བོད་ཀྱི་ཆབ་སྲིད་བཙོན་ཟུར་གསུམ་གྱིས་རང་ལུས་མཆོད་མེར་ཕུལ་བའི་རྒྱལ་གཅེས་པ་རྣམ་པ་བཞི་ལ་རྗེས་དྲན་ཆེད་༼ཁྱོད་དང་བོད། འཐབ་རྩོད་ཀྱི་དྲན་ཤིང་། ༽ ཞེས་པའི་དྲན་རྟེན་ཞིག་བཞེངས་འདུག
ཟླ་འདིའི་ཕྱི་ཚེས་ ༡ ཉིན་སྟེ། རྒྱ་ནག་གི་རྒྱལ་སྟོན་དུས་ཆེན་དུ་སྟབས་བསྟུན་ཏེ་བཞུགས་སྒར་བོད་ཀྱི་འགྲེམས་སྟོན་ཁང་དུ། སྐུ་མགྲོན་གཙོ་བོར་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ་ཚེ་དབང་རིག་འཛིན་དང་དགུ་བཅུ་ལས་འགུལ་ཚོགས་ཚོགས་གཞོན་ཀླུ་མཁར་བྱམས་ལགས་གཉིས་གདན་ཞུའི་ཐོག བོད་ཀྱི་ཆབ་སྲིད་བཙོན་ཟུར་ལྷ་མོ་སྐྱབས་དང་འཇིགས་མེད་རྒྱ་མཚོ། བསྟན་པ་དར་རྒྱས་བཅས་གསུམ་གྱིས་དང་བླངས་ཐོག་བོད་བསྟན་སྲིད་མི་རིགས་ཀྱི་ཆེད་དུ་རང་ལུས་མཆོད་མེར་ཕུལ་བའི་རྒྱལ་གཅེས་དཔའ་བོ་ཐུབ་བསྟན་དངོས་གྲུབ་དང་གྲྭ་བཀྲ་བྷེ། གྲྭ་བློ་བཟང་ཕུན་ཚོགས། གྲྭ་ཚེ་དབང་ནོར་བུ་བཅས་རྣམ་པ་བཞི་ལ་གདུང་སེམས་མཉམ་སྐྱེད་ཆེད་དབོན་ཞང་རྡོ་རིང་གི་དབྱིབས་སུ་བཟོས་༼ ཁྱོད་དང་བོད། འཐབ་རྩོད་ཀྱི་དྲན་ཤིང་།༽ཞེས་པའི་དྲན་རྟེན་ཞིག་གསར་འགོད་པ་དང་ས་གནས་མི་མང་འདུ་འཛོམས་ཐོག་དབུ་འབྱེད་གནང་ཡོད་འདུག
འདིའི་ཐད་ཆབ་སྲིད་བཙོན་ཟུར་ལྷ་མོ་སྐྱབས་ལགས་ཀྱིས་བརྗོད་ན། དྲན་རྟེན་འདི་བཞེངས་བསྐྲུན་བྱེད་པའི་དམིགས་ཡུལ་གཙོ་བོ། འདས་པའི་མི་ལོ་འདི་དག་རིང་བཙན་བྱོལ་ནང་གི་རྒྱལ་གཅེས་དཔའ་བོ་ཐུབ་བསྟན་དངོས་གྲུབ་གཙོས། བོད་ནང་གི་གྲྭ་བཀྲ་བྷེ་དང་བློ་གྲྭ་བཟང་ཕུན་ཚོགས། གྲྭ་ཚེ་དབང་ནོར་བུ་བཅས་ཀྱིས་བོད་མི་རིགས་དང་བོད་རྒྱལ་ཁབ་ཀྱི་ཆེད་དུ་རང་ལུས་མཆོད་མེར་ཕུལ་ཏེ། བོད་གཞིས་བྱེས་མཉམ་འཛོམས་དང་༸གོང་ས་མཆོག་བོད་ནང་གདན་འདྲེན་ཞུ་རྒྱུ་བཅས་ཀྱི་འབོད་ཚིག་འོག