སྤྱི་འཐུས་ཀྱི་འགྲན་རྩོད་དང་བཀའ་ཁྲིའི་འགྲན་རྩོད་གཉིས་ལས་ཆེས་མངོན་གསལ་དོད་ཤོས་དེ་བཀའ་ཁྲིའི་འགྲན་རྩོད་རེད། ད་དུང་འགྲན་རྩོད་འདི་གང་ཟག་སྒེར་གྱི་རྒྱལ་ཕམ་ཙམ་མིན་པར་གཞུང་དམངས་ཀྱི་རྒྱལ་ཕམ་ལ་ཡང་རག་ལུས་དུས་ཡོད། དེ་བས་ད་ལྟའི་བཀའ་ཁྲིའི་འགྲན་རྩོད་འདི་ལ་དེ་འདྲའི་དོན་སྙིང་ཆེན་པོ་ཡོད་མིན་མི་ཤེས་ཀྱང། གལ་ཏེ་ཡོད་པའི་དབང་དུ་བཏང་ན་མི་དམངས་ཀྱི་ངོས་ནས་སམ་ཡང་ན་ལྟ་གྲུབ་མི་འདྲ་བའི་ཕྱོགས་གཏོགས་ཚོས་ཐབས་ཤེས་འདི་འདྲ་ཞིག་སྤྱོད་འོས་པར་མཐོང་།
ད་ལྟ་ང་ཚོས་ཁ་གསལ་བོར་རྟོགས་སོང་བ་ནི། བཀའ་ཁྲིའི་འོས་གཞི་གསུམ་ལས་གཉིས་ཀྱི་ལྟ་བ་ནི་ཆབ་སྲིད་དང་ཤེས་ཡོན་གྱི་སྲིད་ཇུས་མུ་མཐུད་རྒྱུན་འཁྱོངས་བྱེད་རྒྱུ་དང། ཅིག་ཤོས་ཀྱིས་འཕོ་འགྱུར་གཏོང་དགོས་པའི་ལྟ་བ་དེ་རེད། ཕྱོགས་གཞན་པ་ཞིག་ནས་བལྟས་ན་གཅིག་ནས་གཉིས་ཅུང་རྒན་པ་དང་གཅིག་ཅུང་གཞོན་པའི་ལོའི་བར་ཁྱད་ཙམ་དང། དེ་འབྲེལ་གཞོན་པ་དེ་ལ་ཉམས་མྱོང་ཅུང་ཞན་པ་དང་རྒན་པ་གཉིས་ལ་ཉམས་མྱོང་མང་བ་དེ་རེད། དེ་ལས་ཤེས་ཡོན་དང་ལྷག་བསམ། འཇོན་ཐང་སོགས་ནས་བར་ཁྱད་ཆེན་པོ་ཞིག་སུས་ཀྱང་འབྱེད་དཀའ་བ་རེད།
ད་ལྟ་བོད་མི་ཕལ་མོ་ཆེས་བློ་སེང་ལགས་ལ་རྒྱལ་ཁ་ཐོབ་པའི་རྟགས་མཚན་འདྲ་བོ་མཐོང་ཡོད། གལ་ཏེ་བཀྲ་ཤིས་དབང་འདུས་ལགས་ཐོག་མ་ནས་མཉམ་ཞུགས་འགྲན་སྡུར་ཅིག་གནང་ཡོད་ཚེ། བློ་སེང་དང་བཀྲས་མཐོང་ལགས་ཀྱི་བརྒྱ་ཆའི་ཚད་ག་ཚོད་ཅིག་མར་ཆགས་ཡོད་མེད་ཚོད་དཔག་ཐུབ་བམ།
བློ་སེང་ལགས་ལ་རྒྱབ་སྐྱོར་མཁན་མང་ཆེ་བས། ཁོང་གི་ཆབ་སྲིད་ཀྱི་ལྟ་བ་རང་བཙན་དང་ལོ་གཞོན་པ། ཁྲིམས་ལུགས་ཆེད་མཁས་པ་ཡིན་པའི་ཐོག་ལ་གསུང་བཤད་གནང་སྟངས་ཀྱིས་ཀྱང་ཤུགས་རྐྱེན་བཞག་ཡོད་པར་མཐོང་།
