དེ་རིང་ཧྥ་རན་སིར་རྒྱལ་སྤྱིའི་སྟོབས་ཆེན་རྒྱལ་ཁབ་ཉི་ཤུའི་ཚོགས་འདུ་ཚོགས་ཀྱི་ཡོད་སྟབས། ངྷ་སའི་གཞུང་འབྲེལ་མིན་པའི་ཚོགས་པ་ལྔས་རྒྱ་ནག་གི་སྲིད་འཛིན་ཧུའུ་ལ་ངོ་རྒོལ་གྱིི་གསར་འགོད་གསལ་བསྒྲགས་བསྐྱངས་སོང་།
དེ་རིང་སྔ་དྲོར་བཞུགས་སྒར་བོད་ཀྱི་གསོལ་མགྲོན་ཁང་དུ་དབུས་བོད་ཀྱི་གཞོན་ནུ་ལྷན་ཚོགས་དང་དབུས་བུད་མེད་ལྷན་ཚོགས། བོད་རྒྱལ་ཡོངས་དམངས་གཙོ་ཚོགས་པ། བོད་རང་བཙན་སློབ་ཕྲུག་ཚོགས་པ། བོད་ཀྱི་དགུ་བཅུ་གསུམ་ལས་འགུལ་ཚོགས་པ་བཅས་ཚོགས་པ་ལྔ་མཉམ་རུབ་ཀྱི་གསར་འགོད་གསལ་བསྒྲགས་བསྐྱངས་ཏེ། ཟླ་འདིའི་ཕྱི་ཚེས་ ༢ ཉིན་ནས་ ༣ བར་ཧྥ་རན་སིའི་རྒྱལ་ས་ཁེ་ནཱེ་སི་ནང་ཚོགས་བཞིན་པའི་རྒྱལ་སྤྱིའི་སྟོབས་ཆེན་རྒྱལ་ཁབ་ཉི་ཤུ་ (G 20)ཞེས་པའི་ཚོགས་འདུའི་ཐོག རྒྱ་ནག་གི་སྲིད་འཛིན་ཧུའུ་ཅིན་ཐའོ་མཉམ་ཞུགས་བྱེད་ཀྱིན་ཡོད་པར་ངོ་རྒོལ་དང་། ཚོགས་འདུ་དེར་མཉམ་ཞུགས་གནང་མཁན་རྒྱལ་ཁབ་ཁག་གི་དབུ་ཁྲིད་དང་ཆབ་སྲིད་གནད་ཡོད་མི་ན་བཅས་ལ་བོད་དོན་ཐོག་རྒྱབ་སྐྱོར་ཡོང་བའི་འབོད་སྐུལ་བཅས་གནང་སོང་ལ། དེ་བཞིན། བོད་དོན་རྒྱབ་སྐྱོར་བ་ ༢༡༠༠༠ ལྷག་གི་མཚན་རྟགས་ཤིག་ཚོགས་ཞུགས་པ་རྣམ་པར་འབུལ་རྒྱུ་ཡིན་འདུག
གཞུང་འབྲེལ་མིན་པའི་ཚོགས་པ་ལྔས་རྒྱ་ནག་གཞུང་ལ་དགོས་འདུན་དོན་ཚན་ ༤ བཏོན་ཡོད་པ་ཁག་ནི། དང་པོ། རྒྱ་ནག་གཞུང་གིས་རྔ་པ་དང་དཀར་མཛེས་ས་ཁུལ་གྱི་དགོན་སྡེ་ཁག་གི་དམ་དྲག་ཕྱིར་བསྡུ་དང་། དགེ་འདུན་པ་རྣམས་ཆ་རྐྱེན་གང་ཡང་མེད་པའི་ཐོག་ཆོས་ཕྱོགས་ཀྱི་བྱེད་སྒོ་སྤེལ་འཇུག་དགོས། གཉིས་པ། ༢༠༡༡ ལོའི་ཟླ་ ༣ པའི་ཚེས་ ༡༦ ཉིན་ནས་སྐུ་ལུས་མེར་བསྲེགས་གཏོང་མཁན་སྐོར་ཞིག་བཙན་འཁྲིད་བྱས་པ་ཁག་ཀློད་གྲོལ་གཏོང་དགོས། གསུམ་པ། རྒྱལ་སྤྱིའི་རང་དབང་ལྡན་པའི་གསར་འགོད་པ་དང་ཉམས་ཞིབ་ཚོགས་ཆུང་ཞིག་འཕྲལ་དུ་རྔ་པ་དང་དཀར་མཛེས་གཙོས་བོད་ནང་ཞིབ་འཇུག་ཆེད་གཏོང་དགོས་པ། བཞི་བ། རྒྱ་དམར་གཞུང་གིས་རྔ་པ་ཀི་རྟི་དགོན་པ་གཙོས་བོད་ཀྱི་དགོན་སྡེ་ཁག་ཏུ་ཆོས་ཕྱོགས་ཀྱི་བྱེད་སྒོ་དམ་དྲག་གི་སྲིད་བྱུས་འདྲ་མིན་ལག་བསྟར་བྱེད་ཀྱིན་པ་གང་མགྱོགས་མཚས་འཇོག་དགོས་པ་བཅས་རེད།
