རང་དབང་གི་ཚོར་བ་འདིའི་འོག་ན། ནམ་ཡང་རྒས་རྒྱུ་མེད་པའི་འཛུམ་ཞིག་དཀྱིལ་ཡོད། དེ་ནི་ཁྱོད་ཉིད་ཁོ་ནའི་ཆེད་དུ་ཡིན་པ་རེད། ལོ་ངོ་དུ་མའི་རྗེས་ཀྱི་དེ་རིང་ཡང་། འཛུམ་མདངས་དེ་གཏན་ནས་རྒས་མི་འདུག རེད་དེ། ཁྱོད་རང་དེ་རིང་གང་དུ་ཡོད། ང་གླེང་གི་ཡོད་དམ། ང་དྲན་གྱི་ཡོད་དམ། ངས་ཕྱོགས་ལ་བལྟ་བཞིན་ཡོད་དམ། ང་སྒུག་ཡོད་དམ། ཡང་ན་བརྗེད་སོང་ངམ།
གང་ལྟར། འདི་འདྲའི་རྒས་རྒྱུ་མེད་པའི་འཛུམ་མདངས་འདི། རང་དབང་གི་དགའ་དུས་སྡུག་དུས་ཚང་མར་གནས་ཡོད། དེ་ནི་ཁྱོད་ཉིད་གཅིག་བུར་དབང་བའི་ངས་ཁྱེད་ལ་བཅིངས་པའི་འཛུམ་རེད། འཛུམ་འདི་ནི་ལས་དང་འབྲེལ་ཡོད་དམ། ཁྱེད་དང་འབྲེལ་ཡོད། ཡང་ན། ངའི་ཞེན་ཆགས་དང་འབྲེལ་ཡོད་དམ། གང་ཤེས། ལན་གསལ་བོ་ཞིག་དུས་དེ་རིང་དེ། ལོ་ངོ་བཅུ་ཕྲག་གཅིག་ལྷག་རྗེས་སུ་ཡང་རྙེད་མ་སོང་།
དོན་དངོས་སུ་ངས་ཁྱེད་རང་ལ་བཅིངས་པའི་འཛུམ་མདངས་འདི་རྒས་ཀྱང་འགྲིག་མོད། རྒས་པ་ཕར་ཞོག ད་དུང་། གཞོན་ཉམས་ལྡན་པའི་སྒང་ལ་སྟོབས་ཤུགས་ཀྱང་རྒྱས་འདུག རྒྱས་སྟངས་དེ་ཡང་རླངས་འཁོར་གྱི་ནང་། སྲང་ལམ། གོམ་ཁ་ལེན་པའི་སྔ་གཞུག ཟ་འཐུང་གི་བར། གླེང་མོལ་གྱི་ཁྲོད། མི་ཚོགས་ཀྱི་གསེང་། ཁྱོད་རང་དོན་ངོ་མ་དེ་རིང་གང་དུ་ཡོད་དམ། བདེ་མོ་ཡིན་ནམ། འུ་གཉིས་ནམ་ཞིག་ངའི་རྒས་རྒྱུ་མེད་པའི་འཛུམ་དམངས་དེ། ཁྱོད་ཉིད་ཁོ་ན་ལ་དབང་བའི་འཛུམ་མདངས་འདི་ཁྱོད་ལ་སྟོན་པའི་གོ་སྐབས་ཤིག་ཡོད་སྲིད་དམ། དེ་ཡང་གང་ཤེས། འཆི་བདག་འདི་དབང་བཙན་ལ། ལས་དབང་འདི་མི་ཤེས། ད་དུང་། རང་དབང་མེད་པའི་མི་ཚེ་འདི་འདྲ་ཞིག་གི་ཁྲོད། གང་ལྟར། ངའི་འཛུམ་མདངས་དེ། རྒས་མེད་པའི་འཛུམ་མདངས་ཁྱོད་ལ་ཤོར་ཡོད་ལ། དེ་རིང་ཡང་རྒས་མེད་པར་ཡོད།
མཐའ་མཇུག་དེར། ངས་ཁྱོད་ལ་བདེ་ཐང་ཡོང་བར་སྨོན་ལམ་འདེབས།
བསྟན་འཛིན་ཚེ་འཚོ་ལགས། ཉིད་ནས་ཁ་བརྡ་བྱས་པ་དེར་སྙིང་ནས་གུས་མདུད་ཞུ། མི་ཞིག་གི་གནམ་འོག་ན། མི་ཞིག་གི་གཟུགས་རིས་ཤིག་ནམ་ཡང་ཡལ་རྒྱུ་མེད་པ་འདི་ནི་གཅིག་བྱས་ན། བོད་ཀྱི་བཤད་སྲོལ་ལ། སྔོན་ལས་ཡིན་རྒྱུ་རེད། གཅིག་བྱས་ན་ལན་ཆགས་ཡིན་ངེས་རེད། གང་ལྟར། རེད་རེད། འདི་ལྟར་འགྲོ་བཞིན་པའི་འཚོ་བ་ཞིག་གི་ཁྲོད་ཀྱི་ང་ལ་སེམས་གསོ་གནང་བ་དེར་བཀའ་དྲིན་ཆེ་ལགས།
བོན་རྒྱ་ལགས། དུས་དེང་སང་ལན་རེ་འཁོར་འཁོར་ནོ།།
སེམས་བསམ་པའི་གཏིང་ནས་དགའ་ནི་ཡིན།།
ཞ་ཞོར་ལ་ཁ་བརྡ་བྱས་པ་དེར།།
ས་ཐག་རིང་ཞིག་ནས་སེམས་ལ་འཛིན།།
གྲོགས་བོད། ཤ་ཁྲག་རུས་གསུམ་ལགས། རྒས་མེད་ཀྱི་འཛུམ་དེ་ད་ལྟ་བསྒྱུར་རན་རེད། རྒས་གཉེར་གྱིས་ཁྱེད་ལ་འཁང་ར་གཏོང་བཞིན་འདུག ངོ་མ་ཇི་འདྲའི་བརྩེ་སེམས་འགྱུར་མེད་གཅིག ཇི་འདྲའི་དུངས་བ་གླེན་པ་ཞིག ཁྱོད་ལ་དེ་འདྲའི་སྡུག་ལ་གཏད་དོན་ཅི་ཡིན།
ཁག་མེད་ཀི་ཤ་ཁྲག་རུས་གསུམ། །
ཤ་རུས་པའི་གཏིང་ནས་དགའ་དུས། །
སེམས་སྡུག་ག་ཁ་ལ་ཡུག་རེད། །
ཞེ་སྡུག་ག་སྐྱེ་བ་གཅིག་རེད། །