དཔལ་རྒྱལ་བ་ཀརྨ་པ་མཆོག་གནས་མཆོག་ཝ་ར་ནཱ་སི་རུ་བཀའ་རྒྱུད་སྨོན་ལམ་ཆེན་མོ་དང་འབྲེལ་བའི་ཚོགས་ཆེན་སྟེང་ཕེབས་རྒྱུ་ཡིན་འདུག
རྒྱལ་བ་ཀརྨ་པའི་བླ་བྲང་ལ་དངུལ་གྱི་དོན་རྐྱེན་བྱུང་སྟེ་ཟླ་གཅིག་འཁོར་ལ་ཉེ་བའི་སྐབས་ཏེ། ཁ་སང་ཕྱི་ཚེས་ ༢༤ ཉིན་ཀརྨ་པ་མཆོག་ངྷ་ས་ནས་ཕེབས་ཐོན་གྱིས་མཁའ་ལམ་བརྒྱུད་ལྡི་ལིར་འབྱོར་ཡོད་པ་དང་། ཕྱི་ཚེས་ ༢༦ ཉིན་ལྡི་ལིའི་མཁའ་ལམ་བརྒྱུད་གནས་མཆོག་རྡོ་རྗེ་གདན་དུ་འབྱོར་རྒྱུ། ཕྱི་ཚེས་ ༢༨ ཉིན་བཅོམ་ལྡན་འདས་ཀྱི་བདེན་བཞིའི་ཆོས་འཁོར་བསྐོར་ཡུལ་གནས་མཆོག་ཝ་ར་ཎ་སིར་ཕེབས་ཏེ། ཕྱི་ཟླ་གསུམ་པའི་ཚེས་ ༤ དང་ ༥ བཅས་ཉིན་གཉིས་རིང་བཀའ་རྒྱུད་སྨོན་ལམ་ཆེན་མོ་དང་འབྲེལ་བའི་ཚོགས་ཆེན་སྟེང་ཆིབས་བསྒྱུར་བསྐྱང་རྒྱུ་ཡིན་འདུག ཁོང་གི་མཛད་འཕྲིན་ཁག་འགྲུབ་རྗེས་ཕྱི་ཟླ་ ༣ ཚེས་ ༢༨ ཉིན་པ་ཊི་ནའི་མཁའ་ལམ་བརྒྱུད་ཕྱིར་ངྷ་སར་ཕེབས་རྒྱུ་ཡིན་པ་རེད།
ཉེ་ཆར་༧གོང་ས་མཆོག་གི་ལྷོ་ཕྱོགས་ཀྱི་མཛད་འཕྲིན་ཁག་གྲུབ་སྟེ་ཕྱིར་བཞུགས་སྒར་དུ་འཁོར་མཚམས། དཔལ་རྒྱལ་བ་ཀརྨ་པ་མཆོག་གིས་༧གོང་ས་མཆོག་ལ་མཇལ་བཅར་ཞུས་ཡོད་འདུག་ལ། འདིའི་སྐོར་གསར་འགོད་པས་ཀརྨ་བླ་བྲང་གི་མཁན་པོ་དགའ་དབང་ལགས་སུ་བཅར་འདྲི་ཞུས་སྐབས་ཁོང་གིས། ༧གོང་ས་མཆོག་གིས་དུས་རྒྱུན་དུ་ཀརྨ་པར་མཇལ་འཕྲད་གནང་གིན་ཡོད་པ་ལྟར། ད་ཐེངས་ཡང་འཆར་ཅན་གྱི་མཇལ་འཕྲད་གནང་བ་ཙམ་རེད། ད་ཐེངས་ཀྱི་དངུལ་གྱི་དོན་རྐྱེན་སོགས་རྒྱུ་མཚན་མཚན་གཞན་གང་ཡང་མེད་ཚུལ་གསུངས་སོང་། ཉེ་ཆར་ལ་དྭགས་ཁུལ་དུ་ཀརྨ་བླ་བྲང་གི་དངུལ་གྱི་དོན་རྐྱེན་དང་འབྲེལ་དཀྲོག་གཏམ་འདྲ་མིན་ཞིག་བྱུང་ཡོད་སྟབས། ཕྱི་ཚེས་ ༢༣ ཉིན་ལ་དྭགས་ཁུལ་གྱི་མི་མ་ཉིས་སྟོང་ལྷག་གིས་དཔལ་རྒྱལ་བ་ཀརྨ་པ་མཆོག་ལ་གདུང་སེམས་མཉམ་སྐྱེད་ཀྱི་གོམ་བགྲོད་ཅིག་གནང་ཡོད་འདུག