བཀྲས་མཐོང་ལགས་ལ་རྒྱབ་སྐྱོར་མཁན་མང་ཆེ་བས་ཀྱང་། ཁོང་གི་མི་རིགས་རང་ཐག་རང་གཅོད་ཀྱི་སྲིད་དོན་ལྟ་བ་དང་བྱ་བའི་ཉམས་མྱོང་གཉིས་ཐད་ནས་འོས་ཤོག་བླུགས་ཡོད།
བཀྲ་ཤིས་དབང་འདུས་ལགས་འགྲན་རྩོད་དུ་མ་ཞུགས་པར་ཡང་འོས་གཞི་གསུམ་པར་སླེབས་པ་རེད། དེ་ཡང་ཁོང་གི་ད་བར་གྱི་བྱ་བའི་ཉམས་མྱོང་དང་དབུ་མའི་ལམ་གྱི་ལྟ་བར་ཤུགས་བརྒྱབ་པས་ལོས་ཡིན། ད་དུང་ཁོང་གསུམ་པོར་ཆོལ་ཁའི་ཕྱོགས་ཞེན་ཅན་གྱི་རྒྱབ་སྐྱོར་བ་ཡང་ཡོད་ངེས།
ངས་བལྟས་ན་གཅིག་ནས་ལོ་ཚོད་དང་འབྲེལ་བའི་ཉམས་མྱོང་ཆེ་ཆུང་དེ་དང། དེ་བས་ཀྱང་གལ་ཆེ་ཤོས་སྲིད་ཇུས་ཐད་ཀྱི་ལྟ་བ་མི་འདྲ་བ་འདི་གཉིས་ཐད་ནས་བཀའ་ཁྲིའི་འགྲན་རྩོད་པ་གསུམ་གྱི་དངོས་གཞིའི་འགྲན་རྩོད་ཁྲོད་དུ་གཅིག་གིས་དགོངས་པ་ཞུ་འོས་པ་དེ་རེད། གལ་ཏེ་ལྟ་བ་གཅིག་པུའི་ཐོག་ནས་བཤད་ན་བློ་སེང་དང་བཀྲ་ཤིས་དབང་འདུས་གཉིས་གང་རུང་ཞིག་གིས་དགོངས་པ་ཞུ་འོས། གལ་ཏེ་འོས་ཤོག་གི་གདེང་ཚོད་ཐད་ནས་བལྟས་ན་བཀྲ་ཤིས་དབང་འདུས་ལགས་དང་བཀྲས་མཐོང་ལགས་གང་རུང་ཞིག་གིས་དགོངས་པ་ཞུ་འོས་ལ། ལྷག་པར་བཀྲས་མཐོང་ལགས་ཀྱིས་ཐུགས་བསམ་བཞེས་དགོས། རྒྱུ་མཚན་ནི་སྔོན་འགྲོའི་འོས་ཤོག་གི་གྲངས་ཚད་དེས་དངོས་གཞིའི་སྐབས་ཀྱང་ཇེ་མང་ལ་དེ་ཙམ་མི་འགྲོ་བ་ཚོད་དཔག་ཐུབ་པ་ཞིག་རེད།
དེ་ཡང་བཙན་བྱོལ་བོད་མི་བརྒྱ་ཆའི་མང་ཆེ་བས་དབུ་མའི་ལྟ་བར་རྒྱབ་སྐྱོར་ཡོད། བློ་སེང་ལགས་ཀྱི་འོས་ཤོག་ཐད་ཅུང་ཚོད་དཔག་དཀའ་སྟེ། སྔོན་འགྲོའི་སྐབས་གཞོན་སྐྱེས་རང་བཙན་གྱི་ལྟ་བ་འཁུར་མཁན་མང་པོས་བླུགས་ཡོད་ཀྱང་ད་ཆ་ཁོང་གི་ལྟ་བ་དབུ་མའི་ལམ་དུ་སྐྱོད་རྒྱུ་དངོས་སུ་བསྒྲགས་པས་རྒྱབ་སྐྱོར་བ་ཁག་ཅིག་བཀྲས་མཐོང་གི་ཕྱོགས་སུ་འགྲོ་སྲིད། འོན་ཀྱང་དབུ་མའི་ལམ་ལ་དགའ་མཁན་གང་མང་གིས་བློ་སེང་ལ་འོས་ཤོག་འཕེན་ཡང་སྲིད། དེ་བས་ངའི་བསམ་ཚུལ་ལ་དངོས་གཞི་སྐབས་བཀྲ་ཤིས་དབང་འདུས་ལགས་བཀྲས་མཐོང་ལས་འོས་ཤོག་མང་བ་ཐོབ་ངེས་སྙམ།
