བོད་རང་སྐྱོང་ཨེ། ང་ཚོར་རང་བཙན་དགོས།

ལྷ་མོ་སྐྱབས་ལགས།

ངས་‘‘རང་བཙན་རེག་དང་མི་རེག་ཟེར་བ་དེ་དོན་དག་གཞན་པ་ཞིག་རེད་’’ཅེས་བཤད་པ་དེར་རྒྱབ་ལྗོངས་ཡོད། ཉོན་ཨཱ། ང་ཚོས་བོད་རྒྱལ་ཁབ་ཀྱི་རྩ་དོན་གླེང་གི་ཡོད། ཐོག་མར་བོད་རྒྱལ་ཁབ་ཀྱི་རྩ་དོན་གྱི་སྲིད་ཇུས་དེ་བོད་མི་རིགས་ཀྱི་མངོན་འདོད་དང་མཐུན་པ་ཞིག་གནང་དགོས་པ་རེད། དེ་འདྲའི་སྲིད་ཇུས་ཀྱི་རྨང་རྡོ་ཞིག་བཏིངས་ནས་ཁང་པ་མ་འགྲུབ་ན་དེ་ནི་བོད་མི་རིགས་ནོར་འཁྲུལ་རེད་མ་གཏོགས། ངན་ཁེག་གཞན་ལ་འགེལ་བ་མེད། ཚིག་དུམ་འདིའི་འགྲེལ་བཤད་གཅིག་འདི་ཡིན། དེ་ནས་ང་ཚོའི་གཞུང་གིས་སྲིད་ཇུས་གསར་པ་ཞིག་གནང་ནས་རང་བཙན་གྱི་ལམ་དུ་ཕྱོགས་ཚེ། ང་ཚོའི་ངོས་ནས་ཀྱང་རང་བཙན་རེག་པར་འབད་རྩོལ་ལོས་བྱེད་དགོས། དེ་མིན་གཞིས་ལུས་མི་མང་ལ་གཟིགས་ནས་སྐྱིད་ཉལ་གནང་བསྡད་ན་མ་འགྲིག་པ་རེད།

གོང་གི་ཚིག་དུམ་འདི་ལས་འཕྲོས་ཏེ་ངས་བཤད་འདོད་པ་ནི། མི་ལོ་སུམ་བཅུ་ལྷག་རིང་། ང་ཚོས་ལམ་དབུ་མ་གླེང་ནའང་བོད་དོན་ལ་འགྱུར་བ་ཞིག་མ་བྱུང་བ་རེད། བོད་གཞིས་ལུས་མི་མང་གིས་རང་བཙན་གླེང་བའི་རྣམ་པ་ཤུགས་ཆེན་འདུག མ་གཞི་ནས་རང་བཙན་གྱི་ལྟ་བ་དེ་མེ་ལོང་ནང་གི་གཟུགས་བརྙན་བཞིན་སུས་ཀྱང་བཀོག་ཐུབ་ཀྱི་མིན་པ་འདྲ། འདི་ལ་ཐུགས་སྣང་གིས་བོད་ཀྱི་རྩ་དོན་གྱི་ལངས་ཕྱོགས་ད་ལྟའི་བོད་གཞིས་ལུས་མི་མང་གི་མངོན་འདོད་དང་བསྟུན་པར་འབད་བརྩོན་བྱེད་དགོས་ཀྱི་འདུག་ཅེས་༸རྒྱལ་བ་རིན་པོ་ཆེར་ཞུ་ཐུབ་ཚེ། ༸རྒྱལ་བ་རིན་པོ་ཆེའི་ཐུགས་དགྱེས་ངེས་རེད། དེ་ནས་༸རྒྱལ་བ་རིན་པོ་ཆེར་ལམ་སྟོན་ཞུས། ང་ཚོས་ཀྱང་ནུས་པ་ཡོད་ཚད་ཕྱོགས་གཅིག་ཏུ་སྤུངས་ནས་འཐབ་རྩོད་བྱེད་དགོས་པ་རེད་དྲན་བྱུང་། འཐབ་རྩོད་ཟེར་ན་ངེས་པར་དུ་དྲག་པོའི་ལམ་དུ་འགྲོ་དགོས་ཞེས་ཟེར་གྱི་མེད། ‘‘གལ་ཏེ་ཁྱེད་ཀྱིས་མ་སྤྲད་པ་ཡིན་ན། ང་ཚོས་ཁྱེད་རང་གསོད་ཀྱི་ཡིན་’’ཞེས་པ་ནི་‘‘དྲག་པོའི་སྟོབས་ཤུགས་ཡིན་’’ཞེས་སེམས་དཔའ་ཆེན་པོ་གན་ངྷིས་བརྩམས་པའི་༼༼རྒྱ་གར་རང་སྲིད་རང་སྐྱོང་༽༽དུ་གསལ་བ་དྲན། ད་དུང་ཆབ་སྲིད་ཟེར་བ་ནི་འགྱུར་བའི་རང་བཞིན་ཅན་ཞིག་རེད། ངས་ཚིག་རིས་ཇི་མ་ཇི་བཞིན་མི་དྲན་ཡང་། བོད་ཀྱི་དུས་བབ་གསར་ཁང་གིས་འདོན་སྤེལ་གནང་བའི་མཁས་དབང་ཟམ་གདོང་རིན་པོ་ཆེའི་༼༼བོད་ཀྱི་ད་ལྟའི་ཛ་དྲག་གི་གནས་བབ་དང་ང་ཚོའི་ལས་འགན་༽༽ཞེས་པའི་དེབ་ཏུ། ཆབ་སྲིད་ནི་འགྱུར་བ་གཏོང་དགོས་པའི་དངོས་པོ་ལྟ་བུ་ཞིག་ཡིན་པ་རེད། དཔེར་ན། ཤིང་ཏོག་ཅིག་ཡུན་རིང་པོར་གནས་གཅིག་ཏུ་བཞག་ཚེ། ཤིང་ཏོག་དེ་ལམ་སེང་རུལ་འགྲོ་གི་རེད། དེ་ལམ་སེང་མི་རུལ་ཆེད་ཤོག་ཏོག་དེ་འགུལ་བསྐྱོད་གཏོང་དགོས་པ་རེད་ཅེས་གསུངས་ཡོད།

གལ་སྲིད་ང་ཚོ་བོད་རང་བཙན་ལམ་དུ་ཕྱིན་ཚེ། ང་ཚོར་ལས་ཀ་སྣ་མང་ཡོད་པ་རེད། སྐྱབས་བཅོལ་གྱི་སྲིད་གཞུང་འདི་སྲ་ཐག་ཐག་ཅིག་ལོས་བྱེད། དེ་ནས་རྡ་རམ་ས་ལར་ལས་མེད་འཁྱམ་ཉུལ་གྱི་འཚོ་བ་རོལ་མཁན་གྱི་བོད་པ་སྤྱི་དང་། གཞིས་ཆགས་སྐྱོ་བོ་ཁག་ཏུ་འཚོ་བ་ངན་ངོན་རོལ་མཁན་གྱི་བོད་མི། ལྷག་པར་དུ། གཞོན་སྐྱེས་འདི་ཚོར་སྣ་མང་ཆེད་ལས་ཀྱི་སློབ་སྦྱོང་སྤྲོད་དགོས། དེ་བཞིན་དུ་ང་ཚོ་སྐྱབས་བཅོལ་བ་རྣམས་རྒྱ་གར་དུ་མུ་མཐུད་དུ་གནས་ཐུབ་པར་འབད་བརྩོན་དང་། རྒྱལ་སྤྱིའི་ཕྱོགས་ནས་རོགས་སྐྱོར་འཚོལ་བ་ལྟ་བུ། ལྷག་དོན་བོད་གཞིས་ལུས་མི་མང་ལ་དཔལ་འབྱོར་གྱི་ཕྱོགས་ནས་རོགས་འདེགས་གནང་ཐུབ་ཚེ་རབ་རེད། མ་ཐུབ་ནའང་སེམས་ཤུགས་མ་ཆགས་པ་བྱས་ནས་སྲིད་ཕྱོགས་ནས་ཆིག་སྒྲིལ་བཟོ་དགོས་པ་རེད། འདི་ལ་ཚོགས་འདུ་ཆེན་མོ་རེ་འཚོགས་ནས་བགྲོ་གླེང་བྱས། རིག་པ་བརྡར་ནས་ཐག་གཅོད་དགོས་པ་མ་གཏོགས། གང་འདོད་ཀྱིས་གནང་ཆོག་ཆོག་ཅིག་ག་ལ་ཡིན། སྤྱིར་དོན་དག་འདི་རིགས་ཚང་མས་མཁྱེན་གྱི་ཡོད་མོད། ངས་བསྐྱར་བཤད་ཅིག་བྱས་པ་ལའང་གནོད་པ་ག་རེ་ཡོད།

རྒྱ་ནག་ལའང་རྒྱལ་རབས་ལྔ་བྱུང་འདུག ད་ལྟ་གུང་ཁྲན་ཏང་གིས་དབང་སྒྱུར་བཞིན་ཡོད། ཉིན་ཞིག རྒྱ་ནག་སྲིད་གཞུང་འདི་ཡང་འཇིག་འགྲོ་ངེས་རེད། སྐབས་དེར་ང་ཚོ་ལའང་གོ་སྐབས་ཤིག་ཡོད་པ་རེད། ཡང་། སྐབས་རེར་གསར་བརྗེའི་ལས་འགུལ་སྤེལ་ནས་བོད་དོན་ལ་ནུས་པ་ཞིག་གཏོང་ཐུབ་པའི་གདེང་ཚོད་ཡོད་ཚེ། དེ་བཞིན་དུ་ལས་ཀ་གནང་དགོས་པ་རེད། དཔེར་ན། ཕྱི་སོག་གི་རང་བཙན་དང་། ཤར་ཊེ་མོ། ཁོ་སོ་ལྦོའི་རང་བཙན་སོགས་ཀྱང་ཕྱིའི་འབྱུང་བ་འཁྲུགས་རྗེས་དཀོན་མཆོག་གིས་གནང་བཞག་པ་ག་ལ་ཡིན།

དབུ་མ་ལམ་གྱི་ཉེས་སྐྱོན་རང་གིས་གང་མཐོང་བ་རྣམས་ཁ་ཁོག་མེད་པ་མུ་མཐུད་ནས་བཤད་འདོད་འདུག་པས་ཞུ་ཆོག་པ་ཞིག་གནང་རོགས།

དབུ་མའི་ལམ་གྱི་སྒྲུབ་བྱ་བོད་རིགས་ཡོངས་ལ་མིང་དོན་མཚུངས་པའི་བསམ་འཆར་ཡིག་ཆའི་ནང་དུ་་་་༼བོད་ནང་གཏན་གཞིས་ཆགས་པ་དང་། དུས་ཡུན་རིང་ནས་གནས་སྡོད་འཚར་ལོངས་བྱས་པ་རྣམས་ཕྱིར་འབུད་བྱེད་རྒྱུའི་ང་ཚོའི་ཀུན་སློང་མིན། ང་ཚོའི་སེམས་འཚབ་བྱེད་གཞི་རྒྱ་རིགས་གཙོས་པའི་མི་རིགས་གཞན་འབོར་ཆེན་སྤོ་ཤུགས་བྱེད་རྒྱུའི་སྐུལ་སློང་བྱེད་པའི་དབང་གིས་ད་ཡོད་སྤྱི་ཚོགས་ལ་འཕོ་འགྱུར་དང་། བོད་མི་རྣམས་གྲངས་ཉུང་ཆགས་པ། ཧ་ཅང་འཇིག་སླ་བའི་བོད་ཀྱི་རང་བྱུང་ཁོར་ཡུག་ལ་ཉེན་ཚབས་བཟོས་ཀྱི་ཡོད་པ་དེ་དག་ཡིན།༽ཞེས་པ་འདི་ལས་གང་ཡང་མེད།

