ཉེ་སྔོན་རྒྱ་ནག་ཏ་ལེན་གྲོང་ཁྱེར་དུ་ཚོགས་པའི་སྐབས་ལྔ་པའི་ཌེ་བོ་སི་རྒྱལ་སྤྱིའི་དཔྱད་གླེང་ཚོགས་འདུའི་ཐོག ཝུན་ཅ་པའོ་ཡིས་རྒྱ་ནག་གི་ཆབ་སྲིད་བཅོས་བསྒྱུར་དགོས་སྐོར་ནན་བརྗོད་བྱས་ཡོད་པ་རེད།
ཕྱི་ཟླ་ ༩ ཚེས་ ༡༤ ཉིན་རྒྱ་ནག་ཏ་ལེན་གྲོང་ཁྱེར་དུ་ཚོགས་པའི་སྐབས་ལྔ་པའི་ཌེ་བོ་སི་(Davos)རྒྱལ་སྤྱིའི་དཔལ་འབྱོར་དཔྱད་གླེང་ཚོགས་འདུའི་སྟེང་། རྒྱ་ནག་གི་སྲིད་བློན་ཝུན་ཅ་པའོ་ཡིས་སྔ་ཕྱིར་ཐེངས་གཉིས་ལ་རྒྱ་ནག་གི་ཆབ་སྲིད་ལམ་ལུགས་བཅོས་བསྒྱུར་དགོས་སྐོར་དང་། ད་ལྟའི་ཆར་དམར་ཤོག་པས་མཐའ་གཅིག་ཏུ་སྲིད་གཞུང་གི་འཐུས་ཚབ་བྱེད་པའི་རྣམ་པ་བསྒྱུར་ཏེ་ ༼དམཪ་ཤོག་དང་སྲིད་གཞུང་གཉིས་ཐ་དད༽བྱ་དགོས་པ་སོགས་རྒྱ་གཞུང་གི་ཆབ་སྲིད་བཅོས་བསྒྱུར་ཐད་དོན་ཚན་ ༥ ཡི་བསམ་ཚུལ་བཏོན་ཡོད་འདུག འོན་ཀྱང་ཆབ་སྲིད་བྱེད་བརྗོད་པ་རེ་འགས་དེ་ནི་ཝུན་ཅ་པའོ་ཡིས་མི་མང་ཁྲོད་རང་ཉིད་ལ་སྣང་བརྙན་ཡག་པོ་ཞིག་བསྐྲུན་ཆེད་ཀྱི་འཁྲབ་སྟོན་ཙམ་ཡིན་པ་ལས། ཁ་ཡོད་ལག་ཡོད་ཀྱིས་ཆབ་སྲིད་བཅོས་བསྒྱུར་བྱ་འདུན་མེད་སྐོར་བརྗོད་འདུག
ཚོགས་འདུའི་མཛད་སྒོའི་གཏམ་བཤད་སྐབས་སྲིད་བློན་ཝུན་ཅ་པའོ་ཡིས་རྒྱ་ནག་གི་ཆབ་སྲིད་བཅོས་བསྒྱུར་སྐོར་ལ། དང་པོ། ཁྲིམས་ལུགས་ལྟར་རྒྱལ་ཁབ་བསྐྱངས་ཏེ་དམར་ཤོག་གིས་སྲིད་གཞུང་གི་འཐུས་ཚབ་བྱེད་པ་བཅོས་བསྒྱུར་དང་། དབང་ཤུགས་གཅིག་གཅོད་དང་ཚད་བརྒལ་གཅིག་སྡུད་ཀྱི་རྣམ་པ་ཤུགས་ཆེ་བའི་དམར་ཤོག་ཚོགས་པ་དང་རྒྱལ་ཁབ་ཀྱི་མགོ་ཁྲིད་ལམ་ལུགས་བཅོས་བསྒྱུར་བྱ་དགོས་པ། གཉིས་པ། སྤྱི་ཚོགས་འདྲ་མཉམས་དྲང་བདེན་ཡོང་བ་བྱ་དགོས་པ། གསུམ་པ། སྲིད་ཁྲིམས་དྲང་བདེན་དང་རང་དབང་ལྡན་པ་ཡོང་དགོས་པ། བཞི་པ། མི་དམངས་ཀྱི་དམངས་གཙོའི་ཁེ་དབང་སྲུང་སྐྱོབ་དང་། ལྷག་པར་དུ་འོས་འདེམས་ཀྱི་ཁེ་དབང་དང་། གནས་ཚུལ་ཤེས་རྟོགས་ཀྱི་ཁེ་དབང་། མང་ཚོགས་མཉམ་ཞུགས་ཀྱི་ཁེ་དབང་། མང་ཚོགས་ཀྱིས་གཞུང་ལ་སྟངས་འཛིན་གྱི་ཁེ་དབང་བཅས་སྲུང་སྐྱོབ་བྱ་དགོས་པ། ལྔ་པ། རུལ་སུངས་བཀག་སྡོམ་བྱ་དགོས་པ་བཅས་དོན་ཚན་ལྔ་གསལ་འདོན་བྱས་ཡོད་པ་རེད།
འཛམ་གླིང་དཔལ་འབྱོར་དཔྱད་གླེང་ཚོགས་འདུའི་དྲུང་ཆེ་ཁེ་ལོ་སི་སི་ཁེ་ཝེབ་(Klaus Schwab)ཀྱིས། བྱེད་ཐབས་ག་འདྲ་ཞིག་གི་འོག་ནས་རྒྱ་ནག་དེ་འཆམ་མཐུན་ཡར་རྒྱས་ཅན་གྱི་སྤྱི་ཚོགས་ཤིག་བསྐྲུན་རྒྱུ་ཡིན་སྐོར་དྲིས་སྐབས། ཝུན་ཅ་པའོ་ཡིས། “ཉེ་བའི་ལོ་འགའི་རིང་ངས་ཆབ་སྲིད་བཅོས་བསྒྱུར་ཐད་གཏམ་གླེང་མང་པོ་བྱས་མྱོང་། ཐེངས་འདིའི་ཚོགས་འདི་དེ་ཡང་། ད་ལྟ་ང་དང་ལྷན་དུ་ཡོད་པའི་མི་སྣ་དག་གིས་ཕན་ཚུན་སྐུལ་འདེད་གནང་བ་ཞིག་ཡིན་པར་མ་ཟད། ངའི་ཀླད་པའི་ནང་འཁོར་བཞིན་པའི་བསམ་ཚུལ་མཐའ་དག་ནི་དོན་གྱིས་རྒྱལ་ཡོངས་མི་དམངས་ཀྱི་སྐུལ་འདེད་ཁོ་ན་ཡིན་སྟབས། ང་རང་ལ་ལས་འགན་ཧ་ཅང་ལྕི་མོ་ཡོད་པའི་སེམས་ཚོར་འདུག དེར་བརྟེན། ངེས་པར་དུ་ཡང་དག་པ་དང་ལྷག་བསམ་རྣམ་དག་གི་སྒོ་ནས་ཕྱོགས་མང་པོའི་གནད་དོན་ཐད་འཛིན་པའི་རང་གི་ལྟ་ཚུལ་དེ་གསལ་བོར་གླེང་རྒྱུ་ཧ་ཅང་གལ་ཆེན་པོ་རེད།” ཅེས་དང་། ཁོང་གིས་སྲིད་ཁྲིམས་དྲང་བདེན་དང་སྤྱི་ཚོགས་འདྲ་མཉམ་སྲུང་སྐྱོང་བྱ་རྒྱུ་དེ་ནི། རྒྱ་ནག་རྒྱལ་ཡོངས་སྐབས་ ༡༡ པའི་ཚོགས་འདུ་ཐེངས་གསུམ་པའི་ཐོག་གླེང་ཟིན་པ་ཞིག་ཡིན་པར་མ་ཟད། དམར་ཤོག་ཚོགས་པ་དང་སྲིད་གཞུང་ཐ་དད་བྱ་དགོས་པ་དེའང་། ༡༩༨༠ ལོའི་རྒྱ་གཞུང་དབུས་ཆབ་སྲིད་ལྷན་ཁང་གི་ཚོགས་འདུའི་སྟེང་ཏིན་ཞའོ་ཕིན་གྱིས་༼དམར་ཤོག་དང་རྒྱལ་ཁབ་ཀྱི་མགོ་ཁྲིད་ལམ་ལུགས་བཅོས་བསྒྱུར༽ཞེས་པའི་གཏམ་བཤད་ནང་བསྒྲགས་ཡོད་པ་ཞིག་ཡིན་སྟབས། ད་ཆར་ལག་ལེན་དུ་བསྟར་རྒྱུ་ནི་ཁ་ཚ་དགོས་གཏུགས་ཤིག་ཡིན་སྐོར་བརྗོད་འདུག
ཧུའུ་ཡའོ་པང་དང་ཀྲའོ་ཙི་ཡང་གིས་རྒྱ་གཞུང་གི་སྲིད་འགན་འཁུར་སྐབས། དམར་ཤོག་དང་སྲིད་གཞུང་ཐ་དད་བཅོས་བསྒྱུར་ལག་བསྟར་བྱ་རྩིས་བྱས་ཏེ། སྐབས་དེའི་གཞུང་གི་སྡེ་ཁག་རེ་འགའི་ནང་གི་དམར་ཤོག་རྩ་འཛུགས་མེད་པ་བཟོས་ཡོད་པ་དང་། ཕྱི་ལོ་ ༡༩༨༦ ནས་ ༡༩༨༧ ལོའི་བར་ཀྲའོ་ཙི་ཡང་གིས་མི་ལྔ་ལས་གྲུབ་པའི་རྒྱ་གཞུང་དབུས་ཆབ་སྲིད་ལམ་ལུགས་བཅོས་བསྒྱུར་དཔྱད་ཞིབ་ཚོགས་ཆུང་གི་འགན་ཁུར་སྐབས་ཀྱང་། ཝུན་ཅ་པའོ་དཔྱད་ཞིབ་ཚོགས་ཆུང་དེའི་ལས་གཞིའི་ཁྲོད་ཞུགས་མྱོང་ཡོད་ལ། སྐབས་དེར་ཁོ་རང་གི་ལས་ཀ་གཙོ་བོ་༼དམར་ཤོག་དང་སྲིད་གཞུང་ཐ་དད༽ཀྱི་ལས་གཞིའི་འགན་འཁུར་ཏེ་མགོ་ཁྲིད་ཚོར་ཞིབ་འཇུག་བྱ་རྒྱུ་དེ་ཡིན་པ་དང་། རྒྱ་ནག་རྒྱལ་ཡོངས་སྐབས་བཅུ་གསུམ་པའི་ཚོགས་འདུའི་ཐོག་ཀྲའོ་ཙི་ཡང་གི་སྙན་ཐོའི་ནང་དུ་༼དམར་ཤོག་དང་སྲིད་གཞུང་ཐ་དད༽སྐོར་གསལ་བོར་བཀོད་ཡོད་པ་རེད། ཡིན་ནའང་། ཕྱི་ལོ་ ༡༩༨༩ ལོར་དྲུག་བཞི་དོན་རྐྱེན་བྱུང་རྗེས། ཡང་བསྐྱར་ཕྱོགས་ཡོངས་ནས་དབང་ཆ་གཅིག་སྡུད་ལམ་ཕྱོགས་སུ་བསྐྱོད་དེ། དམར་ཤོག་པས་སྲིད་གཞུང་གི་འཐུས་ཚབ་བྱ་རྒྱུ་མཁྲེགས་འཛིན་བྱས་སྟབས། སྐབས་ ༡༤ ནས་ ༡༧ བར་༼དམར་ཤོག་དང་སྲིད་གཞུང་ཐ་དད༽གྱི་བསམ་ཚུལ་དེ་གཞུང་གི་སྙན་ཐོའི་ནང་ཐེངས་གཅིག་ཀྱང་བཏོན་མྱོང་མེད།
