གནས་ཚུལ་བཏང་འབྱོར་བྱང་བ་ལྟར་ན། ཁ་སང་རེས་གཟའ་ཉི་མའི་སྔ་དྲོར་རྡོར་གླིང་འཇམ་དབྱངས་བོད་ཀྱི་རིག་གཞུང་གཅེས་སྐྱོང་ཁང་གིས། རྡོར་གླིང་ཁུལ་གྱི་གཏན་སློབ་ཁག་གསུམ་གྱི་འཛིན་རིམ་གསུམ་པ་ནས་ལྔ་བ་བར་གྱི་སློབ་ཕྲུག་སྐོར་ཞིག་ལ། ཡིག་གཟུགས་འགྲན་བསྡུར་གྱི་བྱེད་སྒོ་ཞིག་སྤེལ་ཡོད་པ་དང༌། འགྲན་བསྡུར་ཁྲོད་སོ་ན་གདའ་དབུས་གཞུང་བོད་ཀྱི་སློབ་གྲྭ་དང༌། རྡོར་གླིང་དབུས་གཞུང་བོད་ཀྱི་སློབ་གྲྭ། བོད་གཞུང་སཾ་བྷོ་ཊ་སྤོག་རི་སྦོང་གཏན་སློབ་བཅས་སློབ་གྲྭ་ཁག་གསུམ་འཛུལ་ཞུགས་བྱས་པའི་ཁྲོད། ཡིག་གཟུགས་རྩེ་ཕུལ་ཨང་དང་པོ་དང༌། གཉིས་པ། གསུམ་པ་རྣམས་བོད་གཞུང་སྤོག་རི་སྦོང་སཾ་སློབ་ཀྱི་སློབ་ཕྲུག་ཉི་མ་བཟང་མོ་དང༌། བསོད་ནམས་ཆོས་སྒྲོན།ཀརྨ་བསོད་ནམས་བཅས་ལ་ཐོབ་ཡོད་པ་དང༌། ཨང་ཐོབ་རྣམས་ལ་རྡོར་གླིང་འཇམ་དབྱངས་བོད་ཀྱི་རིག་གཞུང་གཅེས་སྐྱོང་ཁང་གིས་ཕྱག་ཁྱེར་དང་། ལེགས་གསོལ་བྱ་དགའ་བཅས་བསྩལ་ཡོད་འདུག
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
དེ་བཞིན་བོད་ཡིག་དག་ཆའི་འགྲན་སྡུར་གྱི་བྱེད་སྒོ་ཞིག་སྤེལ་ན་ཧ་ཅང་ཡག་པོ་རེད་བསམ།
ད་དུང་ཉམས་ཆགས་སུ་འགྲོ་བཞིན་པའི་ང་ཚོའི་སྐད་ཡིག་གི་ཆེད་དུ་རྩོམ་འགྲན་དང་དག་ཆའི་འགྲན་སྡུར་སོགས་ཀྱང་ཧ་ཅང་གལ་ཆེ་བས་འབྲེལ་ཡོད་ཚོས་ཐུགས་འཇག་གནང་དགོས་པ་བཅས་སེར་མོ་བའི་སློབ་ཕྲུག་ཞིག་གིས་འབོད་བསྐུལ་ཞུ།
སློབ་གྲྭ་ཁག་གི་ནང་ཁུལ་ཡིན་ནའང་འདྲ་སློབ་གྲྭ་བྱེ་བྲག་པ་ཞིག་ཡིན་ནའང་འདྲ། གང་ལྟར་སློབ་ཕྲུག་ཚོའི་སློབ་སྦྱོང་གི་གནས་བབ་གོང་མཐོར་གཏོང་བར་འགྲན་སྡུར་གྱི་རྣམ་པ་འདྲ་མིན་སྤེལ་དགོས་པ་དེ་ཧ་ཅང་གལ་ཆེན་ཞིག་ཏུ་མཐོང་། འོན་སློབ་གྲྭ་ཁག་ཅིག་གིས་འགྲན་སྡུར་བྱེད་མཁན་རག་ཀྱང་དུས་ཚོད་གལ་ཆེ་རབ་གླེང་ནས་སློབ་ཕྲུག་ཚོར་རག་པའི་གོ་སྐབས་དེ་སློབ་ཕྲུག་ཚོར་མི་སྤྲོད་པའི་སྲོོལ་ཞིག་གི་ནད་ཡམས་ཁྱབ་བཞིན་ཡོད།