ཡིན་པའི་རྒྱུ་མཚན་ཅི་རེད། ལན་རྒྱོབས།
རྒྱ་རི་སྒྲོལ་མ་སྤྱི་འཐུས་ཀྱི་སྔོན་འགྲོའི་འོས་གཞིར་མ་ཞུགས་པ་ནི་སྤྱི་འཐུས་ཀྱི་ནང་དུ་ཞུགས་ནས་བོད་སྤྱི་བའི་ལས་དོན་བསྒྲུབ་འདོད་མེད་པ་རེད། དེ་ནི་ཞབས་འདྲེན་རེད།
སྤེན་པ་ཚེ་རིང་གིས་བཀའ་ཁྲི་ཡོང་ན་བཀའ་ཁྲི་དང་བཀའ་ཁྲི་མ་ཡོང་ན་སྤྱི་འཐུས་བདམས་པ་ནི་བོད་སྤྱི་བའི་ལས་དོན་བསྒྲུབ་འདོད་ཡོད་པའི་སྙིང་སྟོབས་རེད། དེ་ནི་དཔའ་བོ་རེད།

གནས་ཚང་ལགས། ཚོགས་གཙོ་སྤེན་པ་ཚེ་རིང་གིས་བཀའ་སྤྱི་གཉིས་ཀྱི་སྔོན་འགྲོའི་འོས་བསྡུའི་ཐོབ་ཐང་བླངས་ནས་གོང་ས་༸མཆོག་གིས་གསོལ་རས་གནང་བའི་དམངས་གཙོའི་ཐོབ་ཐང་ལོངས་སུ་སྤྱད་དེ་བོད་མི་དམངས་ལ་ཞབས་འདེགས་ཞུ་བའི་ཆོད་སེམས་ལ་ཁྱེད་རང་གིས་མི་དགའ་བར་བྱེད་པའི་རྒྱབ་ལྗོངས་ག་རེ་ཡིན་ནམ། བཀའ་སྤྱི་གཉིས་ཀྱི་འོས་མི་ཚང་མས་བཙན་བྱོལ་བོད་མིའི་བཅའ་ཁྲིམས་ཀྱི་དགོངས་དོན་ལྟར་འོས་བསྡུའི་ཐོབ་ཐང་ལ་ཞུགས་པར་ང་ཚོས་བསྔགས་བརྗོད་བྱེད་དགོས་པ་ཡིན། དེ་ནི་བོད་སྤྱི་བའི་ལས་དོན་ཡིན་པས་དེ་ལ་དགག་པ་བརྒྱག་མི་འོས་པ་ཡིན།
ངས་ཁྱོད་ཀྱི་དྲི་བ་ཚང་མར་ལན་བརྒྱབ་ཡོད་པ་དག་ལ་མི་གཟིགས་པར་ཡང་བསྐྱར་དྲི་བ་བཏང་ནས་ཕན་ཐོགས་མི་འབྱུང་། རྒྱ་རི་སྒྲོལ་མ་ལགས་བཀའ་སྤྱི་གཉིས་ཀྱི་སྔོན་འགྲོའི་འོས་བསྡུ་ལ་ལངས་མི་ཆོག་པར་བཅའ་ཁྲིམས་དང་མི་དམངས་ཀྱིས་བཀག་སྡོམ་བྱས་པའི་ཚིག་ཞིག་ཁྱེད་ལ་འབྲི་རྒྱུ་ཡོད་ན་ཕྲིས་ཤོག་ཅེས་ཐེངས་གང་མང་བཤད་ཡོད། ཚིག་དེ་འདྲ་ཡོད་ན་ངས་གུས་པ་ཆེན་པོས་ཁས་ལེན་བྱེད་ངེས་ཡིན། བོད་ཀྱི་དམངས་གཙོའི་ཐོབ་ཐང་ནང་དུ་གདམ་ཀ་བྱེད་མི་ཆོག་ན་དམངས་གཙོའི་མཚན་ཉིད་མེད་པ་རེད། སྤྱིར་ངས་ལན་བརྒྱབ་པའི་དོན་དག་ཚང་མ་ཁྱོད་ཀྱིས་ཧ་གོ་ཡི་མེད་པར་མ་ཟད། བོད་ཀྱི་བརྡ་སྤྲོད་ཀྱང་ཤེས་ཀྱི་མེད་པ་གསལ་བོ་ཡིན། དེ་མིན་ན་ངའི་ལན་དག་ལ་མ་བལྟས་པར་ཡང་བསྐྱར་དོན་མེད་ཀྱི་དྲི་བས་ཅི་ལ་ཕན། ངས་བོད་སྤྱི་བའི་ལས་དོན་ལ་སུས་ཕན་ཐོགས་ན་དེ་ལ་དགའ་བོ་བྱེད་ཀྱི་ཡོད།

རིགས་པར་སྨྲ་བར་ཕུལ་བའི་ཁ་སྣོན་དྲི་བ་གཅིག

ཚོགས་གཙོ་སྤེན་པ་ཚེ་རིང་གི་གསལ་བསྒྲགས་དེ་དབུས་འོས་བསྡུ་ལས་ཁུངས་ལ་འགྲན་བསླངས་པའི་གསལ་བསྒྲགས་ཤིག་ཀྱང་ཆགས་ཡོད་དེ། དཔེར་ན། འོས་བསྡུ་ལྷན་ཁང་གིས་སྒྲིག་གཞི་ལྟར་ཁོ་རང་གི་སྤྱི་འཐུས་འོས་ཤོག་ལས་བསྒྲགས་མེད་ཀྱང་ཁོ་རང་གིས་གསལ་བསྒྲགས་དང་བསྟུན་ནས་བཀའ་ཁྲིའི་འོས་ཤོག་ཀྱང་བསྒྲགས་ཟིན་པས། ཁྲིམས་བཟོ་ལྷན་ཚོགས་ལ་འགོ་ཁྲིད་བྱེད་ཀྱིན་པ་ཞིག་གིས་ཤེས་བཞིན་དུ་འདི་ལྟར་གནང་ན། འོས་བསྡུའི་སྒྲིག་གཞིར་གཏོར་སྐྱོན་བཏང་བར་མ་ཟད། འོས་བསྡུའི་འགན་འཛིན་ལྷན་ཚོགས་ལ་མཐོང་ཆུང་དང་དབང་ཤེད་ངོམས་པ་མ་ཡིན་ན།

