གསར་ལམ་ཁག་ཏུ་ཐོན་པའི་གནས་ཚུལ་ལྟར་ན་ཨོ་སི་ཊི་རི་ཡའི་ནང་རྒྱལ་སྤྱི་རང་བཞིན་གྱི་ཆགས་སྲེད་སློབ་གྲྭ་ཞིག་མགོ་འཛུགས་བྱས་ཡོད་འདུག
ཨོ་སི་ཊི་རི་ཡའི་ཝེན་ནཱ་(Vienna) ས་གནས་སུ་རྒྱལ་སྤྱི་རང་བཞིན་གྱི་ཆགས་སྲེད་སློབ་གྲྭ་(Austrian International Sex Shool) ཞིག་མགོ་འཛུགས་བྱས་འདུག་ལ། སློབ་གྲྭ་དེར་ལོ་ ༡༦ ཡན་གྱི་ཕོ་མོ་གཉིས་ཀ་སློབ་ཞུགས་བྱེད་ཆོག་གི་ཡོད་ཅིང་། སློབ་སྐབས་རེར་དབྱིན་སྒོར་ ༡༤༠༠ སློབ་ཡོན་སྤྲོད་དགོས་ཀྱི་ཡོད་པ་དང་། སློབ་ཚན་གཙོ་བོ་ཆགས་སྲེད་སྐབས་ཕོ་མོའི་གཟུགས་པོའི་གནས་བབ་དང་འཕུར་ཉེད་གྱི་སྒྱུ་རྩལ་སོགས་ཀྱི་ཤེས་བྱ་རིགས་ཡིན་འདུགསློབ་གྲྭ་འཛུགས་མཁན་ལྕམ་ཐོམ་སན་ (Ylve-Maria Thomson) གྱིས་ “ང་ཚོའི་སྤྲོད་བཞིན་པའི་སློབ་སྦྱོང་འདི་ཆགས་སྲེད་སྐོར་གྱི་ཤེས་བྱ་ཙམ་མིན་པར་ལག་ལེན་ཐོག་འགྲོ་བཞིན་ཡོད། སློབ་གྲྭ་འདིའི་དམིགས་ཡུལ་ནི་མི་མང་ལ་ཆགས་སྲེད་སྐོར་གྱི་སློབ་སྦྱོང་སྤྲད་དེ། ཕོ་མོའི་བར་གྱི་བརྩེ་དུང་གཏིང་ཇེ་ཟབ་ཏུ་གཏོང་ཐབས་བྱ་རྒྱུ་ཞིག་ཡིན” ཞེས་བརྗོད་འདུག་ལ། སློབ་སྐབས་གཅིག་མཐར་ཕྱིན་རྗེས་སློབ་ཞུགས་པ་ཚོར་ཆགས་སྲེད་ཀྱི་ཤེས་བྱ་སྦྱོང་བརྡར་ཐོབ་པའི་ལག་འཁྱེར་ཡང་སྤྲོད་འཆར་ཡོད་འདུག
ཆགས་སྲེད་སློབ་གྲྭ་དེར་ཨོ་སི་ཊི་རི་ཡའི་ནང་མི་མང་པོ་ཞིག་གིས་ངོ་རྒོལ་བྱེད་ཀྱི་ཡོད་ཅིང་། ཁོང་ཚོས་ཆགས་སྲེད་ཀྱི་སློབ་གྲྭ་ཞེས་མིང་སྙན་པོ་དང་ཧ་ཅང་གི་རྣམ་པ་གསར་པ་ལྟ་བུའི་ཐབས་ལམ་ཞིག་བེད་སྤྱོད་བྱེད་ཀྱི་ཡོད་ཀྱང་། དོན་དངོས་ཐོག་འཁྲུག་སྤྱོད་ཀྱི་ཚོང་བྱེད་ཀྱི་ཡོད་པའི་བསྐྱོད་བརྗོད་དང་ངོ་རྒོལ་བྱེད་ཀྱི་ཡོད་འདུག
གསར་འགོད་པ། བནྡེ་སྐྱབས།
