༼ ཉི་མ་ནུབ་རྗེས་ཀྱི་རི་ལུང་ནག་པོ། ༽ལ་བསམ་ཚུལ་བརྗེས་རེས་སུ།
སྣང་རྒྱལ་ཤེས་དགེ།
བདེ་ཆེན་སྒྲོལ་མ་ལགས། སྐུ་ཉིད་ཀྱིས་རྩོམ་ཡིག་སྤེལ་བར་ཐུགས་རྗེ་ཆེ། ཁོ་བོས་རྩོམ་ཡིག་འདིའི་ཁ་བྱང་ལ་བསམ་འཆར་ཞིག་བཤད་ན་འདོད། ༸གོང་ས་མཆོག་བགྲེས་ཡོལ་བྱས་ནའང་ཉི་མ་ནུབ་སོང་བ་དང་གཏན་ནས་མི་འདྲ་སྟེ། བགྲེས་ཡོལ་དུ་ཕྱིན་པ་དེས་བོད་དོན་བློས་བཏང་བ་མཚོན་མི་ཐུབ་ལ་བློས་གཏོང་རྒྱུ་མིན་པའང་ཞལ་གྱིས་བཞེས་ཡོད། དེར་བརྟེན་ཉི་མ་ནུབ་པ་དང་མི་མཚུངས། ནང་དོན་གྱི་ཆ་ནས་བཀའ་ཤག་གི་དགོངས་ཚུལ་ལ་གཞི་བཅོལ་འདུག་ཅིང་། བཀའ་ཤག་གི་དགོངས་ཚུལ་དེ་ཁོ་བོས་ན་ཚོད་མ་སྨིན་པའི་གཏམ་རེད་ཟེར་ན་མི་འགྲིག་ནའང་ཐང་མོད། ཅི་བྱས་ཀྱང་ཁ་སེམས་མཐུན་པའི་གཏམ་ཞིག་གཏན་ནས་མ་རེད། དེ་ཡང་ཆབ་སྲིད་ཀྱི་དགོས་མཁོ་ཞིག་ཡིན་རྒྱུ་རེད། ༸གོང་ས་མཆོག་བགྲེས་ཡོལ་དུ་བཞུགས་ན་༼རྒྱལ་སྤྱིའི་ནང་བོད་དོན་བདེན་པའི་ཐབས་རྩོད་ཀྱི་གཟུགས་བརྙན་ཉམས་ཆག་འགྲོ་བ་དང་གཟུགས་བརྙན་གསར་བ་བསྐྲུན་པའི་ནུས་པ་ང་ཚོ་ལ་ཡོད་མེད། གལ་སྲིད། ཡོད་ན་གཟུགས་བརྙན་གསར་བ་བསྐྲུན་པར་དུས་ཚོད་ག་ཚོད་འགོར་མིན།༽ སོགས་མ་འོངས་ལུང་བསྟན་གྱི་ཚུལ་དུ་བཤད་འདུག་མོད། བཤད་སྟངས་དེས་བཀའ་ཤག་གིས་༸གོང་ས་མཆོག་གི་ཞལ་བཞེས་ལ་ཡིད་ཆེས་བྱེད་ཀྱི་མེད་པའི་ཚོར་བ་ཞིག་ཀྱང་སྐྱེ་རུ་འཇུག་གིན་འདུག་སྟེ། ༸གོང་ས་མཆོག་གིས་བོད་དོན་ཐད་རང་ཉིད་བོད་པ་ཞིག་ཡིན་པས་ཆ་ནས་མི་ཚེ་གང་བོར་འགན་འཁུར་རྒྱུ་ཡིན་ཞེས་ལན་གཅིག་མིན་ཏུ་གསུངས་ཡོད། ཡང་ཕྱོགས་གཞན་ཞིག་ནས་བཤད་ན་བྱེད་སྟངས་འདི་དག་དག་རྒྱ་ནག་ལ་དགོས་རྒྱུ་དེ་རང་ཡིན་ཞིང་དོན་དངོས་ཀྱི་ཆ་ནས་ཀྱང་ལང་ཤོར་དུ་སོང་བའི་གཞན་བརྟེན་གྱི་བསམ་བློ་བཙན་དྲགས་པས་རེད། གང་ལྟར་ང་ཚོས་ནམ་ཞིག་༸གོང་ས་མཆོག་མེད་པའི་དཀའ་ངལ་ཞིག་ལ་གདོང་ལེན་བྱེད་དགོས་ལ་གྲྭ་སྒྲིག་མེད་པའི་གདོང་ལེན་ཞིག་སུས་ཀྱང་བྱེད་མི་ཤེས་ལ་་བྱེད་མི་འདོད། དེར་བརྟེན་༸གོང་ས་མཆོག་གིས་རྒྱུན་དུ་༼ང་མེད་པ་ནང་བཞིན་བྱས་ནས་ལས་ཀ་བྱས་ཤོག་ཨ༽ཞེས་གསུང་དགོས་བྱུང་བ་རེད། དེར་བརྟེན་བཀའ་ཤག་གི་གོང་གི་དྲི་བ་དེ་དག་ད་ལྟ་༸གོང་ས་མཆོག་ཞལ་བཞུགས་དུས་ཀྱི་ཉེན་ཁ་ཞིག་མ་ཡིན་པར་གྲྭ་སྒྲིག་གང་ཡང་མེད་པར་༸གོང་ས་མཆོག་ང་ཚོ་དང་ཞལ་གྱེས་པའི་ཉིན་མོར་གཞི་ནས་འཕྲད་ངེས་པའི་དཀའ་ངལ་ཞིག་རེད།
བོད་ཀྱི་མ་འོངས་པའི་ཆབ་སྲིད་སྲ་བརྟན་ཡོང་མིན་གཙོ་བོ་ད་ལྟའི་གྲྭ་སྒྲིག་ལ་རགས་ལུས་ཤིང་། གྲྭ་སྒྲིག་གི་རྟེན་ས་གཙོ་བོ་སྦྱོང་བརྡར་ལ་རགས་ལས་པ་སྟེ། སྦྱོང་བརྡར་གྱི་ཉམས་མྱོང་ལས་འབྱུང་འགྱུར་གྱི་དཀའ་ཁག་ལ་གདོང་ལེན་བྱེད་རྒྱུའི་རྒྱུ་ཆ་མང་པོ་ཞིག་གསོག་འཇོག་བྱེད་ཐུབ། ལྗིད་ཚད་འདེགས་པའི་ལུས་སྟོབས་དང་གོམས་སྟབས་སོགས་ལ་སྦྱངས་པ་མེད་པར་གློ་བུར་དུ་ཕྲག་ཐོག་ནས་མནན་ཚེ་ཐང་ཏུ་འགྱེལ་འགྲོ་བ་བཞིན། ཉམས་མྱོང་དང་གྲྭ་སྒྲིག་མེད་པའི་དུས་སྐབས་སུ་གློ་བུར་དུ་ཆབ་སྲིད་ཀྱི་འགན་ལྕི་མོ་ཞིག་ཕྲག་ཐོག་ཏུ་ལྷུང་ན་གཞུང་འཐོར་ཞིག་ཏུ་འགྲོ་བ་ལས་གཞན་མེད། དེར་བརྟེན། འགན་ཁག་ཡོད་ཚད་༸གང་ས་མཆོག་ལ་འགེལ་བའི་ལང་ཤོར་གྱི་ལུགས་སྲོལ་འདིས། ཉི་མ་ནུབ་རིར་བཞུད་དུས་དངོས་གནས་ང་ཚོ་མུན་ནག་སྟུག་པོ་ཞིག་གི་ནང་དུ་འཕེན་ངེས་རེད། ད་ལྟ་༸གོང་ས་མཆོག་སྐུ་འཚོ་གཞེས་ཀྱི་གནས་སྐབས་སུ་ང་ཚོ་ལ་དངོས་སྦྱོང་བྱེད་རྒྱུའི་གོ་སྐབས་ཡོད་ཅིང་། དངོས་སྦྱོང་ལ་ལམ་ལྷུང