བོད་མི་རིགས་ཀྱི་དངོས་ཡོད་དཀའ་ངལ་རྒྱལ་སྤྱིའི་ནང་གསལ་སྟོན་བྱས་པ་དེ་བོད་ཕྱི་ནང་གཉིས་ཀྱི་བོད་མི་ཚོས་དུས་ནམ་ཡང་སེམས་ནས་མི་བརྗེད་པར་བྱ་རྒྱུ་དང་། ལྷག་པར་དུ་ཁོང་རྣམ་པའི་ཚེ་སྲོག་བོད་རང་དབང་སླར་གསོའི་ཆེད་དུ་ཕུལ་ཡོད་སྟབས། བཙན་བྱོལ་བོད་མི་ཚོ་དང་མི་རབས་རྗེས་མ་དག་གིས་ཁོང་རྣམ་པའི་ལྷག་བསམ་དང་སྙིང་སྟོབས་ལ་དྲན་གསོ་དང་གདུང་སེམས་མཉམ་སྐྱེད་མཚོན་ཕྱིར་བཞེངས་པ་ཞིག་ཡིན་སྐོར་བརྗོད་བྱུང་ལ། ཉེ་ཆར་རང་ལུས་མཆོད་མེར་ཕུལ་བའི་རྔ་པ་ཀིརྟི་དགོན་པའི་གྲྭ་བློ་བཟང་སྐལ་བཟང་དང་བློ་དཀོན་མཆོག་གཉིས་ཀྱི་གནས་ཚུལ་དྲན་རྟེན་བཞེངས་སྐྲུན་གྱི་རྗེས་སུ་བྱུང་ཡོད་སྟབས། དྲན་རྟེན་ཐོག་འཇོག་ཐབས་བྱུང་མེད་ཀྱང་། ཁོང་ཚོའི་ངོས་ནས་ཁོང་རྣམ་པ་གཉིས་ཀྱི་གནས་སྟངས་ལ་གཞིགས་ཏེ་མུ་མཐུད་ལས་འགུལ་དང་རྒྱབ་སྐྱོར་གནང་འཆར་ཡོད་འདུག
བོད་རིགས་ཆབ་སྲིད་བཙོན་ཟུར་གསུམ་གྱིས་མ་སྐུལ་དང་བླངས་ཐོག་ཧིན་སྒོར་ཁྲི་ ༣ ལྷག་གིས་བཞེངས་སྐྲུན་བྱས་པའི་དྲན་རྟེན་དེའི་རྒྱུ་ཆ་གཙོ་བོ་ལྕགས་དང་འགྱིག་ལས་གྲུབ་བཟོས་ཤིང་། རིང་ཚད་ལ་སོར་ ༡༠༠ དང་ཞེང་ལ་སོར་ ༢༦ ། སྲབ་མཐུག་སོར་ ༡༨ བཅས་ཡོད་འདུག དྲན་རྟེན་ཐོག་ཁོང་རྣམ་པའི་སྐུ་ཕུང་བསྲེགས་པའི་རིམ་པ་ལྟར་སྐུ་པར་དང་མཉམ་དུ་བོད་ཡིག་དང་དབྱིན་ཡིག རྒྱ་གར་བཅས་སྐད་ཡིག་གསུམ་གྱི་ཐོག་ལོ་རྒྱུས་དང་གནས་ཚུལ་གྱི་བྱུང་རབས་ཆ་ཚང་བ་བཀོད་ཡོད་འདུག
གསར་འགོད་པ། དོན་གོ
སྔགས་བརྗོད་དང་འབྲེལ། sangkye་་ལགས། ཧུན་སྒོར་༣༠༠༠༠ཡིན་རྒྱུ་རེད་ལགས།
