དེ་རིང་རེས་གཟའ་ཉི་མ་དང་བསྟུན་ཏེ་མདོ་ཁམས་ཆུ་བཞི་སྒང་དྲུག་གིས་ཉིན་བརྒྱ་དུས་གཅིག་ལ་སྐབས་ ༡༩ པའི་དབུས་རྒྱུན་གསར་འདེམས་ཀྱི་འོས་བསྡུ་བྱེད་ཀྱིན་ཡོད་ཀྱང་། དེ་རིང་སྔ་དྲོའི་ཆུ་ཚོད་ ༡༡ ཡས་མས་ལ་བལ་ཡུལ་མཆོད་ཇོར་ས་གནས་དང་། འཇོ་ལཱ་ཁེ་ས་གནས་གཉིས་ཀྱི་འོས་སྒམ་རྣམས་བལ་ཡུལ་ཉེན་རྟོག་པས་བཙན་འཕྲོག་བྱས་ཡོད་འདུག
སྔ་ལོའི་ཕྱི་ཟླ་ ༡༠ བའི་ནང་བཙན་བྱོལ་བོད་མིའི་སྐབས་བཅུ་བཞི་བའི་བཀའ་བློན་ཁྲི་པ་དང་སྐབས་བཅོ་ལྔ་བའི་བོད་མི་མང་སྤྱི་འཐུས་ཀྱི་སྔོན་འགྲོའི་འོས་བསྡུ་ཆེན་མོའི་སྐབས། བལ་ཡུལ་མཆོད་ཇོར་ས་གནས་དང་འཕགས་ཤིང་ས་གནས་གཉིས་ཀྱི་འོས་སྒམ་བཙན་འཕྲོག་བྱས་པའི་ཚུན་ལ། བལ་ཡུལ་ཉེན་རྟོག་པས་བོད་པ་ཚོའི་འོས་སྒམ་འཕྲོག་པ་ཐེངས་གཉིས་པ་དེ་ཆགས་ཡོད།
ཆུ་བཞི་སྒང་དྲུག་གི་རྒྱུན་ལས་ལ་ཆོལ་ཁ་གསུམ་གྱིས་འོས་བླུག་མི་དགོ་བ་ག་རེ་ཡིན་ནམ་་་འབྲེལ་བཤད་ཅིག་སྐྱོན་རོག་གནང་་་
འོས་སྒམ་བཙན་འཕྲོག་བྱས་པ་དངོས་གནས་བློ་ཕམ་བྱུང་ཡིན་ན་ཡང་དེ་འདྲའི་གནས་ཚུལ་འབྱུང་བ་ཤེས་བཞིན་དུ་གཟབ་གཟབ་མི་བྱེད་པ་དངོས་གནས་ཡ་མཚན་རེད་
ཅོ་རི་ལགས། ཉིད་ནས་ཆུ་སྒང་ཚོགས་པ་འདི་བཙུགས་མཁན་མདོ་སྟོད་གཅིག་པོ་མ་རེད། བོད་ཆོལ་ཁ་གསུམ་གྱི་མི་ཡོད་པ་ལོ་རྒྱུས་སུ་གསལ་པོ་རེད། དེ་འདྲ་ཡིན་དུས་ཚོགས་པ་འདིར་མདོ་ཁམས་ཆུ་བཞི་སྒང་དྲུག་ཅེས་འབོད་བཞིན་ཡོད་པའི་བསམ་གཞིག་གནང་རོགས་གསུངས་འདུག དེ་འདྲ་ཡིན་ན་ཚོགས་པ་དེའི་རྒྱུན་ལས་ལའང་ཆོལ་ཁ་གསུམ་གྱི་མི་མི་དགོས་སམ།
གནས་ཚུལ་འདི་འདྲ་རབ་དང་རིམ་པར་བསྟུད་མར་བྱུང་བ་ཡིན་ན་ས་གནས་བོད་མིའི་བདེ་སྡུག་གི་འཚོ་བའི་ནང་དཀལ་ངལ་སྣ་ཚོགས་འཕྲད་སྲིད་པ་ངེས་གཏན་ཡིན་པས། ང་ཚོས་དང་ཐོག་མི་ལ་གཏམ་ངན་དང་རྨོད་ཚིག་ཁོ་ན་བསྒྲག་རྒྱུ་ཙམ་མིན་པར་ནང་ནས་འུ་ཅག་གི་མཐུན་སྒྲིལ་ལ་འཕར་སྣོན་དང་མི་རིགས་གཟི་མདངས་ཀྱི་དཔལ་བསྐྱེད་དགོས།
ཁྱི་སྤྱང་ལག་སྦྲེལ་བྱས་པའི་ལག་རྗེས་རེད། རྒྱ་ནག་དང་བལ་ཡུལ་གཉིས་ཀྱི་བར་དུ་ང་ཚོ་བོད་པས་མནར་གཅོད་ཚད་མེད་མྱང་སོང་། གལ་སྲིད་ལས་འབྲས་ལ་སྙིང་རྗེ་ཡོད་ན་ད་ཚོད་བསམ་གཞིགས་གནང་དང་།
བོད་ཀྱི་དུས་བབ་རྩོམ་སྒྲིག་པ་དོན་འགྲུབ་བཀྲ་ཤིས་ལགས་ཀྱིས་བཟོ་བཅོས་གནང་བར་བཀའ་དྲིན་ཆེ་ཞུ།
