ཐའེ་ཝན་གྱི་རྒྱལ་སྤྱིའི་བོད་བརྒྱུད་ནང་བསྟན་ཞིབ་འཇུག་ཚོགས་པའི་གོ་སྒྲིག་འོག ཟླ་འདིའི་བོད་ཚེས་ ༢༢ དང་སྤྱི་ཚེས་ ༢༤ ཉིན་ཐའེ་ཝན་གྱི་གྲོང་ཁྱེར་ཐའེ་པེའི་མེ་ཏོག་ལྡུམ་རའི་ཨར་ཁང་ཆེན་མོ་རུ་བོད་བརྒྱུད་ནང་བསྟན་ཇི་ལྟར་དར་སྤེལ་བྱེད་པའི་སྐོར་གྱི་བགྲོ་གླེང་ཐེངས་དང་པོ་དེ་འཚོགས་ཡོད་འདུག་ཅིང་། སྐབས་དེར་གཙོས་གསེར་ཁྲི་རིན་པོ་ཆེ་དང་གཞུང་དོན་གཅོད་ཁང་གི་ཆོས་དགེ་དགེ་བཤེས་འཇམ་དཔལ་ཆོས་འཛིན། དགེ་བཤེས་ཆོས་ཀྱི་དབང་པོ་སོགས་དགེ་ལུགས་ཀྱི་དགེ་བཤེས་དང་སྤྲུལ་སྐུ་ཁག་ཅིག་དང་། འབྲི་གུང་འགར་རྣམ་གྲོལ་རིན་པོ་ཆེ་དང་སྤྲུལ་བསོད་ནམས་ཆོས་འཕེལ་སོགས་བཀའ་བརྒྱུད་ཀྱི་མཁན་སྤྲུལ་སློབ་དཔོན་འགའ། དཔལ་ཡུལ་སྨུག་སངས་སྐུ་ཆེན་རིན་པོ་ཆེ་དང་ཞེ་ཆེན་མཁན་པོ་ཨོ་རྒྱན་དྲི་མེད། ཉག་རོང་མཁན་སྤྲུལ་རིན་པོ་ཆེ་སོགས་རྙིང་ཕྱོགས་ཀྱི་མཁན་སྤྲུལ། སློབ་དཔོན་བསོད་ནམས་ཕུན་ཚོགས་སོགས་ས་སྐྱའི་སློབ་དཔོན་ཁག་ཅིག་བཅས་ཆོས་བརྒྱུད་རིས་མེད་ཀྱི་མཁན་སྤྲུལ་ ༢༥ ཙམ་མཉམ་ཞུགས་གནང་ཡོད།
བགྲོ་གླེང་སྟེང་བོད་བརྒྱུད་ནང་བསྟན་གྱིས་སྤྱི་ཚོགས་ཀྱི་དགོས་མཁོ་ཇི་ལྟར་བསྐང་རྒྱུ་དང་ཆོས་ཚོགས་མང་པོ་ཞིག་ཉམས་རྒུད་དུ་འགྲོ་བཞིན་པའི་རྒྱུ་རྐྱེན་ལ་དཔྱད་བསྡུར་གྱིས་མ་འོངས་པར་ཡར་རྒྱས་སྲ་བརྟན་གཏོང་ཐབས། བསྟན་པའི་གོ་རིམ་དང་མཐུན་པར་ནང་ཆོས་དར་སྤེལ་བྱེད་ཕྱོགས། ཆོས་བརྒྱུད་བར་གྱི་མཐུན་ལམ་དང་། ཁྱད་པར་ཡུལ་དུས་དང་མཐུན་པར་སྔར་ལས་ལྷག་པར་ཀུན་སྤྱོད་ཐད་གཟབ་ནན་བཅས་བརྗོད་གཞི་དོན་ཚན་ ༩ ཐོག་བགྲོ་གླེང་གནང་ཡོད་པ་མ་ཟད། ནང་ཆོས་ངོ་སྤྲོད་ཀྱི་དུས་དེབ་དང་སློབ་དེབ་རྩོམ་སྒྲིག་གི་སྐོར་ལ་ཡང་གྲོས་སྡུར་དང་། ཁྱད་པར་ལོ་འགའི་སྔོན་ནས་ཤུགས་ཆེ་རུ་གཏོང་བཞིན་པའི་ཐའེ་ཝན་གྱི་ཚོགས་པ་དང་མི་སྒེར་རེ་ཟུང་གིས་བོད་བརྒྱུད་གསང་སྔགས་དང་བོད་ཀྱི་བླ་གྲྭ་ལ་གཞི་མེད་སྐུར་འདེབས་བྱེད་ཀྱི་ཡོད་པར་གདོང་ལེན་བྱེད་སྟངས། ཐའེ་ཝན་རྒྱ་ཆེའི་མི་མང་ལ་བོད་ཀྱི་ནང་ཆོས་ཐད་སྔར་ལས་ལྷག་པའི་གོ་རྟོགས་མཐོ་རུ་གཏོང་ཐབས་བཅས་ལ་བགྲོ་གླེང་ཞིབ་ལྷུག་གནང་ཡོད་འདུག
ཐའེ་ཝན་བོད་བརྒྱུད་ནང་བསྟན་ཞིབ་འཇུག་ཚོགས་པ་འདི་ནི། ༢༠༠༩ ལོར་ཐའེ་ཝན་དུ་ས་སྐྱ་བདག་ཆེན་རིན་པོ་ཆེ་དང་རང་གཞུང་ཐའེ་ཝན་དོན་གཅོད་སོགས་ཀྱི་མཐུན་གྱུར་དབུ་བཞུགས་ཀྱི་མཛད་སྒོ་ཟབ་རྒྱས་གནང་བའི་ཐོག་ནས་དབུ་བརྙེས་ཤིང་། གཞུང་འབྲེལ་ཚད་ལྡན་དེབ་སྐྱེལ་བྱས་པའི་ཁྲིམས་མཐུན་ཚོགས་པ་ཞིག་དང་། ཆབ་སྲིད་དང་སྒེར་དོན་བཅས་ལ་མ་འདྲེས་པའི་ཐོག་ནས་བོད་བརྒྱུད་ནང་བསྟན་ལ་ཞབས་འདེགས་ཞུ་བའི་ཆོས་བརྒྱུད་གྲུབ་མཐའ་རིས་མེད་ཀྱི་ཚོགས་པ་ཞིག་ཡིན་འདུག
འབྲེལ་ཡོད་བོད་ཀྱི་གནའ་རྫས་རྙེད་སོན།
2011-02-28
སྔར་བོད་ཀྱི་ཆ་ཤས་མངའ་ཁུལ་གློ་ཡུལ་གྱི་ཐག་རིང་རི་ཁུག་ཏུ་གནའ་བོའི་བྲག་ཕུག་རྙིང་པ་མང་པོ་ཞིག་ཡོད་པ་བརྙེད་ཐུབ་པ་བྱུང་འདུག
༄༅༎རི་བོ་ཇོ་མོ་གླང་མའི་རྩེ་མོར་ཐེངས་བདུན་འཛེགས་སྐྱོད་གནང་མཁན་ཨ་རི་བ་པི་ཊར་ཨེ་ཐེན་སི་ཡིས་༢༠༠༤ནས་བཟུང་བལ་ཡུལ་བྱང་ཕྱོགས་ཁུལ་མིག་གི་སྐྱ་སྒྲིབ་གཤག་བཅོས་ཀྱི་དགེ་རྩའི་ལས་དོན་ནང་མཉམ་ཞུགས་གནང་བའི་རྗེས་། ཉེ་དུས་ཁོང་གིས་སྔར་བོད་ཀྱི་ཆ་ཤས་མངའ་ཁུལ་གློ་ཡུལ་(Mustang)གྱི་ཐག་རིང་རི་ཁུག་ཏུ་གནའ་བོའི་བྲག་ཕུག་རྙིང་པ་མང་པོ་ཞིག་ཡོད་པ་བརྙེད་ཐུབ་པ་བྱུང་སྟེ། བྲག་ཕུག་དེ་ཚོའི་ནང་ནས་སྔར་གྱི་བོན་པོའི་རྩ་ཆེའི་ཕྱག་དཔེའི་གཏེར་མཛོད་ཆེན་པོ་གཉིས་དང༌། ཡང་སྟོན་པ་ཡེ་ཤུ་མ་འཁྲུངས་གོང་གི་ལོ་བརྒྱའི་སྔོན་གྱི་མིའི་རུས་པ་བརྙེད་སོན་བྱུང་གནང་བཞག།
