མདུན་ངོས།
About Us
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
No Result
ཆ་ཚང་གཟིགས།

རྒྱ་ནག་དམངས་གཙོར་འགྲོ་རྒྱུ་མིན།

བོད་ཀྱི་དུས་བབ།
༢༠༡༡/༠༢/༠༣
Share on FacebookShare on TwitterShare on EmailShare on Whatsapp

ཕྱི་ཟླ་ ༡ ཚེས་ ༢༤ ཉིན་རྒྱ་ནག་མི་དམངས་ཚོགས་ཁང་ཆེན་མོ་ཟེར་བའི་ནང་། རྒྱ་ནག་རྒྱལ་ཡོངས་མི་དམངས་འཐུས་མིའི་རྒྱུན་ལས་ལྷན་ཚོགས་ཀྱི་གོ་སྒྲིག་འོག ༼རྒྱ་ནག་གི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་ཁྲིམས་ལུགས་མ་ལག་གཞི་གྲུབ་པ། ༽ཞེས་པའི་ཚོགས་འདུ་ཞིག་བསྐངས་ཡོད་ཅིང་། ཚོགས་འདུ་དེར་རྒྱ་ནག་དབུས་གཞུང་གི་མཐོ་རིམ་དཔོན་རིགས་ཁག་ཅིག་དང་། ཞིང་ཆེན་དང་རང་སྐྱོང་ལྗོངས་ཀྱི་འབྲེལ་ཡོད་དཔོན་རིགས། དེ་བཞིན་རྒྱ་ནག་གི་ཆེད་མཁས་པ་སོགས་མི་གྲངས་ ༤༠༠ ལྷག་མཉམ་ཞུགས་བྱས་ཡོད་པ་དང་། ཚོགས་ཐོག་ཏུ་རྒྱ་ནག་མི་དམངས་འཐུས་མིའི་ཚོགས་ཆེན་གྱི་ཚོགས་གཙོ་ཝུའུ་པང་ཀོ་ཡིས། རྒྱ་ནག་དུས་ནམ་ཡང་ཀ་བ་གསུམ་དང་གྲོས་ཚོགས་གཉིས་ལྡན་གྱི་དམངས་གཙོའི་ལམ་སྲོལ་ཐོག་བསྐྱོད་རྒྱུ་མིན་པར། ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཐོག་མུ་མཐུད་མདུན་སྐྱོད་བྱ་རྒྱུ་ཡིན། ཞེས་ཚིག་ཐོག་ཆོད་པོས་བསྒྲགས་འདུག  

སྐབས་དེར་ཝུའུ་པང་ཀོ་ཡིས།  ཕྱི་ལོ་ ༡༩༨༢ ལོར་རྒྱ་ནག་གིས་ད་ལྟའི་རྩ་ཁྲིམས་འདི་ལག་སྟར་བྱས་པ་ནས་བཟུང་། སྔ་ཕྱིར་ཐེངས་བཞི་བྱེ་བྲག་གི་ནང་དོན་རེ་ཟུང་ལ་བསྒྱུར་བཅོས་བཏང་སྟེ། ༢༠༡༠ ལོའི་མཇུག་དུ་གཏན་འཁེལ་རང་བཞིན་གྱི་བཅའ་ཁྲིམས་དོན་ཚན་ ༢༣༦ དང་། སྲིད་འཛིན་ཁྲིམས་སྲོལ་ ༦༩༠ ། ས་གནས་རང་བཞིན་གྱི་ཁྲིམས་སྲོལ་ ༨༦༠༠ ལྷག་ཕྱོགས་སྒྲིག་བྱས་ཏེ། ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་ཁྲིམས་ལུགས་མ་ལག་ཆ་ཚང་བ་ཞིག་དངོས་འབེབས་བྱུང་ཡོད། ད་ལྟ་རྒྱ་གཞུང་གིས་མ་ཁི་སི་རིང་ལུགས་ཀྱི་གཞི་རྩའི་ལྟ་གྲུབ་དང་རྒྱ་ནག་གི་དངོས་ཡོད་གནས་སྟངས་གཉིས་མཉམ་འབྲེལ་གྱིས་རང་ཉིད་ཀྱི་ལམ་ཁར་བསྐྱོད་དེ། ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དམངས་གཙོའི་ལམ་ལུགས་ཤིག་འཛུགས་སྐྲུན་བྱ་རྒྱུ་ཡིན་ལ།  དེ་ནི་དམར་ཤོག་རིང་ལུགས་པའི་ཕྱོགས་ཡོངས་ཀྱི་ལོ་རྒྱུས་ཉམས་མྱོང་ལས་ཐོབ་པའི་མཇུག་སྡོམ་ཡིན་སྟབས། རྒྱ་ནག་དུས་ནམ་ཡང་ཀ་བ་གསུམ་དང་གྲོས་ཚོགས་གཉིས་ལྡན་གྱི་དམངས་གཙོའི་ལམ་ལུགས་དང་། ཆབ་སྲིད་ཤོག་ཁག་མང་པོའི་དམངས་གཙོའི་ལམ་ལུགས། རྒྱལ་ཕྲན་མཉམ་འབྲེལ་གྱི་དམངས་གཙོའི་ལམ་ལུགས། དེ་བཞིན་དཔལ་འབྱོར་སྒེར་བདག་དང་བསམ་བློའི་མཛུབ་སྟོན་སྣ་མང་ཅན་གྱི་ལམ་ཕྱོགས་བཅས་སུ་བསྐྱོད་རྒྱུ་མིན། ཞེས་བརྗོད་འདུག 

