ཁ་སང་ཕྱི་ཚེས་ ༢༤ ཉིན་རྒྱ་གར་དུས་བབ་ཚགས་པར་སྟེང་སྤེལ་བའི་གནས་ཚུལ་ལྟར་ན། རྒྱ་གར་གཞུང་གིས་བལ་ཡུལ་ནང་ཁུལ་གྱི་རྩོད་རྙོག་ལ་ཐེ་བྱུས་དང་། བལ་ཡུལ་གཞུང་གིས་མའོ་ཚོགས་པ་རང་སྟེང་ལ་དམག་འཁྲུག་རྒྱག་རྒྱུར་སྐུལ་མ་བྱས་པར་བརྟེན། བལ་ཡུལ་གྱི་སྲིད་བློན་ཟུར་བ་ད་ལྟའི་བལ་ཡུལ་མའོ་ཕྱོགས་ཁག་གི་ཚོགས་གཙོ་སྐུ་ཞབས་པུ་རཱ་ཅན་ཌཱ་ Prachanda ཡིས་རྒྱ་གར་ནི་ང་ཚོའི་དགྲ་ཟླ་ཨང་དང་པོ་ཡིན་ལ། མའོ་ཚོགས་པ་དང་ཕྱོགས་གཏོགས་པ་ཚང་མས་བལ་ཡུལ་ལྷོ་ངོས་ཁྱིམ་མཚེས་རྒྱ་གར་ལ་དམག་རྒྱག་རྒྱུའི་གྲ་སྒྲིག་བྱ་དགོས། ཞེས་བརྗོད་ཡོད་འདུག
པུ་རཱ་ཅན་ཌཱ་ཡིས་སྔར་ཁོ་སྲིད་བློན་སྐབས་སྲིད་གཞུང་ཡུན་རིང་པོར་གནས་མ་ཐུབ་པ་དང་ཐེངས་དྲུག་པའི་འོས་བསྡུའི་སྐབས། མུ་མཐུད་ཁོ་རང་ལ་སྲིད་བློན་གྱི་འོས་གྲངས་མ་ལོངས་བཅས་ནི། བལ་ཡུལ་ནང་རྒྱ་གར་དམག་གིས་ཐེ་ཇུས་བྱས་ཏེ། བལ་ཡུལ་མང་ཚོགས་ཀྱི་ངོ་རྒོལ་ལ་སྐུལ་འདེད་བྱས་པའི་རྐྱེན་ཡིན་ཞེས། རྒྱ་གར་གཞུང་ལ་སྐྱོན་འཛུགས་བྱས་ཡོད།
དེ་རིང་གཟའ་ལྷག་པའི་ཉིན་མའོ་ཚོགས་པའི་ཚོགས་མི་ ༦༠༠༠ ལྷག་ལྷན་འཛོམས་ཀྱིས་སྐུ་ཞབས་པུ་རཱ་ཅན་ཌཱ་དང་ཁོང་གི་འཐུས་མི་ཚོའི་མ་འོངས་ལས་འཆར་སྐོར་ལ་གྲོས་བསྡུར་བྱ་རྒྱུ་ཡིན་ཞིང་། དེ་ལ་རྒྱ་གར་དང་ནུབ་ཕྱོགས་རྒྱལ་ཁབ་ཁག་ནས་ཚོགས་ཐོག་དེ་ནས་མ་འོངས་པར་མའོ་ཕྱོགས་ཁག་གིས་གོམ་པ་ཇི་ལྟར་སྤོ་རྒྱུ་ཡིན་མིན་ཐད་རྒྱང་ལྟ་བྱེད་བཞིན་ཡོད།
གསར་འགོད་པ། བནྡེ་སྐྱབས།
འདི་རྒྱ་ནག་གིས་སྐུལ་འདེད་བྱས་པ་ཡིན་སྟབས། ཆེ་ཆུང་ལ་མ་ལྟོས་པར་དམག་རྒྱག་སྲིད་པ་ཞིག་རེད། ད་ལྟ་བྱང་ཀོ་རི་ཡ་ཡང་རྒྱ་ནག་གིས་རྒྱབ་གཉེར་འོག་ལྷོ་ཀོ་རི་ཡར་དམག་འཐབ་སློང་བཞིན་པ་འདི་ལས་ཤེས་ནུས་པ་ཡིན། རྒྱ་ནག་གིས་རྒྱལ་ཁབ་འདི་གཉིས་ལ་དེ་འདྲའི་སྟོབས་ཤུགས་མེད་པ་ལག་པའི་རི་མོ་ཡིན་ན་ཡང་། འདི་གཉིས་ནི་སྒོར་མོའི་ཆེད་དུ་ཅི་ཡང་བྱེད་ཐུབ་མཁན་གྱི་ཇག་པ་དང་འདྲ་བས། རྒྱལ་ཁབ་འདི་གཉིས་ལ་དོན་དམ་གྱི་རྒྱབ་སྐྱོར་བྱས་ན་ཨ་རི་གཙོ་བོར་གྱུར་བའི་རྒྱ་ནག་འཇིགས་སྣང་བྱ་དགོས་ས་དག་གི་ནུས་པར་ཚོད་སྒབ་བྱས་པ་ཙམ་ཡིན་ངེས།
བལ་ཡུལ་གྱིས་ལྷ་རང་མགོ་འཐོན་ན། འདྲེ་ཤ་ཐག་མི་མཛའ་གི ཨ་ལ་ཀུ་རེ་ཡིན། སྔར་བལ་ཡུལ་གྱིས་གློ་མོན་ཐང་ནས་ང་ཚོར་ཕན་གནོད་གཉིས་ཀ་བསྒྲུབས་ཡོད།
ཧ་ཧ་ཧ་ཧ་ཧ་ཧ་་ཧ་ཧ་ཧ། ཐོག་མར་རྒྱལ་ཁབ་རང་མགོ་ཐོན་པ་ཞིག་དགོས་
གལ་ཏེ་བལ་ཡུལ་གྱིས་རྒྱ་གར་ལ་དམག་བརྒྱབ་ཚེ་རྒྱ་གཞུང་གིས་བོད་དམག་ལག་ཆ་བྱེད་སྲིད་དམ། ང་ཚོ་གང་དུ་བསྡད་ཀྱང་ཚང་མས་རྩེད་མོ་རྩེ་བྱེད་ཆགས་འགྲོ་གི་འདུག འདི་ཅི་ཡིན་ནམ། ངས་རྦད་དུ་མགོ་ཚོས་ཀྱིན་མི་འདུག