འདིའི་ཐད་ལ་དྭགས་དུང་རི་ཕུན་ཚོགས་གླིང་བཙུན་དགོན་གྱི་བོད་དགེ་མི་ཉག་སྟོབས་ལྡན་ལགས་ཀྱིས། ཁ་པར་བརྒྱུད་བརྗོད་དོན། ཕྱི་ཚེས་ ༢༣ ཉིན་ལ་དྭགས་དཔའ་ལྡུམ་རྫོང་དུ་ཧི་མ་ལ་ཡའི་རི་རྒྱུད་ཀྱི་ནང་པའི་མི་དམངས་ ༢༠༠༠ ལྷག་འདུ་འཛོམས་ཀྱིས། ཀརྨ་པར་གདུང་སེམས་མཉམ་སྐྱེད་ཀྱི་ཞི་བའི་གོམ་བགྲོད་ཅིག་བྱས་སོང་བར་མ་ཟད། སྐབས་དེར། མང་ཚོགས་ཀྱིས་ཀརྨ་པ་མཆོག་རྒྱ་ནག་གི་གསང་མྱུལ་བ་མིན་པར་ཐེངས་འདིའི་བྱུང་རྐྱེན་ནང་ཁོང་ལ་ཉེས་པ་ཅི་ཡང་མེད་ཅེས་འབོད་ཚིག་བསྒྲགས་སོང་། ཉེ་ཆར་ལ་དྭགས་ཕྱོགས་སུ་ཀརྨ་བླ་བྲང་ལ་དངུལ་གྱི་དོན་རྐྱེན་བྱུང་བའི་དབང་གིས། གཅིག་བྱས་ན་ཀརྨ་པ་ཕྱིར་རྒྱ་ནག་ལ་རྩིས་སྤྲོད་པའམ་རྒྱ་གར་གཞུང་གིས་བཟང་བཙོན་འོག་འཇུག་སྲིད་པའི་སྐད་ཆ་འདྲ་མིན་བྱུང་སྟབས། ས་གནས་མང་ཚོགས་ཀྱིས་སེམས་ནས་མ་བཟོད་པར་རྒྱབ་སྐྱོར་གྱི་འབོད་སྒྲ་བསྒྲགས་པ་རེད་ལ། ཁོང་ཚོས་འབོད་སྒྲ་གཙོ་བོ་ཀརྨ་པ་མཆོག་ཧི་མ་ལ་ཡའི་རི་རྒྱུད་ཀྱི་ནང་པའི་མི་རིགས་ཁག་གི་སྐྱབས་གནས་ཡིན་སྟབས། ཁོང་ལ་གཞི་མེད་བསྙོན་འཛུགས་བྱ་ཆོག་གི་མེད་ཅེས་དབུས་དང་མངའ་སྡེ་གཞུང་ལ་འབོད་སྐུལ་ཞུས་སོང་ཟེར། དེ་བཞིན་ཟངས་དཀར་དགོན་སྤྱི་མཐུན་ཚོགས་པའི་གོ་སྒྲིག་འོག ཟླ་འདིའི་ཕྱི་ཚེས་ ༡༨ ཉིན་ཟངས་དཀར་ས་གནས་སུ་ཡུལ་དེའི་ནང་པའི་མི་རིགས་མང་པོས་དཔལ་རྒྱལ་བ་ཀརྨ་པ་མཆོག་གི་མཛད་འཕྲིན་ལ་བར་ཆད་མི་འབྱུང་ཆེད། ས་གནས་ཁག་གི་ཚོགས་ཁང་དུ་མཉམ་འཛོམས་བྱས་ཏེ་སྤྱན་རས་གཟིགས་ཀྱི་གཟུངས་སྔགས་དང་སྒྲོལ་མ། བཱ་ཛ་གུ་རུ་སོགས་གསོག་བསྒྲུབ་བྱས་ཡོད་འདུག
གསར་འགོད་པ། དཔལ་ལྡན།
ལ་དྭགས་མི་མང་གི་གཙོས་པས་ཧི་མ་ལ་ཡི་རི་བརྒྱུད་དང་ཕྱོགས་མཐའ་ཁག་ནས་
ཀརྨ་པ་ལ་གདུང་སེམས་མཉམ་བསྐྱེད་བྱས་པ་དེ་ཐུགས་རྗེ་ཆེ་
