གཟུགས་པོ་ཧ་ཅང་སྐྱོ་བོ་ཆཊ་འདུག

དབུ་ཁྲིད་འདི་གསུམ་པོ་ངེས་པར་དུ་སྐྱོབ་དགོས་ལ། རང་སྲོག་མི་དགོས་པའི་གཞོན་ནུ་ལྷན་ཚོགས་ལ་རྒྱ་ནག་ཞེད་དགོས་དོན་ཡང་འདི་ཡིན། གཞོན་ནུའི་ཚོགས་མི་སུམ་ཁྲི་ལྔ་སྟོང་གཙོས་པའི་ང་ཚོ་ཁོང་ཚོའི་ཚབ་ཏུ་ཟས་བཅད་ལ་འདུག་རྒྱུའི་འཆར་གཞི་དང་། ཁོང་ཚོ་གསོན་གནས་ཀྱིས་ལས་འགུལ་སྤེལ་དུ་འཇུག་དགོས། རང་སྲོག་མི་དགོས་པའི་མི་ལ་འགྲན་ཟླ་ནམ་ཡང་མེད། བོད་བཙན་པོའི་རྒྱུད་པ་རྒྱལ་ལོ།།

སྙིང་སྟོབས་ལྡན་པའི་བོད་ཀྱི་གཞོན་ནུ་ལྷན་ཚོགས་གིས་ལས་བྱེད་དམ་པ་གསུམ་ཀྱིས་ཞབས་དྲུང་དུ།
ཁྱེད་རྣམས་པའི་ཕྱག་ལས་ལ་རྗེས་སུ་ཡི་རངས་ཡོད་ལ་སྙིང་ནས་ཐུགས་རྗེ་ཆེ་ཞུ།
ད་ནི་ཁྱེད་རྣམས་པའི་ལས་འགུལ་དེ་མཚམས་འཇོག་གནང་རོགས་ཞུ་ཡག་ཡིན།
དེ་ཡང་ཁྱེད་རྣམས་པ་ནི་ཤེས་བྱ་ཡོན་ཏན་ལྡན་ཤིང་ལྷག་བསམ་ཅན་ཀྱང་ཡིན་པའི་ཁྱེད་རྣམ་པ་གྲོང་ཤོར་བ་ཡིན་ན་བོད་པའི་སྤྱི་ཡི་གྱོང་གུད་ཆེན་པོ་ཞིག་ཡིན།
ཤེས་བྱ་ཡོན་ཏན་ནི་ནོར་བུ་ཡིན་པའི་ཁྱེད་རྣམས་པའི་ཟས་བཅད་གིས་ལས་ཀ་མཚམས་འཇོག་བཞག་ཏེ་ཡོན་ཏན་གིས་ཐོག་ནས་བོད་སྤྱི་པའི་ལས་དོན་སྒྲུབ་རོགས་གནང་།
ཐུགས་རྗེ་གཟིགས་ཟས་བཅད་ངོ་རྒོལ་དེ་ངེས་པར་མཚམས་འཇོག་གནང་རོགས་ཞུ།

དོན་གྲུབ་ལྷ་དར་དང་དཀོན་མཆོག་ཡར་འཕེལ་གཉིས་སློབ་གྲྭའི་སྐབས་ནས་བཟུང་ངོ་ཤེས། བསྟན་འཛིན་ནོར་བཟང་རྡ་སར་ལས་ཞུགས་ཀྱི་རིང་ལ་མཐོང་མྱོང་བ་མ་གཏོགས་ངོ་མི་ཤེས། གང་ལྟར། དེ་རིང་ངས་ཁོང་གསུམ་བསྐྱར་དུ་ངོ་ཤེས་སོང་། ཁོང་གསུམ་གྱི་ལྡོག་པ་ཁྱད་པར་དེ་ངོ་ཤེས་སོང་།

ཁྱེད་ཚོ་དཀའ་ལས་ཁག་སོང་། བོད་མི་རིགས་ཀྱི་ཆེད་དུ། ངོ་མ་སེམས་གཏིང་ནས་ཡི་རངས་དང་གུས་བཀུར་ཡོད། ཁྱོད་ཚོ་གསུམ་འདི་ལྟར་འཆི་གསོན་གང་ལ་ཐུག་ཀྱང་བློ་ཐག་རྦད་ཆོད་ཀྱིས་བོད་མི་རིགས་ཀྱི་ཆེད་དུ་འབད་པ་ལྷུར་ལ་བླངས་པ་འདིས་ང་ཚོར་གསོན་ཤུགས་ཤིག་སྦྱིན་སོང་། རྒྱ་ནག་དམར་པོས་ཆེད་དུ་ང་ཚོའི་མི་རིགས་དམར་གསོད་གཏོང་བཞིན་ཡོད་པས། ཁྱོད་ཚོ་གསུམ་ཙམ་དུ་མ་ཟད་བོད་མི་རིགས་རྩ་སྟོང་དུ་བུད་སོང་རུང་ཁོང་ཚོས་དེར་དགའ་བ་སྒོམ་ངེས་རེད། དེ་བས། སེམས་གཏིང་གི་སྤུན་ཟླ་རྣམ་པ། ད་ནི་ཟས་བཅད་ངོ་རྒོལ་མཚམས་བཞག་རོགས། ཟས་བཅད་ངོ་རྒོལ་མཚམས་བཞག་པ་འདི་ཁྱོད་ཚོ་གསུམ་དང་གཞོན་ལྷན། ཡང་ན་ང་ཚོ་བོད་མི་རིགས་ཀྱི་ངོ་ཚ་ཞིག་ནམ་ཡང་མིན། ཁྱོད་ཚོ་གསོན་པོར་འཚོ་རྒྱུ་ནི་ང་ཚོ་ཐུན་མོང་གི་ཁེ་ཕན་ཡིན། ད་ནི་ཅིས་ཀྱང་མཚམས་འཇོག་རོགས། ཁྱོད་ཚོ་འདི་ལྟར་ལྟོག་སྐོམ་གྱིས་མནར་བ་མཐོང་ན། ང་ཚོས་སེམས་ཀྱིས་བཟོད་ཐབས་མི་འདུག སྐུ་ཚེ་རིང་། ཁ་བྲོ།