ཨ་རི་བ་པི་ཊར་ཨེ་ཐན་སི་ཡིས་༡༩༩༦ལོར་རི་བོ་ཇོ་མོ་གླང་མའི་རྩེ་མོར་འཛེགས་སྐྱོད་བྱེད་མཁན་མི་གྲངས་༡༥རྐྱེན་ལམ་དུ་ཕྱིན་པའི་གནས་ཚུལ་བྱུང་སྐབས་ཁོང་གིས་རི་འཛེགས་པ་དེ་ཚོ་སྐྱོབ་ཐབས་ཀྱི་འབད་བརྩོན་ཆེན་པོ་གནང་ཡོད་སྟབས་། ཁོང་ལ་འཛམ་གླིང་ནང་Mr. Everestཞེས་ཡོང་གྲགས་མིང་ཐོབ་ཡོད་པ་རེད། བལ་ཡུལ་ནང་མིག་གི་སྐྱ་སྒྲིབ་གཤག་བཅོས་སྐབས་རོགས་པ་གནང་བའི་དུས་རིང་
ཁོང་གིས་ས་གནས་ཡུལ་མི་མང་པོ་དང་གྲོགས་པོ་ཆགས་གནང་ཡོད་པ་དང༌། དེ་ཚོའི་གྲས་ནས་མི་འགའ་ཤས་ཀྱིས་ཁོང་རི་མཐོ་སར་སུས་ཀྱང་འགྲོ་མྱོང་མེད་སའི་གནའ་བོའི་བྲག་ཕུག་ཡོད་སར་སྣེ་འཁྲིད་བྱས་པའི་རྗེས་སུ། པི་ཊར་ཨེ་ཐེན་སི་ལ་ཡ་མཚན་ཅན་གྱི་བྲག་ཕུག་དེ་ཚོའི་ཐོག་ཞིབ་འཇུག་གནང་རྒྱུའི་འདོད་པ་ཆེན་པོ་བྱུང་གནང་འདུག།
དེ་ནས་༢༠༠༨ལོར་བལ་ཡུལ་གཞུང་དང་གནའ་དངོས་ཤུལ་རྫས་ཞིབ་འཇུག་ཚན་པས་པི་ཊར་གྱིས་གཙུགས་གནང་བའི་གནམ་སྒོ་ཐེབས་རྩ་དང་མཉམ་དུ་བྲག་ཕུག་དེ་ཚོའི་ཐོག་ཞིབ་འཇུག་གནང་རྒྱུའི་གྲོས་མཐུན་བཞག་གནང་ནས་ལས་དོན་འགོ་འཛུགས་གནང་ཡོད་པ་དང༌། ལོ་གཉིས་རྗེས་སུ་ཞིབ་འཇུག་པ་ཚོས་གློ་ཡུལ་གྱི་རི་མཐོ་པོ་ཡོད་སར་བྲག་ཕུག་མང་པོ་ཞིག་བརྙེད་ཐུབ་ཡོད་པ་དང༌། བྲག་ཕུག་དེ་ཚོ་གོང་འོག་ཏུ་ལྡེབས་རིས་རྙིང་པ་དང༌། བོད་ཡིག་ཐོག་སྔར་བོན་གྱི་ཕྱག་དཔེ་ཁྲི་གཅིག་མིན་ཙམ་ཡོད་པའི་གཏེར་མཛོད་ཆེན་པོ་གཉིས་དང༌། མི་༢༧གྱི་རྐང་རུས་བརྙེད་སོན་བྱུང་ཡོད་པ་རེད། བྲག་ཕུག་ནང་གི་ལྡེབས་རིས་དེ་ཚོ་རྒྱ་གར་གྱི་གྲུབ་ཐོབ་ཁག་གི་ཡིན་པ་དང༌། གྲུབ་ཐོབ་རེ་རེའི་མཚན་དང་ཁོང་རྣམ་པའི་རྣམ་ཐར་ཞིབ་ཕྲ་བཀོད་ཡོད་པ་རེད། དེ་བཞིན་བྲག་ཕུག་དེ་ཚོའི་ནང་ཡོད་པའི་མིའི་རྐང་རུས་ལ་བརྟག་ཞིབ་བྱེད་སྐབས་ དེ་ཚོ་ཕལ་ཆེ་བ་རྒྱ་གར་ནུབ་བྱང་ཁུལ་གྱི་མིའི་རིགས་ཀྱི་འབྱུང་ཁུངས་ཡིན་པ་ཤེས་རྟོགས་བྱུང་འདུག།