གསར་འགོད་བསྒྲགས་གཏམ་ནང་བཀོད་དོན། རྒྱལ་ཁབ་ ༢༠ མགོ་ཁྲིད་རྣམ་པ་དང་འཛམ་གླིང་གི་རྒྱལ་ཁབ་ལ། རྒྱ་ནག་གཞུང་གིས་བོད་ནང་རང་དབང་ལྡན་པའི་ཞིབ་འཇུག་ཚོགས་ཆུང་གཏོང་རྒྱུའི་དམིགས་ཡུལ་ངོས་ལེན་ཆེད། འབྱོར་ལྡན་རྒྱལ་ཁབ་ ༢༠ ཚོགས་ཞུགས་དཔོན་རིགས་རྣམས་ཀྱིས་མཉམ་རུབ་ཐོག་ཤུགས་སྣོན་རྒྱག་དགོས་པ་དང་། རྒྱ་ནག་གི་སྲིད་འཛིན་ཧུའུ་ཅིན་ཐའོ་ལ་ད་ལྟའི་རྔ་པའི་གནས་བབ་ལ་བློ་འཚབ་དང་བཅས་ཐད་ཀར་བཀའ་འདྲི་ཞུ་རྒྱུར། རྔ་པ་ནས་གར་སོང་ཆ་མེད་དུ་གྱུར་བ་དག་གང་དུ་ཡོད་མེད་ཁ་གསལ་བཟོ་དགོས་པའི་ཐད་མཉམ་རུབ་ཞུ་གཏུགས་བྱ་རྒྱུ། ཁོང་རྣམ་པ་གནས་སྟངས་དང་སྒྲིག་གཞི་གང་ཞིག་གི་འོག་ནས་བཙན་འཁྲིད་བྱས་ཡོད་མེད་དང་གར་ཡོད་གསལ་བཤད་བྱ་རྒྱུ། དོ་སྣང་ཅན་གྱི་གཞུང་དང་མཉམ་དུ་ནུས་ཤུགས་ལྡན་པའི་སྒྲིག་འཛུགས་བཙུགས་ཏེ་བོད་ནང་འགྲོ་ཐུབ་པའི་ཆོད་གན་འཇོག་ཏུ་འཇུག་དགོས་ཅེས་སོགས་བཀོད་འདུག
དེ་རིང་རྒྱལ་ཁབ་ ༢༠ ཡི་ཚོགས་འདུ་དང་བསྟུན་ཏེ་གཞུང་འབྲེལ་མིན་པའི་ཚོགས་པ་ལྔ་དང་བོད་དོན་རྒྱབ་སྐྱོར་བ་བཅས་ཀྱིས་རྒྱལ་སྤྱིའི་རྒྱལ་ས་དང་གྲོང་ཁྱེར་ ༦༠ ནང་ཉིན་བརྒྱ་དུས་གཅིག་ཏུ་ཞུ་གཏུག་གི་ལས་འགུལ་སྤེལ་གྱིན་ཡོད་འདུག་ལ། ཨ་རི་གཙོས་རྒྱལ་ཁབ་ཁག་གི་རྒྱ་ནག་གཞུང་ཚབ་མདུན་དུ་བོད་ཀྱི་རྒྱལ་དར་དང་། ཉེ་ལམ་བོད་ནང་རང་ལུས་མེར་བསྲེགས་བཏང་ཟིན་པ་དག་གི་སྐུ་པར་འཕྱར་ཏེ་ངོ་རྒོལ་སྐད་འབོད་བྱེད་ཀྱིན་ཡོད་འདུག