བདུན་ཕྲག་སྔོན་མའི་ནང་ངྷ་ས་ཨ་མདོའི་གྲོང་གསེབ་ཏུ་ལ་དྭགས་ཀྱི་བཙུན་མ་ཞིག་གིས། ཁྱིམ་མཚེས་གྲྭ་བ་ཞིག་གིས་ཁོ་མོར་བཙན་གཡེམ་བྱ་རྩིས་བྱས་ཚུལ་བརྗོད་དེ་གྲྭ་བ་དེ་ས་གནས་རྒྱ་གར་ཉེན་རྟོག་པར་རྩིས་སྤྲོད་བྱས་འདུག
ཟླ་འདིའི་ཕྱི་ཚེས་ ༡༨ ཉིན་གྱི་མཚན་མོར་ངྷ་རམ་ས་ལའི་ཕར་ངོས་ཨ་མདོའི་གྲོང་གསེབ་ཏུ་གནས་སྡོད་བྱེད་པའི་བོད་པའི་གྲྭ་བ་ཤེས་རབ་ཞུ་བ་ཞིག་དང་ལ་དྭགས་ཀྱི་བཙུན་མ་པད་མཛེས་ཞུ་བ་གཉིས་བར་རྙོག་གླེང་ཞིག་བྱུང་སྟེ། བཙུན་མ་དེས་ས་གནས་རྒྱ་གར་ཉེན་རྟོག་པར་ཁ་པར་བཏང་ནས་ཁོང་མོར་བརྙས་བཅོས་བྱས་ཚུལ་བརྗོད་དེ། གྲྭ་བ་དེ་འཛིན་བཟུང་བཀག་ཉར་བྱས་ཡོད་ཀྱང་རྗེས་སུ་ཀློད་གྲོལ་བཏང་ཡོད་འདུག ངྷ་ས་ཁུལ་དུ་གནས་ཚུལ་དེའི་སྐོར་གླེང་སློང་བྱེད་བཞིན་པ་ལྟར་ན། གྲྭ་བ་དེས་ནམ་རྒྱུན་བཙུན་མ་དེར་ཁ་པར་གཏོང་གི་ཡོད་པ་དང་དགོང་མོ་དེར་དངོས་སུ་དབང་ཡོད་བྱས་ཏེ་རྙོག་དྲ་དེ་བྱུང་ཚུལ་བརྗོད།
ཕྱི་ཚེས་ ༢༨ ཉིན་འདི་གའི་གསར་འགོད་པ་ངྷ་ས་ཨ་མདོའི་གྲོང་གསེབ་ཏུ་བསྐྱོད་དེ་དོ་བདག་དེ་གཉིས་འཚོལ་སྐབས། བཙུན་མ་དེས་ཁང་པ་སྤོར་ཚར་འདུག་ལ་གྲྭ་བ་དེ་ཡང་ཉིན་དེར་ཁང་པའི་ནང་བསྡད་མེད་སྟབས། རྙོག་དྲ་བྱུང་ཡུལ་གྱི་གྲོང་པ་ཁྱིམ་མཚེས་དག་ལ་གནས་ཚུལ་དེ་འདྲ་ཞིག་བྱུང་ཡོད་མེད་དྲིས་སྐབས། བཙུན་མ་དེའི་ངོ་ཤེས་བོད་རིགས་བུད་མེད་ཅིག་གིས་བརྗོད་དོན་ལྟར་ན། གྲྭ་བ་ཞིག་རྒྱ་གར་ཉེན་རྟོག་པས་འཁྲིད་པའི་གནས་ཚུལ་ཞིག་བྱུང་བ་རེད། བཙུན་མ་དེ་རྒྱ་གར་ལྷོ་ཕྱོགས་བཙུན་དགོན་ཞིག་ཏུ་ལོ་བཅུ་གྲངས་རིང་ནང་ཆོས་སློབ་སྦྱོང་བྱས་མྱོང་མཁན་ཞིག་ཡིན་པ་དང་། རྗེས་སུ་ངྷ་སར་ཡོང་སྟེ་དབྱིན་ཡིག་འཛིན་གྲྭར་འགྲོ་བཞིན་ཡོད་སྐོར། ཟླ་གཅིག་གི་གོང་ཙམ་ལ་གྲྭ་བ་དེ་བཙུན་མ་དེའི་ཉེ་འགྲམ་དུ་ཁང་པ་གླས་ཏེ་བསྡད་སོང་ཡང་། ཁོང་གཉིས་ལ་འབྲེལ་བ་གང་འདྲ་ཡོད་མེད་ཤེས་ཀྱི་མེད་སྐོར་བརྗོད་བྱུང་།
དོན་དག་དེ་བྱུང་བའི་རྗེས་སུ་བཙུན་མ་དེས་ཁོ་མོར་བརྗོད་པ་ལྟར་ན། ཕྱི་ཚེས་ ༡༨ ཉིན་གྱི་མཚན་མོར་གྲྭ་བ་ལོ་ཆུང་དེ་ཁོ་མོའི་ཁང་པའི་ནང་འཛུལ་ཡོང་སྟེ། བཙན་དབང་གིས་ཁོ་མོའི་ནུ་མ་ཕུར་ཕུར་གཏོང་རྩིས་བྱས་སྐབས། ཁོ་མོས་རང་ཉིད་བཙུན་མ་ཞིག་ཡིན་པའི་ཆ་ནས་སྐྱེས་པ་ཚོས་ལག་པ་འཆང་ན་འགྲིག་གི་མེད་སྐོར་བརྗོད་དེ་ཁོང་གཉིས་བར་ཁ་རྩོད་ཤོར་ཡོད་ཚུལ་དང་། མཐའ་མར་ཁོ་མོ་ཨུ་ཐུག་སྟེ་རྒྱ་གར་ཉེན་རྟོག་པར་ཁ་པར་གཏོང་རྩིས་བྱས་པར། གྲྭ་བ་དེས་ཉེན་རྟོག་པར་ལབ་ན་ “ ཇོ་བོ་རིན་པོ། ཉིན་ཞིག་ཁྱོད་རང་གསོད་རྒྱུ་ཡིན་ ” ཟེར་ནས་འཇིགས་སྐུལ་བྱས་ཚུལ་སོགས་ཁོ་མོར་ལབ་སོང་ཟེར། ཡང་ཁྱིམ་མཚེས་འབྲུག་པའི་བཙུན་མ་ཞིག་དང་བོད་པའི་བཙུན་མ་གཞན་གཉིས་ཀྱིས་མི་གཞན་ལ་བརྗོད་པ་ལྟར་ན། གྲྭ་བཙུན་དེ་གཉིས་བར་གྱི་རྙོག་དྲ་དེ་ཚུལ་མིན་གྱི་བྱ་སྤྱོད་དེ་འདྲ་མིན་སྐོར་དང་། གནད་དོན་ཆུང་ཚགས་ཐོག་བོད་པ་ནང་ཁུལ་རྒྱ་གར་ཉེན་རྟོག་པར་རྩིས་སྤྲོད་བྱས་པ་དེ་ཡག་པོ་མེད་ཚུལ་སོགས་བརྗོད་འདུག
གནད་དོན་དེའི་ཐད་གསར་འགོད་པས་ངྷ་ས་བདེ་དོན་འགན་འཛིན་བསོད་ནམས་རྡོ་རྗེ་ལགས་སུ་བཀའ་འདྲི་ཞུས་པར་ཁོས་བརྗོད་དོན། “ གནས་ཚུལ་དེ་འདྲ་ཞིག་བྱུང་བ་དངོས་ཡོད་རེད། ཉེ་ཆར་ཨ་མདོའི་གྲོང་གསེབ་ཏུ་ལ་དྭགས་ཨ་ནེ་ཞིག་དང་བོད་ཀྱི་གྲྭ་བ་གཉིས་ཁ་རྩོད་ཤོར་ཏེ། བཙུན་མ་དེས་གྲྭ་བ་ཁོང་ཉེན་རྟོག་པར་རྩིས་སྤྲད་འདུག བདེ་དོན་ལས་ཁུངས་ཀྱིས་གནས་ཚུལ་ཞིབ་བརྩད་བྱས་སྐབས་གྲྭ་བ་དེ་སྔ་ས་ནས་ཀློད་ཚར་འདུག ཀློད་སྟངས་གསལ་པོ་མི་ཤེས་ཀྱང་སྒོར་མོ་སྤྲད་དེ་ཀློད་པ་ཞིག་ཡིན་ས་རེད། རྒྱ་གར་ཉེན་རྟོག་པས་གྲྭ་བ་དེར་ཧྥོར་སི་གྷན་ཅི་ (Forsyth Ganj)ཉེན་རྟོག་ལས་ཁུངས་ཀྱི་ཁ་པར་ཨང་གྲངས་ཤིག་སྤྲད་དེ། རྗེས་མ་ཡང་བསྐྱར་སྐད་གཏོང་གི་ཡིན་ལབ་འདུག བྱེད་སྟངས་དེར་བལྟས་ཡོང་ན་ལྐོག་ཟ་རུལ་སུངས་བྱེད་ཀྱི་ཡོད་པ་གསལ་པོ་རེད། སྤྱིར་གྲྭ་བ་དེས་བཙན་གཡེམ་བཏང་བ་ཡིན་ན། ཁྲིམས་ཐོག་ནས་ཉེས་པ་ལྕི་མོ་ཆགས་འགྲོ་བ་རེད། ཡིན་ནའང་། བཀོད་ཁྱབ་ནང་ “ སྙད་བཙུགས་ ” ་ཟེར་བ་ལས་ “ བཙན་གཡེམ་ ” ཞེས་བཀོད་ཡོད་པ་མ་རེད། ཉིན་ཤས་གོང་གྲྭ་བ་དེ་བདེ་དོན་ལས་ཁུངས་ལ་ཡོང་སྟེ། “ ཨ་ནེ་དེས་༧གོང་ས་མཆོག་ལ་མཚན་སྨད་ཞུ་བཞིན་འདུག བོད་པའི་སྤྱི་ཚོགས་ལ་མཐོང་ཆུང་གཏོང་གི་འདུག་ ” ཟེར་ནས་ལབ་སོང་། ཁོའི་རོགས་པ་ཚོས་ཀྱང་དེ་ལྟར་ལབ་སོང་། ལ་དྭགས་ཨ་ནེ་དེ་འདིར་བསླེབས་མ་སོང་། ཁོ་མོས་གནད་དོན་དེར་འགྲེལ་བཤད་ཇི་ལྟར་རྒྱག་གི་ཡོད་མེད་ཀྱང་ཤེས་མ་སོང་། གོ་ཐོས་ལ། ད་ལྟ་ཁོ་མོ་ཨ་མདོའི་གྲོང་གསེབ་ཏུ་མ་བསྡད་པར་དགུ་བཅུ་གསུམ་ལས་ཁུངས་ཀྱི་འོག་ཅིག་ཏུ་སྤོར་འདུག་ཟེར། ང་ཚོས་ཕྱོགས་གཅིག་གི་གནས་ཚུལ་ལ་ཉན་ན་འགྲིག་གི་མེད་སྟབས། རིམ་བཞིན་དོ་བདག་དང་གྲོང་པ་ཁྱིམ་མཚེས་ལ་དངོས་ཡོད་གནས་ཚུལ་རྒྱུས་ལོན་བྱ་རྩིས་ཡོད” ཅེས་བརྗོད་བྱུང་།
ངྷ་སའི་ཨ་མདོའི་གྲོང་གསེབ་ཞེས་པ་ནི་ལོ་རབས་དགུ་བཅུའི་ནང་ཁེ་འབྱོར་ཞན་པའི་ཨ་མདོའི་ཕོ་གཞོན་སྐོར་ཞིག་གི་སྡོད་གནས་ཡིན་ཞིང་། ཕྱིས་སུ་ས་ཆ་དེར་ཀུན་གྱིས་ཨ་མདོའི་གྲོང་གསེབ་ཅེས་བཏགས་ཤིང་། ད་ཆར་གྲོང་གསེབ་དེ་ཁུལ་དུ་གནས་སྡོད་བྱེད་མཁན་ཕལ་ཆེ་བ་བོད་ནས་གསར་དུ་འབྱོར་བའི་ཆོལ་ཁ་གསུམ་གྱི་གསར་འབྱོར་བ་དག་ཆགས་ཡོད་པ་རེད།
གསར་འགོད་པ། དཔལ་ལྡན།
རྙོག་གྲ་འདི་གཙོ་བོ་ཕྱི་ནང་གི་ཚོར་བའི་ཟབ་ཁྱད་ལ་ཐུག་འདུག
ཨ་ཁུ་ཤེས་རབ་དང་ལ་དྭགས་ཨ་ནེ་གཉིས་གཙོ་བའི་རྡ་སའི་གྲྭ་བ་དང་ཨ་ནེ་ཡོངས་ལ་
ཐུན་མོང་དུ་འཚམས་འདྲི་ཞིག་གི་ཚུལ་དུ་ཕུལ་བ་ལགས།
ལ་དྭགས་ཨ་ནེའི་མི་དགོས་སྐད་ཆ་དང་།།
ཨ་ཁུ་ཤེས་རབ་མཆོང་འདང་ཡོད་པ་གཉིས།།
ཕྱི་ནང་ཚོར་བའི་བཟི་ཁ་མི་འདྲ་པས།།
རང་གི་འདོད་དོན་མ་འགྲུབ་རྙོག་གྲ་བསླངས།།
རྡ་སའི་གྲོང་བར་འཁྱམ་པའི་ཨ་ནེ་དང་།།
ལྡི་ལིའི་བཤང་ཁང་འགྲིམ་པའི་གྲྭ་བ་གཉིས།།
འདུར་རྒྱུགས་བྱེད་སའི་ཁྲོམ་ར་མི་གཅིག་ཀྱང་།།
དམ་ཚིག་རྩ་བརླག་གཏོང་མཁན་གཅིག་མཚུངས་ཡིན།།
འཚོ་བའི་རྒྱབ་རྟེན་ཆེད་དུ་གྲྭ་གོས་གྱོན།།
རྒྱུན་དུ་ངན་སྤྱོད་གོམས་ནས་སྡོད་མ་ཚིགས།།
ཕྱི་ཡི་མི་ཁ་སྲོག་གི་གཅེད་མིན་ཡང་།།
རང་སྲོག་གཅོད་ལ་ཐུག་གྲབས་ཆེས་ངོ་མཚར།།
ལུས་དེ་གཟན་ཤམ་གཙང་མས་བཀླུབས་ནའང་།།
ཁྱོ་ག་གཤིས་བཟང་འཚོལ་ཕྱིར་རྐུབ་སྤྲོད་པའི།།
དེང་གི་བོད་པའི་ཨ་ནེའི་འཕེལ་ཁ་སྟེ།།
ཉིན་ནས་ཉིན་རེར་ཡར་ནས་ཡར་དར་རེད།།
གྲྭ་པ་དེའི་གནས་ཚུལ་གང་ཡིན་གསལ་པོར་མ་ཤེས་པར་གྲྭ་པ་ཡང་དེ་འདྲ་ཡིན་པའི་ངོས་འཛིན་གྱིས་ཐོག་ནས་སྨ་འབབ་བྱེད་པ་དེ་དོན་མེད་སྡིག་ཆེན་བསགས་པར་སྙིང་རེ་རྗེ་ཨ་ཁ་ཤ་ཚ།
གྲ་པ་དེས་བྱ་བ་ལམ་ལ་མ་སོང་ཟིག དུས་བབ་ཚང་ལ་བཤད་རྒྱུ་ཟིག་རག་ཡོད་ཁུ། ད་རུང་ཡིན་ན་དུས་བབ་ཚང་ལ་བཤད་ཚོད་ཡོད་ན་བཤད་རྒྱུ་མང་པོ་ཡོད་ནི་རེད། དགེ་བཤེས་པུའུ་ཉར་མཁན་ཡོད་རེད། དེ་འདྲའི་གནས་ཚུལ་ཤེས་ན་བྲིས་ཤོག
མི་སྐྱ་གྲ་ཆས་གྱོན་མཁན་མང་པོ་ཡོད་རེད་དེ་འདྲའི་གནས་ཚུལ་ཤེས་ན་བྲིས་ཤོག གསོགས་སྒར་སློབ་གྲ་ལ་སོགས་པའི་མི་སྐྱ་གྲ་ཆས་གྱོན་ནས་རང་བཙན་ལག་ཁྱེར་བཟོས་ IC བཟོས། དེ་ནས་ཆོས་ཚོགས་ནང་ལ་སོང་། དེ་ནས་སྦྱོད་ངན་འཁྲབ་མཁན་མང་པོ་བྱུང་འདུག སྦྱོད་ངན་དེ་ལ་བརྟེན་བོད་བརྒྱུད་ནང་ཆོས་ལ་དད་ཡོད་མཁན་ཚང་མ་དད་མེད་བྱེད་ཀི་ཡོད་ནི་ཡོད་ནི་མང་ནི་རེད། ད་དེ་ཚོ་ཚང་མ་བྲིས་ཤོག
གསར་འགྱུར་དེའི་ནང་གི་ལ་དག་ཨ་ཎི་དེས་དུས་རྒྱུན་གྲ་པ་དེར་རྣམ་འགྱུར་འདྲ་མིན་སྟན་མེད་པའི་ངེས་པ་མེད། ངས་བྱས་ན་དང་ཐོག་ཁོ་མོས་གྲ་པ་དེའི་ལག་ནས་རྒྱུ་དངོས་སོགས་གང་ཙམ་ཞིག་ལྐོག་དགོས་བསམ་ནས་འདོད་པའི་རྣམ་འགྱུར་འདྲ་མིན་སྟན་ཡོད་ངེས་རེད་།
གནས་ཚུལ་དེ་གསལ་ཁ་མི་འདུག
སྤྱི་སྟངས་དེང་སང་དབང་དང་རྒྱུ་ཡོད་པའི་བླ་སྤྲུལ་དང་གྲྭ་པ་དེ་ཚོ་ལ་ཆུང་མ་རེ་མེད་མཁན་ཁག་པོ་རེད།ཡོངས་གྲགས་ཡིན་མིན་གྱི་ཁྱད་པར་ཙམ་རེད།
