རྒྱ་གར་ཌི་ཡཱ་ཝ་ཏི་མོ་ཌི་སྒྱུ་རྩལ་དང་ཤེས་ཡོན་ཐེབས་རྩ་ཁང་གི་འདི་ལོའི་ཆེ་བསྟོད་གཟེངས་རྟཊ་དེ་༧གོང་ས་མཆོག་ལ་ཕུལ་ཡོད་འདུག
ཁ་སང་ཕྱི་ཚེས་ ༢ ཉིན་གྱི་ཕྱི་དྲོ་རྒྱལ་ས་ལྡི་ལིར་རྟེན་གཞི་བྱས་པའི་ཌི་ཡཱ་ཝ་ཏི་མོ་ཌི་སྒྱུ་རྩལ་དང་ཤེས་ཡོན་ཐེབས་རྩ་ཁང་གིས། ད་ལོའི་ཐེབས་རྩ་ཁང་འདིའི་ལོ་འཁོར་ཆེ་བསྟོད་གཟེངས་རྟགས་ (Dayawati Modi Award) ཞེས་པ་དེ་༧གོང་ས་མཆོག་ལ་ཕུལ་ཡོད་འདུག་ལ། དེ་ནི་༧གོང་ས་མཆོག་གིས་སྐུ་ཚེ་ཧྲིལ་པོར་འཛམ་གླིང་ཞི་བདེ་དང་བཟོད་བསྲན། འགྲོ་བ་མིའི་རིན་ཐང་། སྤྱི་ཚོགས་བདེ་དོན་སོགས་ཀྱི་ཐད་མཛད་རྗེས་བླ་མེད་བཞག་པར་ཆེ་བསྟོད་གནང་བ་ཞིག་ཡིན་འདུག
མཛད་སྒོའི་སྟེང་༧གོང་ས་མཆོག་གིས་འགྲོ་བ་མིའི་རིགས་ཀྱི་གཟུགས་པོའི་གྲུབ་ཆའི་ཐོག་བུད་མེད་ཚོར་སྐྱེས་པ་ལས་ལྷག་པའི་བྱམས་བརྩེའི་ཚོར་ཤུགས་ལྡན་ཡོད་སྟབས། གཞུང་གི་མགོ་ཁྲིད་ནང་བུད་མེད་གང་མང་ཐོན་ཐུབ་ཚེ། སྤྱི་ཚོགས་ཀྱི་ཉེན་ཁ་ཆུང་དུ་འགྲོ་ངེས་ཡིན་སྐོར་དང་། རྒྱ་གར་བུད་མེད་ཚོའི་ངོས་ནས་ཁྱིམ་ཚང་དང་རྒྱལ་ཁབ་གཉིས་ཀྱི་འགན་ཡག་པོ་བླངས་ཏེ། བྱམས་བརྩེ་ལྡན་པའི་སྤྱི་ཚོགས་ཤིག་བསྐྲུན་རྒྱུར་ཧུར་བརྩོན་གནང་དགོས་སྐོར་གསུངས་ཡོད། རྒྱ་གར་གྱི་ལྐོག་ཟ་རུལ་སུངས་ཀྱི་གནད་དོན་དང་འབྲེལ་ཏེ། རྒྱ་གར་མང་ཚོགས་ཀྱིས་ལྐོག་ཟ་རུལ་སུངས་ཐོག་དོ་སྣང་ཆེ་ཙམ་བྱ་དགོས་པ་ལས། ལྐོག་ཟ་རུལ་སུངས་བྱེད་པ་དེ་མི་ཚེའི་ཆ་ཤས་ཤིག་རེད་བསམ་ན་ནོར་ཡོད་སྐོར་གྱི་བཀའ་སློབ་སོགས་བསྩལ་ཡོད་འདུག
