དུས་བབ་ཀྱི་གསལ་བརྡ།

དེར་བཀའ་དྲིན་ཆེ་ཞུ།

དུས་བབ་མེད་པའི་དུས་ཚོད་དེ་དག ང་ལ་མཚོན་ལ་འགྲོ་ས་འདུག་ས་མེད་པའི་ཚོར་སྣང་ཞིག་ངང་གིས་སླེབས་ཀྱིན་འདུག བསྐྱར་དུ་སྒོ་ཕྱེ་ཐུབ་པར་ཐུགས་རྗེ་ཆེ།

དྲ་རྒྱ་ལ་བར་ཆད་བྱུང་བ་དེས་སེམས་ལ་ཞེད་སྣང་ཆེན་པོ་ཞེ་དྲག་བྱུང་་་་་བསྐྱར་དུ་མཇལ་བ་ལ་དགའ་བསུ་དང་དྲ་རྒྱ་ལས་ཁུང་གི་ལས་མི་རྣམས་ལ་ཐུགས་རྗེ་ཆེ་ཞུ་རྒྱུ་ཡིན་་་་་་་་་་་་་་་་་་་་་

རྨོག་རུ་བསྟན་པ་ལགས་ཀྱིས་ང་ལ་ཚོགས་གཏམ་བཏང་ཡང་རུང་ལ། གཞན་ལ་ཁངས་ར་བྱས་ཀྱང་ཆོག གང་ལྟར་ཆུ་ཚོད་དྲུག་ཅུའི་རིང་སྒོ་རྒྱག་དགོས་བྱུང་བར་བཟོད་གསོལ་ཞུ་རྒྱུ་ཡིན།
ལྷོ་ཕྱོགས་ཉི་ཟླ་ལགས་ཀྱི་རེ་འདུན་ལྟར། ད་ལྟ་གྲོས་ཚོགས་ནང་༧གོང་ས་མཆོག་གི་བགྲེས་ཡོལ་ཙམ་མ་ཡིན་པར་ལོ་ངོ་བཞི་བརྒྱ་ལྷག་གི་ལོ་རྒྱུས་ཡོད་པའི་དགའ་ལྡན་ཕོ་བྲང་གཞུང་གི་ཆབ་སྲིད་ཀྱི་འགན་དབང་མཚམས་འཇོག་དགོས་མིན་སྐོར་ལ་བགྲོ་གླེང་འགྲོ་བཞིན་ཡོད་སྟབས། གང་ནུས་ཅི་འཇོན་གྱིས་དེའི་སྐོར་གྱི་གནས་ཚུལ་ཁྱེད་ཅག་གི་སྤྱན་ལམ་དུ་བསྟར་ཐབས་ཞུ་ངེས་ཡིན།

I am happy for ད་ལྟ་བསྐྱར་དུ་དུས་བབ་དྲ་ལམ་ཤར་གཏོང་བྱ་ཐུབ་ཡོད་པ།

Thank you guys!

བོད་ཀྱི་དུས་བབ་མེད་པའི་ཉིན་མཚན་འདི་དག ངས་ཕ་ཡུལ་རྒྱང་ཐག་རིང་བ་དྲན་པའི་དུས་ཚོད་ཅིག་རེད་ལ། བོད་ཀྱི་དུས་བབ་མེད་པའི་ཉིན་མཚན་འདི་དག ངས་རང་ཉིད་མི་ལུང་པར་ཁེ་རྐྱང་ཡིན་པ་ཚོར་བའི་སྐབས་ཤིག་རེད། བོད་ཀྱི་དུས་བབ་ཤོར་བའི་ཉིན་མོ་རྒྱལ་ཁབ་དང་གཞིས་ཁྱིམ་མེད་པའི་ང་དང་ང་ལྟ་བུ་དག་གི་གནས་ཚང་དྲོན་མོ་དེ་ཡང་ཤོར་ཟིན་པ་ཚོར་སོང་།
བོད་ཀྱི་དུས་བབ་བསྐྱར་དུ་ཤར་གཏོང་བྱས་པར་སྙིང་ཁུང་རུས་པའི་སྟེང་ནས་དགའ་བསུ་ཞུ་རྒྱུ་ཡིན་ལ། བོད་ཀྱི་དུས་བབ་ཀྱི་ལས་བྱེད་དང་གསར་འགོད་པ་རྣམ་པས་ངེད་ཀློག་པ་པོ་དག་གི་ཆེད་དུ་སྐུ་ངལ་སྐྱོན་གྱི་ཡོད་པར་སྙིང་ཁུང་ནས་

