གཏོང་ལེན་རོགས་ཚོགས་ཀྱི་གོ་སྒྲིག་འོག ཁ་སང་ཚེས་༡༨ ཉིན་གངས་སྐྱིད་སྤྱི་ཐབ་ཚོགས་ཁང་དུ། རྒྱ་གར་ཁྲིམས་ལུགས་མཁས་པ་སྐུ་ཞབས་མར་ཌིན་པིན་ཌོ་ལགས་ཀྱིས། ཚོགས་པ་ཁག་ཇི་ལྟར་དེབ་སྐྱེལ་བྱ་དགོས་མིན་དང་གཞུང་ལ་དཔྱ་ཁྲལ་འབུལ་སྟངས། ཕྱི་རྒྱལ་ཡུལ་གྲུ་ཁག་ནས་རོགས་དངུལ་ལེན་སྟངས་དང་དངུལ་གསོག་ཉར་བྱེད་སྟངས། དེ་མིན་ཁྲིམས་ལུགས་ཀྱི་བྱེད་སྒོ་ཁག་གི་ཐོག་ཟབ་སྦྱོང་ཞིག་སྤྲད་ཡོད་ཅིང་། ཟབ་སྦྱོང་དེར་བོད་ཀྱི་གཞུང་འབྲེལ་མིན་པའི་ཚོགས་པ་ཁག་དང་ཐེབས་རྩ་ཚོགས་པ། དགོན་སྡེ་ཁག་དང་བོད་གཞུང་སྡེ་ཚན་ཅིག་གི་ཚོགས་མི་ ༡༠༠ ཙམ་མཉམ་ཞུགས་བྱས་ཡོད་པ་རེད།
གནས་སྟངས་དེའི་ཐོག་གཏོང་ལེན་རོགས་ཚོགས་ཀྱི་འབྲེལ་མཐུད་འགན་འཛིན་སྐུ་ཞབས་བསོད་ནམས་ལགས་ཀྱིས་བརྗོད་དོན། དེང་སྐབས་ང་ཚོས་རྒྱ་གར་གཞུང་གི་ཁྲིམས་ལུགས་ངོས་འཛིན་བྱ་ཐུབ་དགོས་རྒྱུ་དེ་ཧ་ཅང་གལ་ཆེན་ཆགས་ཡོད་དུས། རྒྱ་གར་གཞུང་ལ་ཁྲིམས་མཐུན་གྱི་ཐོག་ནས་ཚོགས་པ་དེབ་སྐྱེལ་བྱེད་སྟངས་དང་། ཕྱི་རྒྱལ་ཡུལ་གྲུ་ཁག་ནས་རོགས་དངུལ་ལེན་སྟངས་དང་བཀོལ་སྤྱོད་བྱེད་སྟངས་ཤེས་རྟོགས་དགོས་ཀྱི་འདུག ནམ་རྒྱུན་བོད་པ་མང་ཆེ་བར་གནས་སྟངས་དེའི་ཐོག་དོ་སྣང་ཡོད་པ་མ་རེད། དེ་ཡིན་དུས། མ་འོངས་པར་ཁྲིམས་མཐུན་གྱི་ཐོག་ནས་ལས་ཀ་བསྒྲུབ་ཐུབ་རྒྱུར་དམིགས་ཏེ། ང་ཚོ་ཚོགས་པའི་ངོས་ནས་རྒྱལ་ས་ལྡི་ལི་ནས་ཁྲིམས་ལུགས་མཁས་པ་ཞིག་ཆེད་དུ་གདན་ཞུས་ཀྱིས་ཟབ་སྦྱོང་འདི་གོ་སྒྲིག་ཞུས་པ་ཡིན། ཞེས་བརྗོད་བྱུང་།
