ཉེ་ཆར་ལྷ་ས་ཆུ་ཤུར་རྫོང་འོག་ཏུ་ནང་བསྟན་མཐོ་སློབ་ལེགས་འགྲུབ་ཀྱི་སྒོ་འབྱེད་མཛད་སྒོ་ཞིག་ཚོགས་ཏེ། རྒྱ་ནག་འཐབ་ཕྱོགས་གཅིག་གྱུར་གྱི་བློན་ཆེན་གཞོན་པ་སོགས་སྐུ་མགྲོན་དུ་ཕེབས་ཡོད་འདུག
རྒྱ་ནག་ཞིན་ཧྭ་གསར་ཁང་གིས་གནས་ཚུལ་སྤེལ་བ་ལྟར་ན། ཟླ་འདིིའི་ཕྱི་ཚེས་ ༢༠ ཉིན་ལྷ་སའི་ཆུ་ཤུར་རྫོང་སྙེ་ཐང་ཞང་དུ་བོད་ལྗོངས་ནང་བསྟན་མཐོ་སློབ་གསར་རྒྱག་གི་མཛད་སྒོ་ཞིག་བསྡུས་ཡོད་པ་དང་། མཛད་སྒོའི་ཐོག་རྒྱ་ནག་དབུས་འཐབ་ཕྱོགས་གཅིག་གྱུར་ཁང་གི་བློན་ཆེན་གཞོན་པ་ཀྲུའུ་ཝེ་ཆོན་ཕེབས་ཡོད་པར་མ་ཟད། རྒྱལ་ཡོངས་སྲིད་གྲོས་ཀྱི་ཀྲུའུ་ཞི་དང་བོད་རང་སྐྱོང་ལྗོངས་སྲིད་གྲོས་ཀྱི་ཀྲུའུ་ཞི་འཕགས་པ་ལྷ་དགེ་ལེགས་རྣམ་རྒྱལ། རང་སྐྱོང་ལྗོངས་དམར་ཤོག་དྲུང་ཆེ་ཧུའུ་ཕིན། ས་གནས་དཔོན་རིགས་དང་དགེ་འདུན་པ། མི་མང་བཅས་འདུ་འཛོམས་བྱུང་ཡོད་འདུག
དབུ་འབྱེད་མཛད་སྒོའི་ཐོག་རྒྱ་ནག་དབུས་འཐབ་ཕྱོགས་གཅིག་གྱུར་ཁང་གི་བློན་ཆེན་གཞོན་པ་ཀྲུའུ་ཝེ་ཆོན་གྱིས། ཐེངས་འདིའི་བོད་ལྗོངས་ནང་བསྟན་སློབ་གྲྭ་ཆེ་མོ་གསར་འཛུགས་ཀྱི་དམིགས་ཡུལ་གཙོ་བོ། ད་ལྟའི་ཆར་རྒྱ་ནག་རྒྱལ་ཡོངས་ཀྱི་ནང་བསྟན་སློབ་གཉེར་གྱི་དགོན་སྡེ་མང་པོའི་འཛུགས་སྐྲུན་དང་སློབ་སྦྱོང་གི་ཆ་རྐྱེན་ཇེ་ཞན་དུ་འགྲོ་བཞིན་ཡོད་པའི་གནས་སྟངས་ལ་གཞིགས་ཏེ་གསར་འཛུགས་བྱས་པ་ཞིག་ཡིན་པ་དང་། མཐོ་སློབ་འདིས་བོད་བརྒྱུད་ནང་བསྟན་སློབ་གཉེར་གྱི་ལམ་ལུགས་དང་སྲོལ་རྒྱུན་གྱི་རྨང་གཞིའི་ཐོག་དེང་རབས་ཅན་དུ་ཕྱོགས་པ། བོད་བརྒྱུད་ནང་བསྟན་གྱི་ཆོད་རྒྱུད་ཕན་ཚུན་གྱི་མཐུན་ལམ་དང་རྒྱལ་གཅེས་ཆོས་གཅེས་ཀྱི་སློབ་གསོའི་དམིགས་ཚད་ཇེ་མཐོར་བཏང་སྟེ་དེང་རབས་རང་བཞིན་གྱི་སློབ་གསོ་སྤེལ་རྒྱུ་དང་། ཁ་བྲལ་རིང་ལུགས་པས་ནུས་པ་ཆོས་ལུགས་ནང་མཉམ་བསྲེས་བྱ་བར་སྔོན་འགོག་བྱ་རྒྱུར་ནུས་པ་ཆེན་པོ་འདོན་ཐུབ་རྒྱུར་དམིགས་ཡོད་པ་སོགས་བརྗོད་འདུག