དུས་བབ་བར་ཆད་ལས་གྲོལ་བ་སྙིང་ནས་དགའ་བཞིན་སྤྲོ་བཞིན་ཡོད་ལ། ཕྱིས་སུ་ཡང་དུས་བབ་་འདི་ཇི་སྲིད་བར་དུ་གནས་པར་སྨོན་འདུན་དང་། དུས་བབ་ཀྱི་གཙོ་འགན་བཞེས་མཁན་དང་ད་ལྟའི་བར་དུ་དུས་བབ་འདི་གསོན་དུ་འཇུག་མཁན་གང་ན་སུ་ཡོད་པའི་བོད་རིགས་སྤུན་ཟླ་དག་ལ་སྙིང་ཁོང་རུས་པའི་གཏིང་ནས་བཀའ་དྲིན་ཆེ་ཞུ་རྒྱུ་ཡིན།

མཁྱེན་ཡངས་དོན་འགྲུབ་བཀྲ་ཤིས་ལགས།
ཁྱེད་ནས་ངོས་ཀྱིས་རེ་བསྐུལ་ཞུས་པར་ལ་མོར་བཀའ་ལན་གནང་བར་ཐུགས་རྗེ་ཆེ་ཞུ་རྒྱུ་མ་ཟད།
ཁྱེད་ནས་ངོས་ཀྱི་རེ་འདུན་ཞུས་པ་ཁག་ལ་ཐུགས་བཞེས་ཀྱིས་རེ་འདུན་བསྒྲུབ་རྒྱུའི་ཞལ་བཞེས་གནང་བ་ལ་དེ་བས་ཀྱང་ཐུགས་རྗེ་ཆེ།
ཆུང་འདྲི་བྱམས་པ་ལས་ཀྱང་ལྷག་པའི་ང་ཡི་སེམས་ལ་བདེ་སྐྱིད་གཏེར་བ་པོ་དུས་བབས་ཁྱེད་ཉིད་ཡུན་ནས་ཡུན་དུ་སྐུ་ཚེ་བརྟན་ཞིང་ལང་ཚོའི་འོད་སྣང་ཀུན་ཏུ་གཡོ་སྟེ་དུས་བབས་ཀྱི་མཆེད་དང་གྲོགས་པོ་རྣམས་ཀྱི་ཡིད་ཀྱི་བརྟན་པ་ཀུན་གཅིག་ཏུ་འཕྲོག་སྟེ།
ངེད་ཅག་ཀུན་ལ་དགའ་ལ་སྟོན་བརྒྱ་མཐོང་ཞིང།
སྐྱིད་ལ་ལོ་བརྒྱ་མཐོང་བའི་སྨོན་འདུན་བཟང་པོས་བརྒྱན་ཏེ་ཕུལ་ལོ།

བཀུར་འོས་བའི་དྲ་བདག་ལགས།
དེ་རིང་བོད་ཀྱི་དུས་བབ་དྲ་ཚིགས་བསྐྱར་དུ་ཕྱེ་ཐུབ་པ་ཐུགས་རྗེ་ཆེ།
སྐབས་བབ་ཀྱི་གནས་ཚུལ་ནི་ལོ་རྒྱུས་ཁྲོད་ནས་ཛ་དྲག་གི་སྐྱོག་མཚམས་ཆེ་ཞིག་ཡིན་སྟབས༸གོང་ས་མཆོག་གིས་བཀའ་དགོངས་དེ་ལེན་ཐུབ་དང་མི་ཐུབ་མི་མང་གི་བསམ་ཚུལ་ལ་རག་ལས་བས་དྲ་ཚིགས་འདི་ཡང་མི་མང་གི་བསམ་ཚུལ་གྱི་དོ་ར་ངོ་མ་ཞིག་ཡིན་པས་དུས་ཐོག་ཏུ་གསར་འགྱུར་མུ་མཐུད་དུ་གཏོང་རོགས་ཞུ་ཞུ།

