བོད་རང་སྐྱོང་ཨེ། ང་ཚོར་རང་བཙན་དགོས།

ལྷ་མོ་སྐྱབས་ཀྱི་ཧམ་བཤད་ལ་ཉན་ནས་དགོད་བྲོ་བ་ཞིག་བྱས་སོང་། སྐུ་སྒེར་ཡིག་ཚང་དང་བཀའ་བློན་ཁྲི་བས་གདན་ཞུ་གནང་ཚེ་ལས་ཀ་བྱ་རྒྱུ་ཡིན་ཟེར་སྲོལ་ནི་གླེན་པའི་རང་རྟགས་ལས་མ་འདས། ཁྱེད་ལ་སྐུ་སྒེར་ཡིག་ཚང་དང་བཀའ་བློན་ཁྲི་བར་ཕན་ཐོགས་པའི་ཡོན་ཏན་ཅི་ཞིག་ཡོད་དམ། ཁྱེད་ཀྱིས་བཤད་སྟངས་ལས་ཁྱེད་ལ་རང་རློམ་གྱི་ངར་རྒྱལ་འབའ་ཞིག་ལས་ཅི་གང་མེད་པ་རྟོགས་ཐུབ། སྐུ་སྒེར་ཡིག་ཚང་དང་བཀའ་ཤག་སྲིད་གཞུང་ཁྱེད་ཁོ་ནར་མིག་ཅེར་སྡོད་དགོས་དུས་བཙན་བྱོལ་བོད་གཞུང་ཡང་ཚར་ཚར་བ་རེད། དེང་སང་བཙན་བྱོལ་བོད་མིའི་སྐད་ཡིག་སྣ་ཚོགས་ཤེས་པའི་གཞོན་རབས་པ་སྔར་ལས་མང་དུ་ཐོན་བཞིན་ཡོད་པས། བོད་ཡིག་ཁོ་ན་ཤེས་ཙམ་ཞིག་གིས་ཁུངས་འཁྱོལ་གྱི་མེད་པས་ཤེས་ན་བཟང་བར་མཐོང་། སྰ་ར་སློབ་གྲྭར་བཏོན་པའི་ཆ་རྐྱེན་དེའང་ཅི་འདྲའི་ཡ་མཚར་ཞིག་རེད། ཁྱེད་ལ་ཆེས་སློབ་གྲྭ་ཞིག་ལ་སློབ་ཁྲིད་ཆོག་པའི་ལེག་ཁྱེར་འཛིན་མ་ཞིག་མཁོ་སྤྲོད་བྱ་དགོས་པ་དང་། བསླབ་ཁྲིད་ལས་ཁྱེད་རང་རྩོམ་ཡིག་སྤེལ་བར་དུས་ཚོད་སྤྲོད་དགོས་པ་ནི་སུས་ཀྱང་ཡིད་དུ་མ་ཤར་བ་ཞིག་རེད། དེའི་སྟབས་ཀྱིས་ཁྱེད་ཧམ་བཤད་དེས་ཁྱེད་རང་གི་ཅི་གང་མི་ཤེས་པ་ཚོར་སོང་ལ། ཁྱེད་ཀྱི་སློབ་མ་ཚོའི་མགོ་ལའང་ཆུ་བླུག་ཚར་བས་སྐད་ཆ་བཤད་ནའང་བསམ་བློ་གཏོང་དགོས་པར་འདོད།

ལྷ་མོ་སྐྱབས་ལགས་་སྒེར་དོན་ཁ་རྩོད་རྒྱབ་མ་ཡོང་ཨ་་་་དགེ་ཆོས་མཆོག་གིས་བཀའ་གསུངས་ཀྱི་སྐོར་དུ་རྗེས་མ་བཤད་དུས་ཚོད་བྱུང་ན་བཤད་ཆོག་་མཁྱེན་སོང་་་ཁྱེད་ཀྱིས་ཁྱབ་ལོག་ཞིག་བསྒྲུབ་འདུག་་་་དེ་སྐོར་དེ་ཙམ་ཡིན།

དྲི་བ་གཞན་དག་ལ་ཁྱེད་ཀྱིས་ལན་ཐེངས་གཉིས་གནང་བྱུང་་་་ཐུགས་རྗེ་ཆེ། གནད་ལུགས་མི་འདུག

ད་ང་རང་ཚོས་བོད་མི་རིགས་བླ་སྲོག་སྐད་ཡིག་སྐོར་དུ་གླེང་་་་རྒྱ་བོད་གཉིས་ཀྱི་ཕྱོགས་ནས་བཅའ་ཁྲིམས་དང་རྩ་ཁྲིམས་ནང་དུ་གང་བཀོད་ཡོད་མེད་དང་ལག་ལེན་ག་འདྲ་བསྟར་ཡོད་མེད་ཞིབ་སྡུར་ཞིག་བྱེད་ན་་་་མ་རེད་པས།
ལམ་དབུ་མ་བ་ཚོས་ཡག་པོ་གསན་རོགས་བྱོས་ཨ།
　1984ལོའི་ཟླ5ཚེས31ཉིན་རྒྱལ་ཡོངས་མི་དམངས་འཐུས་མིའི་ཚོགས་ཆེན་སྐབས་དྲུག་པའི་གྲོས་ཚོགས་ཐེངས་གཉིས་པའི་ཐོག་གྲོས་འཆམ་བྱུང་ཞིང༌། 2001ལོའི་ཟླ་2ཚེས་28ཉིན་རྒྱལ་ཡོངས་མི་དམངས་འཐུས་མིའི་ཚོགས་ཆེན་སྐབས་དགུ་བའི་རྒྱུན་ལས་ཨུ་ཡོན་ལྷན་ཁང་གི་གྲོས་ཚོགས་ཐེངས་ཉི་ཤུ་བའི་ཐོག་བཞག་པའི་མི་རིགས་ས་ཁོངས་རང་སྐྱོང་བྱེད་ཕྱོགས་སྐོར་གྱི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བཅའ་ཁྲིམས་ལ་བཟོ་བཅོས་རྒྱག་རྒྱུའི་སྐོར་གྱི་ཆོད་དོན་ལྟར་བཟོ་བཅོས་བརྒྱབ་ཡོད།

དོན་ཚང་དང་པོ། མི་རིགས་ས་ཁོངས་རང་སྐྱོང་བྱེད་ཕྱོགས་སྐོར་གྱི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བཅའ་ཁྲིམས་འདི་ནི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་གཞིར་བཟུང་ནས་གཏན་ལ་ཕབ་པ་ཡིན།

དོན་ཚན་བཅུ་པ།མི་རིགས་རང་སྐྱོང་ས་གནས་ཀྱི་རང་སྐྱོང་ལས་ཁུངས་ཀྱིས་ས་གནས་དེ་གའི་མི་རིགས་ཁག་ཚང་མར་རང་ཉིད་ཀྱི་སྐད་ཡིག་བེད་སྤྱོད་དང་དར་རྒྱས་སུ་གཏོང་བའི་རང་དབང་ཡོད་པ་དང༌། རང་ཉིད་ཀྱི་ཡུལ་སྲོལ་གོམས་གཤིས་སྔར་མུས་འཛིན་པའམ་བསྒྱུར་བཅོས་བྱེད་པའི་རང་དབང་ཡོད་པར་འགན་སྲུང་བྱ་རྒྱུ།

དོན་ཚན་ཉེར་གཅིག་པ། མི་རིགས་རང་སྐྱོང་ས་གནས་ཀྱི་རང་སྐྱོང་ལས་ཁུངས་ཀྱིས་ལས་འགན་སྒྲུབ་སྐབས་མི་རིགས་རང་སྐྱོང་ས་གནས་དེ་གའི་རང་སྐྱོང་སྲོལ་ཡིག་ནང་གསལ་གཏན་འབེབས་ལྟར་ས་གནས་དེ་གར་ཐུན་མོང་དུ་སྤྱོད་པའི་སྐད་ཡིག་རིགས་གཅིག་གམ་ཁ་ཤས་སྤྱོད་རྒྱུ་དང༌།ཐུན་མོང་དུ་སྤྱོད་པའི་སྐད་ཡིག་རིགས་ཁ་ཤས་ཀྱི་ཐོག་ནས་ལས་འགན་སྒྲུབ་སྐབས་ས་ཁོངས་རང་སྐྱོང་དངོས་སུ་བྱེད་པའི་མི་རིགས་དེའི་སྐད་ཡིག་གཙོ་བོར་བཟུང་ཆོག

དོན་ཚན་ཉེར་གསུམ་པ། མི་རིགས་རང་སྐྱོང་ས་གནས་ཀྱི་རང་སྐྱོང་ལས་ཁུངས་ཀྱིས་དམིགས་བསལ་གྱི་བྱེད་ཐབས་ལ་བརྟེན་ནས་ཆེད་ལས་པ་སྣ་ཚོགས་རང་སྐྱོང་ས་གནས་ཀྱི་འཛུགས་སྐྲུན་ལས་དོན་ཁག་ཏུ་ཞུགས་ཐུབ་པར་ལྟ་རྟོག་དང་བསྔགས་བསྐུལ་བྱས་ཆོག

དོན་ཚན་སོ་དྲུག་པ།མི་རིགས་རང་སྐྱོང་ས་གནས་ཀྱི་རང་སྐྱོང་ལས་ཁུངས་ཀྱིས་རྒྱལ་ཁབ་ཀྱི་སློབ་གསོའི་བྱེད་ཕྱོགས་གཞིར་བཟུང་བ་དང་བཅའ་ཁྲིམས་ནང་གསལ་གཏན་འབེབས་ལྟར་ས་གནས་དེ་གའི་སློབ་གསོའི་འཆར་གཞི་དང༌། རིམ་པ་དང་རིགས་མི་འདྲ་བའི་སློབ་གྲྭ་ཁག་གི་འཛུགས་ལུགས་དང་སློབ་ཡུན།སློབ་གྲྭ་གཉེར་སྟངས། སློབ་ཁྲིད་ཀྱི་ནང་དོན། སློབ་ཁྲིད་བྱེད་པའི་སྐད་རིགས། སློབ་གྲྭ་བ་སྡུད་ཐབས་བཅས་ཐག་གཅོད་རྒྱུ།

དོན་ཚན་སོ་བདུན་པ། མི་རིགས་རང་སྐྱོང་ས་གནས་ཀྱི་རང་སྐྱོང་ལས་ཁུངས་རང་ཐག་རང་གཅོད་ཀྱི་སྒོ་ནས་མི་རིགས་ཀྱི་སློབ་གསོ་འཕེལ་རྒྱས་བཏང་སྟེ་ཡིག་རྨོངས་བསལ་རྒྱུ་དང༌། སློབ་གྲྭ་སྣ་ཚོགས་འཛུགས་རྒྱུ།ལོ་དགུའི་འོས་འགན་སློབ་གསོ་ཁྱབ་གདལ་དུ་གཏོང་རྒྱུ། རྣམ་པ་སྣ་མང་ལ་བརྟེན་ནས་མཐོ་གྲས་འབྲིང་རིམ་དཀྱུས་མའི་སློབ་གསོ་དང་འབྲིང་རིམ་ལས་རིགས་ཀྱི་ལག་རྩལ་སློབ་གསོ་འཕེལ་རྒྱས་གཏོང་རྒྱུ། ཆ་རྐྱེན་དང་དགོས་མཁོ་དང་བསྟུན་ནས་མཐོ་རིམ་སློབ་གསོ་འཕེལ་རྒྱས་གཏོང་རྒྱུ་བཅས་དང༌།གྲངས་ཉུང་མི་རིགས་ཁག་གི་ཆེད་ལས་ཤེས་ལྡན་མི་སྣ་གསོ་སྐྱོང་བྱ་རྒྱུ།་་་་ཞེས་སོགས་ཡིན་མདོག་ཁག་པོ་བཟོས་ཡོད་པ་རེད།

