གཟའ་ཕུར་བའི་ཉིན་རྒྱ་གཞུང་ཝུའུ་རའོ་མུའུ་ཆི་གྲོང་ཁྱེར་དུ་དྲག་སྤྱོད་པར་རྒོལ་རྡུང་བྱེད་དགོས་པའི་ཚོགས་འདུ་བསྡུས་ཏེ། ཡུ་གུར་ངོ་རྒོལ་བ་རྣམས་ལ་ཉེས་ཆད་དྲག་པོ་གཅོད་དགོས་སྐོར་བརྗོད་འདུག
ཕྱི་ཟླ་ ༨ ཚེས་ ༤ ཉིན། ཤིན་ཅང་རང་སྐྱོང་ལྗོངས་ཀྱི་སྲིད་འཛིན་གྲོང་ཁྱེར་ཝུའུ་རའོ་མུའུ་ཆི་ནང་། རྒྱ་གཞུང་ཉེན་རྟོག་སྡེ་ཁག་གིས་༼དྲག་སྤྱོད་པར་རྒོད་རྡུང་ལས་དོན་ཚོགས་འདུ༽ཞེས་པ་སྐོང་འཚོགས་བྱས་ཡོད་པ་རེད། འདི་ནི་ཕྱི་ཟླ་ ༧ ཚེས་ ༣༠ དང་ ༣༡ ཉིན་གཉིས་ལ་ཤིན་ཅང་ཀུ་ཧྲི་གྲོང་ཁྱེར་ནང་བསྟུད་མར་རྒྱ་གཞུང་ལ་ངོ་རྒོལ་ལས་འགུལ་ཐེངས་གཉིས་བྱུང་བའི་རྗེས། རྒྱ་གཞུང་གིས་ངོ་རྒོལ་དོན་རྐྱེན་དེ་དག་ཐད་འཛིན་པའི་རྣམ་འགྱུར་ཞིག་ཆགས་ཡོད།
ཚོགས་འདུའི་ཐོག་རྒྱ་གཞུང་གི་ཉེན་རྟོག་སྡེ་ཁག་གི་མགོ་གཙོ་ལིས་ཅན་ཀྲུའུ་ཡིས། རང་སྲོག་འཛེམས་མེད་ཀྱིས་དྲག་པོའི་བྱ་སྤྱོད་སྤེལ་མཁན་དེ་དག་ལ། དྲག་རྡུང་ཚ་ནན་བཏང་སྟེ་མགོ་འགྱོག་རྒྱུ་མེད་པ་བཟོ་དགོས་པ་དང་། གུ་ཡངས་ཕྲན་ཙམ་ཡང་མེད་པར་ཉེས་ཆད་དྲག་པོ་གཅོད་དགོས་སྐོར་བརྗོད་འདུག
འཛམ་གླིང་ཡུ་གུར་མཐུན་ཚོགས་ཀྱི་མགྲིན་ཚབ་པ་ཏིས་ལིས་ཞཱ་ཐིས་ཀྱིས། པེ་ཅིན་ཕྱོགས་ནས་མུ་མཐུད་དུ་ཤིན་ཅང་མི་རིགས་ཐོག་དྲག་རྡུང་ལས་འགུལ་སྤེལ་ཚེ། ཤིན་ཅང་ནང་སྔར་ལས་ལྷག་པར་ཟིང་འཁྲུག་ཇེ་ཆེར་འགྲོ་རྒྱུ་ཡིན་པར་མ་ཟད། ཡུ་གུར་མི་མང་རྣམས་ཀྱིས་ཐབས་ཟད་འུ་ཐུག་གི་གནས་སྟངས་འོག་དྲག་པོས་གཏོར་རྒོལ་ཡང་བྱ་སྲིད་པར་ངོས་འཛིན་དང་། ཁོང་གིས་རྒྱལ་སྤྱིའི་གསར་ལམ་ཁག་ཏུ “གལ་སྲིད་པེ་ཅིན་གཞུང་གིས་ཤིན་ཅང་བརྟན་ལྷིང་ཡོང་བར་རེ་བ་འཆིང་གི་ཡོད་ན། ངེས་པར་དུ་ཆ་རྐྱེན་གང་ཡང་མེད་པའི་ཐོག་ནས་ཡུ་གུར་མི་རིགས་ཀྱི་རེ་འདུན་ལ་བརྩི་བཀུར་བྱ་དགོས” ཞེས་བརྗོད་ཡོད་པ་རེད།
གཞན་ཡང་། ཉེ་སྔོན་ཤིན་ཅང་ཀུ་ཧྲི་གྲོང་ཁྱེར་ནང་དྲག་པོའི་ངོ་རྒོལ་དོན་རྐྱེན་སྐབས། ངོ་རྒོལ་བ་གཉིས་ཉེན་ཡོལ་དུ་བྲོས་ཡོད་པ་དེའང་། ཕྱི་ཟླ་ ༨ ཚེས་ ༢ ཉིན་རྒྱ་དམག་གིས་བདའ་འདེད་ཀྱིས་ཐད་ཀར་མེ་མདས་དམར་གསོད་བཏང་ཡོད་འདུག