![This satellite image shows Hurricane Melissa southeast of Jamaica at 12:10 GMT on October 27, 2025 [AFP]](https://tibettimes.net/wp-content/uploads/2025/10/Screenshot-2025-10-28-at-5.13.58-PM-360x180.png)
གོང་གི་གནས་ཚུལ་འདི་གསར་འགྱུར་ཡིན་མིན་ངས་གསལ་བོ་ཞིག་བཤད་ཤེས་ཀྱི་མེད། ནུབ་ཕྱོགས་ལུང་པ་ཁག་གི་སྒེར་གྱི་བརྒྱུད་ལམ་ཁག་ལ་མཚོན་ན། གསར་འགྱུར་འདི་འདྲ་ནམ་རྒྱུན་མཐོང་རྒྱུ་ཡོད་ཡོད་པ་ཞིག་རེད། (ཆགས་སྲེད་ཀྱི་སློབ་གྲ་ཐོག་མ)ཞེས་པ་འདི་ལ་མཚོན་ན། གསར་འགྱུར་ཡིན་མིན་གསལ་བོ་ཞིག་ཞུ་ཐུབ་ཀྱི་མི་འདུག་མོད། ཚིག་བེད་སྤྱོད་གཏོང་སྟངས་ཀྱི་ཐད་ནས་ནོར་འཁྲུལ་གང་འཚམས་འདུག་ལ། ལྷག་པར་དུ་ཁ་བྱང་( ཆགས་སྲེད ) ཅེས་བཀོད་པ་འདི་ཏག་ཏག་བསྡད་ཡོད་པ་མ་རེད། གསར་འགྱུར་གཞུང་ལུགས་ནང་མི་གསོན་དོན་རྐྱེན་དང་བཙན་གཡེམ། འཁྲིག་སྤྱོད་ཀྱི་གནས་ཚུལ་རིག་གལ་སྲིད་སྤེལ་དགོས་བྱུང་ཚེ། ཚིག་བེད་སྤྱོད་གཏོང་ཕྱོགས་ལ་ཧ་ཅང་གཟབ་ནན་བྱ་དགོས་པ་རེད། གོང་གི་ཆགས་སྲེད་ཟེར་བ་འདི་ལ་མཚོན་ནའང་( ཕོ་མོའི་ལུས་འབྲེལ་) ཟེར་བ་ལྟ་བུ་འབྲི་དགོས་པ་རེད་དྲན་གྱི་འདུག དེ་ནས་གསར་འགྱུར་གྱི་སྒྲུང་འབྲི་སྟངས་ཀྱི་ཕྱོགས་ནས་ཀྱང་ནོར་འཁྲུལ་ཆེན་པོ་ཞིག་ཤོར་འདུག གསར་འགྱུར་དེའི་ནང་དུས་ཚོད་བཀོད་མེད་པ་དེ་འགྲིག་ཡོད་པ་མ་རེད། འདི་ང་རང་གི་བསམ་ཚུལ་ཙམ་ཡིན།
གསར་འགྱུར་ནི་འདུལ་བར་སྟུན་དགོས་པ་ཞིག་མིན་ལ། ཡག་བཙོག་ཀྱང་མི་རེ་གཉིས་ཀྱི་ཀླད་པའི་ཤོང་ཚད་ཀྱིས་ཐག་ཆོད་པ་ཞིག་མ་རེད།
ཤེས་མིང་བས། “ཨ་རིག་འགྱུར་མེད་ཀྱིས་ལབ་པ་ལྟར་བྱས་ན་ཁོ་རང་གིས་ཁོ་གསར་འགྱུར་རིག་པར་ཆེད་ལས་འཐོན་པ་ཡིན་ཟེར་ནས་གྲོག་གྲོག་མཐོ་བོ་ཡོད་པ་རེད།” ཅེས་པའི་གཞི་མེད་སྐྱོན་འཛུགས་དང་མི་དང་མིའི་བར་ལ་དཀྲུག་ཤིང་དང་ཁྱི་བར་དུ་རུས་པ་མ་གཡུག་ན་བཟང་གི
དྲ་གྲོགས་ཤེས་རབ་དང་བཙན་བྱོལ་བ་སོགས་ཀྱི་བསམ་རྒྱ་བསྐྱེད་རོགས་ཞུ།
གཞི་མེད་སྐྱོན་བརྗོད་དང་དོན་མེད་བསྙོན་འཛུགས་བྱེད་སྟངས་ཀྱིས། བཙན་བྱོལ་བའི་ཡིག་འབྲི་བ་ཚོའི་ལག་ལེན་དང་བསམ་བློ་རིག་ལྷུང་ལ་འབུད་ཀྱིན་པ་མ་ཡིན་ནམ།
ཆགས་སྲེད་རིགས་ནི་ཆེས་ཐ་ཤལ་བར་ངོས་འཛིན་པ་དེ་ང་ཚོའི་སྲོལ་རྒྱུན་གྱི་བག་ཆགས་ཙམ་ལས་འདི་ནི་འཚོ་བའི་ཁྲོད་ཀྱི་ཁ་ཡོད་ལག་ཡོད་ཀྱི་བདེ་སྣང་ཆེར་སྐྱེད་དང་འབྲེལ་བའི་འཕྲོད་བསྟེན་རིགས་ཤིག་ཡིན།
གལ་ཏེ་ཆགས་སྲེད་སྐོར་ལ་ཆེད་སྦྱོང་དང་ཉམས་མྱོང་ཅི་ཡང་མི་དགོས་པ་ཞིག་དང། འདི་དག་ལ་དགོས་གལ་ཅི་ཡང་མི་ཆེ་ཚེ། མཁས་དབང་དགེ་འདུན་ཆོས་འཕེལ་གྱིས་གཞུང་ལུགས་ཀྱི་ཁུངས་དང་འབྲེལ་བའི་འདོད་པའི་བསྟན་བཅོས་དེ་འདྲ་ཅི་ལ་བརྩམས།
དེང་སང་རྒྱལ་ཁབ་མང་པོར་ཁྲིམས་མཐུན་ཡིན་མིན་གྱི་ཆགས་སྲེད་ཁང་གང་མང་འཛུགས་བཞིན་པ་ལ་ཉེས་སྐྱོན་མེད་ན་འདོད་སྲེད་ཀྱི་སྒྱུ་རྩལ་དང་འཕྲོད་བསྟེན་སྐོར་ལ་སློབ་སྦྱོང་སྤྲོད་པར་སྐྱོན་ཅི་ཞིག་ཡོད།
དྲང་པོར་བཤད་ན། ཁོ་བོས་ལོ་མང་རིང་དུས་བབ་དྲ་རྒྱའི་གསར་འགྱུར་ལ་བལྟས་པའི་ཉམས་མྱོང་ལ་གཞིགས་ན་གསར་འགོད་པ་མང་ཆེ་བའི་གསར་འགྱུར་འགོད་སྟངས་ནི་ཆགས་སྲེད་དང་འབྲེལ་བའི་རིགས་ཤུགས་ཆེན་པོ་སྤེལ་གྱིན་འདུག་པས་ཕལ་ཆེར་ཁོང་ཚོ་རྩ་ཤུགས་ཆེན་པོ་ཡོད་མཁན་རིགས་ཡིན་པ་གསལ་པོ་སྟོན་ཐུབ་ཀྱི་འདུག དུས་བབས་དྲ་ཚིགས་ཀློག་པ་པོ་མང་པོ་ཞིག་ལ་གསར་འགྱུར་འདི་ཡག་པོ་ཞིག་ཏུ་མཐོང་ངེས་རེད། གསར་འགོད་པས་རྒྱབ་ལྗོངས་ཀྱི་གནས་ཚུལ་ཤེས་པའི་ཐོག་ནས་བཀོད་པ་ཞིག་རེད།