་རྒྱལ་དབང་མཆོག་ལ་ཞབས་སུ་ཡག་པོ་ཞིག་དགོས་ས་རེད་དེ་སྔ་ཁྱིམ་ཚང་ཁ་ཤས་
ཞིག་གི་འཛིན་པ་དེ་མེད་པར་བྱེད་དགོས་ཞེས་འབོད་བསྐུལ་ཞུ་བ་ཡིན་
ད་རུང་རྐམ་པའི་འཁོར་གཡོག་དང་སློབ་སྟོན་པ་དེ་ཚོ་བརྗེ་བོ་རྒྱག་མ་ཐུབ་ན་རྐམ་པའི་མཛད་འཕྲིན་མཐའ་དག་བླ་རྒན་དང་གྲྭ་རྒན་ཁ་ཤས་གྱི་བར་ནས་རུལ་རྒྱུ་ཡིན་པའི་སྔ་ལྟས་རེད
མཚུར་ཕུ་བླ་བྲང་ལ་ཤེས་འཇོན་མེད་པའི་མི་རྐྱང་རྐྱང་འདི་ལྟར་མཉམ་དུ་འཛོམ་དགོས་བ་སུས་བཀའ་ཆད་ཡིན་ནམ།
དེང་སང་མགོན་པོའི་ཚོགས་འབུམ་མང་པོ་ས་ཕྱོགས་གང་ས་རུ་ཚོགས་ཀྱི་ཡོད་རེད་ཟེར་་་་གད་མོ་ཤོར་ཡ་རང་རེད་མིས་མ་འཇོན་ན་ལྷས་གང་ཡང་བཟོ་རྒྱུ་ཡོད་མ་རེད།གླན་རྟགས་འདི་ལས་ཆེ་བ་གང་ཡོད།ཨ་ཁ་ཁ་་་་་་་
རྒྱལ་བ་ཀརྨ་པའི་སྐུ་མདུན་དུ་ཕྱག་ལས་གནང་མཁན་མགོན་པོ་ཟེར་བ་དེས་བུ་གཅིག་རྒྱ་ནག་པེན་ཅིང་དུ་མཐོ་སློབ་གཅིག་ལ་བཏང་ཡོད་འདུག་ཅིང།བུ་གཅིག་དང་བུ་མོ་གཅིག་ཁེ་ན་ཌ་རུ་མཐོ་སློབ་ཅིག་ཏུ་བཏང་བ་རེད་ཟེར།
ད་དུང་ཁོང་གི་རྡེ་ར་རྡོན་དུ་ཁང་བརྩེགས་མཐོན་པོ་ཞིག་གསར་དུ་ལས་ཡོད་པ་མ་ཟད་ཚོང་ཁང་རྫིག་པོ་ཞིག་ཀྱང་གསར་དུ་ལས་ཡོད་རེད་ཟེར།
རྡེ་ར་རྡོན་གྱི་གཞིས་ཆགས་ཁྱིམ་མཚེས་ཚོས་ཕྱུག་པོ་བྱེད་འདོད་ན་རྒྱལ་བ་ཀརྨ་པའི་ཞབས་ཞུ་བྱེད་ས་རགས་དགོས་ཞེས་འཕྱ་སྨོད་ཀྱི་ཚུལ་དུ་ཤོད་སྲོལ་ཡོད་ཟེར།
ཁོང་གི་བུ་ཕྲུག་ཚོ་རྒྱལ་ཁབ་གཞན་གྱི་མཐོ་སློབ་ལ་སློན་ཡོན་འདི་ལྟར་འབུལ་ཐུབ་པ་དང།
ཁང་བརྩེགས་མཐོན་པོ་འདི་ལྟར་བསླངས་ཐུབ་པའི་དངུལ་གྱི་ཡོ་ཁུངས་འདི་ལྟར་ཟབ་མོ་ཡོད་པ་གང་ཡིན་ཞིབ་འཇུག་བྱ་དགོས།
རྒྱལ་བ་ཀརྨ་པའི་ཞབས་ཞུ་ཚོ་འདི་ལྟར་བླ་བྲང་གཞན་གྱི་ལས་བྱེད་དང་མ་འདྲ་བར་ཕྱུག་པོ་རྐྱང་རྐྱང་ཆགས་དགོས་བའི་རྒྱུ་མཚན་གང་ཡིན་ནམ།
ཤི་གསོན་མང་པོའི་དད་པ་བྱས་ནས་ཕུལ་བའི་དངུལ་དེ་ཚོ་ཁྱིམ་ཚང་ཁ་ཤས་ཕྱུག་པོ་བཟོ་བྱེད་ཅིག་ཏུ་གྱུར་སོང་ལ་ཕང་པོ་རེད་ཨ་་་་་་་
