༧གོང་ས་མཆོག་ཁ་སང་ཕྱི་ཚེས་ ༢༨ ཉིན་ཉི་ཧོང་གི་རྒྱལ་ས་ཊོཀ་ཡའོ་གནམ་ཐང་དུ་བདེ་བར་ཞབས་སོར་བཀོད་དེ། ཉི་ཧོང་བ་དད་ལྡན་སྟོང་ཕྲག་མང་པོས་ཕེབས་བསུའི་དབུས་གྲོང་ཁྱེར་དེའི་གྷོ་ཁོ་ཁུ་ཇཱེ་ནང་པའི་ལྷ་ཁང་ཞིག་ཏུ་ཆིབས་བསྒྱུར་བསྐྱངས་ཡོད་འདུག ༧གོང་ས་མཆོག་གིས་ལྷ་ཁང་དེའི་ནང་གི་སྐུ་རྟེན་རྣམས་ལ་རབ་གནས་མཆོད་འབུལ་དང་འབྲེལ་ཏེ། དེ་གའི་ནང་པའི་དགེ་འདུན་པ་རྣམས་དང་ལྷན་དུ་ཉེ་ཆར་ཉི་ཧོང་ནང་ས་འགུལ་མཚོ་འཁྱོམ་དང་། ཉིང་རྡུལ་བཟོ་སྐྲུན་ས་ཚིགས་ཆག་སྐྱོན་ཤོར་བ་སོགས་གོད་ཆག་བསྟུད་མུར་བྱུང་བའི་ཁྲོད་ཀྱི་འདས་སོན་ཡོངས་ལ་བསྔོ་སྨོན་གསོལ་འདེབས་མཛད་ཡོད།
༧གོང་ས་མཆོག་གིས་ཆོས་ཕྱོགས་ཀྱི་བྱེད་སྒོ་གྲུབ་རྗེས་ཉི་ཧོང་གཙོས་པའི་རྒྱལ་ཁབ་འདྲ་མིན་གྱི་གསར་འགོད་པ་དག་གི་དྲི་བར་ལན་འདེབས་གནང་ཡོད། སྐབས་དེར་༧གོང་ས་མཆོག་གིས་ངོས་རང་ཐེངས་འདིར་ཉི་ཧོང་དུ་ཡོང་སྟེ་ཉེ་ཆར་གྱི་གོད་ཆག་ཁྲོད་འདས་གྲོངས་སུ་སོང་བ་དག་ལ་བསྔོ་སྨོན་དང་། ཤུལ་དུ་སེམས་སྡུག་དང་དཀའ་ངལ་གྱི་འོག་ཏུ་གནས་ཡོད་པ་དག་ལ་གདོང་སེམས་མཉམ་སྐྱེད་ཀྱིས་སྐད་ཆ་འགའ་རེ་བཤད་རྒྱུ་བྱུང་བར་དགའ་བོ་བྱུང་། ཉི་ཧོང་བ་རྣམས་ཀྱིས་འཛམ་གླིང་དམག་ཆེན་གཉིས་པ་སོགས་གོད་ཆག་སྔ་ཕྱིར་གདོང་ལེན་བྱས་ཏེ་ཉམས་མྱོང་ཆེན་པོ་བསགས་ཡོད་སྟབས། ཚང་མས་བློ་སྟོབས་ཆེན་པོས་འདས་ཟིན་པ་རྣམས་བརྗེད་དུ་བཅུག་སྟེ་མ་འོངས་པར་བསམ་བློ་བཏང་སྟེ་སེམས་ཤུགས་བསྐྱེད་རྒྱུ་གལ་ཆེན་པོ་རེད། ཅེས་གསུངས་འདུག
ཡང་གསར་འགོད་པ་ཞིག་གིས་ད་ལྟའི་བོད་ནང་གི་གནས་སྟངས་དང་། ༧གོང་ས་ཏཱ་ལའི་བླ་མའི་ཡང་སྲིད་ཕེབས་ཕྱོགས་སྐོར་ལ་བཀའ་འདྲི་ཞུས་པའི་ལན་དུ་༧གོང་ས་མཆོག་གིས། ད་ལྟའི་ཆར་བོད་ནང་གི་གནས་བབ་ཧ་ཅང་ཛ་དྲག་ཆགས་ཡོད། ནང་ཆོས་གཙོས་པའི་བོད་པའི་སྐད་ཡིག་རིག་གཞུང་རྩ་མེད་འགྲོ་