 

ལོ་སྔོན་མར་སྲིད་བློན་ཝུན་ཅ་པའོ་ཡིས་རྒྱ་ནག་གི་ཆབ་སྲིད་ལམ་ལུགས་བཅོས་བསྒྱུར་བྱ་དགོས་སྐོར་སྔ་ཕྱི་ཐེངས་ ༩ ལ་གླེང་སློང་བྱས་ཡོད་པར་མ་ཟད། རྒྱ་ནག་ཏུ་དམངས་གཙོས་བཅོས་བསྒྱུར་མ་བྱུང་ཚེ་སྔར་ཡོད་གྲུབ་འབྲས་མཐའ་དག་ཤུལ་མེད་དུ་འགྲོ་རྒྱུ་ཡིན་པ་ནན་བརྗོད་བྱས་ཡོད་ལ། ཐེངས་འདིར་ཝུའུ་པང་ཀོ་ཡིས་དེ་ལས་ལྡོག་སྟེ། རྒྱ་ནག་དུས་གཏན་དུ་དམར་ཤོག་པས་དབུ་འཁྲིད་པའི་སྤྱི་ཚོགས་རིང་ལུགས་ཀྱི་ལམ་དུ་མ་བསྐྱོད་ཚེ། གཞི་རྩའི་ལམ་ལུགས་ཀྱི་རྩ་དོན་ལ་གཡོ་འགུལ་ཐེབས་ཏེ་རྒྱ་ནག་ནང་ཁུལ་རྙོག་ཟིང་འབྱུང་རྒྱུ་ཡིན་པར་མ་ཟད། ད་ལྟའི་འཕེལ་རྒྱས་ཡོད་ཚད་ལྷག་མེད་དུ་འགྲོ་རྒྱུ་ཡིན་སྐོར་བརྗོད་ཡོད།  ཝུན་དང་ཝུའུ་གཉིས་ཀྱི་རྩ་བའི་ལྟ་གྲུབ་འགལ་ཟླར་གྱུར་ཡོད་ནའང་། ད་ལྟའི་རྒྱ་ནག་ནི་འཆི་གསོན་གྱི་དཀྱོགས་མཚམས་ཤིག་ལ་བསླེབས་ཡོད་པའི་སེམས་འཚབ་གཅིག་མཚུངས་སུ་ཐོན་ཡོད་པ་རེད། 

རྒྱ་ནག་སྤྱི་ཚོགས་ཚན་རིག་ཁང་གི་མགོ་གཙོ་ལིས་ལེན་གྱིས། ཁྲིམས་ལུགས་ཀྱི་མ་ལག་གྲུབ་པ་ཙམ་གྱིས་ཁྲིམས་སྲིད་ལམ་ལུགས་ཀྱི་ཚད་གཞི་མཐོན་པོར་བསླེབས་པ་མཚོན་མི་ཐུབ་པ་དང་། ནམ་རྒྱུན་རྒྱ་ནག་གཅིག་ཅེས་བརྗོད་སྐབས་སྐམ་ས་ཆེན་པོ་གཙོས་པའི་ཧོང་ཀོང་དང་ཨོ་མིན། ཐེ་ཝན་བཅས་འདུས་ཡོད་པ་རེད། ཡིན་ནའང་། ཁྲིམས་ལུགས་མ་ལག་དེའི་ཁྲོད་ ༼རྒྱལ་ཁབ་གཅིག་ལ་ལམ་ལུགས་གཉིས༽ཀྱི་དམིགས་བསལ་སྲིད་འཛིན་ལམ་ལུགས་ཚུད་མེད་པས།  རྒྱ་ནག་གི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་ཁྲིམས་ལུགས་མ་ལག་དེར་ད་དུང་བསྐྱར་ཞིབ་དང་བསམ་གཞིག་གཏོང་དགོས། ཞེས་བརྗོད་ཡོད་འདུག 

 གསར་འགོད་པ། ཚེ་རིང་རྒྱལ།

མཆན། 7

  1. yeshi samdup says:
    ལོ་ 12 སྔོན།

    རྒྱ་ནག་སྤྱི་ཚོགས་རིང་ལུགས་པ་མ་རེད་ལ་རྒྱ་ནག་དམངས་གཙོར་དུས་ཀྱི་གྱུར་བས་གཏོང་གི་རེད་།།