ཚོགས་གཙོ་སྤེན་ཚེ་དགོངས་ཞུ་བྱས་པ་དེ་བཟང་གི། ཡིན་ནའང་དབུས་འོས་བསྡུ་ལས་ཁང་ལ་དངོས་གཞིའི་བཀའ་ཁྲི་འོས་མི་གྲངས་ཚད་སྐོར་གནོད་ཤུགས་བསྤྲད་པ་དེ་མི་བཟང་གི། གལ་སྲིད་ཁྱེད་ལ་དེ་ལྟར་དགོངས་ཚུལ་ཡོད་ན། དེའི་སྐོར་ཐད་ཀར་འོས་བསྡུ་ལས་ཁང་ལ་བཤད་ན་མ་འགྲིག་པ་མེད་ཁི། ཡོངས་ཁྱབས་གསལ་བསྒྲགས་དེ་ལྟ་བུ་བྱས་པ་དེ་ཁོ་རང་གྲོས་ཚོགས་ཀྱི་ཚོགས་གཙོ་ཞིག་གི་བཟང་སྤྱོད་དང་འགལ་བའི་གནད་དོན་ཞིག་ཆགས་ཡོད་པ་རེད། བཀའ་ཁྲི་དངོས་གཞི་འོས་མི་མི་གྲངས་ག་ཚོད་གསལ་བསྒྲགས་བྱེད་ན་འོས་བསྡུ་འགན་འཛིན་རྣམ་པས་འོས་བསྡུ་སྒྲིག་གཞི་དང་མ་འགལ་བྱེད་རྒྱུ་དེ་གལ་ཆེན་རེད་མ་གཏོགས་ཚོགས་གཙོ་སྤེན་ཚེ་ཁོ་རང་ལ་ཉན་དགོས་དོན་ཡོད་པ་མ་མཐོང༌།

གྲོགས་པོ་རྨོག་རུ་བསྟན་པ་ལགས །
ཐུགས་རྗེ་ཆེ ། ང་རང་གིས་ནི་དམར་ཁ་ཚས་བཀའ་བཙན་པོ་
བཏང་བ་གང་ཡང་མཐོང་མ་སོང་། བསམ་ཚུལ་ཞིག་བཤད་འདུག་
དེ་རྒྱུན་ལྡན་རེད ། མ་རྩ་ང་རང་ཆུང་ཆུང་ཆེ་ཆེ་དང་། འཇག་མ་མདུང་ཤིང་
ལ་རྒྱུར་རྒྱུ་དེ་འདྲ་དགའ་བོ་མེད ། ཡིན་ན་ཡང་རང་གི་གྲོགས་པོ་ལ་ཚིག་ཟུར་
གཅིག་བཤད་མ་བཤད་ཀྱི་རྒྱབ་རྩ་བྱེད་པ་འདི་གྲོགས་པོ་ན་གྲོགས་པོ་ཧ་ཧ་ཧ་

ཟླ་བྷེ། འུར་རྒྱག་རྒྱུ་ཅུང་ཟད་སྔ་དྲགས་ཀྱི་འདུག བོད་ཀྱི་དུས་བབ་ཀྱི་ཟིན་བྲིས་འདི་བསམ་ཚུལ་གསུང་སའི་སྟེགས་བུར་བསྐྲུན་པ་རེད། མི་གཞི་ལ་སྐྱོན་བརྗོད་དང་དགོས་མེད་ཀྱི་མཚང་འབྱིན་བྱས་ན་ཡག་པོ་མི་འདུག་ཀྱང་། མཐོ་རིམ་གྱི་གནས་སྟངས་ལ་བགྲོ་གླེང་སུས་ཀྱང་བྱས་ཆོག་གི་རེད། མང་གཙོའི་ས་ཆ་རེད།
རྨོག་རུ་དང་ཁྱེད་ཚོ་ཁག་ཅིག་གི་རྔ་མ་སྤེན་པ་ལགས་ཀྱི་མཆན་འོག་ལ་བཅུག་འདུག་ཀྱང་། དོན་དངོས་བཤད་ན་འཚེར་སྣང་དང་སྐྲག་སྣང་བྱེད་དགོས་པའི་རྒྱུ་མཚན་མ་མཐོང་།
ཚོགས་པའི་གཏམ་བཤད་ནང་བཀའ་ཁྲིར་ལངས་དགོས་པ་དེ་ང་རང་གི་རེ་བ་ཡོད་སའི་མི་དེ་སླེབས་མ་སོང་བའི་རྒྱུ་མཚན་བགྲང་བ་རེད། རྒྱུ་མཚན་དེའི་ཆེད་དུ་རང་ཚུགས་བརྟན་བཟུང་མི་བྱེད་པར་ཕྱིར་བྲོས་རྒྱབ་པ་དེ་སྡར་མའི་འཁྲབ་སྟོན་རེད་དམ་མ་རེད།
ང་ཚོ་བོད་ཀྱི་བུ་རྒོད་ཞིག་ཡིན་ན་ཝ་རྔ་མ་ཤ་ལེ་འབྲོ་བ་ལས། སྟག་འཛུམ་དྲུག་ཉིད་ལེ་ཤི་ན་དགའ་ཞེས་པའི་མེས་པོ་ཚོའི་ཞལ་གདམ་ལ་བརྩི་སྲུང་བྱེད་དགོས་པ་རེད།
གང་ལྟར་སྤེན་པ་ཚེ་རིང་ལ་ནང་འགལ་མང་པོ་བྱུང་ཚར་བ་རེད།