དོན་ངོ་མ་གསང་བ་བྱ་ཐུབ་མིན་ཙམ་ལས་ཆུང་མ་རེ་མེད་མཁན་དཀོན་པོ་རེད།
ད་ཡིན་ན་ཨ་མདོ་གྲོང་གསེབ་འཛམ་གླིང་ཡོངས་ལ་ཁྱབ་བསྒྲགས་ཡག་པོ་ཞིག་བཏང་སོང་།
བོད་ནང་གི་ན་གཞོན་ཚོས་ཀྱང་དེའི་ཐད་བསམ་ཚུལ་ལྷུག་པོ་མུ་མཐུད་དེ་བྱུང་བཞིན་མཆིས།
ཕལ་ཆེར་ད་རེབ་ཀྱི་གསར་འགྱུར་འདི་ཚ་བོ་ཞིག་འདུག་ཀྱང་གནས་སྟངས་གསལ་ཁ་མེད་པ་འདྲ་ཞིག་འདུག་པས་མུ་མཐུད་དེ་དེའི་སྐོར་ལ་ཞིབ་འཇུག་ཡག་པོ་གནང་རོགས།
ངས་གོ་ཐོས་ལ་རྡ་སའི་ཁྲོམ་གཞུང་དུ་འབྱོན་ཐང་སྒང་ནས་མགོ་སེར་ཚོར་འབྲེལ་བ་འཛུགས་པ་ལ་གྲྭ་པ་ཚོ་མི་སྐྱ་ལས་ཤེས་ཡོན་དང་། ཉམས་མྱོང་། འབྱོན་ཐང་སོགས་གང་ཐད་ནས་རྩེར་ཕུད་སོན་ཡོད་པའི་དངོས་ཡོད་ཀྱི་་ཆོས་ཉིད་འདི་ཕོ་གསར་ཚོའི་མིག་ནང་གི་འཚེར་མ་ཞིག་གྱུར་པས་ད་རེབ་གྲྭ་པ་ཚོ་ནག་སྲུབ་གཏོང་བའི་གོ་སྐབས་ཡག་པོ་ཞིག་ལ་ཕལ་ཆེར་གྱིས་མཐོང་གིན་ཡོད་པ་འདྲ།
དགོན་པ་མེད་པའི་གྲྭ་པ་ཚོ་ལ་ཡིད་ཆེས་མེད་ཅེས་བསམ་བློ་པ་ཁ་ཤས་ཀྱིས་སྡིག་སྨྲས་འདོན་བཞིན་མཆིས་ཀྱང་།
དགོན་པ་མེད་པའི་གྲྭ་པ་ཚོས་བྱས་རྗེས་ཆེན་མོ་འཇོག་མཁན་རི་ཁྲོད་པ་དང་།
གཏོང་ལེན་ཚོགས་པའི་འགན་འཛིན་ལགས་ཀྱང་ངས་གོ་ཐོས་ནོར་མེད་ན་ཨ་མདོ་གྲོང་གསེབ་ནས་དབྱིན་ཡིག་སྦྱོང་བ་བྱས་ཏེ་ད་ལྟའི་གནས་སྟངས་འདི་ལ་ཆགས་པ་འདྲ།
གཞན་གྲོང་གསེབ་འདི་ན་གྲྭ་ས་ནས་ཕེབས་པའི་དགེ་ཤེས་གང་མང་ཞིག་ཡོད་པའི་གནས་་ཚུལ་ཀྱང་འདུག་པས་དགོན་ནང་མེད་པ་ཙམ་གྱིས་ཡིད་ཆེས་མེད་ཅེས་པ་འདི་ཧ་ཅང་བློ་ཁོག་དོག་པའི་སྐད་ཆ་ཞིག་ཏུ་སྣང་།
རིག་འདོན་པའི་སྤུན་ཟླ་རྣམ་པ་ཚོས་གནས་ཚུལ་སྤེལ་སྐབས་ཐུགས་བསམ་ཡག་པོ་བཞེས་ཏེ་སྤྱི་ཚོགས་ཀྱི་ཞབས་འདྲེན་མི་ཡོང་བ་འགན་བཞེས་ཐོག་ནས་གནས་ཚུལ་སྤེལ་ཐུབ་ན་ཚང་མ་ལ་ཕན་རླབས་ཆེ། དེ་མིན་རྩེ་མོ་འདྲ་ནས་གང་བྱུང་མ་བྱུང་བྲིས་ན་ངེས་ཅག་བོད་མིའི་མཚན་བཤད་དང་། ལྷག་པར༧གོང་ས་མཆོག་གི་ཞབས་འདྲེན་ཡག་གྱི་རྒྱུ་རུ་འགྲོ་བའི་ཚང་མས་དགོངས་བཞེས་ཡོང་བ་ཞུ།
ང་ཁོང་ཚོའི་ཁྱིམ་མཚེས་ཡིན། ཡིན་ནའང་དོན་རྐྱེན་དེ་བྱུང་སྐབས་ང་རང་ནང་ན་བསྡད་མེད། གྲོང་པ་གཞན་པ་ཚོས་ལབ་སྟངས་བྱས་ན་ཚེས་ ༡༨ ཉིན་ཁོང་གཉིས་ཁ་རྩོད་དེ་ཤོར་སྐབས་གྲྭ་བ་དེས་བཙན་གཡེམ་བྱས་པ་དེ་འདྲ་ཡིན་ས་མ་རེད་དེ། ནམ་རྒྱུན་གྲྭ་བ་དེས་མོ་ལ་སྙད་བསྐོ་བཞིན་ཡོད་ས་རེད། དོན་དག་དེ་བྱུང་བའི་རྗེས་སུ་ཨ་ནེ་དེས་མི་གཞན་པར་གྲྭ་བ་དེའི་སྐོར་མང་པོ་ཞིག་ལབ་ཀྱི་འདུག
དེང་སྐབས་རྡ་རམ་ས་ལའི་གླེང་གཞི་གཙོ་བོ་འདིའི་སྐོར་རེད། ཁ་ཤས་ཀྱིས་གྲྭ་བ་དེས་ཨ་ནེ་དེར་དབང་ཡོད་བྱེད་པ་རེད་ཟེར་གྱི་འདུག ཡང་ཁ་ཤས་ཀྱིས་དེ་འདྲ་མ་རེད་ཁོང་གཉིས་བར་སྤྱིར་བཏང་གི་ཁ་རྩོད་ཤོར་བ་རེད་ཟེར་གྱི་འདུག ང་རང་གིས་ཚོད་དཔག་བྱས་ན་ནམ་རྒྱུན་ཨ་ནེ་དེ་ཅུང་ཉམས་ཆུང་ཆུང་ཅན་ཞིག་གི་མཐོང་སྣང་བྱུང་སོང་། དགོང་མོ་དེར་གྲྭ་བ་དེས་བཙན་གཡེམ་བྱས་ཡོད་མེད་མི་ཤེས་ཏེ་མོ་ལ་རྣམ་འགྱུར་མི་ལེགས་པ་ཞིག་བསྟན་ཡོད་པ་དངོས་ཡོད་རེད་དྲན་གྱི་འདུག གང་ལྟར། གནས་ཚུལ་འདི་སྤེལ་བ་གལ་ཆེན་པོ་རེད། ངས་བལྟས་ན་ཁོང་གཉིས་བར་གྱི་རྩོད་གཞི་ག་རེ་ཡིན་པ་དེ་ང་ཚོར་འགྲེལ་བ་ཡོད་པ་ཞིག་མ་རེད། གཙོ་བོ་རྒྱ་གར་ཉེན་རྟོག་པར་གཏུགས་ཏེ་འཁྲིད་ཕྱིན་པ་དེ་ཐབས་སྐྱོ་བོ་ཞེ་དྲག་རེད།
འདི་ནི་རྒྱལ་ས་རྡ་ས་ནས་ཨ་ནེ་ཞིག་གིས་གྲ་བ་ཞིག་རྒྱ་གར་ལ་རྩིས་སྤྲད་པའི་གནས་ཚུལ་ཞིག་ཡིན་པས་རྡ་སའི་གསར་འགོད་པ་ཚོས་འདི་མི་འབྲི་ན་གང་འབྲི། དེ་མིན་གྲ་བ་ཁོང་གིས་སྡོམ་པ་གཏོང་རྩིས་བྱས་ཡོད་པ་གྲྭ་ལོག་གཞན་ལྟར་ལམ་ལྷོང་ཅུང་ཡག་པོ་ཞིག་བྱུང་མེད་པ་གདོང་སེམས་མཉམ་སྐྱེད་ཡོད། གཞན་དགེ་འདུན་པ་སྤྱི་ལ་ཕོགས་འགྲོ་བ་ཞིག་འདུག་གམ།
འདི་འདྲའི་ཧང་མདོག་བྱས་དགོས་ཡ་གང་ཡང་ཡོད་མ་རེད།
ཨ་ནེ་བདག་པོ་གྲྭ་པ་རེད།
གྲྭ་པ་ཁ་བཙོག
ཨ་ནེ་མཛུ་གུ་བཙོག ཅེས་པ་གོ་མ་མྱོང་ངེ་། ཨ། ཧ་ཧ།
