ཕྱི་ཚེས་ ༧ ཉིན་གྱི་འབར་མའི་རྒྱལ་ཡོངས་འོས་བསྡུ་ཆེན་མོའི་གྲུབ་འབྲས་ཕྱིར་བསྒྲགས་བྱས་པ་ལྟར་ན། ལོ་ ༢༠ རྗེས་ཀྱི་འོས་བསྡུ་དེ་འབར་མ་དྲག་པོའི་གཞུང་གི་ཕྱོགས་གཏོགས་ཚོགས་པ་ཆེ་ཤོས་འབར་མའི་ཆིག་སྒྲིལ་མཐུན་ཚོགས་ (USDP)ལ་རྒྱལ་ཁ་ཐོབ་ཡོད་འདུག
མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ཚན་པས་འབར་མའི་དམངས་གཙོ་དོན་གཉེར་བ་ལྕམ་ཨང་སན་སུའུ་ཀཱེ་ཀློད་གྲོལ་ལ་འཚམ་འདྲི་དང་འབར་མ་དྲག་པོའི་གཞུང་ལ་ཨང་སན་སུའུ་ཀཱེ་ཡི་རེ་འདོད་ལྟར། འབར་མའི་དམངས་གཙོའི་སྐོར་ལ་བཀའ་ལོམ་གནང་དགོས་པའི་འབོད་སྐུལ་ཞུས་ཡོད་ལ། ཉེ་ཆར་ཕྱི་ཚེས་ ༧ ཉིན་གྱི་འོས་བསྡུའི་སྐབས། དྲང་བདེན་དང་རང་དབང་ཡོང་མེད་པའི་སྐྱོན་བརྗོད་ཀྱང་བྱས་ཡོད། ཨང་སན་སུའུ་ཀཱེ་བཙོན་གྲོལ་ཐོབ་རྗེས་ཁོ་མོས་ད་ལྟའི་དྲག་པོའི་གཞུང་གི་མགོ་ཁྲིད་དམག་དཔོན་ཐན་ཤཱི་ཝེ་དང་ཐུག་འཕྲད་ཀྱིས་འབར་མའི་རྒྱལ་དམངས་འཆམ་མཐུན་ཕྱོགས་སུ་མཉམ་ལས་བྱ་འདོད་ཡོད་པའི་དགོངས་ཚུལ་བཏོན་ཡོད་འདུག
མཉམ་འབྲེལ་རྒྱལ་ཚོགས་ཀྱི་ཡུ་རོབ་མཐུན་ཚོགས་ཀྱི་འཐུས་མི་དང་ཨ་རིའི་སྐུ་ཚབ་སོགས་ནུབ་ཕྱོགས་རྒྱལ་ཁབ་ ༩༦ ཙམ་གྱིས་འབར་མའི་གཞུང་གིས་མང་ཚོགས་ཀྱི་གཞི་རྩའི་རང་དབང་དང་འགྲོ་བ་མིའི་ཐོབ་ཐང་ཐོག འཆར་གཞི་ལྡན་པའི་ཐོག་ནས་རྩིས་མེད་རྡོག་རོལ་གཏོང་གི་ཡོད་པ་དེར་ནུས་ཤུགས་ཆེན་པོས་སྐྱོན་བརྗོད་དང་གནོན་ཤུགས་སྤྲོད་རྒྱུའི་གྲོས་གཞི་ཞིག་བཏོན་ཡོད་པར། རྒྱ་ནག་དང་ར་ཤི་ཡ་གཙོས་རྒྱལ་ཁབ་ ༢༨ ཀྱིས་དེ་ལ་ངོ་རྒོལ་བྱས་ཡོད་ལ། རྒྱ་ནག་གི་སྐུ་ཚབ་ཀྱིས་ཐེངས་འདིའི་གྲོས་གཞི་ལམ་ལྷུང་ཡོང་གི་མ་རེད་ལ། ཐད་ཀར་མཛུབ་མོ་ཀེར་ཏེ་སྐྱོན་འཛུགས་བྱེད་པ་དེས་འགྲོ་བ་མིའི་ཐོབ་ཐང་ལ་སྲུང་སྐྱོབ་བྱེད་ཐུབ་པ་མ་རེད། ཅེས་ཟུར་ཟ་ཡང་བྱས་ཡོད་འདུག མཉམ་འབྲེལ་རྒྱལ་ཚོགས་ནང་གི་འབར་མའི་སྐུ་ཚབ་ཐན་ཤཱི་ཝེ་ཡིས་གྲོས་གཞི་དེ་ངོས་ལེན་བྱས་མེད་པ་མ་ཟད། གྲོས་གཞི་དེ་ནི་ཁྲིམས་མཐུན་མིན་ཚུལ་ཡང་བརྗོད་ཡོད།
