ལྡི་ལི་རྒྱ་ནག་གཞུང་ཚབ་ལ་ངོ་རྒོལ།

ཁྱོད་རང་བཀྲ་ཤིས་རེད་མི་འདུག
ཁྱོད་རང་བཀྲ་མི་ཤིས་པ་རེད་འདུག ག་རེ་ལབ་ཀྱི་ཡོད། ངས་དབུ་མའི་ལམ་ལ་དགག་པ་རྒྱག་པ་མ་རེད་གཞིས་ཀྱི་བོད་མི་ཚོས་རང་ལུས་མེ་ལ་བསྲེག་པ་རེད་ལ་ང་ཚོ་བཙན་བྱོལ་བས་བསྲེགས་པ་མ་རེད།
སྡུག་སྦྱོང་དང་མནར་གཅོད་མི་སྤྱོད་ལས་འདས་པའི་མྱོང་བ་ལུས་སེམས་ཀྱིས་མ་ཐེག་ནས་སྐུ་ལུས་ཞུན་མེར་ཕུལ་བ་རྣམས་ལ་རྒྱབ་སྐྱོར་ཙམ་ལྟ་ཞོག
གཞན་གྱིས་དེ་ཚོ་ལ་གདུང་སེམས་མཉམ་བསྐྱེད་བྱེད་པ་ལ་གྲྭ་པས་ཞབས་འདྲེན་བཞག་འདུག་ཞེས་ལབ་ན་འགྲིག་གི་རེད་དམ། ཁྱོད་ཚོ་ལ་དོན་ལྔ་སྣོད་དྲུག་གི་བསམ་བློ་བཏང་ས་ཞིག་ཡོད་ན་ལེགས་པར་སོམ་ཞིག
འཁོང་ར་བྱེད་མ་སྡད་པར་གཞིས་ཀྱི་བཙུན་པ་ཕོ་མོ་རྣམས་ཀྱིས་ཆོད་སེམས་ལ་ལན་ཅིག་རྣ་བ་གཏོད་རོག
ཡང་ན་ཕན་ཚུན་གཉིས་ཕན་གྱི་སྒོ་ནས་གྲོས་གཞིའམ་འདས་པོ་ཚོའི་ཕྱིར་དུ་
རྒྱབ་སྐྱོར་བྱོས་ཤོག ཡང་དེརིང་གྲྭ་པ་གཅིག་གི་སྐུ་ལུས་ཞུན་མེར་ཕུལ་བ་འདི་ཞབས་འདྲེན་རེད་པས། དབུ་མའི་ལམ་ལ་དགག་པ་རེད་པས། རྒྱལ་བ་ཡིད་བཞིན་ནོར་བུའི་ཞལ་ལ་མ་ཉན་པ་རེད་པས། ངས་གོང་དུ་ཡང་ཞུས་ཡོད་སོ་ལེ་མི་འཐེན་པར་ཡང་ཡང་ཞུ། ཆིག་བསྒྲིལ་བྱོས་ཤོག། མདུན་མཆོང་གྱིས་ཤོག
རྒྱ་དམར་ལ་རྒོལ་ཤོག། གུང་ཁྲེན་མགོ་སྟིང་སློག་ཤོག
བཙན་བྱོལ་བས་ཕྱི་དྲིལ་བྱོས་ཤོག།