ལོ་སྔོན་མའི་ཕྱི་ཟླ་ ༨ པར་ཧྲིན་ཁྲོན་དམིགས་བསལ་ས་ཁུལ་བཙུགས་ཏེ་ལོ་ ༣༠ འཁོར་བའི་དུས་དྲན་སྐབས། ཝུན་གྱིས་༼དམར་ཤོག་དང་སྲིད་གཞུང་ཐ་དད་༽དགོས་པའི་སྐོར་ཐོག་མར་གླེང་སློང་བྱས་ཡོད། ཡིན་ནའང་། ད་ལོ་ཕྱི་ཟླ་ ༣ པའི་ནང་རྒྱ་གཞུང་མི་དམངས་འཐུས་མིའི་ཚོགས་ཆེན་གྱི་ཚོགས་གཙོ་ཝུའུ་པང་ཀོ་ཡིས། ༼མི་སྒྲུབ་པ་ལྔ་༽ནན་བསྒྲགས་བྱས་ཏེ་ཁྲིམས་དང་སྒྲིག་གཞི་མཐའ་དག་གིས་དམར་ཤོག་པའི་མགོ་ཁྲིད་ལམ་ལུགས་ལ་ཤུགས་སྣོན་བྱ་དགོས་པ་བརྗོད་ཡོད། ཉེ་སྔོན་པེ་ཅིན་དུ་རྒྱ་ནག་གི་ཤེས་ལྡན་པ་ ༡༠༠ ལྷག་གིས་རྒྱ་ནག་དམར་གཞུང་གིས་རྒྱལ་ཁབ་བཙུགས་རྗེས་ཀྱི་ལོ་རྒྱུས་གནད་དོན་ཐད་ཀྱི་གྲོས་མོལ་སྐབས། བགྲོ་གླེང་པ་ཞིག་གིས་རྒྱ་གཞུང་ཆབ་སྲིད་ལྷན་ཁང་གིས་དཔའ་འབྱོར་དྲིལ་བསྒྲགས་དང་། རྒྱ་གཞུང་རྒྱལ་སྲིད་སྤྱི་ཁྱབ་ཁང་གིས་ཆབ་སྲིད་བཅོས་བསྒྱུར་དྲིལ་བསྒྲགས་བྱེད་བཞིན་པ་དེ་ནི། རྒྱ་གཞུང་གི་ཆབ་སྲིད་གནས་བབ་སྔར་ལས་རྙོག་འཛིང་དང་ཉེན་ཁར་འཕྲད་བཞིན་པའི་རྣམ་པ་ཞིག་རེད་ཅེས་བརྗོད་ཡོད།
རྒྱ་ནག་ཚན་རིག་གླིང་གི་ཆབ་སྲིད་ཞིབ་འཇུག་ཁང་གི་འགན་འཛིན་ཡཱན་ཅ་ཆིས་ཀྱིས། སྤྱིར་ཆབ་སྲིད་བཅོས་བསྒྱུར་བྱེད་པ་ལ་ལག་ལེན་དངོས་ཀྱི་ཐོག་འགྱུར་བ་གཏོང་དགོས་པ་ལས། སྐད་ཆ་ཚིག་འགའ་བརྗོད་པ་ཙམ་གྱིས་འགྱུར་བ་ཐེབས་མི་སྲིད་པས། ཝུན་ཅ་པའོ་ཡི་གཏམ་གླེང་དེ་དག་ནི་ད་ལྟ་ཁོ་རང་སྲིད་བློན་ལས་འཕོ་འགྱུར་འགྲོ་ལ་ཉེ་སྟབས། མང་ཚོགས་ཁྲོད་རང་ཉིད་ལ་ཤུགས་རྐྱེན་ཡག་པོ་ཞིག་འཇོག་བསམ་པ་ཡིན་སྐོར་དང་། དེ་བཞིན། རྒྱ་ནག་མི་དམངས་སློབ་ཆེན་གྱི་ཆབ་སྲིད་སྡེ་ཁག་གི་སློབ་དཔོན་ཀྲང་ཝུ་ཡིས་ཀྱིས་ཀྱང་། ད་ལྟའི་རྒྱ་གཞུང་གི་དཔོན་རིགས་ཚོ་ནི་རྣམ་པ་འཁྲབ་སྟོན་གྱི་རིག་གནས་ཤིག་ཏུ་གྱུར་ཡོད་སྟབས། ཝུན་ཅ་པའོ་ཡི་དམིགས་ཡུལ་དེ་ཡང་བཤད་ཐུབ་ན་བཤད་རྐྱང་བྱེད་པའི་རྣམ་པ་ཙམ་ཡིན་སྐོར་བརྗོད་ཡོད།