རོའུ་ཊིར་གསར་ཁང་གིས་གནས་ཚུལ་སྤེལ་བ་ལྟར་ན། དེང་སྐབས་ཤིན་ཅིང་ནང་གནས་སྡོད་རྒྱ་རིགས་དང་ཡུ་གུར་པ་གཉིས་ཆར་སྤྱི་ཚོགས་བདེ་འཇགས་ཀྱི་ཡིད་རྟོན་འདུ་ཤེས་མེད་པ་ཆགས་ཡོད་འདུག ཤིན་ཅིང་ནང་ལོ་བཅུར་གཏན་སྟོད་བྱས་མྱོང་ཡོད་པའི་རྒྱ་རིགས་ཝང་ཟེར་བ་ཞིག་གིས། ད་སྐབས་སྤྱིའིི་བདེ་འཇགས་ཧ་ཅང་ཉེན་ཁར་ཅན་ཆགས་ཡོད་སྟབས། ཁོ་རང་ལོ་རྗེས་མར་ཕྱིར་རྒྱ་ནག་ནང་ལོག་འཆར་ཡོད་སྐོར་བརྗོད་ཡོད་པ་དང་། ཡང་མིང་བརྗོད་འདོད་མེད་པའི་རྒྱ་རིགས་ཤིག་གིས་ཀྱང་། སྲིད་གཞུང་གིས་ཀུ་ཧྲི་ནི་དམིགས་བསལ་གྲོང་ཁྱེར་ས་ཁུལ་ཞིག་ཏུ་འཛུགས་སྐྲུན་བྱ་རྒྱུ་གཏན་འཁེལ་ཡོད་པ་རེད། ཡིན་ནའང་། འཛུགས་སྐྲུན་བྱེད་པ་ལ་ཐོག་མར་མི་དགོས་ཀྱི་ཡོད་པ་རེད། ད་ལྟ་རྒྱ་རིགས་ཚང་མར་བདེ་འཇགས་མིན་པའི་འཇིགས་སྣང་གི་ཚོར་བ་སྐྱེས་སུ་བཅུག་འདུག་ཅེས་བརྗོད་འདུག
རྒྱ་གཞུང་གིས་ཤིན་ཅང་ནང་སྔ་རྗེས་བྱུང་བའི་གཏོར་རྒོལ་དེ་དག་ནི་ཐལ་སྤྱོད་ཆོས་ལུགས་པའི་དྲག་སྤྱོད་ཡིན་པར་བསྒྲགས་ཡོད་པ་དང་། འཛམ་གླིང་ཡུ་གུར་མཐུན་ཚོགས་ཀྱིས་དེ་ནི་རྒྱ་གཞུང་གིས་ཞི་བའི་ངོ་རྒོལ་ལ་མཐའ་གཅིག་ཏུ་དྲག་གནོན་བྱས་པའི་རྐྱེན་གྱིས། མི་མང་རྣམས་ཐབས་ཟད་འུ་ཐུག་ཏུ་གྱུར་ཏེ་དྲག་པོའི་ངོ་རྒོལ་བྱུང་བ་ཞིག་ཡིན་སྐོར་བརྗོད་འདུག
གསར་འགོད་པ། ཚེ་རིང་རྒྱལ།
དྲག་སྤྱོད་ཀྱི་ལས་ལས་ཞི་བདེ་ཀྱི་དཔལ་ཡོན་མེད ། བདེ་དཔང་གི་ལས་ལས་དྲག་སྤྱོད་ཀྱི་འཛུགས་སྐྲུན་གཏོར།།
རྒྱ་ནག་དམར་གཞུང་གིས་དྲག་རྡུང་ཅི་ཙམ་བྱས་ན་ཡང་དམར་གསོད་ཅི་འདྲ་བཏང་ཡང་ཕན་པ་མེད་པ་ཞིག་ཡིན་པ་ཤེས་བཞིན་དེ་འདྲ་བྱེད་ཀྱི་ཡོད་པ་རེད། རྒྱུ་མཚན་གྲངས་ཉུང་མི་རིགས་བཟོ་རྒྱུས་འཆར་གཞི་ཡིན་པ་བརྗོད་མེད་ཡིན་པར་མ་ཟད་བོད་མི་ག་ཚོད་ཞིག་ད་ལྟ་བར་དམར་གསོད་བྱས་ཡོད་པ་བརྗོད་མི་ནུས་པ་ཞིག་བྱུང་ཡོད་པ་རེད། ཤིན་ཅིང་མི་རིགས་རྣམ་པ་ཁྱེད་ཚོས་བཟོད་སྲན་དང་དཀའ་སྡུག་དེ་མཐོང་ན་མི་མཐའ་མཆི་མིའི་གང་སོང་ཡིན་ཡང་དམར་ཕྱོགས་ཀྱི་དྲག་རྡུང་ཅི་ཙམ་བྱས་ཀྱང་ད་དུང་དཔའ་འཛངས་སྐྱེད་དགོས་པ་ཆོས་ཉིད་རེད། དམར་ཕྱོགས་མཐར་སྐྲོད་བྱེད་ཀྱི་གལ་ཆེན་རེད། ཡུ་གུར་མི་མང་རྒྱལ་ལོ།
རྒྱ་མི་མཐར་སྐྲོད་གཏོང་སྟངས་དེ་རང་རེད། རྒྱ་འདྲེ་དེ་ཚོ་སྡུག་སྐད་ཤོར་འདུག
དྲག་རྡུང་ཉི་ཙམ་བྱས་ན་དྲག་རྒོལ་དེ་ཙམ་ཤུག་ཆེ་རུ་འགྲོ་རྒྱུ་ནི་འགྲོ་བ་མིའི་རང་གཤིས་རེད།