ཐེངས་འདིའི་བཙན་བྱོལ་བོད་མིའི་འོས་བསྡུ་ཆེན་མོ་དང་བསྟུན་ཏེ། རྒྱལ་སྤྱིའི་གྲོས་ཚོགས་འཐུས་མིའི་སྐུ་ཚབ་ཀྱིས་རྟོག་ཞིབ་ཐེངས་དང་པོ་གནང་ཡོད་པ་ལྟར། སྐྱབས་བཅོལ་བོད་མིའི་འོས་བསྡུ་ཆེན་མོའི་སྐོར་ལ་གཟིགས་ཚོར་གང་ཡོད་གསལ་བསྒྲགས་བྱས་ཡོད།
དེ་རིང་སྔ་དྲོར་ངྷ་ས་ཆོས་ནོར་གསོལ་མགྲོན་ཁང་དུ་རྒྱལ་སྤྱིའི་གྲོས་ཚོགས་འཐུས་མིའི་བོད་དོན་འབྲེལ་མཐུད་སྐུ་ཚབ་གཉིས་ཀྱིས་གསར་འགོད་གསལ་བསྒྲགས་ཤིག་བསྐྱངས་ཡོད་ཅིང་། དེ་ནི་ཁ་སང་ཕྱི་ཟླ་ ༣ ཚེས་ ༢༠ ཉིན་བཙན་བྱོལ་བོད་མིའི་བཀའ་བློན་ཁྲི་པ་སྐབས་གསུམ་པ་དང་། བོད་མི་མང་སྤྱི་འཐུས་སྐབས་བཅོ་ལྔ་བའི་འོས་བསྡུ་ཆེན་མོར་འཁེལ་ཡོད་སྟབས། རྒྱལ་སྤྱིའི་གྲོས་ཚོགས་འཐུས་མིའི་བོད་དོན་འབྲེལ་མཐུད་སྐུ་ཚབ་ཚོགས་ཆུང་ཞིག་ཆེད་འཛུགས་ཀྱིས་རྒྱ་གར་གཙོས་པའི་ཨ་རི་དང་ཡུ་རོབ་སོགས་ཕྱི་རྒྱལ་ཡུལ་གྲུ་ཁག་གི་བོད་མིའི་འོས་བསྡུའི་ལས་རིམ་ཐད་གཟིགས་ཞིབ་ཏུ་ཕེབས་ཡོད་སྟབས། ཐེངས་འདིར་ངྷ་ས་ཁུལ་དུ་རྟོག་ཞིབ་གནང་བའི་གཟིགས་ཚོར་ཁག་ཅིག་ངོ་སྤྲོད་གནང་ཡོད།
གསར་འགོད་གསལ་བསྒྲགས་དེར་བཀོད་དོན། བོད་དོན་ལ་དམིགས་པའི་མཉམ་འབྲེལ་རྒྱལ་སྤྱིའི་གྲོས་ཚོགས་འཐུས་མི་ཁག་གིས།བཞུགས་སྒར་ངྷ་ས་ཁུལ་གྱི་བཙན་བྱོལ་བོད་མིའི་འོས་བསྡུའི་གནས་སྟངས་རྟོགས་ཞིབ་བྱ་ཐུབ་བྱུང་ཡོད་པར་མ་ཟད། ལྷག་པར་དུ་རྒྱ་གར་ལྷོ་བྱང་ཁུལ་དང་ཡུ་རོབ། དེ་བཞིན་བྱང་ཨ་རིའི་བོད་མིའི་འོས་བསྡུའི་ལས་རིམ་བཅས་ལའང་རྒྱུས་ལོན་གང་འཚམ་བྱ་ཐུབ་པ་བྱུང་ཡོད། ཅེས་དང་།
རྟོག་ཞིབ་གྲུབ་འབྲས་ཁག་ཅིག་ཟུར་བཀོད་བྱས་ཡོད་པའི་ནང་། དང་པོ། སྟབས་མ་ལེགས་པ་ཞིག་ལ་བལ་ཡུལ་གཞུང་གིས་ཡུལ་དེར་གནས་སྡོད་བཙན་བྱོལ་བོད་མིའི་འོས་བསྡུའི་ལས་རིམ་བཀག་འགོག་བྱས་སྟབས།ང་ཚོས་བལ་ཡུལ་གྱི་དམངས་གཙོའི་ཐོབ་ཐང་ཐོག་སེམས་འཚབ་ཆེན་པོ་བྱེད་ཀྱིན་ཡོད།གཉིས།ང་ཚོ་རྒྱལ་སྤྱིའི་གྲོས་ཚོགས་བོད་དོན་འབྲེལ་མཐུད་ INPAT ཞེས་པའི་ཚོགས་པ་འདི་བོད་མི་མང་སྤྱི་འཐུས་ལྷན་ཚོགས་ཀྱི་གདན་ཞུ་ལྟར་ཆེད་དུ་རྟོག་ཞིབ་ཏུ་ཡོང་བ་ཞིག་ཡིན་སྟབས།ད་ཐེངས་ང་ཚོས་ཕྱོགས་མཐའ་ཁག་ཏུ་ཡོད་པའི་བོད་མི་མང་སྤྱི་འཐུས་དང་བཀའ་བློན་ཁྲི་པའི་འོས་བསྡུའི་བརྒྱུད་རིམ་སྐོར་གསལ་རྟོགས་ཡག་པོ་བྱུང་ཡོད།