ཏ་ལའི་ཕོ་ཉ་ཞེས་པ་དེས་སྨྲ་བརྗོད་རང་དབང་ཞེས་པའི་འགྲོ་བ་མིའི་ཐོབ་ཐངཞིག་ཡོད་པ་ཤེས་ཀྱི་མེད་པ་འདྲ། དང་པོ་ཁོ་རང་གི་གྲྭ་བ་ཟེར་བ་སུ་དང་སུ་ཡིན་ཤོད་དང་
དྷ་སའི་འཁོར་ཡུག་ཆུང་ཆུང་དེའི་གསར་འགྱུར་དེར་དྲ་གྲོགས་ཚོས་བསམ་ཚུལ་འདྲ་མིན་བཀོད་གཞག་པ་དེ་དག་ལ་ལྟད་མོ་ཞེ་དྲག་ཡག་པོ་མཐོང་སོང་།
འོ་ན།གནས་ཚུལ་གྱི་རྒྱུ་རྐྱེན་གཙོ་བོ་གང་ལ་ཐུག་ཡོད་མེད་དང་།ངས་མིག་གིས་མཐོང་བ་དང་གོ་ཐོས་བྱུང་བ་དེ་དག་འགྲེལ་བརྗོད་ཅིག་བྱེད་ན་བསམ།
ཕྱི་ཚེས་༡༩ཉིན་དེར།༧གོང་ས་མཆོག་གཏོང་ལེན་ཚོགས་པའི་མཛད་སྒོར་ཆིབས་བསྒྱུར་བསྐྱངས་སྐབས་ཀྱི་སྔ་དྲོ་དེར་རེད།སྐབས་དེའི་གནས་ཚུལ་གྱི་འབྱུང་རྩ་གཙོ་བོ་དེ་ནི།གྲྭ་པ་དེས་སྔོ་ཚལ་གྱི་སྙིགས་རོ་རྣམ་གད་སྙིག་བླུག་སྣོད་དུ་གཡུག་གནང་བ་དེ་ལ་དྭགས་ཀྱི་བཙུན་མ་དེས་མཐོང་ནས།སྔོ་ཚལ་གྱི་སྙིགས་རོ་དེ་དག་རྒྱ་གར་གྱི་བ་ཕྱུགས་ལ་སྟེར་དགོས་རེད་དེ་འདྲ་བྱེད་ནས་གཡུག་མ་གནང་བྱེད་བརྗོད་འདུག
དེ་ནས་ཁོ་པས་རྒྱ་གར་གྱི་བ་ཕྱུགས་ལ་སྟེར་དང་མ་སྟེར་ང་རང་འདོད་པ་རེད།ཁྱེད་རང་ལ་བྱུས་གཏོགས་ཡོད་མ་རེད་ཅེས་ལན་བཏབ་གནང་འདུག
དེ་ནས་ཁོ་མོས་རྒྱ་གར་མི་མང་ནི་ང་ཚོར་བཀའ་དྲིན་ཆེན་པོ་རེད་དེ་འདྲ་སོང་ཙམ་བ་ཕྱུགས་ལ་སྟེར་དགོས་རེད་ཅེས་བརྗོད་ནས་ལན་བཏབ་བཏབ་གནང་འདུག་པ་དང་།དེ་ནས་གྲྭ་པས་རྒྱ་གར་གང་འདྲ་ཡོད་མེད་ངས་ཤེས་ཀྱི་ཡོད།བཀའ་དྲིན་ཅན་ནི།་༧གོང་ས་མཆོག་ཡིན།ཁྱེད་རང་ལ་ཇུས་གཏོགས་ཡོད་མ་རེད་ཅེས་ཕན་ཚུན་བརྗོད་རེས་ཐོག་ནས་གྲྭ་པ་དང་བཙུན་མ་རྣམ་གཉིས་རྩོད་གཞི་ཤུགས་ཆེར་རུ་ཕྱིན་ནས་མཐར་བཙུན་མས་ཟེར་ན་རྒྱ་གར་གྱི་བཀའ་དྲིན་ཡིན་ལུགས་དང་༧གོང་ས་མཆོག་གི་མིན་ལུགས་བཤད་པ་དང་།གྲྭ་པས་༧གོང་ས་མཆོག་གི་བཀའ་དྲིན་ལས་རྒྱ་གར་མིན་ལུགས་ལ་སོགས་པར་ཕན་ཚུན་རྩོད་གཞི་ཏུ་གྱུར་ནས།མཐར་བཙུན་མས་ཁྱེད་རང་གིས་རྒྱ་གར་ལ་སྨད་ར་གཏང་གིན་འདུག་པས་ངས་ས་གནས་ཉེས་རྟོག་པར་འཁྲིད་ཡོང་གིན་ཡིན་ཞེས་བརྗོད་ནས་ས་གནས་ཉེས་རྟོག་ལས་ཁུངས་སུ་ཕྱིན་ནས་ཉེས་རྟོག་པ་གཉིད་ཁྲིད་ནས་མར་འབྱོར་ཡོད་པ་དང་།དེ་ནས་ཕན་ཚུན་གཉིས་ཆ་ཉེས་རྟོག་ལས་ཁུངས་སུ་ཁྲིད་ཡོད་པ་རེད་མ་གཏོགས།བཙུན་མ་དེས་ཉེས་རྟོག་པར་ཁ་པར་བཏང་ནས་ཉེས་རྟོག་པ་འབོད་འགུག་བྱས་བཞག་པ་ཞིག་གཏན་ནས་མ་རེད།སྐབས་དེར་ང་རང་ཡང་ཨ་མདོ་གྲོང་གསེབ་འགྲོ་སའི་ལམ་བར་དུ་ཡོད་པས་བཙུན་མ་དེ་གཅིག་པུར་མེ་གྷན་དུ་ཡར་འགྲོ་བ་དང་དེ་ནས་ཉེས་རྟོག་པ་གཉིས་འཁྲིད་ནས་ཨ་མདོ་གྲོང་གསེབ་ཏུ་མར་ཕྱིན་སོང་།དེ་ནས་ཉེས་རྟོག་པས་གྲྭ་བཙུན་གཉིས་ཡར་འཁྲིད་ནས་སླེབས་བྱུང་བས་གནས་ཚུར་ག་རེ་བྱུང་ཡོད་མེད་ཤེས་འདོད་བྱུང་བ་དང་།སྐབས་དེར་ཕན་ཚུན་གཉིས་ཆ་ཡོད་སྐབས་སུ་རྩོད་གཞིའི་འབྱུང་རྕ་དེ་འདྲ་ཤིག་རེད་འདུག་པ་ལས་གཞན་བཙན་གཡེམ་སྐོར་གྱི་གཏམ་གླིང་གང་ཡང་བྱེ་ཀྱི་མི་འདུག
དེའི་ཕྱི་དྲོ་དེར་ངས་གྲྭ་བཙུན་གཉིས་ཀྱི་སྐོར་ལ་རྗེས་སུ་ག་རེ་བྱུང་ཡོད་མེད་སྐད་ཆ་དྲིས་པ་ཡིན་པས།སྔ་དྲོ་ཆུ་ཚོད་༡༡ཡོལ་ཙམ་ལ་མར་གློད་བཀྲོལ་བཏང་གནང་འདུག་པ་དང་།འགྲེལ་ཡོད་མི་སྣ་ཤིག་གིས་བརྗོད་གསལ་ལ་གྲྭ་པ་དེ་ཁམས་སྡེ་དགེ་ནས་རེད།ལོ་ཤས་གོང་བོད་ནས་འབྱོར་རབ་དང་།ཁོ་རང་གཉིས་ཉེས་རྟོག་ལས་ཁུངས་སུ་འབྱོར་དུས་ལ་དྭགས་ཀྱི་བཙུན་མས་རྒྱ་གར་གྱི་སྐད་ཤེས་ཀྱི་ཡོད་པ་སོང་ཙམ་ཉེས་རྟོག་པར་ག་རེ་འདྲ་ཤིག་ལབ་ཀྱིས་ཡོད་མེད་སྡེ་དགེ་གྲྭ་པས་ཧ་མ་གོ་པས་་རྐྱེན་གྱིས་གྲྭ་པ་དེར་ཉེས་རྟོག་པས་ཉེས་རྡུང་ཡང་བཏང་འདུག་རབ་སྐོར་འགྲེལ་བརྗོད་གནང་བྱུང་།
ཆོས་རིག་ལས་ཁུངས་དང་དགོན་སྡེ་ཁག་གི་དབུ་ཁྲིད་རྣམ་པར་ཆོས་དང་ཆོས་ལུགས་ཀྱི་གནོད་སྐྱོན་དང་ཕམ་ཉེས་འགེབ་སྲུང་གི་འོས་འགན་ཞིག་ཡོད་བ་བརྗེད་མེད་ན་གྲྭ་ལྡོམ་འདི་དག་ལ་བདག་པོ་ཞིག་རྒྱག་རེམ་རེད། འདི་དག་གིས་སངས་རྒྱས་བསྟན་པའི་སྐུ་སྲོག་ལ་བཙན་འཛུལ་དང་རྒོལ་རྡུང་བྱེད་ཀྱིན་པ་ཁྱེད་ཚོས་ཀྱང་མཁྱེན་གྱི་ལོས་ཡོད།
