དབུས་སྤྱི་ཁྱབ་འོས་བསྡུ་ལྷན་ཁང་ནས་གནས་ཚུལ་ཤེས་རྟོགས་བྱུང་བ་ལྟར་ན། སྐབས་བཅོ་ལྔ་བའི་བོད་མི་མང་སྤྱི་འཐུས་ཀྱི་དངོས་གཞིའི་འོས་ཁོངས་སུ་དང་བླངས་ཀྱིས་ཞུགས་མཁན་མི་ ༦ བྱུང་ཡོད་པ་དང་། དེ་དག་ནི་དབུས་གཙང་ཆོལ་ཁོངས་ཀྱི་མོན་གྷོ་ཊི་ས་གནས་ནས་ཕུན་རབ་ཆོས་བཟང་དང་སྤོན་ཌ་ཆོལ་གསུམ་ས་གནས་ནས་རྒན་དཀོན་མཆོག་ཚེ་རིང་། ཌེ་ར་ལྡུན་ས་གནས་ནས་ལུང་རིགས་བསོད་ནམས་བཅས་ཡིན་ཞིང་། མདོ་སྟོད་ཆོལ་ཁོངས་སུ་སྒང་ཏོག་ས་གནས་ཀྱི་ཚང་གྲགས་བཀྲ་ཤིས་ཕུན་ཚོགས། སུད་སི་ནས་སྨོན་མཁར་བསོད་ནམས་ཕུན་ཚོགས། བྱང་ཨ་རི་ནས་བདེ་སྐྱིད་ཆོས་དབྱིངས་བཅས་ཡིན་འདུག
སྤྱི་ཁྱབ་འོས་བསྡུ་ལྷན་ཁང་གི་ལས་འཕར་འགན་འཛིན་བཅུད་པར་གཡང་མཁོ་རྒྱལ་ལགས་ཀྱིས་འདིའི་སྐོར་ངོ་སྤྲོད་གནང་དོན། དང་བླངས་ཐོག་དངོས་གཞིའི་འོས་ཁོངས་སུ་ཞུགས་རྒྱུའི་ལམ་ཁ་ཞིག་ཡོད་པ་རེད། དེ་ལ་ཆ་རྐྱེན་གང་དག་ཚང་དགོས་པ་རེད་ཟེར་ན། དང་བླངས་བྱེད་མཁན་དེས་ས་གནས་འོས་བསྡུ་ལས་ཁང་ལ་མ་དངུལ་ཧིན་སྒོར་ ༣༠༠༠ སྤྲོད་དགོས་པ་དང་། རང་བཙན་ལག་དེབ་ཡོད་མཁན་གྱི་མི་ ༢༥ ཙམ་གྱི་རྒྱབ་ཉེར་ཡི་གེ་བཅས་ས་གནས་འོས་བསྡུའི་འགན་འཛིན་ལ་སྙན་ཞུ་འབུལ་དགོས་ལ། དེ་དང་མཉམ་དུ་འགེངས་ཤོག་ཁ་ཤས་ཤིག་ཀྱང་བསྐང་དགོས་པ་རེད།
ལས་དོན་དེ་དག་གྲུབ་རྗེས་ས་གནས་འོས་བསྡུ་ལས་ཁང་གིས་ཞིབ་འཇུག་བྱས་པ་བརྒྱུད། དང་བླངས་སྤྱི་འཐུས་འོས་མི་དེར་འོས་ཆོས་ཚང་ཚེ་དབུས་སྤྱི་ཁྱབ་འོས་བསྡུ་ལྷན་ཁང་ལ་གཏོང་གི་ཡོད་ལ། དབུས་སྤྱི་ཁྱབ་འོས་བསྡུ་ལྷན་ཁང་གིས་མཐའ་མའི་གཏན་འབེབས་བྱས་ཏེ། ཆོལ་ཁོངས་ཀྱི་འོས་མི་ ༢༠ ཡོད་པའི་སྟེང་དུ་བསྣན་ཏེ་འགྲེམ་གྱི་ཡོད། དེར་བརྟེན། ཐེངས་འདིའི་དང་བླངས་པ་དྲུག་ལ་འོས་ཆོས་ཚང་འདུག དབུས་གཙང་ཆོལ་ཁ་ལྟ་བུར་མཚོན་ན། ཐེངས་འདིར་དང་བླངས་པ་ ༣ བྱུང་ཡོད་སྟབས། དངོས་གཞིའི་འོས་བསྡུའི་སྐབས་ཁྱོན་འོས་མི་ ༢༣ ཆགས་ཀྱི་ཡོད་པ་རེད། ཅེས་ངོ་སྤྲོད་གནང་བྱུང་།
གསར་འགོད་པ། ཨ་རིག་འགྱུར་མེད།