གསར་འགོད་པའི་ངལ་བ་འཛེམ་མེད་ཐོག་གསར་འགྱུར་སྤེལ་བ་ལ་དྲ་གྲོགས་ལ་ཤས་ནས་སྐྱོན་བརྗོད་བྱེད་ཀྱིན་པ་བློ་ཕམ་གྱི་རང་བཞིན་རེད།བོད་ཀྱི་དུས་བབ་ནི་བོད་མི་མང་གི་རེད་མ་གཏོགས་དགོན་པ་ག་གེ་མོའི་ཞིག་གི་དུས་བབ་མིན་པའི་ཕྱིར་རོ
གསར་འགོད་པ་བན་ཏེ་སྐྱབས་ཟེར་བ་འདི་ངོ་ཤེས་ཀྱི་མེད། འོན་ཀྱང་ཨ་རིག་འགྱུར་མེད་ཀྱིས་ལབ་པ་ལྟར་བྱས་ན་ཁོ་རང་གིས་ཁོ་གསར་འགྱུར་རིག་པར་ཆེད་ལས་འཐོན་པ་ཡིན་ཟེར་ནས་གྲོག་གྲོག་མཐོ་བོ་ཡོད་པ་རེད་ཟེར། སྐད་ཆ་དེ་གོ་བའི་རྗེས་ལ་ངས་ཁོ་རང་གི་གསར་འགྱུར་དག་ལ་ལྟ་བསྡད་ཡིན། དབྱིན་ཇིའི་ནང་གི་གསར་འགྱུར་མང་པོ་ཞིག་སྤེལ་ཡོང་གི་འདུག འོན་རྒྱལ་སྤྱིའི་སྐབས་ཐོག་གི་གསར་འགྱུར་ཆེ་བ་རིགས་མཐོང་གི་མེད་པ་ཡིན་ན་གང་ཤེས། ང་རང་ལ་མཚོན་ན་རྒྱལ་སྤྱི་ཐོག་གི་གསར་འགྱུར་གལ་ཆེན་རིགས་ལ་སྒུག་སྡོད་མཁན་ཞིག་ཡིན། འོན་ཀྱང་དུས་ཐོག་ལ་རེ་བ་དག་དག་བསྐོང་ཐུབ་མ་སོང་། གསར་འགྱུར་ཐབ་ཆག་ཀུན་སྤྱོད་མེད་པ་དེ་འདྲ་སྤེལ་ཡོང་གི་འདུག འདི་འདྲ་བྱས་ན་གསར་འགྱུར་ཆེད་སྦྱོང་བའི་ནང་རྒྱུས་བསྟན་ཡོང་གི་འདུག
མི་མང་པོ་ཞིག་གིས་གསར་འགྱུར་འདི་འདྲ་དུབ་བབ་ཏུ་བཀོད་ན་མི་ལེསག་ཚུལ་དང་། རྩོམ་སྒྲིག་པས་འགན་མ་བླངས་ཚུལ་བཤད་པ་ནི་རྒྱུ་མཚན་མེད་པས་རྙོག་བཤད་ཁོ་ན་རེད། དུས་བབ་གསར་ཁང་འདི་དགོན་པ་ག་གེ་མོ་ཞིག་གིས་གཉེར་བའི་གསར་ཁང་ཞིག་ཡིན་ན་དེ་ལྟར་སྐྱོན་བརྗོད་བྱས་ཆོག་མོད། རང་དབང་གི་གསར་ཁང་ཞིག་ལ་ཀློག་པ་པོས་ཚོད་འཛིན་བྱས་ན་ཐལ་དྲགས་པ་རེད། གསར་འགྱུར་དང་གསར་འགོད་པར་ས་མཚམས་མེད་པ་ཤེས་པར་གྱིས་ཤིག