ཁྱེད་ཀྱིས་་་་གཉིས་པ། དབུ་མའི་ལམ་ལ་སོང་བས་རྒྱ་རིགས་བོད་དུ་ཇེ་མང་ལ་སོང་བ་ཟེར་བ་བདེན་པ་མ་རེད། དབུ་མའི་ལམ་གྱིས་སྔོན་མ་ནས་གནས་པའི་རྒྱ་རིགས་བོད་དུ་སྡོད་ཆོག་པ་ལས་གསར་བ་གནས་སྡོད་ཆོག་ཚུལ་བཤད་མེད། ལྷག་པར་མི་གྲངས་སྤོ་ཤུགས་ཀྱིས་མི་རིགས་རྩ་མེད་བཟོ་རྒྱུར་ཉེན་ཁ་ཆེ་ཚུལ་དང་དེར་ངོ་རྒོལ་ཤུགས་ཆེན་བྱས་ཡོད།ཞེས་གསུངས་འདུག་ཀྱང་ངོ་རྒོལ་ཤུགས་ཅི་འདྲས་བྱས་པ་རེད་དམ། རྒྱ་མིའི་གཞུང་ཚབ། རྒྱལ་སྤྱིའི་ཐོག འོན་ན་་རྡ་ས། འོན་ན་ཡིག་ཐོག་་་་ངོ་རྒོལ་ག་འདྲས་བྱས་པར་རེད་དམ་་་དོགས་འདྲི་ཡིན། འཁྱོག་བཤད་བྱེད་མ་ཡོང་ཨ།

བོད་ནང་གཏན་གཞིས་ཆགས་པ་དང་། དུས་ཡུན་རིང་ནས་གནས་སྡོད་འཚར་ལོངས་བྱས་པ་རྣམས་ཕྱིར་འབུད་བྱེད་རྒྱུའི་ང་ཚོའི་ཀུན་སློང་མིན་ཞེས་བཤད་དུས་སུ་སྡོད་ཆོག་པ་ལ་གོ་དགོས། དབུ་མ་ལམ་གྱི་ལུགས་སུ་བྱས་ན་བོད་ནང་དུ་རྒྱ་མི་བསྡད་པ་མོས་མཐུད་གནང་ཡོད། རྒྱ་རྙིང་པ་སྡོད་ཆོག་ན་གསར་པ་ཆོག་་པ་ཡང་ཤུགས་ཀྱི་ཁས་ལེན་པ་རེད། ཁས་ལེན་པའི་སྐད་ཆ་འདི་འདྲ་བཤད་ན་རྒྱ་མི་ཆུ་ལོག་སྤུངས་སྤུངས་བྱེད་ནས་སླེབས་ལོས་ཡོང་།

ཁྱེད་ཀྱིས་་་་གལ་ཏེ་རང་བཙན་གྱི་ལྟ་བ་བཟུང་བསྡད་ཡོད་ན་ད་ལྟ་བོད་ལ་རྒྱ་རིགས་འདི་ལྟར་ཡོང་མེད་པར་འདོད་ན་དེ་རྦད་དེ་ནོར་འཁྲུལ་རེད། རྒྱུ་མཚན་མང་པོ་མི་དགོས། རྒྱ་དམག་གིས་ཐོག་མར་བོད་ལ་བཙན་འཛུལ་བྱེད་པའི་དམིགས་ཡུལ་རང་བོད་ཀྱི་ས་ཆར་དམིགས་པ་རང་ཡིན་པས་སོ།ཞེས་གསུངས་འདུག་ཀྱང་རྒྱུ་མཚན་ཡང་དག་མ་རེད། རྟགས་གྲུབ་ཀྱང་ཁྱབ་པ་མ་གྲུབ།

རྒྱ་དམག་གིས་ཐོག་མར་བོད་ལ་བཙན་འཛུལ་བྱེད་པའི་དམིགས་ཡུལ་བོད་ཀྱི་ས་ཆར་དམིགས་པ་དང་གཏེར་ཁ་ལ་དམིགས་པ། ཤིང་ནག་དང་སྨན་རྩ་ལ་དམིགས་པ། ཆུ་དང་རླུང་ལ་དམིགས་པ། སྟོབས་ཤུགས་ཆེན་པོ་ཆགས་ཆེད་དུ་དམིགས་པ་ལོས་ཡིན་ཀྱང་བོད་རང་བཙན་པའི་ལུགས་སུ་བྱས་ན་འདི་ལ་མོས་མཐུན་བྱེད་ཐབས་མེད་པར་རེད། བོད་ཀྱི་བདག་པོ་བོད་མི་ཡིན། རྒྱ་མི་བོད་ནས་ཕར་རྒྱུག་དགོས་པའི་ངོ་རྒོལ་དང་ལས་འགུལ། བོད་ཀྱི་ས་ཆུ་མེ་རླུང་འབྱུང་བཞི་གཙོ་་གཏེར་ཁ་དང་སྨན་རྩ་སོགས་ཀྱི་བདག་དབང་བོད་མི་དམངས་ཁོ་ན་ལ་མ་གཏོགས་རྒྱ་མི་ལ་མེད།

དབུ་མའི་ལམ་གྱི་ལུགས་སུ་ལྟར་ན་བོད་ཀྱི་ས་ཆར་དང་གཏེར་ཁ་བཅས་ཚང་མ་རྒྱ་བོད་གཉིས་ཕན་དང་གཉིས་ཀའི་འདྲ་མཉམ་གྱི་བདག་དབང་སྤྲོད་པ་རེད། གནད་ལུགས་འདི་འདྲ་ཞིག་གི་འོག་ཏུ་རྒྱ་མི་བོད་ལ་མ་ཡོང་ཟེར་ནས་ངོ་རྒོལ་ག་འདྲ་བྱས་པ་ཡིན་ནམ་་་་ཨ།ལྷ་མོ་སྐྱབས་གཅིག་གསུང་དང་། ཁྱེད་ཀྱིས་ཉན་འདོད་ཡོད་པ་དེར་ཏོག་ཙམ་སྒུག་ཨ་་་དང་པོར་འདིར་ཐག་ཆོད་ན་བསམ་གྱི་འདུག

རྩོམ་པ་པོ་སྙན་བཟང་ལགས།
“རང་བཙན་རེག་མི་རེག་ཟེར་བ་དེ་དོན་དག་གཞན་པ་ཞིག་རེད།” དེས་ན་ངེད་གཉི་གས་གནད་དོན་གཙོ་བོ་ངོས་འཛིན་སྟངས་རྦད་དེ་ཐ་དད་རེད། དམིགས་ཡུལ་ཞིག་དང་རེ་བ་ཞིག གདེང་ཚོད་ཅིག་མེད་པར་ཨུ་ཚུགས་ཀྱིས་འཇུག་པ་དེ་ངའི་འགྲོ་ལམ་གཏན་ནས་མིན།
ཡིད་བཞིན་ནོར་བུ་ཐུགས་རབ་ཏུ་དགྱེས་ནས་སྐུ་དབང་གསོལ་རས་གནང་བ་རེད་བསམ་གྱིན་ཡོད་དམ། གནད་དོན་འདི་རིགས་མ་རྟོགས་པས་མང་པོ་ཞིག་གིས་ཉེན་མཆོང་བྱེད་པ་རེད།
ཁྱེད་ཀྱི་རྩོམ་ཡིག་གི་ནང་དོན་དེ་ཉིན་གནམ་ཡིག་ནང་ནས་ཁ བརྡ་བྱས་པ་ལྟར་རེད། ད་རེས་འདིར་མཆན་བཏབ་པ་དེ་གཙོ་བོ་མཆན་འགོད་པ་དང་རང་བཙན་གྱི་ལྟ་བ་ཁྱེར་ནས་༸གོང་ས་མཆོག་དང་བོད་གཞུང་ལ་ངོ་རྒོལ་བྱེད་མཁན་དག་ཡིད་ལ་ཤར་འོང་ནས་བྲིས་པ་ཡིན།
ཡིད་བཞིན་ནོར་བུར་དད་པ་མེད་པ་མ་ཟད་ངོ་རྒོལ་བྱེད་མཁན་ཡོད་པ་ཁྱེད་ཀྱིས་རྒྱང་རིང་ནས་མ་མཐོང་ན་ཁག་མེད། དབུ་མའི་ལམ་གྱི་ཐད་ནས་ཐད་ཀར་དུ་༸གོང་ས་མཆོག་ལ་ངོ་རྒོལ་ཕོད་མཁན་གྱི་དཔའ་བོ་རྣམ་པ་གསུམ་ཡོད། འདི་གསུམ་པོར་དད་པ་ཡང་མེད་ཚུལ་གོ་མྱོང། དེ་ངས་མ་བཤད་ཀྱང་ཚང་མས་ལོས་ཤེས། གང་ལྟར་འདི་ལྟར་གདོང་པ་བསྟན་ནས་བཤད་ཐུབ་པ་དེ་ཡག་པོ་མ་རེད་བསམ་གྱིན་མེད། ༸གོང་ས་མཆོག་སྐྱབས་སུ་མཆི་བཀའ་དྲིན་ཅན་ཞེས་གོང་ལ་བཞག་ནས་ཁོང་གིས་བསྟན་གནང་བའི་དབུ་མའི་ལམ་དང་དེའི་རྗེས་འཇུག་པ་མཁས་དབང་ཟམ་གདོང་རིན་པོ་ཆེས་གཙོས་ངེད་ཅག་ལ་ནག་ཉེས་འགེལ་བ། ཐ་ན་ད་བར་ལ་གྲ་མ་འགྲིག་པ་ཅིག་བྱུང་བྱུང་ཚང་མ་དབུ་མའི་ལམ་ལ་བརྟེན་ནས་བྱུང་ཚུལ་དང། དེ་ཡང་རྩ་བ་དེ་བླ་མས་དབང་སྒྱུར་བས་ལན་པ། ༸གོང་ས་མཆོག་གོང་ནས་བཞུགས་ན་དམངས་གཙོ་མིན་ཚུལ་སོགས་ཀྱི་བསམ་ཚུལ་མང་པོ་ཞིག་དངོས་ཤུགས་བརྒྱུད་གསུམ་ནས་མངོན་ཤུགས་ཇེ་ཆེར་འགྲོ་བཞིན་པས་ང་ལ་འཇིགས་སྣང་དང་བཅས་པའི་ཚོར་བ་དེ་དག་རང་དབང་མེད་པར་བྱུང་སོང་ངོ།
དེ་ནས་ངེད་གཉིས་ཀ་ནུབ་ཕྱོགས་སུ་ཡོད་པ་གཅིག་པ་རེད། དེ་བཞིན་དུ་བཤད་པ་དང་འབྲི་བ་ཡང་ངེད་གཉིས་གཅིག་པ་རེད། འདི་ལ་བཟང་ངན་ཞིག་དབྱེ་རྒྱུ་མེད་པར་མཐོང་། མ་གཞི་ནས་ངས་ང་ལ་ལྷག་བསམ་དང་སེམས་ཤུགས་ཆེ་རབས་སོགས་གླེང་མེད། ང་ཚོས་བོད་དོན་གླེང་བ་དང་དེའི་ཐད་ལ་ལས་ཀ་བྱེད་པར་རྡ་རམ་ས་ལ་རང་ནས་སྡོད་དགོས་པ་ཞིག་ཀྱང་འདོད་ཀྱིན་མེད། ༡༩༨༩ལོ་ནས་༢༠༠༩བར་ལོ་ཉི་ཤུར་ཕར་ནས་ལས་ཀ་བྱས་པ་ཡིན། ད་དུང་སྔར་བཞིན་བོད་དགེ་དང་རྩོམ་འབྲིའི་ལས་ཀ་དོར་མེད་པར་མ་ཟད་ཤུགས་ཆེ་རུ་གཏོང་བཞིན་ཡོད། ངས་འདི་ཙམ་ལས་ཅི་ཡང་མི་འཇོན། གལ་ཏེ་ང་ཚོའི་གཞུང་རང་དང་སྐུ་སྒེར་ཡིག་ཚང་ལྟ་བུར་མཁོ་ནས་སྐད་བཏང་ན་ང་འགྲོ་ཐུབ་ངེས་ཡིན། མ་གཞི་འདི་དག་གླེང་མི་དགོས་ན་ཡང་ཁྱེད་རང་ཚོས་གླེང་དགོས་པ་འདྲ་བོ་ཞིག་བཟོས་སོང།
ཐ་མར་ཞུ་འདོད་པ་ཞིག་ནི། རང་བཙན་དང་དབུ་མའི་ལམ་གྱི་ལྟ་བ་འཛིན་མཁན་ནང་ན་ཁྱེད་རང་ལྟ་བུའི་བསམ་པ་རྣམ་དག་ཅན་མང་པོ་མེད། ཡིན་ན་ཡང་ལས་དོན་དེ་བསམ་པ་རྣམ་པར་དག་མིན་ལ་འབྲེལ་བ་ཆེན་པོ་ཡོད་མེད་མི་ཤེས།