བཀའ་བློན་ཁྲི་པ་རྨི་ལམ་དུ་བཏང་མྱོང་མེད་པའི་ཟློས་གར་གྱི་གཏམ་བཤད།
དངོས་སུ་བཀའ་ཁྲིའི་འོས་མིར་ལངས་བའི་བསྒྲགས་གཏམ།
དེང་ཡང་འོས་གཞི་ཁ་འཐོར་དུ་འགྲོ་བའི་སེམས་ཁྲལ་གློ་བུར་བའི་བསམ་ཤེས།
དུས་ཚོད་ལ་བསྟུན་ཤེས་པའི་མི་འདི་ཚོ་གང་དུ་གང་དུ་སླེབས་ས་ཡག་ན་དེར་རྒྱུག་གིན་རེད།

གནས་ཚང་ལགས། ཁྱེད་ཀྱིས་ཁ་གཅིག་ནས་བཙན་བྱོལ་བོད་མིའི་བཅའ་ཁྲིམས་ལ་སྐྱོན་བརྗོད་བྱེད་པ་དང་། ཁ་གཅིག་ནས་དམངས་གཙོའི་ལམ་སྲོལ་གཟི་བརྗིད་ལྡན་པར་བཤད་པ། ཁ་གཅིག་ནས་མི་གཅིག་གིས་བཀའ་སྤྱི་གཉིས་ཀྱི་སྔོན་འགྲོའི་འོས་བསྡུའི་ཐོབ་ཐང་ལེན་མི་ཆོག་པར་བཤད་པ་བཅས་ནི་ཁྱེད་ཀྱིས་བཅའ་ཁྲིམས་དང་དམངས་གཙོ་དང་སྔོན་འགྲོའི་འོས་བསྡུ་བཅས་ཀྱི་འགྲོ་ལུགས་ཅི་ཡང་མི་ཤེས་པར་ཕྱོགས་ཞེན་གྱི་མེ་ལྕེ་འབར་བའི་འདྲེ་ཚང་ཞིག་ཡིན་པར་གསལ་བར་མངོན་པ་དང་ཁྱེད་རང་བཙན་བྱོལ་བོད་མིའི་བཅའ་ཁྲིམས་དང་དམངས་གཙོའི་ལམ་སྲོལ་དང་སྔོན་འགྲོའི་འོས་བསྡུའི་ཐོབ་ཐང་བཅས་ལ་མི་དགའ་བཞིན་དུ་མགོ་གཉིས་མའི་ཟློས་གར་འཁྲབ་སྟེ་བཙན་བྱོལ་དུ་གནས་ཚང་གཡར་ནས་བསྡད་ན་ཞབས་འདྲེན་པའི་བྱ་སྤྱོད་མིན་ནམ། ང་ཚོ་ལ་བཅའ་ཁྲིམས་དང་དམངས་གཙོ་དང་འོས་བསྡུའི་ཐོབ་ཐང་ཡོད་པས་དགའ་འོས་པ་ཞིག་ཡིན་པ་ལས་དེ་ལ་སྡང་སེམས་བཅིངས་དགོས་པའི་རྒྱུ་མཚན་ཅི་ཡོད།

ཁ་དམར་ཚ་ལགས། ཐུགས་རྗེ་ཆེ། མ་གཞི་ཨ་མདོ་ནི་སྐྱིད་སྡུག་སྣ་ཚོགས་མེད་པའི་ཆོལ་ཁ་ཞིག་ཡིན་པར་མ་ཟད། ཤེས་ཡོན་པ་མང་བོ་ཡོད་པའི་ཆོལ་ཁ་ཞིག་ཡིན་པར་མི་སུས་ཀྱང་བསྙོན་འབྱིན་བྱེད་ཐུབ་ཀྱི་མ་རེད་ལ། མིག་དཔེ་མ་རེད་ཅེས་ཀྱང་བརྗོད་ཐུབ་ཀྱི་མ་རེད། ཡིན་ནའི། ཚོགས་གཙོ་སྤེན་པ་ཚེ་རིང་ནས་བཞི་ཁ་འཐོར་སྣ་འཐོར་དུ་གཏོང་བཞིན་པ་འདི་ཨ་མདོ་ཚོས་ཤེས་དགོས་པ་ཞིག་རེད་ལ། ཤེས་བཞིན་ཡོད་པ་འདིའང་དགའ་འོས་པའི་བྱ་བ་ཞིག་རེད།

རིགས་པ་སྨྲ་བ་ལགས། ཁྱེད་རང་གིས་རིགས་པ་སྨྲ་མི་ཤེས་པ་ནང་བཞིན་ངས་ཀྱང་མང་གཙོའི་འགྲོ་སྲོལ་ཆ་ཚང་ཞིག་ཤེས་ཀྱི་མེད་སྲིད་མོད། བཙན་བྱོལ་མང་གཙོ་ནི་ཁ་གཏད་ཚོགས་པ་མེད་མཁན་ཞིག་ཡིན་པས། སོ་སོའི་ངོས་ནས་བཀའ་ཁྲིའི་འོས་གཞིར་ལངས་ཀྱིན་པ་མིན་ནམ། བཀའ་ཁྲིའི་འོས་གཞིར་ལངས་རྗེས་སྤྱི་འཐུས་འོས་གཞི་རང་བཞིན་གྱིས་བློས་གཏོང་བཞིན་པ་ནི་བཀའ་ཁྲིའི་འོས་གཞི་གཞན་དག་ལས་གསལ་བོ་མཐོང་མི་ཡོང་ངམ། དེ་ལྟ་མིན་ན། བཀའ་ཁྲིའི་འོས་གཞི་གཞན་དག་ལའང་ཐེངས་འདིའི་བཀའ་ཁྲིའི་འོས་ཤོག་དང་གཅིག་མཚུངས་ཀྱི་སྤྱི་འཐུས་འོས་གཞིར་ཡང་སླེབས་ཐུབ་ཀྱི་ཡོད་པས། སྤེན་པ་ཚེ་རིང་མ་གཏོགས་སུས་ཀྱང་བཀའ་སྤྱི་གཉིས་ཀྱི་འོས་མིའི་ཆ་ཤས་མི་ལེན་དོན་ཅི་ཡིན་ནམ། མ་མཐར་འདི་ནི་ལངས་ཕྱོགས་བརྟན་པོ་མེད་པར་མ་ཟད། གང་དུ་ཁེ་བཟང་རེག་གི་བསམ་ན་དེ་རུ་འཇུ་བཞིན་པའི་བྱ་སྤྱོད་ཅིག་མ་ཡིན་ནམ། མི་འདི་རིགས་ལ་སྤྱི་བའི་མཚན་ཉིད་ཚང་གི་འདུག་གམ། ད་ཐེངས་དེ་ཙམ་ཡིན། མུ་མཐུད་དུ་བགྲོ་གླེང་བྱེད་ཆོག