གཞན་ཡང་། པེ་ཅིན་ཀྱི་དཔྱིད་ཀ་ཞེས་པའི་དུས་དེབ་ཀྱི་གཙོ་སྒྲིག་པ་ཧུའུ་ཕེན་གྱིས། ཝུན་ཅ་པའོ་ཡིས་ཆབ་སྲིད་བཅོས་བསྒྱུར་སྐོར་གླེང་སློང་དང་མཉམ་དུ། རྒྱ་གཞུང་གིས་སྔར་ལས་ལྷག་པར་ཁྲིམས་མེད་ལུགས་ཀྱི་ཐོག་ནས་འགྲོ་བ་མིའི་ཐོབ་ཐང་རྩོད་ལེན་པ་དང་། ཁྲིམས་རྩོད་པ། ཆོས་འཁོར་རྩ་རླུང་སྒོམ་སྒྲུབ་པ། དམངས་གཙོ་དོན་གཉེར་བ་མང་པོ་གང་འདོད་འཇུ་བཟུང་བཙོན་འཇུག་བྱེད་བཞིན་ཡོད་པའི་གནས་སྟངས་འདིས། རྒྱ་ནག་གི་མཐོ་རིམ་དཔོན་རིགས་ནང་ཁུལ་དུ་ཆབ་སྲིད་བཅོས་བསྒྱུར་ཐད་འགལ་བ་ཤུགས་ཆེན་པོ་ཡོད་པ་མངོན་ཡོད་ཚུལ་དང་། ཆབ་སྲིད་དཔྱད་བརྗོད་པ་ཁྲིན་པའོ་ཁུང་གིས་༼ཁའེ་ཧྥང་༽དུས་དེབ་སྟེང་དཔྱད་རྩོམ་སྤེལ་ཏེ། རྒྱ་གཞུང་མཐོ་རིམ་དཔོན་རིགས་ཚོས་ཝུན་ཅ་པའོ་སྲིད་སྟེགས་སྟེང་ཁེར་རྐྱང་ལ་ཕུད་ཡོད་པ་དང་། ཅང་ཙེ་མེན་ཤོག་ཁག་གི་སྒེར་གཅོད་དབང་འཛིན་པ་བཞི་ཡོད་པའི་གྲས་ཀྱི་ཝུ་པང་ཀོ་ཡིས་རྒྱ་ནག་མི་དམངས་འཐུས་མིར་སྟངས་འཛིན་དང་། ལིས་ཁྲང་ཁྲོན་གྱིས་རྒྱ་གཞུང་དྲིལ་བསྒྲགས་ཁྱབ་ཁོངས་ལ་སྟངས་འཛིན། ཀྲུག་ཡུང་ཁང་གིས་རྒྱ་གཞུང་གི་ཁྲིམས་སྲིད་ལ་སྟངས་འཛིན། ཅ་ཆིན་ལིན་གྱིས་ཆབ་སྲིད་ལྷན་ཁང་ལ་སྟངས་འཛིན་བྱས་ཏེ། མི་བཞི་ཚོགས་ཁག་གསར་འཛུགས་ཀྱིས་དམར་ཤོག་སྒེར་གཅོད་པའི་ཁེ་ཕན་ལ་སྲུང་སྐྱོང་བྱེད་བཞིན་ཡོད་པས། ཁོ་ཚོ་བཞི་ནི་རྒྱ་ནག་ཆབ་སྲིད་བཅོས་བསྒྱུར་ཐད་འགག་རྡོ་ཆེན་པོ་བཞི་ཆགས་ཡོད་སྐོར་བརྗོད་འདུག
ཐེངས་འདིའི་ཝུན་ཅ་པའོ་ཡི་ཆབ་སྲིད་བཅོས་བསྒྱུར་སྐོར་གྱི་གཏམ་བཤད་དེ་རྒྱ་གཞུང་གསར་ལམ་ཁག་ཏུ་སྤེལ་མེད་ཀྱང་། གནས་འཕྲིན་དྲ་རྒྱ་དང་ཕྱི་རྒྱལ་གསར་ལམ་ཁག་བརྒྱུད་རྒྱ་ནག་མང་ཚོགས་ཁྲོད་གླེང་ཕྱོགས་ཤིག་བཟོས་ཡོད་འདུག
གསར་འགོད་པ། ཚེ་རིང་རྒྱལ།
སྲིད་བློན་ཝུན་གྱིས་དེ་ལྟར་བཤད་པའི་དམིགས་ཡུལ་གང་ཡིན་ཡང་རུང། དེ་ལྟར་བཤད་པ་ཙམ་ཡང་ཡག་པོ་རེད། གཏམ་བཟང་རང་རེད། སྐད་ཆ་དེས་རྒྱ་ནག་མི་མང་ཁྲོད་གཏན་ནས་མི་འཇགས་པའི་ཡོ་འཁྱོམ་ཞིག་ཡོང་སྲིད། འདི་ནི་རྒྱ་ནང་ནང་མང་གཙོ་དང་རང་དབང་ཇེ་ཆེར་འགྲོ་རྒྱུའི་རྟགས་མཚན་ཞིག་ཀྱང་མ་རེད་དམ།
འཁྲབ་སྟོན་ཡིན་ནའང་འདྲ་སྐད་ཆ་དེ་ལ་ནུས་པ་ཅུང་ཟད་རེ་ཡོད་པ་སེམས།
རྒྱ་ནག་གིས་ལུག་ཤ་བཤམས་ནས་ཁྱི་ཤ་བཙོང་གི་ཡོད་པ་རེད། རྒྱ་ནག་དམར་ཤོག་ལ་འགྱུར་བ་འགྲོ་མི་སྲིད་པ་ཡིན། རྒྱ་རྒན་ཝིན་གྱིས་ལོ་སྔོན་མར་ཡང་དེ་ལྟར་བཤད་མྱོང་ཡོད། འདི་ཚང་མ་ཆབ་སྲིད་ཁྲབ་སྟངས་རེད།
རྒྱ་དམར་ཕྱོགས་པས་ཀླ་ཀློ་དང་རྗེས་ལུས་ཞེས་འབོད་བསྡད་སའི་བཙན་བྱོལ་བོད་གཞུང་འདི་ནི་མི་རིགས་ལྔ་ཅུ་ལྔ་དྲུག་ནང་གི་མང་གཙོ་སྔོན་ཐོན་པ་དང་མི་རིགས་ལྔ་ཅུ་ལྔ་དྲུག་གིས་མིག་དཔེར་བལྟ་འོང་པ་ཞིག་ཆགས་ཡོད།
བཙན་བྱོལ་བོད་གཞུང་གི་ཆོས་སྲིད་གང་གི་ལྟ་བའི་ཆ་ནས་ཀྱང་འགྲོ་བ་མིའི་རང་དབང་ལ་གུས་བཀུར་དང་རོགས་སྐྱོང་བྱས་པར་མ་གཏོགས་བརྩིས་མེད་རྡོག་རོལ་ནམ་བཏང་མྱངས་མེད་པ་རེད། བོད་གངས་ཅན་པའི་ཕ་མེས་ཀྱི་ཁྱད་ནོར་རེད། སྤོབས་པ་བྱས་འོས་པ་ཞིག་ཡོད།