ད་ནི་ངོ་མ་བོད་ཡུལ་གྱར་བའི་མི་བུ་ཚོ་གི་སོ་ལེ་མ་འཐེན་རོག སྐྱེས་པ་བུ་དང་བུ་མོ་རབ་བྱུང་བཙུན་པ་བཙུན་མ་གཞིས་ལུས་སྤུན་ཟླ་རྒྱལ་གཅེས་དཔའ་བོ་རྣམས་ཀྱི་འབྱུང་འགྱུར་མདུན་ལམ་ལ་ཕན་དང་གནོད་སྐྱེལ་སོགས་ཀྱིས་ཁུང་སྐྱེལ་དཀར་འདོན་རྒྱ་གུང་ཁྲེན་གཞུང་ལ་མ་བྱས་པ་མ་རེད། བོད་རྒྱ་ཞི་མོལ་ཐེང་དགུ་བྱས་པ་རེད། མདུང་རྩེ་ཁ་སྤྲོད་རེད།
མ་ཉན་པ་རེད། མ་གོ་བ་མ་རེད། རྒྱ་དམར་གདོན་འདྲེ་ཚང་གི་མ་རྐང་གཙུག་ནས་མ་ཉན་པ་རེད།
བོད་རང་བཙན་ཡིན་རྒྱ་རྒྱ་ནག་ལ་རྒྱུག བོད་ཀྱི་བདག་པོ་བོད་མི་ཡིན་ཞེས་བྱེས་པ་སྐྱ་སེར་ཡོངས་ཀྱིས་རྒྱ་ནག་གཞུང་ཚབ་མེ་གི་བསྲེག་བཞག་ན་ཡང་རྒྱ་ནག་གི་མི་ཉན་པ་ཡིན་ནི་ཤོད་མི་དགོས་པ་དང་།
ཨ་ཅང་ཅང་རྒྱ་ནག་སྤྱིན་མཐུན་རྒྱལ་ཁབ་ཀྱི་སྒྲོམ་གཞིའི་འོག་བོད་ལ་མིང་དོན་མཚུངས་པའི་རྒྱལ་ཁབ་གཅིག་ལ་ལམ་ལུགས་གསུམ་གྱི་རང་སྐྱོང་ཚད་ལྡན་སྤྲོད་རོག་དགོས་བོད་ཀྱི་བདག་པོ་རྒྱ་ནག་རེད་ངོ་ཚོ་རྒྱ་ནག་ལ་དགའ། མེས་རྒྱལ་ནང་དུ་ལོག་གི་ཡིན་ཞེས་ངོ་དགའ་གཉིས་པོ་ནི།
བོང་བུ་གི་རྣ་མཆོག་ནང་དུ་གསེར་དང་བྱེ་མ་གཉིས་ཀ་གཡུག་རྐྱང་ལས་ཁྱད་པར་གཏན་ནས་མ་ཕྱེས་པ་རེད། མ་ཚད་བོད་ཡུལ་གྱར་བའི་སྲིད་གཞུང་ཞེས་ཏཱ་ལས་ཕྱི་རྒྱལ་ལ་ཚོགས་པ་ཁྲིམས་འགལ་གྱི་སྒོ་ནས་གཙུག་པ་དེ་ནི་མེས་རྒྱལ་གོང་བུ་གཅིག་གྱུར་གཏོར་གཤིག་གཏོང་བའི་ཕྱིར་དུ་གཙུག་པ་ལས་ཁུང་ལུང་གཏན་ནས་ཡོད་མ་རེད་ཞེས་སྙིང་ནས་གཟན་པའི་བརྙས་གཏམ་འདི་ཚོ་མཐོང་གི་མེད་དམ། དགྲ་ཕྱོགས་ནས་མ་ཉན་ན་ང་ཚོས་ག་རེ་བྱེད་དགོས་ཀྱི་རེད། བསམ་བློ་ཐོང་དང་
ཨ་མའི་བུ་གཙོས་པའི་དྲྭ་གྲོགས་ཚོ་གུང་ཁྲན་ཏང་གི་གསར་འགྱུར་ནང་ལྟོས་དང་གཞི་ནས་ག་རེ་རྩོད་དགོས་མིན་དང་རྩོད་ས་ཡོད་མེད་གཞི་ནས་གསལ་པོ་ཤེས་ཡོང་ས་རེད།
ཕ་ཡུལ་གྱི་བོད་མི་རྒྱལ་ཞེན་རྣམས་ཀྱིས་འཇིག་རྟེན་འདི་ན་གཅེས་ཤོས་རང་སྲོག་དམར་པོ་རྦད་དེ་གཏོང་རྐྱང་བྱེད་དགོས་པའི་འ་ཆད་འུ་ཐུག་པས་སྡུག་བསྔལ་སེམས་ཀྱིས་མ་བཟོད་ནས་སྐད་འབོད་དང་ཁྲོམ་སྟོན་བྱེད་པ་འདི་ལ་སྐྱ་སེར་སུ་ཡིན་ན་རྒྱ་མི་གུང་ཁྲན་དམར་པོ་ལ་གནོན་ཤུག་དང་ཕྱི་དྲིལ་འདས་པ་ཚོར་གདུང་སེམས་མཉམ་བསྐྱེད་སོགས་ཀྱི་ལས་འགུལ་རྣམས་བྱེད་རྐྱང་བྱོས་དང་འཛམ་གླིང་གི་མི་རྣམས་ལྐུགས་པ་གཏན་ནས་མ་རེད། བོད་རྒྱུད་ནང་བསྟན་གི་ཞབས་འདྲེན་ཞུ་གི་མ་རེད་ལ།
འཛམ་གླིང་ན་མཁས་འཛང་སུ་གི་ལྟས་ན་ཡང་རྒྱ་དམར་པོ་ཕུད་པའི་རྒྱལ་ཁབ་ཡོད་ཚད་ཡི་ག་དེ་བས་སུན་གི་མ་རེད།
རྒྱ་ནག་གི་བྱེད་སྟང་ཁྱི་ལུད་དར་གཏུམ་ག་རེ་བྱེད་ཀྱི་ཡོད་པ་ཀུན་གྱིས་ཤེས་ཀྱི་ཡོད་ལ།
བོད་མིའི་སྐྱ་སེར་རྣམས་ཀྱིས་སྐད་འབོད་བྱས་པ་རྒྱུ་མཚན་དང་དམིགས་ཡུལ་གང་ཞིག་ཡིན་པ་དེ་བས་གསལ་རྐྱང་ཤེས་ཀྱི་ཡོད།
ཨ་མའི་བུ་གཙོས་པའི་རུས་འདྲུད་ཚོ་གི་རི་བོང་གནམ་རྡིབ་ཀྱི་སྐད་ཆ་གང་བྱུང་མ་ཤོད་ན་བཟང་གི།
ཁྱོད་རང་རྒྱ་དམར་པོའི་གཡོ་འོག་དང་མགོ་བསྐོར་གྱི་འོག་ཏུ་ཚུད་པ་དེ་ཡིན་པ་ངེས་པར་དུ་ཤེས་དགོས།
ཁྱོད་རང་གི་སྐད་ཆ་དང་བསམ་མཆན་འདི་ད་ལྟ་ཤོད་དགོས་པའི་དུས་ཚིག་གཏན་ནས་མིན།

