ཟླ་འདིའི་ཚེས་ ༢༤ དང་ ༢༥ བཅས་ཉིན་གཉིས་རིང་པེན་བོད་ཀྱི་རྩོམ་པ་པོའི་མཐུན་ཚོགས་ཀྱིས་གོ་སྒྲིག་འོག སུ་ཇཱ་བོད་ཁྱིམ་གྱི་ལེགས་འདེམས་སློབ་མ་ ༣༥ ཙམ་ལ་རྩོམ་འབྲིའི་རང་དབང་སྐོར་གྱི་ཟབ་སྦྱོང་ཞིག་སྤྲད་ཡོད་པ་དང་། ཐེངས་འདིར་ཟབ་ཁྲིད་གནང་མཁན་བོད་ཀྱི་དུས་བབ་གསར་འགོད་པ་དང་རྩོམ་པ་པོའི་མཐུན་ཚོགས་ཀྱི་ཚོགས་མི་ཨ་རིག་འགྱུར་མེད་དང་། སུ་ཇཱ་བོད་ཁྱིམ་གྱི་དགེ་རྒན་དང་རྩོམ་པ་པོའི་མཐུན་ཚོགས་ཀྱི་ཚོགས་མི་ཚེ་རིང་ལོ་བརྒྱ་གཉིས་ཡིན།
ཉིན་གཉིས་རིང་གི་ཟབ་སྦྱོང་སྐབས་རྩོམ་འབྲིའི་རང་དབང་ཞེས་པའི་བརྗོད་གཞི་ལྟེ་བར་བཟུང་སྟེ། བོད་ཕྱི་ནང་གི་རྩོམ་འབྲིའི་རང་དབང་གི་གནས་བབ་དང་། གསར་འགོད་རང་དབང་། བོད་ཀྱི་རྩོམ་རིག་གི་བྱུང་རིམ་དང་ཉེ་བའི་ལོ་འགའི་ནང་གསར་དུ་དར་བཞིན་པའི་པའི་བོད་ཡིག་དྲ་རྒྱའི་སྐོར་དང་དེ་དག་གིས་བོད་ཕྱི་ནང་གཉིས་ཀར་ཤུགས་རྐྱེན་ཅི་ཙམ་སྤྲོད་ཀྱི་ཡོད་མེད། གཞན་ཡང་སློབ་ཕྲུག་ཚོར་དམིགས་ཏེ་མི་ཚེའི་མདུན་ལམ་བཅས་ཀྱི་ཐད་ཟབ་ཁྲིད་དང་བགྲོ་གླེང་བྱས་ཡོད།
ཐེངས་འདིའི་ཟབ་སྦྱོང་དེ་ནི། རྩོམ་པ་པོ་མཐུན་ཚོགས་ཀྱིས་ལོ་མགོ་འདིར་རྩོམ་འབྲིའི་རང་དབང་ཐད་གོ་སྒྲིག་བྱས་པའི་ཟབ་སྦྱོང་ཐེངས་དང་པོ་དེ་ཡིན་ཞིང་། འབྱུང་འགྱུར་ས་རཱ་དང་ནོར་གླིང་། སྨན་རྩིས་ཁང་། ངྷ་སྟེང་དང་ངྷ་ཤོད་བོད་ཁྱིམ། གྷོ་པལ་པུར་སོགས་ངྷ་སའི་ཉེ་འཁོར་གྱི་སློབ་གྲྭ་ཁག་ཏུ་མུ་མཐུད་ཟབ་སྦྱོང་སྤྲོད་འཆར་ཡོད་འདུག
དྲ་གྲོགས་ཨ་རིག་འགྱུར་མེད་ལགས།
འབྱུང་འགྱུར་གྱི་ཟབ་སྦྱོང་དག་གི་སྐབས་སུ་ཁོ་བོས་བྲིས་པའི་”སྨྲ་བརྗོད་རང་དབང་གི་རྣམ་བཤད།”་ཅེས་པ་དེ་དཔྱད་གཞིར་འཚམས་སྦྱོར་རེ་གནང་ཐུབ་ན་བཀའ་དྲིན་ཆེ་ཞུ་རྒྱུ་ཡིན། དེ་དྲ་འབྲེལ་ནི་འདི་ཡིན།http://njampel.blogspot.com/2011/01/blog-post.html