སྐད་གྲགས་ཅན་ལ་ཡག་སྡུག་གང་བྱུང་ཡང་སྐད་གྲགས་ཇེ་ཆེར་འགྲོ་བཞིན་འདུག
དཔལ་རྒྱལ་དབང་ཀརྨ་པ་མཆོག་སྐུ་ཚེ་ཡུན་བརྟན་དང་། ལ་དྭགས་ཀྱི་དཔལ་འབྱོར་རིག་གསུམ་དར་རྒྱས་ཡུན་གནས་ཤོག །
གནས་ཚུལ་བཟང་པོ་འདི་འདྲ་ཐོས་པར་དགབ་བོ་བྱུང།
འོན་ཀྱང་བོད་དང་རྒྱ་གར་དང་ཕྱི་རྒྱལ་གྱི་གསར་ཤོག་གི་ཐོག་ཀརྨ་པ་མཆོག་བོད་ཀྱི་བླ་ཆེན་གསུམ་པ་རེད་ཟེར་བ་དང་གཉིས་པ་རེད་ཟེར་བ་སོགས་མང་པོ་ཞིག་བཤད་ཡོང་གི་འདུག
དེ་རྒྱུ་མཚན་ཅི་ཞིག་གིས་སྟེང་ནས་འཇོག་གི་ཡོད་མེད་མ་ཤེས།
བླ་ཆེན་ཨང་དང་པོ་དང་གཉིས་པ་ལས་སོགས་ཨང་རིམ་དེ་གུས་བཀུར་བྱེད་མཁན་མང་པའི་རྒྱུ་མཚན་དང་འབངས་མི་སེར་མང་ི་མང་གིས་བྱེད་པ་ཡིན་ན།
རྒྱ་ནག་གི་དབུ་ཁྲིད་དེ་འཛམ་གླིང་གི་དབུ་ཁྲིད་ཨ་དང་པོ་དེ་ཡིན་པར་ཁས་ལན་དགོས།་དེ་མིན་རྒྱུ་མཚན་གང་ནས་ཡོད།
བོད་ལ་ཆོས་རྒྱུད་བཞི་དང་བོན་པོ་བཅས་ལྔ་རུ་ཡོད་པས་དེ་དག་གི་བླ་ཆེན་ལ་ཨང་རིམ་མཐོ་དམའ་སོགས་གང་ཡང་མེད།
དེ་འདྲ་ལ་བརྟེན་ནས་གྲལ་རིམ་གྱི་འཐབ་རྩོད་དེ་རིགས་སླེབ་ཡོང་གི་འདུག
ཀརྨ་པ་ལ་དགོན་པ་གསར་བཞེངས་ཀྱི་ས་ཆ་ཉོ་ཆོག་པའི་ཆོག་མཆན།
2011-02-25
རྒྱ་གར་གཞུང་གིས་ཀརྨ་པ་མཆོག་ལ་དགོན་པ་གསར་བཞེངས་གནང་ཆེད་ས་ཆ་གཟིགས་ཆོག་པའི་ཆོག་མཆན་གནང་རྒྱུའི་ཐག་གཅོད་གནང་བཞག
༄༅༎རྒྱ་གར་དབུས་གཞུང་གིས་དཔལ་རྒྱལ་བ་ཀརྨ་པ་སྐུ་ཕྲེང་༡༧པ་ཨོ་རྒྱན་འཕྲིན་ལས་རྡོ་རྗེ་མཆོག་ལ་ཧི་མ་ཅལ་མངའ་སྡེའི་ས་གནས་གང་འདྲ་ཞིག་ཡིན་ཀྱང་ས་གནས་གཅིག་གི་ནང་དགོན་པ་གསར་བཞེངས་གནང་ཆེད་ས་ཆ་གཟིགས་ཆོག་པའི་ཆོག་མཆན་གནང་རྒྱུའི་ཐག་གཅོད་གནང་བཞག