འདི་ལྟར་ཤེས་བཞིན་དུ་མཐོང་བཞིན་དུ་མི་སྨྲ་བའི་རྟུལ་ཞུགས་བཟུང་བསྡད་ན་དབུ་ཁྲིད་ཞིག་ཡིན་པའི་ལས་འགན་མ་འགྲུབ་པ་མ་རེད་དམ། ངས་གྲྭ་ལྡོག་འདི་དག་ལ་ཁག་མི་འདུག་བསམ་ཀི་ཡོད། ཁོ་ཚོ་འདི་ལྟར་རང་སྣང་གང་དྲན་དུ་འཁྱམས་བསྡད་ན་དོན་དག་བཟང་ངན་གང་ཡང་བྱུང་སྲིད་པ་ཞིག་རེད། སྒྲིག་འཛུག་ཤིག་དང་བཀའ་གཏོང་མཁན་ཞིག་གི་འོག་ཏུ་བསྡུས་བ་ཡིན་ན་འདི་ལྟ་བ་བའི་དོན་ངན་བྱུང་རྒྱུ་ཁག་པོ་རེད། ད་དུང་མུ་འཐུད་དུ་གོ་མེད་ཚོར་མེད་དུ་འདི་ལྟར་ཞོགས་དང་འདི་ལས་སྡིགས་པའི་དོན་ངན་བྱུང་གི་རེད། དེ་ལྟར་བྱུང་ན་དབུ་ཁྲིད་ཁྱེད་རྣམ་པ་ཡང་སྙིང་མི་ན་ཡང་མིག་ལོས་ཚ། ་་༧་གོང་ས་མཆོག་གི་ཞལ་ངོ་ལ་ཇི་ལྟར་ལྟ་ཀི་ཡིན། དེར་བརྟེན་ཁ་ཚ་དགོས་གཏུགས་ཀྱིས་སྒྲིག་འཛུགས་ཤིག་གཏན་འབལ་གྱིས་མི་མགྱངས་བར་ཐག་ཆོད་བྱེད་རེམ་རེད།
གསར་འགྱུར་ཧ་ཅང་ཁ་གསལ་བོ་དང་གནད་དུ་འཁེལ་བ། སྐབས་སུ་བབ་པ་ཞིག་རེད།
ངས་ཁ་སང་ཕྱི་དྲོར་གསར་འགྱུར་འདི་ཐོག་མ་ཀློག་སྐབས་གསར་འགྱུར་ཧ་ཅང་ཡག་པོ་ཞིག་དང་། སྤྱི་ཚོགས་ཀྱིས་ངེས་པར་དུ་རྒྱ་ཡན་ལ་གཏོང་མི་རུང་བར་ཐེར་འདོན་བྱ་དགོས་པ་ཞིག་རེད་བསམ་སོང་། དེ་ནས་འོག་གི་མཆན་རྣམས་ཀློག་པ་ཡིན། ཧ་ལས་པ་ཞིག་ལ་མཆན་བུ་འདེབས་མཁན་འགའ་དང་ངའི་བསམ་ཚུལ་ཐ་དད་རེད། ཁ་ཤས་ཀྱིས་གསར་འགྱུར་ཁ་གསལ་བོ་མེད་སྐོར་ཡང་བཤད་འདུག ངས་ཡང་བསྐྱར་མགོ་ནས་མཇུག་བར་ཞིབ་ཀློག་ཐེངས་གཅིག་བྱས་པ་ཡིན། གསར་འགྱུར་རང་ངོས་ནས་བཤད་ན་གསར་འགྱུར་ཚ་བོ་དང་དབྱིན་ཇི་ནང་བཤད་ན་ Hot News ཟེར་བ་དོན་དང་མཐུན་པ་ཞིག་རེད། བོད་པའི་སྤྱི་ཚོགས་ཁྱོན་ཡོངས་དང་། ལྷག་པར་དུ་བཙན་བྱོལ་བོད་མིའི་སྤྱི་ཚོགས་ཀྱི་ཐད་ནས་བཤད་ན། གནས་ཚུལ་འདི་དག་ལ་ངེས་པར་དུ་དོ་སྣང་བྱ་དགོས་པ་ཞིག་རེད་ལ། གསར་འགོད་པས་ཀྱང་སྤྱི་ཚོགས་དང་གནད་དོན་གཉིས་ཀར་འགན་འཁུར་བའི་ཐོག་ནས་བྲིས་འདུག་བསམ་པ་ཞིག་བྱུང་སོང་། ངས་དྲ་འབུ་དེ་དག་གིས་ག་རེ་བཤད་བསམ་གྱི་ཡོད་པ་དང་། གང་ཞིག་འགོག་འདོད་ཀྱི་ཡོད་པ་མགོ་འཚོས་མ་སོང་།
ད་ནིང་བསྐྱར་དུ་དུས་བབ་དྲ་བའི་ཁ་ཕྱེས་དུས་ཁ་སང་གི་གསར་འགྱུར་དེ་ལ་མཆན་ཧ་ཅང་མང་པོ་ཞིག་བཀོད་འདུག་ལ། དེ་དག་ཁྲོད་དུ་ཡང་རྒྱུ་མཚན་ཡོད་མེད་ལ་མ་ལྟོས་པར་ཅུང་མ་རེངས་བའི་སྐད་ཆ་བཤད་མཁན་འདུག་ལ། ད་དུང་གསར་འགྱུར་ལ་ཡིད་ཆེས་མེད་ཚུལ་དང་། གནས་ཚུལ་དེ་བདེན་པ་མིན་ཚུལ། གྲྭ་བཙུན་ཚོར་མཚན་དམོད་བྱེད་ཀྱི་ཡོད་ཚུལ་སོགས་ཆོ་མེད་བཤད་མཁན་མང་པོ་འདུག སོ་སོར་མཚོན་ནའང་སྟོན་པའི་ན་བཟའ་གྱོན་ཏེ་དགེ་འདུན་པའི་སྡོམ་ཁྲིམས་སྲུང་གི་ཡོད་པའི་ཁུལ་ཡིན་ཡང་། གཞན་གྱིས་གྲྭ་བཙུན་རེ་ཟུང་གི་སྐྱོན་ཆ་མིག་ལ་བསྟན་ཡོང་སྐབས་དངོས་ཡོད་ལ་སྙོན་བཏང་སྟེ་ཉེས་པ་འཕར་མ་བསགས་འདོད་ཁྱོན་ནས་མེད། ལྷག་པར་དུ་གྲྭ་བཙུན་འདི་དང་འདི་ལྟ་བུ་མང་པོ་ཞིག་གིས་སངས་རྒྱས་བསྟན་པ་ལ་རྨ་ཕབ་ཀྱི་ཡོད་པ་རེད་ལ། ཡང་སྒོས་བོད་པའི་འདུལ་བ་འཛིན་པའི་སྡེ་ཡོངས་ལ་མིང་ཆལ་བཟོ་བཞིན་ཡོད་པ་རེད། རྒྱུ་མཚན་འདི་དག་ལ་བརྟེན་ཏེ་ངས་གསར་འགོད་པ་བསྔགས་བརྗོད་གྲངས་མེད་ཞུ་རྒྱུ་ཡིན་ལ། མ་འོངས་པར་ཡང་འདི་དང་འདི་ལྟ་བུའི་གནས་ཚུལ་རིགས་གཅིག་གཅིག་གཉིས་གཉིས་ཀྱིས་ཐེར་འདོན་གནང་རོགས་ཟེར་ནས་འབོད་སྐུལ་ཞུ་རྒྱུ་ཡིན།
དགོན་པ་གང་གིས་ཀྱང་སྒྲིག་ཁུངས་སུ་གནས་འཛུལ་མེད་པའི་གྲྭ་ལྡོམ་འདི་དག་བདག་པོ་ཞིག་རྒྱག་རེམ་རེད།འདི་དག་སྒྲིག་འཛུགས་ཤིག་བཟོས་རེམ་རེད། གྲྭ་བ་དག་གཙང་ཞིག་ཡིན་ཕྱིན་དགོན་པ་ཞིག་གི་སྒྲིག་འོག་ཏུ་བསྡད་དེ་འདུལ་ཁྲིམས་གཙང་སྲུང་དང་སློབ་གཉེར་ལ་ཧུར་བརྩོན་བྱེད་རྒྱུ་དེ་ཆོས་གོས་དམར་རོ་འདི་གྱོན་པའི་ཐོག་མའི་ལས་འགན་རེད། སྟོན་པ་ཐུབ་པའི་དབང་བོའི་རྗེས་འཇུག་གི་རྟགས་ཆ་ལུགས་ཡང་དག་དང་སྤུས་གཙང་ཞིག་འཛིན་འདོད་ན་རང་ཉིད་ཀྱི་སྡོད་སར་དེར་བསྡད་དགོས་ལ་རང་ཉིད་ཀྱི་སྲུང་བྱ་དེ་སྲུངས་དགོས་པ་རེད། དེ་ལས་ལྡོག་ཏེ་ཁྱི་ལྡོམ་དང་ཇག་པ་བཞིན་བསྡད་འདོད་ན་ཁྱེད་ཀྱིས་གྱོན་པའི་གཟན་ཤམ་དམར་རོ་དེ་ཕུད་རོགས།