གཟེངས་རྟགས་དེ་ནི་ཞིང་གཤེགས་དམ་པ་ལྕམ་རའེ་སྦ་ཧ་རྡུར་གུ་ཇར་མལ་མོ་ཌིའི་རྗེས་དྲན་ཆེད། ༡༩༩༤ ལོར་ཐོག་མར་གསར་འཛུགས་གནང་བ་ཞིག་ཡིན་ཞིང་། ད་བར་གཟེངས་རྟགས་འདི་ཡེ་ཤུ་བཙུན་མ་ (Mother Teresa) གཙོས་པའི་གྲགས་ཅན་མི་སྣ་ཁག་ཅིག་ལ་ཕུལ་ཡོད་འདུག
སྒོ་གསུམ་གུས་པ་ཆེན་པོས་ལྷ་ཕྱག་གྲངས་མེད་ཕུལ་ལོ།། ཁྱེད་རང་མེད་ན༌༌༌༌༌༌༌༌༌༌ང་ཚོ།
ནོར་བུའི་ནོར་ཉམས་ཆོད་ན་འདི་འདྲ་ཡིན།
རྒྱ་གར་གྱིས་༧གོང་ས་མཆོག་ལ་ཆེ་བསྟོད་གཟེངས་རྟགས་འདི་ཕུལ་བ་ནི་ང་ཚོ་བོད་མི་མང་གི་གཟི་བརྗེད་དང་དགའ་འོས་པ་ཞིག་ལོས་ཡིན། ང་ཚོ་མི་ལྔ་བཅུའི་རིང་རྒྱ་གར་ལ་སྐྱབས་བཅོལ་དུ་འབྱོར་ནས་རང་དབང་ཐོག་རང་ཉིང་ཀྱིས་འཚོ་བ་སྐྱེལ་རྒྱུ་བྱང་བ་ནི་རྒྱ་གར་གཞུང་བཀའ་དྲིན་ཆེན་པོ་རེད། འདི་ལོར་རྒྱ་གར་གྱིས་ཆེ་བསྟོད་གཟེངས་རྟགས་༧གོང་ས་མཆོག་ལ་ཕུལ་བ་ནི་ཆེ་བསྟོད་གཅིག་རང་མིན་པའི་ང་ཚོ་ལ་རྒྱབ་སྐྱོར་ཡོད་པ་ཞིག་མཚོན་ཐུབ་ཀྱི་འདུག
ཞི་བདེའི་རྒྱལ་ཁབ་ཀྱི་མི་རིགས་ཤིག་གི་ཞི་བདེའི་དབུ་ཁྲིད་ཤིག་ལ་བཟང་རྟགས་གནང་པ་འདི་ནི་༧གོང་ས་མཆོག་ཞི་བདེའི་ལམ་བསྟོན་ཞིག་ཡིན་པ་དངོས་འཛིན་གནང་པ་རེད།
རང་གི་མ་ཡུལ་ལྟ་བུ་ཞི་བདེའི་རྒྱལ་ཁབ་རྒྱ་གར་དབུས་གཞུང་དང་མི་དམངས་ཡོངས་ལ་ནམ་ཡིན་གུས་རྩི་བླ་མེད་གནང་མཁན་ངས་གོ་སྐབས་འདིར་བརྒྱུད་དེ་ཐུགས་རྗེ་ལེགས་གསོའི་ཚུལ་དུ་སེམས་ཀྱིས་ཡི་རངས་ཞུ་བ་དང་། ༧རྒྱལ་དབང་མཆོག་གི་སྐུ་ཚེ་ཡུན་དུ་བརྟན་པའི་སྨོན་ལམ་འདེབས།
ནའོ་བྷེལ་ཞི་བདེས་སྔར་ནས་མ་ཚིམས་པར། །ཨ་རིའི་གྲོས་ཚོགས་གསེར་གྱི་གཟེངས་རྟགས་བཞེས། །དེང་ཡང་རྒྱ་གར་ཆེ་བསྟོད་རྟགས་མ་འཕྲོགས། །ནམ་ཞིག་རྒྱ་ནག་གཟེངས་རྟགས་ལེན་རྒྱུ་ཡིན། །བདག་གི་བླ་མ་བདག་འཛིན་མཐར་ཕྱིན་ནམ། །མིན་ན་བདག་ཉིད་རྟག་ཏུ་རྒྱལ་འདི་མཚར། །