བོད་ལྗོངས་ནང་བསྟན་སློབ་གྲྭ་ཆེན་མོ་ནི། ༢༠༠༩ ལོར་རྒྱ་ནག་ཆོས་ལུགས་ལྷན་ཁང་གིས་མཆོག་མཆན་གནང་བ་ལྟར་གསར་རྒྱག་གནང་བ་ཞིག་ཡིན་ཞིང་། སྤྱིའི་རྒྱ་ཁྱོན་ལ་མུའུ་ ༢༦༨ དང་འཛུགས་བསྐྲུན་གྱི་རྒྱ་ཁྱོན་ལ་རྨི་གྲུ་བཞི་མ་ཁྲི་ ༣།༠༨ ཡོད་ཅིང་། མཐོ་སློབ་དུ་ད་ལྟའི་ཆར་བོད་ཀྱི་ཆོས་རྒྱུད་ཆེན་པོ་བཞི་དང་གཡུང་དྲུང་བོན་གྱི་བླ་སྦྲུལ་དང་དགེ་འདུན་པ་ ༡༥༠ ལྷག་ཡོད་འདུག་ལ། དུས་ཡུན་ལོ་ ༢ ནས་ ༤ བར་མདོ་སྔགས་གཉིས་ཀྱི་གཞུང་ལུགས་ཁག་གཙོས་པའི་ཆོས་ཕྱོགས་ཀྱི་སློབ་སྦྱོང་སྤྲོད་རྒྱུ་ཡིན་ཚུལ་བརྗོད་ཡོད་ཀྱང་། རྒྱལ་སྤྱིའི་གནད་དོན་དབྱེ་ཞིབ་པ་ཚོས་བརྗོད་དོན་ལྟར་ན། རྒྱ་ནག་གཞུང་གི་གསར་འཛུགས་བྱས་པའི་ནང་བསྟན་མཐོ་སློབ་ཀྱི་སློབ་མ་དེ་དག་བོད་ཁུལ་གྱི་དགོན་སྡེ་ཁག་ནས་དགེ་འདུན་པ་བཙན་གྱིས་བསྡུ་སྐོང་བྱས་པ་ཞིག་ཡིན་པ་དང་། སློབ་ཆེན་གྱི་དམིགས་ཡུལ་གཙོ་བོ། རྒྱ་ནག་གི་བཤད་བཞིན་པའི་ཁ་བྲལ་རིང་ལུགས་པར་ངོ་རྒོལ་དང་རྒྱལ་གཅེས་ཆོས་གཅེས་ཀྱི་སློབ་གསོ་ཤུགས་ཆེར་སྤྲོད་རྒྱུར་དམིགས་ཏེ་ཆེད་བཙུགས་པ་ཞིག་ཡིན་ཚུལ་བརྗོད་ཡོད་འདུག
གསར་འགོད་པ། དོན་གོ
སྙེ་ཐང་གི་ས་ཆ་དེ་ནི་རྒྱ་རྒན་དེ་ཚོའི་མིག་ནང་སྔར་ནས་ཟུག་ཟིན་པ་རེད་གང་ཡིན་ཞེས་ན་ལྷ་ས་དང་ལམ་ཐག་ཉེ་ཤིང་མཐུན་ཁུངས་བཟང་བ་བཅས་ཀྱིས་རེད
ས་ཆ་དེའི་ནང་ད་ཆ་ཆུ་ཤུར་བཙོན་ཁང་ཟེར་བའི་བཙོན་ཁང་གསར་པ་དེ་དང་ཨར་དམ་བཟོ་གྲྭ་་་་་ལག་སྐྱོར་འགྲུལ་འཐེན་འཁོར་ལོའི་བཟོ་གྲྭ་དེ་བཞིན་དམག་སྒར་་ད་དུང་བཟོ་གྲྭ་ཆེ་ཆུང་མང་པོ་ཞིག་ཡོད་པ་གོ་རྒྱུ་འདུག