མདོ་སྨད་སྤྱི་ཟུར་མཆོག་ཁ་སང་དེ་རིང་དྲ་ཐོག་གི་དྲ་འབུ་ལོག་དོན་གྱི་རྒྱུ་མཚན་གང་ཡིན་ནམ།
དོན་ངོ་མར་རྩོམ་ཡིག་ཀློག་ནས་མྱོང་ཚོར་མི་འབྲི་རྒྱུ་མཚན་གང་ཡིན་ནམ།

ད་བུ་ཅོ་རིས་ཀྱང་ཏོག་ཙམ་ཉན་ཤེས་ཀྱིན་འདུག དགའ་བོ་བྱུང། བསམ་ཚུལ་བཤད་རྒྱུ།
གཅིག “འདོད་པ་མེད་པའི་བུ་མོ་མདོག་ངན་ཞིག་གི་མཉམ་དུ་ཆང་ས་རྒྱབ་ན་མི་ཚེ་འཁྱོངས་ཁ་པོ་རེད”ཅེས་པ་དབུ་མའི་ལམ་ལ་དཔེ་བླངས་པ་ཡིན་ན། གལ་ཏེ་ཁྱོད་ལ་མཛེས་མ་ཞིག་རག་གི་ཡོད་ན་ད་དེ་མ་བླངས་ཀྱང་ཆོག་མོད། དེ་ལས་རག་ཡ་མེད་ན་ད་མི་རྐྱང་དུ་འདུག་རྒྱུ་མིན་ན་དེ་བླངས་ན་ལོས་བཟང། གཉིས་ནས་མོ་སྒོ་མེད་ཀྱང་མཛངས་ཡོན་ཡོད་སྲིད་པས་ཕྱི་གཟུགས་ཁོ་ནར་བལྟས་ནས་མི་ཚེ་མི་འཁྱོངས་པར་འདོད་མཁན་དེ་རིགས་ཀྱི་ལྟ་བ་འདི་ཡང་ཡང་དག་ཅིག་གཏན་ནས་མིན་པ་བཞིན། དབུ་མའི་ལམ་ལ་མཐོང་ཆུང་དང་ཉེས་འགེལ་དེ་རིགས་ཀྱང་དཔེ་འདི་དང་གཅིག་རེད།
དེ་ནས་རྒྱལ་ཞེན་གལ་ཆེ་ཡང་དེ་ལས་ཀྱང་མི་རིགས་ཀྱི་ལ་རྒྱ་གལ་ཆེ་བ་རེད། འདི་ཡོད་ན་རྒྱལ་ཁབ་མེད་ཀྱང་མི་རིགས་དེ་ཡུན་རིང་འཚོ་གནས་ཐུབ།
གཉིས་པ། དབུ་མའི་ལམ་ལ་སོང་བས་རྒྱ་རིགས་བོད་དུ་ཇེ་མང་ལ་སོང་བ་ཟེར་བ་བདེན་པ་མ་རེད། དབུ་མའི་ལམ་གྱིས་སྔོན་མ་ནས་གནས་པའི་རྒྱ་རིགས་བོད་དུ་སྡོད་ཆོག་པ་ལས་གསར་བ་གནས་སྡོད་ཆོག་ཚུལ་བཤད་མེད། ལྷག་པར་མི་གྲངས་སྤོ་ཤུགས་ཀྱིས་མི་རིགས་རྩ་མེད་བཟོ་རྒྱུར་ཉེན་ཁ་ཆེ་ཚུལ་དང་དེར་ངོ་རྒོལ་ཤུགས་ཆེན་བྱས་ཡོད། གལ་ཏེ་རང་བཙན་གྱི་ལྟ་བ་བཟུང་བསྡད་ཡོད་ན་ད་ལྟ་བོད་ལ་རྒྱ་རིགས་འདི་ལྟར་ཡོང་མེད་པར་འདོད་ན་དེ་རྦད་དེ་ནོར་འཁྲུལ་རེད། རྒྱུ་མཚན་མང་པོ་མི་དགོས། རྒྱ་དམག་གིས་ཐོག་མར་བོད་ལ་བཙན་འཛུལ་བྱེད་པའི་དམིགས་ཡུལ་རང་བོད་ཀྱི་ས་ཆར་དམིགས་པ་རང་ཡིན་པས་སོ།
རྒྱ་མི་སྒེར་བ་ལྷ་སར་འཚོ་གནས་བྱེད་པ་དེ་དག་སེམས་བདེ་ཐག་ཆོད་ནས་བསྡད་ཡོད་མ་རེད། གནས་སྐབས་ཀྱི་ཁེ་བཟང་ས་བར་བསྡད་ཡོད་རེད། རྒྱ་དང་ཁ་ཆེ་གཉིས་ཀར་བོད་ཐོག་ནས་སྒོར་མོ་ལེན་པའི་ཐབས་ཇུས་མཁས་པོ་ཡོད་པ་རེད། གལ་ཏེ་རྒྱ་མི་སྒེར་བ་རང་ངོས་ནས་བོད་ལ་གནས་ཐབས་མེད་པ་ཞིག་བཟོ་དགོས་ན་དེའི་ཐབས་ཤེས་ཡག་ཤོས་དེ་འཇིགས་སྐུལ་རང་ལས་མེད། འདི་བོད་རང་བཙན་རྩོད་མཁན་དག་གིས་ཀྱང་མི་བྱེད་ཟེར་གྱིན་ཡོད་རེད། དེ་ཡིན་དུས་འཚེ་མེད་ཞི་བའི་ལམ་གཉིས་ཀ་གཅིག་པ་ཡིན་དུས། ཁོ་ཚོས་གནས་སྐབས་རིང་འཇིགས་སྣང་ཆེན་པོ་མི་བྱེད་པར་ཁེ་བཟང་ལེན་རྒྱུ་ལ་ཁྱད་པར་གང་ཡང་མེད་པ་རེད།
བོད་རང་བཙན་ལེན་སྟངས་ཀྱི་བསམ་ཚུལ་དེ་ཤེས་འདོད་ཡོད། འབྲི་རོགས།

ལྷ་སར་རྒྱ་ཡིས་གང་བ་འདི།
དབུ་མའི་ལམ་གྱི་གྲུབ་འབྲས་དང་།
ཟམ་གདོང་བླ་མས་བྱས་རྗེས་སུ།
ངོས་འཛིན་མི་བྱེད་དཀའ་མེད་རེད།

རྒན་ལྷ་མོ་སྐྱབས་ཀྱིས་གསུངས་པ་ཐུགས་དག་གི འདི་ན་མཆན་རེ་རེ་ནས་ཀྱང་བསམ་བློའི་གོ་རྟོགས་མཐོ་རུ་འགྲོ་བའི་རེ་བ་ཡོད་མ་གཏོགས། ངོ་ཤེས་ནང་ཚུན་གྱིས་ཤག་འཐེན་ས་དང་འགྲན་སེམས་ཕྲག་དོག་གི་སྡུག་དམོད་བྱེད་ས་དགོས་ན་ཉི་དྲོད་འཁོར་བའི་ཇ་ཁང་ངམ་ཆང་ཁང་ཞིག་ཡག་གི་རེད། དྲ་ཚིགས་འདི་བཙན་བྱོལ་བོད་མི་སྤྱིའི་གསར་འགྱུར་རྒྱུད་ལམ་ཞིག་རེད་མ་གཏོགས་འཁོར་ཡུག་གཅིག་གི་རྒད་པོ་འགས་བཤད་རེས་རྒྱག་ས་མ་རེད།

