ཉེ་ཆར་མའོ་ཕྱོགས་གཏོགས་ཀྱིས་རྩ་ཁྲིམས་ཟིན་བྲིས་ནང་། དམངས་ཁྲོད་ཀྱི་མི་སེར་རང་ལོ་ ༡༨ ཡན་ཚང་མར་དམག་སྦྱོང་སྤྲོད་དགོས་པའི་སྲིད་བྱུས་ཤིག་བཀོད་ཡོད་ཅིང་། སྲིད་བྱུས་དེ་ལོ་རྗེས་མའི་ཕྱི་ཟླ་ ༥ པ་ནས་ལག་བསྟར་བྱ་དགོས་པའི་རེ་འདུན་ཡང་བཏོན་ཡོད་ཀྱང་། ད་ལྟའི་གཞུང་འཛིན་ཚོགས་པ་དང་དམར་ཤོག་ཚོགས་པ་གཉིས་ཀྱིས་དེ་ནི་མུན་ནག་དུས་སྐབས་རིམ་གྱི་ལམ་ལུགས་ཤིག་ཡིན་སྐོར་བརྗོད་དེ་ངོས་ལེན་བྱས་མེད།
རྩ་ཁྲིམས་ཟིན་བྲིས་ཚོགས་ཆུང་གི་ཚོགས་མི་དང་མའོ་ཕྱོགས་གཏོགས་པ་ཌེ་ཧྥུ་གྷོ་རོང་ Dev Gurung གིས། མང་ཚོགས་ལ་དམག་སྦྱོང་སྤྲོད་རྒྱུ་དེ་ཕྱི་ཕྱོགས་ཀྱི་དྲག་གནོན་དང་བརྙས་བཅོས་ལ་རང་སྐྱ་ཐུབ་པའི་རྒོལ་ལན་སྤྲོད་རྒྱུར་ཧ་ཅང་གལ་འགངས་ཆེ་བའི་བྱ་ཐབས་ཤིག་ཡིན་ཚུལ་བརྗོད་འདུག་མོད། བལ་ཡུལ་ཀཱང་རེ་སི་ཚོགས་པའི་མགོ་ཁྲིད་དང་སྲིད་བློན་ཟུར་བ་སྐུ་ཞབས་རཱ་མེ་ཤུ་ཡིས། ད་ལྟ་ང་ཚོར་དགོས་པ་ནི་དཔལ་འབྱོར་གྱི་འཕེལ་རྒྱས་ཡིན་པ་ལས་དམག་སྦྱོང་མ་རེད་ཅེས་སྲིད་བྱུས་དེར་འདོད་པ་མེད་པའི་རྣམ་འགྱུར་བསྟན་ཡོད།
རྩ་ཁྲིམས་བཟོ་བཅོས་ཐད་ཀྱི་རྩོད་རྙོག་དེ་ཐག་གཅོད་བྱ་མ་ཐུབ་སྟབས། ཕྱི་ཚེས་ ༣ ཉིན་མང་མོས་ཐོག་གཞུང་འཛིན་ཚོགས་པ་དང་དམར་ཤོག་ཚོགས་པ་གཉིས་ལ་རྒྱལ་ཁ་ཐོབ་ཏེ། སྲིད་བྱུས་དེ་ཕྱིར་འཐེན་བྱ་དགོས་བྱུང་ཡོད་འདུག
བནྡེ་སྐྱབས།