དྲྭ་གྲོགས་གནས་ཚང་ལགས། ཁྱེད་ཀྱིས་རང་རེའི་ཁྲིམས་ལུགས་ཀྱི་འགྲོ་སྟངས་གང་ཡང་མི་ཤེས་པའི་ཉེར་ལེན་གྱིས་བཙན་བྱོལ་བོད་མིའི་བཅའ་ཁྲིམས་ལ་སྐྱོན་བརྗོད་དང་ཁས་ལེན་མི་བྱེད་བཞིན་དུ་དམངས་གཙོའི་འཕེལ་རིམ་གཟི་བརྗིད་ལྡན་པར་བཤད་པ་དང་འཛམ་གླིང་རྒྱལ་ཁབ་ཁག་ཏུ་བཀའ་སྤྱི་གཉིས་ཀྱི་འོས་མིའི་ཆ་ཤས་ལེན་མི་ཆོག་པར་བཤད་པ་ནི་བཞད་གད་སློང་བའི་རྒྱུ་མ་ཡིན་ནམ།
དཔེར་ན། ཁྱེད་ཀྱིས་འཛམ་གླིང་གི་རྒྱལ་ཁབ་གཞན་གྱི་བཀའ་སྤྱིའི་འགྲོ་ལུགས་ཤེས་པ་ཕར་ཟད་སོ་སོ་སྡོད་སའི་རྒྱ་གར་གཞུང་གི་བཀའ་སྤྱི་གཉིས་ཀྱི་འོས་མི་གཅིག་ཡིན་པ་ཡང་ཤེས་ཀྱི་མེད་པ་ལ་བལྟས་ན་ཁྱོད་ཀྱི་བཤད་པ་ཚང་མ་འཆལ་གཏམ་ཞིག་མ་ཡིན་ནམ།

སྤེན་པ་ཚང་འདི་བས་བོད་རྩ་དོན་ལ་མཁོ་བའི་སྐད་ཆ་ཞིག་བཤད་ཀྱི་ཡོད་པ་གོ་མ་མྱོང་། ཨ་མདོ་ཚོས་ཅི་བྱེད་དེ་ཁོ་འདྲ་གལ་ཆེ་བརྩིས་པ་རེད།

ཟིན་བྲིས་པ་རྙིང་པ་གཅན་བཟོད་རྒྱམ་གྱི་གསུང་པར་མཐའ་གཅིག་ཏུ་མངོན་པར་བསྟོད། མཆན་ལ་ཞིབ་གཤེེར་བྱས་རྗེས་བརྗོད་གཞི་དང་འཚམ་པའི་རིགས་》ཞེས་པ་ལ་འགན་ཆེན་པོ་ཡོད་ལ།
ཚིག་འདིའི་འོག་གི་མཆན་བུ་དག་རྩོམ་སྒྲིག་པ་ལ་འགན་འཁུར་དང་། འབྲེལ་བ་མེད་ཅེས་བཤད་ས་མི་འགྲོ་བ་རེད།
གནད་འགག་འདི་རྩོམ་སྒྲིག་པས་མཁྱེན་ན་རེད།
ཡིན་ནའང་བགྲོ་གླེང་དང་འབྲེལ་བའི་རིགས་གལ་ཆེན་པོ་རེད།

འདིའི་སྐོར་ལ་ཁ་བརྡ་དྲ་རྒྱ་ནང་དུ་གཟུར་གནས་ཞེས་པའི་མིང་ཅན་ཞིག་གིས་གསལ་བཤད་འདི་ལྟར་སྤེལ་འདུག་ ཁོ་བོས་དེ་གསལ་བཤད་ལེགས་པོ་བྱས་འདུག་སྙམ་ནས་འདིར་བཀོད་པ་ཡིན་

གོང་ལ་བསྟན་འཛིན་རྣམ་རྒྱལ་གྱིས་དངུལ་ལྐོག་ཟ་བྱས་པའི་དྭོགས་འདྲི་ཞིག་བཏོན་འདུག དེ་ངས་ཏོག་ཙམ་རྒྱུས་ཡོད། འདིའི་སྐོར་ལེགས་ཤོས་འཇམ་དབྱངས་ནོར་བུ་དང་། ལྷ་བཟང་ཚེ་རིང་། བཀྲིས་ཚེ་རིང་གསུམ་གྱི་ཤེས་ཀྱི་རེད། རྙོག་འདྲ་འདི་སློང་མཁན་ཁོང་ཚོ་གསུམ་རེད། བསྟན་འཛིན་རྣམ་རྒྱལ་བཀའ་བློན་ཁྲི་པ་ཡིན་པའི་སྐབས་ལ། དམངས་གཙོ་ཟེར་བའི་ཚགས་པར་ཞིག་འདོན་གྱི་ཡོད། དེ་༡༩༩༠ནང་རེད། ཐེངས་གཅིག་ཚགས་པར་འདིའི་ནང་ལ་གཞུང་དངུལ་འབུམ་ཉི་བརྒྱ་ལྷག་ཆད་པའི་རྩོམ་བཏོན་པ་རེད། བྱས་ཙང་བསྟན་འཛིན་རྣམ་རྒྱལ་བཀའ་ཁྲི་ཡིན་པ་དང་དངུལ་འདི་འདྲ་མང་པོ་ཞིག་ཚང་གི་མེད་ཙང་སྤྱི་ཚོགས་ནང་སྐད་ཆ་མང་པོ་བྱུང་ནས་ཁོང་བཀའ་ཁྲི་ནས་དགོངས་པ་ཞུ་དགོས་ཐུག་པ་རེད།