ཚེ་རྡོར་་་ཁྱོད་ཀྱིས་བཤད་པའི་wལྔའི་ནང་གི་གཅིག་whoཅེས་དེ་རེད་འདོད། གཞན་བྱེད་པོ་མེད་པས་ཅེས་ཕྱིར་ཞེས་པའི་ཚིག་འདི་ཡོད་པའི་གསར་འགྱུར་དེ་ཁུངས་མེད་ཅིག་ལས་ཚད་ལྡན་དུ་འགྱུར་སྲིད་དམ།
ཀླུ་སྨྱོན་་་་། ཉེས་པ་ཞིག་བསག་ན་དེ་འདྲའི་མནར་གཅོད་འོག་ཁྲོམས་རར་འཁྲིད་དགོས་ན། ཁྱོད་དང་པོ་མིན་ནའང་མཐའ་མ་མིན་ཤས་ཆེ་་་ཧཧཧཧཧ
གྲྭ་བ་དེས་བདེ་དོན་ལས་ཁུངས་ནས་བཤད་པའི་སྐད་ཆ་དེ་ལ་ཡིད་ཆེས་དཀའ་བ་མ་ཟད། ངན་འཕྲུལ་ལྐོག་གཡོ་དང་། སྤྱི་ཚོགས་དཀྲུགས་ཤིང་ཞིག་ཏུ་ཁུམས།
ངས་ཀྱང་ཁ་ཞིག་གྲག་ན་འདོད་བྱུང་། གྲྭ་བཙུན་ཡིན་ན་དགོན་པར་སྡོད་དགོས་པའི་ངེས་པ་མེད་ལ། མི་ལེགས་པའི་བྱ་བ་མི་འབྱུང་བའི་ངེས་པ་ཡང་མེད། འོན་ཀྱང་གནས་ཚུལ་འདི་ནི་གང་ཟག་སྒེར་བ་གཉིས་ཀྱི་གནད་དོན་ཡིན་པས་ངེས་པར་དུ་མིང་ནས་བཟོང་སྟེ་གསལ་སྤེལ་བྱེད་རྒྱུ་ཤིན་ཏུ་གལ་ཆེ་བར་སེམས། གཞན་དད་ལྡན་པ་མང་བོ་ཞིག་གིས་གནས་ཚུལ་འདི་འདྲ་བ་ལ་བརྟེན་ནས་དགེ་འདུན་ལ་བརྟེན་པའི་ལས་ངན་པ་བསག་ན་རང་གཞན་སུ་ལ་ཡང་ཕན་པ་མེད། དེས་ན་གནས་ཚུལ་འདི་དང་ཕྱི་འབྱུང་ཡང་གནས་ཚུལ་འདི་འདྲ་བྱུང་ན་མི་དེའི་མིང་དང་ངོ་སྤྲོད་ལག་འཁྱེར་ལ་གཞིག་སྟེ་ཐོབ་ཁུངས་བཅས་གསལ་བོ་བཟོ་ན་དེ་འབྲེལ་གྱི་མི་མང་གིས་ངོས་འཛིན་དང་ཐག་གཅོད་བྱ་བ་སྟབས་བདེ་ཡོད་པ་མ་ཟད། གོ་ལོག་མི་ཐེབས་པའི་ཕན་པ་ཡང་ཆེ། དེས་ན་ཁོང་གཉིས་ཀྱི་མིང་དང་ངོ་སྤྲོད་ལག་འཁྱེར་ལ་གཞིག་སྟེ་ཐོབ་ཁུངས་བཅས་གསལ་བཤད་བྱོས་དང་། སྡོམས་ལྡན་ཡིན་མིན་དགོན་པ་དེའི་འགྲིགས་ཁུངས་སུ་ཡོད་མེད་བཅས་འབྲེལ་ཡོད་སོ་སོ་ནས་གསལ་བཤད་ཡོད་ངེས་རེད། དོན་འདི་དག་གསལ་འགོད་པ་དང་། རང་སྐྱོན་ལ་ངོ་ལེན་མི་ཐུབ་པའི་སྐྱེ་བོ་དག་ལ་སྲིང་བའོ།།
གསར་འགོད་པ་གཟེར་བ་ནི་བསམ་ཤེས་སྤེལ་གསུམ་སྒོ་ནས་དྲང་བདེན་གྱི་གནས་ཚུལ་རྣམས་སྤྱི་ཚོགས་སུ་ངོ་སྤྲོད་ཐུབ་པ་དགོས། ཁྱེད་རྣམ་པའི་རང་དབང་ནི་ཚད་མཐོ་བའི་རང་དབང་ཞིག་ཡིན་པས་ངོ་ཅག་གི་འཕྲོག་པར་ག་ལ་ནུས། སྙིགས་དུས་ཀྱི་འཛམ་གླིང་འདིར་གསར་འགོད་པ་ཕལ་ཆེ་བ་སོ་སོའི་ཁེ་ཕན་གཙོ་ཆེར་བཟུང་ནས་སྤྱི་ཚོགས་ནང་མདའ་དཀྲུགས་ཕུག་དཀྲུགས་ཀྱི་གནས་ཚུལ་རྣམས་སྤེལ་བཞིན་པ་རྒྱུན་ལྡན་གྱི་རང་བཞིན་ཞིག་ཆག་ཡོད་ཀྱང་། ངོས་རྩམ་གཟན་གསར་འགོད་པ་རྣམས་དེ་དང་མི་འདྲ་བར་དམིགས་བསལ་གྱི་ལས་འགན་ལྗི་བོ་ཞིག་ཡོད། གང་ལ་ཟེར་ན་སོ་སོའི་ལུང་པ་གཞན་གྱི་བཙན་འཕྲོག་བྱས་ཏེ་རང་རེའི་རྩ་ཆེན་ཆོས་དང་རིག་གཞུང་མི་རིགས་དང་བཅས་པ་མེད་པར་བཟོ་བཞིན་པ་ངེས་པར་དུ་རྒྱུད་མངའ་དགོས་པའི་ངང་ནས་འཛམ་གླིང་སྤྱིའི་འཕོ་འགྱུར་གྱི་གནས་ཚུལ་དང་། སྤྱི་དོན་དང་འབྲེལ་བའི་སྒོ་ནས་བོད་ཕྱི་ནང་གཉིས་ཀྱི་གནས་ཚུལ། ལྷག་པར་འཛམ་གླིང་ཞི་བདེ་དེད་དཔོན་ཆེན་པོ་༧གོང་ས་ཐམས་ཅད་མཁྱེན་པ་མཆོག་གི་སྐུ་གསུང་ཐུགས་ཀྱི་མཛད་འཕྲིན་རྣམས་ངོ་སྤྲོད་ཐུབ་པ་ཞིག་དགོས། དེ་ལྟར་བྱུང་ཚེ་ཚད་ལྡན་གྱི་བོད་མིའི་གསར་འགོད་པ་ཞིག་ལ་ངོ་འཛིན་ཞུ་རྒྱུ་ཡིན།
སྤྱིར་བུད་མེད་གཅིག་ལ་སྐྱེས་པ་ཞིག་གི་བྱེད་སྟངས་ལས་དེ་གྲྭ་པ་ཞིག་ཡིན་ཚོད་མི་འདུག་མ་ཟད་ད་སྐབས་གྲྭ་ཆས་བགྱོན་མཁན་ཡིན་ན་གྲྭ་པ་ཡིན་ཟེར་པ་ཡང་མིག་རྒྱང་ཐུང་བ་མ་ཡིན་ནམ། ད་སྐབས་བོད་ཀྱི་གྲྭ་ཆས་བགྱོན་ནས་འགྲོ་མཁན་གང་མང་ཞིག་གི་ནག་ཚོང་གི་ཡོད་པ་དང་རྐུན་མ་རྒྱག་གི་ཡོད་པ་ད་དུང་སྨད་ཚོང་ཁང་དུ་འགྲོ་གི་ཡོད་པར་བཤད་པ་སོགས་ཚང་མ་གྲྭ་པ་ཡིན་ནམ་དེ་གསལ་བོ་བཟོ་རྒྱུ་གལ་ཆེན་རེད། ད་དུང་འབྲུག་ཡུལ་དང་བལ་ཡུལ་དུ་གྲྭ་ཆས་བགྱོན་ནས་གཉེན་བསྒྲིག་བྱེད་མཁན་ཡང་འདུག་དེ་ཚོ་གྲྭ་པ་རེད་དམ་གྲྭ་ཆས་བགྱོན་མཁན་ཚང་མ་གྲྭ་པ་ཟེར་པ་ཁག་པོ་རེད།
གྲྭ་བཙུན་གཉིས་ཀྱི་སུ་ལེན་པ་ཡིན་ནའང་གནས་ཚུལ་འདི་གསལ་ཁ་བཏོན་ཡག་པོ་འདུག