སྐབས་དེར། གདོང་ལེན་ཚོགས་པའི་ཚོགས་གཙོ་གྲྭ་འཇམ་དབྱངས་ལགས་ཀྱིས་བརྗོད་དོན། ཚོགས་པ་འདི་ནི་རྒྱ་གར་གཞུང་ལ་གསར་དུ་དེབ་སྐྱེལ་བྱས་པའི་གཞུང་འབྲེལ་མིན་པའི་ཚོགས་པ་ཞིག་ཡིན་ཞིང་། ཚོགས་པ་འདིའི་དམིགས་ཡུལ་གཙོ་བོ་ནི། མི་མང་ཉམས་ཐག་རིགས་ལ་དམིགས་བསལ་རོགས་རམ་གནང་རྒྱུ་དང་། ལྷག་པར་དུ། རྒྱ་གར་ནི་བོད་མི་ཚོར་བཀའ་དྲིན་ཆེན་པོ་ཡིན་དུས་བཀའ་དྲིན་གསོ་རྒྱུར་དམིགས་པ་ཞིག་ཡིན། ལས་གཞིའི་འགྲོ་གྲོན་སྐོར་ལ་ཁོང་གིོས་བརྗོད་དོན། ཤེས་ཡོན་ཐོག་ང་ཚོས་འབད་བརྩོན་བྱས་པར་བརྟེན་ཏེ། དེ་སྔོན་སློབ་ཞུགས་གོ་སྐབས་མ་རག་པའི་བྱིས་པ་མང་པོ་ཞིག་ད་ཆར་སློབ་གྲྭར་འགྲོ་ཐུབ་པ་ཙམ་དུ་མ་ཟད། སློབ་ཕྲུག་ཁག་ཅིག་འཛིན་རིམ་བཅུ་བ་བསླེབས་ཡོད་ལ། ཁོང་ཚོའི་ཟླ་རེའི་ཆ་སྙོམས་འགྲོ་སོང་ཧིན་སྒོར་སུམ་འབུམ་ ༣༠༠༠༠༠ དང་། འཕྲོད་བསྟེན་ལ་ཆ་བཞག་ཀྱང་། ཚེ་སྲོག་གི་ཉེན་ཁར་ཐུག་པའི་དབུལ་ཕོངས་བྱིས་པ་གང་འཚམ་ཞིག་ལ་དུས་ཐོག་ཛ་དྲག་སྨན་བཅོས་བྱས་ཏེ། གྲུབ་འབྲས་ལྡན་པ་བྱུང་ཡོད། ཁོང་ཚོའི་ཟླ་རེའི་ཆ་སྙོམས་འགྲོ་སོང་ཧིན་སྒོར་ཆིག་འབུམ་ ༡༠༠༠༠༠ ལྷག་ཡིན། ང་ཚོའི་ལས་གཞིེར་བལྟས་ཡོང་ན། ཟླ་རེའི་འགྲོ་སོང་ལ་ཁྱོན་ཧིན་སྒོར་འབུམ་བཞི་ལྷག་འགྲོ་བཞིན་ཡོད་པ་རེད། ཅེས་དང་། གཏོང་ལེན་ཚོགས་པའི་ལས་འཆར་ཐད་ཁོང་གིས། ང་ཚོའི་ཚོགས་པའི་ངོས་ནས་མ་འོངས་པར་ཡང་མུ་མཐུད་ནས་ལས་གཞི་འདི་རྒྱ་ཆེ་རུ་གཏོང་རྒྱུའི་དམིགས་ཡུལ་ཡོད། ཚོགས་པ་འདིར་རོགས་དངུལ་རག་དོན་གཙོ་བོ་༧གོང་ས་མཆོག་དང་བཙན་བྱོལ་བོད་གཞུང་གི་ཐུགས་རྗེའི་བཀའ་དྲིན་རེད། ཅེས་བརྗོད་སོང་།
གཏོང་ལེན་ཚོགས་པ་ནི་ཕྱི་ལོ་ ༢༠༠༤ ལོར་རྒྱ་གར་གྱི་དབུལ་ཕོངས་བྱིས་པ་རྣམས་ལ་བདག་སྐྱོང་དང་སློབ་སྦྱོང་སྤྲོད་ཆེད་དུ་བཙུགས་པ་ཞིག་ཡིན་འདུག་ལ། ད་ལྟའི་ཆར་དགེ་ལས་བསྡོམས་པས་མི་ ༢༠ ལྷག་ཡོད་པ་དང་། ཤེས་ཡོན་དང་འཕྲོད་བསྟེན། ཁོར་ཡུག་བཅས་སྡེ་ཚན་གསུམ་ཡོད་ཅིང་། ཤེས་ཡོན་སྡེ་ཚན་དུ་ཕྲུ་གུ་ ༤༠ ལྷག་དང་འཕྲོད་བསྟེན་སྡེ་ཚན་དུ་ཕྲུ་གུ་ ༡༥༠ ལྷག་བཅས་ཁྱོན་ཕྲུ་གུ་ ༢༠༠ ལྷག་ལ་བདག་སྐྱོང་བྱེད་ཀྱིན་ཡོད་འདུག