༤། བདེན་པ་རེད། ངས་ཀྱང་འདི་ན་དེང་སང་ཨ་ཁུ་བསྟན་པའི་གཏམ་རྒྱུད་དར་སྤེལ་དང་གསར་རྩོམ་བྱེད་དགོས་ཚུལ་ཤོད་ཀྱིན་ཡོད། ཡིད་བཞིན་ནོར་བུས་ཀྱང་མ་འོངས་བོད་ཀྱི་སོན་རྩ་ཟེར་བའི་ཤེས་རབ་ཀྱི་དཔུང་སྡེ་ཞིག་ལ་ཐུགས་རེ་བཅངས་ཡོད།ང་ཚོར་ད་བར་དུ་མཁྱེན་རབ་བླ་ན་མེད་པའི་དབུ་ཁྲིད་ཁོང་གིས་ལམ་མ་ནོར་བ་ཞིག་ལ་ཁྲིད་ཡོད་པའི་ངེས་ཤེས་སྐྱེས་ཡོད། རྒྱ་གཞུང་གིས་ད་བར་ལ་ཞི་དྲག་གཉིས་ཀྱིས་དབང་བསྒྱུར་དང་སྒྱུར་བཞིན་པ་རེད། འོན་ཀྱང་ད་ནས་བཟུང་དྲག་པོའི་བཙན་ཐབས་མ་གཏོགས་ཞི་བའི་བསླུ་བྲིད་ཀྱིས་བོད་མེད་པར་བཟོ་མི་ཐུབ་པ་གསལ་བོ་ཆགས་པ་རེད། དེས་ན་ང་ཚོ་གཞན་གང་ཞིག་གི་གཡོ་ཐབས་འོག་ལ་ལྷུང་ཉེན་འདུག་གམ།
༥༽ འདི་ཡང་བདེན་གི འདི་དག་གིས་ཅི་ཞིག་མཚོན་གྱིན་ཡོད་དམ། གསར་འབྱོར་དང་གཞིས་ཆགས་ལབ་མི་ཆོག ཆོལ་ཁ་གསུམ་དང་ཆོས་བརྒྱུད་སོ་སོའི་མིང་ནས་གླེང་མི་འོས ཁྱོད་ཚོ་དང་ང་ཚོ་ཞེས་གླེང་མི་འོས་པ་ པ་མང་པོ་ཞིག་གིས་བསྡམས་འདུག་པ་འདིས་ཅི་ཞིག་མཚོན་གྱིན་ཡོད་དམ། ཁ་དང་སྣ་ལ་ཕོག་ཆོག་ཆོག་གི་བསམ་རྒྱ་ཁབ་མིག་ལས་ཀྱང་དོག་པ་ཅིའི་ཕྱིར་ཡིན་ནམ། ངས་ནམ་ཡང་ལྟ་བ་རིས་མེད་ཡིན་ཟེར་བ་ཞིག་ཁས་ལེན་ཐབས་མེད་པས་ལྟ་བ་མ་མཐུན་ཚེ་ཁྱོད་དང་ང་ཞེས་པ་ཞིག་ཁ་ནས་མ་བཤད་ཀྱང་དོན་གྱིས་གསལ་བསྡད་ཡོད།
༦། གལ་ཏེ་ཕར་ཕྱོགས་ཚང་ལ་བོད་རང་བཙན་ནམ་རང་སྐྱོང་གང་རུང་ཞིག་མ་སྤྲད་ཐབས་མེད་ཀྱི་གནས་སྟངས་ཤིག་ཤར་ཚེ་ངས་བལྟས་ན་རང་སྐྱོང་ཁས་ལེན་ངེས་རེད། ད་ལྟ་ཁོ་ཚོ་ཁེ་བཟང་ཆེ་ཞིག་ལ་རྔམ་བསྡད་ཡོད་པས་རེ་བ་འདི་ཡང་ལས་སླ་བོར་ཁས་ཀ་ལ་ལེན། མ་གཞི་ནས་དེང་སང་ཕན་ཚུན་གཉིས་ཕན་ཞིག་མེད་ན་བཟའ་ཟླ་ཟེར་བ་འདི་ཡང་དཀའ་སེ་ཞིག་ཆགས་ཀྱིན་མི་འདུག་གམ། ཨེ་ཕྱོགས་གཅིག་གི་ཁེ་ཕན་ཁོ་ན་བསམ་པ་ཚོ་ཁེར་རྐྱང་དུ་ལུས་ནས་དཀའ་གོ
༨༽ རྒྱ་གཞུང་གིས་ཀྱང་ཡིད་བཞིན་ནོར་བུའི་ཚེ་ཚད་ཁོ་ནར་ངང་སྒུག་གིས་རྒྱལ་ཁ་ཞིག་འཐོབ་རྒྱུ་རེད་བསམ་གྱིན་མེད། གུང་ཁྲན་ཏང་དེ་འདྲའི་ལྐུག་པ་ཞིག་ག་ལ་ཡིན། གལ་ཏེ་ཡིན་ན་བོད་ནང་ལ་ཡག་པོ་བྱས་ནས་མགོ་སྐོར་ནས་མི་འདུག་པར་དགོན་སྡེ་ལ་ལག་པ་འཆང། བོད་ཀྱི་སློབ་གྲྭ་ལ་ལག་པ་འཆང་བ་སོགས་ཀྱི་འུ་ཐུག་གི་ཐབས་ཚུལ་འདི་དག་ག་ལ་སྤྱོད། ངས་གོང་དུ་བཤད་པ་བཞིན་ང་ཚོས་ཀྱང་ཅིག་ལ་སྒུག་ནས་བསྡད་མི་འདུག བོད་ཕྱི་ནང་གཉི་ག་ན་འཕག་གིན་འདུག བདག་གིས་གོ་སྐབས་གང་ཞིག་རེ་བ་རྒྱག་གིན་ཡོད་ཟེར་ན་རྒྱ་ནག་དམངས་གཙོར་འགྱུར་བའི་ཉི་མ་དེའོ། དེའི་བར་ལ་ང་ཚོས་གཞན་མ་ཐུབ་ན་ཆོག ངེས་པར་ཐུབ་དགོས་པ་གཅིག་ཡོད་པ་ནི་རང་གི་རིག་གཞུང་དང་རང་ཉིད་མཉམ་གནས་ཐུབ་རྒྱུ་འདི་རེད།

རང་བཙན་རྕོད་མཁན་ཚོས་རང་བཙན་རྕོད་སྟངས་ཀྱི་ཐབས་ལམ་ཕྲ་ཞིབ་དང་། ཐབས་ལམ་དེ་དག་གིས་དོན་འབྲས་ཇི་ལྟར་ལེན་ཚུལ་ཞིབ་རྒྱས་གསལ་འགོད་བྱ་རྒྱུར་འབད་བརྩོན་གནང་རོགས། དེ་མིན་སོ་སོའི་དམིགས་ཡུལ་དེ་རྒྱུ་མ་ཕུ་དེད་བཏང་ན་རབ་རིབ་ཙམ་ལས་ཤོད་རྒྱུ་མེད་པར་དབུ་མའི་ལམ་གྱིས་ད་བར་དུ་གྲུབ་འབྲས་གང་ཐོབ་མིག་མདུན་དུ་བཤམས་ནས་ཡོད་བཞིན་དུ་གཅིག་གཅིག་མུག་མུག་ཟེར་ནས་གོང་འོག་ཚང་མར་བསྐུར་འདེབས་དང་སྐྱོན་འཛུགས་བྱས་པ་ནི་སྤྱི་དོན་ལ་ཕན་རྒྱུའི་ཚབ་ཏུ་གནོད་བསྐྱལ་གྱི་འདུག

མཆན་མང་པོ་ཞིག་སྤེལ་འདུག ཐུགས་རྗེ་ཆེ། ང་ཚོར་བསམ་ཚུལ་སྣ་ཚོགས་ཡོང་གི་ཡོད་པ་རེད། བསམ་ཚུལ་ནི་བསམ་ཚུལ་ཡིན་པ་མཁྱེན་ནས་བགྲོ་གླེང་གནང་ཐུབ་མཁན་འདྲ་ཡོད་ན་དགའ་བསུ་ཡོད། དེ་ནས་ཁྱེད་རང་གི་དད་པ་དེ་ལྟ་བུ་ང་རང་ལའང་ཡོད་ཅེས་ཞུ་འདོད། ‘‘འདི་འདྲའི་ཚིག་ཅིག་ཨང་’’ཞེས་ཡ་མཚན་གནང་དགོས་དོན་མེད། བསོད་ནམས་ཟད་ན་ངའི་བསོད་ནམས་ཟད་ཀྱི་མ་གཏོགས་ཁྱེད་ཀྱི་བསོད་ནམས་ཟད་ཀྱི་མ་རེད། མ་གཞི་ནས་རྩོམ་འདི་ཡང་དམིགས་ཡུལ་དེ་ལྟ་བུ་ཞིག་ནས་བྲིས་པ་ཞིག་མིན། དགོངས་པ་ཡག་པོ་ཞིག་བཞེས་དང་། ཨ།

ལྷ་མོ་སྐྱབས་ནི་ད་བར་དུ་མདོ་སྨད་ཀྱི་སྤྱི་འཐུས་ཤིག་གི་མིང་འཁུར་ནས་བསྡད་པ་རེད། ཕྱོགས་ཞེན་དང་ཕུགས་རྒྱང་ལ་འགུལ་བསྐྱོད་མི་ནུས་པའི་མི་ཞིག་ཡིན་པ་ཁོས་ཉེ་ཆར་སྤེལ་བའི་འཕྲིན་ཡིག་ལྟ་བུའི་རྩོམ་ཡིག་ཚོའི་ནང་ནས་མངོན་ཡོང་གི་འདུག། གཞུང་འཛིན་པའི་གྲས་དང་རྩོམ་པ་པོའི་གྲས་ལ་ངེས་པར་དུ་རྣམ་དཔྱོད་རྒོད་པའི་རིགས་དགོས་ཀྱི་འདུག གུ་ཡངས་དང་ཕྱོགས་སོ་སོའི་བསམ་ཚུལ་ལ་ཉན་ཕོད་པའི་མི་བུ་ཞིག་དགོས་ཀྱི་འདུག ལྷ་མོ་སྐྱབས་ལྟ་བུའི་སྤྱི་འཐུས་མང་དག་ཅིག་གིས་སྤྱི་མང་ཁེ་ཕན་སྒྲུབ་མི་ཐུབ་པ་ཁོའི་བསམ་བློ་འཁུར་སྟངས་ལས་མངོན་པ་དེ་རེད། བོད་མི་རིགས་དང་རྒྱལ་ཁབ་བསམ་མཁན་ཞིག་ཡིན་ན་གཏན་ནས་མི་རིགས་ཆེད་ལྟ་བ་འཛིན་མཁན་སུ་ལའང་ང་དང་ཁྱོད་ཅེས་དགྲ་འཛིན་གྱི་བསམ་ངན་མི་འཆང་བ་དེ་རེད། འུ་ཅག་གི་རྩོམ་པ་པོ་ཟེར་མཁན་དང་ཆབ་སྲིད་པར་རློམ་པ་རེ་ཟུང་གིས་རང་ཉིད་ཀྱི་སྣང་བར་མི་འགྲོ་བའི་མི་ལ་ཞྭ་མོ་ནག་པོ་གཡོགས་རྐྱང་བྱེད་པ་དང་། མི་དང་སྤྱི་ཚོགས་ཀྱི་བར་ལ་འགལ་རྐྱེན་སློང་ཅི་ཐབས་བྱེད་པ་འདི་ཡིན། འདིས་མི་རིགས་ཀྱི་དོན་དུ་སེམས་འཁུར་ཆེ་བའི་མི་བུ་སྐོར་ཞིག་ལ་སེམས་ཤུགས་ཆད་དུ་འཇུག་པ་དང་། སྤྱི་ཚོགས་སུ་མཁོ་བའི་མི་བུ་རེ་རེ་ཡི་ནུས་པ་གཅོག་གིན་པས་ཡིན། དེ་མུར་སྤུན་ཟླའི་མཐུན་ལམ་རྨེག་མེད་ཀྱིས་ནང་ཁུལ་རྙོག་འཛིང་ལ་མགོར་འཁོར་བས་ང་ཚོའི་རེ་བའང་མི་ཡུལ་དུ་ཤི་མ་གསོན་དུ་གནས་དགོས་པའི་རྒྱུ་མཚན་ཡང་འདི་རེད། སྤྱིར་དེང་སང༧གོང་ས་མཆོག་ལྕེ་སྣེར་འདྲུད་མཁན་ཚོ་དང་དབུ་མའི་ལམ་ལ་ཡིད་ཆེས་སྒྲོག་མཁན་ཚོ་ནི་སྤྱི་མང་ལས་ཁེ་ཕན་འཚོལ་བ་ཤ་སྟག་ཡིན་གསལ་བོར་རྟོགས་ཡོད།