ད་ངོ་མས་བགྲོ་གླེང་ཞིག་གི་ཚུགས་ཀ་སླེབས་འདུག ཡག་ཐག་ཆོད་རེད། ཡི་རང་ཞུ། ད་དུང་ཞན་ཆ་ཅུང་ཞིག་ཡོད་པ་ནི་མི་སྒེར་གྱི་དོན་དག་ཀྱང་ཞ་ཞོར་ལ་དྲུད་ཡོང་གི་འདུག དེ་ཡག་པོ་མི་འདུག འདི་ལ་མཁྱེན་ལྡན་རྣམ་པ་ཚོས་བསྒྱུར་བཅོས་ཤིག་གནང་རོགས། གཞན་ཁོམ་སྐབས་ནམ་ཡོད་ལ་ལྟ་བཞིན་ཡོད་ཞུ་རྒྱུ་ཡིན།

ཅོ་ཉི་ལགས།

སྐུ་ཉིད་ཀྱི་དྲི་བ་ཆོ་མེད་དེ་ཚོར་སྤྱི་ཟུར་ཆབ་བྲག་མཆོག་ནས་ལན་གསལ་བོ་གོ་བདེ་བོ་དེ་འདྲ་གནང་འདུག་པས་ངས་ཅང་མི་བཤད།

བཀུར་འོས་ཤར་ཕྱོགས་ཁུག་རྟ་ལགས།

མང་པོ་བཤད་རྒྱུ་མེད། ༸རྒྱལ་བ་རིན་པོ་ཆེར་ནོ་སྦེལ་ཞི་བདེའི་གཟེངས་རྟགས་ཕུལ་དགོས་དོན་སོགས་དྲ་ཐག་འདི་ན་འདུག

http://www.nobelprize.org/nobel_prizes/peace/laureates/1989/presentation-speech.html#

མགྱོགས་པོར་མཇལ་ཡོང་།

ཨབ་ཕྱི་ལགས།

ངའི་རྩོམ་ལ་གནས་ལུགས་མེད་པ་བདེན་སྲིད། ཡིན་ནའང་རྩོམ་འདི་ངའི་བསམ་ཚུལ་ཞིག་རེད། ཁྱོད་ལ་གཤག་བཅོས་ཀྱི་སྤོབས་པ་ཡོད་ན་ཐེར་འདོན་དོང་སྤྲུག་བྱེད་ཀྱི་ཡིན་ཟེར་ནའང་དགའ་བསུ་ཡོད། ངས་ཀྱང་རང་གི་ཤེས་ཚོད་ཀྱིས་མུ་མཐུད་དུ་བསམ་ཚུལ་འདོན་རྒྱུ་ཡིན།

ཁྱོད་ཀྱིས་སྙན་བཟང་གིས་རང་ཉིད་གྲགས་འདོད་ཙམ་གྱི་ཆེད་དུ་སྐད་ཆ་རྫིག་པོ་ཤོད་ཀྱི་འདུག་ཟེར་གྱི་ཡོད་པ་རེད། ངས་སྐད་ཆ་རྫིག་པོ་ཤོད་ཀྱི་མེད། ཡིན་ནའང་རྩོམ་ངོས་ནས་རང་གཤིས་མངོན་རྒྱུ་འདི་ཡང་ཆོག་པ་ལྟ་བུ་ཞིག་རེད། རྩོམ་གཞུང་དུའང་རྩོམ་གྱི་གཤིས་ཉམས་དང་། རྩོམ་པ་པོའི་གཤིས་ཉམས་ཞེས་དབྱེ་བ་འབྱེད་རྒྱུ་ཞིག་ཡོད་པ་འདྲ། ཕྱོགས་གཞན་ནས་བཤད་ན། སྙན་གྲགས་ཟེར་བ་འདི་སུའང་དགོས་འདོད་ཡོད་པའི་གཟུགས་མེད་ཀྱི་སྟོབས་ཤུགས་ཤིག་རེད། ང་ལ་མཚོན་ན་རྒྱལ་ཁབ་མེད། རང་བཙན་མེད་སྟབས། ཕྱིའི་རྒྱལ་ཁབ་ཅིག་ཏུ་ཡོང་ནས་ཁ་སྒོར་སྒོར་དང་། གྲོད་པ་རིལ་རིལ་འདིའི་ཆེད་དུ་ཟ་ཁང་ཞིག་ཏུ་ཕོར་བ་བཀྲུ་བཞིན་མི་ཡུལ་གྱི་འཚོ་བ་ངན་ངོན་དང་། ལོ་ཟླ་བན་བུན་ཞིག་རུམ་ནས་མི་ཚེ་ཟད་ཀྱིན་ཡོད། ད་ནི་སྙན་གྲགས་ཀྱི་ཞགས་པ་ལ་འཇུས་ནས་མཐོ་རིས་ཐེམ་སྐས་འཛེགས་འདོད་ཀྱི་བློ་བདག་ལ་མེད་ཅེས་བརྗོད་འདོད།

ལྷ་མོ་སྐྱབས་ནི་ངའི་སྤྱི་འཐུས་ཟུར་པ་ཞིག་དང་། ས་རཱ་མཐོ་སློབ་ཀྱི་དགེ་རྒན་ཟུར་པ་ཞིག བོད་ཀྱི་རྩོམ་པ་པོ་ཞིག་ཀྱང་ཡིན་སྟབས། བརྩི་བཀུར་ཡོད། རིན་ཐང་ཞིག་ཡོད། ཉེ་ཆར་ངས་སྤྱི་ཚོགས་མེ་ལོང་གི་སྟེང་དུ་སྐུ་ཞབས་ཚེ་རིང་དོན་གྲུབ་ཀྱིས་ལྷ་མོ་སྐྱབས་ལ་བཅའ་འདྲི་བྱས་པ་ཞིག་མཐོང་། སྐབས་དེར་ལྷ་མོ་སྐྱབས་ཀྱིས་ག་རེ་བཤད་འདུག་ཟེར་ན། ‘‘༸གོང་ས་༸སྐྱབས་མགོན་ཆེན་པོས་ལམ་སྟོན་ལས་སྐུལ་འདྲ་གནང་ཚེ་དེ་དེ་བཞིན་ཞུ་རྒྱུ་’’ཞེས་དང་། ‘‘ས་རཱ་མཐོ་སློབ་ཁང་གིས་ཆེས་མཐོའི་རིག་གནས་རམ་འབྱམས་པ་ཞིག་གསར་འཛུགས་བྱ་རྩིས་ཡོད་པས་ང་ཕྱིར་ཡོང་རོགས་ཞུས་ཡོད། ངས་ཁོང་ཚོར་གལ་ཏེ་ང་ལ་སློབ་ཁྲིད་ཆོག་པའི་ཤེས་ཚད་ལག་འཁྱེར་ཚད་ལྡན་ཞིག་ཐབས་ཤེས་ཐུབ་པ་དང་ངའི་རྩོམ་འབྲིའི་བྱ་བར་མཐུན་རྐྱེན་སྦྱར་ཐུབ་ན་ང་ཕྱིར་ཡོང་ཆོག་ཅེས་ཁས་ལེན་ཞུས་ཡོད་’’ཅེས་བཤད་འདུག བདུན་ཕྲག་གཉིས་ཙམ་གྱི་གོང་དུ། གནམ་ཡིག་བརྒྱུད་ཁོང་གིས་ང་ལ་བཤད་དོན། ‘‘ངས་བློ་བཟང་སེང་གེར་གཞུང་གིས་ང་ལ་ལས་ཀ་སྤྲད་པ་ཡིན་ན་རྒྱ་གར་དུ་ཡོང་གི་ཡིན་’’ཞེས་དང་། ད་དུང་། རྩོམ་འདིའི་འོག་ཏུ་གསལ་བའི་མཆན་ཞིག་གི་ནང་དུ་ཁོང་གིས་‘‘གཞུང་རང་དང་སྐུ་སྒེར་གྱི་ཡིག་ཚང་ལྟ་བུར་མཁོ་ནས་སྐད་བཏང་ན་ང་འགྲོ་ངེས་ཡིན་’’ཞེས་བྲིས་འདུག ཁ་བསངས་ནས་བཤད་ན། གོང་གི་སྐད་ཆ་འདི་དག་ལ་ང་དགའ་མ་སོང་། ངས་སྐད་ཆ་འདི་དག་ལྷག་བསམ་རྣམ་དག་ཡིན་པ་ཞིག་ཏུ་ཚོར་མ་བྱུང་། ང་ནི་ཚངས་པའོ། ཚངས་པ་ནི་ཆེན་པོའོ་ཞེས་པ་ལྟ་བུར་མངོན། ༸རྒྱལ་བ་རིན་པོ་ཆེས་ལམ་སྟོན་གནང་ཐུབ་ན་ཞེས་པའི་ཚིག་འདི་དང་། བློ་བཟང་སེང་གེར་ལས་ཀ་སྤྲོད་ཞེས་རེ་བ་བརྒྱབ་པ་དེ་ཚོ་ཡག་པོ་མི་འདུག་ཟེར་གྱི་ཡོད། སོ་སོར་ལྷག་བསམ་རྣམ་དག་ཡོད་ན་རེ་བ་འདི་ལྟར་རྒྱག་དགོས་དོན་མི་འདུག་སྙམ། འདི་ལ་རྐྱེན་བྱས་ཏེ་ངའི་སེམས་ཀྱི་བརྩེ་མཐོང་གི་བློ་དེ་འཇགས་པར་གྱུར། གཞན། ལྷ་མོ་སྐྱབས་དང་ངེད་གཉིས་ཀྱི་བར་ན་འགལ་བ་ཅི་ཡང་མེད། ལྷག་པར་དུ་ཁོང་གིས་ལམ་དབུ་མ་གླེང་གི་ཡོད། ངས་རང་བཙན་དགོས་ཞེས་འུར་རྒྱག་གི་ཡོད་པ་ལ་བསྙད་དེ་ཁོང་ལ་མ་དགའ་བ་དེ་འདྲ་རྩ་ནས་མིན་ཞུ་གི་ཡོད།

ངས་‘༸རྒྱལ་བ་རིན་པོ་ཆེས་‘‘ངས་བདམས་པའི་ལམ་དབུ་མའི་སྲིད་ཇུས་ལ་འགྱུར་བ་མེད་’’ཅེས་གསུངས་བཞིན་དུ་མང་མོས་འོས་བསྡུའི་སྐོར་ལ་བཀའ་སློབ་བསྩལ་ཡོད་’ཅེས་བྲིས་ཡོད། ཁྱོད་ཀྱིས་ཚིག་དུམ་འདིའི་དོན་དག་འདི་གཉིས་ལ་འཇུས་ནས་རྩོད་པ་ཞིག་བྱེད་འདོད་ན། ཐོག་མར་༸རྒྱལ་བ་རིན་པོ་ཆེས་གསུང་བཤད་འདི་ལྟ་བུ་གནང་ཡོད་མེད་ལ་ལྟོས། ངས་ལུང་འདྲེན་ཆོག་ཆོག་ཡིན། གཞན་ང་ལ་ཚིག་དུམ་འདིའི་མདུད་པ་གྲོལ་རྒྱུ་མེད། པོ་ཏོ་བས་འདི་འདྲ་ཞིག་གསུངས་པ་འདྲ། ‘‘ངས་ཁྱེད་ཚོར་ད་ལྟ་རི་རྩེ་ག་གི་ན་གསེར་གྱི་ཁྲོམ་པ་ཞིག་རྡོལ་ཡོད། ཁྱེད་རྣམས་ལེན་དུ་སོང་ཞེས་བཤད་ཀྱང་། ཁྱེད་ཚོས་ངའི་བཤད་པ་དེ་ཀུ་རེའམ་ངག་འཁྱལ་དུ་གོ་ནས་འགྲོ་རྒྱུ་མ་རེད། གལ་ཏེ་ང་རང་གསེར་དེ་ལེན་དུ་ཕྱིན་ན། ཁྱེད་ཚོ་ཡང་ངའི་རྗེས་སུ་འབྲངས་ནས་གསེར་ལེན་དུ་ཡོང་ངེས་རེད་’’ དཔེར་ན། ང་ཚོ་འདི་ལྟ་བུ་རེད་ཅེས་ཤོད་ཀྱི་ཡོད།