བོད་རྒྱལ་ལོ།

སྙིང་སྟོབས་དང་ཆོད་སེམསལ་ཡི་རངས་ཞུ་བ་དང་ཁྱབ་ཅིག བསྟན་འཛིན་འཕགས་པས་གསུངས་པ་ལྟར་མི་ནུས་ཤུགས་ཅན་ཚོ་འདི་ལྟར་བརླག་མི་ཉན་པར་བོད་རིགས་སྤུན་ཟླ་ཡོངས་ཀྱིས་རེ་སྐུལ་ཅིག་ཞུས་བཟང་གི་བསམ་

སྤུན་ཟླ་ཡོངས་ཀྱི་ཁོང་རྣམ་པ་གསུམ་སྐྱབས་ཐབས་ཞིག་གནང་དང་།ད་ལྟའི་རྔ་པ་ཀིརྟི་དགོན་པའི་ཛ་དྲག་གི་གནས་སྟངས་ལ་རྒྱབ་སྐྱོར་དང་རྒྱལ་སྤྱིར་འབོད་སྒྲ་སྒྲོག་ཆེད་དབུས་གཞོན་ནུ་ལྷན་ཚོགས་ཀྱིས་དགོས་འདུན་གཉིས་དང་འབོད་སྐུལ་གཅིག་གི་འོག་།དུས་ཚོད་ངེས་མེད་ཀྱི་ཟས་བཅད་ངོ་རྒོལ་གནང་སྟེ་ཉིན་གྲངས་༢༤་སོང་ཡོད་པས་ད་ལྟར་ལས་འགུལ་བ་ཚོའི་སྐུ་གཟུགས་ཧ་ཅང་སྐྱོ་པོ་ཆགས་ཡོད་པའི་གནས་ཚུལ་འདུག་།

དབུས་གཞོན་ནུ་ལྷན་ཚོགས་ཀྱི་ཟས་བཅད་བ་ཚོགས་གཞོན་དོན་འགྲུབ་ལྷ་དར་དང་དཀོན་མཆོག་ཡར་འཕེལ་་བསྟན་འཛིན་ནོར་བཟང་གསུམ་རེད་།ཁོང་རྣམ་པ་གསུམ་ནི་བོད་མི་རིགས་ལ་ཞིམ་པ་མེད་པའི་ཤ་ཞིན་དང་་སྙིང་སྟབས་ལྷག་བསམ་ལྡན་པའི་གཞོན་སྐྱེས་འགོ་ཁྲིད་ཤེས་ཡོན་ཅན་ཞིག་ཡིན་།སོང་ཙང་ད་ལྟའི་དུས་ཚོད་འདི་ལ་གལ་ཆེན་གྱི་མི་སྣ་འདི་ཚོའི་རིགས་བདག་པོ་རྒྱབ་དགོས་པའི་དུས་ལ་བབ་འདུག་བསམ་།

བཀའ་ཁྲི་མཁས་དབང་ཟམ་གདོང་རིན་པོ་ཆེ་མཆོག་དང་བཀའ་ཁྲི་གསར་པ་མཁས་དབང་བློ་བཟང་སེང་གེ་སོགས་གནད་ཡོད་མི་སྣ་ཚོའི་གང་འགྱོགས་ལས་འགུལ་འདི་མཚམས་འཇོག་ཡོང་བའི་འབོད་སྐུལ་ཞུ་བ་བཞིན་ང་ཚོའི་སྤུན་ཟླ་ཡོངས་ཀྱིས་འབོད་སྐུལ་ཞིག་ཞུ་ནས་མཚམས་འཇོག་ཡོང་བའི་རེ་བ་ཞིག་རྒྱབ་ན་གང་འདྲ་འདུག་།

རྒྱལ་གཤེས་དཔའ་བོ་་་དོན་འགྲུབ་ལྷ་དར་དང་་་དཀོན་མཆོག་ཡར་འཕེལ་་་བསྟན་འཛིན་ནོར་བཟང་གསུམ། ཁྱེད་རྣམས་པའི་སྙིང་སྟོབས་དང་ལྷག་བསམ་ལ་བདག་ཡིད་དང་བས་རྗེས་སུ་ཡི་རངས་ངོ་། ཁྱེད་རྣམས་པའི་པར་སོགས་མཐོང་ཚེ་སེམས་འགུལ་ཐེབས་པ་དང་ཡིད་སྐྱོ་བ་ཞིག ཅང་མེད་བདག་གི་སོར་བཅུའི་ཐར་མོ་སྙིང་ཀར་སྦྱར་ནས་བཀའ་དྲིན་ཡང་ཡང་ཞུ་བཞིན་ཡོད། བོད་རྒྱལ་ལོ། བོད་རྒྱལ་ལོ། བོད་རྒྱལ་ལོ། ཀི་ཀི་བསོ་བསོ་བོད་རྒྱལ་ལོ།