གང་ལྟར་རྣམ་པ་གསུམ་པོ་མཉམ་ཞུགས་གནང་བས་བཀའ་ཁྲི་སུ་ཞིག་ལ་ཐོབ་ཀྱང་དེའི་བརྒྱ་ཆའི་ཚད་གཞི་མཐོན་པོ་ཞིག་ཆགས་དཀའ། འོས་ཤོག་བརྒྱ་ཆའི་ཚད་གཞི་ཅི་ཙམ་གྱིས་མཐོ་ན་དེ་ཙམ་གྱིས་གཟི་བརྗིད་ཀྱང་ཆགས་ཡོད། ཡིན་ན་ཡང་དངོས་གཞིའི་འོས་མི་གཏན་འཁེལ་ཟིན་པས་དགོངས་པ་ཞུ་མི་ཆོག་པ་འདི་གནད་འགག་གི་སྐབས་སུ་འགོག་རྡོ་ཞིག་ཀྱང་རེད།
ད་ནི་ཐབས་ལམ་ཉག་གཅིག་ཡོད་པ་ནི། མི་མང་གི་འོས་ཤོག་འཕེན་སྟངས་ཀྱི་དམག་འཐབ་ཁོ་ནར་རག་ལུས་ཡོད། གལ་ཏེ་ང་རང་བཀྲས་མཐོང་ལགས་ཀྱི་རྒྱབ་སྐྱོར་བ་ཡིན་མོད། ཁོང་ལ་འོས་མི་འཐོབ་པ་ཚོད་དཔག་ཐུབ་སོང་ན། ད་ནི་ལྷག་མ་གཉིས་ཀྱི་གང་འོས་པ་དེ་ལ་འོས་འཕེན་པ་ལས་ད་དུང་ཨུ་ཚུགས་ཀྱིས་ཁོང་ལ་འོས་འཕངས་ཚེ་དེ་ནི་དོན་སྙིང་མེད་སོང་བ་རེད། དེ་བས་གསལ་བོར་ཞུ་འདོད་པ་ནི་དངོས་གཞིའི་འགྲན་ཟླར་འོས་པ་ནི་བློ་སེང་ལགས་དང་བཀྲ་ཤིས་དབང་འདུས་ལགས་རེད། གལ་ཏེ་བཀྲས་མཐོང་ལགས་ལ་འོས་འཕེན་རྣམས་ཀྱི་འོས་ཤོག་ཅིག་ཤོས་གཉིས་གང་རུང་ལ་བླུགས་ཚེ་དེ་ནི་འོས་བསྡུའི་ནུས་པ་ཚད་མཐོར་བཏང་བ་ཞིག་ཡིན་ལ་དམངས་གཙོའི་འོས་བསྡུའི་ཐབས་ཚུལ་ལེགས་ཤོས་ཤིག་ཀྱང་ལོས་ཡིན་སྙམ།
ངས་འདི་ལྟར་དམག་ཇུས་འདོན་པ་ནི་བཀྲས་མཐོང་ལགས་ལ་མཐོང་ཆུང་བྱས་པ་ཞིག་མིན་ལ། ཅིག་ཤོས་གཉིས་ཀྱི་གང་རུང་ལ་ཞིག་གི་རྒྱལ་ཕམ་ཐག་གཅོད་གསལ་བོ་ཡོང་ཕྱིར་ཡིན། དེ་བས་དམངས་གཙོའི་ཐོབ་ཐང་དོན་ལྡན་དུ་སྤྱོད་འདོད་རྣམས་ཀྱིས་ངེས་པར་ཨུ་ཚུགས་མཁྲེགས་འཛིན་རང་མི་བྱེད་པར་ཐབས་ཚུལ་འདི་སྤྱི་འཐུས་འོས་འཕེན་ལའང་རིགས་བསྒྲེ་བར་ར་བསྐུལ་ཞུ་གིན་ཡོད།
གནས་ལུགས་ཤིག་གམ་སྲིད་དོན་ཞིག ཕྱོགས་ཞེན་ཞིག་གམ་སྤྱི་དོན་ཞིག
གང་ལྟར་འགན་འཁྲིའི་བསམ་ཚུལ་འདིར། གླེང་སློང་ཆེ་ཙམ་གནང་རོགས་ཞུ།