དེ་ཡང་རྒྱ་གར་གྱི་ཨིན་ཌི་ཡེན་ཨེ་སི་པེརེསི་ཞེས་པའི་གསར་ཤོག་ནང་ཁ་ས་ཚེས་༢༤ཉིན་གནས་ཚུལ་སྤེལ་དོན་ལ་རྒྱ་གར་གཞུང་གིས་དམིགས་བསལ་བྱས་ནས་རྒྱལ་བ་ཀརྨ་པ་མཆོག་ལ་དགོན་པ་གསར་བཞེངས་གནང་རྒྱུའི་ས་ཆ་ཉོ་ཆོག་པའི་བཀའ་འཁྲོལ་གནང་བ་མ་ཟད་ཀརྨ་པ་མཆོག་ལ་དད་ལྡན་པ་ཚོས་ཞལ་འདེབས་དང་འབུལ་བ་གང་ཕུལ་བ་རྣམས་རྩིས་ཕྲ་ཚུལ་བཞིན་ཉར་དགོས་པའི་ལམ་སྟོན་ཡང་རྒྱ་གར་གཞུང་གིས་གནང་ཡོད་འདུག རྒྱལ་བ་ཀརྨ་པའི་བླ་བྲང་ནས་དངུལ་ཕོན་ཆེ་ཐོན་པའི་གནས་ཚུལ་བྱུང་རྗེས་ཁ་ས་རེས་གཟའ་མིག་དམར་ཉིན་༸གོང་ས་༸སྐྱབས་མགོན་ཆེན་པོ་མཆོག་དང་རྒྱལ་བ་ཀརྨ་པ་རིན་པོ་ཆེ་རྣམ་གཉི་མཇལ་འཕྲད་གནང་ཡོད་པ་དང་ མཇལ་འཕྲད་དེ་ཐོག་ནས་ཆོས་ཕྱོགས་ཀྱི་དབུ་ཁྲིད་རྣམ་གཉིས་དབར་འབྲེལ་བ་དམ་ཟབ་ཡོད་པ་དེ་མཚོན་གྱི་ཡོད་པ་མ་ཟད་༸གོང་ས་༸སྐྱབས་མགོན་ཆེན་པོ་མཆོག་གིས་དེ་སྔོན་དངུལ་གྱི་དོན་རྐྱེན་དེ་རིགས་ནི་འབྲེལ་ཡོད་ལས་བྱེད་པས་ཟབ་ཟབ་མ་བྱས་པ་ལས་རྒྱལ་བ་ཀརྨ་པ་མཆོག་ལ་འབྲེལ་བ་མེད་སྐོར་བཀའ་གནང་ཡོད་པ་རེད༎
རྒྱ་གར་གཞུང་ནས་ད་དུང་ཡང་༸རྒྱལ་བ་ཀརྨ་པའི་མཛད་འཁྲིན་ལ་བཀག་མགོག་དང་། གཞི་མེད་སྨྱོན་འཛུག་མུ་མཐུད་ནས་བྱས་ཚེ། ༸རྒྱལ་བ་ཀརྨ་པ་མཆོག་རྒྱལ་ཁབ་གསུམ་པ་ཞིག་ལ་སྐྱབས་གཅོལ་ལ་ཕེབས་རྒྱུའི་གྲ་བསྒྲིགས་བྱེད་དགོས་པར་སེམས།
འང་རླབས་ཆེན་གྱི་མཛད་འཕྲིན་ཁ་སྔོན་དེ་འདྲ་བསྐྱང་རྒྱུ་ཡིན་པ་རེད་དམ།
ཁྱེད་འདྲ་བ་ཁ་ཤས་ཡོད་ན་བོད་དང་ནང་ཆོས་འདི་རྩ་མེད་དུ་མི་འགྲོ་བའི་གཏན་ཚིག་འགོད་ཐུབ་ས་རེད།
མཁན་པོ་དགའ་དབང་གཙོས་ཀརྨ་བའི་ནང་འཁོར་བྱིངས་ལ་ཞུ་རྒྱུར་དེ་སྔའི་དོན་རྐྱེན་དེ་ལྟ་བུ་དེང་ཕྱིན་དཔལ་རྒྱལ་བ་ཀརྨ་བ་དང་བཙན་བྱོལ་གཞུང་གི་ཐོག་ཏུ་མི་འབྱུང་བར་ཡིད་གཟབ་བྱེད་རོགས
ལ་དྭགས་མི་དམངས་ཀྱིས་ལས་འགུལ་འདིས་ང་ལ་དངོས་གནས་སེམས་འགུལ་ཐེབས་བཅུག་སོང་།ལས་འགུལ་འདི་རྒྱ་གར་གཞུང་ཕྱོགས་ལ་ནུས་པ་ཐོན་བར་ཕན་ཆེ་བར་སྙམ།ལ་དྭགས་མི་དམངས་ཐུགས་རྗེ་ཆེ།