བཙན་བྱོལ་བོད་གཞུང་གི་གྲོས་འཚོགས་སུ་སློབ་སྦྱོང་བྱ་ཐུབ་ན་ཡག་པོ་རེད། རྒྱ་ནག་ནང་མང་གཙོ་གཞུག་ནས་སླེབས་ཀྱི་རེད། བཙན་བྱོལ་བོད་གཞུང་མང་གཙོ་ལག་ལེན་བལྟས་ནས་ལོ་མང་ཉམས་མྱོང་ཡོད་རེད། རྗེས་ལུས་་་་སུ་རེད་འདུག་གམ།།།།།།།།།།།།།།་་་་་་་་་་་་་་་་་་་རྒྱ་ཀླ་ཀློ་འདི་ཚོ་་་་་་་་་་་་་་་་་ཧཧཧཧཧཧ
ཝུན་ཅ་པོ་དང་ཝང་ལི་ཤུང་ལ་སོགས་པ་འདི་ཚོས་སྐད་ཆ་བཅོས་མ་རེ་བཤད་དེ་རྒྱལ་སྤྱིའི་སྤྱི་ཚོགས་ལ་རང་ཉིད་ཀྱི་སྣང་བརྙན་ཡག་པོ་ཞིག་བསྐྲུན་ནས་རྒྱ་ནག་གི་དྲིལ་གསྒྲགས་འཁྲབ་སྟོན་པ་ནུས་ཅན་ཞིག་བཟོ་བསམ་པ་རེད། མཐར་གཏུག་ན་འདི་ཡང་དམར་པོའི་སྲིད་གཞུང་གི་གཡོ་ཐབས་བསྐོས་སྟངས་ཤིག་རེད།
༄༅། །་ཝེན་ཅང་པའོའི་གཏམ་བཤད་དེ་ཆུའི་ནང་གི་རྟུག་བྲི་རེད་ནུས་པ་གང་ཡང་ཡོད་མ་རེད། གཏམ་བཤད་འདི་ལྟ་བུ་དེ་སྔོན་ཡང་ཚར་རེ་གཉིས་བཤད་ཚར་ཀྱང་རྒྱ་ནག་དབུས་གཞུང་གིས་ནང་གསུབ་བཏང་སྟེ་གང་ཡང་བྱུང་ཡོད་པ་མ་རེད། ཁོ་རང་རྒན་ཡོལ་ལ་འགྲོ་ལ་ཉེ་བས་སྐད་ཆ་འཛིག་མདོག་ཁ་པོ་ཞིག་བཤད་པ་རེད་མ་གཏོགས་གནམ་སྔོན་པོའི་འབྲུག་སྐད་ལ་ཆར་པ་བབས་མི་སྲིད།
འདིར་གཟིགས་དང་སྤྱི་འཐུས་ཚོ་སོ་སོའི་ལས་འགན་སྒྲུབ་དང་སྤྱི་འཐུས་ཚོ་ཁྱེད་ཚོའི་རྒྱ་ནག་གི་སྲིད་བློན་ཝུན་ཅ་པོ་ལ་སློབ་སྦྱོང་བྱེད་དགོས
འུ་ཚང་གི་བཀུར་འོས་བའི་སྤྱི་འཐུས་ཚོས་རྒྱ་ནག་གི་སྲིད་བློན་ཝུན་ཅ་པོ་ལ་སློབ་སྦྱོང་བྱེདདགོས།
གལ་སྲིད་དེ་ལྟར་ལག་བསྟར་བྱེད་ཐུབ་ན་རྒྱ་ནག་དམངས་གཙོ་ཡང་དག་གི་ལམ་དུ་བསྐྱོད་འགོ་བཛུགས་པར་སྣང་།
ཨོ་ཡ་་་ད་ཡིན་ན་རྒྱ་ནག་དམར་ཕྱོགས་ཀྱི་ལྟ་བ་ཅུང་ཙམ་འགྱུར་གྱི་འདུག་པའི་རྣམ་པ་གསལ་བོ་བསྟན་འདུག འདི་ལྟར་བལྟས་ན་ང་ཚོར་རེ་བ་ཅུང་ཙམ་མེད་འགྲོ་བསམ་གྱི་འདུག་་་