རྒན་ལྷ་མོ་སྐྱབས་ལགས།

༡། ལམ་ནོར་ལྡོག་ཤེས་བྱེད་དགོས་ངེས་དེ་རྒྱ་ནག་གཞུང་ཡིན་པ་ལས་བོད་པ་ཚོ་མ་རེད། ད་དུང་འདིའི་ཉེས་པ་བོད་མི་ནང་ཁུལ་ལ་བཀལ་བསྡད་ན་འགྲིག་གི་མི་འདུག་སྙམ།
༢། ལམ་ཁ་ཡག་ཤོས་དེ་བདམས་ཀྱང་ལམ་ཁ་དེ་སྒུལ་རྒྱུ་མེད་པའི་རྡོ་ཕ་བོང་དག་གིས་བཅད་ཡོད་ཚེ། ཁྱོད་ལ་ལམ་ཁ་གཞན་ཞིག་གི་གདམ་ཀ་སྤྲད་ཡོད་པ་མ་གཏོགས་ཕ་བོང་གི་ཁོག་ཕུག་ནས་འགྲོ་ས་མེད་པ་དེ་ཆོས་ཉིད་རེད་འདོད།
༣། གདམས་ཀ་དེ་ངང་སྒུག་གིས་འཆི་བའམ་ཡང་ན། འཕག་འཚག་གཞན་ཅི་ཡོད་ཅེས་དྲིས་པ་རེད། སྐུ་ཉིད་ཀྱིས་ལན་སྐྱོན་གནང་རོགས།
༤། ཐབས་དང་ཤེས་རབ་གཉིས་ནི་ང་ཚོའི་རིག་གཞུང་གི་སྲོག་རྩ་ཡིན་སྟབས་ཕལ་ཆེར་སུ་ཡིན་རུང་ལམ་ཁ་འདི་བཙལ་བ་དང་། དེའི་ཡག་ཤོས་ལ་འབད་བརྩོན་བྱ་གི་རེད་དེ། ང་ཚོའི་ཐབས་ཤེས་གཉིས་གཞན་གྱི་ཐབས་ཤེས་ཀྱི་འོག་ལ་ལྷུང་སྟེ་རྒྱལ་ཁ་མི་ཐོབ་ན་དེ་ལ་ག་རེ་གནང་དགོས་པ་རེད།
༥། ནང་ཁུལ་གྱི་དཀྲུགས་ཤིང་ཅེས་པ་དེ་ནམ་རྒྱུན་ཡིན་ན་༼ཁྱོད ཚོ་༽དང་༼ང་ཚོ་༽ཞེས་པའི་བརྡ་ཆད་དང་དེའི་རྒྱབ་ཀྱི་ཀུན་སློང་ནས་མགོ་འཛུགས་གིན་ཡོད་པ་ཀུན་ལ་ངེས་གསལ་ཡིན་སྟབས། རྗེས་ཕྱོགས་བསམ་ཚུལ་འདོན་དུས་འདིའི་རིགས་ལ་གཟབ་རྒྱུ་ནི་སྐུ་ཉིད་ལྟ་བུ་ལ་ཞུ་ག་ལ་དགོས།
༦། དབུ་མའི་གཉིས་ཕན་གྱི་ལམ་ནི་དངོས་གནས་བྱས་ན་རྒྱ་བོད་ཕྱོགས་ཀར་དམིགས་པ་ཞིག་ཡིན་སྟབས། ཕར་ཕྱོགས་ནས་ཀྱང་བསམ་བློ་ཐོངས་ན་ཡག་པོ་རེད་དེ། ཕར་ཕྱོགས་ནས་བསམ་བློ་ཐོངས་རྒྱུའི་གཞི་རྩ་ངས་ནི་རྙེད་གི་མི་འདུག དེ་བས་རང་ཕྱོགས་གཅིག་པུའི་ཁེ་ཕན་འདྲ་གླེང་འདོད་འདུག
༧། འོ་ན་ད་ཅི་བྱ་ལབ་ན། དེ་ཚང་མས དྲི་ལན་འཚོལ་རྒྱུ་ཞིག་ལས་མི་གཅིག་གིས་ཇུས་འགོད་ཆེན་པོ་གསར་པ་འཐེན་བཞག་པ་ཞིག་ཁག་པོ་རེད། མ་མཐར་ཡང་རང་གི་ལོ་རྒྱུས་ཀྱི་རྒྱབ་རྟེན་ལ་ཕྱིར་འདང་རེ་རྒྱག་རྒྱུ་གལ་ཆེན་པོ་རེད་འདོད།
༨། དུས་ཚོད་ཀྱི་གནད་དོན་བཤད་གིན་ཡོད་ན། རྒྱ་ནག་གཞུང་གིས་༧གོང་ས་མཆོག་གི་སྐུ་ཚེ་ལ་ཚད་བཙུགས་ནས་སྒུག་བསྡད་ཡོད་པ་རེད། ང་ཚོས་ག་རེཛསྒུག་གིན་ཡོད་པ་རེད། དེ་སྐུ་ཉིད་ཀྱིས་བཀའ་ལན་གསལ་བོ་ཞིག་གནང་རོགས།
ད་དུང་མང་པོ་ཞིག་བགྲོས་རྒྱུ་འདུག་རུང་གནས་སྐབས་དེ་ཙམ་ཡིན། སྐུ་གཟུགས་ལ་ཐུགས་འཇགས་གནང་རོགས། ལས་དོན་མཐའ་དག་འགྲུབ་པའི་སྨོན་འདུན་དང་བཅས།

ཡིད་བཞིན་ནོར་བུ་ཡིད་བཞིན་ནོར་བུ་ངོ་མར་ཁས་ལེན་ན། ༸སྐྱབས་མགོན་ཆེན་པོ་འདི་ཕྱིའི་༸སྐྱབས་མགོན་ཆེན་པོར་གསོལ་འདེབས་ན། ༸གོང་ས་མཆོག་བླ་ན་མེད་པའི་གོང་དུ་བཀུར་ངེས་ན། ཞི་བདེའི་དེད་དཔོན་ཆེན་པོ་ཉིད་འཚེ་མེད་ཞི་བདེའི་ལམ་སྟོན་ཉིད་དུ་བསྟེན་ངེས་ན། ལྷག་པར་དུ་ཡང་བོད་ཀྱི་བདེན་མཐའ་གསལ་བྱེད་ཀྱི་བདེན་པ་ཉིན་རྣམ་པར་རྒྱལ་ངེས་ཀྱི་སྲོག་ཤིང་ངོ་མར་ཡིད་ཆེས་ཤིང་བཀའ་བཞིན་སྒྲུབ་ངེས་ན། ང་ཚོ་ཚང་མས་ཁ་ཡོད་ལག་ཡོད་ཀྱིས་ནུས་པ་འདོན་ཅི་ཐུབ་བྱེད་དགོས་པའི་རྩ་དོན་ནི་ཚིགས་སུ་བཅད་པ་གཅིག་ཉིད་དེ།
“མཉེས་གཤིན་བྱམས་བརྩེས་འགྲོགས་ཐབས་འཚེ་མེད་ལམ། །མཐའ་གཉིས་སྤངས་པ་གཉིས་སྨན་དབུ་མའི་ལམ། །འཇིགས་རུང་དྲག་མཚོན་མ་མཆིས་ཞི་བདེའི་ཡུལ། །བསྐྲུན་པའི་ཐབས་ཚུལ་འགྲུབ་པའི་མཐུ་དཔུང་སྐྱེད། །”ཅེས་པའོ། གལ་ཏེ་སུ་དག་འདི་དག་ལས་རིང་དུ་འགྲོ་བཞིན་ཡོད་ན་དེ་ནི་ནོར་བུ་ནོར་བུར་མི་བརྩི་མཁན་ཞིག་མིན་ན་ལམ་ནོར་ལྡོག་ཤེས་གལ།
གལ་ཏེ་ལམ་ནོར་མེད་པར་བསམས་ཚེ་ལམ་ཡིག་གསར་བ་ཡག་པོ་ཞིག་བྲིས་ན་བཟང། ལམ་ཡིག་མེད་པའི་ལམ་པ་བ་ཚོས་རང་གཞན་གཉི་ག་གཡང་ལ་འཕེན་ཡང་སྲིད།

ངའི་མཐོང་ཚོད་ལྟར་ན། སྙན་བཟང་ལགས་ཀྱི་སྐད་ཆ་འདི་ཚོ་སྔ་མ་སྔ་མ་དག་གིས་བསྐྱར་བཤད་འོར་བཤད་བྱས་པ་དག་ཡང་བསྐྱར་བཟློས་སྐྱོར་ཞིག་བྱས་བཞག་པ་ཙམ་ལས་མི་འདུག རང་བཙན་རྩོད་ན་དེའི་ཐབས་ལམ་ཤོད། གདེངས་ཚོད་ཅི་ཡོད་ཤོད། རྒྱལ་སྤྱིའི་སྒང་གི་དོ་སྣང་ཤོད། གཞན་དག་གི་སྣང་བར་མཐུན་མིན་ཤོད། དུས་ཡུན་གྱིས་གཅོག་མིན་ཤོད། མཇུག་འབྲས་ཤོད།

གཞན་༸གོང་ས་མཆོག་དང་བོད་གཞུང་གིས་ཅིག་མ་འགྲིག་རབས་དང་འཐུས་ཤོར་བཏང་རབས་བཤད་བསྡད་ནས་དགོས་པ་ཅི་ཡང་མེད། ད་བར་བོད་འདི་ས་སྒང་རིལ་བོའི་སྟེང་ན་ལུས་བསྡད་ཡོད་པ་འདི་༸གོང་ས་མཆོག་གི་བཀའ་དྲིན་རེད། ད་ལྟ་རང་རེའི་རིག་གཞུང་དང་མི་རིགས་ཀྱི་ངོ་བོ་རྒྱུན་མཐུད་བཞིན་འགྲོ་བ་འདི་༸གོང་ས་མཆོག་གི་བཀའ་དྲིན་རེད། ད་ལྟ་རང་ཅག་རྣམས་གཞན་གྱི་ས་ཐོག་ན་ཟ་ཆོག་ཆོག་དང་འདུག་ཆོག་ཆོག་ཡོད་པ་འདི་༸གོང་ས་མཆོག་གི་བཀའ་དྲིན་རེད། གཞན་གྱི་མགོ་བོ་མི་འཁྱོག་ས་ན་རང་ཅག་གི་མགོ་བོ་གནམ་ལ་གཏེགས་བཞིན་འགྲོ་ཐུབ་པ་འདི་༸གོང་ས་མཆོག་གི་བཀའ་དྲིན་རེད། ཁ་གཏད་ཀྱི་སྟོབས་ཤུགས་ཅི་འདྲ་ཆེ་ཞིང་ཉེན་འཕྲང་ཅི་འདྲ་ཆེ་ན་ཡང་རང་ཅག་གི་མེ་སོན་ད་དུང་མ་ཉམས་པར་ལམ་ལམ་འབར་བཞིན་པ་འདི་༸གོང་ས་མཆོག་གི་བཀའ་དྲིན་རེད། གཞན་གྱི་ས་ཐོག་ནས་རང་གི་སྲིད་གཞུང་བཙུགས་ཤིང་རང་རེའི་སྐྱིད་སྡུག་ཞུ་ཆོག་ཆོག་ཡོད་པ་འདི་༸གོང་ས་མཆོག་གི་བཀའ་དྲིན་རེད། མདོར་བསྡུས་ན་འདི་དག་ཚང་མ་༸གོང་ས་མཆོག་གི་བྱས་རྗེས་རེད། ༸གོང་ས་མཆོག་གིས་རང་གི་རྔུལ་ཁྲག་གིས་བསྒྲུབས་པའི་གྲུབ་འབྲས་རེད། ༸གོང་ས་མཆོག་གིས་ཟས་བརྗེད་གཉིད་བཅགས་ཀྱིས་མཛད་པའི་བོད་དོན་རེད། ༸གོང་ས་མཆོག་གིས་བྱིས་པ་དམར་རྗེས་གཉོར་གཉོར་གནང་བའི་བོད་ཀྱི་ངོ་གདོང་རེད།