གྲྭ་བཙུན་འདི་གཉིས་འདུག་ས་དགོན་པ་ནས་མི་བཞུགས་ལ་། ཨ་མདོའི་གྲོང་གསེབ་དུ་ཡོང་ནས་བོད་མི་མང་གི་ཞབས་འདྲེན་བྱེད་ན། ཆད་པ་ནན་མོ་ཆོད།
གནས་ཚུལ་གསལ་རྟོགས་ཡོང་རེ་ཡོད། གང་ལྟར་དགོན་པ་རུ་མི་བཞུགས་པར་གྲོང་དུ་སྡོད་མཁན་གྲྭ་བཙུན་ཚོར་ཡིད་ཆེས་ཆེན་པོ་ཅང་མེད།
ཨ་ནེ་གྲྭ་པའི་ཟ་སྐལ་མ་རེད་དམ།
མིན་ན་ཉེས་པ་ཞིག་ནི་བསགས་འདུག་པས།
རླིག་པའི་མགོ་ལ་ཐག་པ་ཞིག་བཏགས་ཏེ།
རྡ་སར་ཁྲོམ་སྐོར་ཁྲིད་ལ་མི་ལེགས་སམ།
གསར་འགོད་མཆོག་ལ་ཞུ་རྒྱུ་་་་ གོང་གི་བུ་དེ་གྲྭ་པ་དང་བུ་མོ་དེ་ཨ་ནེ་ཡིན་པ་སྒྲུབ་བྱེད་གང་ཡོད། ཡོད་ན་གསལ་པོ་བཤད་རོགས་་་་ མེད་ན་ཁ་ཁ་བསྡ་རོགས་ཐུགས་རྗེ་གཟིགས།།
དུས་བབ་དྲྭ་རྒྱས་གད་སྙིགས་བསྡུ་བའི་ལུགས་སྲོལ་ཆགས་ནས་ཡུན་རིང་མིན། དེ་དང་སྤྱི་ཚོགས་འདིའི་ནང་ནས་གྲྭ་བཙུན་ལ་དེ་ཙམ་ཞིག་སྡང་བའི་རྒྱུ་མཚན་གང་ཡིན་ནམ། གནས་ཚུལ་གསལ་པོ་གང་ཡང་མེད་བཞིན་ད་དུང་། གྲྭ་བས་བཙུན་མ་བཙན་གཡེམ་བྱས་ཟེར་བའི་ཧང་སང་མདོག་གིས་ཐོས་ལ་མ་ཐོས་། གསལ་མ་མི་གསལ་བའི་གནས་ཚུལ་ཞིག་གསར་འགྱུར་བརྒྱུད་ལམ་དྲྭ་རྒྱའི་ཐོག་ཏུ་འགོད་པ་ནི། མོའུ་ཙི་ཏུང་གི་བྱིན་རླབས་དྲོན་མོ་སྙིང་ལ་ཞུགས་ནས་ཡལ་མེད་པའི་དན་རྟགས་སུ་མངོན
འདི་ངག་འཆལ་ཡིན་པ་ལས་གསར་འགྱུར་མ་རེད།
དྲ་ཚིགས་འདིའི་ནང་དུ་ཡོད་པའི་མི་འདི་དག་མིག་ཞར་བ་འམ་ཡང་ན་ཉན་བྱེད་ཀྱི་དབང་པོ་གུད་པ་མིན་ནམ། དུས་འདི་ལྟ་བུའི་ནང་ལ་ཧང་སེང་འདོག་དེ་འདྲ་བྱེད་དགོས་དོན་ཡོད་དམ། དེང་སེང་གྲྭ་གཟུགས་འཛིན་མཁན་དང་བཙུན་གཟུགས་འཛིན་མཁན་དག་གི་ནང་གནས་ཚུལ་དེ་འདྲ་མི་ཉུང་བ་ཞིག་གོ་བ་མཐོང་བ་ལ་སོགས་པ་མང་བས་སྐྱོན་ཅན་དེ་འདྲ་བླ་མ་དང་གྲྭ་བ་ཨ་ནེ་འཆམ་སྡོད་བྱེད་མཁན་དག་གི་ནང་ཞིབ་འཇུག་བྱེད་དགོས་པ་ཆག་ཡོད།
གསར་འགྱུར་ཁ་གསལ་བོ་རེད་ལ། གསར་འགོད་པ་ཞིག་གིས་ཐེར་འདོན་བྱ་འོས་པའི་གནས་ཚུལ་ཡང་རེད། གོང་དུ་( ཤག་སྒང་པ།)ཟེར་བ་ཞིག་གིས་ཕྱི་རྒྱལ་ལ་རྒྱུས་མངའ་ཡོད་མདོག་མདོག་དང་། ཕྱི་སྐད་མཁྱེན་མདོག་མདོག་གི་སྐད་ཆ་ཞིག་བཤད་འདུག་མོད། ཁྱོད་ཀྱིས་ཕྱི་རྒྱལ་གྱི་གསར་འགྱུར་གཞུང་ལུགས་ཟུར་ཙམ་ཡང་མཁྱེན་གྱི་མེད་པ་འདྲ།
གསར་འགྱུར་ལས་རིགས་ཀྱི་གཞུང་ལུགས་ལྟར་ན། w ལྔ་དང་། H གཅིག་བཅས་ཚང་སོང་བ་ཡིན་ན། གསར་འགྱུར་ཚད་ལྡན་ཆགས་ཡོད་ཟེར། དེའི་ནང་དོན་བོད་སྐད་ལ་བསྒྱུར་ན། གང་ནས། ག་དུས། ཅི་ཞིག ཇི་ལྟར། ཅིའི་ཕྱིར། ཅི་འདྲར་བྱུང་བ་རེད། ཅེས་པའི་དྲི་བ་དག་ལ་ལན་གསལ་དགོས་པ་སྟོན་གྱི་ཡོད། གོང་གི་གསར་འགྱུར་ནང་དྲི་བ་དེ་དག་གི་ལན་ཚང་འདུག
ལྷག་པར་དུ་བོད་པའི་སྤྱི་ཚོགས་ལ་འཚམས་པར་བྱས་ཏེ། གྲྭ་བཙུན་དེ་གཉིས་ཆོལ་ཁ་གང་ནས་ཡིན་པ་དང་། ཆོས་བརྒྱུད་གང་དུ་གཏོགས་ཚུལ་སོགས་བཀོད་མེད་པ་ནི་གསར་འགོད་པར་སྤྱི་ཚོགས་ལ་ནང་བྱིན་ཆུད་ཡོད་པས་རེད། ཐུགས་རྗེ་ཆེ།
གྲྭ་བ་ཤེས་རབ་ཟེར་བ་དེ་གང་ནས་ཡིན་མིན་སོགས་ཀྱི་སྐོར་ཕལ་ཆེར་འགོད་མདོག་ཁ་པོ་མ་རེད། ཤེས་མཁན་གཅིག་གིས་མི་ཤེས་མདོག་མདོག་བྱེད་ཀྱི་རེད། གསར་འབྱོར་བ་ཞིག་ཕལ་ཆེར་ཡིན་ངེས་རེད། དེ་མིན་གནས་ཚུལ་མི་ཤེས།
གནས་ཚུལ་དེ་འདྲ་ཞིག་བྱུང་སྲིད་པ་ཞིག་རེད། འགའ་ཞིག་གིས་དེ་འདྲ་བྱུང་ཡོད་མ་རེད་ཟེར་བ་དང་། འདི་ནི་བཙུན་མའི་ལན་པ་རེད་ཟེར་བ་སོགས་ཉམ་ཆུང་བཙུན་མའི་རྒྱབ་ཏུ་ལངས་རྒྱུའི་ཚབ་ཏུ་ཉེས་ཆན་གྲ་བའི་རྒྱབ་ཏུ་ལངས་པ་ནི་དྲང་པོའི་བྱ་གཞག་ཞིག་གཏནས་ནས་མིན། འདི་ནི་གནས་ཚུལ་དངོས་ལ་མ་བལྟས་པས་གང་ཟག་ལ་བལྟས་ནས་གདང་རྒྱག་པ་ཞིག་རེད་འདུག དེ་སྔོན་བསྟན་འཛིན་སྒང་གཞིས་ཆགས་སུ་བུད་མེད་ཞིག་ལ་གནས་ཚུལ་ཐབས་སྡུག་ཞིག་བྱུང་སྐབས་ཆབ་བྲག་དང་བསྟན་ཤེར་འགོ་ཁྲིད་ནས་སེམས་ཤུགས་ཆེ་མདོག་དང་ལྷག་བསམ་ཆེ་མདོག་གི་རྣམ་པས་མཆན་འདྲ་མིན་སྤེལ་སོང་། མི་དེ་དག་གང་དུ་འཕུར་སོང་བ་རེད།
དྲ་གྲོགས་རྣམས་ལ་ཞུ་རྒྱུ་ཞིག་ལ་གྲྭ་བ་ཤེས་རབ་ཟེར་བ་དེ་གང་གི་རེད་དམ། ཁྱོད་ཚའི་ནང་ནས་ཤེས་ནས་ཡོད་ན་ཁོང་གི་ལོ་རྒྱུས་གསལ་བོ་ཞིག་འབྲི་རོགས་ཞུ།