་མ་བྱུང་ནའང་ལག་པ་རྟེན་ས་ཞིག་དང་མིག་གིས་བལྟ་ས་ཞིག་ཡོད་པ་རེད། འགྱེལ་ནས་ལང་པ་དང་ལང་ནས་འགྱེལ་བའི་བརྒྱུད་རིམ་གྱི་ཁྲོད་ནས་ང་ཚོས་གཞན་ལ་བརྟེན་མི་དགོས་པར་རང་ཚུགས་ཀྱི་གོམས་པ་སྤོ་སྟངས་ཤིག་སྦྱོང་དགོས།དེ་ལས་ལྡོག་སྟེ། ཕྲུ་གུ་ཞིག་གིས་ང་ཆུང་ངུའི་སྐབས་ནས་ཁྱེད་ཀྱིས་སྐྱོར་ནས་ཡོང་་བ་ཡིན་པས་ཁྱོད་ཀྱིས་ངའི་ལག་པ་གཏོང་མི་རུང་ཞེས་ནམ་ཡང་ཕ་མ་ཁོ་ནར་བརྟེན་ནས་རང་གིས་གོམ་པ་རྒྱག་སྟངས་མ་སྦྱང་ན་ག་ལ་འགྲིག དེ་ལྟར་བསྡད་ན། ནམ་ཉི་མ་ཞིག་ལ་ཕ་མ་གཉིས་རང་ཉིད་དང་འབྲལ་ངེས་ཡིན་ཞིང་། བྲལ་བའི་ཉིན་མོ་ཁྱོད་རང་ཡར་ལང་མི་ཐུབ་མཁན་ཞིག་དང་ལག་པ་རྟེན་ས་མེད་པ་ཞིག་ཏུ་འགྱུར་ངེས་རེད།
༸གོང་ས་མཆོག་གི་བགྲེས་ཡོལ་གྱི་གནད་དོན་འདིའི་ཐད་ནས་འཛིན་སྐྱོང་བཀའ་ཤག་༸གོང་ས་མཆོག་གི་རྒྱབ་ཏུ་ཀ་ལང་ལང་བྱས་འདུག་གམ། དུས་ནམ་ཡང་ཟེར་བ་དེའི་ནང་དུ་འདིའང་ཚུད་མི་འདུག་གམ། ཅིག་བྱས་ན་སྐུ་ཉིད་བཀའ་ཤག་ལ་དད་པ་ཆེ་དྲགས་པས་ཡིན་ནའང་ཐང་། དེ་ལྟར་ཡིན་ན་ཁྱོད་ལའང་ཁག་མེད་དེ་དད་པའི་ངོར་འགལ་འདུ་ཐམས་ཅད་འགལ་མེད་དུ་འཆར་ཆོག་པས་སོ། འོན་ཀྱང་ཁོ་བོས་ཆབ་སྲིད་ཀྱི་ཚོགས་སྡེ་ཁག་ལ་དག་སྣང་དང་དད་པའི་ངོས་ནས་བལྟ་མི་ཤེས། ཨ་ལ་ཀུ་རེ་ཡིན། བསམ་ཚུལ་གསུངས་པར་དགའ་བྱུང་། ཐུགས་རྗེ་ཆེ།
མཁྱེན་ལྡན་མ་བདེ་ཆེན་སྒྲོལ་མ་ལགས། ཕྲན་གྱིས་གོང་དུ་བཤད་པ་དེ་དག་སྣང་མེད་ཀྱིས་བཤད་པ་མིན་ལ་བཤད་ཀྱང་མི་སྤོབས། ༸གོང་ས་མཆོག་གི་རྒྱབ་ཏུ་བཀའ་ཤག་དུས་ནམ་ཡང་ཀ་ལང་ལང་རེད་ཟེར་བ་དེར་ཁོ་བོས་རྩོམ་ཡིག་འདིའི་ནང་དུའང་མངོན་གསལ་ཆེ་བའི་ཤུགས་བསྟན་གྱི་དགག་པ་བརྒྱབ་ཡོད། དེ་ཡང་ཡིན་ཏེ། ༸གོང་ས་མཆོག་གིས་རང་ཉིད་བགྲེས་ཡོལ་དུ་བཞུགས་རྒྱུར་དུས་ཚོད་དང་འཕྲལ་ཕུགས་མང་པོའི་ཐོག་ནས་དགེ་མཚན་ཆེན་པོ་ཡོད་པའི་ཚུལ་ལོ་རྒྱུས་དང་རྒྱུ་མཚན་མང་པོ་བགྲང་སྟེ་བཀའ་གནང་ཡོད་ཀྱང་། དེར་བཀའ་ཤག་གི་ངོས་ནས་བགྲེས་ཡོལ་དུ་བཞུགས་ན་སྐྱོན་འདི་དང་འདིའོ་ཞེས་ཞུ་ཡིག་ཕུལ་བ་རེད། ༸གོང་ས་མཆོག་གི་བཀའ་གསུང་མ་གོ་བར་ཞུ་ཡིག་ཕུལ་བ་རེད་དམ་གོ་ནའང་འདོད་མོས་མ་བྱུང་བར་ཕུལ་བ་རེད། ༸གོང་ས་མཆོག་གི་ཕུགས་རྒྱང་རིང་པོའི་དམིགས་འདུན་དང་དགོངས་གཞིའི་གལ་ཆེན་རང་བཞིན་སོགས་བཀའ་ཤག་གིས་གསལ་གསལ་ཐིང་ཐིང་དུ་ཧ་གོ་ནའང་་ཨུ་ཚུགས་མཐའ་སྐྱེལ་གྱིས་ཞུ་ཡིག་ཕུལ་བ་རེད། དེར་བརྟེན་ཕྲན་གྱིས་དེ་ཁ་སེམས་མི་མཐུན་པའི་སྐད་ཆ་རེད་ཅེས་བཤད་པ་ལགས།
བཀུར་འོས་དགེ་བཤེས་ཤེས་དགེ་ལགས།
སྐུ་ཉིད་ནས་རང་གི་ལས་བྲེལ་སོགས་ཀྱི་ཚེགས་ལ་མ་འཛེམ་པར་ཕྲན་པའི་བསམ་ཚུལ་ལ་ལན་སྤྲད་གནང་བར་ཐུགས་རྗེ་ཆེ་ཞུ། བསམ་ཚུལ་མཐུན་དང་མི་མཐུན་ཟེར་བ་ནི་ཕྱོགས་ངོས་གཞན་ཞིག་རེད་ལ། ཕན་ཚུན་ལ་བསམ་ཚུལ་བརྗེ་རེས་བྱེད་པ་ནི་ཆེས་ཧ་ཅང་དགའ་བར་འོས་པའི་དོན་དག་རྩ་ཆེན་ཞིག་ཅི་ལ་མིན། ཕྲན་པས་སྐུ་ཉིད་ཀྱི་དགོངས་ཚུལ་ལ་རྗེས་སུ་ཡིད་རང་དང་བཀའ་དྲིན་ཆེ་ཞུ་བཞིན་ཡོད།
གཞན། སྐུ་ཉིད་ཀྱིས་བཀའ་ཤག་གི་དགོངས་ཚུལ་དེ་ཁོ་བོས་ན་ཚོད་མ་སྨིན་པའི་གཏམ་རེད་ཟེར་ན་མི་འགྲིག་ནའང་ཐང་མོད། ཅི་བྱས་ཀྱང་ཁ་སེམས་མཐུན་པའི་གཏམ་ཞིག་གཏན་ནས་མ་རེད་སོགས་བཀོད་འདུག་པ་ནི་ཅུང་ཐལ་དྲགས་པར་མཐོང་སོང་བས། མ་འོངས་པར་བསམ་གཞིག་ནན་ཏུར་མེད་ཚེ་དེ་དོན་སྣང་མེད་ལྟ་བུའི་མི་གླེང་བར་ཞུ།