![A large crowd walks in a market area outside Dadar station in Mumbai, India, Friday, March 17, 2023. [AP Photo/Rajanish Kakade]](https://tibettimes.net/wp-content/uploads/2026/04/Screen-Shot-2026-04-02-at-5.36.58-PM-360x180.png)
སྒྲོལ་མ་མེ་ཏོག་ཞེས་པ་འདིའི་སྐད་ཆ་ནི་ཆུ་ནང་ལ་བཏུག་དྲི་བཏང་བ་དང་ཁྱད་པར་མི་འདུག བློ་སེང་ཧ་ཝ་ཌིའི་སློབ་དཔོན་མིན་རབ་དང་། བོད་མི་མང་ལ་མགོ་བསྐོར་གཏང་རབ་སོགས་བཤད་འདུགས་ཀྱང་། རྒྱུ་མཚན་ནི་གང་ཡང་བསྒྲང་རྒྱུ་མི་འདུགས། རྒྱུ་མཚན་མེད་པའི་སྐད་ཆ་ལ་སུ་ཞིག་གིས་ཡིད་ཆེས་ཐུབ། མ་ཟད་བློ་སེང་ཧ་ཝ་ཌིའི་ཁྲིམ་ལུག་སློབ་དཔོན་ཡིན་པ་ནི་བོད་མི་ཀུན་ལ་རྒྱ་སྡེ་ཀུན་གསལ་ཡིན་པས། པོའོ་རྨོའོ་དང་བྱིས་པ་ཆུང་ཆུང་འདྲ་མགོ་བསྐོར་གཏང་ཐུབ་ན་ལས་གཞན་སུ་ཡང་མགོ་བསྐོར་གཏང་མི་ཐུབ།
དམངས་གཙོའི་འོས་འཕེན་གྱི་དམག་ཇུས་ཞེས་པ་དེར་ཞིབ་དཔྱད་ངང་ཚར་གཅིག་བཀླགས་པ་ཡིན།།ཟིན་བྲིས་པ་དེས་སྐབས་གསུམ་པའི་བཀའ་ཁྲིའི་འོས་མི་གསུམ་གྱི་ཁྱད་ཆོས་དང་།རྩ་དོན།ལྟ་བ་ལངས་ཤོག་གཞིར་རུ་འཛིན་ནས་འོས་ཤོག་གྱི་འགྱུར་བགྲོས་དང་བཏུན་ནས་སྤྱི་ཚོགས་ཐོག་བློ་ཟུར་དུ་གནས་ནས།དངོས་ཡོད་དང་རྒྱུ་མཚན་ཡོད་པའི་ཐོག་ནས།དཔྱད་ཞིབ་ལེགས་པར་ཞིག་བྱས་ནས་ཟིན་བྲིས་སྤེལ་འདུག་པར་བསྔགས་བརྗོད་ཞུ་འོས་པ་ཞིག་ལས་གཞན་བསྐྱོན་བརྗོད་དང་འགྲེལ་བརྗོད་འཕར་མ་ཞིག་བྱ་དགོས་པར་མ་མཐོང་།
སྒྲོལ་མེ་ཏོག་ཟེར་བ་དེ་སུ་ཞིག་ཡིན་ན་ཡིན། སྐད་ཆ་དེ་ཚོར་ལྗོད་ཁོག་དང་གོ་རྒྱུ་ཡོད་པ་ཤ་སྟག་རེད་འདུག ཁྱེད་ལ་ལྷག་བསམ་ཡོད་པ་ལས་ཉེ་རིང་མེད་པའི་དྲང་རྟགས་བདེན་འདུག ཁྱེད་ལ་གཡོ་སྒྱུ་ཁྲམ་པའི་ནག་འཚང་འདོན་པའི་བློ་ཁོག་ལྡན་འདུག ཁྱེད་ལ་ཁྲམ་པའོ་སྐྱོན་འཚང་འདོན་པའི་དྲངསྟོབས་ཡོད་འདུག ཁྱེད་ཀྱིས་ནག་ཕྱོགས་ཀྱིས་རླུང་དམར་ལ་འགྲན་ཐུབ་ལ། དོན་མེད་ཀྱི་ཆོལ་གཏམ་ལ་དྲང་བདེན་གྱི་བསླབ་བྱ་བྱ་ཐུབ་པས་མུ་མཐུད་ནས་བསམ་ཚུལ་སྤེལ་བར་ཕེབས་རོགས།