ལོ་ཙཱ་བ་སྙན་བཟང་ལགས། ངས་ཕྱིའི་སྐད་ཡིག་མི་ཆོད་པ་ཤེས་བཞིན་དུ་དེ་དག་ལུངས་དྲངས་ནས་ཀྱང་མི་ཕན། མ་གཞི་ནས་དེ་དག་གི་སྐོར་དེ་སྔོན་ནས་བོད་ཡིག་ནང་ལ་ཆ་ཚང་ཞིག་བསྒྱུར་ཟིན་ཡོད་པས་ནང་དོན་ཧ་གོ་ཡོད་ལགས།
ཞི་བདེའི་གཟེངས་རྟགས་དང་ཨ་རིའི་གསར་གྱི་གཟེངས་རྟགས་གཉིས་འབུལ་དགོས་དོན་ཐད་ལ་དོན་ཚན་འགའ་ཞིག་བགྲངས་ཡོད་པ་ལས་བོད་རྒྱ་ཞི་མོལ་གྱི་དགོངས་དོན་གཅིག་པུར་དམིགས་ནས་གཟེངས་རྟགས་ཕུལ་ཚུལ་ཞིག་བྲིས་མེད་པས། ཁྱེད་ཀྱིས་ཡིད་བཞིན་ནོར་བུའི་རླབས་ཆེན་གྱི་མཛད་པ་རྒྱ་ཆེ་བ་དེ་ཆུང་དུ་བཟོ་དོན་ཅི། ཀླུ་མཁར་བྱམས་ལགས་ཀྱིས་གཟེངས་རྟགས་དེ་དག་ནི་ཆོ་མེད་ཡིན་ཚུལ་དང་བོད་ལ་མི་ཕན་ཚུལ་བཤད་པ་དག་གི་རྗེས་སུ་འགྲོ་ཉེན་འདུག་ག

ཅོ་རི་ཉམ་ཆུང་ལགས། དྲི་བ་དེར་བསམ་ཚུལ་བརྗོད་ན་འདོད།
༡༽ རྩ ཁྲིམས་དེ་ཉིད་ལོ་མང་སྡོད་མི་ཐུབ་པའི་ཚོད་དཔག་ཐུབ་ན་ལྷག་པར་དུ་ཡང་སེམས་ཁྲལ་བྱེད་དགོས་མེད། རྩ་ཁྲིམས་ལ་སྒྱུར་བཅོས་དང་འབྲེལ་ང་ཚོའི་ཕུགས་འདུན་ལ་ཡང་དེ་མཚུངས་ཀྱི་འཆར་འགོད་བྱས་ཆོག
༢༽ ཞང་ཀང་ཡང་རྒྱ་ནག་གི་རྩ་ཁྲིམས་འོག་ལ་བསྡད་ཡོད། དེ་བཞིན་ང་ཚོར་ལ་ཡང་དམིགས་བསལ་གྱི་ཁེ་དབང་སྤྱོད་ཆོག་པའི་ཐོབ་ཐང་དེ་རྩ་ཁྲིམས་འོག་ནས་བཟོ་རྒྱུ་ཞིག་རེད།
༣༽ ང་ཚོས་བཙན་ཁྲིད་བྱེད་ཀྱིན་པ་མ་རེད། བཙན་ཁྲིད་རྒྱ་གཞུང་གིས་སྔར་ནས་བྱས་ཟིན་པ་རེད། ང་ཚོས་དེའི་འོག་ནས་གུ་ཡངས་ཆེ་ཙམ་འཐོབ་པར་བརྩོན་གྱིན་པ་རེད། ང་ཚོ་བཙན་བྱོལ་བོད་མི་ཚོ་རྒྱ་ནག་གི་འོག་ལ་ལོག་གི་མིན་ཟེར་ས་ཡོད་རེད། མ་སོང་ན་ཡང་ཆོག་གི་རེད། འོན་ཀྱང་གཞིས་ལུས་མི་དམངས་ལ་དེའི་རང་དབང་མེད་པ་རེད། ཁོང་ཚོ་གལ་ཆེ་ཤོས་རེད།
ད་གསལ་བོ་ཆགས་ཡོད་པའི་རེ་བ་ཡོད།

ཅོ་ཉི་མ་ལགས།

༡། ཁྱོད་ཀྱིས་མངོན་སུམ་ལ་བསྙོན་མ་འཛུགས་རོགས། ༧གོང་ས་མཆོག་གིས་ནམ་ཡང་རྡོ་ལ་མཛུབ་མོ་བཙུགས་ནས་གསེར་རེད་གསུང་གི་མ་རེད་ལ། གལ་སྲིད་གསུང་བའི་དབང་དུ་བྱས་ཀྱང་དེ་ལ་ཡིད་ཆེས་མཁན་དེ་ནི་དངོས་གནས་མི་ཡ་མཚན་དེ་འདྲ་ཡིན་རྒྱུ་རེད། དཔེར་ན། སྙན་བཟང་དང་ལྷ་བཟང་དང་ཁྱོད་ཅོ་ཉི་ལྟ་བུ་ཚོ་ཡིན་ཤག

༢། འོས་བསྡུའི་སྐབས་ཀྱི་ཧུང་སོར་གཞིས་ཆགས་ཀྱི་མི་དམངས་ཀྱི་ཐག་གཅོད་ལ་ང་རང་ནས་སྐྱོན་ཅང་མཐོང་མ་སོང་། མི་ཞིག་ཡིན་པའི་ཆ་ནས་དང་རང་གི་རྒྱལ་ཁབ་ཛ་དྲག་གི་གནས་སྐབས་སུ་ཡོད་པའི་དུས་སུ་རང་གིས་ཅང་མི་ཤེས་ན་ད་ནི་སྐྱེས་བུ་རླབས་ཆེན་དེ་ཚོའི་ལམ་དང་རྗེས་སུ་དེད་ན་ཡག་ཞིང་འཚམས་ཤོས་མཐོང་བ་ལས། སྙན་བཟང་དང་ལྷ་བཟང་ཁྱོད་ཅོ་ཉི་ལྟར་རང་ལ་བློ་གདེང་དང་འཆར་གཞི་སོགས་ཅི་ཡང་མེད་བཞིན་དུ་མགོ་བོ་ནག་ཁུང་ལ་བཏང་བསྡད་ན་དེ་ནི་དངོས་གནས་མི་རིགས་ཀྱི་སྐྱོ་གནས་རེད།

༣། ཁྱོད་ཀྱིས་ཧོ་ལན་གྱི་བུ་མོ་ཞིག་གི་སྐད་ཆ་འདིར་བྲིས་འདུག ཕྱི་གླིང་གི་མགོ་སེར་འདི་ཚོའི་ཁ་ལ་ཉན་ན། བོད་ལ་རེ་བ་དཀའ་ནི་རེད། འདི་ལ་དགེ་ཆོས་ལགས་ནས་བསྡོམས་ཚིག་སྔོན་ཆད་ནས་བཞག་ཡོད་པ་རེད། དེ་ལས་ལྷག་ཅིག་ངེད་ལ་ཡང་ཅང་གསུང་རྒྱུ་མེད་དོ།།

༤། རྒྱུད་ལམ་ཁག་ཏུ་རིན་པོ་ཆེའི་སྐོར་ལ་ཅིག་བཤད་འདུག་མཁན་དེ་ཚོ་ནམ་དུས་རྒྱུན་ལྡན་ནས་དངོས་གནས་ཐབས་སྐྱོ་བོ་འདྲ་ཞིག་ཏུ་མཐོང་བསྡད་ཡོད། མི་དེ་ཚོས་དོན་མེད་ལ་གཞན་ལ་བསྙད་བརྐོ་བ་ལས་རང་གི་ལག་པར་བཞག་ན་ཐ་ན་བོད་ནང་གི་བོད་མི་ཡོངས་ཀྱི་དཀའ་སྡུག་ཧྲིལ་གྱིས་མཚོན་པའི་སྙན་ཞུ་དགའ་ཞིག་ཀྱང་འཁྱོང་ཚོད་དཀའ་མོ་རེད་དོ།། དེ་ཚོ་ལ་ཉན་ན། དེ་ཚོ་བདེན་པར་འཛིན་འདོད་ན། དེ་ནི་ཁྱོད་ཅོ་ཉི་ཁྱོད་ཀྱི་རྨོངས་བ་རེད་དོ།།

ཨབ་ཕྱི་ལགས།
ངས་གཅིག་བཤད། ༦གོང་ས་མཆོག་གིས་ལྷ་ཞིག་ལ་མཛུབ་མོ་འཛུགས་ནས་འདྲེ་རེད་གསུངས་ན་རྨོངས་དད་འོག་གི་བོད་མི་ཚང་མས་འདྲེ་ཡ་ལབ་ཀྱི་རེད། རྡོ་ཞིག་ལ་མཛུབ་མོ་འཛུགས་ནས་གསེར་རེད་གསུངས་ན་་་གསེར་རེད་ཡ་ལབ་ཀྱི་རེད།

༢༠༠༢ལོར་ཡུང་རོལ་གཞོན་ནུ་གོ་བསྒྲིགས་འོག་ཆབ་སྲིད་བགྲོ་གླེང་ཞིག་ཚོགས་སོང་། སྐབས་དེ་དུས་རང་བཙན་དང་དབུ་མ། རང་ཐག་རང་གཅོད་དང་བདེན་པའི་ཨུ་ཚུགས་སོགས་བཙན་བྱོལ་ནང་དུ་འོས་བསྡུ་བྱས་ཕྱོགས་སྐོར་མང་པོ་གླེང་སོང་།

ལམ་ཕྱོགས་དེ་དག་གདམ་ཁ་བྱས་པའི་འོས་བསྡུའི་སྐབས་སུ་རྡ་ལ་ཧུང་སི་གཞི་ཆགས་ཀྱི་བོད་མི་ཚོས་ང་ཚོས་ཤེས་ཀྱི་མེད་པས་༧གོང་ས་མཆོག་གིས་གང་གནང་བ་དེ་ལ་ངོས་ལེན་ཡོད་ཞེས་སྙན་ཞུ་ཕུལ་བ་རེད་ཞེས་ལབ་སོང་།

དེ་དུས་ཧོ་ལན་་ནས་ཡིན་པའི་ཕྱི་རྒྱལ་བ་བུད་མེད་ཞིག་གིས་བཙན་བྱོལ་བོད་མིའི་ཤེས་ཚོད་ཀྱི་མ་འདང་བའི་དམངས་གཙོ་ལག་ལེན་བསྟར་ཐུབ་ཀྱི་མེད་པ་མཚོན་གྱི་འདུག་ཞེས་བཤད་སོང་།

དམངས་ཀྱི་སེམས་ཁུངས་ཀྱི་འདོད་པ་དངོས་གནས་ཤེས་འདོད་ཡོད་ན་དང་པོར་ནས་བསྒྱུད་བསྐུལ་བྱེད་མི་ཉན། ༧གོང་ས་མཆོག་གིས་གཟི་བརྗིད་ཀྱི་ནུས་པས་བོད་མི་མང་པོ་ཁ་ཕྱོགས་ག་པ་སྒྱུར་སྒྱུར་རེད་འདོད།

ཟམ་གདོང་བླ་མས་རྒྱལ་ཡོངས་དམངས་ཚོགས་འཚོགས་ཆེན་སྐབས་སུ་དངོས་ཤུགས་གཉིས་ནས་དབུ་མ་ལམ་ལ་རྒྱབ་སྐྱོར་ཐོབ་ཐབས་བྱས་པ་རེད་ཞེས་རྒྱུད་ལམ་ཁག་ནས་གྲགས་ཡོང་གི་འདུག