ལྷ་མོ་སྐྱབས་ལགས་་་ཁྱེད་ཀྱིས་༧གོང་ས་མཆོག་ལ་དད་དད་ཀྱིས་སྐད་ཆ་འདི་བཤད་ཀྱི་ཡོད་དམ་གོང་ཁྲན་ཏང་ལ་དགའ་དགའ་གྱིས་བཤད་ཡོད། འདི་ཡང་སྐད་ཆ་ཞིག་མ་དྲིས་ན་དོགས་གཞི་ཅན་ཞིག་རེད།

སྤྱིའི་ཆ་ནས་དེ་རིང་གི་ཁྱོད་ཀྱི་སྐད་ཆ་འདི་ནི་ཕྲུ་གུ་ལོ་བརྒྱད་ཅན་གྱི་སྐད་ཆ་འདྲ་པོ་འདུག་་་་ཧཧཧཧཧཧཧཧཧ
free tibet
free tibet
free tibet
བོད་ཀྱི་བདག་པོ་བོད་མི་ཡིན།
རྒྱ་དམར་བོད་ནས་ཕར་རྒྱུག་བྱོས།
བློ་མཐུན་རྣམས་ཀྱང་ཁྲིད་ནས་སོང་།ཞེས་སྐད་འབོད་རྒྱབ་ཡིན་ད།

ནོར་བཅོས(རྒྱ་ནག་སྲིད་གཞུང་གིས་དབུ་མའི་ལམ་བུར་མིག་གིས་མི་ལྟ་བའང༧གོང་ས་མཆོག་གི་དགོངས་གཞིར་རྒྱབ་སྐྱོར་བ་ཉུང་སོང་བས་ཡ་ལན་མ་སྤྲད་པ”མིན་པ”དེའང་ཤེས་རན་རེད།)

ལྷ་མོ་སྐྱབས་ཀྱིས༧གོང་ས་མཆོག་གིས་སྲིད་དབང་རྩིས་སྤྲོད་གནང་བའི་ཕྱོགས་ལ་ཁོས་བྱུས་རྗེས་བཞག་ཡོད་ཚུལ་བཤད་པ་བདེན་དུ་ཆུགས་རུང་། རང་བཙན་འདོད་མཁན་པ་དག་གིས་ངན་སེམས་འཆང་ཡོད་རབས་བརྗོད་པ་འདིར་སྐྱག་དྲི་ཁ་བོ་ཞེ་དྲག་འདུག རང་བཙན་པ་དང་དབུ་མ་བ་གང་ཡིན་རུང་སེམས་ཀྱི་དམིགས་པ་གཅིག་རེད། བོད་མི་རྒན་གཞོན་གང་ཡིན་པའི་བསམ་ཚུལ་ལ་བརྩི་བཀུར་གནང་རྒྱུ་གལ་ཆེན་པོ་རེད། མཐར་གཏུག་ན་བོད་མི་ཞིག་ཡིན་ཕྱིན་བླ་མ་དང་མི་རིགས་བློས་གཏོང་བ་སུ་གང་ཡོད་པ་མ་རེད། རང་ཉིད་ཡིན་ན་མི་རིགས་འདིའི་ད་ལྟའི་གནས་སྟངས་དང་རན་པ་དབུ་མའི་ལམ་བུ་དེ་བདེ་ཚོད་དུ་བསམ་མྱོང་ལ། བདེན་དོན་གྱི་ལོ་རྒྱུས་ངོས་ནས་རང་བཙན་འདི་ཡང་བློས་གཏོང་མི་འོས་པའི་བསམ་བློ་འཁོར་མྱོང་། ཡིན་ནའང་། རང་བཙན་པ་དང་དབུ་མ་བ་གཉིས་ཀྱི་གང་གིས༧གོང་ས་མཆོག་གི་དགོངས་གཞིར་རམ་འདེགས་ཐུབ་པ་ཐག་གིས་གཅོད་དཀའ་མོ་འདུག རྒྱུ་མཚན་གང་ཡིན་ཞེ་ན། རྒྱ་ནག་སྲིད་གཞུང་གིས་དབུ་མའི་ལམ་བུར་མིག་གིས་མི་ལྟ་བའང༧གོང་ས་མཆོག་གི་དགོངས་གཞིར་རྒྱབ་སྐྱོར་བ་ཉུང་སོང་བས་ཡ་ལན་མ་སྤྲད་པ་དེའང་ཤེས་རན་རེད། དེའི་སྟབས་ཀྱིས་ངས་རྟག་ཏུ་རང་བཙན་ཞེས་འུར་རྒྱག་མཁན་ཚོར་གུས་བཀུར་བཞིན་ཡོད་ལ། ཁོང་ཚོའི་མིག་རྒྱང་དང་བསམ་རྒྱ་ཡང་ཧ་ལས་མྱོང་། ཆབ་སྲིད་འདི་ཚོང་ལས་ཤིག་དང་ཀུན་འདྲ་བས། ངས་ལྷ་ཀླུ་འཇམ་གསུམ་ཁོང་ཚོ་ཚོང་རྒྱག་སྟངས་ལ་བྱང་ཚད་མཐོ་བའི་གྲས་སུ་ངོས་འཛིན་བཞིན་ཡོད། ཡང་ཁ་ཤས་ཤིག་ཏེ༧གོང་ས་མཆོག་ལ་དད་མདོག་སྟོན་མཁན་དང་དབུ་མ་ལ་ནུས་ཤུགས་སྒྲིམ་ཡོད་མདོག་སྟོན་པའི་སྐབས་འཚོལ་ཆབ་སྲིད་པ་དག་མིག་མཐོང་མི་འདོད་ལ། ཁོང་ཚོའི་ཡང་ལྡད་བསྐྱར་ལྡད་ཀྱི་སྐད་ཆ་ཡོད་ཚད་ཡིད་སུན་པའང་ཉུང་ཉུང་མིན། ཁོང་ཚོས་རྟག་པར་སྲིད་གཞུང་དང་མི་མང་བར། ཡང་ན་མི་དང་མིའི་བར་ལོག་རྟོག་གི་སྐད་ཆ་བཤད་པ་དང་། སྒེར་སེམས་ནག་པོས་སྤྱི་ཚོགས་ལ་ངན་སྐུལ་བྱེད་རྒྱུར་གོམས་པས་ཡིན།

ཆབ་སྲིད་ཀྱི་ཚོར་སྣང་རྣོ་བ་མང་པོ་ཞིག་གིས། དེ་སྔ་ནས་འཇམ་དབྱངས་ནོར་བུ་དང་ལྷ་བཟང་། ཀླུ་མཁར་བྱམས་གསུམ་གཙོ་བོར་ཆགས་པ་མ་གཏོགས། རང་བཙན་གྱི་ལྟ་བ་མཁྲེགས་འཛིན་པ་མང་པོ་ཞིག་གིས་དངོས་ཤུགས་བརྒྱུད་གསུམ་ནས་ཡིད་བཞིན་ནོར་བུ་དང་བཙན་བྱོལ་གཞུང་ལ་ངོ་རྒོལ་བྱེད་འདོད་འདུག་པ་ཚོར་ཡོད། རྒྱུ་མཚན་འདི་དག་ལ་བརྟེན་ནས་རང་ཉིད་ཡིན་ན་ཡང་ཁ་ལག་གཉིས་ཀ་འགུལ་ཐུབ་ཚོད་ཀྱིས་འགུལ་བ་ཡིན། ཉེ་སྔོན་གྲོས་ཚོགས་ནང་ལ་༸གོང་ས་མཆོག་གི་གསུང་འཕྲིན་ཇི་བཞིན་མྱུར་དུ་སྒྲུབ་དགོས་པར་ཤུགས་ཀྱང་བརྒྱབ་པ་ཡིན། ཐུབ་ཀྱང་ཐུབ་སོང། དེས་སེམས་ཅུང་བདེ་ཡོད།
གལ་ཏེ་ལོ་རེ་གཉིས་འགྱངས་ན་བཀའ་དྲིན་བསམ་མེད་ལོག་རྟོག་པ་དག་གིས་བརྒྱུད་བསྐུལ་ཏེ་ལེགས་ཉེས་ལ་རྨོངས་པའི་གཞོན་སྐྱེས་དུ་མས་ངོ་རྒོལ་གྱི་རྣམ་འགྱུར་ཅི་རིགས་ཐོན་རྒྱུ་ཡིན་པ་ཚོད་དཔག་ཐུབ་པ་ཞིག་རེད།
ཡིད་བཞིན་ནོར་བུས་དུས་ལ་གཟིགས་ཏེ་བཅའ་ཁྲིམས་ལ་ལེགས་བཅོས་གནང་ཐུབ་པ་འདིས་ཆུ་རགས་འདི་བཀག་ཡོད། ད་གང་ལྟར་ཁོ་པ་ཚོས་འདས་དོན་ལ་འཁང་ར་དང་ལེ་བདའ་བྱེད་པ་ལས་དངོས་སུ་སྐུ་དབང་རྩིས་སྤྲོད་དགོས་པའི་འབོད་སྒྲ་ཞིག་ང་ཚོས་ཐོས་མ་དགོས་པ་བྱུང་བ་རེད།
བོད་གཞིས་ལུས་མི་དམངས་ཀྱིས་ཡིད་བཞིན་ནོར་བུའི་ཞལ་ཞིག་མཇལ་རྒྱུ་དང་གསུང་ཞིག་ཐོས་རྒྱུའི་རེ་སྨོན་ཡང་སྐོམ་པའི་ཆུ་ལྟར་ཡིན་ན་ཡང། འདིར་ཡོད་པ་ཚོ་མི་ཉུང་བ་ཞིག་ལ་ཡིད་བཞིན་ནོར་བུའི་གསུང་ལ་སུན་སྣང་སྐྱེ་གིན་ཡོད་པ་རེད། མ་གསུང་ན་བསམ་གྱིན་ཡོད་པ་རེད། ད་དུང་མ་མཐོང་ན་བསམ་མཁན་ཡང་ཡོད་སྲིད་པ་ཞིག་རེད། ད་ང་ཚོ་ཚད་གང་ལ་ཐོན་འདུག
“ནོར་བུ་རང་ལ་ཡོད་དུས། ནོར་བུའི་ནོར་ངོ་མ་ཆོད།” ཅེས་པ་འདི་རྒྱལ་བ་ཚངས་དབྱངས་རྒྱ་མཚོས་ད་ལྟའི་གནས་སྟངས་འདིར་ལུང་བསྟན་པ་ཞིག་མིན་ནམ། ངས་དེ་རིང་གློ་བུར་དུ་འདི་ལྟར་བསམས་བྱུང། ངོ་མ་ཡིད་སྐྱོ་བ་ཞིག་རེད་ཨང།

