ཟླ་འདིའི་ཕྱི་ཚེས་ ༡༦ ཉིན་ཀན་ལྷོ་ཁུལ་རྨ་ཆུ་རྫོང་ཁོངས་ཀྱི་མུ་རྭ་དགོན་གྱི་གྲྭ་གསུང་རབ་རྒྱ་མཚོ་ལགས་ལ། ཀན་ལྷོ་གཙོས་གྲོང་ཁྱེར་འབྲིང་རིམ་མི་དམངས་ཁྲིམས་ཁང་གིས་ལོ་ ༣ དུས་བཀག་བཙོན་འཇུག་གི་ཁྲིམས་ཐག་བཅད་ཡོད་འདུག གྲྭ་གསུང་རབ་རྒྱལ་མཚོ་ལགས་ ༢༠༠༨ ལོའི་ཟླ་ ༣ ཚེས་ ༡༧ ཉིན་ཁོང་རྨ་ཆུ་རྫོང་ཁོངས་ནས་ས་གནས་ཉེན་རྟོག་པས་འཇུ་བཟུང་བྱས་ཏེ་དུས་ཐུང་བཀག་ཉར་ཀློད་གྲོལ་བཏང་ཡོད་པ་དང་། ལོ་དེའི་ཟླ་ཟླ་ ༥ ཚེས་ ༡༨ ཉིན་རྔ་བ་ཁུལ་ནས་འཇུ་བཟུང་ཐེངས་གཉིས་པ་བྱས་ཏེ་ཀློད་གྲོལ་བཏང་ཡོད་འདུག འདི་ལོའི་ཕྱི་ཟླ་ ༣ ཚེས་ ༢༥ ཉིན་སླར་ཡང་ཀན་ལྷོ་ཁུལ་རྨ་ཆུ་རྫོང་ཁོངས་ནས་འཇུ་བཟུང་བྱས་ཡོད་འདུག ༢༠༠༨ ལོའི་རྨ་ཆུ་རྫོང་ཁོངས་ཀྱི་བོད་མིའི་ཞི་རྒོལ་དང༌། ༢༠༡༠ ལོའི་རྨ་ཆུ་རྫོང་ཐོག་ཏུ་རྫོང་བོད་རིགས་སློབ་འབྲིང་གི་སློབ་མའི་ཁྲོམ་སྐོར་ལས་འགུལ་སོགས་ཀྱི་སྣེ་ཁྲིད་བྱེད་མཁན་གྱི་དོགས་གཞིའི་འོག་འཇུ་བཟུང་བྱས་ཡོད། གྲྭ་གསུང་རབ་རྒྱ་མཚོ་ལགས་ད་ལྟ་རང་ལོ་ ༣༤ དང་སྐྱེས་ཡུལ་ཡང་མུ་རྭ་ནས་ཡིན་པ་རེད། ཁོང་ནི་༼ རེ་བའི་རྐང་ལམ ༽ ཚགས་པར་གྱི་རྩོམ་སྒྲིག་འགན་འཁུར་མི་སྣ་དང༌། བོད་ཨ་མའི་རང་སྐད་སླར་གསོ་ཚོགས་པའི་ཚོགས་མི། དེ་བཞིན་རྩྭ་ཐང་བོད་ཡིག་རྨོངས་སེལ་སློབ་གྲྭའི་རྐང་འཛིན་དགེ་རྒན་བཅས་ཡིན་འདུག
གནས་ཚུལ་ལྟར་ན་གྲྭ་གསུང་རབ་ཀྱིས་རང་ནུས་ཅི་ལྕོགས་ཀྱིས་བོད་སྤྱི་པའི་ལས་དོན་ལ་ཧུར་བརྩོན་ལྷོད་མེད་གནང་འདུག་པས་དེ་ལ་རྗེས་སུ་ཡི་རིང་ཞུ། ཁོང་ལ་ལོ་གསུམ་གྱི་ཁྲིམས་ཆད་ཕོག་པ་མཐོང་སྐབས་བློ་ཕམ་བྱུང་།
རང་མི་རིགས་ཀྱིས་ཆེད་དུ་ཡོད་ཚད་བློས་བཏོང་ཐུབས་པའི་ཤེས་ཡོན་པ་སྐུ་ཞོགས་གསུང་རབ་རྒྱ་མཚོ་ལགས་ལ་ཁྲིམས་ཐོག་བཅད་པར་བློ་ཕམ་ཚད་མེད་ཡོད་པར་མ་ཟད། རང་ཅག་གིས་ཀྱང་དེར་ལྟད་མོར་ལྟོས་ནས་མི་སྡོད་པར་ཁོང་ཀློད་གྲོལ་གྱིས་ཆེད་ལས་འགུལ་རེ་སྤེལ་ན་ཅེས་མི་དགའ་སྙམ།