གནད་ལུགས་འདི་དག་གིས་དམངས་ཀྱི་འདོད་པ་ཆ་ཚང་བ་ཞིག་བཙན་བྱོལ་དམངས་གཙོའི་སྤྱི་འཁོར་ནང་དུ་སླེབས་ཐུབ་ཀྱི་མེད་པ་རེད། དབུ་མའི་ལམ་གྱི་མཐར་མའི་དམིགས་ཡུལ་ངོ་མ་དམངས་མོས་ཡོད་པ་དེར་ལག་བསྟར་བྱེད་དགོས་པ་རེད་འདོད།

ཁྱེད་ཀྱིས་འདོད་པ་བྱས་ན་དམངས་ཀྱི་བསམ་ཚུལ་བསྡུ་ལེན་གང་འདྲ་བྱས་ན་ཆ་ཚང་བ་ཞིག་ཡོང་ཐུབ་བམ། དམངས་ཀྱི་བསམ་ཚུལ་ནི་རྒྱལ་ཁབ་ཀྱི་ལམ་ཕྱོགས་རེད། གལ་ཆེན་པོ་རེད།

དགེ་ཆོས་གིས།
མི་དམངས་གང་ལ་དགའ་དེར་བདེན་པ་དང་།
ཁ་མང་གང་ལ་མཐུན་དེར་གྲུབ་མཐའ་སྣང་།ཞེས་གསུངས་ལུགས་སུ་བལྟས་ན་འཇིག་རྟེན་འདིའི་ཁ་ལོ་སྒྱུར་མཁན་ངོ་མ་དམངས་ཀྱི་འདོད་པ་འདི་ཡིན་པར་འདྲ་འདུག་པས་དམངས་ཀྱི་བསམ་ཚུལ་གལ་ཆེན་པོ་ཡིན་པར་འདོད་དོ།

དྲ་གྲོགས་ཚོ། སྙན་བཟང་གིས་རང་ཉིད་གྲགས་འདོད་ཙམ་གྱི་དོད་དུ་སྐད་ཆ་རྫིག་མདོག་ཅན་ཞིག་བྲིས་བཞག་པ་ལས་དོན་གྱི་གནས་ལུགས་ཡོད་མེད་ནི་རྩོམ་ཡིག་རང་སྟེང་ན་གསལ་བོ་རེད། འདི་གཅིག་དང་།

གཉིས་ནས། སྙན་བཟང་གི་ངན་གཤིས་ནི་རང་གི་སྐྱོན་ལ་ངོས་ལེན་མི་བྱེད་པར་དོན་མེད་དུ་ས་བཤད་རྡོ་བཤད་ཀྱིས་འུར་རྒྱག་པ་འདི་ཙམ་རེད།

གལ་སྲིད་འདི་ལྟར་མིན་ན། སྙན་བཟང་ལགས་ནས་ངེད་ཀྱི་དྲི་བ་དེ་གཉིས་ལ་ལན་ཞིག་སྤྲོད་དང་དེ་ནས་ད་དུང་མུ་མཐུད་ནས་རྩོམ་ཡིག་གི་ནང་དོན་ནོར་འཁྲུལ་ཅན་དེ་ཚོར་ཡུན་གྱིས་བགྲོ་གླེང་བྱས་ཆོག་ལ་བྱེད་ངེས་ཀྱང་ཡིན།

དེ་ལས་གཞན་སྙན་བཟང་གིས་རང་རེའི་ཕུལ་བྱུང་རྩོམ་པ་པོ་རྒན་ཆབ་བྲག་ལགས་སུ་ཡང་དོན་མེད་ཀྱི་བསམ་གཟས་ནས་སྐད་ཆ་ངན་པ་དེ་འདྲ་བཤད་བཞིན་འདུག་པ་ཡང་ཁོང་གི་ཁོག་ན་མ་དག་པ་ཞིག་གི་ནད་ཡོད་པས་ཡིན་པ་འདྲ།

གང་ལྟར་སྙན་བཟང་གིས་མིག་ཞར་མེད་ན་ངེད་ཀྱི་དྲི་བ་གཉིས་ཀར་ལན་ཞིག་སྤྲོད་དང་དེ་ནས་མུ་མཐུད་ནས་དང་པོ་དེ་ནས་རྩོམ་ཡིག་རང་གི་སྟེང་དུ་ཡོད་པའི་ནད་དྲགས་རྣམས་གཤག་བཅོས་དང་དེ་ནས་ཟུར་མཆན་ལྟ་བུ་དེ་ཚོར་བགྲོ་གླེང་བྱས་ཆོག

བཀུར་འོས་སྐུ་ཞབས་སྙན་བཟང་ལགས།
ངས་བཤད་སྟངས་མ་ཤེས་པའི་དཀའ་ངལ་ཡིན་ན་གང་ལྟར། སྐུ་ཉིད་ཀྱང་ལངས་ཕྱོགས་འཐབ་རྩོད་ཀྱི་ལས་གཉེར་ཉི་ཚེ་བ་ཡིན་པར་ངས་བཤད་པ་འདྲ་ཞིག་ངོས་འཛིན་གནང་འདུག དེ་དེ་ལྟར་མ་རེད། ལངས་ཕྱོགས་འཐབ་རྩོད་ཀྱི་ལས་གཉེར་ཉི་ཚེ་བ་ཞེས་པ་འདི་ཕྲན་གྱི་ཆུ་བུར་མིག་ལ་སྣང་བའི་གནས་ཚུལ་མང་པོ་ཞིག་ལ་རྐྱེན་བྱས་ཏེ་ཐོན་པའི་ཐ་སྙད་ཅིག་ཡིན། དེའི་དགག་གཞི་གཙོ་བོ་མིའི་བྱས་པ་དྲིན་དུ་མི་ཚོར་བ་དང་། མིའི་བྱས་པར་བསམ་ཚུལ་བརྗོད་དུས་རྦད་དེ་ནག་འགེལ་སྐུར་འདེབས་ལྟ་བུའི་བྱེད་སྟངས་རིགས་ཤིག་ཐོན་བཞིན་པ་དག་ལ་གོ་བ་ལས། ཉིད་ལ་ཁྱོན་ནས་གོ་ས་མི་འགྲོ་ལ། ལྷག་པར་ལངས་ཕྱོགས་དང་ལམ་ཁ་གླེང་བའི་རང་བཙན་རྩོམ་ཡིག་འདི་ལྟ་བུ་ཞིག་མི་དེ་དང་དེའི་རིགས་ཀྱིས་ད་བར་མ་འཁྱོང་ཐལ། དེ་གསལ་བཤད་ཙམ་ཡིན། གཉིས་ནས་ཁྱེད་ཚོ་བྱས་རྗེས་ཆེ་མདོག་ཅེས་ཚིག་གིས་ཟུར་ཟ་བྱེད་སྟངས་ནི་རྩོམ་གྱི་འགྲོ་སྟངས་ཤིག་ཀྱང་ཡིན་སྲིད་པ་དང་། རུས་ཞེན་འགྲོ་སྲོལ་གྱི་ངོས་ནས་བཤད་ན་སྐད་ཆ་དེ་བསླབ་བྱར་ལེན་མི་ཐུབ་པའི་དཀའ་ངལ་གང་ཡང་བྱུང་མ་སོང་། དེ་དེ་ཙམ་ཡིན།
གཞན། ནོ་ཝེ་ཞི་བདེའི་གཟེངས་རྟགས་སྐོར་དེ། ༧གོང་ས་མཆོག་གིས་ལམ་དབུ་མའི་སྲིད་བྱུས་འདོན་གནང་མཛད་པས་ནོ་ཝེ་ཞི་བདེ་ལྷན་ཚོགས་ལ་གཟེངས་རྟགས་དེ་༧གོང་ས་མཆོག་ལ་འབུལ་རྒྱུར་སྤྱིར་བཏང་གནོན་ཤུགས་ཉུང་དུ་ཕྱིན་ཡོད་སྲིད་བཅས་དཔྱད་པ་བཏང་ན། དེ་རིགས་པའི་འགྲོ་སྟངས་དང་རང་དབང་རེད་འདུག་པས་ཅི་ཡང་བཤད་རྒྱུ་མེད། འོན་ཀྱང་ཉིད་ལྟར་ཚིག་ཐག་ཆོད་པོ་གནང་སྟངས་དེ་ངས་ངོས་ལེན་བྱེད་ཐུབ་ཀྱི་མི་འདུག
དེ་ག་ནང་བཞིན། གཟེངས་རྟགས་ལྷན་ཚོགས་ཀྱིས་གཟེངས་རྟགས་འབུལ་འཆར་གཏན་འཁེལ་བའི་ཁྱབ་བསྒྲགས་ནང་། གཟེངས་རྟགས་ལྷན་ཚོགས་ཀྱིས་ཏཱ་ལའི་བླ་མ་མཆོག་གིས་བོ་བཅིངས་འགྲོལ་གཏོང་བའི་འཐབ་རྩོད་ཐད་རྒྱུན་དུ་འཚེ་བ་ཅན་གྱི་ཐབས་ལམ་མི་བརྟེན་རྒྱུར་དགག་ཆ་གནང་བ་དེ་ལྷན་ཚོགས་ཀྱིས་ནན་བཤད་བྱེད་རྒྱུ་ཡིན་ཞེས་དང་། ཡང་། ད་བར་ཁོང་གིས་བོད་མི་རིགས་ཀྱི་རིག་གཞུང་དང་ལོ་རྒྱུས་ཀྱི་རྗེས་ཤུལ་གཅེས་སྲུང་གི་དོན་དུ་ཕན་ཚུན་ཡིད་ཆེས་དང་བཟོད་སྒོམ་གཞི་རྩར་བཟུང་བའི་ཐོག་ནས་དཀའ་ངལ་སེལ་ཐབས་ཀྱི་འབད་བརྩོན་གནང་ཡོད་སོགས་འཁོད་འདུག
དེ་ཡིན་དུས། བཅིངས་འགྲོལ་གཏོང་བའི་ཟེར་དུས་རྒྱ་ནག་གིས་ཞི་བའི་བཅིངས་འགྲོལ་ཟེར་བ་དེ་ལ་གོ་དགོས་ཀྱི་རེད་འདོད། དེའི་སྐབས་རྒྱ་ནག་གི་བྱེད་ཕྱོགས་དྲག་རྩུབ་མེད་པའི་འདོད་མོས་ཤུགས་ཆེར་གནང་བར་གཟེངས་རྟགས་ལྷན་ཚོགས་ཀྱིས་ཡུལ་ལུང་ཞིག་གི་དཀའ་ངལ་སེལ་ཐབས་ཞི་བདེར་དྲངས་པར་ངོས་འཛིན་གནང་བ་དེ་བཞག་ནས། ཕལ་ཆེར་བཙན་བྱོལ་དུ་ཕེབས་ནས་ལམ་དབུ་མ་སོགས་ལ་ཕེབས་པ་དེ་གཟེངས་རྟགས་གནང་རྐྱེན་ཞིག་རེད་ཅེས་ཉིད་ཀྱིས་གསུངས་ན་ངས་དེ་ཁས་ལེན་ཞུ་ཐུབ་ཀྱི་མི་འདུག་ལགས།

བོད་རང་བཙན་ཆགས་སོང་ན་ད་ཡོད་མི་རིགས་དེ་དག་གཏན་སྡོད་གནང་ཐབས་ཡོད་དམ། ཡོད་ན་གཅིག་མཚུངས་རེད། རང་སྐྱོང་ལྗོངས་ཞེས་པ་དེ་ཡང་མི་རིགས་གང་ཞིག་མང་བ་གཞིར་བཅས་ཀྱི་ཐོབ་ཐང་ཞིག་རེད། བོད་རིགས་རང་སྐྱོང་ནང་ལ་མི་རིགས་གཞན་གནས་མི་ཆོག་དོན་ཅི། དེ་དག་ལ་ཡང་མི་རིགས་རང་སྐྱོང་རྫོང་དང་རང་སྐྱོང་ཞིང་གི་ཐོབ་ཐང་ཡོད་ཡོད་པ་རེད། ད་ལྟའི་བོད་རང་སྐྱོང་ལྗོངས་ནང་ན་ཡང་མི་རིགས་གཞན་ཡོད་ཡོད་པ་རེད། དེ་ལ་འགལ་བ་ཡོང་དོན་མེད། བསམ་ཚུལ་འདི་རིགས་ལ་མ་རྟོགས་ལོག་རྟོག་ཟེར་བ་རེད།