འོན་ཀྱང་། ལུང་རིགས་ནག་ལྡང་སོང་བ་ནས་བཟུང་། དུས་བབ་ཚང་ཡིག་ནོར་གྱི་མཛོད་ཁང་ཞིག་ཏུ་གྱུར་བ་ནི་ང་ལ་མཚོན་ན་ཆེས་བཟོད་ཐབས་བྲལ་བའི་སྐྱོ་གདུང་དེ་ཡིན་ལ། གསར་འགོད་པ་སྐོར་ཞིག་གིས་ལ་མཐོང་རྒྱ་ཆུང་ཞིང་འབྲི་རྩལ་ཞན་པ་སོགས་ལ་བཀུར་འོས་པའི་རྩོམ་སྒྲིག་པས་དོ་སྣང་མང་ཙམ་གནང་རོགས་ཞུ་རྒྱུ་ཡིན། འདི་ནི་སྐྱོན་བརྗོད་བྱས་པ་གཏན་ནས་མིན་པར་གཞེན་སྐུལ་ཙམ་ཡིན།
ཅིག་ཤེས་ཀྱི་ཡོད་མདོག་མདོག་མ་བྱེད་རོགས། BBC. CNN , nytimes འདི་དག་གི་བརྒྱུད་ལམ་ཁག་ནས་མཐོང་ཚུལ་ཁོང་ཅག་གི་གསར་འགྱུར་ཡིན་པའི་ངེས་པ་གཏན་ནས་ཡོད་པ་མ་རེད། འདི་ཤེས་དགོས་པ་རེད། གསར་ཁང་དེ་དག་ལ་གསར་འགྱུར་གྱི་ཚན་ཁག་རིགས་གསུམ་རེ་ཡོད་པ་རེད། དང་པོ་དེ་གསར་ཁང་རང་གི་ཁྲིམས་མཐུན་གསར་འགྱུར་རེད། འདི་ནས་ཁྲིམས་མཐུན་ཟེར་བ་དེ་གསར་ཁང་རང་གི་སྒྲིག་ཁོངས་སུ་ཡོད་པའི་གསར་འགྱུར་རེད། གཉིས་པ་སྤྱི་འབྲེལ་གསར་འགྱུར་རེད། དེ་དག་གསར་འགྱུར་ཡིན་པ་གང་ཞིག་ལ་གསར་ཁང་གཞན་གྱི་སྒྲིག་ཁོངས་གསར་འགྱུར་རེད། གསུམ་པ་དེ་དམངས་སྤྱོད་གནས་ཚུལ་རེད། འདི་དག་ལ་བརྒྱུད་ལམ་དེ་རང་གིས་ནས་འགན་སྲུང་ཡོད་པ་མ་རེད་ལ། གསར་འགྱུར་Newsཟེར་བའི་ཚིག་འདི་ཡང་གསར་ཁང་རང་ངོས་ནས་སྤྱོད་ཡོད་ཡོད་པ་མ་རེད། བོད་སྐད་ལ་སྒྱུར་ན་ཕལ་ཆེར་( གནས་ཚུལ ) ཟེར་གི་ཡོད་བསམ་སོང་། མ་མཐར་ཡང་གསར་འགོད་པ་ཞིག་ཡིན་ན་རྒྱལ་སྤྱིའི་གསར་འགྱུར་བརྒྱུད་ལམ་ཁག་གི་དབྱེ་བ་འདི་དག་ཤཻས་དགོས་པ་རེད།
ཉིན་གཅིག་གསར་འགྱུར་འདྲ་ཞིག་སླེབས་སྲིད། རྡ་སྟོད་ཁྱི་མོ་ཞིག་ལ་རྡ་སྨད་ཁྱི་ཕོ་ཞིག་གིས་བཙན་གཡེམས་བྱས་ནས་མངལ་འཁོར་འདུག གསར་འགོད་པ། བདྣེ་སྐྱབས། ཧཧཧཧ
གསར་འགོད་པ་ལགས། མི་རིགས་ལ་སྨན་པའི་གནས་ཚུལ་བཀོད་རོགས།