ངའི་མིང་ལ་ཡེ་ཤེས་བསམ་གྲུབ་ཡིན་།
དེ་རིང་ང་ཚོ་མི་བཞི་ཙམ་གྱིས་རྒྱ་ནག་གཞུང་ཚབ་ཁང་ལ་ངོ་རྒོལ་བྱས་པ་ཡིན་།
ང་ཚོས་འདི་ལྟར་བྱེད་པའི་དམིག་ཡུལ་གཙོ་བོ་བོད་ནང་དུ་ཆོས་དད་རང་དབང་དགོས་སྐོར་གཙོ་བོར་བཤད་པ་ཡིན་གང་ཡིན་ཟེར་ན་ང་ཚོ་གྲྭ་པ་ཞིག་ཡིན་པའི་ཆ་ནས་འོས་འགན་དེ་འདྲ་ཞིག་ཡོད་པ་རེད་།
ཡང་ང་ཚོས་དཔེལ་བའི་ལས་འགུལ་དེར་རྒྱབ་སྐྱོར་བྱེད་མཁན་ཙམ་ལས་འགོ་བྱེད་མཁན་གང་ཡང་མེད་།
དེ་ནི་བོད་མི་མི་རི་ངོ་རིས་འགན་ཁུར་བ་ལས་ངེས་པར་དུ་ཚོགས་པ་ཞིག་ལ་རྟེན་དགོས་པའི་བསམ་བློ་དེ་ཇི་ཉུང་དུ་འགྲོ་བའི་ཕྱིར་ཡིན་།
ཡང་ཕྱོགས་གཞན་ཞིག་ནས་སྡི་ལི་ས་གནས་ལས་བྱེད་པ་མང་པོ་ཞིག་གི་གནས་ཚུལ་ནི་སྙན་པ་དེ་དག་གོ་སྐབས་རོགས་རམ་ཞུ་འདོད་མ་བྱུང་།
གྲོགས་པོའམ་སྤུན་ཟླ་ཚོས་རྒྱབ་སྐྱོར་མེད་ན་ཡང་བོད་བསྟན་པ་ཆབ་སྲིད་ཀྱི་དོན་དུས་བྱ་ཞིག་བྱས་པར་ངོས་འཛིན་བྱེད་པ་ལས་མ་རབ་ཀྱི་སྐད་ཆ་དེ་འདྲ་མ་གསུང་རོགས་ཞུ་རྒྱུ་ཡིན་།
ང་ཚོ་དགོང་མོའི་ཆུ་ཚོད་དྲུག་པ་ཙམ་ལ་ཕྱིར་ཡོང་བ་ཡིན་།

