བགྲོ་གླེང་རིག་པའི་མཆོད་སྤྲིན།

བཀྲིས་བདེ་ལེགས་ཞུཞུ

བགྲོ་གླེང་རིག་པའི་མཆོད་སྤྲིན་འདི་ལྟ་བུ་ཞིག་གོ་སྒྲིག་གནང་ཐུབ་པར་ཤིན་ཏུ་ནས་བསྔགས་པའི་འོས་སུ་གྱུར། ནང་ཆོས་ལུགས་ཀྱི་སྟོན་པ་སངས་རྒྱས་འཇིག་རྟེན་འདིར་བྱོན་ནས་བདེན་བཞིའི་ཆོས་ཀྱིས་འཁོར་ལོ་སོགས་རིམ་པ་གསུམ་བསྐོར་ནས་བསྟན་དང་འགྲོ་བའི་དོན་ཆེན་བསམ་གྱིས་མི་ཁྱབ་པའི་མཛད་པ་བཅུ་གཉིས་བསྟན་ཡོད།
དེ་ནས་འོད་སྲུང་སོགས་བསྟན་པའི་གཏད་རབས་བདུན་དང་། མགོན་པོ་ཀླུ་སྒྲུབ། ཨརྱ་བེ་ཝ། ཟླ་བ་གྲགས་པ། རི་པའི་ཁུ་བྱུགས། སངས་རྒྱས་བསྐྱངས་སོགས་ཟབ་མོ་ལྟ་བའི་བརྒྱུད་དང་། ཐོགས་མེད། དབྱི་གཉེན། རྣམ་གྲོལ་སྡེ། མཆོག་སྡེ། འདུལ་སྡེ། གསེར་བཟང་ཀུ་ས་ལི་གཉིས། ཞི་བ་ལྷ་སོགས་རྒྱ་ཆེན་སྤྱོད་བརྒྱུད་དང་། དེ་ལས་བརྒྱུད་པའི་མཁན་སློབ་ཆོས་གསུམ། ས་པཎ་རྣམ་ལྔ། མར་མི་དགས་གསུམ།

དེ་ནས་ཉེ་བར་བརྒྱུད་པའི་བླ་མ་གསར་གླིང་པ། ཇོ་བོ་རྗེ། འབྲོམ་སྟོན་པ། པོ་ཏོ་བ། ཤ་ར་བ། ཕུག་ཆུང་བ་སོགས་ལས་བརྒྱུད་ནས་བོད་གངས་ཅན་དུ་བསམས་ཞིང་དུ་བྱོན་པའི་རྗེ་ཙོང་ཁ་པ་ཆེན་པོ་ལ་༸ རྒྱལ་བའི་མདོ་བསྔགས་ཡོངས་རྫོགས་ཀྱི་བདག་པོ་གྱུར་པ་དེ་རེད།

སྟོན་པ་སངས་རྒྱས། རྒྱལ་པོ་ཨིནྡྲ་བྷོ་ཏི། ཀླུ་མོ་རྣལ་འབྱོར་མ། རྒྱལ་པོ་བི་སུ་ཀ་མ། ས་ར་ཧ། ཀླུ་སྒྲུབ། མ་ཏངྐི་པ། ཏེ་ལོ་པ་། ན་རོ་པ། མར་པ་ལོ་ཙྰ་བ། མི་ལ་རས་པ་སོགས་གསང་བ་བསྔགས་ཀྱི་ཉམས་ལེན་བྱིན་རླབས་ཀྱི་བརྒྱུད་པ་ཡང་ཆ་ཚང་བ་རྗེ་ཙོང་པ་ལ་བརྒྱུད་ནས་བོད་དུ་སླར་ཡང་སངས་རྒྱས་མི་ཡུལ་དུ་བྱོན་པ་ལྟར་དར་ཞིང་རྒྱས་ཡོད།

རྗེ་ཙོང་པ་ཆེན་པོ་སྐབས་དེའི་རྒྱ་ནག་རྒྱལ་པོས་མཆོད་ཡོན་དུ་བཀུར་ནས་གདན་འདྲེན་ཞུས་ཀྱང་ཁོང་གིས་རྒྱལ་ཚབ་ཏུ་འཇམ་དབྱངས་ཆོས་རྗེ་གཏོང་གནང་མཛད་ཡོད།

རྗེ་ཙང་ཁ་པས་དང་པོར་ཇོས་བསམ་མཐར་ཕྱིན་གྱི་མཛད་པ་དང་། བར་དུ་གཞུངལུགས་མན་ངག་ཐམས་ཅད་གདམས་ངག་ཏུ་འཆར་བའི་མཛད་འཕྲིན་བསྐྱངས་པ། མཐར་མར་ཉིན་མཚན་ཀུན་ཏུ་ཇོས་དོན་ཉམས་སུ་བླངས་ནས་སྐུ་ཚེ་དེ་རང་དུ་རྒྱུད་ཡོངས་སུ་སྨིན་པར་མཛད་པའི་ཚུལ་བསྟན་ཡོད།

ཆེས་རྣམ་དཔྱོད་འགྲན་པའི་ཟླ་དང་བྲལ་བའི་རྗེ་ཙོང་པ་མཆོག་ནི་བོད་གངས་ཅན་གྱི་བསྟན་འགྲོའི་བསོད་ནམས་ཡིན་པ་ཙམ་མ་ཟད་ད་ཆ་འཛམ་གླིང་འགྲོ་བ་མའི་རིགས་ཡོངས་ཀྱིས་རྗེས་དྲན་མཆོད་སྤྲིན་བྱེད་དགོས་པའི་ཆེས་བོད་ཀྱི་ནོར་བུ་རྩ་ཆེ་ཞིག་ཀྱང་ཡིན།

ངའི་ཕ་ཡུལ་གྱི་སྟག་ཕྲུག་ཚོ་ངོ་མ་ཤེས་ཡོན་དང་ལྷག་བསམ་གཉིས་ལྡན་གྱི་སྟག་ཕྲུག་ཤ་སྟག་རེད། ཧ་ཧ་མཆོད་པའི་མཆོག་ཟེར་ན་འདི་འདྲ་ཡིན་རྒྱུ་རེད།

ངོ་མ་གླེང་ན་གླེང་རིན་ཞིག་ཡོད་ནི་རེད།དེའི་ཕྱིར།གླེང་བ་གཅིག་པོ་ཡིན་པར་ཁ་ཞེ་གཉིས་མེ་ད་ཀྱིས་མི་རིགས་ཤིག་གི་ངོམ་ཆོག་ཆོག་གི་སྐྱེས་ཆེན་དམ་པ་དེ་འདྲ་ཞིག་མ་འོངས་འབྱུང་བར་སྐུལ་མ་དང་སྐྱེད་སྲིང་བྱེད་དགོས།འུ་ཚོ་རྗེས་རབས་པ་ཚོས་ཁོང་གི་མི་གཞི་དང་སྒམ་བརླིང་།བརྩོན་སེམས་ཀྱི་གོ་ཆར་སློབ་སྦྱོང་དོན་ལྡན་ཞིག་བྱེད་རྒྱུ་གལ་ཆེན་རེད།

བཀྲིས་པའི་བྱ་བ་ཞིག་རེད་་་་་དགའ་ནས་བསྡད་ཡོད