མ་ཟད་བཙོན་ཁང་དེའི་ནང་བོད་ཀྱི་ཆབ་སྲིད་བཙོན་པ་གྲགས་ཅན་མང་པོ་ཞིག་ད་ལྟ་བཅུག་ཡོད་པ་གོ་རྒྱུ་འདུག
ཏག་ཏག་རེད། ད་ཡིན་ན་བྱ་ཐབས་འདི་ལས་ཡོད་བ་མ་རེད། འདི་བཞིན་ས་གནས་གང་ས་ནས་སྤེལ་རྒྱུའི་དབུ་འཛུགས་བྱ་བཞིན་ཡོད་པ་འདྲ་བས་ཚང་མས་ལྷོད་ལྷོད་མ་གནང་རོགས་ཞུ།
ལྷ་ས་ཆུ་ཤར་རྫོང་གི་ནང་བསྟན་སློབ་གླིང་འདི་གུང་ཁྲན་ཏང་གི་ཆབ་སྲིད་ནང་བསྟན་སློབ་གླིང་ཞིག་ཏུ་མི་འགྱུར་བར་སྨོན།
རྒྱ་ནག་གིས་བཤད་ཤེས་ན་ང་ཚོས་ཉན་ཤེས་པ་ཞིག་དགོས་ལ། ཁོང་ཚོས་
ཁྲབ་ཤེས་ན་ང་ཚོས་དེ་བས་བལྟས་ཤེས་པ་ཞིག་དགོས། ད་སྐབས་ཀྱི་རྒྱ་ནག་གི་ཆབ་སྲིད་ཀྱི་རྣམ་ཤེས་ནི་ང་ཚོར་ཁ་དཔེར་ཡོད་པ་ལྟར། སྐབས་རེ་མགོ་ལ་རྭ་ཅོག་བཙུགས་ནས་ཤྭ་བ་ཡིན་ཟེར། ཡང་མཚམས་རེ་རྐུབ་ལ་རྩམ་པ་བྱུག་ནས་རྒོ་བ་ཡིན་ཟེར་ཤེས་མཁན་གྱི་རྒོད་སྐྱེས་དེ་ཡི།
ཆབ་མདོ་ཀརྨ་ཤང་དུ་འགྲིམ་འགྲུལ་བཀག་སྡོམ།
བོད་རང་སྐྱོང་ལྗོངས་ཟེར་བའི་ཁོངས་གཏོགས་ཆབ་མདོ་ཁུལ་ཆབ་མདོ་རྫོང་གི་མངའ་ ཁོངས་རྫ་རྒྱུད་ཀརྨ་ཤང་དུ། ཕྱི་ཟླ་༡༠ ཚེས་༢༦ གི་ཐོ་རངས་རྒྱ་ནག་གི་ཆུ་ཚོད་༤ པའི་ས་གནས་ཤང་སྲིད་གཞུང་གིས་ལས་ཁུངས་ལ་འབར་རྫས་གཏོར་གྱིས་ཁང་གཏོར་བཤིག་བཏང་ ཡོད་པ་དང་། ད་ལྟའི་ཆར་ཀརྨ་དགོན་པ་སྒོ་བརྒྱབ་ནས་ས་གནས་དེའི་འགྲིལ་འགྲུལ་ཚང་མ་རྒྱ་གཞུང་ གིས་བཙན་བཀག་བྱས་ཡོད་པ་རེད།
བོད་ནས་ཁུངས་ལྡན་གནས་ཚུལ་འབྱོར་གསལ་ལྟར་ན། ཆབ་མདོ་རྫོང་ཁོངས་རྫ་རྒྱུད་ཀརྨ་ཤང་དུ་ཕྱི་ཚེས་༢༦ གི་ཐོ་རངས་ཆུ་ཚོད་༤ ཙམ་གྱི་དུས་སུ་འབར་རྫས་གས་གཏོར་གྱིས་རྒྱ་གཞུང་གི་ས་གནས་ཤང་སྲིད་གཞུང་གི་ལས་ ཁང་གཏོར་ཞིག་ཏུ་སོང་ཡོད་པ་དང་། གྱང་ངོས་རྣམས་སུ་ཚོན་དམར་གྱིས་བོད་རང་བཙན་ཞེས་པའི་ཡིག་ཆེན་བྲིས་ཡོད་པ་མ་ཟད། བོད་རང་བཙན་ཞེས་པའི་ཡིག་ཆ་མང་པོ་སྦྱར་གཏོར་བྱས་ཡོད་པའི་གནས་ཚུལ་འདུག ཉིན་དེ་རང་དུ་ཆབ་མདོ་རྫོང་གི་ཉེན་རྟོག་པ་དང་དམག་མི་ཕོན་ཆེན་ཀརྨ་དགོན་དུ་ སླེབས་ནས་དམ་དྲག་ཤུགས་ཆེ་བྱེད་བཞིན་ཡོད་འདུག་པ་དང་། ཐོ་རངས་མི་མེད་པའི་དུས་ཚོད་དང་སྟབས་བསྟུན་ནས་འབར་རྫས་གས་གཏོར་བཏང་བས་མི་སུ་ གཅིག་ལ་གནོན་སྐྱོན་ཕོག་མེད་པ་རེད། དེ་ལྟར་འབར་རྫས་གས་གཏོར་གཏོང་མཁན་དང་སྦྱར་ཡིག་གཏོར་མཁན་སུ་ཡིན་ད་ལྟའི་ཆར་ ཤེས་རྟོག་གང་ཡང་བྱུང་མེད་པ་རེད། འོན་ཀྱང་རྒྱ་གཞུང་གིས་ཀརྨ་ཤང་གི་ཉེ་འགྲམ་དུ་ཡོད་པའི་ཀརྨ་དགོན་པའི་དགེ་འདུན་ པ་རྣམས་ལ་དོགས་པ་བྱས་ནས་ཀརྨ་དགོན་པ་སྒོ་བརྒྱབ་པ་དང་། དགེ་འདུན་པ་རྣམས་ཡར་མར་གང་དུའང་གཏོང་གི་མེད་པར་དམ་དྲག་བྱས་ཡོད་འདུག དེ་བཞིན་ཆབ་མདོའི་རྫ་རྒྱུད་ཁུལ་ནི་གསེར་སྐུ་རྡུང་བ་དང་། མཆོད་ཆས་འདྲ་མིན་བཟོ་ཡུལ་གྱི་ལག་ཤེས་ཅན་ཧ་ཅང་མང་བའི་ས་གནས་ཤིག་ཡིན་མོད། ད་ལྟའི་ཆར་ལག་ཤེས་ཀྱི་ལས་ཀ་དེ་དག་ཚང་མ་བཙན་གྱིས་མཚམས་འཇོག་བྱེད་དུ་བཅུག་ ཡོད་པ་རེད། ཀརྨ་ཤང་ནས་ཆབ་མདོ་སོགས་སུ་འགྲོ་མི་ཆོག་པ་དང་། ཆབ་མདོ་སོགས་ས་གནས་གཞན་ཀརྨ་ཤང་དུ་ཡོང་མི་ཆོག་པ་སོགས་འགྲིམ་འགྲུལ་ཚང་མ་བཀག་ སྡོམ་བྱས་ནས་ད་ལྟའི་ཆར་ཀརྨ་ཤང་གི་ཉེ་ཁུལ་ཚང་མར་རྒྱ་གཞུང་གིས་དམ་དྲག་ཧ་ཅང་ ཤུགས་ཆེ་བྱེད་བཞིན་ཡོད་པའི་གནས་ཚུལ་ཐོན་འདུག།།
མཐའ་མའི་བསྐྱར་བཅོས། ( ‘༢༠༡༡, ༡༠, ༢༧’ )
དམིགས་ཡུལ་ངོ་མ་དེ་ཧ་གོ་སོང། ང་ཚོའི་ཁ་གཏད་དུ་་་་་་་་་
ངོ་རྒོལ་མཐའ་གཅིག་ཏུ་ཡོད། དཔོན་རིགས་འདི་ཚོ ??.