    Reply
  2. ཀརྨ་རྡོ་རྗེ། says:
    ལོ་ 12 སྔོན།

    རྒྱ་ནག་དམར་པོའི་ལས་བྱེད་ཚོས། མའོའི་རོ་ཁོགས་དེ་མ་ཎི་རིལ་བུ་བཟོས་ནས་ཟས་ན། དམར་གཞུང་སྡུག་ཚེ་རིང་དུ་འགྲོ་ན་མ་གཏོགས་གཞན་ཐབས་ཤེས་ཅང་ཡོད་མ་རེད་དོ། །

    Reply
  3. དུག་མདའ། says:
    ལོ་ 12 སྔོན།

    རྒྱ་ནག་པས་ངོས་འཛིན་བྱེད་བཞིན་པ་ལྟར་ནུབ་ཕྱོགས་པས་དམངས་གཙོ་དང་འགྲོ་བ་མིའི་ཐོབ་ཐང་ཞེས་པའི་ཚིག་ནམ་སྤྱོད་ལ་བསམ་རྒྱུ་གཅིག་ལས་མེད་པ་ནི་རྒྱལ་ནག་ཕམ་པར་བཟོ་རྒྱུ་དེ་རེད། ཨ་རིའི་ཁྱིམ་ཁྱི་ལ་ཡོད་ཡོད་ཅིག་འབྲོག་པའི་སྒོ་ཁྱི་ལ་དགོས་ཟེར་ན་ཐུབ་ཚོད་མ་རེད་དམ། རྒྱ་ནག་མི་དམངས་ལ་དེ་ཙམ་བརྩེ་བ་ཡོད་ན་ཁོ་ཚོ་ལ་དགོས་པ་ནི་དངུལ་དང་འཚོ་གནས་ཀྱི་ས་བོད་ཡུལ་ལྟ་བུ་ཡིན་པས་ཨ་རི་གཞུང་ནས་ཀྱང་དེའི་སྐོར་ནས་རོགས་རམ་བྱེད་དགོས་ཀྱི་མི་འདུག་གམ།

    Reply
  4. ལྷ་མོ་དོན་གྲུབ། says:
    ལོ་ 12 སྔོན།

    ཞིང་པ་བཟོ་བ་ཚོང་བ་གསུམ། རྟ་བོང་མཛོ་ཡི་ཟླ་བོར་བསྒྱུར།
    གལ་ཏེ་ལྕག་ཚན་གཞུས་དྲགས་ན། ཤིང་རྟའི་སྟེང་འོག་སྒྱུར་བར་ངེས།

    ཝུན་ཝུའུ་ལྟ་བ་འགལ་ཟླ་རུ། མཐོང་འདི་ཕྱི་ཡི་སྣང་ཚུལ་ཏེ།
    དོན་ལ་རང་དང་རྒྱ་རིགས་ལས། བོད་སོགས་མི་རིགས་སུ་ཡིས་བརྩི།

    ཞིང་པའི་ཟོར་བ་ཞིང་པའི་སྐེ་ལ་འཇོག བཟོ་བའི་ཐོ་བ་བཟོ་བའི་མགོ་བོར་འཕྱར།
    འདི་ནི་དེང་གི་ཏང་ཡོན་དམར་པོ་སྟེ། རང་སྲོག་རང་གིས་ལེན་པའི་སྔ་ལྟས་ལགས།

    Reply
  5. འདྲེ་རིག་ལྡན། says:
    ལོ་ 12 སྔོན།

    མང་གཙོའི་ལམ་དུ་འགྲོ་མི་འདོད་ན་སྐྱག་ལམ་དུ་སོང་། རྒྱ་སྐོགས་སྐམ་པོ་དེ་ཚོ་མེ་མདས་མ་གཏོགས་གཞན་གྱིས་བསྒྱུར་ཐུབ་ནི་མ་རེད།

    Reply
  6. གཞིས་ལུས་བོད་པ། says:
    ལོ་ 12 སྔོན།

    འོ་བྱ་རྩོག་དེ་ཚང་གི་ཁ་མར་ལ་ཞིག་སོངས།

    Reply
  7. བོད་པ་ཚོ་ says:
    ལོ་ 12 སྔོན།

    གལ་ཏེ་རྒྱ་ནག་དེ་དམངས་གཙོ་བཅོས་འགྱུར་མ་བྱུང་ཚེ་ད་ལྟ་ཨབ་རབ་ཀྱི་རྒྱལ་ཁབ་ནང་མི་དམངས་ཀྱི་གེང་ལོག་བྱ་བ་ནང་བཞིན་རྒྱ་ནག་མི་དམངས་ཀྱང་དེ་ལྟར་བྱ་སྲིད་།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist