སློབ་མ་ཞིག་ལ་ཉེས་རྡུང་བཏང་སྟེ་གྲོངས་འདུག་ཟེར།

སློབ་མ་ཞིག་གིས་སློབ་མ་ཞིག་བསད་པ་དེ་ཧ་ཅང་རྫབ་ཆེན་རེད། འོན་ཀྱང་གོང་གི་བུད་མེད་དེ་ལ་བརྙས་སྟངས་དང་དེ་གཉིས་རྩ་བ་ནས་འདྲ་བ་མི་འདུག དྲང་མོར་ཞུས་ན་སློབ་ཕྲུག་ཞིག་གིས་སློབ་ཕྲུག་ཞིག་འཇིག་རྟེན་ནས་བྲལ་བཅུག་པ་དེ་དོན་དངོས་ཐོག་སེམས་བཟང་དང་རེ་བ་ཆེ་ས་ཞིག་ནས་སྟབས་ཉེས་པའི་རྐྱེན་ངན་དེ་བྱུང་བ་དེ། དེ་ཡང་ཅུང་བསམ་བློའི་བློས་སློང་གི་སྟེང་ནས་བལྟས་ན་ཆེད་དུ་མི་ཡུལ་དུ་བྲལ་འཇུག་འདོད་མེད་ལ་ཀུན་སློང་གིས་མ་དག་པ་མེད།
བསྟན་འཛིན་སྒང་གི་བུད་མེད་དེ་ལ་བརྙས་སྟངས་ནི་རྒྱབ་རྩ་མེད་པ་དང་། རྒན་ཚང་ཡིན་པ། ཁ་གཏད་ཆོག་པ། གང་བྱས་བྱས་ཡིན་བསམ་པའི་ཀུན་སློང་མ་དག་པ་ཞིག་གི་ངོ་གདོང་ནས་ཆེད་དུ་བྱས་པ་ཞིག་རེད། བུད་མེད་དེ་མ་ཤི་པ་རེད་མ་གཏོགས་དོན་དངོས་ཐོག་བསད་ཚར་བ་རེད། ལུས་སེམས་གཉིས་ཀ་གཅུང་ནད་དུ་བཏང་ཚར་བ་རེད། མིའི་སྤྱི་ཚོགས་ཀྱི་ཁྲོད་ནས་གཉའ་དམའ་བ་དང་མགོ་བོ་འདེགས་མི་ཐུབ་པ་ཞིག་བཟོས་ཟིན་པས་དེ་ལས་ལྷག་གསོད་སྟངས་ཤིག་དང་ཐུབ་ཚོད་ཞིག་ཡོད་དམ།

ཉེ་ཆར་བོད་མིའི་སྤྱི་ཚོགས་འཁྲོད་སུ་ཇཱ་ཡི་རྒན་བདག་གིས་སློབ་མ་ཞིག་ལག་ཉེས་ཤོར་ནས་ཤི་བ་དེ་ལས་འཁྲོས་སྟེ་ལབ་སླེང་མང་དག་ཞིག་བྱེད་བཞིན་འདུག་པ་དེ་དག་ལས་ཅུང་གནས་ཚུལ་ཁུང་བཙུན་ཁག་ཅིག་ནི། ལོ་གཅིག་ཙམ་གྱི་གོང་སློབ་ཕྲུག་རྣམས་ཀྱི་ལག་ཐོག་ཁ་པར་དང་གློག་ཀླད་བཅས་སློབ་གྲྭས་ཕྱིར་སྡུ་བྱས་ནས་བཙོང་ཡོད་པ་དང་དེ་དག་ལས་བྱུང་བའི་དངུལ་གྱིས་སློབ་གྲྭ་སྤྱི་ལ་ཕན་པའི་བརྙན་འཕྲིན་ཞིག་ཉོས་ཡོད་ཚོད་འདུག དེ་མིན་དེ་སྔོན་དང་མི་འདྲ་བར་ད་ཆ་སློབ་མ་ཞིག་རྩ་དགོངས་ཞུ་དགོས་ཚེ་ཧ་ཅང་ཁག་པོ་ཡིན་པ་དང་སློབ་ཕྲུག་གསར་པ་ཡར་འཇུག་དགོས་ཚེ་ལས་སླ་པོ་ཡིན་པ་སོགས་འགྱུར་བ་ཆེན་པོ་ཐེབ་ཡོད་ཚོད་འདུག་

དེ་རིང་མ་ལེགས་པ་ཞིག་ལ་བོད་ནས་གསར་དུ་འབྱོར་བའི་བོད་ཀྱི་སོན་རྩ་ཅིག་ཉེས་རྡུང་ཚད་མེད་གཏང་ཏེ་རྐྱེན་འདས་སུ་སོང་བའི་གཏམ་ངན་འདི་ཐོས་པ་ན་ཧ་ཅང་བློ་ཕབ་བྱུང་་་་་དེ་འདྲ་སོང་ཙང་་་རྗེས་སུ་དེ་འདྲ་རང་མི་ཡོང་བའི་ཐབས་ལམ་གཞན་པ་ཞིག་སྟོན་རོགས་གནང་་་་་གུས་པས་སྙིང་ནས་རེ་བ་ཡིན་

རྒྱ་ནག་ནང་དུ་མཁྱེན་རབ་ལགས་ཤི་བ་ཡིན་ན། རིན་ཐང་འདི་ལས་ཆེ་བ་ཡོད། སུ་ཇ་སློབ་སྤྱི་དང་རྒན་བདག་གཉིས་བཅས་ནས་མཁྱེན་རབ་ཀྱི་རོ་ཟོས།

ཐབས་སྐྱོ་ལ། གནས་ཚུལ་དེ་སུ་ཇཱ་སློབ་གྲྭའི་དགེ་རྒན་དང་སློབ་སྤྱིའི་སྐྱོན་རེད་འདུག་སམ། དགེ་རྒན་དང་སློབ་སྤྱི་སོགས་ཀྱི་རྒན་བདག་སོགས་ལ་ངོ་སོ་བསྟོད་རྒྱུ་དང་དབང་ཚད་སྤྲོད་རྒྱུ་མང་དྲགས་རེད། རྒན་བདག་དེ་ཚོ་གསར་འབྱོར་ཡིན་པས་རྐྱེན་གྱི་སློབ་སྦྱོང་དང་མཉམ་མྱོང་སོགས་ཀྱི་མ་འདང་བ་རེད། རྡོག་རྡོག་ཞིག་བཤད་ན་་་ཁོང་ཚོའི་གསར་རྟག་བསྟན་པ་རེད།
སྤྱིར་རྒན་བདག་ཞིག་མ་ཚད་་་་དགེ་རྒན་ཞིག་གི་ལག་པ་འཆང་བས་ཐོབ་ཐང་མེད་མོད། ཁོང་ཚོའི་བསླབ་བྱ་དང་དེང་རབས་ཀྱི་ཁ་ཕྱོགས་མ་བསྟན་པས་་་གཡག་རྒོད་རྡུང་རྡུང་བྱས་པ་ལ་་་མཐའ་གཅིག་ཏུ་ངོ་རྒོལ་ཡོད།

མིའི་སྤྱི་ཚོགས་ཞིག་ཡིན་ཕྱིན་སྔ་གཞུག་ལ་མ་ལྟོས་པར་ཆེ་ཆུང་ལ་མ་ལྟོས་པར་དོན་དག་ཞིག་ཡོང་རྒྱུ་སྲིད་པ་ནི་ཆོས་ཉིད་ལྟ་བུ་རེད། དེ་ལ་ཧ་ལས་ཧོན་འཐོར་དགོས་པ་གང་ཡང་མ་རེད། འོན་ཀྱང་དོན་དག་ག་རེ་བྱུང་ཡང་ཁྲིམས་ལུགས་གཞིར་བཟུང་ཐག་གཅོད་གནང་ན་ཁྲིམས་བཟོས་པའི་བཟོ་གོ་ཆོད་པ་རེད། དེ་མིན་བར་བ་བར་ནས་གཟུ་བཤད་ཁུལ་གྱིས་ཐག་གཅོད་གནང་ན་ཡག་པོ་རྩ་བ་ཉིད་ནས་མ་རེད། གནའ་སྔ་མོ་ནས་ད་བར་རྒད་པོ་རྒན་མོ་ཚོ་ཚོགས་ནས་གཟུ་བཤད་ཁུལ་གྱིས་རྒྱུ་འབྲས་གོ་ལྡོག་མཁན་མང་པོ་རེད།
ང་ཚོ་ཁ་ནས་མང་གཙོ་དང་ཁྲིམས་ཀྱིས་དབང་བསྒྱུར་བའི་ལུང་པ་ཞིག་བསྐྲུན་དགོས་ཞེས་བཤད་པ་བཞིན་དོན་དག་ངོ་མ་སྒང་ལ་འགྲོ་ན་འགྲོ་རན་རེད། དེ་མིན་རྗེས་ལས་དང་ངན་པ་ལང་ཤོར་དུ་གཏོང་བ་རང་རེད།
ང་ཚོའི་གཞུང་དང་ཚོགས་སྡེ་ཁག་མང་པོའི་ནང་ཁྲིམས་ལུགས་ལ་དོ་སྣང་གང་ཡང་མེད་པར་མི་ཁ་ཤས་ཞིག་གིས་ཐག་གཅོད་གནང་བསྡད་པ་དེ་རྩ་བ་ཉིད་ནས་ཡག་པོ་མི་འདུག།

ཚང་མས་བཟོད་པ་ཏོག་ཙམ་གནང་རོགས་་་་་་་་་་་་་་་་་་་་་་་་་་་་་་་འདི་འདྲ་བའི་གནས་ཚུལ་བོད་ལ་ཡོད་པའི་ཕ་མ་ཞིག་ལ་འཕྲད་དུས་ཧ་ཅང་བློ་ཕམ་བྱུང་།་ཚང་མས་བསམ་བློ་ཡག་པོ་གཏོང་རོགས་གནང་་་་་་་་་་་་་་་

རེད་ཡ་འདས་བོ་སློབ་ཕྲུག་ཁོང་ལ་སེམས་སྟེང་ནས་སྙིང་རྗེ་དང་མྱ་ངན་ལེ་ཡོད། དེ་ལས་ཀྱང་སྙིང་རྗེ་དགོས་བ་རྒན་བདག་གཉིས་དང་སློབ་གྲ་འདིས་མ་འོངས་བ་རེད། གཞོན་སྐྱེས་ཤེས་ཡོན་ཅན་རྣམས་ཀྱིས་ལག་པ་སྙིང་ཁར་བཞག་ནས་སློབ་གྲ་འདིའི་མ་འོངས་བ་ལ་བསམ་བློ་ཞིག་བཏང་ནས། མགོ་ཚོས་མ་ཚོས་བར་ནས་མཆན་གང་ཡིན་མ་འབྲི་རོགས།

ལོ་གཉིས་ཀྱི་གོང་དེར་སེར་བྱེས་གྲ་ཚང་གི་སྐུ་གཉེར་ཞིག་གིས་དགེ་འདུན་འདུན་པ་ཞིག་ལ་རྟ་ལྕག་ཞིག་ཞུས་སྐབས་དུས་བབ་དྲ་རྒྱའི་སྟེང་གི་དྲ་འབུ་དེ་དག་ཕྱོགས་གཅིག་ཏུ་བསྡོམས་ནས་དྲ་དམག་འབོར་ཆེན་ཞིག་ལྷོ་ཕྱོགས་སེར་རར་ཆོས་སྒར་དུ་དྲངས་ནས་འགྲོ་བ་ཡོངས་ཀྱི་བསོད་ནམས་ཀྱི་ཞིང་མཆོག་དམ་པ་དེ་ཤུལ་མེད་དུ་བཅོམས་སོང་། དེ་རིང་སུ་ཇྭ་སློབ་གྲའི་རྒན་བདག་དེ་ཚོས་མ་འོངས་བོད་ཀྱི་སོན་རྩ་ཞིག་དམར་གསོད་བཏང་སྐབས་དུས་བབ་དྲ་རྒྱའི་སྔར་དྲ་འབུ་དེ་ཚོ་ཞེད་ཐག་ཆད་ནས་དྲ་སྐྱག་ཡང་ཤོར་ནས་ཕྱོགས་གང་སར་བྲོས་ཚར་འདུག། དགོས་སར་ཆད། མི་དགོས་སར་ཐོལ། ཟེར་བ་དེ་རེད།

དེ་དངོས་གནས་ཡིད་སྐྱོ་བས་གནས་ཚུལ་ཞིག་རེད
རྒན་ལགས་ཀྱིས་སོད་སེམས་མེད་པར་ང་ཚོས་ཤེས་ཐོབ་ཡིན་ན་ཡང་དེ་ཏབ་མ་ལེགས་པས་དབང་གི་བྱུང་བ་ཞིག་ཡིན་པ་རེད་ལ་རྒན་གི་མ་འགྲིག་བ་ཡོང་གི་འདུག་གང་ཡིན་ཟེར་ན་མ་རབ་དང་སྤྱོད་ངན་ཅན་སློབ་ཕྲུག་དེ་ཚོ་ཉེས་པ་ག་རེ་བཏང་བཏང་རེད་ཉེས་རྡུང་དགོས་དོན་མེད་་་ ཁ་ཤས་ཀྱིས་དངོས་དང་རྫུན་གཉིས་ཀའི་བར་ནས་ཡོང་བཞིན་འདུག སློབ་ཕྲུག་སུ་ཞིག་ལ་གློག་གི་འཕྲུལ་ཆས་ཡོད་པ་གོང་གིས་མཐོང་ན་ཡིག་ཚང་གིས་ཕྲོག་སྟེ་མར་གནང་བའི་སྲོལ་ཡོད་མི་འདུག
སློབ་ཕྲུག་ཁ་ཤས་ལ་ཕྱི་རྒྱལ་གྱིས་ཅ་དངོས་རིགས་བསྐུར་ན་དེ་དང་མཉམ་དུ་སྒོར་མོ་ཡོད་པ་མཐོང་སོང་ན་ཡིག་ཚང་གིས་ཡར་འཕྲོག་གི་ཡོད་འདུག. མཐའ་མར་ཅ་དངོས་དེ་དག་སུ་ལ་བདག་ཡོད་དམ།. ཁ་ལག་ནི་རྒྱ་ནག་བཙོན་ཁང་ལས་ཅུང་ཟད་དྲག་ཡོད་འདུག་ཟེར། དེ་ནི་མི་ཞིག་གིས་ཁུར་དགོས་པའི་འགན་འཁྲི་དང་རྩ་དོན་མཐའ་དག་རྦད་དེ་གཏིང་བརྗེད་དུ་སོང་ནས་རང་གིས་རང་ལ་དགག་པ་ཡང་ཐེབས་ཡོད་པ་མཐོང་། གནས་ལུགས་ཀྱིས་ཕོངས་པའི་ཅ་ཅོའི་ངག་འཆར་རིགས་ལ་མ་རྨོངས་པར་བདེན་དོན་གྱི་སྤེལ་རྩལ་འཕྱར་ནས་རྒོད་གཏམ་གྱི་གཏན་ཚིགས་འགོད་རྒྱུ་དེ་ནི དྲང་བདེན་དང་ཡར་ཐོན་ལ་ཕྱོགས་པའི་མི་ཞིག་གིས་ཁུར་དགོས་པའི་འགན་འཁྲི་དང་དོར་ཐབས་མེད་པའི་ལས་འགན་ཡིན་པ་བརྟེན གསར་འགྱུར་འདི་ཀློག་མཁན་དང་མཆན་མཁན་ཚང་མ་ཤེས་ཡོན་ཅན་དང་བསམ་བློ་གཏོང་ཤེས་མཁན་ཞིག་ཡིན་དགོས།

ང་ཚོའི་སློབ་གྲྭ་ཁག་ལ་སྒྲིག་གཞི་དམ་དྲགས་པའི་སྐྱོན་ཆེན་པོ་འདུག སྒྲིག་གཞི་དམ་དྲགས་ན་མིའི་ལུས་སེམས་གཉིས་ཀྱི་འཚར་ལོངས་ལ་ཕན་ཐོག་མེད་ཁར་གནོད་སྐྱོན་ཆེན་པོ་འགྲོ་བཞིན་པ་མ་ཟད། སློབ་གྲྭ་ནས་ཐོན་པའི་རྗེས་སུ་ཡང་བག་འཁུམས་ཅན་ལ་འགྱུར་བཞིན་ཡོད། ད་རེས་ཀྱི་དོན་རྐྱེན་འདི་ཡང་སྒྲིག་གཞི་དམ་དྲགས་པའི་དབང་གིས་བྱུང་བ་རེད་ལ། མིའི་མི་ལ་ཉེས་རྡུང་བཏང་ནས་བསད་པ་ནི་དུད་འགྲོའི་བྱ་སྤྱོད་རེད།

གསར་འགྱུར་ནི་འུར་ཤོད་དང་བདེན་རྫུན་མ་ངེས་པའི་བར་ན་བྱུང་བཞིན་ཡོད་པས། གསར་འགྱུར་ཡིན་པ་ཙམ་གྱིས་ཡོད་ཚད་བདེན་པར་འཛིན་མི་རུང་། དེའི་སྟབས་ཀྱིས་མཆན་མཁན་གང་མང་ཞིག་གི་མཚན་ཡང་དངོས་དང་རྫུན་གཉིས་ཀའི་བར་ནས་ཡོང་བཞིན་འདུག གསར་འགྱུར་འདི་ཀློག་མཁན་དང་མཆན་མཁན་ཚང་མ་ཤེས་ཡོན་ཅན་དང་བསམ་བློ་གཏོང་ཤེས་མཁན་ཞིག་ཡིན་ངེས། ཐེངས་འདིར་སུ་ཇ་བོད་ཁྱིམ་ལ་བྱུང་བའི་གནད་དོན་འདི་ཤེས་མ་ཤེས་དང་། ཡིན་མ་ཡིན་གཉིས་ཀྱི་སོ་མཚམས་ལ་བརྡར་ནས་ཤོད་རྐྱང་བྱས་ན་སྐྱོན་ཆེ། རྒྱུ་མཚན་ནི་སུ་ཇ་སློབ་གྲྭ་འདི་ཧ་ཅང་ཚོར་ཤུགས་རྣོ་སའི་སློབ་གྲྭ་ཞིག་དང་། གནད་དོན་མང་བོའི་སློབ་གྲྭ་ཞིག སྐབས་ཚོད་རིང་ལུགས་པ་དང་། བདེ་འཇགས་དཀྲུག་མཁན་སོགས་མེད་པ་གཏན་ནས་མིན། མཆན་མཁན་ཚོས་རྨ་ཐོག་ལ་ཚ་ཡི་དཔེ་བཞིན་མི་བྱེད་པར་བཟང་ཕྱོགས་དང་འབྱུང་འགྱུར་སློབ་གྲྭ་འདིའི་བདེ་འཇགས་དང་འདིའི་གོང་ཕེབས་ཀྱི་ཕྱོསག་ལ་ལམ་སྟོན་གནང་རྒྱུ་ལས་དོན་མེད་དབྱེན་སྦྱོར་གྱི་ངན་ཚིག་མ་བརྗོད་ན་ལེགས། རྒྱུ་མཚན་ནི་ང་ཚོ་ཚང་མ་བོད་རིགས་ཤིག་ཡིན་པས་འགན་ཡོད་ལ་སློབ་གྲྭ་འདིར་ད་དུང་སློབ་ཕྲུག་སྟོང་ཕྲག་གང་མང་གནས་སའི་གཞི་ཞིག་ཡིན་པས་ཡིན། དོན་མེད་སུ་ཇ་སློབ་གྲྭའི་སྒྲིག་ལམ་འགྲིག་མེད་ཚུལ་དང་ཟས་གོས་སྡོད་གནས་སྐྱོ་ཚུལ་སོགས་བཤད་ན་ཅུང་མི་འོས་པ་ཞིག་དང་པ་འགྲིག་པ་ཞིག་མཐོང་བ་འདུག བཙན་བྱོལ་དུ་སླེབས་པའི་སློབ་ཕྲུག་སྟོང་ཕྲག་མང་པོ་ཞིག་འདི་ནས་འཚར་ལོངས་དང་འདི་ནས་སེམས་ཁ་གསོས་པ་ཡིན་ཞེས་ན་ཡང་མི་འགྲིག་པ་མེད། སློབ་ཕྲུག་ཞིག་འདི་ལྟར་རྐྱེན་ངན་འོག་འདས་གྲོངས་སུ་ཕྱིན་པ་ཡང་དོན་དངོས་ཐོག་ནས་རྐྱེན་ངན་རང་ཡིན་སྟབས་ཚང་མས་འུར་ཤོད་བྱས་ན་སློབ་གྲྭའི་བདེ་འཇགས་ལ་གནོད་སྐྱོན་ཧ་ཅང་ཆེ། ལྷག་དོན་ཚང་མས་རྟོགས་དགོས་པ་ནི་སྐབས་ཚོད་རིང་ལུགས་པ་དག་ཡིན། སུ་ཇ་སློབ་གྲྭ་ནི་སྐབས་ཚོད་རིང་ལུགས་པ་འབྱུང་སའི་གནས་གཞི་གཙོ་བོ་དེ་རེད་ཞེས་ན་ནོར་སྐྱོན་ཆེར་མེད་སེམས།

སུ་ཇཱ་སློབ་གྲྭ་ཟེར་བ་འདིར་དགེ་རྒན་དང་རྒན་བདག་གི་མིང་ཅན་འགས་ཁྲིམས་མེད་ལུགས་མེད་བྱེད་ཀྱི་ཡོད་ས་རེད།
དེ་ལྟར་མི་གསོད་ཀྱི་ཡོད་རེད་ལ། སློབ་ཕྲུག་གི་རྒྱུ་ནོར་ཡང་བཙན་འཕྲོག་བྱེད་ཀྱིན་ཡོད་པ་རེད། དཔེར་ན། ཉེ་ཆར་སློབ་ཕྲུག་ཚོའི་སྒེར་གྱི་ཅ་ལག་གློ་བུར་དུ་བསྔོགས་བཤེར་བྱས་ནས་ལག་ཁྱེར་ཁ་པར་དང་། པར་ཆས། ལག་ཁྱེར་གློག་ཀླད་སོགས་སློབ་ཕྲུག་ཚོའི་སྒེར་གྱི་ཅ་དངོས་ཧ་ཅང་མང་པོ་བཙན་འཕྲོག་བྱས་ཡོད་པ་རེད། རྒྱུ་དངོས་དེ་དག་སླར་སློག་བར་རེ་བ་བྱས་ཏེ་སློབ་ཕྲུག་བུ་མོ་ཞིག་གིས་སློབ་གྲྭ་ནས་རྩ་དགོངས་ཞུས་ཀྱང་ད་དུང་མོའི་གློག་ཀླད་སོགས་རྒྱུ་དངོས་རྣམས་སློག་མེད་པ་རེད།
མདོར་ན་ཧི་མ་ལ་ཡའི་རི་རྒྱུད་ཀྱི་རྒྱ་ནག་དམག་མི་དང་སུ་ཇཱ་སློབ་གྲྭའི་མི་རེ་ཟུང་གི་བྱེད་སྟངས་ལ་ཁྱད་པར་མེད་པ་འདྲ་བོ་རེད།

སུ་ཇའི་སྒྲིགས་ཁྲིམ་དེ་གོ་ཐོས་དང་དེ་རིང་གི་གནས་ཚུལ་དེ་ཤེས་མ་ཐག་སུ་ཇཱ་ནི་ཆུ་ངོག་གཏམ་རྒྱུད་ནང་གི་ལེང་ཧྲེན་རི་བོའི་ཁྲིམས་ལ་གཞི་བཅོལ་ཡོད་ས་རེད་བསམ་བྱུང། གང་ཡིན་ཟེར་ན་ལེང་ཧྲེང་གི་ཁྲིམས་ནང་དོན་མེད་རི་ནས་བབ་ན་བསད་རྒྱུ་ཞེས་པ་ལྟར་སུ་ཇཱ་ཡིས་ཐ་མག་གང་བྱུང་ཐེན་ནས་བསད་འདུག །
སློབ་ཕྲུག་དེའི་དོན་དུ་མྱ་ངན་བྱེད་དགོས་པ་ནི་སྨོས་མེད་ཡིན་ཀྱང་དེར་རྩེད་མོ་ཅུང་ཞིག་ཐལ་སོང་བས་དགོང་པ་མ་མཚོམས།

གནས་ཚུལ་ནི་བྱུང་ཚར་བ་རེད། འགྱོད་པ་གནང་ཡང་ཕན་ཐུབ་གང་ཡང་མེད། མ་འོངས་པ་ལ་འདི་འདྲའི་རིགས་མ་ཡོང་པ་བྱ་དགོས། སྔར་ནས་སློབ་གྲྭ་འདི་རུ་ཟས་གོས་རྣམས་ཧ་ཅང་གི་སྐྱོ་པོ་དང་།. སློབ་ཕྲུག་མང་ཆེ་བ་གློ་གཅོང་གི་ན་ཚ་ཕོག་མ་མྱོང་མཁན་ཕལ་ཆེར་མེད་པ་ལྟ་བུ་རེད། སློབ་ཕྲུག་མང་པོ་ཕྱིར་ཕུད་བཏང་བ་ཐོས་པར་སེམས་ཕམ། མི་རིགས་ལ་ཐུགས་བསམ་བཞེས་ཏེ་རྙོག་སྒྲ་མ་ཡོང་པ་གནང་རོགས་ཞུ།

སྟབས་མ་ལེགས་པར་བྱུང་བའི་དོན་རྐྱེན་རང་རེད། འདས་པོའི་མི་ཚེ་ཕལ་ཆེར་ཟད་ཚར་འདུག
སུ་ཇཱ་བོད་ཁྱིམ་གྱི་སྒྲིག་གཞི་མུ་མཐུད་དུ་དམ་ནས་དམ་དུ་བཏང་ནས་སློབ་ཕྲུག་མང་པོའི་མདུན་ལམ་གྱི་ཆེད་དུ་ཕྲུ་གུ་ཁ་ཤས་ཤིག་གི་སྲོག་འཕྲོག་དགོས་ཀྱང་། སློབ་གྲྭའི་སྒྲིག་གཞི་དང་འགན་འཛིན་དག་གི་ལྟ་ཚུལ་རྒྱུན་སྐྱོང་བྱ་རོགས། ཁྱེད་ཅག་གི་ཡོད་ཚད་རྒྱལ་གྱུར་ཅིག

སྤྱིར་བཏང་རྒན་བདག་གིས་ལག་པ་འཆང་བ་དེ་ནོར་བ་རེད་ཅེས་བརྗོད་ཆོག་མོད། ང་ཚོས་ད་དུང་ངེས་པར་དུ་བརྟགས་དཔྱད་བྱ་དགོས་ས་གཉིས་ཡོད།
དང་པོ་དེ་རྒན་བདག་ལ་སློབ་ཕྲུག་དེས་ཚུར་འཛིངས་མགོ་བརྩམ་ཡོད་མེད་དེ་རེད། གལ་སྲིད་ཡོད་ན་ལག་ཉེས་འཆོར་སྲིད་པ་ཞིག་རེད། ངན་ཁག་ཡོད་ཚད་སློབ་གྲྭ་དང་རྒན་བདག་ལ་གཡོགས་རྒྱུ་མེད། གཉིས་པ་དེ་སློབ་ཕྲུག་འདས་པོ་དང་རྒན་བདག་གཉིས་ཀྱི་རྩོད་གླེང་དེ་དངོས་གནས་ཐ་མག་བཏུང་བའི་སྟེང་ནས་བྱུང་འདུག་གམ། སློབ་གྲྭའི་གསལ་བཤད་ལ་ཡིད་ཆེས་མཐའ་གཅིག་ཏུ་བྱེད་མི་རུང་། གང་ལགས་ཟེར་ན། འདས་པོ་གྲོངས་ཚར་བ་རེད། གནས་ཚུལ་དེ་སློབ་གྲྭའི་ངོས་ནས་ག་རུ་ལབ་ལབ་འདྲ་བོ་ཞིག་རེད། ད་དུང་སུ་ཇ་སློབ་གྲྭའི་ངོས་ནས་རྒན་བདག་གཉིས་ཟེར་བ་ཙམ་ལས་མི་སུ་ཡིན་སྟོན་རྒྱུ་འདུག་གམ།

ངའི་ཤེས་ཚོད་ལ། སུ་ཇཱ་བོད་ཁྱིམ་སློབ་གྲྭའི་སྒྲིག་གཞི་ཧ་ཅང་དམ་པོ་འདུག ཁ་ལག་ཀྱང་ཤིན་ཏུ་སྐྱོ་བོ་འདུག དགེ་ལས་ཁག་ཅིག་ཡག་པོ་དེ་ཙམ་མེད། ལྷག་པར་དུ། ཕན་སེམས་ཅུང་ཙམ་ཡང་མེད་པའི་ནད་གཡོག་དེ་ཚོ…..
གཞན་སློབ་གྲྭ་དེར་སློབ་མར་ཤ་ཚ་ཤེས་པའི་དགེ་རྒན་དཔེར་ན། རྒན་བསྟན་འཛིན་དར་རྒྱས་མཆོག་དང་། རྒན་ངག་དབང་ཚེ་བརྟན་བཟའ་ཟླ་གཉིས། རྒན་ཚེ་རབ། རྒན་རྡོ་རྗེ་སྒྲོལ་མ། སློབ་གྲྭའི་ཆོས་དགེ་སོགས་ལ་སློབ་མ་ཀུན་གྱིས་བརྩི་བཀུར་ཐོབ་ཡོད།

རྐང་བཞི་ས་ལ་མ་བཙུགས་པའི་དུད་འགྲོ་ངོ་མ་འགའ་ཞིག་འདི་ན་འདུག

སློབ་གྲྭའི་འགན་འཛིན་དང་དགེ་རྒན་གྱིས་ཆོག་འཆན་སྤྲད་དེ་བྱུང་བ་ཞིག་རེད་གནས་ཚུལ་དེ་དེ་རིང་གཅིག་པོ་མ་ཡིན་པར་རྒྱུན་ལྡན་ནས་སློབ་གྲྭ་དེའི་ནང་ཡོད་བསྡད་པ་ཞིག་རེད་
ད་རེདརླུང་རྟ་ཆག་ནས་གནས་ཚུལ་དེ་ལྟར་ལྷག་པ་རེད་
ངས་བལྟས་ན་ལེན་པ་ཚང་མ་རྒན་འཛིན་དང་དགེ་རྒན་ལ་ཡོད་རེད་
དེ་ལྟར་ན་རྒན་འཛིན་དང་དགེ་རྒན་ལ་ཁྲིམས་འཆད་ནན་པོ་བཅད་དགོས་རེད་
ཧི་མ་ལ་ཡའི་གངས་རི་རྒལ་ནས་རང་སྲོག་འབེན་ལ་བཙུགས་ཏེ་བཙན་བྱོལ་དུ་ཡོང་་འོན་ཀྱང་ཕ་མ་སྤུན་མཆེད་མེད་པའི་དྭ་ཕྲུག་དེ་རྣམས་ལ་རྒྱ་གུང་ཕྲན་ལས་སྡུག་པའི་གནར་གཅོས་གཏོང་དུ་བཅུག་སོང་
སློབ་གྲྭ་དེའི་ནང་རྒན་བདག་གཏད་ཕྲུག་དེ་ཚོས་ག་དུས་ཡིན་ནའང་སློབ་ཕྲུག་དེ་ཚོར་ཉེས་རྡུང་གཏོང་ཀྱང་བྱེད་བཞིན་ཡོད་གང་ཡིན་ཞེས་ན་གཏད་ཕྲུག་དེ་ཚོའི་རྒྱབ་ལ་སྙིང་རྗེ་སྤུ་ཙམ་ཡང་མེད་པའི་མི་ངན་རྒྱག་པ་དེ་ཚོ་ཡོད་པས་སོ།
མདོར་ན་སུ་ཇཱ་སློབ་གྲྭའི་རྒན་བདག་རིམ་པའི་ལག་ནས་ཉེས་རྡུང་གཏང་མི་མྱོང་བ་གཅིག་ཀྱང་མེད།