ཁ་སང་རྫོང་གསར་བཤད་གྲྭའི་འདུ་ཁང་དུ་སུ་ཇ་བོད་ཁྱིམ་གཙོས་པའི་ཉེ་འཁོར་གྱི་སློབ་གྲྭ་ཁག་དང་དགོན་སྡེ་ཁག གཞིས་ཆགས་བཅས་ཀྱི་སེར་སྐྱ་མི་མང་ ༣༠༠༠ ལྷག་འདུ་འཛོམས་ཀྱིས་མཆོད་འབུལ་སྨོན་ལམ་དང་ཟས་བཅད་སྨྱུང་གནས་སྲུང་ཡོད་འདུག
བོད་ནང་གི་ཛ་དྲག་གནས་སྟངས་ལ་བཙན་བྱོལ་བོད་མི་ཡོངས་ཀྱིས་གདུང་སེམས་མཉམ་སྐྱེད་ཀྱི་ལས་འགུལ་མགོ་འཛུགས་གནང་ཡོད་པ་ལྟར། སྦིར་ནང་ཆེན་ཅོན་ར་ཏ་བོད་མིའི་གཞིས་ཆགས་ལས་ཁུངས་ནས་གནས་ཚུལ་བཏང་འབྱོར་ལ། ཁ་སང་ཕྱི་ཚེས་ ༡༩ ཉིན་གྱི་ཞོགས་པ་ཆུ་ཚོད་ ༩ སྟེང་རྫོང་གསར་བཤད་གྲྭར། དཔལ་ས་སྐྱ་སྒྲོལ་མ་ཕོ་བྲང་གདུང་སྲས་རཏ་ན་ཝ་རྗ་རིན་པོ་ཆེ་དང་། དཔལ་ཕུན་ཚོགས་ཕོ་བྲང་གདུང་སྲས་ཨ་ཝི་ཏ་ཝ་རྗ་ར་རིན་པོ་ཆེ་མཆོག་རྣམ་གཉིས་དབུ་བཞུགས་ཐོག དགེ་འདུན་པ་ཞལ་གྲངས་ ༢༠༠ ཙམ་དང་། སུ་ཇ་བོད་ཁྱིམ་གྱི་དགེ་ལས་སློབ་ཕྲུག་ ༡༣༠༠ ཙམ། ཅོན་ཏཱ་ར་བོད་ཁྱིམ་གྱི་དགེ་ལས་སློབ་ཕྲུག་ ༦༠༠ ཙམ། སམ་བྷོ་ཊ་སློབ་གྲྭའི་དགེ་སློབ་ ༡༥༠ ཙམ། དེ་བཞིན། ཅོན་ཏཱ་ར་གཞིས་ཆགས་བཅས་ཀྱི་སྐྱ་སེར་མང་ཚོགས་ ༣༠༠༠ ལྷག་འཛོམས་ཏེ་ཟས་བཅད་སྨྱུང་གནས་གནང་ཡོད་འདུག
ལས་འགུལ་དབུ་འཛུགས་སྐབས། སྦིར་ནང་ཆེན་ཅོན་ཏ་ར་ས་གནས་མགོ་འཛིན་བསྟན་འཛིན་རབ་དགའ་ལགས་ནས་མཆོད་འབུལ་ངོ་སྤྲོད་དང་བཀའ་ཤག་གི་གསུངས་འཕྲིན་སྒྲོག་སྦྱང་གནང་ཡོད་ཅིང་། དེ་ནས་དཔལ་ས་སྐྱ་སྒྲོལ་མ་ཕོ་བྲང་གདུང་སྲས་རཏ་ན་ཝ་རྗ་རིན་པོ་ཆེ་དང་དཔལ་ཕུན་ཚོགས་ཕོ་བྲང་གདུང་སྲས་ཨ་ཝི་ཏ་ཝ་རྗ་ར་རིན་པོ་ཆེ་མཆོག་རྣམ་གཉིས་དབུ་བཞུགས་ཐོག་སྐྱ་སེར་ཡོངས་ཀྱིས་བོད་ནང་གི་བོད་མི་ཚོར་གདུང་སེམས་མཉམ་སྐྱེད་ཀྱི་མཆོད་འབུལ་སྨོན་ལམ་དང་། ཟས་བཅད་སྨྱུང་གནས་མགོ་འཛུགས་གནང་ཡོད་པ་རེད།