ལྷ་མོ་སྐྱབས་ལགས།

ཞི་བདེའི་གཟེངས་རྟགས་འབུལ་མཁན་ཚོའི་གཏམ་བཤད་ལ་ཉན་མྱོང་། ཨ་རིའི་གྲོས་ཚོགས་ཀྱི་ཚོགས་གཙོ་ཟུར་པ་དང་བོད་ཀྱི་གྲོགས་པོ་ལྕམ་སྐུ་ནལ་སི་ཕུ་ལོ་སེའི་གཏམ་བཤད་ལའང་ཞིབ་ཏུ་ཉན་པ་ཡིན། ༸རྒྱལ་བ་རིན་པོ་ཆེས་ནོ་སྦེལ་ཞི་བདེའི་གཟེངས་རྟགས་དང་འབྲེལ་ནས་གཏམ་བཤད་གསུམ་གནང་འདུག
ནོར་ལྦེ་ནས་བཀའ་སློབ་གཉིས་དང་། གཞན་པ་དེ་རྡ་ས་ནས་གནང་འདུག བཀའ་སློབ་འདི་དག་༡༩༩༧ལོར་བོད་གཞུང་ཕྱི་དྲིལ་ལས་ཁུངས་ནས་དཔར་བསྐྲུན་ཞུས་པའི་ཆབ་སྲིད་ལམ་སྟོན་དུ་གསལ། ད་འདི་འདྲ་རེ་བཤད་བསྡད་ན་ཕན་ཐོགས་ཡོད་མེད་མི་ཤེས། གནས་སྐབས་རིང་བདེ་མོ་བྱོས།

སྙན་བཟང་ལགས་ཀྱིས་དང་པོ་འདི་ཤེས་ན་རེད།

སྙན་བཟང་གིས་ ༸རྒྱལ་བ་རིན་པོ་ཆེས་‘‘ངས་བདམས་པའི་ལམ་དབུ་མའི་སྲིད་ཇུས་ལ་འགྱུར་བ་མེད་’’ཅེས་གསུངས་བཞིན་དུ་མང་མོས་འོས་བསྡུའི་སྐོར་ལ་བཀའ་སློབ་བསྩལ་ཡོད་པ་དང་།
ཞེས་༸རྒྱལ་བ་རིན་པོ་ཆེའི་ཕྱག་ལས་གནང་སྟངས་ནི་ཞེ་ས་མ་ཞུས་ན། དབུ་བདེ་བོ་ཅན་གྱི་ལས་བྱར་དྲན་ཡོད་པ་འདྲ་བའི་གོ་བ་སྐྲག་སྣང་ཅན་ཞིག་ཀྱང་ཐོན་འདུག་ཀྱང་། བསམ་བློ་རྣམ་རྟོག་མཐའ་མེད་ཀྱི་དབང་དུ་མ་བཏང་བར་ཤེས་བ་གནད་དུ་ཐིངས་པའི་བསམ་གཞིག་བྱོས་དང་། ༸རྒྱལ་བ་རིན་པོ་ཆེ་ཁོང་གིས་བདམས་པའི་ལམ་དབུ་མར་ཕེབས་བཞིན་པར། མང་འོས་འོས་བསྡུའི་སྐོར་ལ་བཀའ་སློབ་བསྩལ་མི་ཆོག་པ་ཅི་ཞིག་ཡོད་དམ། བར་འདི་ན་ནང་འགལ་ཞིག་ཡོད་པའི་དྭོགས་པ་འདྲ་བདག་ལ་བྱུང་མ་སོང་ལ། གལ་སྲིད་ཁྱོད་ལ་དྭོགས་པ་དེ་འདྲ་ཡོད་ཚེ་གསལ་བོ་བཤད་དགོས་པ་ལས་ཡིན་ལ་མ་ཡིན་ཞིག་བཤད་པ་འདི་ཙམ་གྱིས་གང་ཡང་མི་ཕན་པ་ཐག་ཆོད་རེད། གང་ལྟར། ཁྱོད་ཀྱི་ཚིག་གྲུབ་འདིའི་འབབ་ས་ངོ་མ་ནི་སྤྱང་པོ་ཡིན་མདོག་གི་ཁྱོད་ཀྱི་དྭོགས་པ་དེ་འདྲ་གཏན་མིན་པར་དེ་ནི་གནད་འགག་གི་སྐབས་སུ་༸རྒྱལ་བ་རིན་པོ་ཆེའི་གཟིགས་རྒྱང་རིང་བའི་ཁྱད་རྟགས་བླ་ན་མཐོ་བ་དང་དུས་རབས་དང་མཐུན་པའི་མི་བུའི་བགྲོད་སྟངས་ཁྱད་པར་ཅན་རེད་སྙམ་མོ།།

ཆབ་བྲག་ལྷ་མོ་སྐྱབས་ཁྱེད་ལ་ཞུ་རྒྱུ། {དབུ་མའི་ལམ་}བོད་རིགས་ཡོངས་སུ་མིང་དོན་མཚུངས་པའི་རང་སྐྱོང་ཡོང་ཐབས་ཟེར་བ་དེ། ང་ཚོ་བོད་ཕྱོགས་ནས་བྱས་ན། རྒྱ་ནག་གུང་ཁྲན་གཞུང་གིས་མི་རིགས་ཁག་ ༥༦ དབྱེ་ནས་ཡོད་པར་ང་ཚོས་ངོས་ལེན་བྱེད་པའི་འོག་ནས་བོད་རིགས་ཡོངས་རྫོགས་གཅིག་གྱུར་མི་ཐུབ་པ་ནི། གཙོ་བོ་ཁྱེད་རང་ཨ་མདོ་འམ། མདོ་སྨད་ཀྱི་ནང་དུ་ཡུ་གུར་མི་རིགས་ བོད་རིགས་དང་། སོག་རིགས། མན་ཇུའི་རིགས། ཡུ་གུར་རིགས། ཧུའུ་རིགས། ཟ་ལ་རིགས་མང་པོ་ཡོད་པས། ཁོང་ཚོ་ཚང་མ་བོད་རིགས་མ་ཡིན། བོད་ཀྱི་མངའ་འབངས་རེད། ཁོང་ཚོས་ཀྱང་དེང་སང་༸གོང་ས་མཆོག་གི་མཛད་འཕྲིན་དང་། བོད་མིའི་བསམ་ཕྱོགས་གཅིག་གྱུར་གྱིས་རྒྱ་ནག་གུང་ཁྲན་གྱི་འོག་ནས་གྲོལ་ཐུབ་པའི་རེ་བ་གཅིག་གྱུར་བྱས་ནས་གནས་ཡོད་པ་ཁྱེད་རང་གི་ཤེས་ཀྱི་ཡོད་དམ། རྒྱུ་མཚན་དེ་ལྟར་ལ་བརྟེན་ང་ཚོས་བོད་རིགས་དབྱེ་འབྱེད་ཀྱི་རྣམ་པ་རང་བཞིན་བྱེད་པ་མ་ཡིན་ནམ། ལྷག་པར་སོག་པོ་མདག་བཅུ་ཟེར་བའི་ས་ཆར་དེང་སང་ཧོ་ནག་རྫོང་ཞེས། ཁྱེད་རང་ཆབ་བྲག་དང་། ཡུལ་རྐན། མདའ་ཚན། བཅས་རྒྱ་ཆེ་རྫོང་རང་དབང་ཅན་ཟེར་བ། རེབ་ཀོང་ས་ཁུལ་ཐུན་རིང་ཁོངས་སུ་སྦྱར་ཏེ་ཡོད་པའི་མི་རྣམས་སོགས་རིགས་ཡིན་ཀྱང་བོད་འབངས་དངོས་ཡིན་སྟབས་ང་ཚོས་སོགས་རིགས་རྣམས་ཟུར་བཞག་གིས་བོད་རིགས་དབྱེ་འབྱེད་གང་འདྲ་ཞིག་བྱེད་ཀྱི་ཡིན་ནམ། དབྱེ་འབྱེད་ཐུབ་རེའང་གཏན་ནས་མེད། ཁོང་ཚོ་ནམ་ཡང་བློ་ཕམ་གྱི་གནས་ཚུལ་སུ་ཆགས་རྒྱུ་ཡིན་པ་མཁྱེན་དགོས། རྒྱ་རིགས་བཅས་ཕྱོགས་གཅིག་ཏུ་གནས་ཡོད་པའི་མི་འབོར་ཤུགས་ཆེ་ཤོས་ཡིན་པའི་ཁོངས་ནས་བོད་རིགས་སུམ་ཆ་གཅིག་ལས་མེད་པ་དང་། བོད་རིགས་དབྱེ་འབྱེད་གང་འདྲ་ཞིག་བྱེད་ཀྱི་ཡིན་ནམ།
རྒྱ་ཕྱོགས་ནས་ཕྱི་ལོ་ ༢༠༠༨ ཟླ་ ༡༡ ཚེས་ ༡༠ ཉིན་རྒྱལ་སྲིད་སྤྱི་ཁྱབ་ཁང་གི་གསར་འགྱུར་གཞུང་དོན་ཁང་གིས་གསར་འགྱུར་ཚོགས་འདུ་ཚོགས་ནས་འཐབ་ཕྱོགས་གཅིག་གྱུར་གྱི་པུའུ་ཀྲང་གཞོན་པ་ཀྲུའུ་ཝན་ཆུས་དང་། སྲི་ཐར། བོད་རང་སྐྱོང་ལྗོངས་ཀྱི་ཀྲུའུ་ཞི་གཞོན་པ་པདྨ་འཕྲིན་ལས་སོགས་ནས། ཏཱ་ལའི་བླ་མས་ཡུལ་དེར་འཚོ་སྡོད་དང་། ལས་ཀ་བྱེད་མཁན་གྲངས་ལས་འདས་པའི་མི་རིགས་ཁག་གི་མང་ཚོགས་ཕྱིར་འབུད་བྱེད་རྩིས་ཡོད་པ་དེ་ཐོག་ནས་བརྡ་འདི་འདྲ་ཞིག་གཏོང་གི་ཡོད་པ་སྟེ། གལ་སྲིད་ཉིན་ཞིག་ཁོ་པས་བོད་དུ་སྲིད་དབང་དངོས་འབྲེལ་འཛིན་ཐུབ་ཚེ། ཁོ་པས་ཐེ་ཚོམ་སྤུ་ཙམ་མེད་པ་དང་། སྙིང་རྗེ་སྤུ་ཙམ་མེད་པར་མི་རིགས་ལ་སྣང་ཆུང་དང་། མི་རིགས་ལོགས་སུ་དབྱེ་བ། མི་རིགས་གཙང་བཟོ་བཅས་བྱེད་རྒྱུ་ཉག་ཅིག་ཡིན་པ་དེ་རེད་ཅེས་གསལ་བཀོད་བྱས་ཡོད་པ་འདི་ལྟར་རེད།
༸གོང་ས་༸སྐྱབས་མགོན་ཆེན་པོ་མཆོག་ནས་བཀའ་སློབ་ནང་རི་བོང་རྡོ་བརྫུས་བྱས་ཕན་མེད་པ་དང་འབྲེལ་འགན་འཁུར་གནང་བས་ཕན་ཐོགས་མེད་པར་བརྟེན་ངོས་ནས་འགན་འཁུར་གནང་གི་མིན་པའི་སྐོར་གསུང་པ་དང་། བོད་སྤྱི་པའི་གནད་དོན་དེ་དག་བོད་མི་མང་ནས་འགན་འཀུར་དགོས་པ་དང་། མཐའ་མའི་ཐག་གཅོད་དེ་བོད་མི་མང་ནས་བྱེད་དགོས་ཞེས་གསུང་ཡོད། བོད་མི་ནང་ཁུལ་དུ་མི་རིགས་དབྱེ་འབྱེད་གནང་ཐབས་རྩ་བ་ནས་མེད་པ་དང་། ཆོལ་གསུམ་བོད་མི་ཡོངས་རྫོགས་གུང་ཁྲན་རིང་ལུགས་སུ་མངོན་འདོད་གཏན་ནས་མེད་ངེས་ཡིན་པ། མི་རིགས་ས་གནས་རང་སྐྱོང་ནི་གུང་ཁྲན་གྱི་ཆེད་དུ་ཡིན་པ་ཆབ་བྲག་ཁྱེད་རང་མཁྱེན་གྱི་མེད་དམ།། བཀའ་ཁྲི་ཟམ་གདོང་རིན་པོ་ཆེའི་རིག་རྩལ་ལས་སྒྲུབ་པའི་བོད་རིགས་ཡོངས་རྫོགས་རྒྱ་ནག་གུང་ཁྲན་གཞུང་གི་རྩ་ཁྲིམས་ཀྱི་སྒྲོམ་གཞིའི་འོག་འཛིན་སྐྱོང་གཅིག་གི་འོག་ས་གནས་རང་སྐྱོང་ལག་བསྟར་དགོས་པའི་རེ་འདུན་ཟེར་བ་དེ་རེད། དབུ་མའི་ལམ་ལ་རེ་བ་ཆེན་པོ་འདུག་གམ། ཁ་སྟོངས་པ་རང་བཙན་ཡིན་ན། ཁ་སྟོངས་པས་དབུ་མ་རེད། ཧཧཧཧཧ