གསར་འགོད་པ། དཔལ་ལྡན།
ཏྰ་ལའི་བླ་མ་བོད་དུ་ཕྱིར་ལོག་གནང་རྒྱུར་སྒོ་མོ་ཕྱེས་ཡོད་ཅེས་བཤད་ཀྱང་ཁོང་ནི་བོད་ཁ་བྲལ་རིང་ལུགས་པ་རེད་ཅེས་བསྐྱར་དུ་སྐྱོན་བརྗོད་བྱས་པ།
༄༅༎བོད་རང་སྐྱོང་ལྗོངས་ཟེར་བའི་འགོ་ཁྲིད་པད་མ་འཕྲིན་ལས་ཀྱིས། རེས་གཟའ་ཕུར་བུའི་ཉིན་གསར་འགོད་པར། ་ཡུལ་གྱར་དུ་ཡོད་པའི་ཏྰ་ལའི་བླ་མ་བོད་དུ་ཕྱིར་ལོག་གནང་རྒྱུར་སྒོ་མོ་ཕྱེས་ཡོད་ཅེས་བཤད་ཅིང༌། འོན་ཀྱང་༧གོང་ས་མཆོག་ནི་བོད་ཁ་བྲལ་རིང་ལུགས་པ་རེད་ཅེས་བསྐྱར་དུ་སྐྱོན་བརྗོད་ཞུས་ཡོད་པ་རེད།
བོད་ཀྱི་དབུ་ཁྲིད་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གིས། ཁ་སྔོན་ཕྱི་ཟླ་གསུམ་པའི་ནང་ཆབ་སྲིད་ཀྱི་སྐུ་དབང་ནས་ཆ་ཚང་བཤོལ་བ་གནང་་རྒྱུའི་ཐག་གཅོད་གནང་བའི་རྗེས། རྒྱ་ནག་གཞུང་གི་མཐོ་རིམ་དཔོན་རིགས་ནས་༧གོང་ས་མཆོག་གི་སྐོར་ལ་སྐད་ཆ་བཤད་པ་ཐེངས་དང་པོ་དང༌། དེ་ཡང་བོད་རང་སྐྱོང་ལྗོངས་ཀྱི་འགོ་ཁྲིད་པད་མ་འཕྲིན་ལས་ལགས་ཀྱིས། སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་བོད་དུ་ཕྱིར་ལོག་གནང་རྒྱུར་དགའ་བསུ་ཡོད་པ་དང༌། འོན་ཀྱང་ཁ་བྲལ་གྱི་ལས་འགུལ་མཚམས་འཇོག་བྱ་དགོས་པའི་སྐོར་བཤད་ཡོད་པ་རེད། དེ་ཡང་ཁོང་གིས། གལ་ཏེ་ཏྰ་ལའི་བླ་མ་བོད་དུ་ཕྱིར་ལོག་གནང་འདོད་ཡོད་ཚེ། རྒྱ་ནག་གི་ཕྱོགས་ནས་དུས་རྟག་ཏུ་སྒོ་ཕྱེས་ནས་ཡོད་ཅེས་དང༌། ཡང་གལ་ཏེ་ཁོང་གི་གསུང་པ་བཞིན་དངོས་གནས་ཀྱིས་བགྲེས་ཡོལ་དུ་ཕེབས་པ་ཡིན་ཚེ། ངེས་པར་དུ་བོད་ཁ་བྲལ་གྱི་ལས་འགུལ་མཚམས་འཇོག་བྱས་ཏེ། བོད་ཀྱི་བརྟན་ལྷིངསྲུང་སྐྱོབ་བྱ་རྒྱུ་དང༌། ཆོས་ཕྱོགས་མ་གཏོགས་ཆབ་སྲིད་ཀྱི་ཕྱག་ལས་མ་གནང་བ་ཡིན་ན། དེ་ནི་བོད་ལ་ཕན་ཐོགས་སྐྲུན་རྒྱུ་ཡིན་ཞིང༌། གནད་འགག་ཆེ་ཤོས་ནི་བོད་རང་བཙན་བློས་གཏོང་དགོས་ཀྱི་རེད་ཅེས་བཤད་ཡོད་པ་རེད། རྒྱ་ནག་ཕྱོགས་ནས་དེའི་སྔོན་ལའང་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་བོད་དུ་ཆིབས་བསྒྱུར་གནང་རྒྱུར་དགའ་བསུ་ཡོད་ལུགས་གཅིག་མཚུངས་བཤད་མྱོང་ཡོད་ཀྱང༌། བོད་ཀྱི་གནད་དོན་ཐོག་དོ་སྣང་གནང་མཁན་ཚོས། རྒྱ་ནག་གཞུང་གི་སྐད་ཆ་དེ་ནི་ཁ་ཙམ་ལས་དོན་ངོ་མ་༧གོང་ས་མཆོག་བོད་དུ་ཆིབས་བསྒྱུར་བསྐྱང་ན་བོད་ནང་དུ་ཆབ་སྲིད་ཀྱི་བརྟན་ལྷིང་མེད་པ་ཆགས་རྒྱུའི་འཇིགས་སྣང་གིས་བོད་དུ་ཆིབས་བསྒྱུར་གནང་དུ་འཇུག་རྒྱུ་མིན་པ་ངོས་འཛིན་བྱེད་པ་མ་ཟད། རྒྱ་ནག་གཞུང་གིས་༧གོང་ས་སྐྱབས་མགོན་ཆེན་པོ་མཆོག་དགོངས་པ་རྫོགས་ན་བོད་ཀྱི་གནད་དོན་རང་བཞིན་གྱི་ཡལ་འགྲོ་རྒྱུ་དང། བཙན་བྱོལ་བོད་གཞུང་ཡང་ཐོར་བཤིགས་སུ་་འགྲོ་རྒྱུ་ཡིན་པའི་ཚོད་རྩིས་རྒྱབ་ནས་རེ་སྒུག་བྱེད་བཞིན་ཡོད་པ་ངོས་འཛིན་གནང་གི་ཡོད་པ་རེད།
གཏོང་ལེན་ཚོགས་པ་འདི་ལོ་གཅིག་གི་ཡར་སྔོན་ལ་ངས་གཞི་ནས་ཧ་གོ་སོང་། ཁོང་ཚོའི་འཆར་གཞི་དེ་དོན་སྙིང་ལྡན་པ་ཞིག་རེད་ཞེས་ང་ཚོའི་དབྱིན་ཡིག་དགེ་རྒན་གྱིས་ང་ཚོ་ལ་འགྲེལ་བཤད་ཐུང་ཐུང་ཞིག་གནང་སོང་། དངོས་ནས་དེ་འདྲ་ཞིག་ཡིན་ན་བརྗེས་སུ་ཡིད་རང་ཡོད།
རང་མགོ་མ་ཐོན་གཞན་མགོ་ཤ་བཏགས། འོན་ཀྱང་དགེ་བའི་ལས་ལ་ཡི་རང་ལོས་ཞུ།
ངས་སྙིང་ཐགས་པ་ནས་ཐུགས་རྗེ་ཆེ་ཞུ་བ་དང་ཆབ་ཅིག་་་མ་འོང་པ་ང་ཡང་དེས་ཚོགས་པ་ནང་ཞུགས་ཐུབ་ཐབས་བྱ་ནས་ཧུར་ཐག་གི་ལས་ཀ་ཡོང་བའི་རེ་བ་ཡོད