དངུལ་མ་ཚང་བ་བདེན་པ་རེད། བསྟན་འཛིན་རྣམ་རྒྱལ་གྱིས་ལྐོག་ཟ་བྱས་པ་བདེན་པ་མ་རེད། རྒྱུ་མཚན་ནི་བསྟན་འཛིན་རྣམ་རྒྱལ་གྱི་སྔོན་ལ་གཞུང་དངུལ་རྩིས་ཞིབ་དང་སྔོན་རྩིས་བཟོ་བའི་ལམ་ལུགས་ལེགས་པོ་དེ་འདྲ་མེད། བསྟན་འཛིན་རྣམ་རྒྱལ་བཀའ་ཁྲིར་སླེབས་རྗེས་ཁོང་གིས་གཞུང་གི་དངུལ་རྩིས་ཞིབ་བྱེད་སྟངས་འདི་ནུབ་ཕྱོགས་པའི་ལམ་ལུགས་ལ་འགྱུར་བཅོས་བཏང་བ་རེད། དེར་བརྟེན་རྩིས་ཞིབ་ལམ་ལུགས་གསར་པ་འདི་མགོ་བཙུགས་པའི་ལོ་དང་པོ་དེར་དངུལ་མང་པོ་ཞིག་ཆད་པ་རེད། རྒྱུ་མཚན་གཙོ་བོ་འདི་བསྟན་འཛིན་རྣམ་རྒྱལ་གྱིས་བཀའ་ཤག་རྩིས་ལེན་མ་བྱས་པའི་གོང་ལ་རྩིས་ཞིབ་ཡག་པོ་མེད་ཅིང་། དེའི་སྐབས་ལ་བྱུང་གི་ནང་ལ་སླེབས་པའི་དངུལ་མང་པོ་ཞིག་སོང་གི་ཐོ་མེད། དེའི་སྟེང་བསྟན་འཛིན་རྣམ་རྒྱལ་གྱིས་བཀའ་ཤག་གི་ལས་ཀ་གསར་པ་མང་པོ་ཞིག་སྤེལ་བ་དང་། དེ་དག་ལ་འགྲོ་སོང་སྔོན་ནས་བཀར་གསོག་བྱ་རྒྱུ་མ་བྱུང་སྟབས་འགྲོ་སོང་འཕར་མ་རྣམས་ཆད་ལྷག་ནང་བཅུག་པ་རེད། དབྱིན་ཇིའི་སྐད་ལ་DEFICITཟེར་བ་འདི་རེད།

རྗེས་མ་འཇམ་དབྱངས་ནོར་བུས་ཀྱང་དེའི་སྐོར་ལ་གསལ་བཤད་བྱས་ནས་བསྟན་འཛིན་རྣམ་རྒྱལ་ལགས་སུ་མ་ཉེས་ཁ་གཡོག་བྱས་པར་ནོངས་པ་ཕུལ་འདུག ཞིབ་ཕྲ་འཇམ་དབྱངས་ནོར་བུའི་ཟིན་བྲིས་ཐོག་ཕེབས་ནས་བཀའ་ཁྲིའི་སྐོར་ལ་སྤེལ་བའི་རྩོམ་གཉིས་པ་དེ་ལ་གཟིགས་དང་།

མདོར་ན་བསྟན་འཛིན་རྣམ་རྒྱལ་གྱི་བཀའ་འདྲིན་ལ་བརྟེན་ནས་བོད་གཞུང་ལ་རྩིས་ཕྲའི་ལམ་ལུགས་ཡར་རྒྱས་ཅན་གྱི་རྒྱལ་ཁབ་ཁག་དང་མཚུངས་པ་ཞིག་བཙུགས་ཐུབ་ཡོད་ཅིང་། དེ་ཁོང་གི་བྱས་རྗེས་མང་པོའི་ནང་ནས་གཅིག་རེད། ང་རང་སྒེར་གྱི་ངོས་ནས་བལྟས་ན། བཙན་བྱོལ་ནང་གི་ནང་ནས་རླབས་ཆེན་གྱི་སྐྱེ་བུ་གཅིག་ནི་བསྟན་འཛིན་རྣམ་རྒྱལ་རེད། རྒྱུ་མཚན་ནི།

༡༽ རྒྱལ་བ་རིན་པོ་ཆེ་ཕྱི་རྒྱལ་ལ་གདན་འདྲེན་མཁན་དང་པོ་ཁོང་རེད།
༢༽ ཨ་རིའི་བོད་ཀྱི་ལས་འགུལ་ལས་ཁུངས་འཛུགས་མཁན་ཁོང་རེད།
༣༽ ཨ་རིའི་བོད་ཀྱི་དོན་གཅོད་ཁང་པ་ཉོ་མཁན་ཁོང་རེད། དེ་བོད་གཞུང་གིས་དོན་གཅོད་རང་བདག་བྱུང་བ་དེ་དང་པོ་རེད།
༤༽ རྒྱལ་བ་རིན་པོ་ཆེ་ལ་ཨ་རིའི་བགྲོས་ཚོགས་ཀྱི་གསུངས་བཤད་དང་པོ་དེ་གྲ་སྒྲིག་བྱེད་མཁན་ཁོང་རེད།
༥༽ ཤེས་བྱ་དུས་དེབ་དང་གཞོན་ལྷན་བཙུགས་མཁན་ནང་ཁོང་གལ་ཆེའི་མི་སྣ་རེད།
༦ ༽ ཨ་རི་ལ་བོད་མི་སྐྱབས་བཅོལ་བ་སྟོང་གཅིག་གི་བཀའ་ཁྲོལ་ཐོབ་མཁན་ཁོང་རེད། དེའི་བཀའ་དྲིན་ལ་བརྟེན་ནས་བོད་མི་ཚོར་ཕན་པ་ཆེན་པོ་བྱུང་ཡོད།

