འདས་པའི་ལོ་ཤས་རིང་བལ་ཡུལ་གཞུང་གིས་སྔ་ཕྱི་བོད་གཞུང་བལ་ཡུལ་དབུས་སྣེ་ལེན་ཁང་དང་བལ་ཡུལ་རྒྱལ་སའི་ཉེ་འཁོར་སོགས་ནས་བོད་མི་འཛིན་བཟུང་གིས་ཕྱིར་རྒྱ་ནག་གཞུང་ལ་རྩིས་སྤྲོད་ཀྱི་གནས་ཚུལ་བྱུང་ཡོད་པ་ལྟར། ཉེ་ཆར་བལ་ཡུལ་གཞུང་གིས་ཡང་བསྐྱར་འདི་ལོའི་ཕྱི་ཟླ་༩བའི་ནང་བལ་ཡུལ་ཉེན་རྟོག་པས་བོད་ནས་སྐྱབས་བཅོལ་དུ་ཡོང་མཁན་ཁམས་ནག་ཆུ་འབྲི་རུ་རྫོང་ནས་ཡིན་པའི་བོད་མི་བཀྲ་ཤིས་འབོད་པ་ཞིག་ཕྱིར་རྒྱ་ནག་གཞུང་ལ་རྩིས་སྤྲོད་བྱས་ཏེ། ད་ལྟའི་ཆར་ལྷ་སའི་ཉེ་ཁུལ་གྱི་བཙོན་ཁང་ཞིག་ཏུ་བཀག་ཉར་བྱས་ཡོད་པ་རྒྱལ་སྤྱིའི་བོད་དོན་ལས་འགུལ་ཁང་གིས་ཤེས་རྟོགས་བྱུང་འདུག
རང་ལོ་ ༢༠ ཡིན་པའི་བཀྲ་ཤིས་ནི། ཁམས་འབྲི་རུ་རྫོང་ཁོངས་ཀྱི་འབྲོག་ཁུལ་ནས་ཡིན་པ་དང་། འདི་ལོ་ཕྱི་ཟླ་ ༩ བའི་ཟླ་དཀྱིལ་དུ་ཁོང་དང་གྲོང་ཚོ་དང་ལོ་ཚོད་གཅིག་པའི་གཞོན་སྐྱེས་ ༤ ཡིས་ལྷ་ས་ནས་ལམ་འཁྲིད་པ་ཞིག་ལ་རྒྱ་སྒོར་ ༦༠༠༠ རེ་སྤྲད་དེ་ཉིན་མང་པོར་གོམ་པ་བརྒྱབ་རྗེས་བལ་ཡུལ་གྱི་ས་ཐོག་ཏུ་བསླེབས་ཏེ། ཉིན་དང་པོར་མཐའ་མཚམས་ཀྱི་ཁྱིམ་ཚང་ཞིག་ལ་གནས་ཚང་གཡར་ཏེ་ངལ་གསོས་ཡོད་འདུག ཕྱི་ཉིན་ལམ་འཁྲིད་པས་ཁོང་ཚོའི་ཁྲོད་ཀྱི་མི་ ༣ འཁྲིད་དེ་རྒྱལ་ས་ཀ་ཐ་མན་གྲུ་ཕྱིན་རྗེས། བཀྲ་ཤིས་དང་ལམ་གྲོགས་གཞན་གཉིས་ཀྱིས་ས་གནས་དེ་ནས་འཕྲུལ་རྟ་རེ་རེ་གླས་ཏེ་རྒྱལ་སའི་ཕྱོགས་སུ་ཡོང་ཡོད་པར། ལམ་གྲོགས་གཞན་དེ་མཐར་ཡོད་ཀྱང་། བཀྲ་ཤིས་ལ་མཐའ་མཚམས་དམག་མིས་བཀག་ཉར་ཞིབ་བཤེར་བྱས་རྗེས་རླངས་འཁོར་ནང་བཞག་ཏེ་འཁྲིད་ཡོད་པ་ལམ་གྲོགས་གཞན་དེས་མཐོང་ཡོད་འདུག