དྲ་གྲོགས་རྣམས་ལ་ཞུ་རྒྱུ་ཞིག་ལ་གྲྭ་བ་ཤེས་རབ་ཟེར་བ་དེ་གང་གི་རེད་དམ། ཁྱོད་ཚའི་ནང་ནས་ཤེས་ནས་ཡོད་ན་ཁོང་གི་ལོ་རྒྱུས་གསལ་བོ་ཞིག་འབྲི་རོགས་ཞུ།
གནད་དོན་དེ་རྣམས་ལ་ཁྱིམ་པ་ཚོའི་བྱུ་ཏོག་ཞེ་དྲགས་མ་བྱས་ན་བཟང་། གང་ལགས་ཤེ་ན། ཨ་ནི་གྲྭ་པའི་ཐོབ་ཐང་ཡིན་པའི་ཕྱིར། ཧ་ཧ།
ཧ་ཧ།གནས་ཚུལ་དེ་གསལ་པོ་ཤིག་གཏན་ནས་ཤེས་མི་འདུག
རྩོད་རྙོག་བྱུང་རིམ་ནི་བཙན་གཡེམ་བྱ་རྩིས་ཀྱི་གནས་ཚུལ་ཞིག་གཏན་ནས་མ་ཡིན།མ་ཟད་གོང་གི་གནས་ཚུལ་དེ་དག་ནི་རྙོག་གླིང་བྱུང་ཚར་བས་རྗེས་སུ་ལ་དྭགས་ཀྱི་བཙུན་མ་དེས་ཧམ་བརྫུན་ཁོ་ན་ལས་བྱུང་བ་ཞིག་རེད་འདུག
ཡིན་ནའང་།དང་པོ་ངས་ཧ་གོ་འདོག་དང་།གསལ་བཤད་ཞུ་གིན་མིན།རྒྱུ་མཚན་ནི་དང་པོ་དྲ་གྲོགས་ཚོས་བསམ་ཚུལ་དང་དཔྱད་གླིང་ལ་ལྟས་མོ་ཤིག་ལྟ་འདོད་འདུག
སྙད་བཙུགས་བྱེད་མཁན་མི་དེར་གྲྭ་པ་མ་ལབ་རོགས། ཁོང་ལ་གྲྭ་པའི་མཚན་ཉིད་ཚང་མེད། སྤྱི་བཏང་ང་ཚོའི་སྤྱི་ཚོགས་ནང་གོས་ལོག་དམར་པོ་གྱོན་མཁན་ཕོ་ཡིན་ན། གྲྭ་པ་དང་མོ་ཡིན་ན་ཨ་ནི་ཡིན་ཤག་བྱེད་པའི་ཉེ་ལེན་གྱིས། གོང་གསལ་གནས་ཚུལ་འདི་ལྟ་བུ་ཐོན་དུས་ཕྲལ་མ་ཉིད་ནས་གྲྭ་པ་དང་ཨ་ནི་ཞིག་གསུང་རྐྱང་གནང་བཞིན་ཡོད། དོན་ངོ་མའི་ཐོག་ནས་བསམ་ན་གྲྭ་བཙུན་གྱི་མཚན་ཉིད་དང་ཁོང་ཚོར་དགོས་པའི་ཆ་རྐྱེན་དེ་དག་ཡོད་མིན་གྱི་ཐོག་ནས། གཟོད་གྲྭ་པ་དང་བཙུན་མ་ཟེར་ན། རྣམ་དཔྱོད་ལྡན་པའི་བྱེད་སྟངས་ཤིག་ཡིན་མོད། རོང་ཚང་ནི་དེ་ལས་ལྡོག་ཡོད།
དངོས་གནས་བྱས་ན་གནས་ཚུལ་དེ་གསལ་པོ་མི་འདུག གལ་སྲིད་གནས་ཚུལ་དེ་འདྲ་ཞིག་བྱུང་ཡོད་ཀྱང་འགྲིགས་འདུག བཙུན་མ་དེ་ཚོ་དགོན་པ་ནས་མ་སྡད་པར་གྲོང་གསེབ་ལ་སོང་ན་འཇུག་འབྲས་དེ་རེད། མ་གཞི་རྡ་སའི་བཙུན་གཟུགས་ཙམ་འཛིན་མཁན་གྱི་་མི་དེ་ཚོ་གཙང་མ་བཟོ་རན་འདུག
གསར་འགོད་པ་ལགས། དང་པོ་གནས་ཚུལ་གསལ་པོ་ཤེས་རྗེས་གཞི་ནས་གསར་འགྱུར་སྤེལ་ན་འཕྱི་མི་དྲག གནས་ཚུལ་འདི་རིགས་ནི་ཚོར་བ་རྣོ་བའི་གནད་དོན་ཞིག་ཡིན་པས་གསལ་པོ་མ་ཆག་གོང་ནས་བཤད་ཐལ་ཤོར་ན་སྤྱི་ཚོགས་ནང་དཀྲོག་གཏམ་འདྲ་མིན་མང་པོ་ཞིག་བཟོ་ངེས་རེད། རྗེས་སུ་འདི་རིགས་ལ་གཟབ་རོགས
དྲ་གྲོགས་ཤག་སྒང་པ་ལགས། ཁྱེད་ཀྱིས་བཤད་པ་བདེན་པ་རེད། གནས་ཚུལ་འདི་གསལ་པོ་ཞིག་ཆགས་ཐུབ་ཡོད་པ་མ་རེད། ང་རང་གནས་ཚུལ་དེའི་ཆེད་དུ་ཐེངས་གཉིས་ལ་ཨ་མདོ་གོང་གསེབ་ཏུ་ཕྱིན་པ་ཡིན། དོ་བདག་ལ་འབྲེལ་བ་བྱེད་ཐུབ་ཡོད་པ་མ་རེད་ལ། གྲོང་པ་ཁྱིམ་མཚེས་ཚོར་ཡང་གསལ་པོ་ཞིག་བཤད་རྒྱུ་མི་འདུག ངས་ད་དུང་གནས་ཚུལ་དེའི་ཁུངས་སྣེ་གསལ་པོ་ཞིག་འཚོལ་བཞིན་ཡོད། ཁྱོད་ལ་ཁ་སྣོན་རྒྱག་རྒྱུ་ཡོད་ན། དྲ་ཐོག་ཏུ་འཇོག་རོགས། ཁུངས་མེད་པ་དང་། བདེན་ལ་མ་བདེན་གྱི་གནས་ཚུལ་སྤེལ་ན་གསར་འགྱུར་དེར་རིན་ཐང་ཡོད་པ་མ་རེད། གཞན་གྲྭ་བ་ཨ་ནེ་དེ་གཉིས་ཀྱི་ཁ་བྱང་ཡོད་ན་ང་ལ་སྤྲོད་རོགས། ཐུགས་རྗེ་ཆེ། གསར་འགོད་པ་དཔལ་ལྡན་ནས།
ཕྱི་རྒྱལ་གྱི་གསར་འགོད་པ་གྲགས་ཅན་དེ་ཚོའི་གསར་འགྱུར་སྤེལ་སྟངས་དང་སྒྲོག་སྟངས་ལ་ལྟོས་དང་། གནས་ཚུལ་ཁུངས་དང་ལྡན་ཞིང་། དཔང་རྟགས་དང་བཅས་ཀྱི་ཆ་རྐྱེན་ཚང་མ་ཐོབ་ནས་མ་གཏོགས་ཡོངས་ཁྱབ་ཏུ་མི་གྲགས་པ་ཞིག་ཡིན་པ་ང་ལ་གསལ་པོར་བཤད་རྒྱུ་ཡོད།
དེ་རིག་གི་གནས་ཚུལ་འདི་འདྲ་བ། གནས་ཚུལ་བདེན་ལ་མི་བདེན། གསལ་ལ་མི་གསལ། དེ་རིགས་མ་གྲགས་ན་དགའ་བར་མཐོང་།
གནས་ཚུལ་ཙམ་ཞིག་མཁོ་སྤྲོད་བྱེད་ཀྱི་ཡོད་ཀྱང་འདིལྟར་ཡིན་རྒྱུ་མ་རེད།
གནས་ཚུལ་དེ་གསལ་བོ་ཞིག་ཤེས་ཀྱི་མེད་པས། ནོར་འཁྲུལ་སུ་ལ་ཡོད་མེད་ཀྱི་སྐད་ཆ་བཤད་ཀྱི་མིན་ལ། བཤད་འདོད་ཀྱང་མེད། འོན་ཀྱང་ཞུ་འདོད་པ་ཞིག་ལ། གོང་གི་གནས་ཚུལ་དེའི་ཁ་བྱང་ནང་གི་ཡིག་ནོར་དེ་བཅོས་རོགས་ཞུ་རྒྱུ་དེ་ཡིན། (སྙེད་བཙུགས་)མ་ཟེར་བར་(སྙད་བཙུགས་)ཟེར་རོགས། དགོངས་འཇགས་ཞུ།
ཧ་ཧ་ཧ་ཧ་ཧ གསར་འགྱུར་དེ་ངོ་མ་བྲོ་བ་ཡོད་ཀི་ཀོ།