འཛིན་སྐྱོང་བཀའ་ཤག་གི་ངོས་ནས་བཤད་ན། དུས་ནམ་ཡང་༧གོང་ས་མཆོག་གི་རྗེས་སུ་ཀ་ལང་ལང་ཡིན་པ་ནམ་དུས་རྒྱུན་གྱི་ལས་ལ་དབྱེ་ཞིབ་ཅུང་ཟད་བྱས་ན་ཤེས་སླ་བར་ཡང་འདོད་དོ།། དུས་བྲེལ་གྱི་དབང་གིས་དེ་རིང་འདི་ཙམ་ཡིན།
འབའ་སྲས་ལགས་ཀྱིས་གསུང་པར་རྒྱུ་མཚན་ཕྲན་བུ་འདུག ཡིན་ན་ཡང་། མི་མང་འདི་ལྟར་ཕྱོགས་གཅིག་ལ་གཙང་ཆེན་བཞིན་ཡོ་བའི་ཁ་སྔོན་ལ། ཐད་ཀར་ལངས་ཕོད་མཁན་དཀོན་པོ་རེད་ལ། གལ་སྲིད་ལངས་བའི་དབང་དུ་བཏང་ཡང་། དེ་ལ་ང་ཚོས་དོ་སྣང་སྤྲད་ཐུབ་བམ། གོ་བ་ལོན་ཐུབ་བམ། དེའི་ཕྱིར། བསམ་ཚུལ་འདི་རིགས་སྔོན་ནས་བཤད་མཁན་མེད་པ་ཡིན་ནམ། ཡང་ན་ང་ཚོའི་དོ་སྣང་གི་མ་འདང་བ་ཡིན་བལྟ་རྒྱུ་ཡོད་པ་རེད་སྙམ་མོ།།
༧གོང་ས་ཆོག་གི་ཞེས་པར་མཆོག་གིས་ཞེས་དག་བཅོས་བྱེད་རོགས།
མི་མང་ལ་ཁ་མང་གི། ཁ་རེ་རེ་ནང་ནས་རྒྱུ་མཚན་རེ་བཤད་ཡོང་གི་འདུག ངོ་མ་བཤད་ན་རྒྱུ་མཚན་ལྡན་པའི་སྐད་ཆ་འདི་རིགས་ལོ་གཅིག་གཉིས་ཤིག་གི་གོང་ནས་བཤད་ཡོད་ན་རིན་ཐང་ལྡན། ༧གོང་ས་ཆོག་གི་ཐག་བཅད་གནང་པའི་རྗེས་དེ་ཡིན་པའི་ཡིན་རབས་བཤད་ན་དེ་ཙམ་ཞིག་རེད། ༧གལ་སྲིད་༧ གོང་ས་མཆོག་གིས་ངའི་སྐུ་ཚེ་མཐའ་བར་དུ་བོད་ཀྱི་ཆོས་སྲིད་གཉིས་འགན་འཁུར་གི་ཡིན། འདི་ངའི་ལས་འགན་རེད། འགན་མ་འཁུར་ན་འགྲིག་གི་མ་རེད། ལོ་རྒྱུས་ཆ་ནས། གནས་སྟངས་ཀྱི་ཆ་གང་ལ་བལྟས་ཀྱང་ངས་འགན་འདི་མ་འཁུར་ན་འགྲིག་གི་མི་འདུག་ཅེས་གསུངས་ན། ཡང་ཚང་མས་དེ་ཡིན་པའི་ཡིན་ལུགས་བརྒྱ་ཡི་སྒང་ལ་སྟོང་འབྲི་རྒྱུ་རེད། འདི་ཐག་ཚང་མ་རང་ཉིད་ཀྱི་སེམས་ཁོང་གི་སྐད་ཆ་མིན་པར། བལྟས་འཇོག་གི་སྐད་ཆ་རྐྱང་རེད། དེ་ཙམ་ཡིན།
ཐུགས་རྗེ་ཆེ་ཞུ་ཡག་པོ་ཞི་གྲགས་འདུག་ཡང་ཡང་བྲིས་རོག་གནང་ཞུ
ཁྱེད་ཀྱི་གསུང་བ་དེ་༧གོང་ས་མཆོག་གི་དགོངས་གཞི་དང་མཐུན་གི
