རྔ་པ་ཁུལ་འཛམ་ཐང་རྫོང་ན་མདའ་ཞང་གི་བོད་མི་བརྒྱ་ཕྲག་བརྒལ་བ་ཞིག་གིས་ཟླ་འདིའི་ཕྱི་ཚེས་ ༢༣ ཉིན་གྱི་ཕྱི་དྲོའི་བོད་ནང་གི་ཆུ་ཚོད་ ༤ ཡས་མས་ཤིག་ལ་བོད་ལ་རང་དབང་དགོས། རྒྱལ་བ་རིན་པོ་ཆེ་བོད་ལ་གདན་འདྲེན་བྱེད་འཇུག་དགོས། བོད་རང་བཙན་ཐོབ་སོང་ཟེར་ནས་ངོ་རྒོལ་སྐད་འབོད་བྱས་ཏེ་ས་གནས་དེ་གའི་ཞང་གི་ཁྲོམ་ལམ་ནས་སྐོར་བ་གསུམ་བྱས་ཡོད་འདུག
སྐབས་དེར་དམག་མི་དང་ཉེན་རྟོག་མི་སྣ་མང་པོ་བསླེབས་ཏེ་ངོ་རྒོལ་སྐད་འབོད་བྱེད་མཁན་རྣམས་ལ་གང་བྱུང་དུ་གཅར་རྡུང་དྲག་པོ་བཏང་སྟེ། སྐད་འབོད་བྱེད་མཚམས་འཇོག་ཏུ་བཅུག་ཡོད་པ་མ་ཟད། བོད་མི་ ༨ ཙམ་འཛིན་བཟུང་བཀག་བསྐྱིལ་བྱས་ཡོད་པ་དང་། དེ་དག་ཁྲོད་རང་ལོ་ ༤༠ ཡིན་པའི་ན་མདའ་ཞང་ཐོག་གི་སློབ་གྲྭའི་དགེ་རྒན་དཔལ་ཁོ་ལགས་དང་། རང་ལོ་ ༣༥ ཡིན་པའི་རྡོ་རྗེ། རང་ལོ་ ༣༥ ཡིན་པའི་ཨ་རྡོར། རང་ལོ་ ༢༨ ཡིན་པའི་འོད་གསལ་རྡོ་རྗེ་བཅས་ཡིན་ཞིང་། གཞན་རྣམས་ཀྱི་མིང་དང་ལོ་ཚད་སོགས་ཀྱི་ཞིབ་ཕྲའི་གནས་ཚུལ་ཤེས་རྟོགས་མ་བྱུང་།
ཉིན་དེ་ནས་བཟུང་ན་མདའ་ཞང་རྒྱ་དམག་གིས་དམ་དྲག་ཆེན་པོ་བྱེད་ཀྱིན་ཡོད་པར་མ་ཟད། ཁ་སང་ཕྱི་ཚེས་ ༢༨ ཉིན་ད་དུང་ས་གནས་མང་པོ་བཀག་སྡོམ་ནན་མོ་བྱས་ཏེ། ངོ་རྒོལ་བྱེད་མཁན་རྣམས་རྩད་གཅོད་བྱེད་མུས་ཡིན་འདུག རྔ་པ་རྫོང་གཅའ་ཞང་ཕྱུགས་ལས་འགབ་མའི་ཨ་མའི་བློ་བཀྲ་ཚང་གི་རྔ་པ་ཀིརྟི་དགོན་གྱི་གྲྭ་བསྟན་འཛིན། ཕྱི་ཚེས་ ༢༥ ཉིན་གྱི་ མཚན་མོའི་དུས་ཚོད་ ༡༢ ཙམ་ལ་རང་ཤག་ནས་འཛིན་བཟུང་བྱས་ཡོད་ཀྱང་། ད་སྔ་ཁོང་ལ་ཉེས་འཛུགས་གང་གི་འོག་ནས་འཛིན་བཟུང་བྱས་མིན་ཤེས་རྟོགས་མ་བྱུང་། ད་ཆར་རྒྱ་ནག་གི་དྲག་ཆས་ཉེན་རྟོག་མི་སྣས་མཚན་མོ་རེ་རེ་བཞིན་ ཁྱི་ཁྲིད་དེ་ཀིརྟི་དགོན་པའི་གླིང་ལ་སྐོར་བྱེད་ཀྱིན་ཡོད་འདུག