བོད་པ་རང་གི་བུ་རབས་ཚ་བརྒྱུད་དེ་ཚོ་འདུ་ཁང་རྩ་ལ་གཅིན་མི་གཏོང་བ་ཞིག་བཟོ་ཐུབ་སོང་ན་མི་རིགས་གཞན་གྱི་ཆོས་དད་ལ་སེམས་ཁྲལ་དེ་མི་འབབ་ཀི ཡིན་ནའང་གྲུབ་མཐའ་རིས་མེད་ཀྱི་ལྟོ་འདེད་པ་དེ་ཚོ་མཉམ་དུ་བཞེས་ལག་རེ་མཆོད་རོགས་བྱས་བར་རྗེས་སུ་ཡི་རིང་ཡོད། ནམ་རྒྱུན་ལྟར་ན་ཁྱོད་ཁྱོད་ས་དང་ང་ང་ས་ཡིན་པ།
ད་མི་ཤེས་ཡ།ནང་ཆོས་དར་སྤེལ་ཡིན་ནམ་སྒོར་མོ་དར་སྲོལ་གང་ཡིན་མི་ཤེས།ནང་ཆོས་དར་སྤེལ་ལ་ངེས་བར་དུ་ཕྱི་རྒྱལ་ཁག་ཏུ་ཆོས་ཚོགས་མང་པོ་དགོས་པ་རེད་དམ།དེ་ན་༧གོང་ས་མཆོག་ལ་ཆོས་ཚོགས་གཅིག་ཀྱང་མེད་པ་གང་ཡིན་ནམ།དངོས་གནས་ནང་ཆོས་དར་སྥེལ་ཡིན་ན་བོད་པའི་གཞིས་ཆགས་ཁག་ཏུ་ཆོས་ཚོགས་མ་ཚུགས་པ་གང་ཡིན་ནམ།བོད་པ་རྣམས་ནང་ཆོས་མཁས་པ་ཤ་སྟག་རེད་དམ།ཐེ་ཚོམ་གྱི་དོགས་པ་མང་གི་ཡ།
གཞུང་ལ་ཆོས་ཡོད་ན་འདི་ལས་མེད།
ཆོས་རྒྱུད་བྱེ་བྲག་པ་འགའ་ཡི་དོན་དུ་གཞུ་ནས་འགྲོ་སོང་ཇི་ཙམ་གཏོང་གི་མི་འདུག་གམ།
ཕྱོགས་སུ་ལྷུང་བའི་བྱེད་སྟངས་ལ་ནམ་ཡང་འདོད་པ་མེད།
ཆོས་ལུགས་རིས་མེད་ཀྱི་གཞུང་ནི་རྒྱ་ནག་གི་གཞུང་རེད།
རྒྱ་གར་ཡང་ཧིན་དྷུའི་ཕྱོགས་སུ་ལྷུང་འདུག
བོད་བརྒྱུད་ནང་བསྟན་ཆེན་མོ་དར་རྒྱས་རྒྱུན་འཛིན་ཡོང་སླད་བརྗོད་གཞི་དོན་ཚན་དགུ་ཡི་ཐོག་བཀའ་བསྡུར་གནང་བ་དངོས་གནས་ཡག་པོ་འདུག འོན་ཀྱང་བློ་ཕམ་པ་ཞིག་ལ་ཚོགས་བཅར་པའི་ཁྲོད་སྟོད་ཐུང་བསྣམས་པའི་མཁན་སྤྲུལ་དགེ་བཤེས་རེ་ཟུང་འདུག ནད་པ་གཅོང་ནད་ཅན་ཡིན་ན་དམིགས་བསལ་རེད། དེ་ལས་གཞན་སྤྱིར་བཅོམ་ལྡན་འདས་ཀྱི་བཅས་ཁྲིམས་དང་ཡང་སྒོས་ཁྱེད་རྣམ་པའི་དོན་ཚན་དགུ་པོ་དེ་དང་ཏག་ཏག་བསྡད་ཨེ་ཡོད།
ཁ་བཤད་ཆུ་ཡི་ལྦུ་བ།།
ལག་ལེན་གསེར་གྱི་ཐིགས་པ།།
ཕྱི་རུ་ཉན་ཐོས་སྤྱོད་པས་ཞི་ཞིང་དུལ།།
ནང་དུ་རིམ་གཉིས་རྣལ་འབྱོར་གདེང་དང་ལྡན།།
མདོ་སྔགས་ལམ་བཟང་འགལ་མེད་གྲོགས་སུ་ཁྱེར།།
རིས་མེད་རྒྱལ་བསྟན་ཡུན་རིང་རྒྱས་གྱུར་ཅིག།