གསར་འགོད་པའི་ངོས་ནས་ཀློག་པ་པོ་དག་གི་ཚོར་སྣང་ལ་གུས་བརྩི་ཡོད། ཀློག་པ་པོ་སོ་སོའི་མཐོང་ཐོས་གོ་རྟོགས་ཀྱི་ཁྱབ་ཚད་མི་འདྲ་བ་དང་། སྤྱི་ཚོགས་དང་ཁོེ་ཡུག་གི་རྒྱབ་ལྗོངས་མ་འདྲ་བ་སོགས་དང་བསྟུན་པའི་བསམ་ཚུལ་དང་གོ་བ་ལེན་སྟངས་མ་འདྲ་བ་ཡོད་སྲིད་པས། སྐྱོན་བརྗོད་དང་བསམ་ཚུལ་གང་ཡིན་ཡང་མཐོང་ཆེན་བྱེད་རྒྱུ་ཡིན།
འོན་ཀྱང་། གསར་འགྱུར་འདི་ BBC དང་ Daily Mail དེ་བཞིན་ Times of India སོགས་གསར་ལམ་ཆེ་ཁག་ཕལ་ཆེ་པར་ཐོན་ཡོད་པས་དེ་དག་ལ་གཟིགས་པར་ཞུ།
གསར་འགྱུར་འདི་འདྲ་འབྲི་བ་གསར་འགོད་པའི་སྐྱོན་ཆ་དང་གོ་རྟོགས་མེད་པ་ཡིན་པའི་མ་ཚད། རྩོམ་སྒྲིག་པར་ཡང་འགན་ཡོད་པ་རེད་བསམ་གྱི་འདུག གང་ཡིན་ཟེར་ན། གསར་འགྱུར་གྱི་ནང་དོན་དང་ཚིག་བེད་སྤྱོད་གཏོང་སྟངས་བཟང་སྤྱོད་རྩ་ནས་མེད་པ་མ་ཟད། ཁ་བྱང་ཡང་བཙོག་པ་ཞེ་དྲག་རེད། དུས་ཚོད་དང་མི་སྣ་སོགས་གསལ་བོ་མེད་སྟབས། མ་གཞི་ནས་གསར་འགྱུར་གྱི་ཆ་རྐྱེན་ཚང་གི་མི་འདུག
བོད་མི་རིགས་ནི་སྔོན་མ་ནས་ཆགས་སྲེད་ཀྱི་རིགས་ནམ་ཡང་ངོ་ཚའི་རང་བཞིན་ཞིག་དུ་ངོས་འཛིན་གྱིན་ཡོད་པ་ལགས་ན། འདི་ལྟ་བུ་བོད་ཀྱི་དུས་བབ་དྲ་རྒྱའི་ནང་བཀོད་པ་འོས་ཤིང་འཚམས་པ་ཞིག་ཏུ་མཐོང་མ་སོང་ལ། གསར་འགྱུར་ཡིན་པ་ཙམ་ལས་དགོས་པ་དེ་ཙམ་མི་འདུག
སྤྱིར་ཆགས་སྲེད་ནི་ལྷན་སྐྱེས་ཞིག་ཡིན་པས་སློབ་སྦྱོང་སྤྲོད་ག་ལ་དགོས། དཔེར་ན། འབུ་གྲོག་མ་ཡན་ཆད་ལ་མངོན་གསལ་གྱིས་མཐོང་རྒྱུ་ཡོད་པ་ནང་བཞིན་རེད།
