ཉེ་ཆར་ཨེ་ཇིབ་རྒྱལ་ས་ཁའེ་རོ་ནང་མི་མང་སྟོང་མང་པོ་འཛོམས་ཏེ། ད་ལྟའི་དམག་མིའི་བར་རྒལ་གཞུང་གི་རྩ་ཁྲིམས་བསྐྱར་བཅོས་བྱེད་པའི་ངོ་རྒོལ་བྱུང་ཡོད་འདུག
ཟླ་འདིའི་ཕྱི་ཚེས་ ༡༨ ཉིན་ཨེ་ཇིབ་རྒྱལ་ས་ཁའེ་རོ་ (Cairo) ནང་མི་མང་སྟོང་ཕྲག་མང་པོ་འཛོམས་ཏེ། ད་ལྟའི་དམག་མིའི་བར་རྒལ་གཞུང་གིས་གཏན་འབེབ་བྱས་པའི་རྩ་ཁྲིམས་ལ་བསྐྱར་བཅོས་བྱ་དགོས་པའི་ངོ་རྒོལ་བྱས་པར། དམག་མིས་དྲག་གནོན་གྱིས་ད་སྔ་མི་ ༡༣ ལྷག་རྐྱེན་ལམ་དུ་བཏང་ཡོད་ཅིང་། མི་བརྒྱ་ཕྲག་ལྷག་ལ་རྨས་སྐྱོན་བཟོས་ཡོད་འདུག གཟའ་ཉི་མའི་ཉིན་བྱུང་བའི་མི་མང་དང་དྲག་ཆས་དམག་མའི་བར་གྱི་ཟིང་ཆ་ཧ་ཅང་ཛ་དྲག་ཏུ་གྱུར་ཞིང་། མི་མང་གི་ངོ་རྒོལ་ལས་འགུལ་དེ་གྲོང་ཁྱེར་གཞན་ཁག་ཅིག་ནང་ཁྱབ་བཞིན་ཡོད་སྟབས། དོན་རྐྱེན་དེའི་ཐད་ཨེ་ཇིབ་བར་རྒལ་དམག་མིའི་གཞུང་གི་སྲིད་བློན་ཤཱ་ར་ཧྥི་(Essam Sharraf) ཡིས་ཛ་དྲག་ཚོགས་ཆེན་སྐོང་འཚོགས་བྱས་ཡོད་པ་རེད།
དམག་མིའི་བར་རྒལ་གཞུང་ནི་སྲིད་དབང་སྒེར་འཛིན་པ་མུ་བྷ་རག་ཕྱིར་འབུད་བཏང་རྗེས། གཞུང་གསར་པ་མ་བཙུགས་པར་རྒྱལ་ཁོངས་བདེ་འཇགས་དང་རྩ་ཁྲིམས་གཏན་འབེབས།འོས་བསྡུ་ལག་བསྟར་སོགས་ཀྱི་འགན་ཁུར་ཡོད་ཀྱང་། ཉེ་ཆར་བར་རྒལ་དམག་མིའི་གཞུང་གིས་རྩ་ཁྲིམས་གཏན་འབེབ་ཀྱི་ཟིན་བྲིས་ཤིག་ཁྱབ་བསྒྲགས་བྱས་ཡོད་ཅིང་། ཐེངས་འདིའི་རྩ་ཁྲིམས་ཟིན་བྲིས་དེ་འབྱུང་འགྱུར་གཞུང་གི་རྩ་ཁྲིམས་ལམ་སྟོན་དམག་དོན་ལྷན་ཁང་གི་འོག་འགྲོ་དགོས་པར་བཀོད་ཡོད་སྟབས། མི་མང་གིས་བློ་འཚབ་བྱེད་ཡུལ་ནི་གཞུང་གསར་འཛུགས་དང་སྲིད་འཛིན་འོས་འདེམས་བྱུང་ཡང་དབང་ཆ་དམག་གི་ལག་ཏུ་ཤོར་ཉེན་ཡོད་པས། རྩ་ཁྲིམས་ཟིན་བྲིས་ལ་བསྐྱར་བཅོས་དང་གང་མགྱོགས་འོས་བསྡུའི་ལམ་ནས་གཞུང་གསར་པ་བཙུགས་ཏེ། བར་རྒལ་གཞུང་གི་དབང་ཆ་མི་མང་གིས་འོས་འདེམས་བྱས་པའི་གཞུང་གསར་པར་སྤྲོད་དགོས་པའི་ངོ་རྒོལ་བྱས་པ་ཞིག་ཡིན་འདུག
ཏོའུ་ནེ་ཤི་ཡ་དང་ཨེ་ཇིབ་གཉིས་ནི་དཀྱིལ་ཤར་གླིང་གི་མེ་ཏོག་བ་སྤྲུའི་གསར་བརྗེའི་མགོ་རྩོམ་ས་དང་། སྲིད་དབང་སྒེར་འཛིན་གཞུང་མགོ་རྟིང་སློག་རྗེས་གསར་བརྗེ་ལས་འགུལ་ཀྱི་ཤུགས་རྐྱེན་དཀྱིལ་ཤར་གླིང་གང་སར་ཁྱབ་ཅིང་། ད་ཆར་དཀྱིལ་ཤར་གླིང་གི་རྒྱལ་ཁབ་ཕལ་ཆེ་བའི་ནང་དམངས་གཙོ་བཅོས་སྒྱུར་གྱི་ལས་འགུལ་མེ་ལྟར་འབར་བཞིན་ཡོད་པ་རེད།
དུས་ནང་རྙི་མ་བར་ཆད་མང་། །མི་དང་ལྷ་ཡི་བདེ་སྐྱིད་འདི། །དུག་དང་འདྲེས་པའི་ཟས་བཞིན་དུ། །འདོད་པ་སྤུ་ཙམ་མེད་པར་ཤོག །
མི་མང་གི་འདོད་བློ་དང་མ་འཚམ་པའི་སྲིད་ཁྲིམས་ཤིག་ལག་ལྟར་བྱས་ན་འདི་ལས་ཡོང་ཡ་ཡོད་པ་མ་རེད། རྒྱལ་ཁབ་གང་དང་གང་ཞིག་ཡིན་རུང་ཁྲིམས་ལུགས་ཡག་པོ་ཞིག་དགོས་པ་གལ་ཆེན་རེད་ཡིན་པར་མ་ཟད་མང་གཙོ་དང་རང་དབང་ལྡན་པའི་ཁྲིམས་ལུགས་ཞིག་ངེས་པར་དགོས་པ་ཡིན།་དེ་ལྟར་ཨེ་ཇེབ་མི་མང་རྒྱལ་ལོ།
རྒྱལ་ཁབ་ཁྲིམས་ཀྱིས་སྐྱོང་དགོས། ཁྲིམས་ལུགས་བཟང་པོ་ཞིག་དགོས། མི་དམངས་ཀྱི་འདོད་མོས་ཁེངས་པའི་ཁྲིམས་ལུགས་ཤིག་ཆགས་ན་གཞི་ནས་ཁྲིམས་ལུགས་བཟང་པོར་ངོས་འཛིན་འོས། དམངས་གཙོའི་མང་གཙོའི་ཁྱད་ཆོས་གཙོ་བོ་འདི་ཉིད་ལ་རག་ལས་ཡོད།
ད་དེ་ལྟར་བོད་དང་རྒྱ་ནག་ནང་ལ་ལོ་ངོ་གཅིག་གཉིས་རྗེས་ལ་མི་ཡོང་དཀའ་མེད་རེད་
བོད་རྒྱལ་ལོ་
རྒྱ་ནག་མི་དམངས་རྒྱལ་ལོ་