རྫོང་སར་བཤད་གྲྭ་འདི་ས་སྐྱ་པའི་ནང་ནས་བོད་དོན་ལ་ཐག་ཉེ་བོ་བྱེད་མཁན་ཞིག་ཡིན་པ་ནི་དགའ་འོས་པ་ཞིག་རེད།
ཚངས་སར་འཕྲིན་ལས་གསུང་པ་དེའང་གདེན་པ་འདྲ་བོ་འདུག་མཐོ་དམན་སུའང་སྒྱུ་ལུས་གྲུབ་སྟངས་གཅིག་པ་རེད་བདེ་སྡུག་ཡོད་ཚུལ་ཡང་གཅིག་པ་རེད་འགོ་འཛུགས་གནང་ན་ཚག་ཚུད་པོ་གཅིག་གནང་དགོས་པ་ལས་འགོ་འཛིན་པ་ཚོས་ལས་འགན་རེད་རྫོང་སར་ལ་གཙུག་ལག་ཁང་དུ་ཆ་ཚང་བསྐང་ཐུབ་པའི་གདན་ཕོན་ཆེན་ཡོད་པ་ངས་ཀྱང་ཤེས་ཀྱིན་ཡོད་དེ་ཚོ་ལས་དོན་འདི་འདྲའི་ཐོག་ཕན་མ་ཐོག་ན་ཁང་པའི་ནང་དུ་རུལ་བཅུགས་དད་ཟས་ཆུད་ཟོས་མི་འགྲོ་འམ་ཐུགས་བསམ་གཞིགས་གནང་རོགས།
ཨ་ཁ་་་་་ཚངས་ས་ཕྲིན་ལས་ཁྱེད་ཀྱི་འདི་ལྟར་བྲིས་དགོས་དོན་གང་རེད་བྱབ་ཆུང་བ་ཁྱེད་
རྗེས་སུ་ཡིད་རང་ཞུ་རྒྱུའི་ཚབ་ཏུ་མཚན་སྨོད་ཞུས་དགོས་དོན་གང་རེད
ཁྱེད་རང་མཇོན་མདོག་དང་མཐོང་མདོག་མ་བྱེད་
མ་མཐོང་ཕྱིར་ན་མེད་པ་རེད་གང་ན་གསུང་འདུག
མ་གཞི་ནས་ཁྱེད་རང་སེམས་ཤུགས་ཡོད་ས་མ་རེད་ད་ལྟ་གདན་ཁྲིའི་རྩོད་གླེང་མ་རེད་གདུང་སེམས་མཉམ་སྐྱེད་ཀྱི་དུས་རེད། མཁྱེན་ཨེ་སོང་་་་་ཨ་ཕོ།
སྙིང་རྗེ་སློོབ་ཕྲུག་དེ་ཚོ་རྐུབ་ན་ས་རེད་བ། སྲོལ་རྒྱུན་གྱི་འདུ་ཤེས་ཤིག་གི་གྲ་པ་དེ་ཚོར་ཁྲི་མཐོ་པོས་གང་དུ་འཛེགས་ནས་གཞན་རྣམས་རྡོ་གྲོང་མོའི་སྟེང་དུ་རྐུབ་བཙུགས་ནས་སྡོད་དགོས་དུས་ཁག་པོ་འདུག་བ། སྤྱི་དོན་ཡིན་པ་འདྲ་བོ་རེད།
འདི་ལྟར་མུ་མཐུད་ཅིག་སྤུན་ཟླ་ཚོ། འདི་ནི་ང་ཚའི་འོས་འགན་རེད། སློབ་ཕྲུག་ཚོ་སྐབས་རེ་མ་གཏོགས་ཉིན་རེའི་སློབ་སྦྱོང་གཙོ་ཆེ། སོན་རྩ་མཁྲེགས་པོ་ཞིག་བཟོ་དགོས་པ་མ་རེད་དམ། ཤིན་ཏུ་ལེགས། མུ་མཐུད་ཅིག
རྗེས་སུ་ཡིད་རང་ཡོད།
ཡག་པོ་རེད་བཀའ་དྲིན་ཆེ། མུ་མཐུད་བོད་ནང་གི་བོད་མི་ཚོར་རྒྱབ་སྐྱོར་གནང་རོགས།