དེ་དུས་བབ་དང་ཁ་བརྡ་གཉིས་ཀར་བཀོད་ཡོད།
https://tibettimes.net/wordpress/blogs.php?id=343&post_id=13468
དང་། http://www.khabdha.org/?p=15067
འདི་ལོར་རྡ་སར་འགྲོ་ཐུབ་སོང་ན་གསོག་སྒར་དང་ས་ར་ནོར་གླིང་སོགས་ནས་རྩོམ་རིག་སྐོར་སྐད་ཆ་རེ་བཤད་ཨེ་ཐུབ་ལྟ་གི་ཡིན།
ཨ་རིག་དགེ་མཐོང་ལགས།
དེང་སང་ཁྱབ་བསྒྲགས་གལ་ཆེན་པོ་ཡིན་པ་བདེན་པ་རེད།
ཡིན་ནའང་དོན་དངོས་སྤྱི་ཚོགས་ལ་ཕན་ཐོགས་ངེས་ཅན་ཐོན་ངེས་བྱུང་ན། གསེར་ས་འོག་ཏུ་ཡོད་ན་འོད་ནམ་མཁར་ཞེས་པའི་དཔེ་དོན་དེ་ཡང་བསླབ་བྱར་བཟུང་ན་མི་འགྲིག་མི་འདུག་སྙམ་གྱི་ཡོད། དེ་ནི་ངའི་ཚོར་སྣང་ཙམ་ཡིན།
རྩོམ་པ་པའི་མཐུན་ཚོགས་འདི་འགྱེལ་ས་ནས་ལངས་བཞིན་པའི་སྐབས་འདིར་ནུས་སྟོབས་སྔར་ལས་ལྷག་པར་བསྐྱེད་དགོས་པ་ནི་གལ་ཆེ་དོན་ཆེ་ཞིག་མ་ཡིན་ནམ།
ཨ་རིག་འགྱུར་མེད་ཀྱིས་གོ་སྐབས་འདི་དང་ལེན་བྱས་པ་ཁོ་བོ་སྙིང་ནས་དགའ་ཡོད། བག་འཁུམས་མི་བྱའོ།། གཉིས་པ་རྩོམ་པ་པོའི་མཐུན་ཚོགས་ཀྱི་ལས་ཀ་འདིའི་རིགས་རྒྱུན་འཁྱོངས་བྱེད་རྒྱུ་གལ་ཆེན་རེད། དེ་མིན་རྩོམ་པ་པོའི་མཐུན་ཚོགས་ཀྱིས་མིང་ཁུར་ནས་སྤྱི་ཚོགས་ལ་སྟོན་རྒྱུ་མེད་པའི་ལས་ཀ་བྱས་ན་སྤྱི་ཚོགས་ནི་སྐྱོན་ཆེན་ཞིག་ཡིན་པས་ཁས་ལེན་ནི་མ་རེད། དེང་སང་ལས་ཀ་བྱས་ན་ཁྱབ་བསྒྲགས་བྱེད་དགོས་པ་གལ་ཆེན་རེད། དེང་སང་ཁྱབ་བསྒྲགས་ཀྱི་དུས་རབས་ཤིག་ཏུ་སླེབས་འདུག དེ་ཡིན་དུས་ང་ཚོས་ཨུ་ཚུགས་བྱས་ན་མི་ཕན་པར་དེ་ལ་བསྟུན་ནས་འགྲོ་དགོས་པ་རེད།
ཨ་རིག་འགྱུར་མེད་ལྟ་བུ་རྩོམ་པ་པོ་མང་པོ་ཞིག་ཡོང་རྒྱུ་རེ་བརྒྱབ་ཡོད་ད་སློབ་མ་ཚོ།