ཁ་སང་ཕྱི་ཚེས་ ༡༥ ཉིན་གྱི་ཕྱི་དྲོ། རྒྱ་གཞུང་ཉེན་རྟོག་པས་སྒྱུ་རྩལ་བ་ཨེ་ཝེ་ཝེ་ལགས་ཁོང་གི་གཅེན་མོ་ཀོ་ཀི ་དང་ཐུག་འཕྲད་བྱེད་དུ་བཅུགས་རྗེས། ཉིན་དེའི་དགོང་མོ་ཁོང་གི་ཆུང་མ་ལུའུ་ཆིན་ ལ་ཡང་ཐུག་ཏུ་བཅུགས་ཡོད་འདུག ཡིན་ནའང་། ཐུག་འཕྲད་མ་བྱས་པའི་སྔོན་ལ་ཉེན་རྟོག་པས་ཨེ་ཝེ་ཝེ་ལགས་ལ་ནང་མི་དང་ཐུག་འཕྲད་སྐབས། ཉེན་རྟོག་པའི་སྒྲིག་གཞི་དང་ཆ་རྐྱེན་ལ་འགལ་བའི་གནས་ཚུལ་རིགས་ཕྱིར་བསྒྲགས་བྱས་ཚེ། ཁོང་གི་ཆུང་མར་ཡང་དཀའ་ངལ་འཕྲད་སྲིད་པའི་འཇིགས་སྐུལ་བྱས་ཡོད་པ་རེད། ཐུག་འཕྲད་སྐབས་ཉེན་རྟོག་པ་ཁོང་ཚང་གི་སྒོ་ཁར་ཡོང་སྟེ་གཅེན་མོ་དང་ཆུང་མ་གཉིས་སོ་སོར་རླངས་འཁོར་ནང་བཅུགས་རྗེས། རྒྱུས་མེད་ཀྱི་ས་ཆ་གཞན་ཞིག་ཏུ་ཁྲིད་དེ་ཐུག་འཕྲད་བྱེད་དུ་བཅུགས་ཡོད་སྟབས། ད་ལྟ་ཨེ་ཝེ་ཝེ་ལགས་དངོས་སུ་ས་ཆ་གང་ཞིག་ཏུ་བཀག་ཉར་བྱས་ཡོད་མེད་ཤེས་རྟོགས་བྱུང་མེད་པ་མ་ཟད། ཕན་ཚུན་ལ་བཤད་པའི་སྐད་ཆ་ཚང་མ་ཉེན་རྟོག་པས་ཚིག་ཐོར་བཏབས་ཡོད་འདུག
ཡང་ཁོང་གི་དྲ་གྲོགས་ཐའོ་ཅན་ཅུའུ་ཡིས། ཨེ་ཝེ་ཝེ་ཁོང་གི་ནང་མིར་ཐུག་འཕྲད་བྱེད་དུ་བཅུགས་པ་དེ་ནི། རྒྱལ་སྤྱིའི་སྒང་གི་གནོན་ཤུགས་ལ་བརྟེན་ནས་བྱུང་བ་ཞིག་ཡིན་པ་དང་། ད་དུང་ཁོ་རང་ནང་མིར་ཐུག་འཕྲད་སྐབས་རྒྱ་གཞུང་བདེ་སྲུང་གིས་བཏོན་པའི་ཆ་རྐྱེན་ནི། ཐུག་འཕྲད་སྐབས་གྱོད་དོན་དང་འབྲེལ་བའི་གནས་ཚུལ་སྐོར་ཅི་ཡང་ནང་མིར་བརྗོད་མི་ཆོག་པ་ཁས་ལེན་བྱེད་དུ་བཅུགས་ཡོད་པ་རེད། ཅེས་བརྗོད་ཡོད་འདུག
གསར་འགོད་པ། ཚེ་རིང་རྒྱལ།
གསར་འགོད་པ་ལགས་ཀྱིས་གནས་ཚུལ་འདི་རིགས་དུས་ལྟར་སྤེལ་བར་དགའ་ཡོད། གོང་གི་བཅུགས་ཞེས་པ་དེའི་ཡང་འཇུག་ས་དེ་མེད་ན་ལེགས་ཤིང་། ད་དུང་བཏབས་ཞེས་པའི་ས་དེའང་དེ་མཚུངས་རེད་འདུག ཐུགས་རྗེ་ཆེ།