སེམས་ཤུགས་འདུག ཐུགས་རྗེ་ཆེ། ཁ་ནང་ལ་བག་ལེབ་སྐམ་པོ་རེག་གི་མེད་པ་ལ་སེམས་ནང་ལ་མོག་མོག་ཚ་བོ་དྲན་བསྡད་པ་འདི་ཡང་སེམས་ཤུགས་ཤིག་རེད། ངས་ནི་རང་བཙན་བཤད་པས་རྒྱ་ནག་སྐྲག་འགྲོ་བ་དང་དབུ་མ་གནང་བས་རྒྱ་ནག་དགའ་འགྲོ་བའི་ཁྱད་པར་ཞིག་མཐོང་གི་མི་འདུག དགོས་ངེས་པ་ཁོ་ཚོ་ལ་སྣང་མེད་དུ་འཇོག་པར་ཁ་གཡར་ས་ཞིག་དགོས་པ་ཡིན་པས། རང་བཙན་གྱི་སྐད་ཆ་བཤད་ན་ཁོ་ཚོ་ལ་དེ་ལས་དགའ་ཞིག་གང་ན་ཡོད། འདང་ཕོག་ན་སྤྲོད་སྲིད་པ་དེ་རང་སྐྱོང་ཡིན་པར་རློམ་ནས་ང་ཚོས་དབུ་མ་གླེང་བཞིན་པ་རེད་མོད། འུ་ཐུག་ཐབས་ཟད་ན་མ་གཏོགས་རྒྱ་ནག་གིས་འདིའི་སྐོར་ལ་བསམ་བློ་གཏོང་མི་སྲིད་ལ། དེ་འདྲའི་དུས་སྐབས་ཤིག་ཀྱང་ད་དུང་ལོ་བརྒྱ་ཕྲག་ཅིག་ལ་སླེབས་མི་སྲིད། རྒྱུ་མཚན་གང་ཞེ་ན་སྙིང་པོ་བསྡུས་ནས་བཤད་ན་ཚིག་གཅིག་སྟེ་རྡུལ་ཕྲན་མཚོན་ཆ་ཡོད་པས་སོ།། རྒྱ་ནག་གི་དེང་སང་ཆེས་སྐྲག་ས་ནི་བོད་མིས་བོད་པའི་སྐད་ཡིག་གི་ཆེད་དུ་འཐབ་རྩོད་བྱེད་པ་དེ་རེད་ལ། ཉིན་ཞིག་བོད་མི་ཚོས་བོད་ནང་དུ་རྒྱ་ཡིག་རྒྱ་སྐད་བཀག་འགོག་བྱས་ཏེ་དེའི་ཆེད་དུ་རང་ལུས་མེར་སྲེག་བྱེད་པ་སོགས་བྱུང་ཚེ། ཏ་ལས་བརྒྱ་ཡིས་ཀྱང་སྤྲོད་མི་ཐུབ་པའི་དཀའ་ངལ་ཞིག་འཕྲད་ངེས་པ་སྨོས་ཅི་དགོས་མོད། ཐེངས་འདིར་ཁོ་ཚོར་རླུང་རྟ་རྒྱུག་ནས་བོད་ནང་གི་བོད་མི་ཚོའི་མངོན་འདོད་ནི་རྒྱལ་བ་རིན་པོ་ཆེ་བོད་དུ་ཕེབས་རྒྱུ་ཙམ་པོ་དེ་རེད

བོད་རིགས་ཡོངས་སུ་མིང་དོན་མཚུངས་པའི་རང་སྲིད་རང་སྐྱོང་ཟེར་བ་འདི་ནི་བོད་རྒྱ་ཆེན་མི་དམངས་ཀྱིས་འདོད་པ་མེད་པའི་སྒྲུབ་བྱ་ཞིག་དང་དམངས་མོས་མེད་པའི་སྲིད་བྱུས་ཤིག་རེད།

དབུ་མ་ལམ་ནི་དེ་འདྲ་མ་རེད། གཉིས་ཕན་རེད། རྒྱ་རྒྱ་ཡུལ་དུ་སྐྱིད་བོད་བོད་ཡུལ་དུ་སྐྱིད་པས་་་་རྒྱ་སྐྱིད་བོད་བདེ་ཡི་ལམ་ཕྱོགས་ཤིག་དང་བོད་མི་རིགས་ཀྱི་རྩ་དོན་མཐའ་མའི་ཐག་གཅོད་བོད་རྒྱ་ཆེན་མི་དམངས་ཀྱི་གནང་དགོས་པར་༧གོང་ས་མཆོག་གི་ཐུགས་ནས་འཁྲུངས་པའི་དམངས་གཙོ་རེད།

༧གོང་ས་མཆོག་གིས་ལོ་མང་རིང་དུ་བོད་མི་རྣམས་སུ་རང་གི་ཕྲག་པའི་སྟེང་དུ་འགན་ཁུར་ཞིག་ཡོད་བསམ་པ་དགོས་ཞེས་ཐེངས་བརྒྱ་ལྷག་གསུངས་མྱངས་ཡོད་རེད།
འགན་ཁུར་དགོས་གསུངས་པ་དེས་དམངས་གཙོ་བསྟན་གྱི་ཡོད་རེད། འགན་མ་ཁུར་ན་དམངས་གཙོ་ཡོང་ཐབས་མེད་པ་དང་དམངས་མོས་ཀྱི་སྲིད་ཇུས་ཤིག་གཏན་འབེབས་བྱ་ཐབས་མེད་པ་རེད།

བོད་མི་ཚང་མས་འགན་ཁུར་ཐུབ་པ་བྱུང་ན་༧གོང་ས་མཆོག་གིས་རིང་ནས་སྙིང་ལ་མནར་བའི་འདོད་དོན་ངོ་མ་བོད་རང་བཙན་གཙང་མ་ཞིག་ཐོབ་ཀྱི་རེད་འདོད།
སྲིད་འཛིན་བློ་བཟང་སེང་གེས་རེ་འདོད་ལྟར་བོད་ཀྱི་རྒྱལ་ཁང་ཕོ་བྲང་པོ་ཏ་ལའི་ནང་དུ་༧གོས་ས་མཆོག་ཁྲི་ལ་འཁོད་ཐུབ་ཀྱི་རེད་འདོད།

གཉིས་ཕན་དང་ཞི་བདེ། སྙིང་རྗེ་དང་བྱམས་པ་སོགས་ཀྱི་ལྟ་གྲུབ་རྣམས་བོད་མི་རིགས་ཀྱི་རིག་གནས་དང་འདྲེས་ནས་ཡོད་པས་དོར་ཐུབ་ཀྱི་མ་རེད་ལ་དོར་དགོས་དོན་ཡང་མེད།
ང་ཚོ་ལ་མི་མཁོ་བ་ནི་་་བོད་རིགས་ཡོངས་སུ་མིང་དོན་མཚུངས་པའི་རང་སྲིད་རང་སྐྱོང་ཟེར་བ་འདི་ཡིན། འདི་ནི་གོང་ཁྲན་ཏང་གི་རྩ་ཁྲིམས་ཀྱི་སྒྲོལ་གཞིའི་འོག་ཏུ་མ་གཏོགས་ཡོང་ཐབས་མེད་པ་རེད།
བོད་མི་རིགས་སུ་མནར་གཅོད་བཏང་བསྡད་པའི་གཞི་ངོ་མ་ཏང་གིས་རྩ་ཁྲིམས་ཀྱི་སྒྲོལ་གཞིའི་འོག་ཏུ་རེད།
བོད་མི་རིགས་ཀྱིས་མནར་གཅོད་རག་སར་གོང་ཁྲན་ཏང་གི་རྩ་ཁྲིམས་ཀྱི་འོག་ཏུ་རེད།
བོད་མི་རིགས་ཀྱི་གཏེར་ཁ་འཕྲོག་སར་གོང་ཁྲན་ཏང་གི་རྩ་ཁྲིམས་ཀྱི་འོག་ཏུ་རེད།
བོད་ཀྱི་ཁོར་ཡུག་གཏོར་སྐྱོན་བཏང་བ་ཡང་ཏང་གི་རྩ་ཁྲིམས་འོག་ཏུ་རེད།
བོད་མི་ཉེས་མེད་དམར་བསད་བཏང་སར་ཡང་ཏང་གི་རྩ་ཁྲིམས་ཀྱི་འོག་ཏུ་རེད།

རྩ་ཁྲིམས་སྡུག་སྐྱ་འདི་འདྲ་ཞིག་གི་སྒྲོལ་གཞིའི་འོག་ཏུ་སྡོད་འདོད་ཡོད་ན་སྨྱོ་པ་ཡིན་གྱི་རེད་མ་གཏོགས་བོད་མི་ཉམ་ཆུང་ཚོ་སྡོད་འདོད་མེད་ནས་རང་ཤི་བརྒྱབས་ཀྱི་ཡོད།
བོད་རྒྱལ་ལོ། རང་བཙན་རྒྱལ་ལོ།།།

