རྒྱ་ནག་གིས་འབར་མ་དྲག་པོའི་གཞུང་དང་འབྲེལ་ལམ་ཡར་རྒྱས་སུ་གཏོང་བཞིན་ཡོད་པ་ལྟར། ཟླ་འདིའི་ཕྱི་ཚེས་ ༢ ཉིན་རྒྱ་ནག་གི་སྲིད་བློན་གཞོན་པ་ཅཱ་ཆིན་ལིན་འབར་མའི་ནང་གཞུང་འབྲེལ་སྐོར་སྐྱོད་བྱེད་བཞིན་ཡོད་པ་དང་། འབར་མའི་རྒྱལ་སྤྱིའི་གནམ་ཐང་དུ་འབྱོར་མ་ཐག་ཡིག་ཐོག་གི་གསལ་བསྒྲགས་ཤིག་སྤེལ་བའི་ནང་། འབར་མ་དང་ཀྲུང་གོ་ནི་སྙིང་ཉེ་བའི་ཁྱིམ་མཚེས་ཡག་ཤོས་དེ་ཡིན་ཞིང་། ལོ་འདི་འགར་རྒྱལ་ཁབ་གཉིས་བར་མཛའ་འབྲེལ་ཇེ་ཟབ་དང་། ཆབ་སྲིད་དང་དཔལ་འབྱོར། རིག་གནས་སོགས་བརྗེ་རེས་བྱས་པ་དེས། ཕྱོགས་གཉིས་ཀྱི་སྲིད་གཞུང་དང་མི་དམངས་ལ་ཁེ་ཕན་ཆེན་པོ་ཐོབ་ཡོད། ཅེས་བརྗོད་འདུག
ཕྱི་ཚེས་ ༤ ཉིན་འབར་མའི་གྲོས་ཚོགས་ཀྱི་མཁོ་འཁྲིད་རིམ་པར་ཐུག་འཕྲད་བྱས་ཏེ། འབར་མ་གཞུང་གི་ཆབ་སྲིད་ལངས་ཕྱོགས་ལ་ཀྲུང་གོས་རྒྱབ་སྐྱོར་བྱ་རྒྱུ་ཡིན་ལ། རྒྱལ་སྤྱིའི་སྟེང་ནས་ཀྱང་འབར་མའི་ཁྲིམས་མཐུན་ཁེ་དབང་ལ་སྲུང་སྐྱོབ་བྱ་དགོས་ཞེས་སོགས་བརྗོད་ཅིང་། ཕྱོགས་གཉིས་བར་གྲོས་གཞི་དོན་འགའ་བཏོན་ཡོད་པའི་ནང་། དང་པོ། ཕྱོགས་གཉིས་ཀྱི་མཐོ་རིམ་དཔོན་རིགས་ཀྱི་འགྲོ་འོང་བརྒྱུད་དེ་ཆབ་སྲིད་ཀྱི་གནས་བབ་ཇེ་བརྟན་དུ་གཏོང་རྒྱུ་དང་། གཉིས་པ། རྒྱལ་ཁབ་བཅོས་བསྒྱུར་དང་དཔལ་འབྱོར་འཕེལ་རྒྱས་ཐད་བསམ་ཚུལ་བརྗེ་ལེན་བྱ་རྒྱུ། གསུམ་པ། རྒྱལ་ཁབ་གཉིས་ཀྱིས་མཉམ་འབྲེལ་ཐོག་ནུས་ཁུངས་སོགས་ཀྱི་ཐོན་ལས་རྒྱ་བསྐྱེད་གཏོང་རྒྱུ། བཞི་བ། ཏིང་གཉིས་བར་གྱི་ལས་དོན་དང་མཛའ་འབྲེལ་ཡར་རྒྱས་གཏོང་རྒྱ། ལྔ་པ། རྒྱལ་སྤྱི་དང་འབྲེལ་བའི་ལས་དོན་རིགས་ལ་ཕན་ཚུན་རོགས་འདེགས་མཉམ་ལས་བྱ་རྒྱུ་བཅས་སོགས་བཀོད་འདུག
འབར་མ་དང་རྒྱ་ནག་གཉིས་ཁྱི་རྐུན་འོ་ཟང་ཁ་ནས་མཐུན་ཁུ་འདུག་ལ།
རྒྱ་ནག་གི་མགོ་བདེ་བྱས་ནས་བསམ་དོན་ཞིག་འགྲུབ་ཁུ་ཡོད་ས་རེད།
དོན་ཚན་མང་བོ་ཞིག་རྩིས་འདུག་ཨ།