ཤར་ཕྱོགས་ཁུག་རྟ་ལགས།

བསམ་ཚུལ་བྲིས་པར་ཐུགས་རྗེ་ཆེ།

ངས་‘‘༸རྒྱལ་བ་རིན་པོ་ཆེར་ནོ་སྦེལ་ཞི་བདེའི་གཟེངས་རྟགས་ཕུལ་བ་དེ་ཡང་མཐར་གཏུགས་ན་བོད་ཀྱི་རང་སྐྱོང་གི་སྲིད་ཇུས་ཀྱི་ཤུགས་རྐྱེན་ཐེབས་པ་ལྟ་བུ་’’ཞེས་བྲིས་ཡོད། ཁྱོད་ཀྱིས་སྐད་ཆ་འདི་མི་བདེན་པ་དང་དབྱེ་ཞིབ་བྱས་པ་ནོར་བ་རེད་ཅེས་བཤད་འདུག ཡིན་ནའང་རྒྱུ་མཚན་བཤད་མེད་པ་རེད། ཁྱད་པར་མེད། ཁྱོད་ཀྱིས་བཤད་པ་བདེན་པ་ཡིན་སྲིད། ངས་དབྱེ་ཞིབ་བྱེད་སྟངས་མ་ཤེས་པར་རྨོངས་བསྡད་ཡོད་ནའང་ཐང་། ཡིན་ནའང་ངས་བལྟས་ན་༸རྒྱལ་བ་རིན་པོ་ཆེར་ཞི་བདེའི་གཟེངས་རྟགས་ཕུལ་དགོས་དོན་ནི། ༸རྒྱལ་བ་རིན་པོ་ཆེས་སྟོན་པ་ཐུབ་པའི་དབང་པོའི་ཆོས་ཀྱི་སྙིང་པོར་གྱུར་པའི་གཞན་ཕན་དང་། སྙིང་རྗེ་སོགས་ཀྱིས་གཙོས་པའི་བྱམས་བརྩེའི་ལྟ་གྲུབ་དེ་ཉམས་སུ་བླངས། དེ་ལས་བྱུང་བའི་འཚེ་མེད་ཞི་བའི་ལྟ་གྲུབ་དང་དེའི་རོལ་རྩེད་ཀྱི་ཞགས་པ་དཀར་པོས་སྡུག་བསྔལ་གྱི་འོབས་སུ་ལྷུང་བའི་ཤར་ནུབ་ཀྱི་སྐྱེ་འགྲོ་མང་པོ་ཞིག་ཡར་ལ་འདྲེན་བཞིན་ཡོད། དེ་ནས་༸རྒྱལ་བ་རིན་པོ་ཆེས་བོད་ཀྱི་གནད་དོན་ནི་བོད་ཀྱི་བཙན་པོས་གཙོས་པའི་དམག་དཔུང་ཁྲི་ཕྲག་རླུང་གི་རྟ་མཆོག་ལ་བཅིབས་པ་དང་མཉམ་དུ། རལ་གྲི་རྣོན་པོ་ཉི་ཟླའི་འོད་ཁྱིམ་དུ་བསྐོར་ནས་རྒྱ་ནག་ཁྲང་ཨན་བླངས་པ་ལྟ་བུ་མ་ཡིན་པར། འཐབ་རྩོད་ཀྱི་ངོ་བོ་དེ་ཡང་འཚེ་བ་དང་། ཞེ་སྡང་གི་རྣམ་པ་ཞིག་ཏུ་མི་འགྱུར་ཆེད་ལམ་དབུ་མ་གསུངས་ཤིང་། ལམ་དབུ་མའི་རྩ་དོན་འགྲེལ་བཤད་དུ་གྱུར་པའི་ཨ་རིའི་གྲོས་ཚོགས་སུ་བསྩལ་བའི་ཞི་བའི་དོན་ཚན་ལྔ་དང་། ཡུ་རོབ་གྲོས་ཚོགས་སུ་གྲོས་འཆར་ཁག་མང་པོ་ཞིག་མཛད་དགོས་བྱུང་ཡོད། འདི་དག་གིས་ནུས་སྟོབས་ཀྱིས་༸རྒྱལ་བ་རིན་པོ་ཆེར་ཞི་བདེའི་གཟེངས་རྟགས་ཕུལ་བ་མ་གཏོགས། ༸རྒྱལ་བ་རིན་པོ་ཆེ་ནི་ནང་པའི་དགེ་སློང་ཞིག་དང་། སྟོན་པ་ཤཱཀྱ་ཐུབ་པའི་རྗེས་འབྲངས་པ་ཞིག་ཡིན་པ་ཙམ་གྱིས་གཟེངས་རྟགས་འདི་ཕུལ་མེད་པར་སྙམ།

༸རྒྱལ་བ་རིན་པོ་ཆེར་ཞི་བདེའི་གཟེངས་རྟགས་ཕུལ་བ་ལ་བརྟེན་ནས། བོད་རྒྱའི་དཀའ་རྙོག་གསལ་མེད་ཀྱང་། ཞི་བདེའི་གཟེངས་རྟགས་འདིའི་ནུས་སྟོབས་ཀྱིས་ཤར་ནུབ་ཡུལ་གྲུ་ཁག་གི་སྐྱེ་བོ་མང་པོ་ཞིག་གི་སེམས་བོད་དུ་ཕྱོགས་ཤིང་། བོད་དུ་ལངས་ཡོད། ཁྱོད་ཀྱིས་དོ་སྣང་བྱུང་ཡོད་མེད་མི་ཤེས་ཀྱང་། ཐ་ན་ བོད་ཐོག་རྩོམ་ཡིག་འབྲི་མཁན་གྱི་ནུབ་ཕྱོགས་པ་ཚོས་ཀྱང་འཆར་ཡན་དང་རྟོགས་བཏགས་ཀྱི་སྣང་བ་རྩ་ཡལ་དུ་བཏང་ནས། བོད་ཀྱི་དངོས་ཡོད་གནས་སྟངས་དང་བོད་ཀྱི་ཆབ་སྲིད་ཕྱོགས་སུ་སྙུག་ཁ་བསྐོར་མགོ་ཚུགས་ཡོད་པའི་སྐོར་དགེ་རྒན་ཆེན་མོ་རབ་སྨོན་པྲ་སྟིས་རྩོམ་ཞིག་བྲིས་ཡོད་པ་དེ་ངས་བྐླགས་མྱོང་།

སྐབས་རེར་ཞི་བདེའི་གཟེངས་རྟགས་འདི་ཡང་ཆབ་སྲིད་ཀྱི་ངོ་བོར་འགྱུར་འགྲོ་གི་ཡོད། ཁྱེད་རང་གིས་ལྟོས་དང་། ཨི་ཛི་རལ་གྱི་སྲིད་བློན་ཟུར་པ་ཞཱི་མན་པེར་ལ་ཞི་བདེའི་གཟེངས་རྟགས་ཐོབ་ཡོད་ལ། རྒྱ་ནག་གི་དམངས་གཙོ་འཐབ་རྩོད་པ་ལུག་ཞའོ་པའོ་ལའང་ཞི་བདེའི་གཟེངས་རྟགས་ཐོབ་ཡོད། འདི་དག་གི་རྒྱབ་ལྗོངས་ལ་བལྟ་དགོས་པ་རེད། མ་གཞི་ནས་གཟེངས་རྟགས་འདི་ནི་ཞི་བདེར་དགའ་བའི་སྐྱེས་བུ་རླབས་ཆེན་དག་ལ་གནང་གི་ཡོད་པ་ངས་བཤད་རུང་ཁྱེད་ཀྱིས་ཤེས་སྲིད།

ང་ཚོ་རང་བཙན་རྩོད་མཁན་དང་ལས་ཀ་ཉི་ཚེ་བ་བྱེད་མཁན་དག་གིས་ཀྱང་སྤྱིའི་དོན་དུ་ཅིག་ཤོད་ཀྱི་ཡོད། ཁྱེད་ལྟ་བུའི་སྤྱི་དོན་ཐད་བྱས་རྗེས་ཡོད་མཁན་ཚོས་ཀྱང་བསམ་ཚུལ་འདི་རིགས་བཙན་བྱོལ་བོད་མིའི་སྒྲིག་འཛུགས་ཀྱི་སྲིད་བློན་གསར་པའི་སྙན་ལམ་དུ་འབུལ་དགོས་པ་རེད། ཉེ་ཆར་སྲིད་བློན་གསར་པས་གསར་བཏོད་ཀྱི་སྐོར་ལ་གང་མང་གསུངས་ཡོད། ཟམ་གདོང་རིན་པོ་ཆེའི་མདུན་དུ་ཕེབས་སྐབས། ངས་དྲང་མོར་བཤད་ན་གསར་བཏོད་བྱེད་འདོད་པ་འདི་དག་ཟམ་གདོང་རིན་པོ་ཆེས་གནང་ཚར་འདུག་གསུངས་པ་རེད། ཁོང་གིས་དངོས་གནས་གསར་བཏོད་ཅིག་གནང་འདོད་ཚེ། བསམ་ཚུལ་འདི་རིགས་ཐུགས་ཀྱི་དཀྱིལ་འཁོར་དུ་བསུས་ནས་གསར་བཏོད་གནང་དགོས་པ་མ་གཏོགས། གཞན་གསར་བཏོད་ཅིག་གནང་རྒྱུ་ཨེ་ཡོད།

ཤ་རུས་གདུང་རྒྱུད་གཅིག་པའི་སྤུན་ཟླ་ཆབ་བྲག་ལགས། དྲ་ཐོག་གི་བགྲོ་གླེང་གནང་བར་བཀའ་དྲིན་ཆེ་ཞུ་རྒྱུ་ཡིན། ངས་རང་གི་ཕྱོགས་ནས་ཚུལ་གསུམ་རྟོག་གེ་རིག་པ་ལ་གཞི་བཅོལ་ནས་གནད་ལུགས་བཤད་ཁུལ་བྱས་པ་ཡིན། ད་དུང་སྐུ་ཉིད་ཀྱི་གསན་འདོད་པའི་སྐད་ཆ་དེ་ཞུ་དགོས་ཀྱང་ལས་སླ་པོ་ཞིག་གིས་མཆན་བུ་འདེབས་ན་གོ་བརྡ་ཡག་པོ་ཞིག་འཕྲད་ཀྱི་ཁག་པོ་འདུག་པས་ཞིབ་ཚ་ཙམ་ཨེ་ཡོང་བལྟ་གི་ཡིན།