ཧ་ལས་པའི་ཡག་པོ་ཞིག་བྲིས་འདུག་ཐུགས་རྗེ་ཆེ། ཕ་བཟང་བུ་འགོ་ཚོས་འདུག་དེ་འདྲ་ཞིག་རེད་འདུག་མུ་མཐུད་དུ་འབྲིས་དང་རྒྱབ་སྐྱོར་ཡོད།
འདི་ལྟར་བསམ་ཚུལ་བརྗོད་ན་དངོས་གནས་ཡག་པོ་འདུག་ཡ། ཁ་ཤས་ཞིག་ནས་ཁྱོལ་མེད་པའི་སྐད་ཆ་རྐྱང་རྐྱང་བཤད་ཀྱི་འདུག ད་ང་རང་ཚོས་ཕྱོགས་གང་ཐད་ནས་འགན་རང་འཁུར་བྱེད་དགོས། ཆུང་ས་རང་ཉིད་ནས་འགོ་འཛུགས་དགོས་རང་ལ་སྦྱིན་བདག་ཡོད་ན་དེ་ཡང་དེ་རིང་ནས་མཚམས་འཇོག་དགོས། དཀའ་ངལ་ག་ཚོད་ཕྲལ་ཀྱང་གདོང་ལེན་གནང་དགོས་སྙམ།
དོན་དངོས་ཀྱི་མྱི་སྐད་རེ་བྱེད་རྒྱུ་གལ་རེད།
སྐབས་དོན་བོར་ཅིང་།སྤྱི་པའི་མདུན་ལྗོངས་ལ་འགན་ཁུར་མེད་པའི་སྐད་ཆ་དེ་རིག་ལ་།རྒྱབ་ལྗོངས་ངེས་ཅན་རེ་ཡོད་ངེས་པས་ར་འཕྲོད་མིན་ཇི་ལྟར་ཡང་།གསལ་བཤད་ཡག་པོ་འདི་འདྲ་གནང་བར་མཐའ་གཅིག་ཏུ་རྒྱབ་སྐྱོར་ཡོད་།
དེ་ག་རང་ཡིན། རྣམ་དཔྱོད་རྒྱལ་ལོ།
༧གོང་ས་མཆོག་གིས་འདི་ལྟར་ཕུགས་རྒྱང་གི་གནས་ལུགས་གཟིགས་པའི་བགྲེས་ཡོལ་མི་བཞེས་པར་གློ་བུར་དགོངས་པ་ཞི་དབྱིངས་སུ་གཤེགས་ན་དངོས་གནས་བློ་ཡུལ་དུ་མི་གཤོངས་བའི་དཀའ་ངལ་ཞིག་འཕྲད་ངེས་ལ། སྐབས་དེར་མང་པོ་ཞིག་གིས་སྲིད་དབང་གཅིག་བསྡུས་གནང་བའི་ལེ་ཁག་ཀྱང་མི་འགེལ་བའི་ངེས་པ་མེད། དེར་བརྟེན་རང་འགན་རང་གིས་འཁྱེར་བའི་དུས་ལ་བབས་ཡོད་ལ་གཡས་ཁག་གཡོན་དཀྲིས་བྱེད་པའི་དུས་ཀྱང་མིན་པས་རྕོམ་ཡིག་འདིར་མཐའ་གཅིག་ཏུ་རྒྱབ་སྐྱོར་ཡོད།
སྣང་རྒྱལ་ཤེས་དགེ་ལགས་ཀྱི་དོན་དངོས་དང་འབྲེལ་བའི་བཀའ་མོལ་གསུང་འདུག་རྒྱབ་སྐྱོར་དང་ཐུགས་རྗེ་ཆེ་ཞུ་རྒྱུ་ཡིན།
ཡག་པོ་བྲིས་འདུག་དངོས་ནས་རེད། བཀའ་ཤག་ལ་མངོན་གསལ་མེད་པའི་སྐད་ཆ་མང་པོ་རེད།
ཐེར་འདོན་བྱེད་རྒྱུ་གལ་ཆེན་རེད། མང་་གཙོ་རེད།