དྲ་གྲོགས་ཚ་རོང་བུ་ལགས། ང་ཡིག་འཁྱམ་སྤེལ་མཁན་ཡིན་མིན་དུས་བབ་ཚང་ལ་འདྲི་ན་ཤེས་ངེས་ཡིན། དེའི་ཐད་ཁྱེད་ཀྱིས་འགན་འཁུར་དགོས་དོན་མི་འདུག
དེ་ནས་སྤྱི་ཚོགས་དཀྲུག་ཤིང་མ་རྒྱག་ཅེས་པ་དེ་གནས་ལུགས་མེད་པའི་སྐད་ཆ་ཞིག་རེད། ངས་བསམ་ཚུལ་སྤེལ་བ་ནི་ང་ཉིད་ཀྱི་བསམ་བློ་དང་སྨྲ་བརྗོད་རང་དབང་བེད་སྤྱད་པ་ཞིག་ཡིན་པས་དེར་བཀག་འགོག་བྱེད་པའི་ཐོབ་ཐང་དང་འོས་བབ་ཁྱེད་རང་ལ་མེད། ཅི་སྟེ་ངས་བཤད་པའི་སྐད་ཆ་དེ་དག་ལ་རྒྱུ་མཚན་མི་འདུག་ན། རྒྱུ་མཚན་མེད་པའི་མེད་རབས་འདི་དང་དེ་རེད་ཅེས་བཤད་ཚེ་ངས་གཞི་ནས་ཁྱེད་ལ་དགའ་བསུ་ཞུ་རྒྱུ་ཡིན།
ལར་ནས་བཀའ་ཁྲིའི་འོས་མིའི་ཐད་རང་གི་བསམ་ཚུལ་བརྗོད་པར་སྤྱི་ཚོགས་དཀྲུག་ཤིང་རེད་ལབ་ན། དེས་ཁྱོད་ཀྱི་དམངས་གཙོའི་གོ་རྟོགས་ཇི་ཙམ་ལ་སླེབས་ཡོད་མེད་གསལ་པོར་སྟོན་གྱི་འདུག་པས་མང་མང་བཤད་ན་ཅི་ཕན། ཉུང་ངུའང་མི་བཟོད་པར་འདུག
གཞན་ཡང་དྲ་གྲོགས་གཞན་དག་ཚོར་མཁྱེན་རྟོགས་སླད་ཞུ་རྒྱུར། དམངས་གཙོའི་འོས་འཕེན་གྱི་དམག་ཇུས་ཟེར་བའི་རྩོམ་འདི་ཆབ་བྲག་ལྷ་མོ་སྐྱབས་ཀྱིས་བྲིས་པ་ཞིག་རེད། དུས་བབ་ཚང་གིས་རྩོམ་པ་པོའི་མཚན་འགོད་རྒྱུ་བརྗེད་སོང་བ་འདྲ།
སྒྲོལ་མ་མེ་ཏོག་ཟེར་བའི་མི་འདི། མིང་གང་བྱུང་བརྫུས་ནས། ཡིག་འཁྱམ་སྤེལ་མཁན་ཞིག་རེད། མི་ཁྱོད་སུ་ཡིན་མིན་ཡི་གེ་འབྲི་སྟངས་ཐད་ནས་ངས་ཚོད་དཔག་བྱེད་ཐུབ། ང་གཉིས་ངོ་ཤེས་ཡིན་དུས། ད་གཟབ་གཟབ་བྱོས། ཁ་རོགས་སྡོད། རྫུན་མ་འཁྲབ་ཚོད་བྱོས། ངས་ཆ་ཚང་ཤེས་ཀྱི་ཡོད། ཁྱེད་སྔོན་མ་མི་དེ་འདྲ་ཞིག་མིན་བསམས་སོང་། ད་ཆ་ཨ་ཁ་ཁ། ངོ་མ་་་་་་་་་་་་་་་་་་་་་་་་་་་་་་་་་་་་་་་སྤྱི་ཚོགས་དཀྲུག་ཤིང་མ་རྒྱག