ཕྱིས་སུ་ལམ་གྲོགས་གཞན་དེས་བལ་ཡུལ་སྣེ་ལེན་ཁང་ལ་གནས་ཚུལ་བཤད་རྗེས། མཉམ་འབྲེལ་རྒྱལ་ཚོགས་སྐྱབས་བཅོལ་ལྟ་རྟོགས་ལས་ཁུངས་སོགས་འབྲེལ་ཡོད་མང་པོས་བལ་ཡུལ་གཞུང་ལ་འབོད་སྐུལ་ཞུས་ཀྱང་། གར་ཡོད་ཅི་བྱུང་གི་གནས་ཚུལ་ཤེས་ཐུབ་མེད་སྟབས། ཉེ་ཆར་ཁོང་དང་མཉམ་དུ་སྐྱབས་བཅོལ་དུ་ཡོང་མཁན་ལམ་གྲོགས་གཞན་པ་དག་གིས་ནང་མིར་འབྲེལ་བ་བརྒྱུད་ལྷ་སར་བཙོན་འཇུག་བྱས་ཡོད་པའི་གནས་ཚུལ་ཤེས་རྟོགས་བྱུང་སྟེ། རྒྱལ་སྤྱིའི་བོད་དོན་ལས་འགུལ་ཁང་ལ་གནས་ཚུལ་མཁོ་སྤྲོད་བྱས་ཡོད་འདུག
བལ་པོས་ལོ་མང་རིང་ལ་བོད་མིར་བཀའ་དྲིན་ཤིན་ཏུ་ཆེ་ན་ཡང་། དེང་གི་བལ་གཞུང་གིས་བོད་ཀྱི་བདེ་དོན་བཙོང་ནས་དངུལ་བཟོས་པ་ནི། ངོ་ཚ་བའི་གནས་སུ་མི་འགྱུར་རམ། སོམས་ཤིག བལ་རིགས་ཚོས། བལ་རིགས་བོད་རིགས་གཉིས་ཀྱི་མཐུན་ལམ་ཡུན་བརྟན་ཤོག །
བལ་ཡུལ་གཞུང་རྒྱ་ནག་ལ་
སྐྲགས་སྟེ་བོད་ལ་ཅི་སྡུག་གང་ངན་བྱེད་ཀྱི་ཡོད་རེད
བལ་ཡུལ་གཞུང་གིས་མིའི་སྤྱོད་པ་ལས་འདས་པའི་བྱ་སྤྱོད་འདི་ལ་ཁ་གཏད་ཆོད་པའི་བོད་མི་འབྱོད་ལྡན་ཤིག་བྱུང་ན་ཅི་མ་རུང།
སྨད་འཚོང་མ་དེ་ངར་བ་རེད།
ཉེ་ལམ་རྒྱ་ནག་གི་ཁྲིམས་རྭ་ཞིག་གི་ནང་དུ་སྨད་འཚོང་མ་ཞིག་གི་སྐད་སྒྲ་ལྷང་ལྷང་དུ་གྲགས་ཏེ་ཡོད་སྐད་ཐོས་ཤིང་། སྨད་འཚོང་མ་དེ་ཡི་བདེན་པའི་སྐད་སྒྲ་མང་པོ་ཞིག་གིས་མགོ་གཙོ་གང་མང་ཞིག་བློང་བློང་པོར་བྱས་པར་མ་ཟད། ཁོ་མོའི་སྐད་ཆ་བཤད་བཞིན་པའི་བར་སྐབས་ཤིག་ན་ཁྲིམས་དཔོན་ཀྱང་འཚབ་འཚུབ་ཏུ་གྱུར་ཏེ་ཡར་ལངས་ནས། “བློ་མཐུན་ཉེན་རྟོག་པ། ཉེས་ཅན་པ་མོ་མར་འཁྲིད་རོགས”ཞེས་སྨྲ་དགོས་བྱུང་འདུག དེ་ཡི་སྐད་ཆ་འགའ་བཀོད་ན་གཤམ་ལྟར།
ཁོ་མོས་ཐོག་མར་ལམ་བུ་འདིར་མི་འདོད་བཞིན་ཞུགས་དགོས་པའི་ཐབས་མེད་ཀྱི་རྒྱུ་རྐྱེན་དག་འདི་ལྟར་བཤད་འདུག་སྟེ། “ངས་ལོ་ལྔའི་རིང་ལུས་ཚོང་གི་བྱ་བ་གཉེར་བ་མ་ཟད། དེ་སྔོན་ང་ལོ་གཉིས་ནང་གྲོང་ཁྱེར་འདིའི་འགན་གཙོ་གཞོན་པ་ཝེའུ་ཅུན་ཤིན་གྱི་གསང་བའི་སྨད་ཚོང་མ་ཨང་གསུམ་པའམ་བཞི་པ་དེ་བྱས་པ་རེད། འོན་ཀྱང་ལུས་ཚོང་བྱ་བ་འདི་ངའི་བྱེད་འདོད་པ་ཞིག་རྩ་བ་ནས་མིན། ལམ་ཁ་འདིར་རྒྱུ་དགོས་པ་འདིས་ངའི་ཁྱིམ་མི་དང་སོ་སོར་དཀའ་ངལ་དང་ངོ་ཚ་ཧ་ཅང་ཆེན་པོ་བཟོས་མྱོང་བ་མ་ཟད། དངོས་གནས་བརྗོད་ན་དེ་ནི་འཚོ་བའི་དཀའ་ངལ་གྱིས་ང་རང་བཙན་འདེད་བྱས་པ་ཞིག་ཡིན། ངའི་ཁྱིམ་ལ་དགུང་ལོ་བརྒྱད་ཅུའི་རྨོ་རྨོ་ཡོད་ཅིང༌། ངའི་འོག་ལ་ཅི་ཡང་མི་དྲན་གང་ཡང་བསམ་ཤེས་མེད་པའི་གཅུང་པོ་ཡོད། རྨོ་རྨོ་རྒས་འཁོག་གཡོག་སྐྱོང་དགོས་ལ་གཅུང་པོ་སློབ་གྲྭར་འགྲོ་དགོས་པ་རེད། འོན་ཀྱང་ང་དང་པ་ལགས་གཉིས་ཀྱིས་ཉིན་མཚན་བསྟུད་མར་ཞིང་ཁར་ངལ་རྩོལ་ལོ་གཅིག་ཙམ་བྱས་ཀྱང་། ལོ་མཇུག་གི་འབྲུ་རིགས་ཡོངས་བབས་དེ་གྲོང་ཚོའི་ནང་གི་དཔྱལ་ཁྲལ་དང་གྲོང་ཚོ་སྲིད་གཞུང་གི་ཁྲལ་མཇལ་བའང་འདང་གི་མེད། གལ་ཏེ་དུས་ཐོག་དཔྱལ་ཁྲལ་མ་སྤྲད་ན། གྲོང་ཚོ་སྲིད་གཞུང་ལས་བྱེད་མི་སྣ་ཁྱིམ་དུ་ཡོང་སྟེ་ནང་གི་བྱ་དེ་དང་ར་ལུག་བཙན་འཁྲིད་བྱེད་པ་དང༌། དེ་བཞིན་འབྲུ་རིགས་བཙན་འཕྲོག་བྱེད་ཀྱི་རེད།ཅེས་བཤད་འདུག” ཅེས་བཤད་འདུག ཁོ་མོའི་སྐད་ཆ་དུམ་ཚན་དེའི་སྟེང་ནས་ང་ཚོས་མགོ་གཙོ་ཞིག་གི་རུལ་སུང་གི་གསང་རྣམ་ཞིག་མཐོང་བར་མ་ཟད། ཁྱིམ་ཚང་དེ་དང་དེ་ཡི་ཉེ་འཁོར་གྱི་འཚོ་བའི་དཀའ་ངལ་དང་། ཁོ་ཚོའི་འཚོ་བ་སྡུག་པོ་དེ་ཡི་སྟེང་གི་ད་དུང་ཁྲལ་གྱི་དཀའ་ངལ་དང་། ཁྲལ་ལས་མ་འཇལ་ཚེ་ས་གནས་ལས་བྱེད་དག་གིས་ལུགས་མེད་ཀྱི་ལས་ཀ་ལག་ཏུ་བསྟར་ལུགས་དག་ཀྱང་མཐོང་ནུས། འདི་དག་གི་ཐད་ནས་བཤད་འདོད་པ་མང་ནའང་སྐད་ཆ་དུམ་བཀོད་དང་དེ་ཡི་གནད་དག་ཟུར་བསྟན་ཙམ་གྱིས་སུས་ཀྱང་གོ་བར་སྙམ་ནས་མ་བཤད་ལ། འོག་མ་དག་ཀྱང་དེ་བཞིན་ནོ། །