ལྷག་པར་དུ། རྒྱལ་བ་རིན་པོ་ཆེ་ལ་ངོ་ལྐོག་མེད་པར་ཆབ་སྲིད་ཐོག་ནོར་འཁྲུལ་ཡོང་སྐབས་ལྷག་བསམ་གྱི་ཐོག་ནས་བསམ་འཆར་འབུལ་ཐུབ་མཁན་ཁོང་རེད། དཔེར་ན། བསྟན་འཛིན་རྣམ་རྒྱལ་གྱིས་རྒྱལ་བ་རིན་པོ་ཆེ་ལ་སི་ཀྲན་སི་སྦག་གི་གསུང་བཤད་དེ་ནོར་འཁྲུལ་ཆེན་པོ་ཡིན་པ་དང་དེ་གང་མགྱོགས་ཕྱིར་འཐེན་གནང་དགོས་པའི་རེ་བ་ཞུ་མཁན་ཡང་ཁོང་གཅིག་རེད། རྗེས་སུ་གོང་ས་མཆོག་གིས་སི་ཀྲན་སི་སྦག་གི་གསུང་བཤད་འདི་རྩིས་མེད་བཏང་བ་ཡིན་གསུངས།

ཁོང་གི་བྱས་རྗེས་ངོ་མ་རླབས་ཆེན་རེད།

བཀུར་འོས་པའི་དུས་བབ་རྩོམ་སྒྲིག་པ་དང་དོ་དམ་འགན་འཛིན་ལྷན་རྒྱས་ལ་ཞུ་རྒྱུར། ད་ལོའི་དབྱར་གཞུང་ཞིག་ནས་དུས་བབ་ཚང་གི་མདུན་ངོས་གསར་འགྱུར་དང་ཆེད་དོན་གླེང་མོལ་གྱི་མཆན་བུ་ལ་ཞིབ་བཤེར་བྱས་རྗེས་ད་བཟོད་དྲ་ངོས་སུ་ཤར་ཐུབ་པ་བཟོས་ནས་ཡུན་རིང་འགོར་སོང་། དེས་ན་མཆན་བུར་ཞིབ་བཤེར་བྱེད་པའི་དགོས་པ་དམིགས་ཡུལ་གང་ཡིན་ལ་ངོས་འཛིན་གྱིས་མཆན་བུར་དོ་དམ་སྟངས་འཛིན་ནན་མོ་བྱེད་དགོས་པའི་རེ་བ་སྙིང་ནས། དཔེར་ན་དྲ་གྲོགས་ངར་ལྕགས་ལགས་ཀྱི་མཆན་བུ་༼ ཁྲམ་པ་ཁྲམ་རྒྱུད་འདི་ཚོ་རང་རེའི་ཉམས་ཆུང་བའི་སྤྱི་ཚོགས་འདིར་ཁྲམས་རྒྱུ་དགའ་འདུག༽ཅེས་པ་ལྟ་བུ། ཚིག་དོན་གང་གི་ཆ་ནས་དྲ་ངོས་ཤར་དགོས་པ་རེད། ད་དུང་ཚོགས་གཙོའི་གསལ་བཤད་ཀྱི་སྐོར་འདིར་དྲ་གྲོགས་མིིང་རྫུས་ཡོད་པ་མང་པོས་བསམ་གཟས་ནས་མི་འོས་པའི་ཚིག་མང་དག་ཅིག་བཤད་དང་ཤོད་བཞིན་པས་སྤྱིར་མི་སྒེར་དང་དགོས་སུ་དྲ་གྲོགས་མང་པོར་ཕོག་ཐུག་འགྲོ་མུས་ལ་དམིགས་པ་ཡིན། ཡང་གཅིག་བཤད་ན་དེང་གི་དུས་སུ་དུས་བབ་དྲ་བའི་མཆན་འདེབས་མཁན་བརྒྱ་ཆའི་བརྒྱད་ཅུ་ནས་དགུ་ཅུས་དངོས་མིང་སྤྱད་མེད་པ་མ་ཟད། མིང་རྫུས་འོག་ནས་མི་སྒེར་བ་དང་དགོས་སུ་མཐོ་རིམ་མི་སྣར་ཚིག་རྩུབ་བཤད་པ་མང་དྲག་པའི་ཚོར་སྣང་བྱུང་། ད་དུང་ཁ་སང་ངོ་དེབ་ལས་དྲ་གྲོགས་ཤིག་གིས་གླེང་མོལ་སྐབས་སུ་༼དེང་སང་དུས་བབ་ཚང་ཅུང་ཉམས་བཞིན་འདུག་ག་༽ཞེས་པའི་དྲི་བ་འདྲ་བའི་བསམ་ཚུལ་བཤད་པ་འདིས་ང་ལ་བློ་མི་བདེ་བའམ་བློ་འཚབ་ཅིག་ཀྱང་སྐྱེས་སུ་བཅུག་སོང་། དེ་ནི་ང་རང་ཡང་དུས་བབ་དྲ་བའི་ཁུངས་མི་ཞིག་གམ་དུས་བབ་དྲ་བའི་ཟིན་བྲིས་པ་རྙིང་ཤོས་ཤིག་ཡིན་པའི་ཆ་ནས་ཡིན། དེ་བས་རང་གི་བསམ་ཚུལ་འདི་ཁ་གསང་པོས་བཤད་པ་ཡིན། ད་དུང་མི་མཐུད་ནས་འདི་ལྟར་སོང་ན་དུས་བབ་དྲ་ཚིག་འདིར་ཤུགས་རྐྱེན་ངན་པ་ཞིག་མི་འགྱང་མི་ཡོང་ངམ་སྙམ་པའི་སེམས་ཁྲེལ་དང་ཚོར་བ་ཧ་ཅང་ཆེ་ལགས། དྲ་གྲོགས་སུའང་ཕོག་ཐུགས་སུ་མི་འགྲོ་བའི་རེ་བ་ཆེ།