རང་གཞན་གཉིས་ཀ་ཕུང་ཡོང་། སྤྱི་དེང་སང་བཙན་བྱོལ་བོད་མིའི་སྤྱི་ཚོགས་ནང་ཡིག་འཁྱམ་སྤེལ་མཁན་དང་། འཁྱོག་བཤད་བྱེད་མཁན། ཕྱོགས་ཞེན། ཀླད་རྙིང་མཁྲེག་བཟུང་སོགས་ཧ་ལས་པ་རེད་འདུག ད་ནས་བཟུང་༧གོང་ས་སྐྱབས་མགོན་ཆེན་པོ་མཆོག་གི་ཅི་གསུང་བཀའ་སྒྲུབ་ཟེར་བའི་སྐྱག་རྫུན་དེ་མ་ཤོད་རོགས། མགོ་བཀའ་ཟུར་ནས་འོག་མོག་མོག་གཙོང་མཁན་ཡན་ལ་རེ་སྐུལ་ཞུས་པ་ཡིན།
སྔོན་འགྲོའི་འོས་བསྡུའི་སྐབས་བློ་སེང་ལ་འོས་གྲངས་མང་ཤོས་རག་ཡོད་ཅིང་། དེའི་ནང་ང་རང་གི་འོས་ཤོག་རྐང་གཅིག་པུ་དེ་ཡང་ཚུད་ཡོད། འོན་ཀྱང་དེ་རིང་ཁ་སང་བློ་སེང་གིས་རྒྱ་གར་ནང་ཡོད་པའི་བོད་མི་ཚོར་མགོ་སྐོར་གཏོང་རྐྱང་བྱེད་རྒྱུ་མང་དྲགས་ནས་ང་ཉོབ་དགོས་བྱུང་སོང་། ངས་བློ་སེང་ལ་མི་དགའ་བ་བྱེད་དགོས་དོན་མི་འདུག དེ་བས་བོད་མི་མང་གི་བཀའ་ཁྲིའི་འོས་མི་ཞིག་ཡིན་པས་ངས་ཁོང་ལ་གོས་བཀུར་ཞུ་རྒྱུ་ཡིན། འོན་ཀྱང་བློ་སེང་བཀའ་ཁྲིའི་འོས་མི་ཞིག་ཡིན་པས་ངེས་པར་དུ་ཁོའི་སྐད་ཆར་ཁོ་རང་གིས་འགན་འཁུར་རེད། དོན་དམ་དུ་བློ་སེང་གིས་འུར་སྒྲོག་གི་ལམ་ནས་འོས་ཐོབ་ཐབས་བྱེད་ཀྱི་འདུག་པས། ང་ཚོས་ངེས་པར་བློ་སེང་འདི་ངོ་ཡག་པོ་ཤེས་དགོས་ཀྱི་འདུག
བློ་སེང་ནི་ཁྲིམས་ལུགས་སློབ་ཚན་ཐོན་པའི་སློབ་གྲྭ་ཆེན་མོ་བ་དང་ཉམས་ཞིབ་པ་ཆུང་གྲས་ཤིག་ལས་གཞན་གང་ཡང་མ་རེད། བོད་པ་ཚོར་དཔྱད་ཞིབ་ཀྱི་ཚོར་བ་ཧ་ཅང་ཞན་པོ་འདུག ཚང་མས་”མཁས་དབང་”ཞེས་འུར་བསྟོད་བྱེད་པ་དང། ལྷག་པར་ཧར་ཝར་ཊེ་གཙུག་ལག་སློབ་གྲྭའི་སློབ་དཔོན་རེད་སྙམ་ནས་གདེང་འཇོག་གང་མང་བྱེད་ཀྱི་ཡོད། དོན་དུ་བློ་སེང་ཧར་ཝར་ཊེ་གཙུག་ལག་སློབ་གྲྭའི་སློབ་དཔོན་དེ་འདྲ་གང་ཡང་རེད་མི་འདུག