ཨང་སན་སུའུ་ཀཱེ་ཀློད་གྲོལ་ཐོབ་རྗེས་ཁོང་གི་རྗེས་འབྲང་པ་ཚོར། ངས་ནུབ་ཕྱོགས་རྒྱལ་ཁབ་ཁག་ཏུ་འབར་མའི་རང་དབང་འཕེལ་རྒྱས་ཐད་གླེང་སློང་བྱ་འདོད་ཡོད་ལ། ཁྱེད་རང་ཚོས་ཀྱང་འབར་མའི་ནང་འགྱུར་བ་ཞིག་ཡོང་རྒྱུར་རེ་བ་བཅངས་ཡོད་པ་དེར་ནམ་ཡང་སེམས་ཤུགས་མ་ཆག་པར་མུ་མཐུད་ཤུགས་རྒྱག་རོགས། ཞེས་སྐུལ་འདེད་གནང་ཡོད། ཁ་སང་ཕྱི་ཚེས་ ༡༨ ཉིན་མཉམ་འབྲེལ་རྒྱལ་ཚོགས་ཀྱི་དྲུང་ཆེ་བྷན་ཀེ་མོན་གྱིས་ཨང་སན་སུའུ་ཀཱེ་ལ། ཁྱེད་རང་འཛམ་གླིང་སྟེང་གི་མི་ས་ཡ་མང་པོའི་བློ་སྟོབས་དང་སེམས་ཤུགས་ཀྱི་འབྱུང་ཁུངས་ཡིན། ཞེས་འཚམ་འདྲི་ཞུས་ཡོད་འདུག
གསར་འགོད་པ། བནྡེ་སྐྱབས།
![AfD party members celebrate victory in Saxony-Anhalt on Sunday [Matthias Schrader/AP]](https://tibettimes.net/wp-content/uploads/2026/09/WhatsApp-Image-2026-09-11-at-4.20.04-PM-360x180.jpeg)
ང་རང་ཉིད་ཀྱིས་ཀྱང་འཛམ་གླིང་གི་དམངས་གཙོ་དོན་གཉེར་བ་གྲགས་ཅན་ལྕམ་ཨང་སན་སོ་ཀི་མཆོག་གློད་གྲོལ་ཐོབ་པ་ལ་མཚམས་འདྲི་དང་། གཞན་ཡང་འབར་མའི་དམངས་གཙོ་ཚོགས་པ་ལ་ཐེངས་འདིའི་འོས་བསྡུའི་རྒྱལ་ཁ་མ་ཐོབ་དེ་འཛམ་གླིང་གི་དམངས་གཙོ་ལ་དགའ་བའི་མི་མང་ཁྲི་ཕྲག་མང་པོས་གདུང་སེམས་ཉམས་བསྐྱེད་དང་སེམས་ཤུགས་ཆག་མི་རུང་བའི་སྐུལ་འདེད་བྱེད་ཀྱིན་ཡོད། དེ་བཞིན་འབར་མའི་མི་མང་གིས་ཀྱང་བློ་གྲོས་ཀྱི་ནུས་པ་ལ་བརྟེན་ནས་རང་མི་རིགས་ཀྱི་ཁེ་དབང་ལ་སྲུང་སྐྱོབ་བྱ་དགོས་སྙམ།
ཨ་ཁཁཁཁཁཁཁ། ཡང་ལྕམ་ཨང་སན་སུའུ་ཀྭེའེ་དང་མོའི་ཕྱོགས་གཏོགས་ཚོས་་སྡུག་མྱོང་རྒྱུ་རེད། ཨོཾ་མཎི་པདྨེ་ཧྲུྂཿ། ཨོཾ་མཎི་པདྨེ་ཧྲུྂཿ། ཨོཾ་མཎི་པདྨེ་ཧྲུྂཿ། ཨོཾ་མཎི་པདྨེ་ཧྲུྂཿ། ཨོཾ་མཎི་པདྨེ་ཧྲུྂཿ། ཨོཾ་མཎི་པདྨེ་ཧྲུྂཿ། ཨོཾ་མཎི་པདྨེ་ཧྲུྂཿ། ཨོཾ་མཎི་པདྨེ་ཧྲུྂཿ། ཨོཾ་མཎི་པདྨེ་ཧྲུྂཿ། ལས་རྒྱུ་འབྲས་ཚང་མ་དྲག་པོའི་གཞུང་དག་ལ་་ཞེད་ནས་བྲོས་ཚར་བྱ།