གསུམ།ཐེངས་འདིར་ང་ཚོའི་ངོས་ནས་བཙན་བྱོལ་བོད་མི་ཚོ་དུས་ཡུན་རིང་པོར་དམངས་གཙོའི་ལམ་ཁར་བསྐྱོད་ཐུབ་ཡོད་པའི་སྙིང་སྟོབས་ལ་བསྔགས་བརྗོད་བྱེད་བཞིན་ཡོད་ལ། གནས་སྟངས་དེའི་ཐོག་ནས་སྐྱབས་བཅོལ་བོད་མིའི་སྒྲིག་འཛུགས་འདི་ལ་དམངས་གཙོ་ལག་ལེན་གྱི་ནུས་པ་ཡོད་པ་ར་སྤྲོད་གསལ་བོ་བྱས་ཡོད།བཞི།༧གོང་ས་ཏཱ་ལའི་བླ་མས་ཁོང་ཉིད་ཆབ་སྲིད་འཛིན་སྐྱོང་འགན་དབང་ལས་ཕྱིར་བུད་དེ། དུས་ཚོད་ཕལ་ཆེ་བ་འཛམ་གླིང་ཆོས་ལུགས་བྱེད་སྒོ་ཁག་དང་།ཆོས་དང་མ་འབྲེལ་བའི་ཀུན་སྤྱོད་ཡར་རྒྱས།ཆོས་ལུགས་འཆམ་མཐུན་བཅས་ཀྱི་ཐོག་གཏོང་རྒྱུ་ཡིན་གསུངས་བ་དེ་ནི། བོད་མིའི་འོས་བསྡུའི་ལས་རིམ་ཙམ་དུ་མ་ཟད།སྐྱབས་བཅོལ་བོད་མིའི་སྒྲིག་འཛུགས་དེ་དམངས་གཙོ་ཚད་ལྡན་ཞིག་ཡོང་རྒྱུར་བློས་གཏོང་ཆེན་པོ་ཞིག་གནང་ཡོད།ཅེས་བཀོད་འདུག
འདི་ནི་རྒྱལ་སྤྱིའི་གྲོས་ཚོགས་འཐུས་མིས་བཙན་བྱོལ་བོད་མིའི་འོས་བསྡུའི་ལས་རིམ་ཐོག་རྟོག་ཞིབ་གནང་བ་ཐེངས་དང་པོ་དེ་ཆགས་ཡོད་འདུག་ལ། གཟིགས་ཞིབ་ཀྱི་དམིགས་ཡུལ་གཙོ་བོ། སྐབས་བཅོལ་བོད་མི་ཚོའི་འོས་བསྡུའི་ལས་རིམ་དྲང་བདེན་ཡོང་གི་ཡོད་མེད་དང་། བཙན་བྱོལ་གཞུང་ཕྱོགས་ནས་འོས་བསྡུའི་ལས་རིམ་གོ་སྒྲིག་ཞུ་ཕྱོགས་དང་མང་ཚོགས་ཀྱིས་ཆ་ཤས་ལེན་སྟངས། སྐྱབས་བཅོལ་བོད་མིའི་དམངས་གཙོའི་སྒྲིག་འཛུགས་ཀྱི་སྤྱི་ཡོངས་གནས་བབ་བཅས་ལ་རྒྱུས་ལོན་བྱ་ཆེད་ཡིན་འདུག
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
སྤྱི་ཚེས་ཉི་ཤུ་ཡི་དངོས་གཞིའི་འོས་བསྡུའི་སྐབས་གྲ་སྒྲིགས་གང་མིན་ཚད་ཡག་པོ་འདུག ཡིན་ན་ཡང་དེང་གི་སྤྱི་ཚོགས་འཁྲོད་ཆོས་སྲིད་ཟུང་འབྲེལ་ལ་དགག་པ་རྒྱག་མཁན་མང་ལ། མི་རྒྱང་བའི་ནང་སྤྱི་ཐུས་གྲོས་ཚོགས་སུ་ཡང་༸སྐུ་མདུན་དགོང་ཞུ་སོགས་ཀྱི་དོན་རྐྱེན་མང་དག་ཞིག་བྱུང་བ་བཅས་ཀྱི་ཤུགས་རྐྱེན་གྱི་ཡིན་ནམ་དེ་