བློ་སེང་གིས་སློབ་དཔོན་ཆེན་མོའི་མིང་འཁུར་ནས་རྒྱ་གར་ནང་རང་ཉིད་ངོ་སྤྲོད་རྒྱ་ཆེར་བྱས་པ་མ་ཟད། ཁོའི་དྲིལ་བསྒྲགས་ཀྱི་འགྲོ་གྲོན་གང་འཚམ་ཞིག་ཧར་ཝེར་ཊི་གཙུག་ལག་སློབ་གྲྭས་གཏོང་གི་ཡོད་ཚུལ་བརྗོད་འདུག དོན་དངོས་སུ་ཧར་ཝར་ཊེ་གཙུག་ལག་སློབ་གྲྭར་དེ་འདྲའི་འགྲོ་སྟངས་ཤིག་མེད་པ་མ་ཟད། བློ་སེང་འདྲ་བའི་ཉམས་ཞིབ་པ་ཆུང་གྲས་(Research fellow)ཚོས་ཧར་ཝར་ཊར་སྡོད་རིང་དངུལ་ཕར་སྤྲོད་དགོས་འདུག ལྷག་པར་དུ་ང་ཚོས་དུས་རྒྱུན་སློབ་དཔོན་དུ་འབོད་ཀྱིན་པའི་བློ་སེང་ལ་ཧར་ཝར་ཊེ་སློབ་གྲྭར་སློབ་འཁྲིད་བྱེད་ཆོག་པའི་ཐོབ་ཐང་ཏིལ་ཙམ་ཡང་མི་འདུག
ཁོའི་ཉམས་ཞིབ་ཀྱི་དུས་ཡུན་ནི་ལོ་ལྔ་ལས་མེད་ཅིང་། དེ་ཡང་ལོ་རེར་སྙན་སེང་ཞུས་ནས་བསྐྱར་ཞུ་བྱེད་དགོས་ཀྱི་འདུག དེ་ལས་ཁྱད་མཚར་བ་ཞིག་ལ་བློ་སེང་གིས་གལ་ཏེ་བཀའ་ཁྲིའི་འོས་ཐོབ་ན་ལོ་ལྔ་ཧར་ཝར་ཊེ་ནས་དགོངས་ཞུ་བྱེད་ཀྱི་ཡིན་ཞེས་བཤད་ཡོད། འོན་ཀྱང་ལོ་ལྔའི་དགོངས་ཞུའི་ཐོབ་ཐང་དེ་འདྲ་མི་འདུག གལ་ཏེ་ཁོ་བཀའ་ཁྲིར་བསྐོས་ན་ཁོའི་ཉམས་ཞིབ་ཀྱི་གོ་སྐབས་དེ་ནས་རྩ་དགོངས་ཞུ་དགོས་ཀྱི་འདུག ད་ལྟ་ཁོས་རྩ་དགོངས་ཞུས་མེད། དེའི་རྒྱུ་མཚན་ནི་བཀའ་ཁྲི་མ་ཆགས་ཚེ་ལས་མེད་དུ་མ་འགྱུར་བའི་སྔོན་འགོགས་རེད།
གཞན་ཡང་བློ་སེང་གིས་ཁོ་རང་རྒྱ་ནག་འགྲོ་རྒྱུར་བེད་སྤྱོད་བྱས་པའི་ལག་འཁྱེར་དེ་ཁུངས་སྐྱེལ་བྱ་ཕྱིར་འཇམ་དབྱངས་ནོར་བུ་ཡང་ཕྱིན་པ་རེད་ཅེས་བཤད་ཡོད། འོན་ཀྱང་འཇམ་དབྱངས་ནོར་བུས་ཁོ་རང་རྒྱ་ནག་ཏུ་ཕྱིན་མེད་པའི་ར་སྤྲོད་གསལ་པོ་བྱས་འདུག ལྷག་པར་དུ་དོན་དག་འདི་རིགས་ལ་དྲི་བ་དྲིས་དུས་”ཁྱེད་རང་བཀྲས་མཐོང་གི་རྒྱབ་སྐྱོར་བྱེད་མཁན་རེད་འདུག”ཅེས་མི་མང་དཀྱིལ་ལ་ལབ་ཅོལ་བྱེད་ཀྱི་འདུག