སྐུ་ཉིད་ཀྱིས་གསན་འདོད་ཡོད་གསུངས་པར་དགའ་པོ་བྱུང་། ངས་བོད་ལ་ཕྱེད་རང་བཙན་ཡོད་སྟངས་དང་བོད་རང་བཙན་གྱི་སྒྲུབ་ཕྱོགས་ཞིབ་ཚ་ཙམ་འབྲི་ནས་སྤྱན་འབུལ་ཞུ་བྱ་ཆོག ངས་བསམ་པ་ང་རང་ཚོ་ལ་རང་བཙན་ལས་ལམ་ཕྱོགས་ཡག་བ་ཞིག་དང་མི་དམངས་ཀྱི་སེམས་ཁམས་དང་མཐུན་པ་ཁག་པོ་རེད་འདོད།
ཁྱེད་ཀྱིས་བོད་རིགས་ཡོངས་སུ་མིང་དོན་མཚུངས་པའི་རང་སྐྱོང་ཡོང་ཐབས་སུ་སློབ་སྦྱོང་བྱོས་གསུང་པར་ལགས་གསོལ་ཞུ་རྒྱུ་ཡིན།

ཤ་རུས་གདུང་རྒྱུད་གཅིག་པའི་སྤུན་ཟླ་སྙན་ལགས་དང་ད་ལན་གྱི་བགྲོ་གླེང་བ་ཚང་མ་ལ་ཐུགས་རྗེ་ཞུ་རྒྱུ་ཡིན། ལྷག་པ་ཏུ་ནད་པ་ལགས་ཀྱིས་གསུངས་པ་ལྟར་ང་ཚོས་བོད་ཀྱི་རྩ་དོན་དེ་ཐབས་ཇུས་གང་འདྲ་ཞིག་གིས་འོག་ནས་གླེང་སློང་བྱེད་དགོས་སམ། ད་དུང་འགྲོ་ལམ་གང་འདྲ་ཞིག་བཙལ་དགོས་སམ། མནོ་བསམ་ཡག་པོ་གཏོང་དགོས་པའི་དུས་ཚོད་ཅིག་རེད་སྙམ་མོ།།

བཞུགས་གདན་འཇག་་་་་རྗེས་སུ་མཇལ་ཡོང་།

རྣམ་པ་ཚོས་བགྲོ་གླེང་གནང་ཁོམ་གི་མེད་པ་འདྲ། ཡིན་ཡང་། སྐུ་ཞབས་སྙན་བཟང་གི་བསམ་ཚུལ་ཁྲོད་༼ ༧རྒྱལ་བ་རིན་པོ་ཆེར་ནོ་སྦེལ་ཞི་བདེའི་གཟེངས་རྟགས་ཕུལ་བ་དེ་ཡང་མཐར་གཏུགས་ན་བོད་ཀྱི་རང་སྐྱོང་གི་སྲིད་ཇུས་ཀྱིས་ཤུགས་རྐྱེན་ཐེབས་པ་ལྟ་བུ ༽ཟེར་བ་ཞིག་འདུག ང་ལ་ཞིབ་ཏུ་ཀློག་ཁོམ་མ་བྱུང་སྟེ། གོང་གི་སྐད་ཆ་འདི་དང་དབྱེ་ཞིབ་འདི་བདེན་པ་མ་རེད་ཅེས་ཞུ་རྒྱུ་ཡིན།

སྙན་བཟང་ལགས། ཁྱེད་ཀྱི་རྩོམ་ཡིག་ཉིན་ཤས་གོང་ནས་བཀླགས་པ་ཡིན། འོན་ཀྱང་དུས་ཀྱི་རྐྱེན་པས་རེ་ཞིག་ཆན་འདེབས་ཐུབ་མ་སོང་། རྩ་བའི་ཆ་ནས་བོད་རིགས་སུ་འདྲ་ཞིག་ཡིན་ཀྱང་རང་བཙན་འདོད་པ་ལས་རྒྱའི་ཆ ཤས་སུ་སྡོད་འདོད་མེད་པ་ནི་གསལ་པོ་རེད། འོན་ཀྱང་དུས་དང་གནས་བབ་གང་གི་ཆ་ནས་ཀྱང་རང་བཙན་ཐོབ་རྒྱུ་ཡིན་པ་ཁག་པོ་ཡིན་པ་དེ་མཁྱེན་དགོས་པ་སེམས། དེ་ཡང་ང་ཚོས་ང་ཚོས་ཆབ་སྲིད་རིག་པའི་ཐོག་ནས་རྒྱ་གཞུང་བལྟ་སྐབས་རྩ་བའི་སྒྲོམ་གཞི་དེ་བརྟན་ལྷིང་ཞེས་པའི་ཚིག་འབྲུ་དེའི་འོག་ནས་བལྟ་དགོས་པར་འདོད། རྒྱ་ནག་གིས་བརྟན་ལྷིང་ལ་དམིགས་ཏེ་བོད་ནང་གི་བོད་མི་ཚོའི་སེམས་པ་དངུལ་ལོར་གྱི་བསླུ་ཐབས་བྱེད་ཀྱི་ཡོད་ལ་བརྟན་ལྷིང་སྙད་དེ་བོད་ནང་དྲག་གནོན་བྱས་དང་བྱེད་བཞིན་པ་རེད། རྒྱ་དམར་གཞུང་གིས་བརྟན་ལྷིང་ཟེར་བ་དེ་ཡོང་ཐབས་ཆེད་གཞི་རྩའི་འགྲོ་བ་མིའི་དགོས་མཁོ་དང་ཐོབ་ཐང་ལ་མི་བལྟ་བར་དེ་བས་མི་མང་གིས་གཞུང་ལ་ངོ་རྒོལ་མ་བྱས་ཚེ་དེ་བརྟན་ལྷིང་ལ་བརྩི་གི་ཡོད་པ་རེད།

ནད་པ་ལགས། ཊུ་ཝུ་ཆོན་གྱི་སྐད་ཆ་དེས་ཁྱོད་ཀྱི་ན་ཚ་ཇེ་ཐུར་བཏང་སོང་བ་མིན་ནམ། དྲག་ནི་རེད། སྐད་ཆ་དེ་རྙིང་པ་ཞིག་ཟློས་ནས་བསྡད་ཡོད་པ་ཙམ་རེད། དེས་ང་ཚོར་ན་ཚ་གསར་བ་བཟོ་མི་ཐུབ། སྐད་ཆ་འདི་རིགས་མཚམས་འཇོག་པའི་དུས་ལ་སླེབས་དུས་ད་ཕལ་ཆེར་ཕར་ཕྱོགས་ཀྱི་ཚེ་ཚད་ཐོན་བཞིན་པ་དང་ང་ཚོའི་ན་ཚ་དྲག་རན་ལ་སླེབས་པ་རེད། མ་ཤི་བར་དུ་འཕག་འཚག་རྒྱག་གི་རེད་ལ། འཆི་ཁར་ཡང་འཕག་འཚག་རྒྱག་གི་རེད།
ཁོ་པ་ཚོས་བོད་ལ་བྱེད་སྟངས་ཀྱི་ཆ་ལ་ལྟོས་དང་ལོ་རེ་བཞིན་རྣམ་འགྱུར་ཇེ་རྩུབ་ཀྱིས་འུ་ཐུག་གི་ཐབས་ཚུལ་མང་པོ་ཞིག་སྟོན་བཞིན་པ་འདིས་དོན་ངོ་མར་སུའི་སྙིང་གི་ན་ཚ་ཇེ་ཆེར་འགྲོ་བཞིན་པ་གསལ་བོ་རེད། སྙིང་ནད་འདི་ཇེ་ཐུ་ཇེ་་སྡུག་ལ་སོང་ནས། གུང་ཁྲན་ཏང་གི་འདས་མཆོད་བྱ་རྒྱུར་ཐག་མི་རིང། མི་རིགས་ཤིག་གི་ཚེ་ཚད་ཆ་ནས་ཧ་ཅང་ཐུང་ངེས་ཡིན།
ང་ཚོས་མུ་མཐུད་དུ་ཞི་རྒོལ་གྱི་རྣམ་འགྱུར་དུ་མ་སྤེལ་དགོས། ང་ཚོས་ང་ཚོ་རང་ལས་བརྒལ་བའི་མཉམ་འབྲེལ་གྱི་ལས་གཞི་རྒྱ་ཆེར་སྤེལ་དགོས།
ད་ལྟ་ང་ཚོས་འཛམ་གླིང་ཉིན་རེ་བཞྀན་མཐོང་གིན་འདུག་ག རང་ཕྱོགས་དང་དྒར་ཕྱོགས་ཀྱི་གནས་བབ་དང་འདི་གཉིས་ཀྱི་གང་ཞིག་གི་མཐུན་རྐྱེན་དང་འགལ་རྐྱེན་ཇེ་ཆེར་འགྲོ་བཞིན་པ་ཤེས་གསལ་རེད། དེ་བས་ང་ཚོས་ཁོ་ཚོས་ཅི་བཤད་ལ་གཏན་ནས་ཉན་མི་འོས། ལྷག་པར་ཡིད་ཆེས་མི་འོས། གཙོ་བོ་ཅི་བྱེད་དང་ཇི་ལྟར་འགྱུར་བཞིན་པའི་ཚུལ་རྟོགས་དགོས།
མཇུག་འབྲས་ཕུན་སུམ་ཚོགས་པ་ཞིག་འོང་བ་ལ་རྒྱུ་རྐྱེན་ཡང་ཕུན་སུམ་ཚོགས་པ་ཞིག་ཚང་དགོས་ལོས་དགོས། དེ་བས་ང་ཚོས་གདེང་ཚོད་ཡོད་པའི་སྒོ་ནས་རེ་བ་བྱེད་ཆོག་པ་དང་ལས་འགུལ་སྤེལ་དགོས་པ་ཞིག་རེད།

ཁ་ནས་བཤད་ན་བདེ་པོ་དང་ལག་ལེན་སྟར་ན་ཁག་པོ་ཡོད།
རྒན་ལྷ་མོས་གང་ལམ་སྟོན་གནང་པ་དེ་ཕྱོགས་སུ་བསྐྱོད་ན་བཟང་བ་ཡོད།
རང་བཙན་ཚང་མ་དགོས་ཡོད། ཡིན་ནས་དབུ་མའི་སྲིད་བྱུས་དེ་གཉིས་སྨན་ཡིན་པར་མགྱོགས་པོ་རག་པ་དེ་ལས་བཟང་བ་སྲིད་བྱུས་མེད་ལ་མ་འོངས་པ་ཡོང་འགྱུར་དཀའ།

དེ་རིང་རྒྱ་ནག་གི་གསར་འགྱུར་འགའ་བལྟས་རྗེས་ངས་དམིགས་བསལ་གྱི་ཚིག་ཁ་ཤས་ཤིག་ཐོས་པ་གཤམ་གསལ།

རྒྱ་ནག་ཐབས་ཕྱོགས་གཅིག་གྱུར་ཁང་གི་འགོ་གཙོ་ཊུ་ཝུ་ཆུན་གྱིས་ཚོགས་འདུ་ཞིག་བསྐོབ་ཚོགས་བྱས་ཏེ་ཁོ་པས་བརྗོད་དོན་་་་་་ང་ཚོའི་ཀྲུང་དབྱངས་ཏང་གིས་དབུ་འཁྲིད་ངོས་ནས་ནམ་ཡང་ཏྰ་ལའི་རུ་ཚོགས་དང་མཉམ་དུ་གྲོས་མོལ་བྱེད་མི་སྲིད་པ་ཞིག་རེད།