ཅོ་རི་ཉི་མ་ལགས་ཀྱི་ལམ་སྟོན་ལྟར་བཅོས་ཡོད། ཐུགས་རྗེ་ཆེ།
བལ་ཡུལ་གཉེན་རྟོག་པའམ་ཇག་རྟོགས་ཟ་འདྲེ་པ་དེ་ཚོར་ང་ཚོ་བོད་པའི་སྟེང་སྙིང་ནད་ཇི་ཞིག་རྩོད་རྒྱུ་ཡོད་པ་ཡིན་ནམ། བོད་འབྱོར་པ་གང་ཡིན་པ་ནས་རྒྱུ་ངོས་ཅ་ལག་གང་ཡོད་པ་དང་ཇི་མཐོང་པ་བཅོམ་འཕྲོག་བྱས་པ་མ་ཟད་བུ་མོ་ཚོར་བཙན་གཡེམ་བུ་ཚོར་རྡུང་རྡེག ཐ་ན་ཨ་ནེ་ཚོར་ཡང་བཙན་གཡེམ་གྱིས་སྡོམ་པ་འཕྲོག་པ་སོགས་ནག་ཉེས་གནམ་སར་མི་ཤོང་པའི་ཉེས་ཅན་པ་དེ་ཚོ།
རྒྱལ་སྤྱི་ལ་ཉེས་ཁྲིམས་ཞིག་ཡོད་ན་ཆེས་ཉེས་ཅན་པ་དེ་ཚོ་ད་ནི་ཁྲིམས་རྩར་སྦྱོར་རན་རེད།
ནེ་པ་ལའི་བྱེད་སྟང་ནི་གཟན་པ་ལ་འདི་འདྲའི་རྒྱལ་ནང་ལ་དོ་སྣང་དང་ཞིབ་ཚག་ཞིག་ཡོད་ན། བྱིས་ཆུང་ཐོག་ལ་ལྕགས་གཞུ་མི་བཀུག་པར་དང་པོ་ནང་གི་ཐག་ཆོད་ཚད་ལོང་པ་ཞིག་བྱོས་དང་ཉམས་ཆུང་བོད་པ་ལ་འདི་འདྲའི་བརྙས་བཅོས་བྱེད་ཐབ་ཞིག་ཕོད་དམ། སྤྱིར་བལ་ཡུལ་ལ་གནས་ཚུལ་འདི་ཡོད་བཞིན་པའི་སྒང་ལ་འོས་བསྡུ་བྱེད་པ་འདི་ཡང་སྨ་ཁ་རང་གི་རང་ལ་དབབ་པ་ཡིན་པ་མི་ཤེས་པ་ཅི་ཡིན་ནམ། བལ་ཡུལ་བཙན་བྱོལ་བའི་འོས་འཕེན་ལ་ཐབས་ཤེས་གཞན་པ་འཚོལ་དགོས་ཀྱི། ཤེས་བཞིན་དུ་མི་ཁ་སྡུག་པོ་དང་སེམས་ཕམ་ཡིད་ཆད་ཤ་ཐང་ཐང་དུ་བདལ་བ་མ་ཚད་ཕ་རོལ་པོའི་དགྲ་ནག་ཀྱང་ཁོག་རྒོད་ནང་ནས་ཤོར་བཟོས་ཚར་འདུག གུས་པས་བསམ་ཚོད་ལ་མདོ་སྟོད་ཤོག་སོ་སོའི་འོས་བསྡུ་བའི་ལས་བྱེད་ཚོ་སྒོ་འགྲིམ་ན་ཀྱིས་འོས་བསྡུ་བྱེད་ནས་ཉན་ཁ་ལས་གཡོལ་ཅི་ཐུབ་དང་འུར་ཟིང་ཉུང་ཅི་ཐུབ་ཀྱིས་ཕྱག་ལས་ཞིག་གནང་ན། དོན་གྱི་བབ་སོ་འོས་གྲངས་བསྡུ་རུབ་ཡག་པོ་བྱེད་ཐུབ་པ་ཞིག་བྱུང་ན་འོས་བསྡུའི་གྲུབ་འབྲས་སྒྲུབས་ཐུབ་ཀྱི་འདུག དེ་མ་ཡིན་པར་དཔོན་ངན་དེ་ཚོ་ལ་བཀའ་བསྐོར་བརྒྱུད་ན། རྒྱལ་ཁབ་ཁོ་རང་ཟོ་ལུག་པའི་ནང་ལ་འཇུག་འབྲས་འདི་དུས་ག་དུས་ཡིན་ན་ད་དུང་འབྱུང་ངེས་ཅན་རེད་སྙམ།
གསར་འགོད་པ་ལགས། མདོ་སྟོད་ཆུ་བཞི་སྒང་དྲུག་གི་འོས་བསྡུ་བྱས་པ་མ་རེད། མདོ་ཁམས་ཆུ་བཞི་སྒང་དྲུག་གི་འོས་བསྡུ་བྱས་པ་རེད། མདོ་སྟོད་དང་མདོ་ཁམས་གཉིས་སུ་ཁྱད་པ་ཆེ་པོ་ཡོད། ཆུ་སྒང་ཚོགས་པ་འདི་བཙུགས་མཁན་མདོ་སྟོད་གཅིག་པོ་མ་རེད།
བོད་ཆོལ་ཁ་གསུམ་གྱི་མི་ཡོད་པར་ལོ་རྒྱུས་སུ་གསལ་པོ་རེད། དེ་འདྲ་ཡིན་དུས་ཚོགས་པ་འདིར་མདོ་ཁམས་ཆུ་བཞི་སྒང་དྲུག་ཞེས་འབོད་བཞིན་ཡོད་པའི་བསམ་གཞིག་གནང་རོགས་ཞུ།