ཕྱི་ཚེས་ ༡༦ ཉིན། ཤིན་ཅང་ཝོ་རོའུ་མོའུ་ཆི་གྲོང་ཁྱེར་དུ་ས་གནས་ཡུ་གུར་མི་མང་དང་རྒྱ་ནག་ཉེན་རྟོག་དམག་མིས་བར་འཁྲུག་འཛིང་ཤོར་ཡོད་པ་དང་། སྐབས་དེར་རྒྱ་ནག་ཉེན་རྟོག་པ་དང་དམག་མི་མང་པོ་ཡོང་སྟེ་ཡུ་གུར་མི་མང་ ༡༠༠ ལྷག་འཛིན་བཟུང་བྱས་ཡོད་འདུག
གནད་དོན་འདིའི་ཐད། རྒྱལ་སྤྱིའི་ཡུ་གུར་མཐུན་ཚོགས་ཀྱིས་བྷེ་བྷེ་སི་གསར་ཁང་ལ་བརྗོད་པ་ལྟར་ན། ཉེ་སྔོན་ཡུ་གུར་མི་རིགས་ཀྱི་ཆོས་དཔོན་ཞིག་འདས་གྲོངས་སུ་སོང་བར་བརྟེན། ཝོ་རོའུ་མོའུ་ཆི་གྲོང་ཁྱེར་ཐཱེན་ཨན་གཞུང་ལམ་གྱི་ལྷ་ཁང་ཞིག་ཏུ་ཡུ་གུར་མི་མང་འདུ་འཛོམས་ཀྱིས་ཁོང་ལ་འདས་མཆོད་མྱ་ངན་ཞུས་སྐབས། རྒྱ་ནག་གི་དྲག་ཆས་ཉེན་རྟོག་དཔུང་དམག་ཡོང་སྟེ་མི་མང་འདུ་འཛོམ་བྱེད་མི་ཆོག་པའི་བཀའ་རྒྱ་བཏང་ཞིང་། འདས་མཆོད་མྱ་ངན་སྒྲུབ་པར་བཀག་སྡོམ་བྱས་ཡོད་སྟབས། དེར་ཡོད་མི་མང་དང་ཉེན་རྟོག་པའི་བར་འཁྲུག་འཛིང་ཤོར་ཡོད་ཚུལ་དང་། ད་དུང་ཡུ་གུར་མི་མང་གིས་རྒྱ་གཞུང་གི་དྲག་གནོད་དང་ཆོས་ལུགས་དད་མོས་རང་དབང་ལ་བཀག་སྡོམ་བྱས་པར་ངོ་རྒོལ་སྐད་འབོད་བྱས་ཏེ། རྙོག་ཟིང་ཆེན་པོ་ཆགས་ཡོད་སྟབས་རྒྱ་ནག་ཉེན་རྟོག་དམག་མིས་ཡུ་གུར་མི་མང་ ༡༠༠ ལྷག་འཛིན་བཟུང་བྱས་ཡོད་སྐོར་སོགས་བརྗོད་འདུག ཡིན་ནའང་། རྒྱ་གཞུང་གིས་བཀག་སྡོམ་ནན་མོས་བྱས་པར་བརྟེན་ཞིབ་ཕྲའི་གནས་ཚུལ་ཤེས་རྟོག་བྱུང་མི་འདུག
ཕྱི་ལོ་ ༢༠༠༩ ལོར་ཤིན་ཅང་གི་ ༧་༥ ངོ་རྒོལ་དོན་རྐྱེན་བྱུང་བ་ནས་བཟུང་རྒྱ་གཞུང་གིས་དྲག་དམག་འགྲེམས་འཇོག་གིས་ཡུ་གུར་མི་མང་འདུས་སྡོད་ཀྱི་ས་ཁུལ་ཁག་ཏུ་བཀག་སྡོམ་ནན་མོ་བྱེད་བཞིན་ཡོད་ལ། རྒྱ་གཞུང་གིས་གསལ་བསྒྲགས་བྱས་པའི་གྲངས་འབོར་ལྟར་ན། ༧་༥ ཡུ་གུར་དོན་རྐྱེན་སྐབས་མི་ ༡༩༧ རྐྱེན་འདས་སུ་གྱུར་ཡོད་པ་རེད།
གསར་འགོད་པ། ཚེ་རིང་རྒྱལ།
ཡུར་ཁོར་མི་རིགས་ཀྱི་ལས་དང་བདག་ཚོའི་ལས་དབང་དེ་འདྲའི་སྐྱོ་བ་ལ།
གཏན་དུ་དགྱ་དམར་གྱིས་སྡུག་རྩུབ་ཁོ་ནས་ཕྱི་མའི་སྔ་ལམ་དུ་བརྫངས་སོང།
ད་གང་དྲགས།
སྙིང་རྗེ་སྤུ་ཙམ་ཡང་མེད་པའི་རྒྱ་དམར་ཀླ་ཀློ་རྣམས་ནི་ག་དུས་ཡིན་དེ་ལྟར་རེད་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་ཨ་ཙི་སྐྱབས་སུ་མཆི་་་་་་་་་་་་་་་་་་་་་་་་་་་་་་་་་་་་་་་་་་་་་་་་དཀོན་མཆོག་སུམ་གྱིས་དེ་དག་ཐུགས་རྗེས་ཐེངས་ཤིག་བཟིགས་ཐུབ་ཚེ་ཅི་མ་རུང་སྙམ་མོ།
གསར་འགྱུར་རིན་ཐང་ཅན་རེ་བཏང་བར་སྙིང་ནས་དགའ་ཡོད།