ཡང་ཕྱི་ཚེས་ ༢༤ ཉིན་རྔ་པ་རྫོང་མཐའ་བ་གོང་མ་དང་འགབ་མ་གཉིས་ལ་རྒྱ་གཞུང་གིས་ཚོགས་འདུ་བསྡུས་ཏེ། ཁྱེད་ཅག་མི་མང་གིས་རྔ་པ་ཀིརྟི་དགོན་པ་སྲུང་བྱ་བྱེད་དགོས་ཚུལ་དང་། གལ་སྲིད་སུ་མ་སོང་ན་ཉིན་རེར་རྒྱ་སྒོར་སུམ་ཅུའི་ཆད་པ་གཅོད་རྒྱུ་ཡིན་ཞེས་མི་མང་ལ་བཙན་བཀའ་བཏང་ཡོད་པར་མ་ཟད། ཁྱེད་ཚོས་གྲྭ་པ་ཚོའི་བྱེད་སྟངས་ལྟར་ངོ་རྒོལ་ལས་འགུལ་དེ་འདྲའི་ནང་ཞུགས་མི་ཆོག་ཚུལ་སོགས་བརྗོད་ཡོད་འདུག
ད་དུང་དགེ་འདུན་པ་ཚོར། གྲྭ་པ་དང་མི་མང་གཉིས་རྩ་བ་ནས་མི་མཚུངས་ཚུལ་དང་། རྒྱལ་ཁབ་ཀྱིས་མི་མང་ལ་རོགས་སྐྱོར་མང་པོ་བྱས་ཡོད་པ་དང་མ་འོངས་པར་ཡང་རོགས་སྐྱོར་མང་པོ་བྱ་རྒྱུ་ཡིན་ཚུལ། དེང་སྐབས་རང་ལུས་མེར་བསྲེགས་གཏོང་དགོས་པའི་དཀའ་སྡུག་ཅིག་རྩ་བ་ནས་མེད་ཀྱང་། གྲྭ་པ་ཚོར་བསོད་བདེ་དམན་ཚུལ། ཀིརྟི་དགོན་པའི་ནང་ལ་རང་ལུས་མེར་བསྲེགས་གཏོང་རྒྱུའི་ཁས་ལེན་དམ་བཅའ་བྱས་ཡོད་པའི་ཚོགས་པ་ཞིག་ཡོད་པ་དང་། ཚོགས་པ་དེ་ད་ཐེངས་རྩ་མེད་བཟོ་དགོས་སྟབས། མི་མང་གིས་རོགས་འདེགས་བྱ་དགོས་ཚུལ་སོགས་བརྗོད་ཡོད་འདུག
གོང་ཞུས་ལྟར་ཕྱི་ཚེས་ ༢༦ ཉིན་ནས་མི་མང་སྐོར་ཞིག་གིས་རྔ་པ་ཀིརྟི་དགོན་པ་སྲུང་བྱ་བྱེད་པའི་མིང་ཐོག་ནས་དགོན་པར་སྔ་ཕྱི་དྲོ་གཉིས་ཀར་སྐོར་བ་བྱས་ཡོད་པ་དང་། དགོང་མོ་བོད་མི་དེ་རྣམས་ལ་རྒྱ་སྒོར་སུམ་ཅུ་རེ་སྤྲད་དེ་དཔར་དང་བརྙན་དཔར་བརྒྱབ་ཡོད་འདུག་པ་བཅས།
ཀིརྟིའི་བྱེས་པ་གྲྭ་ཚང་གི་བོད་གནས་འབྲེལ་མཐུད་པ་བློ་བཟང་ཡེ་ཤེས་དང་ཀ་ཉག་ཚེ་རིང་གཉིས་ཀྱིས་བཏང་འབྱོར་བྱུང་།