དྲ་གྲོགས་མངའ་རིས་བུ་ལགས།
ཉིན་འདི་གར་ཁྱེད་ཅག་ལ་སུན་སྣང་དང་རེ་ལྟོས་ཀྱི་དཀའ་ངལ་བྱུང་ཡོད་ཀྱང་། ངེད་ཅག་གིས་ཀྱང་ཁྱེད་ཀློག་པ་པོ་དག་གི་ཆེད་དུ་སེམས་ངལ་ཆེ་ཙམ་བྱུང་། འདས་པའི་ཆུ་ཚོད་དྲུག་ཅུའི་རིང་ཁ་པར་བརྒྱ་ཕྲག་མང་པོ་འབྱོར་སོང་ལ། ཁ་པར་གྱི་འབོད་བརྡ་གྲགས་ཐེངས་རེ་ལ་སེམས་ཀྱི་གཏིང་ས་ཞིག་ནས་བྲེལ་ཤ་ལངས་ཤིང་། མགོ་བོའི་སྤྱི་གཙུག་གསེང་ནས་ཟུག་གཟེར་རྒྱག་གི
སྐད་ཡིག་གཞན་པའི་སྟེང་གི་གནས་ཚུལ་དང་གསམ་ཚུལ་རིགས་བོད་བསྒྱུར་བྱས་ཏེ། དྲ་ཐོག་ཏུ་གཏོང་རྒྱུར་འདི་ག་ལས་ཁུངས་ཀྱིས་སྔར་ལས་ཤུགས་ཆེ་རུ་གཏོང་བཞིན་ཡོད།

དུས་བབ་ལགས་འདས་ལོག་ཏུ་ཕེབས་པར་དགའ་བསུ་ཞུ།
ངོས་ནས་དུས་བབ་སྒོ་ཕྱེ་ཐུབ་མི་ཐུབ་ཉིན་ལྟར་ལྟས་པ་ཡིན།
འོན་ཀྱང་དུས་ཚོད་དེ་ཡི་རིང་ནི་ཆེས་རིང་པའི་དུས་ཚོད་ཞིག་དང་རང་སེམས་སྟོང་སངས་སུ་ལྷང་ངེར་ལུས་པ་ལྟ་བུའི་ཚོར་བ་བྱུང།

དུས་བབ་དྲ་བདག་ལ་ཆེད་དུ་འབོད་བསྐུལ་ཞུ་དོན།
དེང་དུས་རབས་གསར་པའི་ནང་གླིང་ཕན་ཚུན་ནང་དུ་ཅི་ཡོད་ཅི་བྱུང་ལས་སོགས་གནས་ཚུལ་རྣམས་སྐར་ཆ་ནས་སྐར་ཆའི་བར་གྱི་གནས་ཚུལ་ལེགས་ཉེས་རྣམས་དུས་ནས་དུས་སུ་མཐོང་ཐོས་སུ་གྱུར་དང་འགྱུར་བཞིན་པའི་སྐབས་ཡིན་མོད།
འོན་ཀྱང་དེ་དག་གི་གནས་ཚུལ་རྣམས་སྐད་ཡིག་གཞན་དུ་བཞུགས་པར་བརྟེན།
བོད་སྐད་ཡིག་གཅིག་པོ་ལས་མི་ཤེས་མཁན་དང་བོད་སྐད་གཅིག་པོ་ལས་མི་གོ་མཁན་ཤིན་ཏུ་མང་བས་དེས་ན་ཁྱེད་རྣམས་ནས་ཀྱང་དེ་ལྟ་བུའི་སྐར་ཆ་ནས་སྐར་ཆའི་བར་གྱི་གནས་ཚུལ་མ་བྱུང་ནའང་ཉིན་རེའམ་ཉིན་གཉིས་རེའི་གནས་ཚུལ་ཡ་མཚན་ཅན་དང་ངོ་མཚར་ཅན་དང་སྐྱི་གཡའ་བའི་གནས་ཚུལ་རིགས་དུས་ནས་དུས་སུ་བསྒྲགས་ཐུབ་ན་ཤིན་ཏུ་ནས་དགེ་མཚན་ཆེ།
འོན་ཀྱང་ཁྱེད་རྣམས་ལ་དཀའ་ཚེགས་ཡོད་པ་དངོས་བདེན་ཡིན་པར་ཤེས་ཀྱིན་ཡོད།
རྟག་ཏུ་བོད་དང་རྒྱ་ནག་གཅིག་པོའི་གནས་ཚུལ་བཤད་པས་ན་རྒྱ་ནག་གི་གསར་འགྱུར་དང་ཆེས་མཚུངས་པར་མཐོང་ངོ།

དྲ་བདག་ལ་ཡར་ཞུ། ༸གོང་ས་མཆོག་གི་རྒན་ཡོལ་གནང་རྒྱུའི་དགོངས་འཆར་རླབས་པོ་ཆེ་ལ་བསམ་ཚུལ་ཅི་ཡོད་ཡང་བསྐྱར་བསྡུ་ལེན་ཞིག་གནང་རོགས། ངས་འདི་གནད་འགག་ཅིག་དང་བོད་ཀྱི་ལོ་སྒྱུས་ཁྲོད་ནས་སྐྱོག་མཚམས་གལ་ཆེན་ཞིག་རེད་འདོད་གི ལྷག་པར་ཁ་སང་གི་བཀའ་སློབ་དེ་གང་ལ་འཇོག་དགོས་རེད།