(ལྷུན)་སྒོར་ཁྲི་གསུམ་ལ་གོ་ས་མི་འདུག
བསྔགས་བརྗོེད་ཡོད། བོད་གྱི་དཔའ་བོ་རྣམས་གསུམ་ལ་མ་འོང་དྲན་རྟེན་བཞེངས་བ་དེ་ཐུགས་རྗེ་ཆེ། རྡོ་རིང་བཞེངས་མཁན་བཙོན་ཟུར་བསྟན་པ་དར་རྒྱས་དང་འཇིགས་མེད་རྒྱ་མཚོ་ལྷ་མོ་སྐྱབས་སོགས་གྱིས་ལྷུན་སྒོར་ཁྲི་གསུམ་ལྷག་གིས་རྡོ་རིང་བཞེངས་བ་དེ་ངོས་ནས་རླབས་ཆེན་གྱི་བྱ་བཞག་ཞིག་རེད་ལགས། དགའ་མི་དགའ་ཕྱོགས་སྐད་ཆ་དེ་མ་རེད། རང་ངོས་ནས་སྒོར་བཅུ་ཙམ་སྤྲད་ཐུབ་གྱི་མེད་ལགས། འི་ནས་ཁ་ཙུམ་ནས་བསྡད་བསྡད་ལགས། ཁོང་ཚོ་ལ་ངོས་ནས་བོད་མི་རིགས་ལ་ཤ་ཞེན་ཡོད་པའི་རྒྱུ་མཚན་རེད་ལགས། ཐུགས་རྗེ་ཆེའོ།
བསྔགས་པར་འོས། མ་གཞི་ནས་དཔའ་བོའི་རྗེས་དྲན་རྡོ་རིང་ཆེན་པོ་ཞིག་བཞེངས་བཞག་ན་དཔའ་བོ་རིམ་འབྱུང་གི་མཚན་ཡིག་འགོད་ཆོག་ཆོག་ཡིན་པས་དགེ་མཚན་ཆེ། ཆུང་ཆུང་མང་པོ་ཞིག་བཞེངས་ས་ཡང་དཀའ། མ་བཞེངས་ན་ཡང་མི་འོས། དཔའ་བོ་རྣམས་ཀྱི་རྗེས་དྲན་གནས་གཞི་ཡང་གཅིག་རང་ཡིན་ན་བཟང་སྙམ།
“བདེན་པ་ཉིད་རྣམ་པར་རྒྱལ་གྱུར་ཅིག”
ཐུགས་རྗེ་ཆེ་ཡག་པོ་བཞེངས་འདུག་བ་མ་ཟད་དུས་ཡང་ཏག་ཏག་འོས་འཚམས་རེད་ཐུགས་རྗེ་ཆེ་ཞུ།
འེ་གསར་འགོད་བ་ལགས་བཞེངས་ཡོན་ཧུན་སྒོར་གསུམ་ཡིན་རྒྱུ་མ་རེད་ནོར་བཅོས་བྱེད་རོགས།།
བོད་རིགས་ཆབ་སྲིད་བཙོན་ཟུར་གསུམ་གྱིས་མ་སྐུལ་དང་བླངས་ཐོག་ཧིན་སྒོར་ ༣ ལྷག་གིས་བཞེངས་སྐྲུན་བྱས་པའི་དྲན་རྟེན་དེའི་རྒྱུ་ཆ་གཙོ་བོ་ལྕགས་དང་།
རྩོམ་སྒྲིག་པའམ་གསར་འགོད་པ་གང་རུང་ནས་གོང་གི་ཚིག་ཧིན་སྒོར༣ལྷག་གི་འདི་འདྲ་ཞིག་ཇི་ལྟར་བཞེངས།
བཞེངས་མཁན་ཁོང་རྣམས་ལ་བསྟོད་བསྔགས་ཞུ་བཞིན་ཡོད། དེ་དང་ཆབས་ཅིག་ཏུ་དཔའ་པོ་ཁོང་རྣམས་ལ་གདུང་སེམས་མཉམ་བསྐྱེད་ཞུ་བཞིན་ཡོད།