ཡང་ཁོ་མོས་འདི་ལྟར་བཤད་འདུག་སྟེ། “དེ་རྗེས་ང་གྲོང་ཁྱེར་ནང་གཡོག་མོའམ་བུ་རྫི་མ་བྱས་ཤིང༌། སྐབས་དེར་ཁྱིམ་བདག་གིས་ང་ལ་ཐེངས་མང་བཙན་གཡེམ་བྱས་ཀྱང་ངས་བཤད་ས་རག་གི་མི་འདུག དུས་དེ་ནས་བཟུང་ང་རང་ངན་ལམ་འདིར་མི་རྒྱུ་ག་མེད་བྱུང་བ་རེད། ངས་འདིར་ཁྲིམས་དཔོན་ལགས་ལ་དྲི་བ་ཞིག་བཀོད་འདོད་ཡོད། ང་ཉམ་ཆུང་ནུས་མེད་ཀྱི་བུད་མེད་ཅིག་ཡིན་པའི་ངོས་ནས་འཚོ་སྤྱོད་ཁོ་ནའི་ཆེད་དུ་ངའི་ལང་ཚོ་འཚོང་རྒྱུ་ལས་དེ་མིན་ང་འདྲ་བ་ཚོས་ད་དུང་བཙོང་རྒྱུ་ཞིག་ག་རེ་བསྡད་ཡོད་དམ། འགོ་དཔོན་ཝེའུ་ཅུན་ཤིན་ལ་ཉིན་གསུམ་འཆམ་ནད་ཕོག་དུས་ཀྱང་གཞན་གྱིས་སྒོར་ཁྲི་ལྔ་བཅུའི་འཚམས་འདྲི་ཟེར་བ་རག་ཡོད་པ་རེད། རྫོང་རིམ་པའི་འགོ་ཁྲིད་བརྗེ་བསྒྱུར་སྐབས་སུ་ཁོས་སླར་ཡང་སྒོར་ཁྲི་ལྔ་བརྒྱ་ཐབས་ཤེས་བྱས་པ་རེད། གལ་ཏེ་ང་ལ་སྒོར་མོ་དེ་དག་གི་བཅུ་ཆ་གཅིག་ཙམ་བྱུང་ནའང༌། སྨད་ཚོང་གི་ལམ་བུར་རྩ་བ་ཉིད་ནས་འགྲོ་སྲིད་ཀྱི་མ་རེད།”ཅེས་བཤད་འདུག སྐད་ཆ་དུམ་ཚན་འདི་ལས་གྲོང་ཁྱེར་ཁྲོད་ཀྱི་ཕྱུག་བདག་དག་གི་ལོག་སྤྱོད་མཐོང་ནུས་པར་མ་ཟད། ཉམ་ཆུང་བའི་བྲན་གཡོག་དག་ནི་ཇི་ལྟར་བཀོལ་ཞིང་གང་ལྟར་མནར་ཀྱང་ཤོད་ས་གཏུགས་ས་ཅི་ཡང་མེད་པའི་མགོན་མེད་ཅིག་ཡིན་པ་ཤེས་ཐུབ་པ་མ་རེད་དམ།
ཡང་ཁོ་མོས་འདི་ལྟར། “མི་ཚོས་ང་ཚོ་སྨད་ཚོང་ལས་ཀ་བྱེད་མཁན་གྱི་བུད་མེད་ཚོས་སྲིད་གཞུང་གི་ལས་བྱེད་ཚོར་གནོད་སྐྱོན་བཟོས་པ་དང༌། འཁྲིག་སྤྱོད་བརྒྱུད་ནས་ནད་རིགས་བརྒྱུད་སྤྲོད་བྱེད་པ། དེ་མིན་སྤྱི་ཚོགས་ཀྱི་ལམ་ལུགས་བཟང་པོར་གཏོར་བརླག་གཏོང་བ་རེད་ཟེར། ངས་དེ་ནི་དངོས་ཡོད་གནས་སྟངས་ལ་ངོས་འཛིན་བྱེད་ཀྱི་ཡོད། འོན་ཀྱང་འཇིག་རྟེན་འདིའི་ཐོག་ལུས་ཉོ་མཁན་མེད་ན་གཟུགས་པོ་ཚོང་མཁན་ག་ནས་ཡོད་དམ། གཟུགས་པོ་ཉོ་མཁན་གྱི་སྐྱེས་པ་མེད་ན། ལུས་པོ་བཙོང་མཁན་གྱི་བུད་མེད་གང་ནས་ཡོང་དགོས་སམ། སྨད་ཚོང་གི་དར་སྲོལ་ཆེན་མོ་འདི་ང་ཚོས་བསྐུལ་སློང་བྱས་པ་མིན། དེ་ནི་ལག་ཏུ་དབང་ཆ་དང་རྒྱུ་ནོར་ཡོད་མཁན་གྱི་ཕྱུག་བདག་ཚོས་བཟོས་པའི་གནས་སྟངས་ཤིག་རེད།”ཅེས་བདེན་ཅོག་ཅོག་ཅིག་བཤད་འདུག