མི་ཚང་མས་ཀློག་སྤྲོ་བོ་འདྲ་ཞིག་ཡིན་ཡང་དྲ་ཚིགས་ཚད་ལྡན་ཞིག་གི་སྟེང་ལ་འདི་ངོ་མ་ཡག་པོ་མི་འདུག གསར་འགོད་པས་གསར་འགྱུར་འཚོལ་སྟངས་ལ་ཅུང་གོ་ནོར་ཐེབས་ཀྱི་ཡོད་པ་འདྲ། གནས་ཚུལ་འདི་རིགས་བརྒྱུད་ལམ་ཁག་ཏུ་ཁྱབ་རྒྱ་ཆེན་པོ་རེད་དེ། དངོས་གནས་བྱས་ན་བརྒྱུད་ལམ་དེ་རིགས་ཚད་གཞི་གང་ཡང་མེད་པའི་སྤྱི་སྤྱོད་དམ། དམངས་སྤྱོད་བརྒྱུད་ལམ་ཁག་རེད། བོད་ཀྱི་དུས་བབ་ལ་མཚོན་ན་འཛམ་གླིང་གི་སྲིད་དོན་ལ་ཁ་ཕྱོགས་དགོས་པ་རེད་བསམ་གྱི་འདུག
གསར་འགོད་པ་བནྟེ་སྐྱབས་ཀྱི་ལག་ཏུ་གསར་འགྱུར་ཚ་བོ་རེག་འདུག་ཡཱ། ཚད་ཐིག་ངེས་ཅན་སྟེང་ཡོད་པའི་བོད་ཀྱི་དུས་བབ་འདི་སྦག་བཙོག་མ་བཟོ་རོགས། སྐུ་མཁྱེན། BBC / CNN / སོགས་དང་། nytimes/ Times of India སོགས་ལ་གཟིགས་ཏེ་མིག་དཔེ་ཡར་ལྟ་གནང་རོགས་ལོ།
སྤྱིར་འདི་རིགས་ཀྱི་གནས་ཚུལ་གསར་འགྱུར་འདྲ་མ་རེད། སྔོན་མ་ནས་དབྱིན་ཇི་དང་ཪ་ཤི་ཡའི་སློབ་གྲྭ་ཁག་གི་སློབ་དེབ་ནང་ཡོད་པ་རེད་ལ། ནའེ་ཌར་ལན་ཌི་སློབ་ཕྲུག་ཕོ་མོ་སུ་ཞིག་ཡིན་རུང་ལོ་ 24 སྟེང་ནས་ཟླ་བ་ 8 རིང་དམིགས་བསལ་ཟབ་སྦྱོང་དང་ཆེད་སྦྱོང་སོགས་སྤྲོད་ཀྱི་ཡོད་ལ། གལ་སྲིད་ན་གཞོན་ལོ་ཉེར་བཞིའི་ལྷག་ཅན་ཞིག་ལ་ལག་འཁྱེར་དེ་མེད་ཚེ་འཚར་ལོངས་ཆ་ཚང་མེད་པར་རྩི་བཞིན་ཡོད་ལ། འཕྲོད་བསྟེན་ཡང་བདེ་ཐང་མེད་པའི་ཉེས་པ་ཡོད།
གསར་འགྱུར་ཟེར་བ་དེ་ལ་ངོས་འཛིན་གསལ་བོ་ཞིག་རྙེད་ཐུབ་ཀྱི་མེད་པ་འདྲ། དེང་སྐབས་རྒྱལ་སྤྱིའི་རྒྱུད་ལམ་ཁག་ཏུ་ཚ་ཚ་འུར་འུར་བྱེད་བཞིན་པ་མང་དག་ཅིག་གྲགས་མེད་འགུལ་མེད་དུ་བཞག་སྟེ། སོ་སོའི་མཚར་སྣང་གི་རྗེས་སུ་རྒྱུག་ནས་གསར་འགྱུར་འབྲི་བཞིན་འདུག ལྷག་པར་དུ་གོང་གི་གསར་འགྱུར་ནང་ཚིག་བེད་སྤྱོད་གཏོང་སྟངས་ཀྱི་ཐད་ནས་ཀྱང་གསར་འགོད་ཀུན་སྤྱོད་རིག་པའི་ཕྱོགས་ནས་འགན་འཁྲི་མེད་པ་དང་ཡང་ན་གཞུང་ལུགས་ལ་རྒྱུས་མངའ་མེད་པའི་མངོན་རྟགས་གསལ་བོར་བསྟན་འདུག