ལས་འགུལ་འདིའི་ནང་ལྷོ་ཨ་ཧྤི་རི་ཀའི་ཆོས་དཔོན་ཌ་སེན་མན་ཊུའུ་ཊུའུ་མཆོག་དང་རྒྱལ་སྤྱིའི་སྙན་གྲགས་ཅན་གྱི་གཞས་པ་དང་སྒྱུ་རྩལ་པ་བཅས་མཉམ་ཞུགས་གནང་བཞིན་ཡོད་འདུག་ལ། དེ་རིང་ཧྤ་རན་སི་གཙོས་ཕྱིའི་རྒྱལ་ཁབ་ཁག་དང་རྒྱ་གར་རྒྱལ་ཡོངས་ཀྱི་ས་གནས་ཁག་ཏུ་གནད་ཡོད་མི་སྣ་དག་ལ་འབོད་སྐུལ་དང་མཚན་རྟགས་བསྡུ་རུབ་ཀྱི་ལས་འགུལ་སྤེལ་གྱི་ཡོད་པ་མ་ཟད། བཞུགས་སྒར་རླངས་འཁོར་ས་ཚིགས་སུ་ཐེངས་འདིའི་ཚོགས་འདུར་མཉམ་ཞུགས་གནང་བཞིན་པའི་རྒྱལ་སྤྱིའི་དབུ་ཁྲིད་རྣམ་པའི་རྣང་བརྙན་བཟོས་ཏེ་ཁྲོམ་སྐོར་གྱི་ལས་འགུལ་ཞིག་ཀྱང་སྤེལ་སོང་། དེ་བཞིན། ཁ་སང་དང་དེ་རིང་གཉིས་སུ་བལ་ཡུལ་ནང་ལས་འགུལ་ཤུགས་ཆེན་སྤེལ་ཏེ། བལ་ཡུལ་ཉེན་རྟོགས་པ་ཚོས་བོད་མི་ལས་འགུལ་བ་མང་པོ་ཞིག་ལ་ཉེས་རྡུང་གཏོང་བ་དང་འཛིན་བཟུང་བྱེད་པ་སོགས་བྱུང་ཡོད་འདུག
གསར་འགོད་པ། དོན་གོ
གང་དུ་དྲག་གནོན་ཡོད་ན། དེ་རུ་ངོ་རྒོལ་ཡོད། ཅེས་པ་ལྟར་བོད་དུ་དྲག་གནོན་ཡོད་ན། དེ་རུ་ངོ་རྒོལ་ཡོད།
རྒྱ་ནག་ཏུ་དམངས་གཙོ་མེད་ན། དེ་རུ་ངོ་རྒཽལ་བྱེད་དགོས། ཤིང་ཅང་དུ་དྲག་གནོན་ཡོད་ན། དེ་རུ་ངོ་རྒཽལ་བྱེད་དགོས།
ནང་སོག་ཏུ་དྲག་གནོན་ཡོད་ན། དེ་རུ་ངོ་རྒོལ་བྱེད་དགོས།
པེན་བོད་ཀྱི་མཐུན་ཚོགས་ནས་སྲིད་འཛིན་ཧུའུ་མཚན་ཐོག་ལ་ཕུལ་བའི་སྙན་ཞུ་ཞིག
http://www.chapdaklhamokyab.fr/%E0%BD%91-%E0%BD%A2-%E0%BD%84-%E0%BD%82-%E0%BD%A6-%E0%BD%96-%E0%BD%84/
ཚོགས་པ་ལྔ་པོས་རང་འགན་དེ་ཁྱེར་ནས་ཧུར་ཐག་གནང་གི་འདུག་ མུ་མཐུད་རོགས་ ཐུགས་རྗེ་ཆེ་ཞེས་ཞུ་བ་ཡིན
ངོ་མ་རྒྱལ་སྤྱི་ལ་དྲང་བདེན་དང་གནས་ལུགས་ལ་ལྟ་བའི་མིག་ཡོད་ན། ཧུའུ་ཅིན་ཐོ་ལ་གནས་ལུགས་ཤིག་ཤོད་དགོས་ཡ། མ་ཤོད་ན་ངོ་མ་སྙིང་དོན་སྙིང་མེད་ཀི་ཡ།
ཨ་ལ་ལ་ལས་འགུལ་སྤེལ་བར་སྙིང་ནས་ཚོགས་པ་ལྔ་ལ་ཐུགས་རྗེ་ཆེ་ཞུ། འོན་ཀྱང་། ཚོགས་ཞུགས་མི་སྣ་དག་གི་བརྙན་རིས་དེས་མང་བོ་ཞིག་ལ་ཕོག་ཐུག་བཏང་ཨེ་འགྲོ་བསམ་སྤྱད་ཀྱི་ཚོར་སྣང་སྐྱེས།
ཧུབ་ གཅིན་འཐུང་ གར་འགྲོ་ གར་སྡོད་ལ་ ངོ་རྒོལ་ མཐར་ཕྱིན་ མཛོད་ཅིག །