ཁྱེད་ཀྱི་རྩོམ་ཡིག་ཧྲིལ་བོ་འདི་དང་གཤམ་གྱི་མཆན་གང་ལ་བལྟས་ནའང་། རྩ་སྙིང་དབུ་མའི་ལམ་གྱི་བཀོད་པར་མ་མཛེས་པའི་བཤད་རྒྱ་ཞིག་རེད་བཞག ཆོག་གི། བདེན་པ་ཡིན་སྲིད། ཡིན་ནའང་བཙན་བྱོལ་དཀྱིལ་འཁོར་གྲུ་བཞི་འདིར། རང་བཙན་འཐབ་རྩོད་བྱེད་མཁན་ཞིག་དང་། དབུ་ལམ་སྙེགས་མཁན་གཉིས་སུ་གྱེལ་སྟངས་ཀྱི་ཆ་ནས་སེམས་ན་དེ་དགོས་ངེས་ཞིག་རེད་སྙམ།
ཡིན་ཡང་མྱུལ་ལྟ་ལེགས་པོ་ཞིག་བྱས། ལམ་དབུ་མའི་གཞུང་ལམ་རིང་མོ་འདིར་དུས་བབས་འགྱུར་ལྡོག་གི་རྩིས་ཕྲ་ཞིག་བཀོད་ཡོད་ལ། སྙིང་རྗེ་དྲོད་སྐྱིད་ཀྱི་བསིལ་རེག་ཞིག་ཀྱང་ལྡན་ཡོད་ངེས་རེད། འདས་པའི་འཐབ་རྩོད་འཕེལ་རིམ་ལེབ་མོ་རུ་ཕྱིར་བལྟས་ཞིག་བྱས། ཁྱེད་ཀྱིས་བསམ་པར་ལྟར།༼རྔ་ཞིག་བརྡུངས་མ་ཐག་འཁྱམ་ཞིག་འཁྲབ་ཁུལ་བྱས་༽པར་ཡིིན་སྲིད་ཀྱང་། དགོས་དོན་དེ་ཉིད་རེད། འོན་ནའང་ལམ་གྱི་ནུས་པས་དེ་ཉིད་ཇི་ལྟར་སེལ་ཡོད་དམ་ཞེས་ན། ༡༽རྒྱ་བོད་གྲོས་མོ་བྱེད་སའི་གར་སྟེགས་འདི་དང་། ༢༽སྐམ་ས་ཆེན་པོའི་མི་བུ་གང་མང་བླ་འགུགས་ཐུབ་པ་དེ་དང་། ༣༽འཕྲལ་མར་རྒྱ་གཞུང་ནས་སྤེལ་བའི་རྫུན་རྐུབ་གཏོར་ཤིང་། ད་དུང་རྫུན་གཏམ་གསར་བ་ཞིག་གིས་མགོར་ཇུས་དགོས་པ་འདི་དང། ༤༽གཞེས་བྱེས་ཕ་བུ་བར་གྱི་འབྲེལ་ཐག་སོགས་གྲངས་ཆུང་ནས་གྲངས་ཆེན་ཏུ་འཕར་ཡོད།
༼མ་རེད་སྙམ༽དེ་དངོས་ཡོད་རེད། ཕྱི་གླིང་གི་རྒྱལ་ཁབ་དེ་དག་གིས་ཁ་བསྒྱུར་བྱས་པར་གང་ཡང་མ་རེད། ཚད་ལྡན་དམངས་གཙོའི་འགྲོས་དང་མཐུན་པའི་སྒོ་ནས་ཐག་གཅོད་སོང་བ་ཞིག་རེད། གནད་དོན་དེར་ངེས་པ་ར་མཁྱེན་དགོས་པར་ཞིག་ནི།
༼ལྟ་གྲུབ་དང་དད་པ་དག་སྣང་༽ཙམ་གྱིས་མི་རིགསའདིའི་མདུན་ལམ་འདེམས་པ་ནི་དངོས་གནས་སྐྱོ་གར་གྱི་བསམ་ཚུལ་ཞིག་ཏུ་ལྷུང་། གྲོས་མགོ་ནས་བཏོན་ནའང་ཐག་དམངས་ཀྱིས་བཅད་པར་ལྟ་གྲུབ་དག་སྣང་གིས་ཕྱོགས་སུ་འཐེན་པར་བདེན་ཁ་མ་སྤོད་རོགས། ༸རྒྱལ་བ་རིན་པོ་ཆེས་‘‘ངས་བདམས་པའི་ལམ་དབུ་མའི་སྲིད་ཇུས་ལ་འགྱུར་བ་མེད་’’ཞེས་པ་དེ་དང་། ཡང་ཁོང་གིས’ བོད་ཀྱི་མཐའ་མའི་ཐག་གཅོད་བོད་མི་མང་གིས་གནང་གི་རེད་’ཅེས་པའི་བསྡོམས་ཚིག་ལྕི་མོ་འདིའི་སྟེང་ལ་བསམ་གཞིགས་སྣོན་པོ་རེ་བྱས་ནས། སྒྱུ་འཕྲུལ་གྱི་ནུས་པ་ཞིག་མེད་ནའང་མྱུར་སྐྱོབ་ཀྱིས་སྲིད་བྱུས་ཇི་ལྟར་སྤེལ་དགོས་སམ། སྤེལ་སྟངས་ཞིག་གསུངས་རོགས་གནོངས་དང་། །

སྙན་བཟང་གཡུང་དྲུང་ཚེ་རིང་ལགས་ཀྱི་བསམ་ཚུལ་འདི་ཀྱོག་འདུག།
སྲིད་ཇུས་གང་ཡིན་ཡང་ལྗི་ཡང་གཞལ། ནུས་པ་ཆེ་ཆུང་གཞན་ནས་བཤད་རྒྱུ་གལ་ཆེན་མཐོང་།

ལམ་དབུ་ལས་གཞན་པའི་ལམ་ཞིག་འཚོལ་དགོས་ཞེས་རྨོངས་སྐད་ཆེན་པོ་ཞིག་སྒྲོག་གིན་འདུག་པ་ཚོས་ལམ་དབུ་ལས་ལམ་གཞན་རྩོད་ན་རྩོད་ལུགས་རྩོད་སྟངས་ཀྱི་ལས་རིམ་ཞིབ་ཚགས་ཞིག་མི་ལོ་ལྔ་བཅུ་རིང་ལ་མིག་གིས་མཐོང་ཡུལ་དུ་གྱུར་མ་སོང་།
ཕལ་ཆེར་ལམ་དབུ་མ་ལས་ལམ་གཞན་ཞིག་རྩོད་དགོས་ཞེས་ཁ་སྟོང་ནང་གི་ཚིག་སྟོང་སྒྲོག་མཁན་འདི་ཚོས་མཁས་ཉམས་ཕྱིར་ད་བར་མི་སྟོན་པར་ལམ་གཞན་པའི་ཐར་ལམ་གྱི་ལས་རིམ་ཕལ་ཆེར་ཁོག་ཏུ་སྦས་ནས་བསྡད་ཡོད་པ་འདྲ།
ཁོག་ཏུ་སྦས་ནས་བསྡད་ཡོད་ན་བོད་མི་མང་གསལ་སྟོན་བྱ་རྒྱུའི་དུས་ལ་སླེབས་འདུག
དེ་མིན་རང་ཉིད་ཀྱིས་གང་རྩོད་ཀྱང་རང་ཉིད་ཀྱིས་ཐོབ་ཐང་ཡིན་ཡང་ལམ་ལུགས་གཞན་ལ་གང་འདོད་ཀྱིས་སྐྱོན་བརྗོད་མ་གནང་ན་ལེགས་སྙམ།

རྒྱ་དམར་གྱིས་བོད་རང་བཙན་གྱི་ལམ་དུ་བསྐྱལ་ཀྱང་རང་བཙན་གྱི་ལམ་དུ་མ་འགྲོ་ན་མི་ལེགས་སམ།
ཁ་བརྡར། ༢༽ ཀརྡོ་རབ་འབྱམས་པ་ནས།
སྤྱི་ལོ་ ༢༠༡༡ ཟླ་ ༡༢ ཚེས་ ༣ གི་ཆུ་ཚོད་ ༨ སྐར་མ་ ༣༠
ཁྲན་ཝན་ཅཱན་ལགས་ཀྱིས།
བོད་ཁ་བ་གངས་ཅན་པའི་ལྗོངས་འདི་ནི། མི་རབས་ནས་མི་རབས་བར་ལྷ་དང་བླ་མར་དད་ཅིང་བྱམས་སེམས་ལྡན་པའི་མི་རིགས་ཤིག་ཡིན་ནའང་། ད་ནི་རྒྱ་དམར་པོའི་དབང་བསྒྱུར་ལ་བཟོད་བསྲན་བྲལ་བའི་ཚད་དུ་སླེབས་སོང་ཟེར་བ་འདི་རེད། ་་་་་་་་
གྲྭ་བཙུན་རེ་རེ་བཞིན་ཡོད་པའི་རྒྱུ་མཚན་གྱིས། མེ་དཔུང་གི་ཁྲོད་ནས་རང་དབང་ལ་རེ་བའི་ཡ་ང་བའི་འབོད་སྒྲ་སྒྲོག་ཅིང་།གསོན་སྡུག་ལས་འཆི་བཟང་གི་དཔེ་ལྟར། འདི་ནི་རང་དབང་བརླག་པ་ལས་ཤི་བར་བདམས་པའི་མི་རིགས་ཤིག་རེད། རྒྱུ་དངོས་འབྱོར་བ་ལ་རྔམ་པའི་འཛམ་གླིང་འདིའི་ཐོག མི་རིགས་འདི་འཛམ་གླིང་ས་ཡི་ཡང་རྕེར་གནས་ཡོད་པ་མ་ཟད། ཁོང་ཚོའི་བསམ་བློ་ཡང་མིའི་རིགས་ཀྱི་ཚད་མཐོ་ཤོས་རེད། ་་་་་་་
བོད་མིའི་ངོས་ནས་བཤད་ན། རྒྱ་དམར་གྱིས་བོད་ལྗོངས་སུ་འཛུགས་བསྐྲུན་གྱིས་སྲོལ་རྒྱུན་འཚོ་ཐབས་ལ་གཏོར་བཤིག་གཏོང་བ་མ་ཟད། རྩ་ཆེ་བའི་རང་བྱུང་ཁམས་ཀྱི་ཁོར་ཡུག་ལ་གཏོར་བརླག་དང་། རྒྱ་དམར་གྱིས་བཅོས་བསྒྱུར་ནི་ཁོང་ཚོའི་རིག་གཞུང་རྩ་མེད། སེམས་ཁམས་རྡོག་རོལ་དུ་བཏང་བ་ཞིག་རེད། རྒྱ་དམར་གྱིས་ཅི་བྱས་ཅི་ལས་ཐམས་ཅད་བོད་མི་རིགས་རྩ་མེད་གཙང་དག་བྱེད་པ་ཞིག་རེད། ་་་་་
ཁོང་ཚོོའི་དགོས་འདུན་གཅིག་པུ་ནི། ཁོང་ཚོའི་འཚོ་ཐབས་ལྟར་འཚོ་བ་སྐྱེལ་རྒྱུ་དེ་རེད། ཡིན་ན་ཡང་། རྒྱ་དམར་དབང་བསྒྱུར་པས་མཐའ་གཅིག་ཏུ་འདི་ལྟའི་མཛའ་བརྩེའི་དགོས་འདུན་ལ་སྣང་མེད་ངང་། ཁ་ཡ་དྭང་ལེན་མི་བྱེད་པ་དང་ནུས་ཤུགས་གང་ཡོད་ཀྱི་སྐྱོན་འཛུགས་དམའ་འབེབས་དང་ངན་ཁག་འདྲི་བ་མ་ཟད། ཆེས་གདུག་རྩུབ་ཅན་གྱི་བྱེད་ཐབས་སྤྱད་དེ་དྲག་གནོན་བྱས། མཇུག་འབྲས་ནི་བོད་མི་དམངས་ཀྱི་སེམས་ཁམས་ཉིན་རེ་རེར་བཞིན་ཁ་འབྲལ་དུ་ཕྱོགས་ཏེ། རང་བཙན་གྱི་ལམ་དུ་སྐྱེལ་བ་རེད། ་་་་་་

ཉམས་ཞིབ་གནང་ཟིན་པའི་སྐད་ཆ་རེད། བོད་ཞེན་གྱི་སྐད་ཆ་རེད། རྒྱབ་བསྐྱོར་ཡོད་ལ། ཐུགས་རྗེ་ཆེ་ཞུ་རྒྱུ་ཡིན། ཤེས་ཡོན་པ་ཟེར་བ་ནི་འདི་འདྲ་ཞིག་ཡིན་རྒྱུ་རེད།