ཁོང་རྣམ་པ་ཚོར་འཚམས་འདྲི་ཞུ། སྤྱིར་དེང་སང་གི་དུས་འདིར་སྤྱི་འཐུས་ཞེས་པ་ནི་ཧ་ཅང་གི་གལ་འགངས་ཆེན་པོ་ཞིག་ཆགས་ཡོད་དུས་ཚང་མས་ལྷག་བསམ་བཟང་བོ་ཞིག་ལ་ལོངས་སུ་སྤྱོད་རྒྱུ་ནི་ང་ཚོ་བོད་མི་ཡོད་དོ་ཅོག་གི་འགན་འཁུར་རེད་འདུག
ཕྱོགས་གཅིག་ནས་བསམ་བློ་བཏང་ན་ཧ་ཅང་གི་ཡག་པོ་རེད་བསམ་གྱིན་འདུག
གང་ཡིན་ཟེར་ན་རང་སྒེར་གྱི་དང་བླངས་བྱེད་པ་འདི་ནི་མི་རིགས་ཤིག་གི་འགན་གཙང་མ་རང་ཉིད་ཀྱི་ཕྲག་པར་འཁུར་འདོད་ཀྱི་བསམ་བའི་ཀུན་སློང་ཡང་དག་པ་ཞིག་ཡིན་པ་འང་མཚོན་གྱིན་ཡོད།
ཕྱོགས་གཞན་ཞིག་ནས་ལྟོས་འོང་དུས་ཡོང་ན། འདི་གཡོ་སྒྱུའི་ལྐོགས་མདའ་རེ་མེད་ན་བསམ་བའི་ཞེད་སྣང་དང་འཇིགས་སྣང་གིས་དོགས་ཟོན་གང་ལེགས་གནང་དགོས་པ་དི་ནི་ཤིན་ཏུ་ལས་ཀྱང་གལ་ཆེན་དུ་མཐོང་བྱུང་།
འདས་ཟིན་གྱི་ལོ་རྒྱུས་མང་པོ་ཞིག་གི་ཀྱོག་མཚམས་ལ་གཞིགས་ཏེ་དང་བླང་བ་འདི་ཚོར་གཟབ་འདྲི་གང་ལེགས་གནང་སྟེ་དགོས་མཚན་དང་། དང་བླང་འོས་མིའི་ཁོངས་སུ་ཞུགས་འདོད་པའི་དམིགས་ཡུལ་སོགས་ཕྱོགས་གང་ཅིའི་ཐད་ནས་བརྟག་དཔྱད་ནན་ཏན་རེ་མ་གནང་ན།
མ་འོངས་པར་ང་ཚོ་གཞི་རིམ་བོད་རིགས་མི་དམངས་ཀྱི་དཀའ་ངལ་མྱངས་ཀྱིན་ཡིན་པ་ལས་མཐོ་རིམ་མི་སྣས་དུས་ནམ་ཡང་དཀའ་ངམ་མྱོང་མི་སྲིད།
གང་ཡིན་ཟེར་ན། འདས་པའི་ལོ་ངོ་ལྔ་བཅུའི་ཡར་སྔོན་དུ་བོད་ཀྱི་འགན་དབང་ཁྱེར་བའི་གཞུང་གི་སྐུ་དྲག་ཚོས་གཞི་རིམ་མི་དམངས་སྡུག་ལ་སྦྱར་བ་རེད་མ་གཏོགས་སུས་སྡུག་ལ་སྦྱར་བ་རེད་གསལ་གཞན་གང་ཡང་ཡོད་པ་མ་རེད།
དེ་འདྲ་སོང་ཙང་སྐྱག་གཟན་སྐུ་དྲག་དེ་ཚོས་བོད་མི་སྡུག་ལ་སྦྱར་ཏེ་བོད་ས་དགྱ་ལ་སྤྲད་པ་རེད། ཁོང་ཚོར་དཀའ་ངལ་ཅི་ཡང་མེད་པར་བདེ་བའི་མལ་ལ་གཟིམ་གནས་བསྡད་ཡོད་པ་ལོ་རྒྱུས་ཀྱི་ཡོངས་གྲགས་རེད། དཔེར་མཚོན་གཅིག་བགྲང་ན།
དེང་གི་བཀའ་ཟུར་བཀྲ་ ས་མཐོང་བསྟན་འཛིན་རྣམ་རྒྱལ་ལྟ་བུ་རེད།
སྤྱིར་བཏང་དམངས་གཙོ་ཚད་ལྡན་གྱི་ལམ་ཁ་དེད་ན་དང་བླང་འོས་མི་ཞེས་པ་དེ་ནི་ཤིན་ཏུ་ལས་ཀྱང་གལ་ཆེན་རེད། འོན་ཀྱང་དེང་སྐབས་དགྱའི་སྲིད་ཇུས་འདྲ་མིན་སྣ་ཚོགས་ཤིག་བེད་སྤྱོད་གཏོང་བཞིན་པའི་སྐབས་འདིར་དོན་མེད་དུ་དང་བླང་བ་མང་པོ་ཞིག་འཐོན་པ་དེ་ནི་ཡག་རྟགས་ཤིག་མ་ཡིན་པ་གསལ་བོ་རེད།