དེ་རིང་གོས་ས་མཆོག་གི་བཀའ་སློབ། ༼༼ཁོང་གིས་མུ་མཐུད་དུ་ནང་པ་ཚོའི་ཁྲོད་བཅོམ་ལྡན་འདས་ཀྱི་བསླབ་བྱས་སོ་སོའི་སེམས་འདུལ་རྒྱུའི་ཚབ་ཏུ་ཆགས་སྡང་གི་ལག་ཆར་སྤྱོད་མཁན་ཡོང་གི་ཡོད་པ་དང་། ཆོས་བྱེད་དང་མི་བྱེད་སོ་སོའི་རང་དབང་ཡིན་ཡང་། གལ་སྲིད་ཆོས་བྱ་རྒྱུ་ཡིན་ན། ཆོས་ནས་གསུངས་པའི་བསླབ་བྱ་ཁག་ཉི་མ་རེ་རེ་བཞིན་ལག་ལེན་བསྟར་དགོས་པ།༽༽ གསུང་འདུག་པ་མ་བརྗེད་རོགས།

བཀྲ་ཤིས་ལགས། དགེ་འདུན་པ་ལ་དམིགས་བསལ་གྱི་ལས་ཀ་ཞིག་ཡོད་པ་མ་རེད་སངས་རྒྱས་ཀྱི་སར་འགྲོ་རྒྱུར་ཁ་ཐག་རིང་དྲག་པས་སེམས་ཤུགས་ཆག་ཚར་བ་རེད། སེམས་ཅན་ལ་བདེ་སྐྱིད་བསྐྲུན་རྒྱུ་ནི་དེང་སང་མི་ཚང་མས་འབད་བརྩོན་བྱེད་ཀྱི་ཡོད་པས་ད་ཅི་ཞིག་མི་རིགས་ཕན་པ་ཡོད་ཚེ་དེ་སྒྲུབ་ནས་རང་གི་འགན་ཁུར་ཕྲག་ཏུ་ལེན་རྒྱུ་གལ་ཆེ།

བོད་རྒྱུད་ནང་པའི་བསྟན་པ་ཉམས་ཆགས་སུ་འགྲོ་ཚར་བ་རེད། ད་ཞེ་གྲག་རེ་རྒྱབ་ས་ཡོད་པ་མ་རེད། བསྟན་པ་ལ་ཞབས་འདྲེན་ཞུས་ཡོད་ཀྱང་མི་རིགས་ཀྱི་ཆེད་དུ་ཅི་ཞིག་ཡིན་ཀྱང་བྱེད་ཐུབ་པ་དེ་རྗེས་སུ་ཡི་རང་ཡོད། མི་རབས་གསར་པའི་བཤད་ཕོད་པ་དང་སྒྲུབ་ཕོད་པའི་སྙིང་སྟོབས་དེས་འབྱུང་འགྱུར་འཆི་གསོན་མཚོན་ཐུབ་པས་རེ་བ་ཞིག་འདུག།