ཁྲམ་པ་ཁྲམ་རྒྱུད་འདི་ཚོ་རང་རེའི་ཉམས་ཆུང་བའི་སྤྱི་ཚོགས་འདིར་ཁྲམས་རྒྱུ་དགའ་འདུག

ཚོགས་གཙོ་མཆོག་གིས་ཐེངས་འདིར་གསལ་བཤད་གནང་བའི་ནང་། སྔོན་འགྲོའི་འོས་བསྡུའི་སྐབས་ཁོང་ལ་བཀའ་བློན་ཁྲི་པའི་འོས་གྲངས་ ༡༥༩༠ ཙམ་ཐོབ་འདུག་ཅེས་བཀོད་ཡོད་ཀྱང་། དབུས་འོས་བསྡུ་ལྷན་ཁང་གི་མ་དེབ་ནང་། སྤེན་པ་ཚེ་རིང་ལ་འོས་གྲངས་ ༡༥༩༨ ཅེས་བཀོད་འདུག

ཚོགས་གཙོ་མཆོག་གི་ཁོད་ཡངས་པའི་བློ་རྒྱ་དེས་ངས་སེམས་པ་རྦད་དེ་འཕྲོག་སོང་། སྤྱི་ཚོགས་ཀྱི་མདུན་ནས་ལངས་རྒྱུ་དེ་ཧ་ཅང་གལ་ཆེན་ཡིན། ཕྱག་ལས་གནང་ཕྱོགས་དེར་རྗེས་སུ་ཡི་རངས་ཡོད། ཐུགས་རྗེ་ཆེ།

ཝཱ་ཡེ་
བོད་མི་ཚོ་་ང་ཚོའི་གྲོས་ཚོགས་ཚོགས་གཙོ་ལ་གཟིགས་དང་ཁོང་གི་བཀའ་མོལ་དུས་དང་འཚམས་པ་ལ་ཤེས་ཡོན་ཅན་ཟེར་བ་སྔ་ཕྱི་བར་གསུམ་སེམས་ཤེས་པ་འདི་འདྲ་བ་དགོས་།
ཁྱེད་ཀྱི་ལྷག་བསམ་རྡོ་རྗེ་བྲག་ལྟར་གནས་ཚེ་བཀའ་ཁྲིའི་མཚན་གནས་ང་ཚོ་མི་དམངས་ནས་་ཁྱེད་ལ་འཕུལ་ངེས་ཡིན་།
ད་དུང་
དྲ་གྲོགས་ཡོངས་ལ་རེ་བསྐུལ་ནི་ང་ཚོས་དྲ་རྒྱའི་ནང་ཚིག་ངན་མ་བསླེངས་ན་ལེགས་
དངོས་ཡོད་བསལ་བཤད་གནང་ཆོག་
བོད་ནང་གི་ཤ་ཁྲག་ཅིག་པའི་ཕ་མ་སྤུན་མཆེད་ཚོའི་སྐུ་ངལ་ལ་སེམས་ནས་་ང་ཚོས་འདི་ནང་ལ་ཚིགས་ངན་འདི་འདྲ་བསླེང་ན་་ང་ཚོ་ཚང་མ་ངོ་ཚ་དགོས་པ་ལས་ཚོགས་གཙོ་ཅིག་པུ་ངོ་ཚ་དགོས་དོན་མེད་།

སྤྱི་འཐུས་ཚོགས་གཙོ་སྤེན་པ་ཚེ་རིང་ལ་བཀའ་ཁྲི་དང་སྤྱི་འཐུས་གཉིས་ཀའི་འོས་བསྡུའི་ཁྲོད་དུ་རྒྱལ་ཁ་ཐོབ་ཡོད་ནའང་ཁོང་གིས་རང་རེའི་བཅའ་ཁྲིམས་དང་དམངས་གཙོའི་ལམ་སྲོལ་ལ་གུས་བཀུར་ཞུ་བའི་སྒོ་ནས་བཀའ་ཁྲིའི་འོས་གཞི་ལས་དགོངས་པ་ཞུས་ཏེ་སྤྱི་འཐུས་སུ་ཞུགས་པ་ནི་དྲང་བདེན་གྱི་ལམ་ནས་བོད་མི་དམངས་ལ་ཞབས་འདེགས་ཞུ་བའི་ཆོད་སེམས་བརྟན་པོ་ཞིག་དང་བཀའ་ཁྲིའི་འོས་གཞི་གཞན་རྣམས་ལ་ལྷག་བསམ་རྣམ་དག་གིས་གུས་འདུད་དང་རྒྱབ་སྐྱོར་ཞུ་བ་ཞིག་མཚོན་ཡོད་པར་མ་ཟད། རང་རེའི་དམངས་གཙོའི་ཀ་བ་གསུམ་གྱི་ལས་དོན་ལ་རྒྱ་ཆེའི་མང་ཚོགས་གཙོ་བྱས་པའི་དཔོན་རིགས་དྲག་ཞན་ཚང་མས་རྡོག་རྩ་གཅིག་སྒྲིལ་གྱིས་ཧུར་བརྩོན་གནང་དགོས་པའི་འབོད་སྐུལ་ཞིག་ཀྱང་ཡིན་པས་ཁོང་གི་དགོངས་ཚུལ་ལ་ཚང་མས་བསྔགས་བརྗོད་བྱེད་འོས་པ་ཡིན།

ངས་འདིའི་སྐོར་ལ་བསམ་བློ་བཏང་ནས་བསྡད་ཡོད། ང་ལ་དགོས་པའི་ལན་དེ་རེག་སོང། ཚོགས་གཙོ་མཆོག་ལ་རྟེན་འབྲེལ་ཞུ། དཀྱེལ་ཡངས་ཀྱི་བསམ་བློའི་འཁོར་རྒྱ་དེ་ནི་མང་གཙོའི་སྤྱི་ཚོགས་སུ་མེད་དུ་མི་རུང་བའི་ཆ་རྐྱེན་ཨང་དང་པོ་དེ་ཡིན་དགོས། ཁྱེད་ཀྱི་བསམ་དོན་ཡིད་བཞིན་འགྲུབ་པའི་སྨོན་ལམ་འདེབས།