ཡང་བསྐྱར་གསོན་ཐུབ་པ་དེ་ཤིན་ཏུ་ལེགས་པོ་བྱུང་ལ། དེ་ལས་ཀྱང་ཡར་རྒྱས་དང་དྲ་ལམ་གྱི་བྱ་འགུལ་འདྲ་མིན་སྤེལ་རྒྱུ་སོགས་ཀྱང་བསམ་གཞིགས་བྱ་འོས་པར་སྙམ། ད་ལྟ་དྲ་བ་དང་དུས་དེབ། ཚགས་པར་སོགས་རྩོམ་སྒྲིག་ཁང་མང་པོ་ཞིག་གིས་རྩོམ་པ་པོ་དང་ཀློག་པ་པོར་སྒུག་ནས་སྡོད་པ་ལས་རང་ཉིད་ལ་འགན་ཞིག་ཡོད་པ་ཕལ་བརྗེད་ཡོད་པའི་ཚུལ་དུ་འདུག་པས། དུས་དེབ་དང་ཚགས་པར། དྲ་བ་སོགས་སུ་རྩོམ་མང་པོ་རྩོམ་སྒྲིག་པས་འབྲི་བཞིན་པའི་གནད་དོན་ནི་རྩོམ་སྒྲིག་པས་ཀློག་པ་པོ་དང་རྩོམ་པ་པོ་བྱ་བར་གཞོགས་འདེགས་ཀྱི་འགན་མ་ཁུར་མ་ཟད། དེ་དག་སྣང་མེད་དུ་བརྩི་བཀུར་མ་བྱས་པའི་ཆེས་བྱ་སྤྱོད་ཐ་ཤལ་བའི་མཚོན་རྟགས་ཤིག་ཀྱང་རེད། དེའི་ཕྱིར་དྲ་ལམ་འདི་ཡང་དེ་ལྟ་བུ་མི་འགྱུར་བའི་ཕྱིར་དུ་ཀློག་པ་པོས་དོ་སྣང་བྱེད་པའི་ལས་འགུལ་འདྲ་མིན་དྲ་ལམ་ནས་སྤེལ་དགོས་པར་མ་ཟད། དྲ་རྒྱའི་བཟོ་བཀོད་ཀྱི་སྤུས་ཚད་ནས་སྤྲོ་སྣང་གི་ངོ་བོར་ཕྱོགས་ཐུབ་པའི་ཡར་རྒྱས་གཏོང་རྒྱུ་ཡང་འཐུས་ཤོར་མི་རུང་བའི་དུས་ལ་བབ་པའི་ལས་དོན་གལ་
ཆེན་ཞིག་ཏུ་མཐོང་ངོ།།

ཨ་ཨ་ཉི་མ་དང་དུས་ཚོད་དེ་དག་གི་རིང་ལ་དུས་བབ་དྲྭ་ཚིགས་ངོ་མ་དྲན་ཐ། ལྷ་སྲུང་མས་ཐུགས་རྗེས་ཡིན་ན་སྟབས་ལེགས་པས་ཡིན་ན་གང་ལྟར་སླེབས་སོང་བ་བཟང་ཐ། ང་ཐེ་བའི་མི་མང་པོ་ཞིག་གནས་ཚང་བོར་འགྲོན་པོ་བཞིན་འཁྱམ་ཤིང་སྒུག་བཞིན་སྐུད་ལམ་རེ་ན་ཅེས་ཕྱིར་འཚོལ། ད་ཡང་སྐྱིད་སོང་དྲྭ་བདག་ལ་བཀའ་དྲིན་ཆེ་ཞུ།

བོད་ཀྱི་དུས་བབ་ཡང་དང་བསྐྱར་དུ་ཁ་འབྱེད་ཐུབ་བྱས་ཀྱང་། སྔར་བཞིན་མཐོང་མ་ཐུབ་པས་རང་ཉིད་ཁེར་རྐྱང་ཡིན་པའི་སྣང་བ་ཞིག་དང་མཉམ་དུ་རང་ཉིད་བོད་སྤྱི་ཚོགས་དང་བར་ཐག་ཇེ་རིང་དུ་འགྲོ་བཞིན་ཡོད་པའི་ལྟ་བུའི་སུན་སྣང་བན་བུན་ཞིག་ཀྱང་སྐྱེས་སོང་།
ད་གང་ལྟར། བསྐྱར་དུ་སྒོ་འབྱེད་བྱས་པར་དགའ་ནས་ཡོད།