ཉིན་མ་དེང་སང་ང་ཚོས་བཀའ་ཁྲི་འོས་མི་ཚོར་བགྲོ་གླེང་གང་མང་བྱེད་ཀྱི་ཡོད་ཅིང་། དེའི་དོན་ནི་ཁོང་ཚོར་རྒྱུས་མངའ་གཏིང་ཟབ་ལོན་པའི་ཆེད་དུ་ཡིན། གལ་ཏེ་དྲི་བར་ལན་འདེབས་མེད་པར་”དེའི་ཕྱོགས་རེད། ཕ་གིའི་ཕྱོགས་རེད་”ཅེས་བཤད་བསྡད་ན་བགྲོ་གླེང་འདི་འདྲ་གྲ་སྒྲིག་བྱེད་དགོས་དོན་མི་འདུག་ལ། ཁྱེད་ཚོས་དྲིལ་བསྒྲགས་ཀྱང་བྱེད་དགོས་དོན་མི་འདུག
གང་ལྟར་ཡང་ང་ཚོས་ཧོལ་རྒྱུགས་བྱེད་རྒྱུ་མི་འདུག རྒྱུས་མངའ་ལོན་དགོས་ཀྱི་འདུག ལྷག་པར་དུ་མི་མང་ཚོར་ཆབ་སྲིད་ཀྱི་གོ་རྟོགས་གང་ཡང་མེད་པས་མགོ་སྐོར་གཏོང་ཐུབ་ཀྱི་རེད་སྙམ་མཁན་དེ་ཚོར་ཡིད་གཟབ་བྱ་དགོས་ཀྱི་འདུག ང་ཚོ་ཆབ་སྲིད་ཀྱི་གོ་རྟོགས་ག་ཚོད་ཞན་ཡང་། བོད་གཞུང་མང་གི་འགོ་འཁྲིད་གཅིག་འདེམས་མི་ཐུབ་པའི་ཐབས་སྐྱོ་པོ་དེ་འདྲ་མིན།
བོད་ཀྱི་དུས་བབ་རྩོམ་སྒྲིག་པ་ལགས་སུ་དྲི་བ་གཅིག་འདོན་གི་ཡིན། དྲྭ་ངོས་འདིར་སུས་བྲིས་མིན་དང་གང་ནས་ཡོང་མིན་མི་ཤེས་པའི་རྩོམ་ཡིག་འཁྱལ་བོ་ཞིག་གློ་བུར་ཆུ་བརྡོལ་བྱས་ནས་ཇི་ལྟར་སླེབས་པ་རེད།
དངོས་མིང་དང་གབ་མིང་གང་ཡང་མེད་པའི་བསམ་ཚུལ་དེ་ལ་རྒྱབ་སྐྱོར་རྩ་བ་ནས་མེད། གང་ལགས་ཞེ་ན་ཁྱེད་ཀྱིས་བཤད་པའི་སྐད་ཆ་ནི་དོན་དུ་བཀྲས་མཐོང་བཀའ་ཁྲིར་མི་འོས་པས། འོས་དེ་མི་གཞན་གཉིས་ལ་འཕངས་དགོས་པའི་རྨི་ལམ་ལམ། བསམ་མེད་བྱབ་ཆུང་ཞིག་གི་ཉེ་རིང་གི་སྐད་ཆ་རེད། ད་དུང་ཁྱེད་ལ་བཀྲས་མཐོང་གི་དངོས་གཞིའི་འོས་གྲངས་མཐོ་རུ་མི་འགྲོ་བའི་རྒྱུ་མཚན་ག་རེ་ཡོད། ཁྱེད་ཀྱིས་དམངས་གཙོའི་འོས་འཕེན་གྱི་དམག་ཇུས་ཟེར་བའི་དཔྱད་བརྗོད་དེ་བརྗེས་ཏེ༼ ཉེ་རིང་འོག་གི་འོས་འཕེན་ཐབས་ཇུས་༽ཟེར་ན་ངས་ཁྱེད་ལ་རྒྱབ་སྐྱོར་བྱེད་ངེས་རེད་དེ་མིན་གནས་ལུགས་དང་རྒྱུ་མཚན་མེད་པའི་སྐད་ཆ་མ་ཤོད་ལོ།
“སུས་ཀྱང་འབྱེད་དཀའ་བ་རེད”ཅེས་པ་ཀློག་པ་ཙམ་གྱིས་རྩོམ་པ་པོའི་ཞེ་འདོད་དེ་ཁྲ་རྗེན་ནེ་སྟོན་སོང་།