ལྡི་ལིར་རྟེན་གཞི་བྱས་པའི་ཨིན་ངྷི་ར་གྷན་ངྷི་གཙུག་ལག་སློབ་གཉེར་ཁང་ The Indira Gandhi National Open University ཞེས་པས་འཆར་ལོའི་ཕྱི་ཟླ་ ༢ པའི་ཚེས་ ༡ ཉིན་སློག་གཉེར་ཁང་དེའི་སྤྱི་ཚོགས་ཞབས་ཞུའི་སྡེ་ཚན་དུ་བོད་དང་འབྲེལ་བའི་སློབ་གཉེར་གྱི་བསྟི་གནས་ཞིག་ཟུར་འཛུགས་བྱ་རྒྱུ་ཡིན་པའི་གསལ་བསྒྲགས་བསྐྱངས་འདུག
དེ་ནི་རྒྱ་གར་དང་བལ་ཡུལ་ནང་བོད་ཀྱི་རིག་གཞུང་ཉམས་ཆགས་སུ་འགྲོ་བཞིན་པའི་རིགས་སྲུང་སྐྱོབ་བྱ་ཆེད་ལ་དམིགས་ཏེ་བཙུགས་པ་ཞིག་ཡིན་འདུག་ལ། སློབ་གཉེར་གྱི་ཁོངས་སུ་ཉེ་བའི་གཙུག་ལག་རབ་འབྱམས་པ་དང་གཙུག་ལག་རབ་འབྱམས་པ། ནང་པའི་ལྟ་གྲུབ། ཆོས་ལུགས་ཀྱི་རྣམ་གཞག་བཅས་འཇོག་འཆར་ཡོད་པར་མ་ཟད། བསྟི་གནས་ཁང་དེ་ནས་སློབ་མཐར་སོན་པའི་སློབ་མར་གཙུག་ལག་སློབ་གྲྭ་དེ་ཉིད་དང་ཝར་ཎཱ་བོད་ཀྱི་གཙུག་ལག་སློབ་ཁང་གཉིས་ཟུང་འབྲེལ་ཐོག་ IGNOUཡི་ལག་འཁྱེར་སྤྲོད་འཆར་ཡོད་འདུག
ཐེངས་འདིའི་ལས་གཞི་དེ་ནི་འདི་ལོ་སློབ་གཉེར་ཁང་དེ་གའི་འགན་འཛིན་ Prof. V.N. Rajasekharan Pillai ལགས་ཀྱིས་མ་ངྷི་ཁྲི་རེ་ས་ཡི་དྲན་རྟེན་མཛད་སྒོའི་ཐོག་༸གོང་ས་མཆོག་གིས་བྱམས་བརྩེའི་བརྗོད་གཞིའི་ཐོག་བཀའ་སློབ་གནང་སྐབས་ཐག་གཅོད་གནང་བ་ཞིག་ཡིན་པ་དང་། ཉེ་བའི་ཆར་སྐུ་སྒེར་ཡིག་ཚང་གིས་ལྡི་ལི་དོན་གཅོད་བཀའ་བློན་བསྟན་པ་ཚེ་རིང་བརྒྱུད་དེ། ཧིན་སྒོར་འབུམ་ ༥ སློབ་གཉེར་ཁང་དེའི་འགན་འཛིན་ལ་ཕུལ་ཡོད་འདུག
གསར་འགོད་པ། དོན་གོ
གནོད་ཤུགས་སྤྲད་མཁན་ཡོད་སྲིད་ཀྱང་སེམས་ཤུགས་མ་ཆགས་རོགས་རྒྱབ་སྐྱོར་མཐའ་གཅིག་ཏུ་བྱེད་གི་ཡིནཤེས་ཡོན་རྒྱུད་འཛིན་དང་ཡར་རྒྱས་ཐོག་ལས་དོན་སྤེལ་མཁན་དང་གསར་བཟོ་འཛུགས་བསྐྲུན་གང་ཡིན་ཡང་ཡར་རྒྱས་ཀྱི་སྣ་པ་རང་རེད།ཐུགས་རྗེ་ཆེ་ཞུ་གི་ཡིན།
ལྷ་མོ་དོན་གྲུབ་ཀྱི་བསམ་ཚུལ་དེ་བདེན་ཚོད་ཡིན་མོད། དང་པོ་ལག་པ་འཐམ་ས་རྙེད་ན་དེའི་རྗེས་སུ་རྐང་པ་སྤོ་ཐུབ་མིན་དེ་གཙོ་བོ་རང་རང་ལ་ཡང་འགན་ལོས་ཡོད