གླེན་པ་ལུག་འདྲ་བ་རེ་གཉིས་ཀྱིས་སྤེན་པ་ཚེ་རིང་ལགས་ཀྱི་རླབས་ཆེ་བའི་སྤྱོད་སྟངས་འདིའི་ཐད་ལབ་ལོབ་གང་འཚམས་བྱེད་ཀྱིན་པ་བྲག་སྲིབ་ཀྱི་མི་གྲོང་ཁྱེར་ལ་བཏོན་པ་དང་འདྲ།
ཤེས་ཡོན་དང་ལག་ལེན་ཉམས་མྱོང་གང་ཐད་ནས་ཁོང་དང་བློ་བཟང་སེང་གེ་གཉིས་ལ་ལས་ཁོང་མཐོ་སེ་བ་མེད་ཀྱང་དམའ་བ་མིན་ཡང་། བོད་ཨ་གསར་ལ་དགའ་བའི་ངང་ཚུལ་ལྡོག་ཏུ་མེད་པས་ཁོང་ལ་ཕལ་ཆེར་བཀའ་ཁྲི་རེག་རེ་ཁག་པོ་ཡོད་པ་གསལ་བོ་རེད།
གལ་ཏེ་ཐོབ་རེ་མེད་པའི་ལས་ཤེས་བཞིན་བྱས་པ་ཡིན་ན་སྤེན་པ་ཚེ་རིང་ལ་རེ་བ་རྒྱག་མཁན་རྣམས་ཀྱང་ཡིད་གཏིང་ནས་ཆད་ངེས་ཡིན་པས་སྤེན་པ་ལགས་ཀྱི་བྱེད་སྟངས་འདིས་ཁོང་ལ་འོས་འཕེན་མཁན་རྣམས་ལ་སྔར་ལས་སྤོབས་པ་དང་། ཡིད་ཆེས་བསྐྲུན་གནང་ཡོད་པ་ངེས་འཛིན་ཞུ་གི་ཡིན།

འདྲེ་རིག་ལྡན་གྱི་བཤད་པ་དེ་དེ་བཞིན་ནོ།ངས་ཀྱང་དེ་འདྲ་ཞིག་བཤད་བསམ་ཡང་ཁོ་སྔོན་ལ་ཤོར་སོང་།གཞན་སྨྱོ་བཤད་རྒྱག་མཁན་ཚོ་གུ་དོགས་གྱོ་མི་དྲགས་འདུག་ད།

ངོ་མ་ཁྲིམས་ལུགས་ཀྱི་འདུ་ཤེས་དང་སྤྱི་ཚོགས་སློབ་གསོས་བསྐྱངས་ནས་འཚར་པའི་མི་འདི་རིགས་འདྲ་ས་མི་འདུག བློ་སྤོབས་ཆེ་གི བསམ་བློའི་དཀྱེལ་ཡངས་ཀི ཨ་མའི་བུ་ཟེར་ན་འདི་འདྲ་ཞིག་དགོས་པ་རེད།

ང་ཚོའི་སྤྱི་འཐུས་གླང་སྙིང་ཅན་དེ་དག་ལ་ཡང་འདི་ལྟའི་བསམ་བློ་ཞིག་དང་སློབ་སྦྱོང་ཞིག་ཡོད་རྒྱུ་ན། རྫོགས་རྒྱུ་མེད་པའི་ནང་འཁྲུགས་དེ་དག་ཡོང་རྒྱུ་མ་རེད། མི་འགྲིག་པ་རེ་ཡོད་ན་ཡང་དེ་དག་ཆོལ་ཁ་དང་ཆོས་ལུགས་ཀྱི་གནད་དོན་དུ་འགྱུར་སྲིད་ནི་མ་རེད།

གང་ལྟར། ཚོགས་གཙོ་མཆོག་ལ་བཀྲ་ཤིས་བདེ་ལེགས་ཞུ།

ད་ངོ་ཚ་དགོས་པ་ཞིག་བྱས་བྱུང་སྤེན་པ་ཚེ་རིང་ལགས་ཀྱིས། དངོས་གནས་ཡིན། བྱེད་སྟངས་འདི་མི་མང་དང་ཁྱད་གསོད་དང་། མགོ་སྐོར་གཏོང་བ་རང་རེད།
དང་པོ་གཅིག་བྱེད་རྒྱུ་ཡོད་འདོག་བྱས་ནས་མི་མང་ལ་འོས་བླུགས་བཅུག། མི་མང་གིས་ནུས་པ་བཏོན་ཟིན་རྗེས། ད་ང་མིན་ལབ་པ་དང་། ད་རུང་རྗེས་མའི་བཀའ་ཁྲིའི་འོས་ཤོག་ཚད་དམའ་བོ་ཆགས་ཀྱི་རེད་འདུག དེ་ཡིན་ན། སྔོན་འགྲོའི་འོས་ལའང་དེ་ག་རང་ཡོང་གི་ཡོད་པ་ལོས་ཤེས།

ད་རེས་མདོ་སྨད་མང་ཚོགས་ཀྱི་འོས་གཞི་དེ་ཁོང་གིས་འཕྲོ་བརླག་བཏང་བ་དང་། ད་འུ་ཐུག་ནས། སྤྱི་མཐུས་ལ་ལངས་པ་རེད། བྱེད་སྟངས་འདིས་མིག་ལྟོས་ངན་པ་དང་། ལམ་ཁ སྡུག་ཆགས་ཞིག་བཟོས་ཡོད་པ་ནི། རྒྱ་རི་སྒྲོལ་མ་ལ་ལྟོས་དང་། གང་འགྱོགས་གསལ་གཏན་ཁེལ་རེད།

ཚོགས་གཙོ་གློ་བུར་དུ་བསམ་ཤེས་ཤིག་ཆགས་འདུག
ཡིན་ཡང་། སྟོང་བསམ་ནོར་སོང་བ་དེ་ངོས་ལེན་བྱས་ན་འགྲིག