ང་ཚོ་དང་ཏྰ་ལའི་རུ་ཚོགས་ཀྱི་འཐབ་རྩོད་ནི་ཡུན་རིང་གི་འཐབ་རྩོད་དང་། རྙོག་འཛིན་གྱི་རང་བཞིན། རྣོ་ངར་ཆེའི་འཐབ་རྩོད་ཅིག་ཡིན་སྟབས། ང་ཚོས་ཐ་གཅིག་ཏུ་འཐབ་རྩོད་བྱས་ཏེ་ཁ་བྲལ་གྱི་བྱ་སྤྱོད་རྣམས་ཕམ་པར་རྒྱོབ་དགོས་་་་། ཞེས་ནན་བཤད་བྱས་སོང་།

ད་ང་ཚོས་བོད་ཀྱི་རྩ་དོན་དེ་ཐབས་ཇུས་གང་འདྲ་ཞིག་གིས་འོག་ནས་གླེང་སློང་བྱེད་དགོས་སམ། ད་དུང་འགྲོ་ལམ་གང་འདྲ་ཞིག་བཙལ་དགོས་སམ། མནོ་བསམ་ཡག་པོ་གཏོང་དགོས་པའི་དུས་ཚོད་ཅིག་རེད་སྙམ།

བློ་བཟང་ལགས། “རྒྱལ་བ་རིན་པོ་ཆེར་དད་པ་མེད་པའི་མི་ཞིག་བོད་མི་ཚོའི་ཁྲོད་དུ་ཡོད་དམ”ཞེས་དྲིས་པས་ན་ངས་ཡོད་ཅེས་ལན་བཏབ་པ་ཙམ་ཡིན། དེ་མི་འོས་སམ།

ད་ཁྱེད་རང་གིས་‘‘ཡིད་བཞིན་ནོར་བུ་ཐུགས་རབ་ཏུ་དགྱེས་ནས་སྐུ་དབང་གསོལ་རས་གནང་བ་ཞིག་རེད་བསམ་གྱིན་ཡོད་དམ་’’ཞེས་པ་དེའི་སྐོར་ལ་བཤད། ༸རྒྱལ་བ་རིན་པོ་ཆེས་སྲིད་དོན་གྱི་ཐུགས་འགན་མི་དམངས་ལ་གནང་འདོད་ཀྱི་ཐུགས་དགོངས་སྔ་མོ་ནས་བཞེས་ཡོད་པ་མ་གཏོགས། གློ་བུར་དུ་རང་བཙན་འཐབ་རྩོད་པ་ཚོས་རྒྱལ་བ་དོན་གྱི་བདག་པོར་གནོན་ཤུགས་སྤྲད་བཞག་པ་ཞིག་མ་རེད། རྒྱལ་བ་རིན་པོ་ཆེས་ཀྱང་‘‘ང་དགའ་བཞིན་སྤྲོ་བཞིན་དུ་བོད་ཀྱི་ཆབ་སྲིད་ཀྱི་འགན་ཆ་ཚང་བོད་མི་མང་ལ་གནང་བ་ཡིན་’’ཞེས་གསུངས་ཡོད་པ་མ་རེད་དམ། ཁྱེད་རང་གིས་ཤེས་དགོས་པ་ནི། ༸རྒྱལ་བ་རིན་པོ་ཆེས་གང་ལ་ཐུགས་ཕམ་གནང་གི་ཡོད་པ་རེད་ཟེར་ན། ངས་བདམས་པའི་ལམ་དབུ་མར་བརྟེན་ནས་བོད་དོན་ལ་འགྱུར་བ་ཞིག་རྩ་ནས་བྱུང་མ་སོང་ཞེས་དང་། བོད་གཞིས་ལུས་མི་མང་གི་སྙིང་ལ་རྒྱ་སྟག་དམར་པོའི་སྡེར་ཕྲེང་འབབ་བཞིན་ཡོད་ཅེས་དང་། དེ་བཞིན་དུ་ང་ཚོ་བོད་ཁ་བ་ཅན་དུ་མགྱོགས་པར་ཕེབས་ཐུབ་ཀྱི་མི་འདུག་དགོངས་བཞིན་ཐུགས་ཕམ་གནང་གི་ཡོད་པ་རེད་བསམ་གྱིན་འདུག

འཇམ་དབྱངས་ནོར་བུ་དང་། ལྷ་བཟང་ཚེ་རིང་། ྐླུ་མཁར་བྱམས་སོགས་ཀྱི་དགོངས་ཚུལ་ངས་ཤེས་བྱུང་། གཏམ་བཤད་དག་ཀྱང་ངས་གོ་བྱུང་། ངས་ཁོང་ཚོའི་དགོངས་ཚུལ་ལ་བསམ་ཤེས་བྱེད་ཐུབ་ཀྱི་འདུག ཡང་། ཉོན་ཨཱ། ང་ལ་མཚོན་ན་ལམ་དབུ་མའི་སྲིད་ཇུས་འདི་ནི་ཆད་མཐའ་དང་རྟག་མཐར་ལྷུང་བའི་གྲུབ་མཐའ་ཞིག་རེད་སྙམ་གྱིན་མེད། ངས་སྲིད་ཇུས་འདི་ལ་གྲུབ་འབྲས་བྱུང་མ་སོང་ཞེས་གླེང་གི་ཡོད། ༸རྒྱལ་བ་རིན་པོ་ཆེས་ཧ་ཅང་གུ་ཡངས་ཀྱི་ཐུགས་དགོངས་རྒྱ་ཆེན་པོ་བཞེས་ནའང་། རྒྱ་ནག་གིས་ཐའེ་ལྦན་རང་བཙན་ཡིན་པ་ཁས་ལེན་དགོས་ཞེས་ཤོད་བཞིན་དུ། བོད་མི་མང་ལ་སྡུག་པོ་གཏོང་གི་ཡོད། ཐ་ན་༸རྒྱལ་བ་རིན་པོ་ཆེར་མཚན་སྨད་ག་འདྲ་ཞིག་བྱས་པ་རེད། དེ་ནས་བོད་ནང་དུ་བསམ་བློ་ཞིག་བཏང་བ་ཡིན། རང་བཙན་གྱི་སྣང་བ་བོད་ཀྱི་རི་གསུམ་རྩེ་དང་། ལུང་གསུམ་མདོ་ལ་ཁྱབ་འདུག རྐྱེན་དེ་ལ་བྱས་ཏེ་རྩོམ་འདི་བྲིས་ཤིང་། ང་ལ་སྙུག་རྩལ་མེད་སྟབས་ཀྱིས་ཚིག་རྩུབ་པོ་རེ་ཟུང་ལག་བར་ནས་ཤོར་ཡོད་སྲིད། དེ་ལ་མཐོལ་ལོ་བཤགས་ཞེས་ྐློག་པ་པོ་ཚོར་ཞུ་རྒྱུ་ཡིན།

ཉིན་འགའི་གོང་དུ། ཁྱེད་རང་གིས་ངེད་ཀྱི་རྩོམ་གྱི་ནང་དོན་ལ་གནམ་ཡིག་ནང་ནས་ཁ་བརྡ་བྱས་པ་ཡིན་བཤད་སོང་། ཁྱེད་ཀྱིས་ངའི་རྩོམ་གྱི་ནང་དོན་ལ་ཁ་བརྡ་བྱས་པ་དྲན་མ་སོང་། ཡང་བསྐྱར་གསལ་བཤད་ བྱེད་རོགས། ཡིན་ནའང་གནམ་ཡིག་ནང་ནས་ངས་གསལ་པོར་ཐོས་པ་ནི། ཁྱེད་རང་གིས་བློ་བཟང་སེང་གེར་ང་ལ་གཞུང་གི་ལས་ཀ་སྤྲད་ཚེ་རྒྱ་གར་དུ་ཡོང་གི་ཡིན་ཞེས་བཤད་པ་དེ་རེད། དེ་རིང་ཡང་། ཁྱེད་ཀྱིས་‘‘གལ་ཏེ་ང་ཚོའི་གཞུང་རང་དང་སྐུ་སྒེར་ཡིག་ཚང་ལྟ་བུར་མཁོ་ནས་སྐད་བཏང་ན་ང་འགྲོ་ཐུབ་ངེས་ཡིན་’’ཞེས་བཤད་སོང་། སྐབས་དེར་ང་ཧ་ལས་སོང་། ཧ་ལས་དགོས་དོན་ནི་ཁྱེད་ལ་ངེས་པར་དུ་བློ་བཟང་སེང་གེས་ལས་ཀ་ཞིག་སྤྲོད་དགོས་པ་དེ་རེད། སྔོན་ཆད་ཁྱོད་ལ་ཐོབ་དང་གོ་ས་ཡོད་པ་རེད། སྤྱི་འཐུས་ཡིན་ཐོག་ཏུ་ནུབ་ཕྱོགས་སུ་ཡོང་བ་རེད། སྤྱི་འཐུས་ཀྱི་ལས་ཀ་དེ་ཁྱོད་ལ་མ་དགོས་པ་རེད། དེ་བཞིན་དུ། ཁྱེད་རང་ས་རཱ་སློབ་གྲྭའི་དགེ་རྒན་ཞིག་རེད། བོད་ཕྲུག་ཚོར་བོད་ཀྱི་རིག་གནས་ཀྱི་སྦྱིན་པ་གཏོང་གཏོང་བ་ལས་ནུབ་ཕྱོགས་ཀྱི་མགོ་སེར་ཚོར་དབྱངས་ཡིག་དང་གསལ་བཤད་སློབ་པར་བྲེལ་བ་རེད། ད་དུང་། ཁྱེད་རང་གིས་རྒྱ་ནག་གི་འཁྱོག་བཤད་ཀྱི་དེབ་དང་ཡིག་ཆ་ཁག་ལ་ལན་འདེབས་བྱེད་འདོད་ཚེ། ཁྱེད་རང་བོད་ཀྱི་རྩོམ་པ་པོ་མཐུན་ཚོགས་ཀྱི་ཚོགས་གཙོ་མ་རེད་དམ། ཁྱེད་ཅག་གི་ལས་འཆར་ནང་དུའང་ལས་གཞི་འདི་ཡོད་སྟབས། ངེས་པར་དུ་ཁྱེད་རང་གཞུང་རང་དང་སྐུ་སྒེར་གང་རུང་ཞིག་ཏུ་འགྲོ་དགོས་དོན་ག་རེ་ཡིན་ནམ་སྙམ་པ་དེ་ཡིན། འདི་ལ་ང་ཡ་མཚར་སོང་། ཡ་མཚར་ནས་བཤད་པ་ཡིན། གཞན་ཁྱེད་རང་ང་དང་བསྡུར་ས་ག་ལ་འགྲོ། ཚིག་གཅིག་གི་ལམ་ནས་བཤད་ན། ང་ནི་གཞི་རིམ་གྱི་མི་ཞིག་རེད།

མཇུག་ཏུ་དོན་དག་གཅིག་རང་བཤད་འདོད་པ་ནི། ངས་ལམ་དབུ་མར་བརྟེན་ནས་བོད་དོན་ལ་གྲུབ་འབྲས་མེད་སྟངས་ནི་རྒྱུ་མཚན་དང་བཅས་ཏེ་བཤད་ཡོད། ཁྱེད་རང་གིས་གྲུབ་འབྲས་ཡོད་ཕྱོགས་ནས་བཤད་དགོས་པར་མ་ཟད། ང་ཚོས་ཡུ་གུར་དང་སོག་པོ་མི་རིགས་གཙོས་པའི་གྲངས་ཉུང་མི་རིགས་ཁག་དང་མཉམ་འབྲེལ་གྱིས་བོད་དོན་བདེན་མཐའ་སེལ་ཐུབ་པར་གདེང་ཚོད་ཡོད་སྟངས་ཀྱི་སྐོར་ལ་བཤད་རོགས། དེར་ངས་རེ་བ་རྒྱག་གི་ཡོད།