རྒྱུའི་ཉེན་ཁར་ཐུག་ཡོད་ལ། དེ་བཞིན་ཁོར་ཡུག་ལའང་རྒྱ་གཞུང་གིས་གཏོར་སྐྱོན་ཚབས་ཆེན་གཏོང་གི་ཡོད་སྟབས། གསར་འགོད་པ་ཚོ་ངེས་པར་དུ་བོད་ནང་བསྐྱོད་དེ་དངོས་ཡོད་གནས་ཚུལ་ལ་རྒྱུས་ལོན་བྱ་རྒྱུ་གལ་ཆེན་པོ་རེད། ཅེས་སོགས་གསུངས་འདུག
ཐེངས་འདིར་༧གོང་ས་མཆོག་ཉི་ཧོང་ནང་ཕྱི་ཚེས་ ༢༨ ནས་ ༢༩ བར་ཆོས་ཕྱོགས་ཀྱི་མཛད་འཕྲིན་ཡོངས་སུ་གྲུབ་རྗེས། ཕྱི་ཚེས་ ༣༠ ཉིན་མཁའ་ལམ་བརྒྱུད་ཨ་རིར་ཞབས་སོར་འཁོད་འཆར་ཡོད་འདུག
རྒྱལ་བསྟན་འཇིག་རྟེན་འདི་ནས་ཡལ་གྱིས་དོགས་པའི་སྨྲེ་སྔགས་གཉིས་པ།
༼༧གོང་ས་མཆོག་གིས། སྔར་མཁན་སློབ་ཆོས་གསུམ་གདན་འཛོམ་པའི་སྐབས་ནས་གོས་དཀར་ལྕང་ལོའི་སྡེ་དང་། རབ་བྱུང་ངུར་སྨྲིག་གི་སྡེ། ཞེས་སྡེ་གཉིས་གསུངས་ཡོད། ནང་མི་བུ་ཕྲུག་ཡོད་ན་གོས་དཀར་ལྕང་ལོའི་སྡེ་བྱས་ནས་ཡག་ཤོས་རེད། གལ་སྲིད་རབ་བྱུང་ངུར་སྨྲིག་གི་སྡེ་བྱས་ནས་འདུག་འདོད་ན། སྒྲིག་ཁྲིམས་ཡག་པོ་སྲུང་དགོས་པ་རེད།༽
དེ་རིང་འདི་ནས་བརྩིས་པའི་ལོ་གཅིག་གི་དུས་ཡུན་ནང་ཁྱེད་ཅག་སྦས་པའི་བརྟུལ་ཞུགས་དེ་ཚོས་རང་སྐྱོན་ངོས་ལེན་ཐོགས་ནས་རབ་བྱུང་གི་ཡོ་བྱད་མ་དོར་བ་ཡིན་ན། ང་ཚོས་ངེས་པར་དུ་རྒྱལ་སྤྱིའི་ཐོག་ཁྱེད་ཚོའི་མཚན་ཐོ་རེ་རེ་ནས་བཀྲམ་རྒྱུ་ཡིན། བོད་ཀྱི་ཆོས་བརྒྱུད་ཆེན་པོ་བཞི་གཡང་དྲུང་བོན་པའི་བཅས་པའི་བསྟན་པའི་སྒོར་ཞུགས་ཚང་མས་གསན་པར་ཞུ།
འཇིག་རྟེན་པའི་དཔེ་ལ། སྟག་པག་དེ་མགོ་ནས་མཉེ་དགོས་ཞེས་བཤད་པ་བཞིན་ང་ཚོས་ཀྱང་དང་པོ། རྙིང་མའི་མ་དགོན་དྲུག་སྟེ་སྨིན་གླིང་། རྡོ་བྲག རྫོགས་ཆེན། ཞེ་ཆེན། ཀཿཐོག དཔལ་ཡུལ། བཀའ་བརྒྱུད་ལ་ཀརྨ། ཤངས་པ། འབྲི་གུང་། འབྲུག་པ། སྟག་ལུང་། ཟུར་མང་དང་། ས་སྐྱ་ལ་ས་ངུར་གཉིས་དང་། དགེ་ལྡན་ལ་སེ་འབྲས་དགེ་གསུམ། བོན་པོ་སོགས་ཀྱི་མཁན་སྤྲུལ་ཆེ་ས་ནས་ཞིབ་འཇུག་གྱིས་གྲུབ་འབྲས་བཏོན་རྒྱུ་དང་། དེ་ནས་རིམ་གྱིས་འབྲིང་གྲས་དང་། ཆུང་བ་དག་ལ་དང་། གལ་སྲིད་ཁྱེད་རང་ཐོབ་མངའ་ཐང་ལྷ་དང་མཉམ་ཡང་། རྒྱུ་དཔལ་འབྱོར་ཀླུ་དང་མཉམ་ཡང་། འཛམ་གླིང་ཤར་ནུབ་གང་དུ་གནས་ཀྱང་ངེས་པར་ཞིབ་འཇུག་ར་བ་འདི་ལས་འདའ་མི་སྲིད།