དེ་ཡང་རྗེས་སུ་ཡི་རང་གི་གནས་ལགས་མོད། ང་ཚོར་ཆད་པ་ནི་རིག་གསར་གྱི་མག་པ་དང་བག་མ་ཡིན་པ་ལས། རང་ཉིད་ཀྱི་ཕ་མེས་རྒས་འཁོགས་ཁོ་ན་སྐྱོང་རྒྱུ་དེ་ཡིན་ནམ།
ཁ་ཚ་དགོས་གཏུགས་འགའ་ཡོད་པ་ནི། སྤུས་དག་ཚགས་ཚུད་ཀྱི་ཡིག་སྒྱུར་ཁང་འགའ་འམ་ཆེན་པོ་ཞིག སློབ་དེབ་གསར་སྒྲིག་ཚོགས་ཆུང་ཞིག སློབ་གསོའི་ཞིབ་འཇུག་ཁང་ཞིག སྤྱི་ཚོགས་ཞིབ་འཇུག་ཁང་ཞིག གློག་བརྙན་སྐད་སྒྱུར་སྡེ་ཚན་ཞིག ལྷ་རབ་བྱུང་ན་གློག་བརྙན་གསར་བཟོ་ཁང་ཞིག་བཅས་ནི་ངེས་པར་གཞུང་འབྲེལ་གྱིས་གསར་འཛུགས་གནང་དགོས་པ་ཞིག་རེད།
བཀའ་ཁྲི་གསར་བའམ་ལྷག་པར་ཤེས་རིག་བཀའ་བློན་གསར་བས་འདི་དག་གསར་འཛུགས་ཐད་ནུས་པ་འདོན་ཐུབ་བམ།
བཀྲིས་བདེ་ལེགས་ཀྱི་གསར་འགྱུར་རེད། བོད་ཡིག་ལེགས་པོ་ཡོད་པ་དང་ལག་འཁྱེར་མེད་པ། ཡང་ན་བོད་ཡིག་སྦྱོང་འདོད་ཀྱི་བོད་རིགས་སུ་རུང་ལ་དམིགས་བསལ་གྱི་གོ་སྐབས་གསར་པ་ཞིག་རེད། མཐོ་སློབ་འདི་ནི་རྒྱལ་སྤྱིའི་སྟེང་ཚད་འཛིན་ཡོད་པའི་ཟུར་སློབ་ཕྱག་འཁྱེར་སྤྲོད་ཐུབ་པའི་མཐོ་སློབ་གལ་ཆེ་གྲགས་ཅན་ཞིག་ཀྱང་རེད། བོད་ནས་ཕེབས་པའི་གྲོགས་པོ་གྲོགས་མོ་རྣམས་ལ་དེ་བས་ཀྱང་དམིགས་བསལ་གྱི་གོ་སྐབས་ཤིག་ཡིན་པར་སེམས།
བཙན་བྱོལ་བོད་མིས་བོད་ཆོས་རིག་གཞུང་ཉམས་གསོའི་ཟླ་བ་གསར་པ་གཅིག་ཤར་རིའི་ཕྲག་པར་ཤར་བ་རེད། བོད་རིགས་རྣམས་རྒྱ་གར་ནང་སྡོད་དགོས་ཆོད་པའི་རྟགས་རེད་གདའ། དེ་ཡང་༸གོང་ས་མཆོག་གི་བཀའ་དྲིན་ལས་བྱུང་བ་འདི་ཡང་རྒྱ་མཚོ་མ་སྐམ་གྱི་བར་ལ་བོད་མི་རྣམས་ཀྱིས་མ་བརྗེད་གྱིས་ཤིག་ཀྱེ། དགེའོ། དགེའོ། དགེའོ།
སློག་གཉེར་ཁང་། སློབ་གཉེར་ཁང་།
རྒྱ་གར་རྒྱལ་ས་ལྡི་ལིར་ཡོད་པའི་ཨིན་ངྷི་ར་གྷན་ངྷི་གཙུག་ལག་སློབ་གཉེར་ཁང་དུ་སྡེ་ཚན་དེ་ལྟ་བུ་ཞིག་གསར་འཛུགས་གནང་ཐུབ་པར་དམིགས་བསལ་འཚམས་འདྲི་ཞུ་རྒྱུ་དང་། འབྱུང་འགྱུར་ཕྱི་རྒྱལ་ཁག་གི་མཐ་ོསློབ་འདྲ་མིན་ནང་བོད་ཀྱི་སྐད་ཡིག་གཙོ་བོར་གྱུར་པའི་རིག་གཞུང་སློབ་གཉེར་བྱེད་སའི་སྡེ་ཚན་ཟུར་འཛུགས་ཐུབ་ན།
དེ་ནི་བོད་མི་རིགས་ཀྱི་སྐད་ཡིག་གི་རིན་ཐང་མཐོར་འདེགས་དང་། རིག་གཞུང་གི་རིན་ཐང་མཐོར་འདེགས་སོགས་ལ་ནུས་པ་དམིགས་བསལ་ཞིག་འཐོན་ངེས། །