དང་བླང་བ་འདི་ཚོར་གཟབ་ནན་གྱིས་སྒོ་ནས་བརྟག་དཔྱད་བྱས་ཏེ་ཐག་གཅོད་རྒྱུ་ཞིག་ལས། འཚབ་འཚུབ་འུར་འུར་གྱི་ཡག་པོ་ཡོད་ཚད་བྱས་ཏེ་འོས་མིར་སྐོས་བཞག་བྱས་པ་ཡིན་ན། མ་འོངས་པར་འགྱོད་པ་སྐྱེས་དགོས་ཚེ་འཕྱི་དྲགས་པ་རེད། ད་ལྟ་ནས་བསམ་བློ་གང་གཟབ་བཏང་སྟེ་ཐག་གཅོད་གནང་ན་ཧ་ཅང་ལེགས་ཚོད་དུ་མཐོང་།
བོད་མིའི་གཏམ་དཔེར།
བསམ་བློ་སྔོན་ལ་བཏང་ན་མཁས་པ་ཡིན༎
འགྱོད་པ་རྗེས་ནས་སྐྱེས་ན་བླུན་པོ་ཡིན༎
ཞེས་པའི་མན་ངག་ཟབ་མོ་འདི་བསམ་གཞིགས་ཡང་ཡང་གནང་རོགས་ཞུ་རྒྱ྄ུ་ཡོད།
ཚང་མས་་འདིའི་སྐོར་ལ་གཟབ་གཟབ་བྱེད་དགོས་ཡ་་་་འདིའི་རིགས་ལ་ཡིད་ཆེས་མེད་དོ་་་་
དངུལ་སྤྲོད་ནས་སྤྱི་འཐུས་ཀྱི་སྐུ་སྟེགས་ཉོ་ཆོག་པའི་ལམ་ལུགས་སྲོལ་ཞིག་ཡོད་པ་ད་རེས་མ་གཏོགས་གོ་མ་མྱོང།
དངོས་གནས་ཡ་མཚན་སྐྱེས་དགོས་པ་རང་རེད།
དེང་སང་དོན་དག་ཚང་མ་དངུལ་གྱིས་བསྒྲུབ་ཐུབ་པའི་གོ་སྐབས་ཤིག་ཡོད་པ་ཉིན་རེ་བཞིན་ཇི་གསལ་དུ་འགྲོ་གི་འདུག
དངུལ་གྱིས་མ་འགྲུབ་པའི་བྱ་བ་གང་ཡང་མེད་པ་བདེན་པ་རེད་སྙམ།
དེ་རིང་སང་ཉིན་གྱི་མི་ཚོས་ལབ་ཡག་ལ།
ཨ་མའི་བུ་ལ་ཡོན་ཏན་ཡོད་ན།་བཀའ་སྤྱིའི་སྐུ་ལྕགས་བདག་པོ་མེད་ཟེར་བའི་ལེའུ་དེ་མཇུག་རྫོགས་ཚར་པ་རེད།་དེང་ཨ་མའི་བུ་ལ་པད་ཤག་ཡོད་ན།་བཀའ་སྤྱིའི་སྐུ་སྟེགས་བདག་པོ་མེད་ཅེས་པའི་ལེའུ་གསར་པ་བསླེབས་ཡོད་རབས་བཤད་ཀྱི་འདུག
དེ་བདེན་པ་ཡིན་པ་ར་འཕྲོད་བྱུང་བ་རེད།་
སྨོན་མཁར་བསོད་ཕུན་སྙིང་རྗེ་ཡོ་རུ་སྤྱི་འཐུས་ལ་རེ་བ་ཤུགས་ཆེ་སྐྱོང་བཞིན་པའི་སྐབས་མི་མང་ནས་ཁོང་གི་བྱ་སྤྱོད་སྔར་ས་ནས་ཤེས་པ་ཡིན་ཙམ་འོས་ཤོག་འདོད་བློ་ཚིམས་པ་ཞིག་སྤྲོད་མེད། དེ་ནས་འུ་ཐུག་ནས་མདོ་སྟོད་ནང་འཛུལ་ཡང་རྒྱལ་ཁ་ནམ་ཡང་འཐོབ་མི་སྲིད། གང་ཡིན་ཞེ་ན་ཚོགས་དུས་དགུ་པའི་སྐབས་ཀྱི་ཁོང་གི་སྐད་ཆ་མདོ་སྟོད་ནང་ལོག་ལ་ཡོངས་གྲགས་སུ་གྱུར་ཟིན།