ཡང་ཞབས་འདྲེན་བཞག་འདུག དགེ་འདུན་པ་ཚོ་འདུག་མ་ཤེས་ན་སངས་རྒྱས་ཀྱི་བསྟན་སྣུབས་ས་རེད།
༸གོང་ས་མཆོག་གིས་བསྒྲེས་ཡོལ་གནང་ནས་རབ་ཏུ་བྱུང་བ་ཚོས་ཆབ་སྲིད་ལ་ཐེ་བྱུས་བྱེད་རྒྱུའི་དུས་ཚོད་རྫོགས་ཚར་བ་རེད། ད་བསྡད་ན་ཡག་གི་རེད།
རྒྱལ་སྤྱིའི་ཐོག་བོད་པའི་དགེ་འདུན་པ་ཚོར་ལྟ་ཚུལ་ཡག་པོ་ཞིག་མི་ཡོང་བ་ཡང་གནད་དོན་འདི་ལ་ཐུག་ཡོད། རྒྱ་རིགས་ཀྱི་ནང་པ་ཁག་གིས་ལྟ་ཚུལ་ལ་ཡང་མ་དད་པ་སྐྱེ་བའི་རྒྱུ་རྐྱེན་གཙོ་གཅིག་འདི་ལ་ཐུག་འདུག འདི་ལ་རྒྱ་གཞུང་གིས་བྱུས་ངན་དེ་འདྲ་ཡང་ཡོད་མི་སྲིད་པ་མིན། དེས་ན་དེང་ཕྱིན་ཆད་བོད་པའི་བླ་མ། གྲ་པ། བཙུན་མ་ཚོས་ཆོས་བཞིན་འདུལ་བ་བཞིན་གནང་རྒྱུའི་དུས་སུ་བབ་ཡོད།
དེང་ཕྱིན་ཆད་ཞབས་འདྲེན་འཇོག་རྒྱུ་དེ་མཚམས་འཇོག་བྱེད་དགོས་ཀྱི་འདུག

དེང་སང་བོད་པའི་སྤྱི་ཚོགས་ནང་དུ་གྲ་བཙུན་ཚོར་མཐོང་ཚུལ་སྡུག་ཏུ་འགྲོ་བཞིན་ཡོད་བ་དང་། གྲ་ལོག་དང་ཨ་ནེ་ལོག་མཁན་མང་དུ་འགྲོ་བཞིན་པ་དང་གཉིས། འདི་འདྲའི་ཞབས་འདྲེན་ནང་འགྲོ་མཁན་མང་བ་ལ་བརྟེན་ནས་བོད་བརྒྱུད་ནང་པའི་བསྟན་པ་ཉམས་ཆགས་སུ་འགྲོ་རྒྱུ་ཉག་གཅིག་རེད།

བཀྲ་ཤིས་ཟེར་པ་ཁྱོས་གསལ་བོ་ཉོན། བོད་བསྟན་པ་ཆབ་སྲིད་ཀྱི་ཕྱག་ལས་གནང་མཁན་ཚོས་སེམས་ཤུགས་མ་ཆག་རོགས། མ་གཞི་ཁྱོས་བཤད་པའི་སྐད་ཆ་སོགས་བོད་ཀྱི་དགྲ་བོ་རྒྱ་གཞུང་གིས་ང་ཚོ་ལ་སྨད་པའི་ཚིག་རྐྱང་རྐྱང་ཡིན་ཙང་ཧང་སང་དགོས་པ་ཅུང་ཙམ་ཡང་མེད། ཁྱོད་ཀྱི་བཤད་པ་ལྟར་་་་་བསྟན་པ་དང་སེམས་ཅན་རབ་བྱུང་ལ་་ཁ་གཡར་ནས་རྒྱ་གཞུང་ལ་གསར་འགྱུར་གྱི་རྒྱུ་ཆ་མ་གཏོང་རོགས།

རྗེས་སུ་ཡི་རང་ཡོད། འདི་ལྟར་མཚམས་མ་ཆད་པར་་་་གློ་བུར་གློ་བུར་དུ་རྒྱ་ནག་གི་དོན་གཅོད་ཁང་དག་གི་སྒོ་འགྲམ་དུ་ཞི་རྒོལ་བྱེད་དགོས། ཡིག་ཆ་གཏོར་དགོས། གཞུང་འབྲེལ་མ་ཡིན་པའི་ཚོགས་པ་ཁག་གིས་མཉམ་འབྲེལ་གྱིས་འཆར་གཞི་དང་སྒྲིག་འཛུགས་ཡོད་པའི་སྒོར་ནས་བདུན་ཕྲག་རེ་རེའི་ནང་ལ་ལས་འགུལ་ཐེངས་རེ་སྤེལ་ཐུབ་ན་ཧ་ཅང་བཟང་་་་རེ་བ་བྱས་ཡོད།