ཡང་ཁོ་མོས་རང་སྐྱོན་ངོས་ལེན་དང་བསྒྲགས་ཆེན་པོ་ཚོའི་ཉེས་ཆ་བསྔོགས་པ་དང་ ། སློབ་ཆེན་གྱི་མིང་རྟགས་དང་གོ་གནས་ཀྱི་སྟེགས་བུ་སོགས་ཀྱང་རྫུན་རྫུས་འབའ་ཞིག་ཡིན་ཚུལ། ད་དུང་ཁྲིམས་ཀྱི་མདུན་ས་ནས་འདྲ་མཉམ་མིན་ཚུལ་སོགས་ཀྱང་འདི་ལྟར་ རྒོལ་ཞིང་བཤད་འདུག་སྟེ། “ཁྲིམས་གཏུག་མཁན་གྱིས་ངས་གཞན་ལ་མགོ་སྐོར་གཏོང་བའི་ནག་ཉེས་བསགས་འདུག་ཟེར། ངས་རང་ཉིད་གཞན་ལ་མགོ་སྐོར་གཏོང་མཁན་ཡིན་པར་ངོས་ལེན་བྱེད་ཀྱི་ཡིན། ང་ལ་མཚོན་ན་སློབ་ཆུང་གི་ཤེས་ཡོན་སློབ་གསོའང་རག་མྱོང་མེད་མཁན་ཞིག་རེད། ཡིན་ཡང་ད་ལྟ་ང་ལ་སློབ་ཆེན་གྱི་ལག་འཁྱེར་ཡོད། འོན་ཀྱང་དེང་དུས་ཀྱི་སྤྱི་ཚོགས་ཐོག་ལག་འཁྱེར་རྫུན་མ་འཁྱེར་མཁན་སྟོང་ཕྲག་མང་པོའི་ཡང་ཚད་ཀྱི་མ་རེད། དཔོན་པོ་ཝེའུ་ཅུན་ཤིན་ཁོ་སློབ་འབྲིང་ཡང་ཐོན་ཐུབ་པ་བྱུང་མེད། ཡིན་ཡང་ད་ལྟ་ལས་གནས་ཐོག་གི་ཞིབ་འཇུག་སློབ་མ་ཟེར་བ་དེར་གྱུར་ཚར་བ་མ་རེད་དམ། ཁྲིམས་ཀྱི་མདུན་སར། ང་དང་ཁོ་ཚོའི་དབར་ལ་འདྲ་མཉམ་ཟེར་བ་དེ་འདྲ་འདུག་གམ། ཁྱོད་ཚོས་ང་ལ་ངོ་ཚ་མི་འདུག་ཟེར་བ་དེར་ངས་ངོས་ལེན་བྱེད་ཀྱི་ཡིན། འོན་ཀྱང་ངས་བསམ་པར་ང་ལས་ངོ་ཚ་དང་ཁྲེལ་གཞུང་མེད་པ་ནི་ ཝེའུ་ཅུན་ཤིན་དང་འདྲ་བ་ལྐོག་ཟ་རུལ་སུངས་ལ་བྱང་བའི་དཔོན་ངན་ཆེ་ཆེ་ཆུང་ཆུང་དེ་དག་རེད། མི་དེ་ཚོས་ཁ་ནས་མི་མང་ལ་ཞབས་འདེབས་ཞུ་ཡི་ཡོད་ཚུལ་བཤད་ཅིང༌། ལྐོག་ཏུ་ཇག་པ་དང་རྐུན་མ་སོགས་ཀྱི་ཁྲམ་པའི་ལས་ཀ་སྣ་ཚོགས་བྱེད་ཀྱི་ཡོད་པ་རེད། ”ཅེས་བཤད་འདུག