མིན་གང་ཡིན་་མི་ཤེས་ཀྱང། དེ་ཉིན་ཀྱི་ཆོས་ལུགས་ཀྱི་འོས་བླུག་ས་དེར་ཆུ་ཚོད་གཅིག་གཉིས་ནང་འོས་བླུག་ཕྱོགས་ཀྱི་སྒྲིག་གཞིར་འགྱུར་བ་ཡར་འགྲོ་མར་འགྲོ་རེད་འདུག་པས་རང་དབང་མེད་པར་གླུ་དེ་ལྟར་བླང་བར་ཐལ།
ཨ་ལེ་མོ། ལ་ལེ་མོ།
གཙུགས་ལག་ཁང་གི་འཁྱམ་རར།
བོད་མི་ཡར་འགྲོ་མར་འགྲོ །
ཆོས་ལུགས་འོས་བསྡུའི་སྒྲིགས་གཞིར།
འགྱུར་བ་ཡར་འགྲོ་མར་འགྲོ །
དེ་འདྲའི་བཙན་བྱོལ་བོད་མིའི།
སྒྲིག་གཞི་དེ་འདྲ་ཨེ་ཡིན།
གལ་སྲིད་དེ་འདྲ་མིན་ཚེ།
ལན་ཞིག་སྐྱོན་རོག་གནང་དང་།
བུ་ངར་སེམས་གསོར་འགྲོ་ངེས།
དམངས་གཙོ་ཞེས་པའི་ཐ་སྙད་ཞིག་གིས་ཁྱབ་ཁོང་དུ་ང་ཚོ་མི་རེ་རེའི་ངོས་ནས་ཁ་བཤད་ཙམ་མིན་པ་ལུས་སེམས་གཉིས་ཀ་ཚུད་ཐོབ་ཡོད་མེད་དེ་ཤེས་དགོས་པ་ཞིག་རེད།
མི་རིགས་དང་མི་རིག་བར་་ལྷགས་བསམ་དང་དྲང་བདེན་གྱི་ཐོག་ནས་ཞིབ་འཇུག་དང་རྒྱབ་སྐྱོར་གནང་བ་ལ་ཐུགས་རྗེ་ཆེ་བ་དང་་་་་་་་་་་་་་་་་་་་་་་་་ཉམ་ཆུང་དང་དྲང་བདེན་ཅན་རྣམས་ལ་མུ་མཐུད་དེ་རྒྱབ་སྐྱོར་གནང་རོགས་གནང
མང་ཚོགས་ཀྱི་ཆ་ཤས་ཀྱིས་མ་བསླུས་ན་དྲང་བདེན་གྱིས་བསླུ་ཐབས་མེད་པ་ལྟ་བུ་ཞིག་རེད། བོད་མི་མང་སྤྱི་འཐུས་ཀྱིས་ལེགས་པོ་གནང་འདུག ཐུགས་རྗེ་ཆེ།
བོད་པ་ཚང་ལ་ཤ་ཚ་ཚ་གནང་མཁན་རེ་ཡོད་ན་ནི་དགའ། བལ་ཡུལ་གྱི་བོད་མིའི་སྟེང་འཛིན་པའི་ཆབ་སྲིད་འདི་ཧ་ཅང་གི་གཉན་འཕྲེང་ཆེ་བ་དང་། དོན་དངོས་སུ་འཛམ་གླིང་གི་རྒྱབ་སྐྱོར་དེ་ཚོ་ལག་ལེན་འཁྱོལ་གྱིན་ཡོད་མེད་ལ་བསམ་ན། མཉམ་འབྲེལ་རྒྱ་ཚོགས་ནི་་་་ཉམས་པ་རྒྱལ་ཚོགས་ཡིན་མིན་གང་ཤེས།
བོད་མི་རིགས་ལ་ཤ་ཚ་དང་བོད་རྒྱ་གཉིས་ཀྱི་དཀའ་རྙོགས་འདི་དབང་ཡོད་དབང་མེད་ཀྱི་དཀའ་ངལ་ཞིག་ཡིན་པ་བརྟེན་ཚང་མས་ཐུགས་ཁུ་འདི་ལྟར་གནང་བར་སྙིང་ནས་དགའ་བྱུང་
གྲོས་ཚོགས་ཟེར་ན་ལས་འགྲོས་ཚོགས་ཟེར་བ་འདྲ་ཨེ་ཡོན་ན། INPAT ཞེས་པའི་དབྱིན་ཡིག་འདིའི་སྔོན་ཏག་ཏག་ན་འདུག གཞན་ཡོད་མེད་ཞིབ་ཏུ་བཀླགས་མེད།
གསར་འགྱུར་འདི་ངས་འདྲེན་བཀོད་བྱས་ཆོག་པའི་ཆོག་མཆན་ཞུས་པ་ཡིན།