གཞིས་བཞུགས་སྤུན་ཟླ་རྣམས་ཀྱི་སྙིང་སྟོབས་ངོ་མ་ངོ་མཚར་ཆེ།
འདིར་ཡོད་རྩམ་གཟན་པ་ཕལ་མོ་ཆེ་ཕྱོགས་རིས་དང་ཞེན་ཁོག་གི་དུས་འདའ་བ་འདི་མཐོང་དུས་་་་་་་་་་་་་་་་་་་་་་་་་་་
འཇིགས་ཞིམ་བྲལ་བའི་སྙིང་སྟོབས་དེ།
ནམ་ཡང་ས་ཆོད་མི་ཐུབ་པའི་ངས་ཀྱང་།
བསྟོད་བསྔགས་དང་ཁ་དར་འཐེན་བཞིན་ཡོད།
སྙན་ངག་དང་རྒྱབ་སྐྱོར་ཞུ་བཞིན་ཡོད།
དོན་ངོ་མ་ང་སྐྱིད་འདུག་བྱས་ནས།
ཁྱེད་ཅག་ལ་ཁ་ཡག་གཅིག་བཤད་ནས་སྡོད་པ་ངོ་ཧ་ཅང་གནོང་མོད།
ང་ལ་བློ་ཁོག་དེ་ལས་མེད་པས།
ང་ལ་ཁོག་རྒྱ་འདི་ལས་མེད་སྟབས།
ངོ་ཚ་ཡང་ཁྱེད་ཅག་དང་བྲལ་མ་མྱོང་།
ངས་ཐུབ་ཚོད་ཀྱིས་ཁྱེད་ཅག་གི་ཚེ་སྲོག་བསྡུས་པ་དེའི་ཕྱིར།
ངོ་གནོང་བའི་ལས་དོན་གཅིག་ཀྱང་མི་བསྒྲུབ་ཁོ་ཐག་ཡིན།
གངས་རིའི་དཔའ་རྒོད་ཚོ།་་རང་དབང་གི་ཁུ་ཚུར་དགུང་ལ་འཕྱོར་དང།་་་ང་ཚོ་ནམ་ཡང་ཁྱེད་ཀྱི་ཉེ་ས་ན་ཡོད།་་་་
གཞིས་ཀྱི་བོད་མི་རྣམས་ཀྱི་སྙིང་སྟོབས་ནི་ཇི་འདྲི་གཏིང་ཟབ་པ་ལ་བླ་གྲྭ་རྣམས་མེད་ནས་སྐད་འབོད་ཞིག་ཡིན་ན་ཤིན་ཏུ་དགའ་བ་ལ། གྲྭ་བཙུན་རྣམས་ཀྱི་སྣ་དྲངས་པའི་སྐད་འབོད་ཞིག་ཡིན་ན་ཡང་རྒྱ་མིས་མནར་གཅོད་ནི་སྔོན་ལས་དགུ་འགྱུར་གྱི་མནར་གཅོད་ཞིག་གཏང་ནས་ཇེ་སྡུག་ཏུ་འགྲོ་རྒྱུ་ཉག་ཅིག་རེད། ད་ཅི་བྱེད་བསམ་བློ་ཞིག་མ་བཏང་ནས་གྲྭ་བཙུན་རྣམས་ཀྱི་སྐད་འབོད་མང་པོས་མི་སེར་གྱི་གྱོང་གུད་སུ་ཡིས་གསབ་ཐུབ་ཀྱི་འདུག ཤེས་ཡོན་དང་ལྡན་པས་སྐད་འབོད་ནི་མི་རིགས་དང་རིག་གཞུང་ལ་སྨན་གྱི། ཅི་དང་གང་ཐད་ནས་གྱོད་གུད་བྱུང་བ་ནི་གྱོང་གུད་ངོ་མ་ལོས་ཡིན། ཡིན་ན་ཡང་ཁྱེད་རྣམ་པའི་སྙིང་སྟོབས་ལ་གདུང་སེམས་མཉམ་བསྐྱེད་ཡོད། བདེན་པ་རྒྱལ་བར་ཤོག