ཉེ་བའི་ལོ་འགའི་རིང་ཤིན་ཅང་ཐཱོ་ཁི་སིན་རྫོང་ཀཱ་ཨར་སཱི་ལྗང་མདོག་རྒྱུ་ཆ་བཟོ་གྲྭའི་ནང་། ལས་བཟོ་བ་བཅུ་གྲངས་འགར་ལོ་གསུམ་བཞི་ལྷག་གི་རིང་ལ་གླ་ཆ་མ་སྤྲད་པར་བཙན་དབང་འཇིགས་སྐུལ་འོག་ལས་ཀ་བྱེད་བཅུག་ཡོད་པ་མ་ཟད། ལས་བཟོ་བ་དེ་དག་ལ་ཁྱི་དང་ཕག་གསོ་བྱེད་ཀྱི་ཟས་སྙིགས་རིགས་སྤྲད་ཅིང་། ཕྱི་ལོགས་སུ་འགྲོ་སྐྱོད་བྱེད་མ་བཅུག་པར་སྒོ་རའི་ནང་བཙོན་འཇུག་ལྟ་བུར་བཞག་ཡོད་འདུག
ཕྱི་ཚེས་ ༡༤ ཉིན་༼ ཞིན་ཐང་རིན ༽གསར་ཁང་གིས་གནས་ཚུལ་སྤེལ་བ་ལྟར་ན། ཡུ་གུར་ས་གནས་མང་ཚོགས་ཚོས་རྒྱ་ནག་གི་གསར་འགོད་པ་ཞིག་ལ་གོང་གི་གནས་ཚུལ་དེའི་སྐོར་བཤད་རྗེས། གསར་འགོད་པ་དེ་བཟོ་གྲྭ་དེར་སོང་ནས་གསང་སྟབས་ཀྱིས་གནས་ཚུལ་རྒྱུས་ལོན་བྱེད་སྐབས། ལས་བཟོ་བ་དེ་དག་ནི་རྒྱ་ནག་སི་ཁྲོན་ཆིའུ་རྫོང་གི་རིམས་ནད་ཅན་གྱི་བདག་མེད་ནད་པ་གསོ་ཉར་ཁང་ཞིག་ནས་ཁྲིད་ཡོང་བ་ཡིན་འདུག་ལ། ཡུ་གུར་གྱི་བཟོ་གྲྭ་དེས་སི་ཁྲོན་རིམས་ནད་གསོ་ཉར་ཁང་ལ་རྒྱ་སྒོར་དགུ་སྟོང་གཏའ་མར་བཞག་ཡོད་པ་དང་། གསོ་ཉར་ཁང་གི་འགན་འཛིན་གྱི་དངུལ་བྱང་སྟེང་། མི་རེ་ནས་ཟླ་རེར་རྒྱ་སྒོར་ ༣༠༠ ལེན་རྒྱུ་དང་། གལ་སྲིད་ནད་པ་བོར་བརླག་སོགས་བྱུང་ན། མི་གཅིག་ལ་རྒྱ་སྒོར་ ༡༠༠༠ གི་སྐྱིན་ཚབ་ལེན་རྒྱུ་སོགས་ཀྱི་གན་རྒྱ་བཞག་ཡོད་པ་སོགས་ཤེས་རྟོགས་བྱུང་འདུག
ཕྱི་ལོ་ ༢༠༠༧ ལོར་རྒྱ་གཞུང་གི་ཉེན་རྟོག་པས་རིམས་ནད་ཅན་གྱི་ནད་པ་གསོ་ཉར་ཁང་དེས་ནད་པ་རྣམས་ལྐོག་ནས་གཞན་ལ་ལས་གཡོག་ཏུ་བཏང་སྟེ་དངུལ་བཟོ་བཞིན་ཡོད་པ་དང་། དེའི་ཁྲོད་ཀྱི་ནད་པ་གཅིག་ལ་ཚད་ལས་བརྒལ་བའི་ལས་ཀ་བྱེད་བཅུག་པའི་དབང་གིས་འདས་གྲོངས་སུ་ཕྱིན་ཡོད་པ་སོགས་ཤེས་རྟོགས་བྱུང་སྟེ་ཁྲིམས་ཐོག་ནས་ཐག་གཅོད་བྱས་ཡོད་འདུག་ཀྱང་། ༢༠༠༨ ཟླ་ ༩ པའི་ནང་བསྐྱར་དུ་ཤིན་ཅང་ཐཱོ་ཁི་སིན་རྫོང་གི་བཟོ་གྲྭ་དེར་ནད་པ་མང་པོ་ཁྲིད་ཡོད་འདུག
གསར་འགོད་པ། ཚེ་རིང་རྒྱལ།
འདི་དང་འདི་ལྟ་བུའི་གནས་སྟངས་ཐབས་སྐྱོ་འཛམ་གླིང་གི་གོ་ལ་ཧྲུལ་བོ་ལ་མཐོང་ཆོས་སུ་གྱུར་ཡོད། སུ་དང་གང་གིས་འདི་སེལ་ཐབས་མེད་ལ། སེལ་ཐུབ་ཡ་ཡོད་པ་མ་རེད། གང་ཡིན་ཟེར་ན། རྒྱུ་ཡག་པོ་བསགས་ན་འབྲས་བུ་ཡག་པོ་སྨིན་རྒྱུ་དང་། རྒྱུ་ངན་པ་བསགས་ན་འབྲས་བུ་ཡང་ངན་པ་ལས་གཞན་གང་ནས་འོང་།
འདི་ནི་འཇིག་རྟེན་གྱི་ཆོས་ཉིད་ཀྱི་འགྲོ་སྟངས་ཤིག་ལས་སུ་དང་གང་གིས་བཙན་དབང་བྱེད་པ་ཞིག་གཏན་ནས་མིན་པས། སེམས་སྐྱོ་དགོས་ཡོད་པ་མ་རེད།
འདི་དག་མཐོང་བ་ཙམ་གྱི་རང་ཉིད་ལམ་དེ་གར་མི་ཞུགས་པའི་ཐབས་ལ་འབད་རྒྱུ་ལས་གཞན་གང་ཡང་ཤོད་རྒྱུ་མེད།
རྒྱུ་ནོར་ལ་རྔམ་དྲག་པའི་ཉེས་མིག་འདི་རེད། དེས་ན་རྒྱུ་ནོར་ལ་མི་དགའ་མཁན་མེད་ཀྱང་། རང་ཚོད་ཟིན་པར་བྱས་ཏེ་རྒྱུ་ནོར་དང་རྒྱུ་འབྲས་མི་བརྗེ་རྒྱུ་དང་། རྒྱུ་ནོར་དང་བཟང་སྤྱོད་མི་བརྗེ་རྒྱུ། རྒྱུ་ནོར་དང་བྱམ་བརྩེ་མི་རྗེ་རྒྱུ་གལ་ཆེ།
ཀྲུང་ཧ་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་ཀྱི་སྒྲོལ་གཞིའི་འོག་ཏུ་འདི་འདྲ་འདྲ་སྡུག་བསྔལ་མྱོང་མཁན་མང་པོ་ཡོད་ལེ་རེད་གོ
སངས་རྒྱས་ཆོས་དང་ཚོགས་ཀྱི་མཆོག་རྣམས་ལ།། བྱང་ཆུབ་པར་དུ་བདག་ནི་སྐྱབས་སུ་འཆི།། བདག་གིས་སྦྱིན་སོགས་བགྱིས་པའི་བསོད་ནམས་ཀྱིས།། འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག
ཨ་བླ་མ་མཁྱེན། འདི་ཚོ་སྙིང་རྗེ།