ཁྱེད་ཅག་རང་རང་སོ་སོའི་དགོན་པའི་ལས་འགན་དང་བསྟན་པའི་འཁྲི་འཛིན་གང་ཡིན་ཡང་ང་ཚོ་ལ་ཐེ་དོགས་བྱ་རྒྱུའི་དབང་ཆ་མེད་ཀྱང་། ཁྱེད་རང་ཚོ་རབ་བྱུང་དང་སྔགས་པ་ཡིན་མིན་གཉིས་ལ་ཐག་ངེས་པར་དུ་གཅོད་ཐུབ་པ་བྱེད་ངེས་ཡིན། གང་ཡིན་ཞེ་ན་ངས་སྔར་ནས་༧གོང་ས་མཆོག་གཙོ་བོར་གྱུར་བའི་རྒྱལ་སྤྱིའི་ནང་པའི་གཙོ་འཛིན་དག་ལ་སྙན་ཞུ་ཕུལ་ཡང་མཚོ་ནང་དུ་རྡོ་གཡུག་པ་དང་གཅིག་མཚུངས་རེད་ཞག གང་ཡང་གོ་རྒྱུ་མི་འདུག་སྟེ་ང་ཚོའི་ལས་འགུལ་མུ་མཐུད་ནས་སྤེལ་རྒྱུ་ཡིན།
དེང་སང་སྐྲ་རིང་པོ་བཞག་བཞིན་མཁན་པོའི་ཞྭ་མོ་དང་ཆོས་གོས་སེར་པོ་གོན་བསྡད་མཁན་མང་པོ་ཞིག་མཐོང་རྒྱུ་འདུག དེ་ཚོ་ལ་ཡང་རིམ་པས་ཞིབ་འཇུག་ཅིག་བྱ་དགོས་པར་སེམས།
ད་དུང་དཔལ་འབྱོར་ལ་བརྟེན་ནས་བླ་མའི་མིང་དང་སྤྲུལ་སྐུའི་མིང་། ཆོས་ཀྱི་རྒྱལ་པོའི་མིང་ཁུར་བསྡད་མཁན་མང་པོ་ཞིག་དེ་ཚོ་ལ་ངེས་པར་གནས་ཚུལ་རྒྱུས་ལོན་གྱིས་ཞིབ་འཇུག་བྱ་རྒྱུའི་གཏན་འཁེལ་བྱས་ཡོད། གནའ་སྔ་མོ་ཡིན་ན་ཐག་བཅད་པ་དང་དབང་བསྒྱུར་བྱ་བ་ལ་དབང་ཆ་དང་ནུས་པ་ཨེན་ཙམ་ཡོད་དགོས་ཀྱང་། དེང་སང་དྲ་ལམ་བརྒྱུད་ནས་འཛམ་གླིང་ཤར་ནུབ་ཉིན་གཅིག་ལ་ཁྱབ་བསྒྲག་བྱ་ཐུབ་པས་ལས་སླ་པོ་རེད།
གལ་སྲིད་བསྟན་པའི་བདག་པོ་མཁན་སྤྲུལ་རྣམ་པ་ལ་རབ་བྱུང་གི་སྡོམ་པ་མེད་ཀྱང་ཆོས་གོས་གོན་པ་ལ་ཐུགས་དགྱེས་ཚོར་ཆེན་པོ་ཡོད་ན་སྔགས་པའི་ཆོས་གོས་དེ་མནབ་ན་དགག་བྱ་གང་ཡང་མེད་པར་སེམས། ང་ཚོས་ཁྱོད་ལ་སྡོམ་པ་མེད་ན་ངེས་པར་དུ་སྐྲ་རིང་པོ་བཞག་དགོས་པ་དང་། ཆང་ས་རྒྱག་དགོས་པ་དང་། དགོན་པ་ལས་བཏོན་དགོས་ཞེས་ཞུས་ཀྱིན་མེད། ང་ཚོ་ལ་དགོས་པ་དེ་སངས་རྒྱས་ཀྱི་བསྟན་པ་དེ་དྲི་མ་མེད་པ་ཞིག་དང་སྐྱོན་མེད་ཅིག་དགོས་དུས་རྩ་ནས་ཁྱེད་རང་ནང་གི་ཉམས་རྟོགས་གང་ཡིན་ཡང་ཕྱིའི་སྤྱོད་པ་དེ་རབ་བྱུང་དང་སྔགས་ཞུགས་གང་ཡིན་ངེས་པར་དུ་ཤེས་འཇུག་རྒྱུ་དེ་ཡིན།
འགའ་ཞིག་གིས་སྔགས་པ་ཟེར་དུས་སྔགས་ཀྱི་དམ་ཚིག་ས་ཡ་འབུམ་སྡེ་སྲུང་ནུས་མཁན་ཞིག་དང་། བསྐྱེད་རྫོགས་ལ་བརྟན་པ་ཐོ་བའི་རྣལ་འབྱོར་པ་ཞིག་དགོས་པའི་ཉམས་སྟོན་མཁན་ཡང་འདུག་སྟེ། དེ་ནི་ཤིན་ཏུ་ནས་ཀྱང་དཀའ་ཁག་གི་གནས་སུ་གྱར་བ་རེད། དེ་ཕྱིར་ཁྱིམ་པ་སྔགས་ཀྱི་ཉམས་ལེན་བྱས་མཁན་ལ་སྔགས་པ་དང་སྔགས་མ་ཞེས་འབོད་ཆོག་པར་སེམས། གང་ཡིན་ཞེ་ན་རབ་བྱུང་ཡིན་ན་ཡང་དགེ་སློང་གི་ཁྲིམས་ལ་ཉིས་བརྒྱ་ལྔ་བཅུ་རྩ་གསུམ་དང་། དགེ་སློང་མ་ལ་སུམ་བརྒྱ་དྲུག་ཅུ་རྩ་བཞི། དགེ་སློབ་མ་དེང་སང་ཡོད་མེད་གང་ལྟར་ཡང་དགེ་ཚུལ་་དང་དགེ་ཚུལ་མ་ལ་བླང་འདས་སོ་དྲུག་དང་། དགེ་བསྙེན་ལ་ཡང་སྣ་གཅིག སྣ་འགའ། ཕལ་ཆེར། ཡོངས་རྫོགས་སོགས་མང་དུ་ཡོད་ཀྱང་། གཙོ་བོ་དགག་དགོས་ཆེ་ཆུང་ལ་ལྟོས་ནས་ཉམས་ལེན་བྱ་རྒྱུ་ལས་ཐམས་ཅད་སྙིགས་མའི་དུས་འདིར་སྲུང་ཐུབ་ཡ་ཁག་པོ་རེད།
སྔར་གྱི་རེ་བསྐུལ་དེ་བོད་ཀྱི་དྲ་བ་མང་པོ་ཞིག་ཏུ་བསྒྱུད་འདུག་པས་ཐུགས་རྗེ་ཆེ།
ང་ལ་ཁྱེད་ཚོ་ཐོབ་དང་གོ་ས་ནས་འོག་ཏུ་འཐེན་འདོད་མེད་ལ། འདོད་ཀྱང་མི་ཐུབ་པའི་གནས་ཚུལ་ཞིག་རེད། འོན་དང་ངས་འདོད་པ་ངོ་མ་དེ་ཁྱེད་ཅག་གི་གནས་ཚུལ་ཁོལ་འདོན་གྱིས་ཕྱི་ནང་གཉིས་འདྲ་མཉམ་ཞིག་དང་། བག་ཕེབས་སོས་དལ་ངང་བྱ་བ་བསྒྲུབ་ཆོག་པའི་མི་བུ་གཤའ་མ་ཞིག་བྱེད་ན་འདོད། ངའི་དམ་བཅའ་དུས་ནམ་ཡང་འདོར་མི་སྲིད་ལ། སྲོག་འདི་དུམ་བུ་དག་རུ་ཆད་ཀྱང་འགྱུར་ག་ལ་སྲིད།
༧གོང་ས་མཆོག་གི་སྐུ་ཚེ་མི་འགྱུར་བོད་པའི་མགོན་དུ་བསྐལ་བ་གྲངས་མེད་བཞུགས་སུ་གསོལ །