མཇུག་མཐར་ཁྲིམས་དཔོན་ཀྱང་བློང་བློང་པོར་བྱེད་པའི་སྐད་སྒྲ་འདི་འདྲ་ཞིག་གིས་ཁོ་མོའི་སྐད་ཆ་མཇུག་བཅད་འདུག་སྟེ། “ཝེའུ་ཅུན་ཤིན་ཁོ་ཉིན་མོར་མི་གཞན་ལ་སྙན་སེང་ཞུ་སྐབས་སྐད་ཧ་ཅང་མཐོན་པོ་ཡོད་ཀྱང༌། མཚན་གཞུང་དུ་ངའི་སྡོད་སར་སླེབས་དུས་ཐབས་ཤེས་ཡོད་རྒུས་ང་ལ་མནར་གཅོད་དང་མཐོང་ཆུང་བྱེད་ཀྱི་རེད། ཁོ་འདྲ་བའི་སྤྱང་ཀི་ལྟ་བའི་ཕྱི་པགས་གྱོན་པའི་གཡོ་རྫུས་ཅན་དེ་འདྲ་ངས་ཧ་ཅང་མང་པོ་མཐོང་མྱོང༌། དེ་རིང་འདིར་ཡོད་མིའི་ནང་དུ་ཡང་དེ་སྔོན་ངའི་མགྲོན་པོ་བྱེད་མྱོང་མཁན་དེ་འདྲ་ཡོད། འོན་ཀྱང་དེ་རིང་ཁོ་ཚོས་ང་ལ་ཁྲིམས་གཅོད་བྱེད་ཀྱི་ཡོད་པ་རེད།” ཅེས་བཤད་སྐབས་ཁྲིམས་དཔོན་ལམ་སེང་ཡར་ལངས་ནས། བློ་མཐུན་ཉེན་རྟོགས་པ་ལགས། ཉེས་ཅན་མོ་མྱུར་དུ་མར་ལ་ཁྲིད་ཅེས་སྐད་ཆའི་མཇུག་བཅད་འདུག གལ་ཏེ་ཁོ་མོར་མུ་མཐུད་དུ་བཤད་བཅུག་ན་ཁྲིམས་གཅོད་མཁན་གྱི་ཚོགས་གྲལ་ན་ཆེ་མདོག་བསྟན་པའི་མི་བུ་ག་ཚོད་ཅིག་ལྐུགས་པོར་བཏང་ཡོད་པ་འདྲ།
སྐད་ཆ་འདི་ཆ་ཚང་ལ་གཟིགས་འདོད་ན་རང་གྲོལ་དྲ་བའི་སྟེང་དུ་གཟིགས་རོགསhttp://www.rdrol.net/node/569
མཚོ་སྔོན་ཟིན་བྲིས་ནང་བཀོད་འདུག བཀོད་པ་པོ། གློག་དམར་སུམ་སྒྲོག
ད་ག་རེ་བྱེད། གཅར་རྡུང་མནར་གཅོད་ཀྱི་ཁ་གཏད་སུ་ཞིག་གིས་ཆོག གསར་འགོད་པ་ལགས། སྒོར་ཁྲི་བྱིན་ཏེ་ཉོས་པའི་རྟ་གཉིས་གླས་པ་ཡིན་ན་བཤད་རྒྱུ་མེད། དེ་མིན་ལྷ་སའི་སྐད་དུ་སྦག་སྦག་ཟེར་བ་དེ་ཡིན་ན་འཕྲུལ་རྟ་ཟེར་དགོས་པ་རེད། ༼བཀྲ་ཤིས་དང་ལམ་གྲོགས་གཞན་གཉིས་ཀྱིས་ས་གནས་དེ་ནས་ཁྲི་རྟ་རེ་རེ་གླས་ཏེ་རྒྱལ་སའི་ཕྱོགས་སུ་ཡོང་ཡོད་པར། ༽
འདི་དང་འདི་ལྟ་བུའི་གནས་ཚུལ་གྲངས་ལས་འདས་བ་དག། ང་ཚོས་མཉམ་འབྲེལ་རྒྱལ་ཚོགས་སྐྱབས་བཅོལ་ལྟ་རྟོགས་ལས་ཁུངས་སོགས་འབྲེལ་ཡོད་ལ་ཡར་ཞུ་ཅི་ཙམ་ཞུས་ཀྱང། དགོས་ཕན་ངོ་མ་ཆུང་གི། དེ་ལས་བོད་སྒེར་ངོས་ནས་གང་གཟབ་བྱས་ན་ཡག་ས་རེད།