རང་གི་མ་ཡུལ་ལྟ་བུ་ཞི་བདེའི་རྒྱལ་ཁབ་རྒྱ་གར་དབུས་གཞུང་དང་མི་དམངས་ཡོངས་ལ་ནམ་ཡིན་གུས་རྩི་བླ་མེད་གནང་མཁན་ངས་གོ་སྐབས་འདིར་བརྒྱུད་དེ་ཐུགས་རྗེ་ལེགས་གསོའི་ཚུལ་དུ་སེམས་ཀྱིས་ཡི་རངས་ཞུ་བ་དང་། ༧རྒྱལ་དབང་མཆོག་གི་སྐུ་ཚེ་ཡུན་དུ་བརྟན་པའི་སྨོན་ལམ་འདེབས།
༸གོས་ས་མཆོག་ལ་ཆེ་བསྟོད་གཟིངས་རྟག་འབུལ་བ་ལ་དགའ་སྤྲོ་ཤིན་དུ་ཆེ། དེ་དང་ཆབ་ཅིག་༸གོང་ས་མཆོག་ནས་འཛམ་གླིང་སྤྱིའི་མགོན་སྐྱབས་ཆག་བཞིན་པ་རེད། ཡིན་ནའང་ང་ཚོ་བོད་མིའི་རྣམ་གྱི་སྤྱན་རས་གཟིགས་དངོས་ཡིན་པའི་ཡིད་ཆེས་དད་པ་གནང་བཞིན་པ་རེད། བློ་ཕམ་པ་ཞིག་ལ་དེང་སང་བོད་ནས་ཕེབས་མཁན་རྣམ་ལ་རྒྱང་མཇལ་མ་ཏོག་ཕྱག་དབང་ཙམ་ཡང་རག་གི་ཡོད་པ་མ་རེད། གསར་འབྱོར་ཁ་ཤས་བློ་ཕམ་པའི་ངང་ནས་བོད་ལ་ལོག་འགྲོ་ཡི་འདུག བོད་ནང་གནས་པའི་བོད་མི་རྣམ་དངོས་གནས་བསོད་བདེ་དམན་པ་རང་རེད། ཉེ་ཆར་གོང་ས་མཆོག་རྡ་སར་གཏོང་ལེན་ཚོགས་པའི་ནང་སྐུ་འགྲོན་དུ་ཕེབས་ནས་སྤྲང་ཕྲུག་ཚོ་དང་སྐུ་པར་ལྷན་དུ་བསྒྲོན་གནང་འདུག་སྤྲང་ཕྲུག་དེ་ཚོ་བསོད་བདེ་རང་རེད། འབྲེལ་ཡོད་རྣམ་པས་རྗེས་སུ་དགོངས་པ་ཞིག་བཞེས་གནང་ན་ཡག་པོ་འདུག ཕྱི་མིའི་མི་ངོ་ཀྱང་ཀྱང་སྲུང་ན་རྗེས་སུ་གང་འདྲ་ཆག་གི་རེད། ༧གོང་ས་༸སྐྱབས་མགོན་མཆོག་གི་སྐུ་ཚེ་བསྐལ་བརྒྱར་བསྟན་པའི་སྨོན་ལམ་ཞུ།
བདག་ཅག་རྣམས་ཀྱི་དཔྲལ་བའི་མིག་༧ གོང་ས་སྐྱབས་མགོན་མཆོག་གི་སྐུ་ཚེ་བསྐལ་བརྒྱར་བསྟན་པར་སྨོན།
གསར་འགོད་པ་ལགས། རིགས་ལྔ་རེད་དམ། རིམ་ལྔ་རེད།